A hmasain, he post ziak tur hian ka thiam bik vanga ziak pawh ka ni chuang lova. Mi thiam zawkte cho chhuah nana ziak ka duh ve hrim hrim a ni. Naupan laia Baptisma chang tawh ka ni a, ka puitlin hnu pawhin ka chang bawk tih ka sawi hmasa duh a ni.
Hemi chungchangah hi chuan JOhn Calvin hi a sulsutu ber niin a ngaih theih a. John Calvin khan “Institutes of the Christian Religion” tihah khan ‘naupang baptisma’ hi ‘divine institution’ ti hialin a lo sawi a. Chuta a tanfung ber pawh chu ‘ that baptism is for the Christians what circumcision was previously for the Jews ‘ tiin a lo sawi a.
John Calvin hian Baptisma hi chu Pathian fate kan nih theih nana Kohhran chhunga kan luhna pakhat tiin a sawi mai a. Theologian thenkhat erawh chuan Lal Isua ‘Lal leh Chhandamtua’ kan pawm kan lanchhuatirna niin an sawi ve thung.
Hemi vang te pawh hian a ni ang e, missionary hna Mizoten kan thawhnaah hian hnamdangte hian Baptisma hi an ngaipawimawh em em a. Baptisma hi an chang deuh ngei ngei thin a ni.
Baptisma kan tih, English “Baptism” tih atanga kan lak hi Greek tawng “baptizo” tih, chu pawh chu “bapto” tih atanga lakchhawn a ni a. “bapto” tih chu English-a “dip“, Mizo tawnga “hnim/hnimphum” kan tih hi a ni a. Heng hun laia Greek hovin “baptizo/bapto” an hmanna thenkhat han tarlang ila.
1). Aesopa thawnthu ah. “a man dipped (baptizo) tow in oil, bound it to the tail of a fox, and set fire to it“
2) Diodorus, historian(60-30 BC) chuan..”Most of the wild land animals are surrounded by the stream and perish, being submerged (baptized).”
3) Josephus, Pathian thuthiam AD 37 a piang chuan..”The ship being just about to be submerged (baptized).”
Heng huna “baptism/baptizo/bapto” an hmanna hi a tak ngeia hnimphum niin a lang.
Martin Luther, tuia theh-a baptisma chantir thin pawh khan ti hian a sawi a “The term ‘baptism’ is a Greek word; it may be rendered into Latin by ‘mersia’ — when we immerse any thing in water, that it may be entirely covered with water. And though this custom be quite abolished among the generality (for neither do they entirely dip children, but only sprinkle them with a little water), nevertheless they ought to be wholly immersed, and immediately to be drawn out again, for the etymology of the word seems to require it.”
Hetah hian ka kalsan anga, Thu hmawr kaw zau hek hawk takin.. A chhin mawi takin misual mithiam ho khan han suih mum teh ang u.
Similar Posts:
- The Baptism Site of Jesus Christ
- USA-a Mormon kohhran-in Mahatma Gandhi “baptisma” chantir
- Baptizo nge Rantizo?
- Tu hminga Baptis tur nge?
- Pathian Chhandamna Ropui Hi
Lairil a fan ngawih ngawih e. Ni e...
Mite...
May 5th, 2011 at 5:06 pm
Kum reiloteah (tui) a ena en a baptisma chante hi an chin hmel hle tawh mai a
Report this comment
May 5th, 2011 at 5:42 pm
@thoimoia, nia i ngaihdan chu dik ve tiu teu hle mai.. Mitmu kherchhuah tih vel phei chu a ngamlo ber ber ka ni awm e.
Mahse, zawhna ka zawt ang che. Chutia a baptisma thupek ka ngaihpawimawh avanga min rawn kheng anih chuan Lalpa zanriah sacrament te hi ti vel lo law law mai dawn em ni..a thu te zawm vek a trul lo i tih chuan a thupek zawm lo law law zawk hi a hahdamthlak zawk lawng maw?
Report this comment
May 5th, 2011 at 5:46 pm
@benny, Bible an ziah lai huna “baptisma” an sawi ka rawn dahchuah a, grik tawng ho khi chuan nu tui chu a va kawk lo si em??..Nge ka theologian thulakna te hi an dik lo zawk ang oo??
Tin, ka zawhna tak zawk chu..hnimphum leh phum loh ai mahin
Nausen baptisma chantir hi nge chhia leh thra an hriat hnua baptisma chan hi tha zawk ang tih a ni?.
Baptisma awmzia ka rawn dah te khi chu Baptisma awmzia tichiang tur maia ka tih a ni e.
Report this comment
May 5th, 2011 at 9:58 pm
@tatrawta,a ni khawp mai tiraw, a awlsam zawnga kal mai pawh a hlauhawm e.I zawhna tak @103 ah hi chuan baptisma a hi a pawimawhber anilo a,nausen pawh nise a chan leh chan loh ai mahin Lalpa thuneihnaah dah ila,mihring ngaihdan hi Lalpa thu lakna tur ani lo a.Chhia leh thra hriathnuah erawh chuan Lalpan thinlung lam ani a en ni. Mahse,kan awmna pawl tihdan apiang hi zawm a thra e.Mahse, denomination hrangte tihdan hi a diklo keini tihdan a dik tih chiah erawh ka ngailo..mai nilo in at thlak ka ti.
Report this comment
May 5th, 2011 at 11:53 pm
Hnimphum emaw thlawr emaw pawh nise enge inhnialna tur awm ? Ringtu chhinchhiahna atana kan hman a ni a.Naupan laia chan leh puitlin hnua chan pawh Chunglam khian a pawm vek ngei ang.
Ringtharte chu tar an ni emaw nausen an ni emaw Baptisma kan chantir thin, a chhan chu Lal Isua an lo rin tak avanga Ringtu an nih chhinchhiahna atan.
Inhnial pawtawkna atana hman fo mai hi a thalo. A dik leh a dikloh thuah thutlukna siam thei tumah kan awmlo.
Kohhran leh Kohhran inhnialna bang theilo tur thilte, hnam leh hnam inhnialna kaitho thei thilte. Zoram chhim leh hmar inep theihna tur thilte hi POST fo tawhlo ang u. Mizo tlemte te inngeihlohna chawkchhuak thei a nih i hre nawn leh teh ang u.
Report this comment
May 6th, 2011 at 2:10 am
He post hi tha tihna pahnih ka nei a.
1) Baptist,UPC etc hian nausen Baptisma hi dik lo viau anga kan ngaihna ringawt hi a dik bik lo. Sawi fiahna tha tak a awm nual.
2) Presbyterian lam hian nausen baptisma chungchang leh thurin hi awmze nei deuhin kohhran mite zir tir thin se tha ka ti khawp mai(zirtir thin a nih chuan a lawmawm lutuk). Thurin chungchanga doubt hi anlo awm leh zeuh thin. He post pawh hian mi pakhat hnih tal chu a pui ngei ang.
Presbyterian, Baptist , UPC ,Catholic te hi a tha vek,mahse Isua Krista hnungzui nana tha kan tih ber kan thlang thei thung.
Report this comment
May 6th, 2011 at 2:18 am
@krista dap dap chu.. he comment hi ka nghahna a va rei tawh emm….
Report this comment
May 6th, 2011 at 2:21 am
tatrawt ka lawmpui a che, rlpa i chochhuak e.
Report this comment
May 6th, 2011 at 2:27 am
@ozima, tuge chu2..
Report this comment
May 6th, 2011 at 2:36 am
tatrawt in inhre viau emaw ka tia, Baptist pachal ve ve te chu ….
Krista hi maw le…….. LLi khua i nih phei chuan BHSS nau fel a nih hi…… a kum a phu lova puitling ren mai. a tawngka atang ngawt phei chuan muantea te rual a mawi a ni.
Report this comment
May 6th, 2011 at 2:48 am
@ozima.chuvang nih chu pu muantea a rawn lan chuan a bibo ve ziah ka tih..
Report this comment
May 6th, 2011 at 2:58 am
tatrawt: jubili lawm naah ruai theh ve an phal lovang tih a hlau a niang…..
tunah chuan khitah khiatah a zir tawh a.
Report this comment
May 6th, 2011 at 4:49 pm
Mizo Bible letlingtute hian BAPTIZO hi baptisma tiin an letling duh chauh va, HNIM PIL tiin an letling ngam lo. RINGTU BAPTISMA (sim ngai hmasa)-ah hian RINNA CHELEK HMAN LO Nausen lu chunga tuithlawr chelek an awm ve tak tlat avangin!
Report this comment
May 6th, 2011 at 9:10 pm
@ chawnghilh, i thusawi chu thenkhat tan chuan a va kha duh awm khalh khalh ve…nang nge nge, i thu hi a puitling thei bik riau a ni.
Report this comment
May 6th, 2011 at 9:28 pm
Baptisma hi kan kohhran hian kan sawi nasa bawk a, mi zawng zawng hian kan rindan hi an hre vek tawh!! sawi tawh loh tur ani. Kan ti hlu lo zo vek!
Report this comment