Health Minister hlui Pu R.Tlanghmingthanga chuan a hun laia Health Care Society sum chingpen anga puhnaah thubuai siamsak a nih hnu thla 7 ah pawh, chargesheet a la nih loh avangin khawi laiah nge thil a tih dikloh tih hre turin Anti Corruption Bureau te’n an ‘charge’ na lai tak a la hre rih lo tih ZALEN a hrilh.
Bajaj Alliance-a Health Care Society sum dahpun tura cheng vaibelchhe 10 dah chu sorkar pawisa ni lovin, Health Care Society sum a ni, Health Minister hlui chuan a ti a. Hetih lai hian ACB lamin thubuai an siamsak chhan chu Misappropriation of Government Money (sorkar sum hman dikloh) tih a ni thung, a ti.
Bajaj Alliance-a sum dah a nih danah thil diklo a awm loh thu leh cheng vaibelchhe 10 dah a nihnaah, a principal leh a pung zawng zawngte pawh Society sum vek tura tih a ni a, a hming tumtu ten an ziakna pawh a awm thlap thu leh, hei hi ACB lam chuan duhkhawp lovin Pune lamah original copy an dil nia a hriat thu te, hei hi tunah an kawl thlap tawh nia a hriat thu a sawi bawk.
Society sum atan hian MNF sorkarin Plan sum atangin cheng vaibelchhe 50 a ruahman thu te, mirethei ten an damloh nikhuaa inenkawlna pawisa an bill theihna tura buaipuitu, Reliance Company hnena pek cheng vaibelchhe 28 bakah, a la chuang cheng vaibelchhe 22 atangin vaibelchhe 20 chu sorkar sum hman ngai kher lova kalpui zel a nih theih nan he ruahmanna hi siam a ni, a ti a. Vaibelchhe 2 chu Society lamin tul leh pawimawha a hman zui tura dah nia hriat a ni.
Financial Rules lam thiamte berawn thlapin, ngun taka ngaihtuah a nih hnu-ah tender te kovin Bajaj Alliance-a dah hi remtih a ni, Health Minister hlui chuan a ti a. Sorkar pawisa dahpun theih a nih loh avangin, Society siama sorkar pawisa ni lova chantir a nih thu leh, hei hi thil diklo a nih chuan Society-a dah tura thutlukna siamtute kha an ‘charge’ mai turah ka ngai, a ti.
Bajaj Alliance-a sum dahte hi kum thum chhung atan, kum thum a tlin hma chuan lak chhuah theih loh (lock) a ni a, October ni 5, 2009 thleng khan vaibelchhe 10 punna hi vaibelchhe 4.32 a tling tawh tih sawiin, tunah chuan vaibelchhe 5 vel tling tawh hiala an rin thu an sawi a ni, a ti a. Nakkum November/December-ah chuan a lakchhuah theih tawh dawn niin a sawi.
MNF sorkar chuan miretheite dinhmun hriain BPL ah Rs.100 leh a dangah Rs.200 la in, kum khatah cheng nuai 1 thlenga bill theih tura tih a ni a. Natna khirh zualah phei chuan cheng nuai 3 thlenga bill theih tura tih a nih thu Health Minister hlui hian a sawi a. MNF an sorkar leh hunah an chhunzawm leh dawn tih a sawi bawk.
MSHCS-in cheng vaibelchhe 10, mi hrang hrang ‘life’ an ‘insure’ sak chungchang leh a kaihhnawihte chhuichian a nih theih nan 13.4.2009 khan Prism chuan ACB-ah FIR an thehlut a. Hei hi ACB ten bawhzuiin khatih laia health minister bakah Bajaj-a dahnaah hian a hming tumtu, a vua leh vangte bakah health care society-a official thenkhat chu thubuai siamsak an niin, anticipatory bail an dilna pawh Court chuan a phalsak tawh a, thubuai siamsak an nih atangin thla 7 dawn a liam leh tawh a ni.
Health Care Society sum cheng vaibelchhe 10 dah chungchangah hian a hming tumtu mi 14 te thubuai siamsak an ni a, August 21, 2009 khan thubuai nei zawng zawngte hi Court chuan bail an dilna a lo phalsak tawh a ni.
Hetih lai hian Mizoram sorkar thar chuan Health Care Scheme thar chu kumin April thla atanga kalpui turin ruahmanna a siam mek niin thu kan dawng.
Similar Posts:
- Health Care Si-kim
- Health Care Scam rapthlak
- Department sum Chiahpuama dahtute Judicial Magistrate-in thiam a chantir
- Kum 2011-2012 Mizoram Annual Plan
- Health dept sum bo House-ah an khel
January 24th, 2010 at 12:49 pm
Han sawi hmasa teh un…. ka 1st chak lo e….. hehe
Report this comment
January 24th, 2010 at 1:00 pm
He thil hi an bawhzui ta miah lo emaw ni le. In tihmualpho tumna mai2 lek hi a niang a!
Report this comment
January 24th, 2010 at 1:06 pm
Hetiang hian a zuzi leh ka ring reng a! thla 7 chhungte chuan phatna duh tawk an hmu hman ang chu, contact neih that phei chuan! Hnar hnuaiah phatna a bo lo an tih kha le…. In tih mualpho duhna a nih ka ring lo, eng emaw tak hriat an nei a ni ngei ang
Report this comment
January 24th, 2010 at 1:10 pm
Thil tih sual engmah an lo nei reng reng hlei nem mawle a fate zawng zawng nen khan..mak thei ngei !!
Report this comment
January 24th, 2010 at 1:21 pm
Sorkar sum ani ringawt lo a, anihna takah chuan mipui sum ani. Heng sum lo chheprelhtute hi an huatthlalaawm mma, intih mualpho tumna avang emaw, political career intih chhiat sak tum vang emaw, engvang pawh niraw sek2, man/ haichhuaha tih mualpho annih theihna anih phwt chuan inchhui sela, inveh sela, atha vek e. Chuti lo zawngin kan inmanchhuak tak2 hlei lawng e.
Report this comment
January 24th, 2010 at 1:34 pm
He thil hi Rev. Chanchinmawia thih chhan hmawr an bawk ang khan a hmawr a bawk ve tih a hlauhawm khawp mai :sad: a nih vaih chuan Mizoram mipui tam zawk kan lung a awi ngai lovang a, kan theigngilh bawk hek lovang!
Report this comment
January 24th, 2010 at 1:44 pm
Heti hian thu hi a kal a kal anga an sawrkar hun a lo thlen leh meuh chuan ‘case closed’ system an la hmang ve lovang tih tunge sawi thei?? Kan pu Hawla meuh pawh Rev.Zairema leh pu Bualhranga te meuh in thubuai an han siam sak pawh in an sawrkar hun a thlen meuh chuan court a inlan chu sawi loh a aiawh a tir vel mai mai tawh ani vel mai mai hi maw…
Report this comment
January 24th, 2010 at 2:30 pm
Hetiang thil vang hian alawm Zoram kan dinchhuah theihloh ni.
Report this comment
January 24th, 2010 at 2:36 pm
Ngaihtuah a hun tawh reng ani mipui sum tam tak hi a chingpen fo mai hi chu a chi loh ani ber mai.Mi thil ho te ru te chu an chhui zui thuai 2 a a sorkhar sum tam tham erawh an ngaipawimawh lo zawk tlat a nih hi maw le
Report this comment
January 24th, 2010 at 3:57 pm
Mipui pawisa ‘KHAU’(hindi..eh)ching kan tam a niang!Kan eiru a nih pawh hian chan vo nei in,enge maw zat tal hi chu insem tlang dial2 ila zia deuh tur!Kan ngawi hmaks duh mai thei a sin!!…lol
Report this comment
January 24th, 2010 at 5:37 pm
A thinrimthlak anih hi. Hetia a thei ten insawifel leh theih dan awma an hriat phot chuan mipui sum an mahni hlawk nana an ei duh hi! Contract hna emaw dept hna ani emaw a chhe em em vek mai a, sum senral anga ziah a tam thei si.
Report this comment
January 24th, 2010 at 6:15 pm
Thil tha lo titute avângin intilungngai duh suh la. Fel lo taka tite chu awt hek suh. Hlobet angin ah thlukin an awm thuai ang a, Hnim hring angin an la vuai dawn si a.
A dik tawh thin.. A la dik zel ngei ang le…
Report this comment
January 24th, 2010 at 8:21 pm
Aw…mizo mipui te hi chu kan lo va thra tak em! Nge kan dawih vang zawk aw? Hetiang te hi hmun threnkhatah chuan nise a mawhphurtu ber chu a tum loh lutukin a thal hawl hawl tawh ang mawle… A in te hi security check gate in a hual trup tawh ngei ang..aaa..kan fel vang anilo, kan dawih a, thudik tran tumna lama tuar bik ni kan hlau a, hma kan la ngam lo a, kan sepui ruah do tlawk2 a, chumi hriain a thei te’n kan thau thra zawng2 min ei zawh sak mek anih hi…
Report this comment
January 24th, 2010 at 8:38 pm
talkman; kan la mawl lutuk vang.
Report this comment
January 24th, 2010 at 8:47 pm
Ukil senior pa 1 sawi danin,”ACB hian Ex Mins te chhung hi ansualna an hmulo a nih chuan final report(FR) court ah an thehlut ang, anla thehluh loh chuan anla chhui mek tihna,engemaw vang a, a lo muan deuh pawhin FR anla submit loh chuan a la zuzi lo tihna” a tia lawm..
Report this comment
January 24th, 2010 at 9:03 pm
Corruption sawi hi kan mamawh tawh lo (sarcasm).Hremna hi kan sawi hunin ka hria. Mizoramah mumal takin hrem an awm meuh ngai em aw. Kan thianpa pakhat chuan, hrem tuar chu, mawl fal deuh a niang tiin a sawi fiamthu zauh pek.
Investigation neih mek a nih hmel..! investigation ti mek tute pawh cho let der thar thar ngam khawp a, a cholet pawh hian thuneitute image leh hnathawh dan vel tawk a tilang tawk hlein ka hria.
Hremna tak tak awm si lo, corruption sawi reng mai hi awmzia awm vak tawh lo ten ka hre vel. Entirnan, Jail bang an zut kher lo anih pawhin pawisa rul tir or an pawisa eiruk zat an property confiscate hmiah mai tur a ni lawm ni.
Tun ang zela kan awm a nih chuan, tlema midang care lemlo chuan eiruk zel an tum ang chu. Eiruk hi a nuam em alawm….!
Report this comment
January 24th, 2010 at 9:07 pm
Tin, ringtu tha vek kan nia, kan inngaidam fel leh diam mai ang.
Report this comment
January 24th, 2010 at 9:16 pm
Ni ngawt mai, roreltute pawh hian personally in eirute hi chu anhre khawp ang,mahse DAN ang a rorel a ngaisi, witnesses an han ko anga, kal thra duh lo sawi thra leh duhlo/hmanlo vel emaw kha an awm leh anga an private sum eiruksak ni awm takin anlo ngaidam ve leh ringawt anga.. MIZO kan la tlem si, han sawi han sawi chuan prosecution witness te pawh kha ‘Chhungte’ kanlo ni tlang leh zel a, chhung leh khat te chhiat nan tunge witness ni duh ang…
Report this comment
January 24th, 2010 at 9:56 pm
Nia heng kanram hmangaih tuintite hian insawithiam kawng hrang2 in tumthin mahsela thil engpawh ah hian insawifiah a ngaih thina nihchuan fiahtawklo thil a awmzia tilang tuani mai ani heilei roreltutechu bumthei mahsela SUAL ngaidama pawmzam ngailo PATHIAN kan neia lawm kan PATHIAN hian misual simte chua ngaidam thina mahse simlo techu an thiltihsual angzela rorel saktur a ni leimihring ten andik leh dikloh kan hriat theih dan turchu pu tlanghmingthanga rahah(achhung kua)a langchiang maiang tihhi keichu ka ring tlat a ni
Report this comment
January 24th, 2010 at 10:29 pm
Health Care hi chhunzawm leh keuh sela, recognised hospital phailam ami pohin an harsat pui hle ani tih report ka dawng. Chutih laiin kan in refer a tawp silo, mahni sum hman lawk tur neilo tan chuan phai pan ai chuan tihian ral riai riai mai ang an ti mek anih tak hi le.
health care chhunzawm loh hi mipuiin an haw zawk trep niin ka hre ve tlat kei misual hian
Report this comment
January 24th, 2010 at 11:43 pm
Thil engkim hi vanramah a la chiang dawn si a. Mizo-pa rilru nen hi chuan a inmil lo thin a nia.
An Sorkar lai khan eng(power) kan nei tha ang reng em a. A tha viau tho. Famkim lo hian famkimlo vek hi hmuh famkim kan tum thin hian sawi leh nawi a titam duh a nih hi!
Report this comment
January 24th, 2010 at 11:48 pm
OT : Lunglei-ah Western Union a awm ve em? Thil pawimawh leh hmanhmawh thilah ka han zawt chawih!
Report this comment
January 24th, 2010 at 11:51 pm
Pu Mapui, i la mu bik nange?
Report this comment