“Ka tum vang reng pawh ni lovin, ka rilru-ah a riak tlat mai a. Tihngaihna tak chu ka hre bawk si lo. Ka mu thei lova, ka tawngtaisak leh ringawt thin a,” ti a ka thiannu thusawi chuan ka beng a hawlh zak mai. Keipawhin tih vak ngaihna ka hre lova. Mahse, Child welfare lam pang mi leh sa lo hria in awm mial chuan in lo hrilh dawn nia.
Amah chu hmeichhe naupang kum 4 pawh la tling tha thum lo a ni a. A nu awm khawloh avangin a nu leh pa an inthen a, A pa chuan tihngaihna a hriat vak loh vang nge ni, a enkawl peih lo zawk? A enkawl that zawk beiseiin a farnu kutah a dah ve leh chhawng a, Chu erawh chu he naupang vanduaina khua lo sei phahna a ni ta zawk a ni.
“Ka nu in min vaw fo thin a, a bulah ka awm duh lo,” tih chu naupangin a zawttu zawhna chhanna a ni. Mahse atan chuan engtizawng pawhin khua a thim tho mai. Pawna a thu mai mai pawh engkhaw sawi set set lo a, a chhipsama tham luh lawp lawp a nih hnuah a thum dawt dawt zui a, an inbula tlangval pakhat phei chu a tlan lut ringawt, mahse, “Lo inrawlh suh,” tih chu a chhanna va hmuh chhun chu a ni. Naupangin, “Ka hlau la kal suh,” a tih lawm lawm pawh chu hmu thei lovin, a kea an vuakna vung leh chhuata an vuakna phelsep leh hmunphiah darh neih nuaih chu a rawn tlanchhuahsan leh ringawt mai a ni.
He naupang nitin khawvel chu hetiang ringawt hian a inher vela, engtikah nge kutthak ka tawrh leh ang tih chu a ngaihtuahna luahtu a ni ber tawh a, A mal leh chawn vual tet tut piah lam a, vung duk cher churte chuan damni hmel an hmuh hmain a a belhchhahna tur talhfiak a hmachhawn leh zel si a. Heti taka naupang pawisawilo sawisa ta mai chu, a Ni hian eng rilru nge a put ang le.
Mahni thisen zawmpui ngeite chunga heti taka hleilen thei mai chu a awihawm loh rum rum hial zawk a, mita hmu vetu tan lo phei chuan awihawm loh rum rum theih hial zawk a ni. Mahse a tak a ni tlat si. Computer hmaa keini ho hlim taka kan thut mek lai pawh hian he tiang thil hi kan chheh velah a thleng fo thin a lo ni.
Nu hmangaihna ang chhunga duat taka pawm la thlahlel ngawih ngawih si khan, nileng zankhuaa hlau thlabara awm mai piah lamah, mahnia thuthleng seia riah zantin mai chu a chan tawk a ni si a. A zan harh changa duattak lo chul mu leh tur tur kut thlamuanawm tak chu a thlahlel ve ngei dawn si a. Ka rilru a tinaa, ka mang a ti ang a, engtia tih mai ngaihna lah chu ka hre bik der si lo.
Kha naupang tak kha aw, Nu leh Pa inthen hi chu a pawiteh e. A tuar lo tur zawk rilru thianghlim tak tak naupangin a tuar chu a ni si a.
He naupang awmna hmun hrechiang duh chuan mizo[at]live[dot]in ah min rawn contact mai dawn nia.
Similar Posts:
- Broken Pieces
- Naupang enkawl chungchang
- Hringnun….
- Mizo Tlangvalte hian Child Support pe ve ta ila
- In dam tlang em?
May 16th, 2009 at 6:51 pm
Mizo: I thinpa i sawi hian an dinhmun observe tawp lo deuhin enge a vuakna chhan etc vel zawt chiang ve reng reng se. Tin, naupang thununna tur ni lem lo, nasa lutuka sawisak (abuse/violence) hi dan kalh a nih dan leh police man theih a nih dan pawh sawi ngei chi a ni. Mizoramah dan kan hre lo tih hi dik viau zel mai. Naupang chunga pawikhawihna hi kum 2005 atang Jan 2009 thleng khan case 731 a awm tawh a ni.
Tih awm tak te:
1) Tihtur tha ber erawh, an khua/veng i rawn tarlang chiah lova. Engpawhnise, Child Welfare Committee,. C/o Superintendent RITC Office Zarkawt, Aizawl. Contact No.2341422. ah rang taka report mai tur a ni. An mahni hnuaiah hian tuna i rawn sawi hi Juvenile Justice Board
ah report theih a ni.
2) Khawtlang pawl veng tinah kan nei a, hetiang hi veng mualphona a ni. CHuvangin, eng khawtlang pawl mahin an duh lovang. Thil awmzia hi khawlang pawl hruaitu hnenah hrilh mai tur a ni. MHIP emaw YMA….Tin, MHIP ngat phei chu, hetiang case report zel turin thu an rawn reng reng zawk a ni.
Awm hmuna in khawngaih kur chiam hi kan ching. Heng ai chuan, tanpuina kawng hi rang taka zawn hian heng naupang hi kan chhanchhuak thei zawk a ni. A rang thei berin MHIP kaltlangin emaw lo report ngei ngei tur ka ngen ve che a ni e. Heihi i ti hreh anih chuan, he naupang dinhmun hi (tlema information rintlak) min rawn pe la, nangmah ngeiin Child Welfare Committee hi i lo guide/thuhretui nih theih bawk dawn chuan, ka lo contact ang.
Report this comment
May 16th, 2009 at 6:59 pm
@Epistemology, A lawmawm hle mai. He naupang hi zilhna a tana hrem leh vuak chu ni ringawt se chuan han ngaihven leh han khawngaiha han tihvak a tul lo ang. Mahse, kutthak hnawihna atan a Ni hian a hmang a ni ringawt a, An thenawm hnaivaite hi an chiangkuang lo deuh nge chu ka hre lo a. An inluahna Nu pawhin, tlangval va kal hnenah khan, “Zanah an vaw leh hrep tho ang, ngaihven duh suh,” tih chu an comment a ni.
Chanchin ka hriat hnuhnun berah vawiin khan, an inbula dawr nei naupang-ten an khawngaiha an lo bual a, a chawn mai bakah a dar lam thlengin a vual tet tut a ni awm e. A Ni chu an bual laiin a rawn kal a, Nizan chu sweet ka’n pe leh hlak a nih kha a ti duh chauh mai. Chanchin kimchang zawkin lo ngaihven ka tum zel ang.
Report this comment
May 16th, 2009 at 7:01 pm
Ka van lainat ve o…ka fa angah ka dahchhin a, ka hnuk a ulh…
Report this comment
May 16th, 2009 at 7:04 pm
Ka van lainat ve o…ka fa angah ka dahchhin a, ka hnuk a ulh…keipoh phak toka tang turin ka inpeih..ramarpa@yahoo.com ah information kimchang ka lo nghak e..
Report this comment
May 16th, 2009 at 7:06 pm
A Ni te hi an rethei viau in naupang hi an huphurh em maw ni dawn chu le?? chuti taka mahni thisen zawmpui han vuak theih mai chu, a va khawngaihthlak reuh ve mole,@ Mizo Pu.Epis-a sawi ang khian hma lo la thuai thuai teh, hriatchian ka chak ka rawn mail ang che
Report this comment
May 16th, 2009 at 7:06 pm
Okay… Naktukah chiangkuang deuhin ka va enfiah leh anga, naupang dinhmun diktak leh a tul tul te, tichuan chanchin ka rawn hrilh leh dawn che u a nia… An address kimchang pawh a beizui huam in awm chuan ka rawn hrilh ang che u.
Report this comment
May 16th, 2009 at 8:18 pm
Tiang a naupang sawisak ching khi an awm thin a lawm, Han zawt chiang teh Mizo, chu tlangval pawh chuan child welfare hnenah a testify duh maithei a sin. A khawngaihthlak hmel hle mai.
Report this comment
May 16th, 2009 at 8:23 pm
Police ah report vat chi anih hi, tichuan a hre turin a hrem anga naupang poh hi danin a enkael tu tur a ruat mai ang chu.
Report this comment
May 16th, 2009 at 8:24 pm
@mizo tah poh hian info ngaichang e… ramarpa@rediffmail.com
Report this comment
May 16th, 2009 at 8:25 pm
Mizo@ i titha hle mai, Misual community hian he thil ah hian hma la ila, engemaw ti zawng in thil tha a chhuah ka ring tlat.
Report this comment
May 16th, 2009 at 8:25 pm
Nia a chanchin chu va hre chiang vat teh, ka khawngaih luttuk!! A rilru insecure luttuk tur, eng tik ah nge min vuak leh ang tih ringawt a ngaihtuah tur te khi ka hnuk a ti ulh dawn tlat!
Report this comment
May 16th, 2009 at 8:26 pm
ka va khawngaih e aw
Report this comment
May 16th, 2009 at 8:28 pm
Naupang a tul lova kutthlak ching hi chu chhut ve bur mai a chakawm thin. @Mizo, nangman i hre bawk a, tanpui teh, @epi’ pawn tihdan kawng a sawi khi.
Report this comment
May 16th, 2009 at 9:04 pm
naupang hrim2 hi kan ti duhdah thei lutuk a a tha lo khawp mai. KAN FOOTBALL FIELD NEIH VE TE HI NAUPANG HIAN AN CHANG LO HRIM2 HI ANI RINGAWT. Kum 16-17 kan nih hma kha chuan field chhung ah khan kan khel ve ngam lo hrim2. Hnamdang sap, vai, etc ho te chuan an naupang tet atang uluk takin coach te nen an in train trak2 ania keini ve chu kan naupang te ball kan chhar tir vel mai2 thrin.
Naupang velh leh tirh kual hi kan hrat lutuk bawk. Kan naupang lai in phai ah kan awm ve a kan u leh senior te khan min Bully nasa thei lutuk. Pheikhawk min nawh tir thul, kawr min suk tir thul, a thren phei chu proxyvon te pawh an lei tir thin. Hetiang hi keima experience chauh ni lovin midang tam tak pawh in sawi tur an nei ve tho thrin.
In Bully hi a zahthlak ani tih te hi nursery an nih atang kan naupang te hi zirtir ve tawh ila chutichuan kan changkang phah sawt in ka ring. Kan sports magazine, article, etc ah te pawh hian kan naupang te hi field a khelh tir ve tawh tur hian in fuih ila a tha viau ang … te ka lo ti mai2 a ;).
Report this comment
May 17th, 2009 at 1:33 am
A va sualthlak mai mai ve aw..hetiang deuh hlek hi kan thrianpa pawn a sawi thrin a,tunlai sanah hetianga mahni fa nih loh vanga tihduhdah hi an chin tawh loh nen a maw..chu naupang chu ka va khawngaih kher ve le…
Report this comment
May 17th, 2009 at 3:29 am
Mahni fa ngei ngei pawh dimdawihna tel hauh lova, sawisa hrep hrep duh an awm fo. A bik takin mipa aiin hmeichhia lamah a hluar lehzualin ka hria. Hetianga nun khaw thim taka awm, thlavang hauhtu nei hlei thei lo naupang hian a siamtu siam chhan pianpui chanvo dik tak a lo neih theih nan, theihtawp chhuahpui a va tha ve.
Report this comment
May 17th, 2009 at 3:52 am
a rang thei ang ber a Police hnen a report mai chi a nih hmel ve, ram changkang ah chuan an thenawm ten an report sak mai thin, a Ni chu man ngei ngei chi a ni, a reng reng in Mizoram ah hian in vuak hi a hluar em em mai hi a zah thlak ka ti, a bik takin SCHOOL ah, ram changkang chu ni se Jail bang zut tur an tam ngei mai, kum 3 kal ta ah khan Aizawl veng lai li tak a School 1 ah chuan Teacher 1 in naupang 1 bengdar pawp hawk khawpin a beng a, mahse a nu leh pa ten an la ngai dam zui a, ram changkang chu ni se jail a tang rei khawp ang, hei lo pawh hi ka hre teuh mai ka sawi vek lo mai ang, Hostel tha tak ni awm a mipui ten a an ngaih ah pawh naupang mutna chu khum tawite ke pawh thluan theih lohna awm, a makin a va rapthlak em nu leh pa ten pawisa tam tak chawiin an fate an dah ve tawk tawk si a maw, a pawi ka va ti em, ka vahnu pawh chu school atang a, thi lo a ruang a chhuak a ni e.sawrkar hian hetiang kawng ah hian hma la se ka va ti em, NAUPANG TE HI PANGPAR MAWI TAK ANG AN NI A SIN, TU MA PAWI AN SAWI NGAI LO, THUDIK TAN TLAT MI AN NI BAWK.
Report this comment
May 17th, 2009 at 9:26 am
Naupang kut thlak hrim hrim adiklo a, chumi piah lam ah naupang vanduai hmangaih leh duat tak a enkawl awm tak; tih duhdah nghaisak a tuar anih chuan, puih theih a chak awm hle mai.
Rawtna: Misual a lut thin hi kan tam ta thiltha tih pawh kan duh tlangin ka hria, Misual foundation hi din ila tiang a mi chan hai leh rethei zawkte kan hriat hi puih dan zawng ang u hmiang, misual rual avang a mi pakhat tal in a din hmun alo siam theih hlauh chuan a tha dawn em mai.
Kan naupan lai ti ila, te reuh te kan nih laiin thingtlang khaw pa khat ah kan awm a, kan khaw then awm a h nula ve uai tawh pa khat hi anu hrawnin a sawisa hlum hi ani ber a , kha naupang kha kan u te rual hi ani a, tun thleng hian ka mittha ah ala cham thin ka ngaihtuah chhuak fo mai..
Report this comment
May 17th, 2009 at 12:14 pm
ka chhiar a i thu ziah chuan ka hnuk a ti ulh teuh mai ka ti… a thei chuan han tanpui teh uuu
Report this comment
May 17th, 2009 at 12:26 pm
An sawi ang khian, police anih loh pohin Child Welfare emaw,khawtlang hruaitute emaw hnena thlena a naupang chu chhan vat chi ani. A hnai deuhva awm chu khawngaihin lo che vat teh u khai, enliam mai2 chi ani love, a khawngaihthlak lutuk.
Report this comment
May 18th, 2009 at 12:21 am
a va khawngaih thlak om ve le mo le!!!!
tunah hian ka bulah naupang pakhat a om a,
chuchuan hla pakhat “ka naupan laiin ka nu’n min vaw thin” tih hi a ron sa thut maia. ka thil chhiar lai nen hian a in hmeh khop mai. ka han ngaih tuah chian a ka han chhiar chian hian a khaw ngaih thlak om telh2 mai.
kan naupan lai (ti ve khanglang i la) chuan kan pa ten min vaw ve thin mahse chu chu kan tan a tha turin mahse he naupang khawngaih thlak om tak hi chu a ni ve si lo mo…
va han khawngaih thlak chung chuang bik em…..
Report this comment
May 18th, 2009 at 9:22 am
An then awm te poh chu an va ngawi thei ve a?Chhan theih hun laia chhan anih loh chuan sawisak hlum anih hun ah chauh police beng a thleng leh anga…..???
An veng VCP poh in khawtlang tih mualpho na angah ngai selang…Warning te pe maise…
@Mizo….a hre chiangtu inih hmel boka,a chunga an lo tar lan ang khian tan han la phot teh…..a nih loh leh an then awm tlangval chu confide deuh angai nih hmel!!!
Report this comment
May 18th, 2009 at 10:29 am
Nuhrawn Hrik en an lo ti thin reng a, an keu na sawk sawk viau ni maw… a pawi ngawt mai, thihna vang a nupa trangthren mah a nat vei nen, Thanga Jongte hla a mi Famlova dairial inchan a remlo..a remlo. ti thei vek ni mai ila tha tur, Nupa trangthren vang a a tuarlo ber tur Naupangten an tuar ta tlat si thin hi chu a pawi teh zawng a nih hi.
He naupang hian eng angin nge a Future a rawn hman chhoh ang, hrehawmna zawng zawng hi a ta bik em ni tihna thinlung nen a hmang hi khawngaihthlak awm tak tur a ni, hmala thei chuan han lak pui teh un, puihtheihna che u ka neih phawt chuan ka lo inrawlh ve ang, theihna mual mual pawh ka’n nei ve mahna, a hmasa berin an veng chhunga MHIP te inrawlh tur leh a Ni leh chhungte chu hrilhhriat phawt a, chuta an lo tawng dan a zirin, an hrethiam duhlo lui a nih chuan an Veng VC te hmalak tur a ruahmanna siam mai a tha hmasa phawt lawng maw…?.
Report this comment
May 18th, 2009 at 6:09 pm
Ni e.. hei in mi hrilh hriat a zarah … hma kan la dawn e…
Report this comment
May 18th, 2009 at 6:20 pm
@Mizo, hmanhmawh chi a nih hi…hetiang naupang khawngihthlak chhanchhuah nan ni 1 delay pawh a rei zawk mah.NGO dangin an buaipui tawh a nih loh chuan Council for women and child welfare, upper khatla (ph 2319541) in an ron phone duh che a, i phone number min ron email ta che. pieceofmymind3 @ gmail
Report this comment
May 18th, 2009 at 6:24 pm
@blackmagicwoman, i email rawn sawiah khian ka number chu ka rawn thawn e….
Report this comment
May 18th, 2009 at 6:27 pm
kan ron phone ang che. i buai lai tak a ni em?
Report this comment
May 18th, 2009 at 6:28 pm
Rawn phone rawh… chaw ka ei kham chiah… ka hman lai tak a ni e…
Report this comment
May 18th, 2009 at 6:38 pm
@mizo. I ti thra hle mai, misual.com ah te i rawn tar lang a. May God bless you. Council for child welfare OB ten an rawn phone dawn che…zanin ah.
Report this comment
May 18th, 2009 at 6:59 pm
He thu hi chanchinbu ah hmuh hun a la awm ve chek ang a..
‘ Mizo internet hmang thin te hi an chhungte khan ,’ninawm lutuk, pawisa heh na mai mai etc ti ten lo hau tawh suh u..Misual.com tlawh thin ten naupang sawisak tawk an chhanchhuak a he mi a hmala hmasa tu hi a nick mizo tih chauh……………..’
Chumi hunah chuan kei ni misual ho hian engtin nge mizo leh blackmagicwoman hi kan tih tak ang?
Ele KUDOS kan ti ang
Gud job , keep it up guys, we are behind you
Report this comment
May 19th, 2009 at 9:52 pm
@blackmagicwoman, Okay.. Tukin khan min rawn phone a…. hei hma an la mek niah ka ngai.. naktukah chanchin ka va ngaihven leh ang…
Report this comment
May 19th, 2009 at 9:54 pm
@mizo i ti tha lutuk, in chanchin kan follow reng auh
Report this comment
May 19th, 2009 at 9:59 pm
Nia rawn report zel teh. I ti tha luttuk a nia.
Report this comment
May 21st, 2009 at 7:57 pm
@blackmagicwoman…. i hmalakna azarah Child Welfare lam pangin a Ni te chu an va lenchilh ngei a… A Ni chu a inhrosa nasa khawp mai… Naupang chu chanmari lamah a dah phei a, Tuman an hmu tawh lo ang… A awmna pawh an hre tawh lo ang… te a ti a ni awm e… Eng nge Naupang chanchin zel chu ka hre ta hrih lo….Kan veng lamah a awm tawh si lo a….
Report this comment