Kan Mizoram Sorkar chuan nikum inthlan dawna Campaign hla bera a lo neih tawh leh mipui te hnena a lo intiam tawh NLUP chu sem ngei tumin hma a la chho mek a ni a, he NLUP semnaah hian a mawhphurtu ber atan YMA te min hmang dawn tih thawm te chanchintharah te kan ngaithla a chanchinbuah te kan chhiar bawk a. He thil hian YMA a khawih ngei dawn niin a lang, he thil hi thenkhat ngaihdan atang chuan a tha viau mai thei e, mahse YMA thawh chi a ni em tih erawh ngun taka kan ngaihtuah chian hmasak erawh a tul a ni.
YMA hi mi tam zawkte hmuhdanah chuan chuan Mizo Tlawmngai pawl, sawrkar belh lam leh tan lam nei lo, pawl danga inrawlh buai lo, a hranpa hlaka Mizo hnam awm chhunga zawnga awm tur a ni. Mi rethei te belh tur leh mi chhawmdawl ngaite chhawmdawla khawtlang mipui zawng zawng tena an zah rawn pawl thianghlim a ni. Mahse tun hnaia kan kalphung mek han thlir hian he pawl hian a zahawmna leh a thianghlimna a hloh then ta deuh em aw? a tih theih.
Tuna kan kalphungah hian duh aiin YMA te hian sawrkar hi kan bel lutuk ta deuh niin a lang, contract hna kan dil a, MP Fund/MLA Fund kan dil thul. Sawrkar tello hian kan nung thei ta lo emaw ni chu aw a tih theih rum rum. YMA Branch hrang hrang tena tunlaia kan inelna ber chu kan thupui ber tanpui ngaite tanpui lam aim ah chuan hnathawh that, sum hailuh tam, hall neih that, bungraw neih that etc. lamah a ni ber tawh a ni lawm ni. Hei hi kan hmanlai pipu te rilru nen kan a la inmil zel em tih hi ngaihtuah tham fe a ni ta. NLUP hi sawrkar hmalakna a ni a, hetih rual hian Party pakhat hmalakna a ni tel bawk tih hi kan hriat a tha. Mi zawng zawngin kan dawng thei dawn lo lehnghal. Hetiang chunga YMA ten Survey kan beih chuan mi zawng zawng kan tilawm thei dawn si lova, party thenkhat te hleihluak taka duhsak an nih laiin party dang thenkhat te kan ti lawmlo ang a, NLUP dawng tur kan thlan naah hian mi kan inthliar na lamah kan Zonunmawi leh kan hnam hi kan thliar tel palh ang tih a hlauhawm mang e. NLUP a kan buai lutuk na lamah hian kan kumpuan ‘Khawtlang nun siamthat’ hi kan hlamchhiah phah ang tih pawh hlauhawm tak a ni. .
Tin kan sawrkar reng reng pawh hi YMA te min endan hi a tha lo. YMA te hi sumdawng pawl pakhat emaw min ti tawh ni berin a lang. MNF Sorkar atang tawhin YMA te hi sawrkar hian min dah pawimawh leh lutuk a, kan CYMA OB te phei chu MLA rank tluk deuhthaw hialin sawrkar in an thu leh hla an zawm an ti! Hetiang vang hi alawm CYMA inthlanah pawh huaisen taka kan campaign tak sup sup ni. Hetianga campaign thin te hi an demawm hauh lo, YMA kalphung dik miau hek lo. YMA ten sawrkar kan phutdan leh endan a dik lova sawrkar lamin min endan leh min phutdan a dik hek lo. Dik tak chuan YMA pawl thianghlimna kenkawh leh tih bawrhban naah hian kan sawrlam lam pawh hian mawhphurhna lian tak an nei.
Chuvang chuan YMA te hian kan kalphung hi i ennawn thin teh ang u. Kan pawl thiltum kan la kengkawh zel em? Mizo mipui te tan thlamuanna leh innghahna tlak kan la ni zel em tih te i inchhut nawn fovang u. YMA te hian sawrkar kan belh lutuk hi a tha lo, NLUP a kan inhnamhnawih vak pawh hi a tha lo. Chu ai chuan YMA hi kan dinna ngaiah, a laiah hian awm tawp ila, Mizo tlawmngaihna leh kan hnam nunmawi hi kengkawh zel ila, tanpui ngai a piang te tanpuiin kan Zonunmawi chhawm nung zel chungin huaisen takin khawtlang nun siamtha turin hma i la thar zel ang u.
Zoram pangpar YMA tang fan fan…
Similar Posts:
- Kan mawhphurhna a ni em?
- NLUP dawng ve duh lo, kan khaw pa
- NLUP leh Thanhawla thusawi te
- NLUP thla thar October-ah pek fel tum a ni Khaw inpeih tawhte pek an ni tawh – CM
- Pu Zoramthanga’n NLUP a hlawthlin a ring lo
mai.. mahse kei chu...
September 14th, 2009 at 8:29 am
Modern YMA = Politic sikul.
Sawrkar hian NGO hi hmatheh angah hian a hmang tihna maw. Mizoram sawrkar chu avan thatchhe awm ve!
Report this comment
September 14th, 2009 at 8:38 am
NLUP hmasa zawk ah khan, khawi khua emaw ni te tea office hnathawkte khan NLUP dawngtu te lak atangin pawisa an cut thin niin chiang taka hriat thawi ani.
Hetia YMA in NLUP a buaipui ve anih chuan ka ngaih a tha tawh khawp ang.
Report this comment
September 14th, 2009 at 8:48 am
Chiang taka hriat thawi chu a van chian hmel chiah loh ve, te ka tia
Sawrkar hna chu sawrkar in thawk se, mipui aiawh civil servant an ni lawm ni?
Report this comment
September 14th, 2009 at 8:55 am
Sawrkar ai chuan thleibik an nei lo deuh anga grassroot mamawh pawh an hre zawk turah ka ngai. NLUP atan an thawh-hlawk ret ka ring.
Mahse Land Use Policy kan nei rih lo hian min ti confi lo
Report this comment
September 14th, 2009 at 9:00 am
@elldy I thu rawn ziah dan chu a tha dap2 hle mai. YMA pawng dem vak ching te hian YMA an demna policy YMA in a kalpui dodal turin anmahni awmna veng YMA ah eng nge an tih ve tih hi ka hre chak thin kawp mai. YMA hi chu inhmang peih mitha tlem te pawh an awm chuan khalh ngil harsa niin ka hrelo.
YMA leh Sorkar a inhnaih ta lutuk hi keipawh pawi ka ti thin khawp mai. Mahse chumi rual2 chuan engvangin nge YMA chauh nilo Mizoram chhunga NGO awm zawng2 deuh thaw ( YMA, MZP, MSU, MHIP etc) te hi Sorkar nen an inhnaih tak viau tih hi chu ngaihtuah tha in ka hria. A chunga
Modern YMA = Politic sikul tih khi ka tawmpui rualin…
Modern Colleges in Mizoram = ?????????? University hi Politic Sikul tur ber ani lawm ni… engati kan college leh university te hian Mizoram huapa social issue emaw political issue emaw address thei organization pakhat tal pawh a neih loh le.
YMA in social issue zawng2 a address bur a, MZP in political issue activism zawng2 ah monopoly an nei leh bur a. Sorkar chuan heng organization te tih lungawi an tum ang tih chu kan hrethiam vek awm e, an tih tur pawh ani. Hetiang ang organization hi tam deuh se Sorkar hian NGO pa hnih thum hmangin society a control theilo in tuna YMA kan demna hi a awm ka ring lo. Engineering college leh Medical college ai chuan kan College neih sa te hian heng ang address thei student organization an hrin chhuah hi a pawimawh zawkin ka hria.
Political science, History, economics etc zir te hian heng organization hi min siam sak theilo anih chuan an thil zir hi engatan nge an tih le? Cryptography, Electrical Machines, Computer Vision etc subject te nen hian heng political/social issue te hi a in hnaih zawk tihna mawni le? Nge MBBS zirlai nen hian a inhnaih zawk a heng zirlai te hian heng ang organization hi min siamsak zawk dawn le.
Report this comment
September 14th, 2009 at 9:46 am
Sawrkar in NLUP chung changa YMA a purna chu Village wise population detail survey a pui tur in a sawm a ni. NLUP sum sem tur in a sawm lo..
Report this comment
September 14th, 2009 at 10:10 am
YMA hi engkimah i demlo teh ang u. ruihhlo an do lai in theihpa lingkohin kan lo sawisel a , an han bansan chiah a a effect hi kan hmu ta anih hi.in chhungte ruihhlo a buai nei ula la do zel se inti ngot ang.
tin sum tello chuan hna hi thoh har deuh mai ania. heng contract an pek te hi contractor ho hna thoh ai chuan atha zawk daih zawk. in awihloh chuan mission veng khi han bel chiang ru.
tin sawrkar chak kan neilo hi a poi ani. chimral hlaulo sawrkar hian illegal a lo lut leh in leh lo nei te poh a check hnenlo ani si a.
Report this comment
September 14th, 2009 at 10:30 am
YMA hian pui mawlh teh se. ‘Tanpui ngaite tanpui’ tur a ni si a.
Kan Sorkar hian mirethei thleng phak leh ram hnuk khawih tur meuh chuan UNIT leh BLOCK te a ring zo lo tihnaah kei chuan ka ngai a. ‘Thiat’ Or ‘Change’ a hun tawh hle mai.
Report this comment
September 14th, 2009 at 10:43 am
Sorkar officer te an corrupt luat lutuk vanga NGO lama tuan anni a. Chuvangin YMA lama an pen chhan hi a dik lo hrim hrim. Officer corrupt te hrem lama tang lova YMA lama rinna nghah chu a dik lo. YMA tan lah Congress policy lo beihpui vak mai chu a tihchi bawk hek lo.
Report this comment
September 14th, 2009 at 10:51 am
Thil reng reng a goal ah chian tur a ni dawn lawm ni ka ti deuh.YMA -> zoram tan,NLUP->zoram tan.sorkar->zoram tan.A chhawrtu mipui hnen ngei a thlen theihna luankawr a lo tan theih hi a YMA hle mai.
Report this comment
September 14th, 2009 at 11:30 am
A thupui atang khi chuan mawhpuh tur leh vui leh vaina tur em em a awm em ni le? Survey te chu mimal ang chi pawm ti se, thianza ho pawn ti se eng nge pawi le? NLUP sum kha YMA-in an sem dawn tihna a nih chuang em ni le?
Amarawh chu sawrkar leh YMA kal dan erawh siamthrat ngai chu a awm ve ve ngei ang le. Sawrkar rawn ding apiangin YMA tih lawm a tum a, an tlawn a, an sum chhuah tlem nan sawrkar thawh awm tur te YMA a thawh tir a. YMA lam lahin POWER neih hi nuam a lo ti ve thin si a, kuang lo nawr nawr hi awl deuh tur a nia. YMA hruaitu trenkhat sawrkar a beiseina nei ran awm ho lah hian an hamthratna tur, an lo inhmakhua ve a, Mizo nula & tlangvel tlawmngai tak tak te a ti hmingchhe zo ni ber mai lawm ni.
Sawrkarin YMA ahlau tlat a, a tlawn em em te, sawrkar aiin YMA-in power an nei zawk em ni awww tih khawp a awm te hi a fuh zan lona chu ang deuh ber mai lawm ni?Mani nihna hriat chian & dan ang tak mani tih tur treuh hi ti se zawng, Zoram hmasawnna hi a zuangin a zuang ve zawk zawk ang maw le.
Report this comment
September 14th, 2009 at 12:00 pm
YMA chuan a theih dan in support pe se,a deal tu a tan erawh chu a dik chiahin ka hrelo, sorkarin mi a ngah alawm
Report this comment
September 14th, 2009 at 12:37 pm
Politics nena a in hnahnawih nasat lutuk chuan nakinah RSS ang velah YMA hi a chhuak ang tih kei ka hlau khawp mai.
A detail in ka hriat loh avangin ka comment thui lovang. Mahse, ka ngaihdan ah chuan YMA chu NGO a ni a, chuvangin sawrkar hmalakna (undertaking) chu sawrkar hnathawk ngeiin thawk thei se, public accountability lam atanga thlir paw’n thil nih dan tur zawk a nih hmel. NGO (YMA a ni emaw, pawl dang a ni emaw) chu a endiktu, eirukna leh hlemhletna a awm em tih lo enfiahtu leh recommendation lo pe tu atan trang zawk sela a tha ang. Tunah phei chuan Right to Information te kan nei tawh bawk a thil harsa tur ka hre lo.
Mizoram kan changkan lohna pakhat ve chu pawl tam tak kan din a, kan pawl thil tum leh huang ni miah lovah kan in hnamhnawih peih lutuk thin hi a ni. Entirnan: MZP leh hnamdang hnawhchhuah.
Report this comment
September 14th, 2009 at 1:21 pm
Sorkar hnathawk corrupt fe a kan sawi te hi YMA leh Kohhran a fel tak kan tih te tho hi anni . Chuvangin a mihring lam nilovin a ‘institution’ zawk hi a corrupt ani mai zak lo maw. Nia, YMA chuan baseline survey chauh khi ania a tih rih dawn. A hnu ah chuan a endik tu’social auditor’ ah te an la tang ang chu.
Report this comment
September 14th, 2009 at 1:36 pm
NLUP emaw Ration Card emaw pawh nise, sorkar hian a hnathawkte hi a ring zo lo a nih piah lamah mipuite hian sorkar hnathawk fing kherek, an rawngbawlsak mipuite chanai eiruk thiam em emte hi an ring zo lo tih a hriat avangin YMA hi sorkar hian a pur thin niin a lang. Chutih lai karah chuan YMA hruaitu thenkhat chu power nei ta viauah an inngai a, khawtlangah pawh VC thawka thaw hial maite pawh an awm. Central-ah pawh kan hruaituten ropui takin an inhmu tih chu a lang reng maia; mahse mahni kan inhmuh ang vek hian miin min hmu lo tih chu inthlanah pawh a lang leh thin.
Engpawh nise sorkar hian thil tihsual a hlau a nih chuan YMA te tanpuina a dil a, YMA ten an tanpui hi a tha. Chuti ni lova, an thiltihsual leh tih diklohte mipuiin an sawichhiat theih loh nana YMA hmatheh an nih chuan a pawi ngawt ang. Chumi chu YMA hruaitute pawh hian hria sela, sorkar atanga hlawkna emaw, sorkar thuneitute atanga duhsakna emaw, tute emaw good book-a awm duhna thinlung pu chung emawa thawk lovin hma la sela, kan ram tana tha ber tura an hriat ang ngeiin hna thawk sela; an ngaihdan ang lova sorkarin hma a la ta a nih pawhin au ring ngam leh ngei sela a dik bawk ang.
Engpawh nise, YMA chu Tanpui Ngaite Tanpuitu a ni tih hi Mizo zawng zawng thinlungah hian lian ber reng sela, YMA pawh a kal sual lo ngei ang. Chuti ni lova a behbawm thildang buaipuia kan hruaitute an phili viau chuan ‘YMA a kal her luai luai’ kan ti reng ang. Pawl ropui YMA hian a ropuina hi pawn lam lang theiah nilo, mite thinlungah a awm a ni tih hi YMA a nihna nei zawng zawngin i hre vek ang u.
Ka lawm e.
Report this comment
September 14th, 2009 at 3:39 pm
Mizoram ah hian ‘Tanpui ngai’ an tam teh a sin..
YMA in sum thawhkhawm in kan tranpui thin dawn em ni? Nge an hnathawh tur ang tawk te kan ngaihven sak don?
Congress Policy ani emaw, MNF, ZNP, MPC Policy a ni emaw mipui(tanpui ngai) ten leirem an rah ve theih nan YMA chuan a tih theih tawk a ti ve dawn lawm ni?
YMA hian Sorkar policy thra hi support zat zat se, hma chu kan sawn chak zawk ngeiin a rinawm.Chutiang in Kohhran pawn.
Report this comment
September 14th, 2009 at 4:14 pm
Sorkar sum eiruka intilian te hi khawi khawiah emaw chuan an veng YMA hruaitu/advisor tih vel an ni duh khawp mai an tia tak tak ni maw? YMA hi kan tet deuh lai ang em em khan ka ngaina ta mang lo ka ti zep lohah chuan. Hrim hrimin Mizo society hi belhchian a dawl lo hian ka hre thin. A hu hova kan do leh duh loh te hi a mal hi chuan kan lo duhin kan lo pawm leh thei zel mai thin bawk a. Zu khap tih te hi Sorkar leh a hnathawk kan nei a, YMA tiha dah chi ni pawn ka hre lo. YMA in a ralban san tak avanga sorkar khapin awmzia nei lo ringawt te hi, mizo te hi mak chu kan mak deuh mange aww ka ti deuh. Heng zawng zawng ai hian eiruk hi he pawl hian phuar in hnual suat se, kan ram hian awmzia a neih phah ngei ang.
Report this comment
September 14th, 2009 at 4:48 pm
#12 khi keia mimawl lo ngaih ve dan chiah a ni
Report this comment
September 14th, 2009 at 5:01 pm
Hmm,eiruk eirukah maw kan buai?a ei ru thei thei tan ei ruk mai tur mawle ha ha ha.Engmah hi a siamthat theih tawh loh a bul tan a fuh tawh lo.
Report this comment
September 14th, 2009 at 5:06 pm
Bike lei nan ka duh ve reng asin mawle
Report this comment
September 14th, 2009 at 5:14 pm
Ka ngaih ve dan mai mai ah chuan hetiang pawl/kohran tihvel hi, an powerful lutuk chuan thahnem ngaihna avangin thil an ti treuh treuh a, kan hlawkpui viau, mahse hetianga an kal zel hi chuan anlo kal sual ta anih hlauh chuan (chu chu thil awl tak ani, hruaitu tha vaklo an neih hunah), a pawi thui thei hle in ka ring. anlo kal sual ta aniha an kuanglo an nawr anih pawhin an powerful tawh em avangin han tih vak hleih theih anni toh thin lo. chuvangin kei chuan engemaw changa mob rule tihvel, POWER hmanga dan palzut hrehlo hi ka support vak lemlo hihihi No offence
tuna an thil tih hi a thalo ka tihna ni chuanglo in.
Report this comment
September 14th, 2009 at 5:32 pm
A pawimawh ber ah chuan sawrkar hian atih tur hi dik leh huaisen tak hian ti se la, chutiang bawkin yma pawn ti sela.Tun lan dan ah hi chuan sawkar hian YMA hi kut ke ber ah min hmang nasa lutuk ta ni alang.Sawrkar in puih angai nih chuan outside support pe ila, a phusa ber ah hi chuan tang lo ila a that fo a rinawm.
Report this comment
September 14th, 2009 at 5:50 pm
Thil pakhat kan zeh ve mai mai duh chu, “YMA hi Sorkar a awm loh chuan a kal thei lo mai ni loin a din pawh a ding thei hauh lova, Amaherawhchu Sorkar erawh chu YMA tel miah lovin a kal ngaiin a kal reng thei thung”.
Chuvangin YMA hi kan hruaitu ten an sawi fo angin “pressure group’ a/kan ni lova, ‘………YMA chu tanpui ngaite tanpuitu a/kan ni…..’.
Report this comment
September 14th, 2009 at 8:18 pm
Sorkâr-in hna thawka a chhawr, hlawh nei an awm a —engti tiha YMA a pùr tàk ruai mai le? A hmaimàwk tùr phih fai nân YMA a pùr thiam hle em ni? Mi kuta rûl kaw zen, an tih chu hei hi em ni dâwn ta?
YMA Hruaitute u, SURVEY chu in chàk teh hàwrh em ni? NGO dang kovah in nghat phal mai lo maw? Pâwl dangte pawh YMA tluk thova zuanzàng, rinawm an awm ve tho alàwm!
NLUP dawngtu tùrte chu tu bithliah tùr nge? Bithliah sa endiktu mai em ni in nih? Nge, dawng thei tùr chin in thliar (survey) dâwn? In member fel tak tak te in tihlunghnùr hun a thleng dâwn chiang. In rin ang ngawtin thil a kal dâwn lo.
Thawk tha emaw in intih laiin, a ni lo chhiava dâwn. Sorkâr pawh a intiam ang khân NLUP dawng tùr chhûng tin tân Chêng Nuai Khat a sihchhuah chiah dâwn leh dâwn loh thlîr chiang hmasa rawh u. Mahni thutiama rinawm tak hnuaia in intùkluh hi thil mawi a nih rualin, a tiam ang pha lova che tùr hnuaia in intùkluh hi tuman an phal lo che u asin.
Inthlan laia Mizoram Congress Poster ka rawn târlang kher duh, an tiam chin kha Chêng Nuai Khat a nih kha. A aia tlêm lo, a aia tam hek lo!
https://img43.imageshack.us/img43/3964/img06551.jpg
Tùn hi YMA fiahna hunpui (trying period) a ni ta —rin kai zèl tùr a nih leh rin loh a kai zui hun tùr atâna HUN chhinchhiahtlàk tak a ni tawh dâwn, Zorema leh Mabiaka te —mi lungfing in nih kha aw!
YMA chuan Chanchinbu copy tam tak chhuak in nei, misual.com-a in hmangaia thuziak leh a ni lo zâwnga in chèt palh theihna thil thlìrlàwkna te hi chhuah chhàwng ngam mawlh ang che u. In ti ngam lo hranin ka ring lo.
Chiau-hiar thiam tak tak an la rawn awm dâwn chauh! In thlavang hauh ngam tur chu kan ni khawp ang, mahse, zuanna tùr hi enlàwk tùr a ni ngai e. Mabiaka thuziak ka chhiar fo zîngah, “Kan phelh leh theih loh khawp tùra nghet leh hnawkin hrui kan suih tùr a ni lo,” a tih fo thìn kha! Ka hre reng thin!
Report this comment
September 14th, 2009 at 8:40 pm
He lai hi forum ni chiah lo mahse resolve theih mai nise tha tur le.
policy thil tak tak a nih a vangin a a duang tute professional an nih angin hlawhtlin leh hlawhtlin loh ah pawh a thiam rual deuh in an kenkawh tlang vek loh chuan beiseina a sang vak thei lovang.
A mawh latu department lian pali lai(vety,Agri,horti etc),hnathawk pawh sang tel nei an ni hlawm bawk a,Officer chin ngeiin a hmun ngeiah kalin hna han thawk tak tak se la.mahni tualchhung bikah YMA ten puih an ngaih leh lo inkau bawk ila a fuh in ka ring.
Pu KL.Liana fiamthu ang deuhin Excise lamin sawm loh puitu an tlakchham loh hle laiin Anti corruption lamin puitu an van lawi si!.
NLUP thilah hi chuan kan tan tlan (a hnunglam a tangin) chu a ngai a ni.
Report this comment
September 14th, 2009 at 8:54 pm
yma hi politics kailawn an ti em ni kha?
Report this comment
September 14th, 2009 at 11:05 pm
chhimkunpa, politic sikul mawle
hairehai
Report this comment
September 14th, 2009 at 11:16 pm
Lawngtlai ah chuan YLA hmang se, Saiha ah MTP..YMA te chuan branch an neih loh naah chuan an thawk thei lo ang.
Report this comment
September 15th, 2009 at 12:53 am
chawngnghilh i ti tha thiai 2 ngei mai tun lai chuan kan zoram riangte ah chuan pawl zawng2 hruaitu te goal chu politic a dinhmun sang chan ani ber in a lang ta eg mla nih or mp kan hruaitu hlui polytic ah din hmun sang kai ta an awm nual tak kha maw .pu HV pawh i chawkchhuak dik ngawt in ka hria .sorkhar in yma hmang in rulkua a zen ang a yma pawh in sorkhar chu duh duh herhchhuah nan hman a tum ve bawk ang a tu tak ti fuh zawk ang maw
Report this comment
September 15th, 2009 at 7:40 am
Khawnge Home Minister Pu Zira? Hmanni lawk khan NGO te ‘Mind your business..” a tih kha maw le! Zonet chanchinthara an puan khan ka thutna atangin ka lo Amen ve thuai a.
MLTP chungchangah a rawn tawh bawk a. Kan sorkar chaktak hian NGO te a rawn ziah mai hi an efficient loh zia a tilang em aw! Khawnge kan thlan VC te hi!
Report this comment
September 15th, 2009 at 12:11 pm
Y.M.A memberte leh sokar siamtu te hi mihrangah in ngai hlom a maw ni le.
Report this comment