Aizawl lam atanga thu kan dawn danin hun rei tak cancer natna in a lo tihbuai tawh kan Mizo zaithiam berte zing ami Pi Vanlalruati chuan chatuan ram min pan san ta. Pi Vanlalruati hi New Life Hospital ah zan dar 7.15 khan a boral. Khawhar chhungte Thlarau Thianghlimin awmpui in thlamuan rawh se.
pic via lelte.net
Similar Posts:
- Khawngaihthlak leh lainatawm
- Zo Awi Lelte Nghilh Loh Nan
- Zoawi Lelte Thih Cham Vawikhat-na – mzvision & samuelapa
- Zoawi Lelte Nite
- Dr Ramdinthara Sailo pa boral
May 7th, 2010 at 7:57 pm
Ka ui hle mai…. Ropuina ramah a kaisang ta ani e. Lalpan a chhung leh khat te thlamuanin awmpuiin tichak zel rawh se.
[Report abuse]
May 7th, 2010 at 7:59 pm
Lainat awm hle mai.
[Report abuse]
May 7th, 2010 at 7:59 pm
Aw…. avan pawi tak em. Lalpa’n a chhungte awmpuiin thlamuan mawlh rawh se.
[Report abuse]
May 7th, 2010 at 8:00 pm
Channa Ropui tak a ni e..a Pual a Concert zana ka kal kha ka lo tifuh khawp mai..Khawhar chhungte Pathian in Thlamuan rawh se.
[Report abuse]
May 7th, 2010 at 8:00 pm
Valalruati(Nu Ruat) RIP…. ka va han ui tak e aw!!! A chhungte Pathianin thlamuanin awmpui tlat rawh se…
[Report abuse]
May 7th, 2010 at 8:00 pm
An chhungkua, a pa leh ka pu (ka nu pa, Tluanga of Zarkawt (fam)) ka nu/pa te leh an unau etc inti tha em em, family friend naran piah a ka en thin an ni. Ka ui takzet tih mai loh chu sawi tur avan vang ve mawle. RIP
[Report abuse]
May 7th, 2010 at 8:01 pm
A va ui awm tak ve le….a zai ngaihthlak kha a nuam thin ngawt mai…He lei hre-awmin a chim buai phak tawh lohna, Pathianin kan a khawpui thar a lo din ah chuan hah dam takin chawl ang che.
[Report abuse]
May 7th, 2010 at 8:02 pm
A va pawi tak em…
[Report abuse]
May 7th, 2010 at 8:07 pm
A zai hunlai kha a rei tawh viau na chungin, tun thleng hian kei chuan ka Phone-ah hian a zai hi ka la dah ve reng a sin.
“Engtin ngai ang maw zofa leng zawng ten, Zoawi Lelte ti mai a i fam tur hi
[Report abuse]
May 7th, 2010 at 8:10 pm
A va uihawm ve.
”Zoawi Lelte, Zofa te zingah Dam reng rawh”
[Report abuse]
May 7th, 2010 at 8:12 pm
A va ui awm tak e/ Khawhar chhungte Pathian in Thlamuan rawh se.
[Report abuse]
May 7th, 2010 at 8:13 pm
Cancer vei tih finfiah i nih khan…
Rei min dampui tawh dawn lo tih hre mah ila,
I thih thu han hriat meuh chu–
Min va thawng nâ si em!
Rauthla talin min awi la,
Leltè iangin rawn kiu la;
I hlimthla kan thlir ning lo’ng…
I zai kan ngai ning lo’ng…
I sakhming kan sawi bang lo’ng…
I awih thin Zofa leng ten kan va ngai dawn tak che em!
Mangtha… Mangtha le…
[Report abuse]
May 7th, 2010 at 8:15 pm
Ka va ui tak em! a HLA sak te hi ka la kawl tin ten a sin! RIP
[Report abuse]
May 7th, 2010 at 8:15 pm
Va uihawm vele, ka zin hma lawk 9th April khan kan zuk kan-a a puala concert Zoawi Lelte Nite a sum hmuh ang ang te kan hlan bakah khami zana zaithiam rual hlate kha USA lama amah ngaisangtute’n min chah avangin DVD 20 lai ka keng thlak tur min pe nghe nghe.
Zoawi Lelte taksa hi boral mahse a aw mawi tak Zofate lo awi thrin a hlate hi chu a ral dawn lo a awm reng ang. A vuina huna ka awm ve lo hi hrehawm ka ti hle.
Han thlir vel ila kan chhuah tlang
A ngui ruai e Zawlkhawpui
Chullo tur fam Zoawi Lelte
Ngaiin luaithli a sur vunge
Khawhar chhungte Lalpan thlamuan sela.
[Report abuse]
May 7th, 2010 at 8:25 pm
Ka va ui ve aw!!!!
A zai hi ngaihthlak nuam ka ti a, Mizo zai ah chuan ka play ngun ber a ni.
2009 pawh khan a zai CD Aizawl ah ka chah leh ngat.
Pathianin a kalsan a chhungte thlamuan zel rawh se.
Zo Awi Lelte a fam ta…
[Report abuse]
May 7th, 2010 at 8:28 pm
Turni kawlkungah achhuak ngui ruai e,lengzawngte awitu zoawi lelte famchanni chuan, chutin hringmi lei rama cheng zawngten ,kan hlan nangche nghilhlohna par.
Khawhar chhungte pathianin awmpui tlat rawhse. RIP.
[Report abuse]
May 7th, 2010 at 8:31 pm
A uihawm hle mai,Mizo zaithiam kan chan ta.
[Report abuse]
May 7th, 2010 at 8:34 pm
In nupa a inkutsuih riala in tlai leng ka mitthlaah a cham reng mai!
Tichuan Pilaralah inpa duhtakin lo hmuak che rawh se! Hlim takin lengdun ang che u!
Keini Zofalengte’n kan ui bang lo’ng che!
[Report abuse]
May 7th, 2010 at 8:39 pm
A zai thiam em avanga Mizo mipuiten ‘Zoawi Lelte’ tia a hming kan phuah Vanlalruati hi Mizote chanchina a vawi khat nan Vanapa Hall-ah a vuina hun kan hmang ta a nih pawhin a phu ve reng a ni ang!?!?!?
[Report abuse]
May 7th, 2010 at 8:41 pm
A va uihawm tak em!!!
[Report abuse]
May 7th, 2010 at 8:43 pm
kei chuan ka lawmpui tak zet a ni! A chhante:
1. Chatuan hmun nuam ber a kal ta bik a.
2. A hmangaih tak, a ngaih em em thin, NGBA nen hlim taka inhmu lehin an inthen tawh dawn si lo va.
Zoram tan erawh uiawm tak a ni.
[Report abuse]
May 7th, 2010 at 8:43 pm
A va uihawm tehlul em.
[Report abuse]
May 7th, 2010 at 8:44 pm
https://www.youtube.com/watch?v.....re=related
[Report abuse]
May 7th, 2010 at 8:52 pm
Zoawi lelte i fam mai ta maw !!!!!a van pamhmai tak em!!!!I thlarau thlamuang tak in chawlhahdam mawlh rawh se.
[Report abuse]
May 7th, 2010 at 9:02 pm
I fam chan dar ri thang velin zoram a thawng lua e,,
Kan tuar thiamlo zofa leng zawng ten,
Timaia i fam hi,,
I awihlai zofa lengte hian,
Kan nghilh lawng che khua rei ah pawh,,,
Lamang let leh hian i mawi silo,
Theihchangse lo kir leh in
Zofa te min han awi leh la,
I perhkhuang zaitin thiam nen,
Chutin lunglawm a kim tur
A na lua e, fam i chang mai hi..
I lenna van run nuamah,
Chun leh zua then hnu tenen hlimin
Inleng za tur dawnin thinlai a lawm,
Ngailoten zamual i liamsan si maw zoram hi
I perhkhuang leh zairimawi
Kan chawininglawng zofaleng zawngten
……RIP.
[Report abuse]
May 7th, 2010 at 9:03 pm
kan va ui tak che em….. hawilo par i thliak ta si maw…mahse natna leh hrehawmna i kalpel ta i lawmpui awm e..
[Report abuse]
May 7th, 2010 at 9:22 pm
Ka tah a va chhuak tak em…
[Report abuse]
May 7th, 2010 at 9:26 pm
RIP!! kan va chan ropui ve, ka rin ai daih in a liam hma tlat mai!!
[Report abuse]
May 7th, 2010 at 9:28 pm
A va uihawm tak em!!! RIP
[Report abuse]
May 7th, 2010 at 9:28 pm
Kum engzatnge anih hria in awm mial em?
[Report abuse]
May 7th, 2010 at 9:29 pm
Engtin ngai ang maw!
Zofa leng zawng ten,
Zoawi lelte ti mai a
I chul tur hi
[Report abuse]
May 7th, 2010 at 9:40 pm
A va pawi tak em,Pathianin a angchhunga a lo dawnsawn ngei ka beisei.Lalpan mithi chhungte thlamuan mawlh rawh se.
[Report abuse]
May 7th, 2010 at 9:47 pm
Milar te pawh hi an thi ve mai mai tho sia..damrei deuh atan a duhawm tehreng nen Pi Vanlalruati pawh hi..may her sins be forgiven and may she rest in peace.
[Report abuse]
May 7th, 2010 at 9:50 pm
RIP.
Pi ruati hla hi MP3 a neih kim vek ka va duh em!!
[Report abuse]
May 7th, 2010 at 9:51 pm
Ka va han ui tak zet em.Khawvela hmeichhe zaithiam ber ka tih a la ni reng a;amah hi ka ngaisang hrim hrima;a zaithiamzia te kha aw…Vankhama memorial concert a au nen hla chi hran hran an sak thiam zia te kha;ka live concert en tawh ah chuan ala pui ber.Cancer pawhin a hneh zo lova;hlim takin a nu leh pa ;unau leh pasal te a tawk ngei ang.Pi Ruat min kalsan meuh chuan khua a va han har dawn ve le;i tan engemaw tal kan rawn ti ngei ang…
[Report abuse]
May 7th, 2010 at 9:54 pm
Tun Monday zan khan New Life a awm na cabin 52 ah ka zuk kan a..a room kan lut a hmel kan hmu thut mai chu Zoawi Lelte Ruati ngei ni si kha khum ah hmel hmuh hrehawm angreng tawh tak hian a lo mu bem a,thei leh thei lovin mi a lo chhawn ve hram hram a…vawi khat ah mi 3 aia tam awm a inthlahrun awm avang in rei pawh thu lovin midang rawn kal thar kian an ngai sia ka chhuah san leh ta a..kan chhuak tur chu kawngka bul atang in ka lehhawi a hlim hmel tak hian min rawh nuih var var a…kha a nui hmel mawlh mai kha .. .ka rilru chuan “Nu Ruat Mangtha le ..i hringchan chhung a i nui hmel ka hmuh hnuhnun ber a ni awm sia” ka ti vawng vawng mai ani..Ka van ui tak che em!
[Report abuse]
May 7th, 2010 at 10:04 pm
Vanlalruati hi khawvel zai thiamte zing a ka duh ber leh ngaihsan ber te zingah a tel pha ve tlat.
hman ni lawk pawh khan a thih hma thla(pic) daduhi nen a an lak ka save keuh mai.
he khawvelah hian tumah kumhlun tur kan awm si lo a le….
[Report abuse]
May 7th, 2010 at 10:05 pm
#30 awmawmpui, thingnawi fawm rual kan nih kha an larlai vel a nia! Mid 50s chu a ni ve tawh ang!
[Report abuse]
May 7th, 2010 at 10:05 pm
A zai ngaisang rual kan ni ve dawn chiah a, Leinun kalsanin chatuan ram a pan leh si!! Kan va ui in kan va chan nasa em!
[Report abuse]
May 7th, 2010 at 10:33 pm
Pi,Vanlalruati, hun lo taka mn kalsan h cu i zai ngaina mite hian i sakhming xoi kn bang dwn lo,.khwpui thar nuamah cun kn la intwkhwm le ang. A kalsan tak a chhung leh khatte Pathian in thlamuanin awmpui se,,Kn tawngtainaah kn hrereng ce u…
[Report abuse]
May 7th, 2010 at 10:36 pm
Mizo hmeichhe zaiah chuan Pi Ruati tluktu awmin ka hre lo…
Ka lawmpui e…Thlamuang takin chawl teh se!
A hla hmang ngei hian ka thlah e…
Awi maw! ngaite’n vul reng si e,
Ka chantawk a hlimthla mai hi
Kumtluang lunlen puitur renga
Rihsangmual i liam ta si a…
Va kal ta la, kei ka tan pawh,
Hawilopar lo thliak ve ang che
[Report abuse]
May 7th, 2010 at 10:47 pm
A dam rei tur zawk an thi leh thin anih hi tih mai ava awl em…!..khuanu ruat ani tlat si….Pi Ruat, kan va ui tak che em….sakhmel-ah min hrelo mahla kei chuan ka beng tlukin ka hria che asin…mangtha le…! ‘zoawi lelte’ tih hla kha ka lo ngaithla leh fo ange…..!
[Report abuse]
May 7th, 2010 at 11:16 pm
Mizo hmeichhe zaithiam zingah hian Vanlalruati vanglai kha tun thleng pawh hian tluk an la awm lo ka ti. Thiam tak a ni, thiam tak! A music lah belhchian a dawl thin bawk si.
Dam reng atan a duhawm asin maw le…kan thu a ni mawlh si lo!
[Report abuse]
May 7th, 2010 at 11:22 pm
Pi Ruati mual liam ta mai chu a va’n uihawm em! A chhungte Pathianin thlamuan se!
MS-i of Icon khan a hla sak chu thangthar zingah chuan a sa thiam ber ka ti ve tlat.
[Report abuse]
May 7th, 2010 at 11:24 pm
‘Zoawi Lelte ti maia i chul tur hi’ ka va ui em!
[Report abuse]
May 7th, 2010 at 11:24 pm
Pi Ruat, tun thleng hian mizo hmeichhe zaithiam zingah hian nang chhing zo hi an la awm nem maw ! I va pamhmai tehlul em ! Ka va ui teh lul che em ! Tunah ngei pawh hian ZONET-a i interview ka thlir zawh hnuin i zai ka ngaithla zui char char a. Ka tlaivarpui hial dawn che’m ni le aw !!?? Mangtha, Mangtha, ZOAWI LELTE.
[Report abuse]
May 7th, 2010 at 11:36 pm
A va uiawm ve le. A kalsan tak a chhungte LALPAN awmpuiin thlamuan rawh se.
[Report abuse]
May 7th, 2010 at 11:41 pm
Zoram hian a fa duatlai a chan a ni. Zofate hian kan mi duhawm kan chan a ni. Mizo kan awm chhung chuan Pi Ruati hi kan theihnghilh tawh lovang. Thlamuang takin liam nang che…
[Report abuse]
May 7th, 2010 at 11:42 pm
Kan chhungkaw tawngtaiah kan dilpui ve reng thin asin maw le. Kan inneihin ka hla duh tak min sak sak a, a lakah bat ka ngah khawpin ka hria. A vuinaah chuan kal ve ngei ka tum.
[Report abuse]
May 8th, 2010 at 12:39 am
kA VA HAN UI TAK EMMM…..
[Report abuse]
May 8th, 2010 at 1:32 am
Kan va chan ropui veeeee………….
[Report abuse]
May 8th, 2010 at 1:32 am
Mi I va han thawng in, hrilh I van ti hai ve le,chuti mai a min liam san turah ka lo ngai lo a sin.
Kha leh chen Zofate i lo awi a,
I la awi zel dawn bawk a..
mahse mual min liam san erawh,
ka hrethiam thei mawlh lo..
[Report abuse]
May 8th, 2010 at 1:43 am
Vangkhua a ngui ruai e,
An sawi Zoawi Lelte thlafam chan ni chuan;
Nau ang ka tlei thei mawlh love,
Luaithli ka nul, ban zan rel lovin.
Auvin zawt vel ila,
Lenrual zaleng zawng zingah;
Run lo reng an awm lo’nge,
Uaia i chul mai tur hi.
An sawi pialral rammawiah chuan,
Tu dang ngai lote’n han leng ta la;
I sulhnu kan lo chhui mai na’nge..
[Report abuse]
May 8th, 2010 at 2:02 am
I va uihawm tak em!!! RIP I Chhungkhat lainate Pathian in thlamuan mawlh rawh se….
[Report abuse]
May 8th, 2010 at 4:38 am
Vallalruati kan chan chu a van pawi em…! Cancer natna vanga boral hi kan tam ta hle mai. A pawi thin mange, lusun chhungte Lalpan’ awmpui zel rawh se!
[Report abuse]
May 8th, 2010 at 7:57 am
Pi Vanlalruati, ka va han ui tak em ve le. A vuinaah kal ve ngei tur a nih hi.
[Report abuse]
May 8th, 2010 at 8:46 am
Heng hla te hi aw
https://www.youtube.com/watch?v=nC7p5FBPa7E
[Report abuse]
May 8th, 2010 at 8:50 am
A chhungte Lalpan thlamuan mawlh rawh se.. zoram mipui nen hian!
kan ngai thiam thei dawn em ni…
Hetia mual min liamsan mai hi..
[Report abuse]
May 8th, 2010 at 9:04 am
Awi maw ngaihten vul reng si e
Ka chantawk a hlimthla mai hi
Kumtluang lunglen pui tur reng a
Rihsang mual i liam ta si a
Va kal ta la kei ka tan pawh
Hawilopar lo thliak ve ang che
He hla hi aman a duh em em, an pa thlanlunga ziah a tum he lai thu hi
Mittui nen ka rawn fang leh i sulhnu
Biahthu kam khat tal min hlan dawn lawm ni
Parthi ka rawn hlan che
Nemten lo chawi nang che
A na e, Lungduh D then chu
[Report abuse]
May 8th, 2010 at 9:07 am
Hla thiam te hi chuan rilru hi an khawih bik mange.
[Report abuse]
May 8th, 2010 at 9:16 am
a thih hun tak hi min rawn hrilh hmasa ber doctor a bula awm chuan 7:18 a ti
Zoawi Lelte hla tun lai zaithiam thenkhatin an han sa ve tawp zel mai hi chu an thiam lo ka ti hran lo, ani tluka a hla a cheng, sa lungrun thiam kha an awm lo, ka kham lo.
Ni Ruati, an sawi thangvan run nuamah min lo hmuak ang che rauthlain
[Report abuse]
May 8th, 2010 at 9:20 am
Vanlalruati hi Chhakchhuak a ni tih hre lo kan awm em aw! Mizo tana channa a chunga lo thleng tuartute zingah chhiar hmaih chi ka nih ka inring lo. Kum 1964 khan Tuikual JB Sikul atangin pawl thum kan pass chhuak tlang a…hun rei tak hnuah Aizawl College-ah PUC Sec.B-ah kan lawiho leh chu siniar tlang tawh tak kan ni. Kan zaiho hnem hman khawp mai Laltlanthangi Pachuau, Vansangkimi, Vanchhuangpuii, Vanlalzuiliana, Biakdika…zai lamah chuan lawmman kan hui zo vek thelh a ni…ava ngaihawm ta em! Ruati hi mi zau leh kawm nuam tak a ni…Hnamin kan chan ropui a ni e.
[Report abuse]
May 8th, 2010 at 9:53 am
Khawhar chhungte Lalpan awmpui in thlamuan rawh se.
[Report abuse]
May 8th, 2010 at 10:27 am
An vuina thlalak hi ron post teh u lem.
[Report abuse]
May 8th, 2010 at 11:57 am
Ka ui hle mai……RIP:(
[Report abuse]
May 8th, 2010 at 12:30 pm
A va pawi em!!!! ka van ui teh reng e aw…. mahse… he leia hrehawmna zawng zawng kalsan in a mah siamtu Lalpa hnenah thlamuang tkin a chawl ta, a chhungte thlamuanin awm rawh se.
[Report abuse]
May 8th, 2010 at 1:33 pm
Ava uiawm tak em! Zoawi lelte dang chhuak leh tak ang maw?
[Report abuse]
May 8th, 2010 at 2:29 pm
Nu Ruati, uihawm hle mai. Lusun chhung te Pathian in awmpui rawh se. https://tinypic.com/r/ic67q0/5
[Report abuse]
May 8th, 2010 at 3:51 pm
Pi Vanlalruati khovel a i lenlai ni a tawi lua e, a bik takin pu C.Dina tuar thiam ang maw ! Zo-awi ah rau2 a changtu deuh a ni si a. Chongthu@van
[Report abuse]
May 8th, 2010 at 4:42 pm
@ 23
Fonz
i van ti lawmawm em. link khi ngaihtuah lo deuh in ka click a. a rawn zai thut mai chu mak ka ti tep. heng hla hi ka ngaihthlak awm pawh ka hre ngai lo. mahse ka sakpui thei vek. mak ka ti rap!
RIP Vanlalruati
[Report abuse]
May 8th, 2010 at 4:47 pm
u are welcome miss perfume(lalrimtuii)
[Report abuse]
May 8th, 2010 at 4:59 pm
May her soul rest in peace…
[Report abuse]
May 8th, 2010 at 5:08 pm
@rka_49er i comment # 59 chuan ka hnuk a ti ulh trep mai, a vuina thlalak han thawh thei kan awm em le
@rlchhana # 62 kei pawh Tuikual JB school atrang hian ka passed chhuak ve asin pu Biakliana (fam) Chhinga Veng kha kan head ani thrin. I zaithiam sawite “Laltlanthangi Pachuau, Vansangkimi, Vanchhuangpuii, Vanlalzuiliana, Biakdika” an vanglai zai kha ka hre ve threuh asin Zuia hi chuan Tom Jones hla a sak thrin kha mawle
Ekhai lung hlui a leng trep mai
[Report abuse]
May 8th, 2010 at 5:11 pm
He link hi chhiar peih tan https://misual.life/2009/06/.....nlalruati/
[Report abuse]
May 8th, 2010 at 5:40 pm
A va uiawm tehlul em! Mizo hmeichiaa zai thiam ka tih ber thin a ni a, amah ang mi bik kha Zoram hian a hring chhuak leh ang em?
A kalsan a chhungte Lalpan thlamuan mawlh rawh se.
[Report abuse]
May 8th, 2010 at 6:57 pm
Va uiawm ve awwwwwwwwww…..May her soul rest in peace…A chhungte a kalsan takte ka tuarpui takzet…..
[Report abuse]
May 8th, 2010 at 7:13 pm
Good bye Zoawi Lelte pics funeral en theih https://www.facebook.com/album......amp;ref=mf
Hetah hian Zaimi hovin zoawi Lelte an sakho entheih bawk
https://www.facebook.com/l.php?.....mp;h=1a74d
[Report abuse]
May 8th, 2010 at 7:16 pm
Youtube a en duh tan https://www.youtube.com/watch?v=yePjGgKEFXI
[Report abuse]
May 8th, 2010 at 7:36 pm
Lung a va kuai ve le. Kan tet te atanga kan ngaihthlak thin, puitlin hnu pawh a ngaihthlak nin theih loh a hla sak te hi belhchian a van dawl bik tak.
[Report abuse]
May 8th, 2010 at 7:45 pm
Khitianga in chep rip repa rem leh rem lova in vui ai chuan Biakina invui mai awm tak, ram danga Kristian te pawh Biakinah deuh vek an in vui thin sia. Hmasawnna tur chi khat ani thei angem?
[Report abuse]
May 8th, 2010 at 7:50 pm
@mzvision #77, a va lawm awm ve le. Samuelapa hnenah lawmthu min lo hrilh sak rawh. Remchang i la, kan pui ve tur a ni a… mahse a ti tha e.
[Report abuse]
May 8th, 2010 at 10:11 pm
Zaimi hovin zoawi Lelte an sak hi, a thu an modify em?
[Report abuse]
May 8th, 2010 at 10:17 pm
@kawnga #82
A vuina ah ka kal ve a, an sak hma hian chang 2 na leh chang 5 na hi tun dinhmun nen a inmil turin Ruata Zote in a tidanglam tih an puang. A phuahtu nupui Lalhungchhungi Pachuau pawh a awm ve reng a, an rem titlang aniang.
‘Khiangawih’ tih te ‘Fanau chawiin’ tih te chu a appropiate chiah lo reng ani.
[Report abuse]
May 8th, 2010 at 10:39 pm
Ka han share ve ang e:
https://www.facebook.com/l.php?.....mp;h=47d0b
[Report abuse]
May 8th, 2010 at 10:54 pm
@dr_feelgood, niin ka hre reng a, a inhmeh lutuk e.
[Report abuse]
May 8th, 2010 at 10:57 pm
dr_feelgood a tukhum sam ka hmu…o
[Report abuse]
May 8th, 2010 at 11:04 pm
A pachang a. Cancer a hmachhawn dan hi a ngaihsanawm a ni.
[Report abuse]
May 8th, 2010 at 11:19 pm
@shai.. nia, vawiin chu ka va ‘zai thiam awm’ ve ringawt mai, an kat sup sup sia.hahaha..
Zaithiam ho pangpar pe zing ah khan pakhat tlem a pian phung rual ban lo kha ( Channa ?) khan ka rilru a khawih khawp mai. A tan chuan a pangpar ken kha a man a to awm sia a, a ngai hlu hle anih dawn hi, tih ril ru pu in ka lo thlir ve.
[Report abuse]
May 8th, 2010 at 11:57 pm
Zoawi Lelte Nite-a a zai hmel kha ka mitthla-ah a cham reng mai. A natna khan khati khawp khan a eichhe tawh a. A taksa-ah pawh a lang chhuak tawh khawp mai. Natna na tak tuar chung khan a zai a, a aw chhuak a la ngai deuh reng a. A hlim a, a la nui reng thei bawk a. Mi turu tak chu a lo va ni em!
Cancer hneh loh nun a chu a takin a nunpui khawpin ka hria.
[Report abuse]
May 9th, 2010 at 1:21 am
Ka van ui tak em Zoawilelte chu a fam ta mai chu a ni sia.
[Report abuse]
May 9th, 2010 at 1:32 am
ka ui lutuk!!!! sawi ngaihna pawh ka hre lo.
[Report abuse]
May 9th, 2010 at 4:24 pm
Pi Ruat, Kan va ui tak che em.!!! I talent ropui tak,, zaithiamna te, hlaphuah thiamna te, rualkawm thiamnate, mi ta hmangaih thiamna te zawng zawng hi Pathian pek che chu a ni e.. Mahse heng i talent Pathian pek che tipung tura i inpekna leh taimakna, tumruhna leh huaisenna zawng zawng te,, Mizo zaimi te tana i thahnemngaihna zawng zawng te hi kan hriatsak che a nia aw.. Zoawi Lelte,,, i taksa mawi tak mai chu he leiah hian awm tawh loin, lo chul tawh mahse,, i sulhnu ropui tak,, i hla mawi tak tak te,, i zai mawi tak tak te hi,, a chul ve dawn lo a.. He mizo hnam hian Mizo hla a sak a,, a tuipui chhung chuan a chul dawn lo… Nang ang hi Mizo zingah hian an piang tawh dawn lo tih hi kei leh ka thiante thu tlukna a ni e.. Pi Ruat,, Mangtha…
[Report abuse]
May 12th, 2010 at 9:58 pm
ka hlimna leh ka lungngaihna zawng zawng ka lo leihbuak ve na thin chu i hla te hi an ni a,leilung chang mai tura min liam san hi tuar thiam har ka va han ti em!!!.mahse i hmangaih Lalpa nen hlim takin in in tawk ang.Literature lama tui mi te tan lungngaihna nasa tak a va ni em!! Pi ruat “dam takin” tih a lo tul ta mai hi a va mak em..i pasal duh tak NB-a nen hlim taka in intawh ngei ka beisei.Aw khawvel hi chu a va han chimawm thin tak em!!! Hring i chan lai ni te a i hla te hi kan chan tawk chu a lo ni ta mai a,kei chu hriatthiam har ka ti tlat. Kan lo hahchawlhpui ve na thin i aw mawi takte a han tawp tur hi,ka hrethiam thei tlat lo.Mahse dam takin ka tih a lo ngai ta a ni.. Pi Ruat Mangtha le………….
July 15th, 2010 at 4:26 pm
Ka ui lutuk e keipawn…an ni ho hian mizo society an ti hlun…