Kum hnih lai chu a vei ta reng mai. Zan khat chu kan thianpa pa a boral hlauh mai a. Kan thianpa lungngai hnem ve tumin in pakhatah kan inkawm khawm a. Hnem ahnekin Mizo thawnthua Samdala taimak leh thatchhiat chungchangah kan inhnial ta hrep a, kan tlaivar phah ta hial mai.
Khami tum khan thian pahnih thum nen Samdala a taima tih lamah kan tang bur mai a. Tun thleng pawhin ka dinnaah hian nghet takin ka la ding reng. Samdala han tih chuan kan Mizote chuan thatchhe hmingthang niin kan hre tlat a, “Theipui pawh lo peih lo, lem pawh lem tha peih lo,” te kan ti vel mai mai a!
Mizoramah hian theipui reng reng hi nipuiah a rah (hmin) ngai lo va, fur ruahtui tam lai chauhvin a rah thin tih kan hre theuh àwm e. Fur tui tam lai ngeiin Samdala chu theipui pumkhat chiah ei turin ramhnuaiah a kal a, ramsa leh rannung hlauhawm te pawh an tam ngei ang, kawng awm mumal loh lai pawh a ni ang. Harsatna a awm dawn tih chu a hre tho va, mahse a ti tlat. Chu chu a taimakzia lanna pakhat a ni.
Sakei te pawh an la tawng theih lai a nih avangin hetih lai hi a rei thawkhat tawh ang tih a hriat theih bawk. Mosia’n tuipui sen a sahchah lai pawh a ni thei a, Ashoka’n Kalinga a run hun lai pawh a ni thei tho. Tin, Tsunami’n Nova-te khua a nuai lai pawh a ni mai thei bawk. Hun rei tawh a nih avangin chutih hun lai chuan hmehpuah mai chi hriamhrei pawh a nei dawn miah lo tih a hriat. Chutiang chuan hriamhrei tha pawh nei lovin ramhnuai pilril, ramsa leh sa hlauhawm (Rul chenin.. Changpat pawh) tuallenna ramhnuai, fur khawhnawm leh vangvat tam tak awmna karah ngei chuan theipui pumkhat ei turin Samdala chu a kal chhuak ngat a nih chu! A huaisen a, a tumruh a, a taima bawk. Chutah chuan mahni inrintawkna kan hmu tel bawk a, a va ropui tak em!
Mitthla leh suangtuahna nen han fang zui mawp mawp mai ila! Vangvat pawm tên tûn leh thosi leh vaihmite hruai duah duah chungin raltitna ram, chu theipui kung ngei mai chu a thleng ta. Duhthusamin a rah a tam a, a hmin tuarh bawk a. A kunga lawna hmawm nghal mawlh mawlh mai chu a duh a. Mahse, ngaihtuah chhuah a nei, “Na-a chu nise a ti ngei ang,” tih hi.
Chhurbura fan ruh tak a nih avangin Nahaia chu a ngei hluah hluah a, a ten a, a hua a ni. Hemi tum pawh hian Naa chu nise rang fahranin a lawn ang a, chuhhelh tak leh vangvat eikhalh hlau niawm fahranin a hmawm nghal buan buan ang tih chu Samdala hian a hriat kiau avangin chutiang chuan a ti duh lo. Dawhthei taka a hnuaia a tla lo dawh mai kha a thlang ta zawk a ni. A luhlul tha ve ngengngawng khawp mai. Mahse, hei hian chona thar hmachhawn zel duh mi a nih zia a tilang chiang hle thung.
A hnuaia dawh tak rau rauah chuan thu chung leh ding chung ni lovin mu chung ngeiin dawh ila, nghawng a kham nep mahna tia remhre tak chungin a mu thluang duai a. A chunga theipui rah hmin tha em em mai chu a ka chhungah tak mai tla turin a rilru a dah nghet a. Vanneihthlak takin theipui pawh chu a rawn tla ta; mahse, a kaah a lut tlat lo! A dangte pawh a rawn tîl phak phak a, a hnarah te, a mit ko-ah te, a kapah te, a khabe-ah te a rawn tla a. A tla pherh neih nuaih nghe nghe.
Mahse, a beidawng duh miah lo, a tum a ruh a ni. A ka chhunga tla chauh ei turin patling taka rilru a siam tawh avangin dawhthei leh tumruh takin a nghak täng täng a ni. A kap, a kezungpui leh ke zungchal inkara vangvat zukna chu a thi reh thei lo va, thosi sehna a mal chu a sen tút a, a vung bur tawh bawk. Thawmhnaw an la ha mumal lo tih hria ila, chumi akarah a chheh velah sakei koham tak takte’n an la rawn rumthaih chhén lehnghal. Ruah lah chu a rawn tla leh siar siar tawh a. Kangthai a lo delh fuh palh nen, a beidawng ve lek lekin a rinawm. Mahse, tlai ngai lo chu a hun takah a rawn che ta! Theipui rah pakhat chu a lo tla nel nel a, a ka chhungah tak chuan a tla lut ta a. A va lawm tak em!
MLA candidate, a tling a ni tih a hriat tirha a lawm tluk zetin a lawm ngei ang. A nghak rei ta bawk a, lem nghal mai phal lovin a han hmuam vang vang a. (Hei hi tun laiin a lem peih loh vang niin kan ngai a, a pawi lutuk!) Tichuan, a lem ta. A hna a hlen ta!
A hnuah phei chuan a thin thawk chuan amah rumthaih sektu sakei kha a va bum haw ta nghe nghe a nih kha. A fing a, a huaisen a, a tuarchhel a, a dawhthei a, a zaidam a, rorel a thiam a, a chuhhelh lo va, a taima a, a che mawi lo lo va, ruahmanna a nei tha a, a hlawhtling a ni. A lawmpuiawm ngawt mai!
Tichuan, vangvat zukna lai chu ramhmul damdawi hmangin a enkawl vat a. A bula amah lo hel rengtu sakei a hnawh bo hnuin pakhat dang, rultuha chu a chhawk hmawk a, a kangthai delh lai chu a zung chawpin a phawi a, nisat huna phoro atan a ti a ni. A la duhtawk mai lo, theipui kung pawh khan a thin a tihrim tel tlat avangin anchhia a lawh a, tun thlengin rah a la chhuah leh lo.
Samdala hian eirukna (Corruption) hi a haw ve hle niin a ngaih theih. A chhan chu amah lo tinatu kangthai chu a zung chawpin a kar phawng a, phoro a tum ve tlat. Ka sawi nin thei loh chu ka sawi tawh hnu hi a ni. Theipui rah pakhat lek ei thei tura ramhnuai pilril, ramsa leh rannung hlauhawm tamna, fur khaw hnawm leh kawng mumal awm lohna hmunah a chhuak lui ngam ngat kha a ni. A ropui a, a ropuina chu fak tlakin a lantir a ni.
Samdala hi mite angin KTP leh YMA-ah a inhmang vak lo a ni thei, kohhran leh khawtlangah pawh a kul a taiin a inhmang hman kher lo a ni thei bawk. Mithi lumen, thlan laih nikhuaah a langsar ber a ni kher lo thei a; mahse, kei chuan ka dem hauh lo. A chhan chu a hun laiin KTP leh YMA, kohhran leh khawtlang thila inhmanna tur a la awm miau si lo va!
Mite angin pa sek tha teng tung leh pa lian (light heavyweight) ni lo mah se, ka thinlungah hmun a chang thuk zual zel a, kei chuan ka ‘idol’ atan ka la thlang cheu a ni. Mite angin lehkha a thiam lo tih lah hriat sa, khawsak harsat avangin mawza man to leh tlawm bun tur pawh a nei zo lovang tih pawh thil chiang, a lo pian hma deuh avangin intunnunna turin cheng nuaih khat a dawng ve hman lo tih pawh a chiang tawk hle. Heti khawpa pa khawngaihthlak a nih laia a ni lo zawng hlira kan sawia kan lo ziak thin hi chu a rilru chhiatthlak mang e.
Theih nise a thlanah ngei mai khawvela sang, lian, mawi leh ropui ber turin lung han phun ruah mai ila(h), chutah chuan a chanchin dik tak, a ropui zia thu ngawt chu khawvel tawng chi kimin han thai rang ruk mai ila, chu thuziak chu Pu Obama leh Osama te lai lai hian an chauh chang leh ngui changin infuihthar nan han hmang thin ta se, a va ropui dawn em!
Chutianga kan tih theih em loh pawhin amah chawimawi nan hrim hrim Rajiv Gandhi Stadium kan tih turah te Samdala khelmual te han ti ta zawk ila, hnamdangin min hmuhsit phah hlauhvin ka ring lo.
Hei hi nikum hmasaa ka ziah tawh a ni a, ka blog-a mi edit leh kaihtawi hnua ka rawn post a ni e.
https://chhemdamthlifim.blogspot.com/2011/01/mi-ropui-samdala.html
:D 
January 6th, 2011 at 7:52 pm
Thatchhe uchuak tur pawh hian taihmakna kawng dang tal neih hi a ngai thin reng a ni! :lol:
Ka lol sual chu! lolsss
[Report abuse]
January 6th, 2011 at 8:16 pm
@ zb pa .. nei hran lo e… mi pakhat freedom fighter hi mi dang tan chuan terrorist ti zawng in ka ngaihtuah pek a
..e chuan taka vawksa kha dawlrep nen a inhmeh khawp mai
[Report abuse]
January 6th, 2011 at 8:21 pm
@ fonz..he he tu emaw i sawi chhan deuh emaw ka tia….tui tur alawm ka sah sawm leh rep vek anih kha
is it yet 8
for 
for wonderboy?
[Report abuse]
January 6th, 2011 at 8:38 pm
Samdal hi a chanchin an sawi a piang hian ka rilru ah chuan Buddhist Monk a lang zel. Ka Pipu te huan lai a buddhist monk thingkung hnuai a in meditate a nih ring tlat thin, tun ah poh a nih ka la ring tho
[Report abuse]
January 6th, 2011 at 8:44 pm
hiho mai2 thin hi a hairehai
[Report abuse]
January 6th, 2011 at 8:55 pm
Pu HV ka opinion i lo ‘Hairehai’ zel ten!!
hehe
[Report abuse]
January 6th, 2011 at 9:01 pm
0pen letter to TuaiSiala,
Mizo thawnthu-ah hmeltha chungchuang leh hmelchhe em em te, taima rumrut leh thatchhe zawrkawi tak te, huaisen em em leh dawizep tak te, zaidam tak leh thinchhia/ vín em em mai te, ngilnei tak leh sual chimawm em em te, Lal fanu/fapa hausa eltiang atanga hmeithai fanu/fapa rethei bakberh te, mahni hmasialnaa khat leh mite tana inpe/ mi tlawmngai tak tak te kan nei. Thawnthu a ni miau a, thawnthu chu thawnthu anih angin awm mai se la, anih angin inhrilh chhawng mai ila ka ti. A tha lam ringawt ngaihtuah a, duh ang2a kawihher chi emaw ni dawn le…? He post hian naupanlaia ngaihnawm ti tak leh nui pùt pùta kan ngaihthlak thin– Thawnthu ropui, Samdala thawnthu kha a tikhawlo zo ang tih ka va hlau e. A ngaihnawmna leh a hlimawmnate zawng2te kha a tibo zo ang tih ka va hlau e. Samdala kha mi ropui, taima, tumruh a ni lo a, mite mak tih leh sawi hat2 khawpa thatchhia a ni tih ka puang nawn awn awn e. Amaherawh, thawnthu ropui leh ngaihnawm, hlimawm bawk si tih erawh ka pawm!
[Report abuse]
January 6th, 2011 at 9:04 pm
ten ten..boruak a lum chho tan dawn e…ka tuar zo lo gym lam ka pan mai ange :dumbell:
[Report abuse]
January 6th, 2011 at 9:05 pm
Party thar din la, duhtawkin han kampen la, zuitu i va ngah dawn rua e
[Report abuse]
January 6th, 2011 at 9:09 pm
Samdala hian Story a nei. a scene ah hian a that chhe miah lo.a that chhiat zawr kawi lai hi khawi lai nge maw ni le. pa dangdai tak chu a nih ka pom. tlats mai a…ha ha..
[Report abuse]
January 6th, 2011 at 9:20 pm
Hei zet chu mak dang dai e. Hetiang ah chhuah lo in khawi emaw lai ah a sawi in sawi ni ta sela a fuh phian ka ring. Kut ziak a pho lan chuan mi a hneh mawh mai thei. Pulpit tlang a thusaawi pawh a ang a lawm le!
Taimak hi hrilfiah phawt ila a fuh ka ring. Mah se ka hrilfiah thei rih bik lo tun thleng hian. A then in mut rei an taima a,a then in TV en an taima a chutiang zelin. Helaia Samdala pawh hi alo taima reng ve a ni.
[Report abuse]
January 6th, 2011 at 9:26 pm
Hehe Pu Kawlhawk: I hlauhthàwn chu a thlen loh ngei ka beisei. Tin, kuaiher lampangah lo ngai lo bawk la. He thu avang hian a ngaihnawmna a bo ka ring lo. Mizo thawnthu humhalh i duh vang a ni tih erawh ka hria a, ka lawm tak zet.
Mizovin lehkha phek khat kan tihah hian hnamdang chuan phek hnih an nei. Thil reng reng hi thlir dan chi hnih, a tha zawng leh tha lo zawnga thlir dan a awm a, a tha zawngin ka rawn thlir mai a nia.
Ka GPRS chhiat vangin hnehna hlado i lo chham hman tep mai! :fiamthu:
[Report abuse]
January 6th, 2011 at 9:28 pm
#57, Thawnthu a ni miau a, thawnthu chu ….. A tha lam ringawt ngaihtuah a, duh ang2a kawihher chi emaw ni dawn le…?
I ngaihdan hian dikna chen a nei. Amaherawhchu Tuaisiala hian he thawnthu hi a tihkhawloh ka ring lo. He thu ziak hi Samdala thawnthu lipui sira litengsawl ah i ngaih sak teh ang u, min tih hlim em hi
Sangzuala Pa ‘Mi ropui ngaihsanawm lo’ te pawh min ti hrechhuak e
[Report abuse]
January 6th, 2011 at 9:38 pm
jalal, Samdala thawnthu hrilhnawn i ngai a ni lo maw? Thatchhia anih ka hre lo… han tih tldt mai chu! Ih maw… thatchhe lutuka maw… a riltam em em laiin theipui kung a hmua maw… a rah hmin thuapa maw… chu pawh a kunga lawn peih loin a hnuaiah/ a rah tla mai tur zawnah a mu a maw… a ka chhungah a rawn tla ngeia maw… chu pawh chu “ka thial peih ang em aw… ka lem peih an em aw…” a la ti mawle! Pa dangdai ni loin, pa thatchhe dik tak a ni.
Tin, hetiang em em hian a takah a thatchhe lo pawh a ni thei e. Mahse, mizo ten thawnthu hrang2– huaisen thawnthu, zaidam thawnthu, hmeltha thawnthu, zaithiam thawnthu kan neih ang khan, thatchhe zawrkawi thawnthu, mawl em em thawn thu, thinchhe rapthlak thawnthu te pawh kan nei.
Hetiang zawnga kan chhui dawn chuan– kan thawnthu a nuhrawn sual hmingthangte pawh an fel zia kan la sawi chiam ang ti nia! Liandoa nuhrawn pawh kha a sual vang a ni reng2 lo. Tuaisiala kha a la tèin an kalna tur a hla si a… a upa zawk leh chak zawk liandoa kha chu a hruai hreh reng2 lo. I nau kha luiah nam thla la, nang chu lo kal rawh a tia ni lo’m ni? Tuaisiala kha a û rual lo ni tase, an unau khan a hruai hreh reng2 lo. Kawng tlana tulpui pawh a huam… kan ti dawn em ni?!!
[Report abuse]
January 6th, 2011 at 9:43 pm
TuaiSiala GPRS chhe reng rawh se
Post liam hunah tha leh rawh se 
va nuam ham ham ve!
[Report abuse]
January 6th, 2011 at 9:43 pm
Pa dang dai tak a ni. a awm dan hi mi thatchhia awm dan a ni tlat lo. tlats maia..ha..ha..
[Report abuse]
January 6th, 2011 at 9:51 pm
In reh ta em mai… Zoram khawvar hun nghakin ka mu daih dawn!
[Report abuse]
January 6th, 2011 at 9:54 pm
A va han ngaihnawm tiap tiap ve! TuaiSialA nge nge,”TuaiSial, thlang deuh ah?” kan ti luai luai mai dawn a nih hi maw?
Kan sawi ve leh teh ang (a hma lam a ka ziah tawh tho kha), samdala thatchhiat leh chhiat loh kha inhnialna tlak a ni lo phawt mai a. Thawnthu a ni a, a tak awm lo, rinthu nena phuahbelh, chu a thawnthu laimu chu a thatchhe em em a tih kha ni a. A thatchhia ani tawp mai a ni.
Fak hlawh loh val rual faktu kha chuan fak phu ngawih ngawih a rawn fak chhuak thiam a ni. Samdala nunah khan zirchian ngial han tum pawh ni i la, kan thawnthu hriat dan lah a hrang nuaih a maw ani ang a. A zirtir a tha, mahse Samdala kha mi thatchhe tak a ni ti mai ang u.
Hetiang te chuan tu eiru lian politician leh officer liante emaw chanchin hi kan sawi ve sep sep a nga. Leh lam atangin “a ni chu an sawi chhe mai mai a lawm.. a eiruk atangin sawma pakhat a pe a, an thenawm a hmeithai te vawk in a thlawnin a sak sak a, eirukna tur anih chuan zanah pawh tlaivar thak thakin hna a thawk peih”
te kan la ti ang tih ka hlau deuh a ni!
[Report abuse]
January 6th, 2011 at 9:55 pm
Mi thatchhiah kan tih ho hi chu an mu tam chawk ania..Samdala pawh hian theipui rah hi mu chungn ngeiin a nghak niin alang. Theipui kunga lawn chu sawiloh, ding chung pawhin a nghak peih lova, thu chung pawhin a peih hek lo, a riltam ve tawh bawk si, a mu ta ringawt nih kha.
Kan zinga thenkhat hi chu miin thiam taka an sawi vanga awih nghal zung zung mai, tanhmun mumal pawh neilo kan ang khawp mai a.
[Report abuse]
January 6th, 2011 at 10:03 pm
ha ha kan buaina ber nia ka lo hriat ve chu taima leh thatchhia hrilfiahna a in ang lo a ni, Mizo ten taima kan tih chu Samdala chet dan hi chu a ni mawlh lo a lawm, a taimak dan hi a thatchhe deuh chu a ni hai re hai
[Report abuse]
January 6th, 2011 at 10:24 pm
@Beethugs2: A hnuaia theipui rah tla tur, kàa chan rau2ah ding chungin i châng peih ngût na maw chu? Post khi han chhiar chiang leh mah ula. Fur laia theipui kung hnuaia mut hi thil nuam a nih va ring suh. Tin, a taima ti pawla tang an awm paw’n an ngaihdan a ni a, tin, he post hi inhnialfiamna a ni tih hrechiangtu-ah ngai ta mai la, a hahdamthlak zaw phian âwm asin.
@K’u Kawlhawk: A thawnthu original kha thuhran ni se. Kei chuan a thatchhia i tih phènah a taimakna ka hmu chiang khawp mai!
@Pu VaiVa: A dik alawm. Post-ah pawh khian, ‘Mitthla leh suangtuahna nen han fang zui nghal mawp mawp ila..’ tih a awm khi. ‘A thil tih phènah enge awm ang? A thawnthua lang lo enge tih a neih ang? Engtin nge a chêtdan kimchang ni ang?’ tia suangtuahna nena ziak ka ni e. Chu chuan tu hnuk va khawih pha suh!
[Report abuse]
January 6th, 2011 at 10:29 pm
Naaa… TS, nang chuuuu… I rawn tlip mawi/nalh thei eeee… Ka mu tak2 tawh a nia…
[Report abuse]
January 6th, 2011 at 10:35 pm
Samdala a thatchhia, a taima. Inhnial bur bur na chi a ni lo. .He khawvela kan awm chhung leh kan hriatreng atana tha chu thil reng2 hi atlangpuiin kawng 2 in a thlir theih vek tih hi hriat atha khawp mai. .Samdala chungchang mai nilo kan thawnthu dang pawh hi kawng 2 in thlir zel ta ila,a hmaa kan hriat loh dana thlir tur atam ltk. .Tuaisialan Samdala a thlirna chungchang hi literature-ah chuan New interpretation an ti thin. Mahse kan thil thlir dan thar hi kan society pum awih tir tur chuan beih ve fe angai ang. .Samdala kan hriat hmasak dan ber chu THATCHHIAT ah a ni. Chu chu pipute interpretation a ni. Samdala identity chu engdang niloin THATCHHIAT a ni. THATCHHIAT tih hming tel loin,thil dangin samdala hi hriat a ni ngailo. .Hetiang ang chi hian thawnthu dang pawh new interpretation atih theih teuh. .TUISIALA an hetianga thlirna a rawn hmang hi finna thar chharna leh idea thar rawn vawrh chhuahna ani lem lo. .CHHURBURA identity chu MAWL, CHHAW a ni. NAHAIA identity chu FIN VERVEK a ni. CHHURBURA taimak ziate,NAHAIA thatchhiat ziate hi sawi vak a ni ngailo. .Duh tan an thawnthu pawh hi new interpretation chu a tih theih teuh. .CHEMTATRAWTA kha a thinchhiat tur ang ziate kha duh tan chuan a zeldin vak theih, a identity ber erawh chu kaikuang til cheh sak pa anihna kha a ni. .SAMDALA athatchhia, a taima. . .MIZO mipuiten kan hriat dan ber paihthla thak thei khawpa ngaihdan vawrh chhuak tur chuan SAMDALA taimak zia hi sawithiam fe angaih ka ring. .KA THIL RAWN SAWI HI IN MAN THIAM CHUAN IN INHNIAL VAK VAK TAWHIN KA RING LO
[Report abuse]
January 6th, 2011 at 10:38 pm
Zeldin thu ka rin aiin in tuipui zeka HO tilo tur pui in HO ka tih phah vek …
Ka mumang pawh min ti hrechhuak alawm le 
Tirhkoh Paula’n ‘inhnialna atthlakah ah leh thlatubul chianglo chhui avanga inhnialna ah chuan telve suh’ tih ang zawnga sawi tak kha mawle
[Report abuse]
January 6th, 2011 at 10:42 pm
Fur lai lehnghal phei chuan chakna zawng zawng sawmkhawm a han mut loh ve mai tur asin mawle.. Han mut kher, thatchhe e
[Report abuse]
January 6th, 2011 at 10:59 pm
Hehe. Rio: A va dik tehlul em! Kan pute hian Samdala thawnthu tibawrhbanga tikhawlo thei tur khawpa thuziak thiltithei leh ropuiah an lo ngai pek alawm le!
[Report abuse]
January 6th, 2011 at 11:05 pm
@Asteric: I lo la thutak lutuk nih chu..keini chu kan fiamthu a sang a..
[Report abuse]
January 6th, 2011 at 11:33 pm
Va tha e….
…….Taima kan thlirna zawn atanga teh a ngaih hmel 
. Zeldin thu bol don chuan gravity poh thei rah tla(lawh ni lo hahahha) avanga ngaihtuah chhuah a ni ve tho 
.
[Report abuse]
January 7th, 2011 at 1:15 am
Thlirna leh suangtuahna dangdai tak a ni. ” Tlawmngaihna a sir lehlam atangin ” tih ang chi kha a nih hi. Tha ang reng khawp mai.
[Report abuse]
January 7th, 2011 at 1:40 am
Samdal deuh ho ei duhtui duh ngah tluak hmang sum hmuh nan chuan zah pah neilo hi maw khawi hmunah pawh an awm ve zel>Helamah pawh an awm ve tho mai.
[Report abuse]
January 7th, 2011 at 6:20 am
@Rio Ralte, #73, Pawl engzat nge i zir tawh? Kum engzat nge i nih? Han ti mai ilah. . . . He he he. . .
Liandova ai in Tuaisiala hi a fing zawk kan ti ve thung dawn a mawnile. . .
[Report abuse]
January 7th, 2011 at 6:42 am
@Ts, fur lai i ti ve ziah mai, a theipui lawh ni tak khan ruah a sur tih a in ziak bik miahlo a nia aw. Tin, fur pui lai hian ruahpui hi ni khat tal chu a hâi awm e. Ruah hâi ni a khawtha hi nuam tak ani, boruak thengthaw nuam tak nisa uarh mai phei chu buh leh puankawp ilo pho nan kan hman nasat thin kha le. . . . Kan ti leh hram a nih chu. He he he . . .
[Report abuse]
January 7th, 2011 at 9:19 am
[Report abuse]
January 7th, 2011 at 9:31 am
ka chhiar chak, mahse ka la hman si lo…
[Report abuse]
January 7th, 2011 at 9:48 am
@Lersia: Fûr khawhnawm tih tawngkam te pawh kan hman fo si hi maw..! Ruah lo sur lo emaw pawh ni se, ruahsur hun lai a nih hrim2 vangin theipui hnuai, hnahthel eng ilo fahran awmnaah chuan vaivut a khu vut vut lo hrim hrim!
[Report abuse]
January 7th, 2011 at 10:52 am
“Chutianga kan tih theih em loh pawhin amah chawimawi nan hrim hrim Rajiv Gandhi Stadium kan tih turah te Samdala khelmual te han ti ta zawk ila, hnamdangin min hmuhsit phah hlauhvin ka ring lo.”
ka thlawp e
[Report abuse]
January 7th, 2011 at 11:26 am
Mo thar pakhat inti taima lutuk pawh kha Mu chungin la a phiar vel a, a pasala chhungten “Mu chungte’n la a phiar a, a thatchhe reuh lutuk” an ti a, an ma daih asin le..
Samdala pawh hi a thatchhe reuh ngawt mai, mu chungin Theipui rah lawh a tum vel a…
[Report abuse]
January 7th, 2011 at 11:31 am
Samdala chanchin la hrechiang lo te tan mi(sual) kawnga ziah hi lo chhiar ve teh u Samdala
Tin, Pu TuaiSialA tlipna Mualpui stadium hming sak chungchang ah hi chuan ka thlawp ve reng tho mai! Misual post hlui hi en ve teh u Rajiv Gandhi Stadium
[Report abuse]
January 7th, 2011 at 11:33 am
@Riangtleii: Mu chungin theipui rah lawh a tum awkawng lo!
Theipui hi a tui ngawt mai. Kan lo teuh a, iptepui-ah kan ak haw thin a, in thlen hmain kan ei zo vek zel. Samdala kha a lo vir lo ngawt mai.
[Report abuse]
January 7th, 2011 at 2:43 pm
@Lal Ts. I van hnial hrat tak. .
kha tih hunlai vel kha ka lal lai a nia, ka hrechiang lutuk. . . Ha ha ha ha. . . Kha theipui kung kha sawntlung êl zawl a awm a ni a, a lei khan tui a pawmvak lova a hul phuk roh mai. Sawntlung hmun a nih avangin hnimin a bawh tha vak lo a a fai tul lehnghal. Fur khawchhiat laia khawtha chhun han chuan vel nana hmun thlanawm ber a ni. . . . Kan ti leh hram te’ngssr. . . . Ha ha ha
[Report abuse]
January 7th, 2011 at 2:52 pm
@Lersia: Khatih hun lai kha ka hrechiang lutuk alawm. Nangmah pawhka hrechiang lutuk che. Kan unauvin i chungah khan kan lawm khawp asin. Hmááááánah khan lawmthu sawina chang kan lo hre lo va, ka u a awm tawh lo bawk nen, kan unau aiawhin lawmthu ka rawn hrilh leh hnuhnawh ang che. Ka zah che em avangin ka hnial ngam tawh lo che!
[Report abuse]
January 7th, 2011 at 3:13 pm
@Lal Tuisial chaw ei ah min sawm dawn lo emni. Hnialhrat sa bawp min pek hi ka lo pu phei anga. Bakah, ka silai chhiah a ka lak Saza bawp rêp nizan khan ka dawng hlauh mai a ka rawn keng mai dawn mawni le. . . . Chaw tui tel lova chhum awiloh kan ti anga. . . Ha ha
[Report abuse]
January 7th, 2011 at 3:21 pm
Haha! @Pu Lersia: Lal ropui ber, rawn keng phei mawlh teh khai. I zu thlum tui tha kha rawn keng la, i setuai min puichhuah atanga ka thar chhuah, sebawng pa thau tha tak tak chu i nang leh i thuihhruaite tan kan lo hlui ang che!
[Report abuse]
January 7th, 2011 at 7:41 pm
Samdalthatchhezawrkawia@yahoo.com
[Report abuse]
January 8th, 2011 at 9:04 am
He post chu a va jokau ve
post tupa chu, tranna dik lemlo ah pawh
i tran lam chu isawi thiam hlarh2 viau dawn hi a
100% a samdal fing i tih cu ka ring bik chiahlo
dangdai dug vanf mai2 niin ka hria, NOI, though
[Report abuse]
January 8th, 2011 at 9:07 am
##duh vang#
[Report abuse]
January 8th, 2011 at 10:04 am
@Little: Nang meuh i rawn chêt chuan kan dang zawt zawt mai! Hehe.
[Report abuse]
January 8th, 2011 at 9:20 pm
Tuaisial..Kei tehlul hian nang tehchai post ah ka rawn trawng ve mai2 a nih hi
[Report abuse]