– David M. Thangliana
Kan zaithiam leh hlaphuahthiam hmingthang, mual min liam san ta Pi Lalsangzuali Sailo khan zu hi sual tinreng bula a chhuah hma atang daih tawhin Kristian kan nih hnu-a Mizo society-ah chuan zu hian hmun tha a chang lo hrim hrim a. Pi Zualte-i khan “sual tinreng bul” ti-a zu alo sawi pawh kha a mawh lem lo. Bible kan en erawh chuan Pathianin sual tinreng bul a tih chu sum ngainatna a ni zawk a; zu chungchangah chuan zu ruih leh zu ruih chingte a dem thu kan hmu a ni.
Zu hi Mizo-te chuan Mizoramah mai ni lo, kan awmna hmun apiangah buaipui bera kan neih emaw tih mai turin a inmi leh inlo mi in kan buaipui em em a. A inmi ai mahin a inlo mi ho hian Mizoram chhungah ngat phei chuan kan buaipui emaw tih tur hial khawpin kohhran thleng thlengin zu chungchang hi kan ngaihtuah luih luih reng mai chu a ni ta ber a. Chuvangin ngaihtuahna kan sen ngai nia lang ta chu “Zu hi nge kan buaipui tur zawk ni a, a inmi zawkte” tih hi a ni.
Ruihtheih thil hmansual hi Saptawng chuan “Abuse” ti a sawi a ni a. Chumi awmzia chu “Hmang khawlo” tihna pawh a ni thei ang. Tunlai hian kan thalai zingah damdawi hmang khawlo an tam em em a, chung ho chu Saptawng chuan “Drugs Abusers” tih an ni a. Damdawi an hmansual avang khan damdawi hi a sual ta hle a ni lo. Natna avanga mamawhtu tan chuan khawvela thil hlu ber a ni zawk. Damdawi hmansual atana lar em em, “Heroin” kan tih te pawh hi natna khirh tak vei, nachhawkna pangngaiin a chhawk zawh tawh loh te tan chuan malsawmna a ni ringawt a ni. Chutihlai chuan dam tha pangngaiin ruih nana an lo hman erawh chuan a ngawl vei theih a ni a. Drugs ngawl miin an vei chuan an taksa tan a that loh mai bakah tul lova sum leh pai tam tak khawhralna a nih avangin khawvela sorkar zawng zawng tih theihin heroin leh a ngawl vei theih drugs dangte chu an khap ta zawk a ni. Chutih rual chuan khawthlang ram hovin drugs an tih ve tho, ganja kan tih mai, marijuana te chu ram changkang thenkhat chuan khuahkhirhna dan tha tak siamin zawrh an phal leh thung a ni. Chutiang deuh chuan zu te pawh khuahkhirhna dan neiin khawvel ram tam zawkah chuan sorkarin zawrh chhuah a phal a, India-ah ngei pawh Mizoram, Gujarat, Nagaland leh Manipur tih lohah chuan zu zawrh chu sorkar sum lakluhna tha tak a ni.
Ka hmuh ve dan chuan zu chungchangah hian a zu-a aiin zu inmi-te hi buaipui tur zawk an ni a. “A inmi” han tih pawh hian zu inmi engemawzat hi buaipui ngai hauh lo, an in tih pawh hriat mang lova zu in an awm a. Heng ho hian khawtlang leh an inchhungkhur an tih buai loh avangin kohhran leh khawtlang pawhin an ngaimawh lo ni te pawhin a lang. Buaipui ngai zawk tak chu zu in avanga ruih tum tlat te, zu ruih avanga buaina siam chhuah tum tlat-te hi an ni zawk a. Heng ho avang hian zu khap duh tam zawk pawh hian zu khap hi an duh phah niin a lang bawk. A nihna takah chuan zu inmi tam tak hian an ruih ve loh chuan zu rui hi an ngaithei bik miah lo a. Chuti a nih chuan tu pawh hian zu rui chu kan ngaithei lo tihna a ni mai awm e. Chu chu thil awm dan a nih si chuan a do loh tur zu hi do char charin a do zawk tur zu ruih hi kan lo do lo a ang ta hle mai.
Mi tam tak sawi ka hre thin a: “Zu hi amahin sual a ni lo; a awm ve mai mai a ni,” an ti thin. Hei hi tuma phat rual loh thudik a ni a, hmang khawlo kan awm thin avangin zu chu (thil sual ni lovin) thil sual tih nana hman mai chauh a ni. Tehkhin fo thin chem te pawh an tangkainaah chuan an tangkai em em a. A hmang khawlo duhtuin a hman khawloh avangin thil sual tih nana hman a ni ve thin.
Engpawh hi thilsual tih nan hman theih a ni a, Pathian thu te hlei hlei hi hmansual theih leh hmansual awlsam em em a ni. Mahse miin an hmansual avangin Pathian thu chu “sual” kan ti lem lova, “Kalsual” tiin a hmangsualtute kan dem zawk thin a ni. “Zu chu ruih theih a ni a, mi an ruih tawh chuan rilru fim an pu lova, kan do tlat hi a ngai a lawm,” tiin mi thenkhat chu an tang tlat mai thei. Han ngaihtuah thuak chuan he tanhmun hi a awm khawp mai. Mahse Pathian thu pawh a rui duh tan chuan ruih theih a ni teh meuh mai. Pathian thu rui tawh lah hi an buaipui awm em em lehnghal a, Pathian thu ruih avanga chhungkaw kehchhia leh tluchhe ta tam tak sawi tur an awm a ni. Ruih theih rau rauah do duh leh do duh loh kan neih chuan a dikin a rinawm lo. Pathian thu rui/Pathian thua kalsual kan tih te kan do ang hian zu ni lovin zurui, zu hmangsualte hi do ve ila kan ti fuh zawk ngeiin a rinawm.
“Kristian ram kan ni a, zu hi a ngampa tur a ni lo,” tih te hi kan sawi duhdan zawng a ni a. Hei hi ngaihtuahna kalsual atanga rawn piang ni ngeiin a lang. Kristian ramah zu hi a awm lo tur a ni tih hi kan sakhaw innghahna Bible-ah a awm a nih chuan kei chuan ka la hmu lova. Alo awm a nih chuan Kristian ramah chuan zu chu a awm lo tur chu a ni ngei ang. Mahse chutiang inziak a awm si loh chuan mahni duhthawhna avanga sawi mai kan nih a rinawm a, mahni duhthawhna avanga Pathian thu a nih tur ang bak bak a kalpui chu “Kalsual” an ni ve mai thei lovang maw? “Kristian ram kan ni a, zurui hi an ngampa tur a ni lo,” tih hi kan sawi dan tur ni zawk awm tak a ni a, kan inzirtirna pawh ni zawk awm tak a ni.
Zu hi thil nung, tawng ve thei ni ta se Mizo society hi court-ah min khing zing viau in ka ring. “Kei chu ti hian ka awm ve mai mai a, ruih theih ka ni tih hre rengin an taksa tana thalo chin thleng thlengin miin min in a, min ruih thlenga min in avangin min in tu khan naupang ava pawngsual a, rukte ava ru a, inchhungkhur a va chawk buai a; ‘zu vang a ni,’ tiin min puh leh daih si a, Pu Court, ka lungawi thei lo a ni,” tiin court-ah min khing ta se defamation case awrh tur hi kan tam ngawtin a rinawm. Mizoram khawchhak lamah sorkar hmalaknain kut hnathawka eizawngte’n grape an ching a. An thawhrah an seng theihna tura thi leh thau pawlh a tan an lak hnu-ah Mizoram sorkar chuan grape wine siam chhuah a phalsak a. An han hralh chhuak dawn chauh a, kan kohhran lian ber lah chuan, “Zu a ni,” tiin anchhia an lawh nghal ringawt a. Chhimlamah lah “Zu a ni,” tiin an grape wine siamchhuah, chhuang taka “Zawlaidi” tia an koh chu hralh an han phal lo ve leh bawk a. Zu pawh lo ni sek sek se enge a pawina? Kan sakhaw bu-ah lah zu do tur a nih thu kan hmu bawk si lo. Zu pawi bak tu pawi mah kan sawi lovang.
Pu Zu-a bawk hi rawn tawng chhuak leh ta se ti hian a tiin ka ring: “Mi lem changah min chhuah leh ta der mai. Kum sang tam tak zu leh wine lo nei tawh ram te’n wine leh liquor (zu) an then hran laiin Mizoram mipui chuan wine te pawh zu-ah chantirin kei Pu Zu-a hi wine min nih tir a, lem min chan tir a ni. Lal Isua’n tui wine-a a chan tir nen khan thil inang a nih miau loh avangin defamation case file mai loh chu tih tur ka nei ta lo,” a ti ngei ang.
Zu heti taka kan diriam a kan do lai hian a hmangsualtute hi a nih leh engtinnge kan tih ve? Kohhran hian a kawmserh tak tunlai hunah chuan hriat tur an vang hle. Zu rui mi kan tam teh lul nen zu inmi aiin nupui/pasal inru kohhranin a kawmserh hi an tam zawk fe awm asin. Sorkar lahin zan khat Police Lockup-a a dah chuan a duh tawk der emaw tih tur a ni bawk. A zuartute hi a hmangsualtute an ni lo; Prohibition Danin a khap avangin Dan bawhchhia an ni mai chauh a ni. Zu hmangsualtute chu ruih nana hmangtute hi an ni a, ruih vanga khawtlang leh chhungkuaa buaina siamtute hi an ni. Zu hian buaina a siam lo, mihring, zu intute hian buaina kan siam zawk a ni tih hi kan chian thar a ngai.
Zu hi thilchhe lailet dera Mizo society-in kan puh hi chu a khawngaihthlak khawp mai. Ruih theih a nih vang ngawta heti taka kan do hi chu kan tifuh lo hle a ni. Zu ni lovin zu ruite hi engtia tih tur nge tih hian kan rilru luah tam zawk tawh se kawng dik zawh tanna a ni ang. Ka han ti nawn leh sak ang e – Kristian ram kan ni a, zurui hi an ngampa tur a ni lo tih hi kan sawi dan tur ni zawk awm tak a ni a, kan inzirtirna pawh ni zawk awm tak a ni. Zu nge kan do dawn zu hmang khawlo a zu ruih chingmi tih hi beng sikin i ngaihtuah tlang teh ang u.
Similar Posts:
- Missionary hmuhchhuah zu!
- Zawlaidi-a ka ngaihdan leh a hriate ngaihdan
- Wine (zu) hi Kristiante hian kan in duh ang em?
- Bible a zu(wine/uain) lanna te..
- ZU HI SUAL A NI LO, A IN A TE PAWH AN SUAL HEK LO
te hlei hlei hi a heh heh ah an tang zawk leh nghal la.
tequila nih hi.
hei hi beer
January 10th, 2011 at 10:09 pm
Zu bawk maw. :huiha:
January 10th, 2011 at 10:09 pm
zet u zu
January 10th, 2011 at 10:16 pm
A in mi te hi a ni hna pui ber tur chu….an khap emaw an khap lo emaw.hei mawlh hi a ni poimoh.Civil/officers/businessmen/labour….a in mi chu buaipui mgai vek.
January 10th, 2011 at 10:17 pm
va tha ve,ka chhiar chhuak hmasa ber hrim hrim ang 😀 😀
(D) (D) (Y) (Y)
January 10th, 2011 at 10:27 pm
(D) khawnge ka no!
January 10th, 2011 at 10:27 pm
Nia…a khawngaihthlak ve em bawk a ni. An duhthlannain an in a, thiam loh an chantir zel a. “Ka lo ruih em vang a lo ni!” an ti zel bawk si.
January 10th, 2011 at 10:32 pm
Zu pawh ka hua,a in tu pawh ka hua.Ka guitar leitum dawr neitupa zurui(meng thei tawk tawk) in min tibuai kha chuh, ka hre rei ngawt ang(zu leh chapo mix). 😉
January 10th, 2011 at 10:32 pm
Kan chhiar chhuak ve phawt ang e :-S
January 10th, 2011 at 10:34 pm
khawngaihna i ngah em mai lo khilai ang che (D) (D) (D) 😉
January 10th, 2011 at 10:38 pm
Zu sawisel reng ho hian zu leh a intu an abuse, zu ngawl an vei a ni. Ka lawm e.
January 10th, 2011 at 10:42 pm
Post tha hle mai! i ngaihdan hi ka ngaihdan ve chiah ani! zu ringawt hi chu a sual lo, a hmangtuten an hmang sual mai ani! dik chiah! a hmang khawlo tute hi buaipui kan ngai zawk ani! engtin nge maw a hmang khawlo tu te chu kan buaipui tak ang awwww? kan tih theih langsar tak mai pakhat chu ‘zu khap’ or ‘control’ kha a ni leh ringawt mai a… zu chu khawngaihthlak tak chu a ni reng ani! (D) (B) (Y) 🙁
January 10th, 2011 at 10:45 pm
Hmanni chu Halkha mi Burma mi 2 hi ka phur a, thingtlang ka zin naah. Tiau ah zu a tam teh lul nen Burma mi rui bawk2 ka hmu ngai mang lo ka ti a. Halkha pa 2 chuan Ka pu, Mizoramah chuan zu a vang a, in hmuh chhun kha ruih ngei2 turah i ngai tawp a, Burma ah chuan poisa nei tan duh hun2 a lei tur a awm a, an rui duh kher lo a lom a ti.
January 10th, 2011 at 10:45 pm
in va fel liam liam hlawm ve…kan khawngaih lutuka kanchhiatpui leh thin zawng anih hi hringfate hian…hehe…in dam tlang reng reng em misual thian te…kei misual bo reitak hi kalo lang ve leh ta…happy new year vek u tlai hle toh mahse..:)
January 10th, 2011 at 10:46 pm
Maisek a dik hmel ka ti chiah asin. Zu an thlah zalen lova, a intu te an zalen thung si. Zu tha avanga zu chhia leh than tur awmlovin an hmuh theih ang2 to tak2in an lei a, an in a pawi deuh asin. ZU tha zalen sela, a intu te hi khirh (strict) takin khuahkhirh ni zawk se, kan vannei zawk ngeiin ka ring.
#12 a dik thei ang.
January 10th, 2011 at 10:52 pm
(D) http://www.youtube.com/watch?v=DYTrP0KM9XM&feature=related (D)
January 10th, 2011 at 10:54 pm
wonderboy, #15 ka thianpa a nih kha, alo thi tawh ani awm a, hmanni mai khan ka hre chauh lehnghal a. A hla thu kha tak2 a nih bakah kha nula vanga … a tawrh …. a thinrim thlak thin khawp mai.
January 10th, 2011 at 10:55 pm
Zu khap/Control chungchang hi sawi a tam a.Ngaihdan hraw pui2 leh sin te te te thleng in.lentlak a rual thei mawlh lo…engtin nge ni ang ?. KOhhran hian Zu in mi phuar ngam se.YMA hian Zu in mi kan huang ah chanvo an nei tur a ni lo ti ngam bawk se. te han ti vel ila…engmah a ni chuang leh awm silo….mahse tlem chuan boruak a tha deuh chuan ka ring.
January 10th, 2011 at 10:56 pm
Zu hi chu kan ning tlang a, kan ngaina tlang bawk a. Zu sawina lamah mi(sual) ho phei chu kan hmui hi a zum put tawh hlawmin ka ring. 😉
Mahse, thil to thei chin hian “ka tlin chuan khapna dan ka hlip ang” emaw a in te zingah “A that leh that loh lam aiin ka in vangin mite an buai em?” tih lam ai chuan ZU sawi hi nuam kan ti ve hrim hrim in ka hria.
January 10th, 2011 at 10:57 pm
@Pu H.v, a lo nih chu maw le….a va zia lo em!! RIP
January 10th, 2011 at 11:02 pm
jalal, Zu phuar hian khawvel ah awmzia a nei dawn lo, a rem dawn lo, zu tha a ti vanga, zu chhia a ti tam mai a ni. Zu phuar lovin a intu khuahkhirh nise chuan reilo teah ruih tur tih kan hrelo vatin ka ring.
USA ah pawh an beidawng a, an dan thlakin, zu an thlah zalena, zu mi pakhatin a intheih chin an siam a, chumi pel chu hremna chu na tak a ni. Vawi khat man pawh lungin tan (kar 1 emaw) leh pawisa chawi, probation, alcohol class etc a tam mai. A vawi 2 na chu kum khat te lungin an tan tir a, motor khalh te thlengin an phallo mai thin. Tam lutuk.
Zu khuahkhirh aiin a intu te khuahkhirh a himin a fin thlak zawk. 😛 (Y)
January 10th, 2011 at 11:04 pm
Aizawla zu umkhat lei ai chuan, mawza pair 10 lei ka thlang zawk fe.
January 10th, 2011 at 11:05 pm
A thu kala chhiarlo… a thupui ka hmuh veleh a ka nuih huk chu le 😀
Ka trawngkam ni awm tak ani lol 😉
January 10th, 2011 at 11:07 pm
Pu HV. Zu phuar lam ni lovin.a in tu te lam a ni.ka sawi.kan ngaih dan a in ang khawp mai.
January 10th, 2011 at 11:08 pm
(D) (Y) (C)
January 10th, 2011 at 11:10 pm
A hranpain ka comment vak lo mai ang. A kamtamthlak mai mai. Mahse, hei hi ka’n hnutchhiah mai mai ang e.
1. ‘Uain hi nuihzatbura mi siamtu a ni a, zupui hi insual bûng bûngna a ni;
Chumi buma awmte chu an fing lo a ni.’ (Thufingte 20:1)
2. ‘Nawmsakna thlahlel chu mi rethei a ni ang a,
Uain leh hriak ngaina mi chu an hausa lo vang.’ (Thufingte 21:17)
3. ‘Uain heh mite leh sa heh mite zingah tel suh;
Zu rui mite leh sa heh mite chu an lo rethei dawn si a,
Nguinain puanchhia a sintir ang.’ (Thufingte 23:20-21)
4. ‘Tute nge chungpik thina, tute nge lungngai thina, tute nge inhau thin?
Tute nge thubuai nei thina, tute nge a vang awm lova hliam tuar thina,
Tute nge mit sen rêm rûm thin le?
Zu hmuna awm reng thinte,
Zu chawhpawlh in thinte an ni.
Uain a sen kâk laiin en suh,
Nova a zia a lan lai te,
A luan thlak zaih zaih lai tein;
A tawpah chuan rul angin a chû a,
Rul tûr tha mi angin mi a chu thin.
I mitin thil mak takte a hmu ang a,
I thinlungin thu chaltlai takte a chhâk chhuak ang a.’ (Thufingte 23:29-33)
5. ‘Nawhchizawrh te, uain te, uain tharte chuan
Thinlung a la bo thin.’ (Hosea 4:11)
6. ‘A thenawm hnema zu in tur petu chu a chung a pik e,
Nang, an saruak i hmuh theih nana i tûr chawhpawlha tiruitu chu!’ (Habakuka 2:15)
7. ‘Aw Lemuel, lalin uain in tur a ni lo va,
Roreltute’n, “Khawiah nge rakzu?” an tih tur a ni hek lo.
An in chuan, dân an theihnghilh ang a,
Mi retheite chungah ro an rel dik lo dah ang e.’ (Thufingte 31:4-5)
A in duh chuan in mai ula, a in duh lo chuan kan in lo mai ang. Bible paw’n chuti’n a ti lo tih buangbar vel hi a tul lo, kan sakhaw lehkhabu thianghlim hi kan dah-lau lutuk palh ang e.
January 10th, 2011 at 11:11 pm
Insawi ve ziah a, ka sawi ve leh ziah bawk ang. Mizoramah a to to nen, Silcharah a tlawm tlawm nen, a ni mai . Mizorama kan in theih ve chhun chu sapthei zu (B) hi a nia , pum a na duh em em lehnghal, a in thrang chuan ULCER an nei vek tawh 😀
January 10th, 2011 at 11:14 pm
A ziak tha hle mai… belh tur pawh ka hre lo ve… 😛
January 10th, 2011 at 11:21 pm
TS #25 English atangin tikhan maw an lo lehlin leh pek a hairehai 🙂
Proverbs 21:1 ah chuan, “Wine is a mocker, strong drink a brawler, And whoever is intoxicated by it is not wise.” a inti. Ruih pui te a sawina a nih khi mawle.
1 Timothy 5:23 “Stop drinking only water, and use a little wine because of your stomach and your frequent illnesses.
January 10th, 2011 at 11:22 pm
TuaiSialA says: a in duh lo chuan kan in lo mai ang.
A avatar nen khian a inhmeh vak lo a nih hi maw le :-S
January 10th, 2011 at 11:23 pm
Tin, an hnenah Sipaihote LALPA,Israelte Pathian chuan heti hian a ti;in ula,rui ula,luak ula,thi ula,tho leh suh u, khandaih in zinga ka tirh tur avang chuan,ti ang che. (Jeremia 25:27)
January 10th, 2011 at 11:27 pm
dmt nge nge a ziak tha hle mai. Thil pakhat a sawi awm tak a sawi tak loh. Zu khap dan policy lekkawh turin NGO ten an tha leh zung (energy) tam tak an seng a, Mizo society tana pawi zawk fe Corruption cancer hi a kel e awl der mai a. Zu khap thilah pawh a implement ber tur sorkar a awm awl leh der a. Mizoramah a result chu pastorin politics a khel a, politician pulpitah a ding, dan thiam (lawyers) an zai a, Gospel zai thiam porn actress ah an chang. Prohibition hian corruption chi khat a tuh ve reng reng. Inequality nen. Zu do nana an tha zawng zawng kha corruption do nan han hmang sela hei ngawt ai chuan kan that tlan hmel. Politician ho, officer thenhkat leh contractor duhsak bikte tiam lovin.
January 10th, 2011 at 11:28 pm
Hehe. Pu Sk, dahchawp mai mai a nih khi! 😀
Pu Hv, nia, Mizoram Bible hman meka mi a ni e.
January 10th, 2011 at 11:33 pm
Zu hi chuan sawi a hlawh viau zel dawn a nih hi. A tantute hi chuan an in tlangpui turah ka ngai ngawt bawk.
HV sawi, Timothe-a khi a pum lam chiangkuang lo enkawl nan ‘tlemte’a chawh chauh a ni tih chu a chiang reng mai.
Ka sawi fo thin chu, eng mi pawh zu in thiam tak hi ka la hmu lo tih te mai hi.
January 10th, 2011 at 11:34 pm
Kei chu chhungkua a in a tan ania ka duh ni!!!!!!Khawvawh deuh chang te hian kan nu hnenah in ve teh ka ti thin hahahah
Zu kan in a kohran upa a lo rui daih zel te .Angawl an vei daih maite hi in enchuiang a ngai ka ti.ZUUUUU (Y) (Y) (Y) (Y) (Y) (Y) (Y) (Y) (Y) (Y) (Y) (Y) (K) (K) (K) (K) (K) (K)
January 10th, 2011 at 11:38 pm
Zu inthiam ram an sawiah hian ‘chhanchhuahna Home’ah han kal ve teh u, zu vanga awm hi an lo tam khawp mai. Inthiam tak tak hi a lo awm lo niang a. Zu hi a thatna kan hria nih chuan sawi mai ila, pawi lo. Mahse Bible kan sawi tel ziah hi a tha lo khawp mai;ka’n sawi nawn leh-a tha lo khawp mai. Maimitchhingin han ngaihtuah vang vang ila, zu sawimawi nan, Zorama kan zu in thin sawimawi nan Bible hi Pathianin hman a phalin kan ring em le? Lal Isua’n Wine a tihpunte hi zu sawimawi nan zak lo takin kan hmang duh thin hi a runthlak takzet. Zu ai chuan Bible leh a neitu Pathian hi an khawngaihthlak letling ka ti, kei chuan. #25Tuaisial (Y) (Y)
January 10th, 2011 at 11:40 pm
#35 (Y)
January 10th, 2011 at 11:42 pm
Zu hi chu aw .. . . A thentan chuan a huatthala awm hle mai,a thentan lah nunti hlimtu a tana tan an hmang chu a ni si a le.
January 10th, 2011 at 11:43 pm
va tha vee… ruihtheihthil do dawn chuan supply reduction, harm reduction leh demand reduction vai hma vek a ngaia, mal khalh chuan a fuh theilo. chuvangin zu chauh do a chi loha, a inmite chauh do pawh a chi chuang lohva, rual khai taka do vek a ngai. xxx rum (H)
January 10th, 2011 at 11:46 pm
ZU IN MI HLEPRU CHUAN A THIANTE A KHILAI A, KOHHRAN UPA HLERU ERAWH CHUAN A IPTE AH A AK HMAK THIN
January 10th, 2011 at 11:48 pm
ZU hi chu mi judge nan chuan a nep angreng… A aia serious leh deuh, eiru nasa leh eiru nasa lo… tihvel zawng tehian judge law law ila… Mi kan judge dawn anih ro ro chuan…. mi judge hi ka tih mi ani lem hleilova.
Entirnan, “A fel lutuka mahse zu a ina… Tih aiin, “A fel lutuka mahse a hlep ru thina…” tih tehi hmang tawh zawk ila…
January 10th, 2011 at 11:50 pm
ti ti ik ik zet u zuzuuuuu!sawi mawi vak ngai lo, sawi chhiat pawh ngai lo, ek hi a uih e, ka e tawh lo ang tih pawh a ngai lo hehehe
Zu inthiam hi nia an awm ve deuh sin, eng vangnge tih chuan an mawl loh vang, khap zel rawh se kan sorkar hian tul a tih chuan, ka pawm thlapzzzz
#30 Cmawia han sawi zau deuh teh……
January 10th, 2011 at 11:53 pm
zu lampang bawk
January 10th, 2011 at 11:56 pm
#28HV i va rawn tang ve. ve zeuh zeuh em ni? Hairehai. Ngawi rawh proverb 21:1 chu ni lo deuh ang a! han tang leh deuh teh. A thu tumah chuan ruipuite lam chu ni lo deeuh. Lo ni pawh nise ‘mock’ tura min siamtu leh min ‘mock’ tirtu chu anih dawn hi.
January 11th, 2011 at 12:00 am
Post tha tak ani e. Vanglaini ah chhuah hial teh a.
January 11th, 2011 at 12:03 am
bible hi ron quote ve chhen teh suh u , zu chungchangah hian … In duh cuan in mai tur , rui duh cuan ruih mai tur , chatthla khop a ruih duh cuan in teuh mai tur , thihpui thak khop a in duh cuan chaw ah rin mai tur (a leina tur an neih cuan )..
January 11th, 2011 at 12:07 am
pawngsual aiin uire a tha ti ta ila, a dik lovang. Eiruk aiin zu in a tha ti ila a dik bawk chuang lovang. Zu kan sawichhiat laiin eiruk kha kan fak ta ani chuang lo va, Eiruk a that loh lai pawh hian zu pawh a tha lo kan ti a ni, kei leh ka chhungte hian.Tha chu tha, tha lo chu tha lo. Ni chu ni, ni lo chu ni lo.
January 11th, 2011 at 12:08 am
Isua hi zoram ah hian lo kal thut se,zu zuar rethei berh tak tak te,in ve thin te ai chuan a Hming lam dup dup thin eiruk hmang, an sum ruk power hmanga kohhran leh khawtlang a langsar tak te hi a vaw darh hmasa ngei ang le.
January 11th, 2011 at 12:09 am
Zu hi kan sawi ve teh thina, kan minister te zu in, kan CM zu in tihvel tehi hman atangin engahmah kan ngai tak tak lo… Eiruk tepawh ani, eiru nasa social life a thil tithei ho chu engtin vak kan sawisel ngam chuanglo. A ek uih thlak lutuk.
Zu chungchang pawh kan duhlo tak tak anih chuan kan minister te zu in pawh sawisel ngam ila… Zu ruih a che thing ve thei deuh deuh tepawh an awm lawmni. lolzz
Kan thiltih reng rengah hian zah zawng leh zahloh zawng thliar lovin, thlei bik neilo in ngaihdan tehi sawi ngam thin ang u.
Mi pangngai zu in sawisel ngam zingah hian Pu Hawla Zu in sawisel ngam tunge awm???
January 11th, 2011 at 12:11 am
vakul, mock piah kha chhiar zawm zel la, i thu lak dan i comment atang khian … hairehai 😛
A mawl thlak em alawm Mizoram a zu lo khuahkhirh vel kha. Mihring awm chhung chuan zu hi a rem dawnin alanglo. Zu aiin a intu te hi khuahkhirh a finthlak zawk tak tak alawm, ram changkang leh fing zawk te hi han thlir ula ahriat mai. Changkang zawk pawh thlir angailo, Burma ram pawh zu lamah chuan kan tluk hlawl lo a ni e huiham. :-S
January 11th, 2011 at 12:14 am
ZU Khap thalo ka tih nate :
1 ). Ka hmelhriat thenkhat zu in ho kha khap anih tak avang khan an nghei phah ka hre lemlo a, an in tlemna pawh ka hre tamlo. A hma ai an zu in a chhia a, pawisa an hmang na a, an nun in a tuar bawk.
2) . Kohrana inhmang tak tak te leh inpe tak tak te hian zu an in ka hre lova, zu avanga kohran an sawngnawi phah ka hrelo. Zu hi kan ti rau rau anih chuan mi fel leh sual thliarnan a tlakah ka ngai. Chu chuan kohran hruaitu tha kan hmuh theih dan awlsam pawh a ni zawk ang (noi).
3). Zu a van tak avanga Drugs lama tlan ta hi ka hre nual. A thalo fe zawk si.
4). Nasa taka zu khuahkhirh a nih hma khan ka hriatah pawh kohhranah hlimna/thlarau thianghlim a thleng nual, tunah chuan hlimna/thlarau thianghlim tak tak ruai a vang ruih in a lang. Thlarau aia zu kan vei vang pawh a ang lek lek. (hei pawh Noi).
5 ). Khuahkhirh duhtute hian an rilru takah chuan a hlawhtlin an beisei bik kher ka ringlo. 5% vel tal a ziaawm takin, an tih vang chauh anih ka ring, chumi awmzia chu inthununna/inzirtirna aiin intihluihna/inkhuahkhirhluihna, hian thil a tithei viau turah an ngai, niin a lang. Hei hi ngaihtuah ngai lai ka tih chu a ni.
6 ) Zu awmlo tase chhungkaw tam tak chuan an nun a nawm phah kan ring a, an ziaawm zawk pawh kan beisei niin a lang. Hei hi chu ‘sual’ awmlo tase ‘fel’ hlir awm ila, tih ngaihdan nen a in ang reng tawh.
7). Zu hi khap chi a ni lova, inthiam chi leh fak mawi chi pawh a ni chuanglo. Inthunun, inzirtir, leh tih loh hi a him ber. A duh tan pawh a tlem thei ang ber tih hi tihthiam aiin a pawimawh zawk.
Ka ti….. NOI