Zakaia anga Lal Isua hmuh tumin vawiengzat nge i beih ve tawh? He pa hi pa te tak te ani a, Lal Isua an khua a lo kal khan mipui zingah a awma, a tet em avangin a hmu pha ve lova, theipui kungah a lawn ta ani. Kha tah chiah khan Isuan, “Zakai, lo chhuk thuai rawh, vawiinah hian i inah ka thleng tur a ni” a ti a. Lal Isua hmuh tlat a tumna kha mipui zi luai luai leh a tet em avanga hmu ve phak lo rignawt avang khan a thil tum kha chu a thulh hauh lo anih kha. Chuan a hmu ta renga, Lal Isua pawn a hming lam meuhvin a ko ta lawl mai ani.
He tiang chiah hian Pathian hmuh ve tum hian kan bei nasa tawk em? Kan buaina leh harsatna te, engmah kan nih ve loh avang te, kan eiruk hnem em avang te, thlemna kan do hneh chuang lovang kan ti rignawt avang te, ka sim thei chuang lovang ti rignawt avang te, thil tha tak tak leh it awm tak tak avangte, etc.. heng te hi Isua hmel hliah tuah tan tir lo ila anih lo vek pawn chhuanlamah siam lo ila chuan Isua hi kan hmuh ve ngei ka ring.
Pu Zakai a ngei pawh khan, “Keichu ka hniam em mai ka hmu pha ve chuang lo ka haw deih ang” ti ta se chuan, a hmu lo kumkhua anga, chuan a sualna a thih pui ngei a rinawm ani mahse a tum tlat avang khan a hmu ta a, chuan a sual a sim boka, chatuana nunna a neih phah bawk ani kha. Kan tum tak tak thin loh avangin kan hmu lo reng ani. Sacrifice ngam lo tan chuan hmuh ve chu beisei awm lo tak ani………
Luke 19:1-10
Similar Posts:
- Gas hi Supply Department hian Control lo se.
- Bihar
- Josefa Lehkhathawn
- Levitron
- Investigative Journalist Huaisen
September 28th, 2010 at 8:43 pm
kan chhiar first ange… Chumi zawhah ka comment ang
Report this comment
September 28th, 2010 at 8:47 pm
Pu Zakaia hnung hi kan zui ve ange…
Report this comment
September 28th, 2010 at 8:51 pm
Zakaia kha a tê lèm emni? Bibleah pawh ‘mipui avangin amah lah atàwi si a’ ati zawk alàwm. Té leh tàwi hi a inang tihna emni dawn…. :?:
Report this comment
September 28th, 2010 at 8:54 pm
(Luka 19:1-10).
“1.Tin, Isua Jeriko khuaah a lut a, a chhun pelh dawn a.
2.Tin, ngai teh, mi pakhat a hming Zakaia a awm a; chu mi chu chhiahkhawn hotu a ni a, amah pawh a hausa hle a.
3Tin, Isua chu mi eng ang nge a nih hmuh a tum a; mipui avngin, amah lah a tawi si a, a hmu thei lo a.
4.Tichuan a tlan khalh a, a en turin theipui kungah a lawn a; chu mi kawng chu a rawn zawh tur a ni si a.
5.Tin, Isua chu, chu mi hmun a thlen chuan a dak a, a hnenah, “Zakai, lo chhuk thuai rawh; vawiinah i inah ka thleng tur a ni,” a ti a.”
6.”Tin, hmanhmawh takin a chhuk a, hlim takin amah chu a thleng ta a.
7.Tin, chu chu an hmuh veleh an zain, “Mi sual hnena thleng turin a luh tak saw,” an ti a, an phunnawi a.
8.Tin, Zakaia chu a ding a, Lalpa hnenah chuan, “Ngai teh, Lalpa, ka sum zatve pachhiate hnenah ka pe ang a; tin, tu lakah pawh thil engpawh lo hlepru i la, a leh liin ka rul leh ang,” a ti a.
9.Tin, Isua’n Zakaia chung thu a sawi a, “Vawiinah he inah hian chhandamna a lo thleng ta, ani pawh Abrahama fapa a ni si a.
10.Boralte zawnga chhandam turin Mihring Fapa hi a lo kal a ni reng a ni,” a ti a.”
Report this comment
September 28th, 2010 at 8:55 pm
Tunlaiah chuan Zakaia ai mah a kan tum ruh a ngai tawh hial ang. Kan khawvel hi heti hi a ni tawh si a.
Report this comment
September 28th, 2010 at 9:06 pm
@post
He tiang chiah hian Pathian hmuh ve tum hian kan bei nasa tawk em?
Hetiang chiah hi chuan ka la tumve miahlo. A chhan chu theipui kung han lawnna tur mai ka hmu lova…
Report this comment
September 28th, 2010 at 9:09 pm
Theipui kung aia sang lawn na kan mamawh tawh.
Report this comment
September 28th, 2010 at 9:10 pm
@HV: Chhandam kan nih theih nana sual sim hi sacrifice a ni thei dawn em ni? Repent ni awm tak???
Report this comment
September 28th, 2010 at 9:15 pm
Zakaia anga mahni inhmuchianga, Pathian hmuhna tur a nih phawt chuan tlawm leh zah pawh dawn loh a ngai reng a ni.
Tichuan’Thlarau thianghlim’ chu nangmahah a rawn in testify mai ang.
Report this comment
September 28th, 2010 at 9:18 pm
Remruat, i rawn contri thra e…hetiang chhiar mamawh deuh deuh hi kan tam a nia. Chhuanlam awm ang deuh deuh siam hian Pathian hmuh tumna neih hi kan delay leh thin. Isua khan Zakaia ‘genuine thirst for enlightment’ kha a hmu a, khang mipui zozai zingah khan a koh chat mai kha! Thinlung zawng² a zawngtu hi kan Pathian hian a hai mawlh lo…an zawng thlawn lovang
Report this comment
September 28th, 2010 at 9:18 pm
ZerO #8, sual sim chu repentance aniang chu
to repent is to have repentance = to feel remorse for our past conduct.
Angraji te ka hmang vel hairehai
Zachius come down, momo distribution hai.
Report this comment
September 28th, 2010 at 9:21 pm
mizo tawngah ‘dEih’ a awm elaw?hehe.. ‘dAih’ amaw ka lo tia..pakaaaak
Report this comment
September 28th, 2010 at 9:24 pm
@Kook
Hyperion Redwood ah i lawn theih chuan i lawn dawn nia… a sang tha alawm.. hehehe
A aia awlsam i duh chuan Burj Khalifa building ah lawn leh la a ni mai.. hehehehe
Report this comment
September 28th, 2010 at 9:29 pm
#12.. Mizo tawng ah deih a awm lova, daih tih tur a ni a, Post tupa hian a hre lo emaw a type sual palh a ni thei.
Tichuan Post tupa hian He tiang chiah hian Pathian hmuh ve tum hian kan bei nasa tawk em? a ti a, hei hi a post chhan ber pawh a nih a rinawm. Hetiang chiah hi chuan beih a harsa ang, Isua kha kan khua ah a lo kal dawn lova, lokal se chuan theipui kung lo lawn khalhna tur chu kan khua ah a awm ngei mai… Ba ba re…..
Report this comment
September 28th, 2010 at 9:30 pm
Inhnial ṭan leh mai dawn ami… :lol:
Heti lam sawi takah chuan, Camping te hi kan kohhran (Presbyterian) kalphung nen hian in kalh theihna lai a awm tlat. Presbyterian Kohhran kalhmang dik takah chuan naupan lai aṭanga chhandamna thu inzirtir hi a ni a.Chhungkua leh Sunday School hi kan ngai pawimaawh. A nihna taka kalpui chuan camping hi ngai lo tur a ni.
Report this comment
September 28th, 2010 at 9:34 pm
Inhnial ang o… hehehe
@ChhawnBura
I lam tang ka ni tlat, nang chu ka hnial peihlo che… Midang. hehe
Tak tak chuan keipawh ka ngaihdan chian a ni, Sunday School ah kum 15 vel tawp kan kal hi an ngai pawimawhlo lutuk thin in ka hria. Keichu camp hi tul ka tilo… hehehe
Report this comment
September 28th, 2010 at 9:42 pm
Remte i post tha hle mai. Ni e, BMW sawi ang khian thinlung leh tihtak meuh a zawngtu chu Pathian hian a hlawhtlin tir em em ang tih ka ring e.
Theipui kungah lawn khera zawn ni loin, tihtak meuh in, chhuanlam fahrah te te siam lo in Pathian hi i zawng in I hnaih ang u tih hi Post tupa rilru anih zawk ka ring.
Report this comment
September 28th, 2010 at 9:48 pm
‘ani’ hi a hranga ziah tur! Tideuh chhen teh ang.
Theipui kunga lawn ve kher tur pawh a tih lem loh khi maw le. A inpekna zawk khi a nih khi a sawi uar ni! Theipui kunga lawn tum kherho chu kawng in bo ang tih a hlauhawl e a!!!hairehaiii….
Report this comment
September 28th, 2010 at 9:48 pm
‘ani’ hi a hranga ziah tur! Tideuh chhen teh ang.
Theipui kunga lawn ve kher tur pawh a tih lem loh khi maw le. A inpekna zawk khi a nih khi a sawi uar ni! Theipui kunga lawn tum kherho chu kawng in bo ang tih a hlauhawm e a!!!hairehaiii….
Report this comment
September 28th, 2010 at 9:52 pm
‘rignawt’ he thumal hi tumhnih ngawt a awm. Engtihnange?
Report this comment
September 28th, 2010 at 9:55 pm
Zakaia lawnna theipui kung kha CBI ten an chhuichianga hnahkiah kung ani an ti…fiamthu.
Report this comment
September 28th, 2010 at 9:56 pm
Zakaia chungchang ah Lal Isua a hmu mai ni lo in, sual sim telna kan hmu.
Hmanni ah post pakhat ah ka comment tawh tunlai ka rilru a awm thar: Misual ang a kan label ho (Addict etc)hmangaihna thleng pha lo Piantharna/Christian na nei hi kan tam hle in ka hmu. Kan “Felna” hi sim ngai kan tam a ni!!
Report this comment
September 28th, 2010 at 10:01 pm
Lal IsuaA a duh vang kher pawh nilo, hawk dak vang hrim hrim a lo thlir ve pawh ani mai thei asin (fiamthu).
Report this comment
September 28th, 2010 at 10:08 pm
Midfielder chuan inhnial cho siin hnial ngam loh a nei sa a ni maw?????
Post tupa sawi tum chu kan chiang tlang.. ti mai teh ang. Theipui kunga lawn tum tlat hi chu hnialhrat thil deuh a ni mahna (Keimah tel in)
Post ah te comment ah te kan thu hman hi fimkhur a tha e.. tihna ni se….
…ba ba re……
Report this comment
September 28th, 2010 at 10:13 pm
OT lawks
Dinglam Misual_facebook-ah hian hemite hi an lang reng bik mai.. https://img22.imageshack.us/img.....cebook.jpg :lol:
NOI
Report this comment
September 28th, 2010 at 10:32 pm
@ Chhawnbura: lolz, i friendlist a mi te vek an nih khi facebook a i in login mek avangin… (clue: “You like this” recognition)
Login lo la chu, “you like this” a in ti lo anga, chuan profile rawn lang te khi random a ni ang.
Chutiang bawkin midangin an hmuh chu i hmuh nen khian a in ang lovang
Report this comment
September 28th, 2010 at 10:34 pm
A hring a hran a zakaian isua hmuh a tum dan ang, theipui kung a lawn kha chu hawkdak em2 mizo te tih ve theih chi tur tak niin ka hria!Isua hi ahring a hran in kan khua ah te hian rawn lut ta se,theipui kung mai lo,thingkung rem chang2,in chung,over bridge, a rem2 ah kan thu khat fur ang chu mawle!Tun hma deuh lammual a inkhel pawh kha gate bul thingkung sang pui2 an thut fur zel kha!… :lol:
Report this comment
September 28th, 2010 at 10:40 pm
Lal Isua hmu duh inti hian Theipui kungah kan lawn fur awm asin ! Ni e, Lal Isua chu kan hria a, kan hmu ngei thin alawm. Nimahsela kan lawnna theipui kung zawk atang hian Lal Isuan min ko thla theilo anih hi.
Chapona, Duhamna, Vervekna, Nawmchenna, Tha-intihna ect… Theipui kung atanga chhuka Lal Isua chu keimahah senglut zawk turin.
Report this comment
September 28th, 2010 at 10:43 pm
@Sandman: Thanks. Ka hriatna a pun belh.
Report this comment
September 28th, 2010 at 11:26 pm
Sermon ka ngaihthlak tawh reng reng ah Zakaia chungchang hi a ri ngun ber pawl aniang…a hit ve ani..ti mai ang.
Report this comment
September 29th, 2010 at 12:35 am
I post tha reuh khawp mai.
Report this comment
September 29th, 2010 at 12:55 am
Post tupa chu kei aiin mizo tawng ziakzawm, adt, ah chau ve zawk tlat mai.lol.
Plain text a inziak ang a pawm dawn chuan Zakaia hi ani tawi zawk chu, Isua hi tawi zawk chu ni se, midang tamtak pawh theipui kungah an lawn sup sup ang chu.Chuan Zakaia theipui kung lawn kha a langsar bik lovang.
Post sawiselna nilovin, Bible a hming langpha nalh te nun leh thilthlengte mi nawlpuite a thlendiktir tum ve hi kei ka sapport lem lo.Entirnan, Mosian Aigupta hausakna zz a kalsan, Paula eng in a chhunthlu,Gideona, Samsona,adt. An hming a lan nachhan hi sp. assignment cc ah deuh zel ani ang. Normal Christian life ah chuan RIN mai(Sola fide) hi a tawk e.
Report this comment
September 29th, 2010 at 1:25 am
ha hahahaha
Report this comment
September 29th, 2010 at 4:06 am
OT ve lawk – Dinglam misual Facebookah hian Pu ChhawnBura rawn tilang vat ru…Langreng ho ai khian a hmel a tha a ni mai thei asin..lol..
Report this comment
September 29th, 2010 at 5:18 am
@ainawn: :lol: hrethiam tawh e :lol:
Report this comment
September 29th, 2010 at 10:46 am
Eheu, lawm awm khawp mai… In rawn koment ve liam liama ..
Report this comment
September 30th, 2010 at 11:21 am
Zakaia theipui kunga a lawn khan rahbi a tuk ang em le??? :lol:
Report this comment