Bus, a khalhtu awm lo chu a tlan kawi fua fua a, a chungah thil pahnih a awm. Thil pakhat chu – Buara Ip ùk, a chhunga eng eng emaw inhnawhkhah tlat a ni a; thil pakhat leh chu – ‘Amah’ a ni (amah hi hriat theih a ni lo). Amah chu ri-fiak takin a faifuk a, Bus chu vawilehkhatah a ding bulâwp a! Buara ip chu a la lawk a, khawngaihna leh lainatna tel miah loin a vawm thla thuai a. A khu luih a, buara tlang a peh nghal thawt a. Chuta tang chuan luruh pathum a rawn lum chhuak nghal a…!!
Chù buara ip uk tlakna atanga hlam sawm bial vela thil rèng rèng chu an tuiral nghal zawih zawih a; Amah chuan H0 a ti hle. A thensuk a, a zimar a, bus chung atang chuan ‘Rulpuiludin’ an tih ang hian a rawn chhuk a. Lei a rap chiah chu, khawvel hi a nghing lawih a! Van lam hawiin a ràk chiam a, a mit atangin mei leh kât a luang chhuak zawih zawih a! Khawvel hi a ta a ni tih entir nan, a hnapkhir (hrual mum sa) chu a pumin a hmawm hmak a!
Tih tur leh hmachhawp a ngah em avangin, chùmi hmunah chuan a ropuina leh thiltihtheihnate nen intirapthlak chiam hman a ni lo, a kal chhuah vat a ngai. A ke a pen ta! A rah chin apiang a ram a ni! A rah tawh lei chu a khi nghal thawt thawt a, a khì atang chuan rannung mak tak tak an rawn chhuak nuah nuah a; Amah chu an zui nghal zel a.
Thui pawh a kal hmain, Tlangval pakhat, a bialnu-in lengdang a chhai san avanga lo thu kun ngiai chu a hmu a; Amah chuan H0 a ti hle a. Tlangval chu a âwm-ah a tham a–
“Lenglerhi ngaiin val i kùn a maw? Tho la, ‘D’ thar zawngin i mit lèn rawh”
a ti hrep a. Khàk a chhak a, a rap pherh a, a kal leh ta a. A kal zel a, hlawhchhamna avanga nun beidawng, kawngsira lo let reng a hmu a; Amah chuan H0 a ti hle a. A phih tho a–
“Tum 5 i hlawhchham anih chuan hlawhtlinna rahbi tum 5 i rap tawh tih inhria la, hnual suh. Hlawhchhamna hi hlawhtlinna kailawn a ni tih hre rawh”
a ti a. A vawih khum a, a kal leh ta a. A piah maia nutling tap thawm avang chuan- Amah chu a vir vut a, a va pan a. A mittui hruk sak a’n tum zet a; a liah fai ta zawk a–
“Vawiinah, i chungah vanduaina rapthlak a thleng tih ka hria. Chùmi avang chuan lungngaiin tap suh la, vanneihna i lo chan tawh zozaite avang khan lawmthu sawi zawk rawh”
a ti a. A chuk a, a kal san leh ta mai a. Pen ngâ a pen a, vei lamah a kawi thut a. Pa pakhat, thingbul lo tauh chawrh chawrh hi a hmu a. Amah chuan thilawmzia a hre leh nghal vek a; H0 a ti hle a. Chúmi chu, a chhip samah thamin a kuai vanvadàk a–
“Thil tha lo i lo tih thinte avangin intihreawm mah ta che, mawla! Thil tha ti turin hun i la ngah tawk a, tunah hian i nun buatsaih nghal rawh”
a ti a. A kal san dawn zet a, thingbul chu vawi khat a tauh tir chawrh a, a kal san leh ta a. A thil tawnte avang chuan ‘Amah’ chu a hùk vak vak a! A changin bé èl êl a, a changin a bù ùl ûl a, a changin a bauh a, a changin a nui chiam a. Amah zuitu – thilnung zawng zawngte chu kokhawmin–
“Hun liam hnu ngaiin kûr suh ula, hun lo la awm tur thlirin intiharh rawh u. Thil tha lo in lo tih thinte avangin intilungngai suh ula, thil tha ti turin tho rawh u”
tiin a zilh hrep a.
Ama rah khik ngei, lei khiah chuan a lut daih a. A rawn dak leh zuau a, a irh uk a– “Post a luh tlem viau chuan kan rawn inlan leh thuai ang” a ti a. A mawng a kawm a, a hnim a, “a tha thawkhat e…” tiin mawng lang kungin a biru a.
Similar Posts:
- Socrates-a leh finna zawng tlangval
- Mingoho min puh chhiatna mai mai a ni
- Fiamthu Panga
- 2012 September Fiamthu
- Ex-Iron Maiden Man Too Iron-Mouthed for North Easterners
January 11th, 2011 at 10:13 am
Opening… 🙂
Sorry, comment a lo in off palh a nih hi. Post ho hi, publish lai a internet connection a muang chuan, “open comment” tih section a in load hma hian kan lo publish hman thin a, chuvangin comment a in off palh thin.
January 11th, 2011 at 10:14 am
Sandman chu va phawi rang ve,i publish a i comment nghal a ni maw hihi
January 11th, 2011 at 10:18 am
Hnap, khak, chil i hmang uar hle mai ! Hmana mi pakhat TB hospitala a pi awm pui min ti hre chhuak, khua a lum sopui si a, a tuihal khan tui in tumin no ah khan a thli a. Chutihlai chuan current a ron awm ta lo hlauh mai a.A pi khan a khak chhakna bur emaw ti khan alo ban hlauh mai a, ani chuan a pi khak chhakna bur zawk kha a thok khat pip mai….uak…. 😀
January 11th, 2011 at 10:21 am
nui ver ver in ka chhiar thla a…. a tawp ah kan UAK vak chu le
January 11th, 2011 at 10:25 am
bold letter ho khian zirtir a nei tha khawp mai. comment off vangin ka 1st hman ta lo. huis!
January 11th, 2011 at 10:36 am
Thu hlimawm tak karah zirtir nei tha tak i rawn ziak leh ta mai a! Hetiang inzirtirna hi chu chhiar a ninawm thlawis loh! Mahse, mite hnenah thu tha tak tak hrilhtu ‘AMAH’ kha a trawp em a ni! 😀
January 11th, 2011 at 10:40 am
He paws hi a va’n HO mai mai e… H0!!!
January 11th, 2011 at 10:43 am
Tuaite, kei pawh, ‘Amah’ hian ka luak a ko! A rawn inlan leh dawn a nih ngai chuan rawn thianghlim deuh tawh rawh se.
January 11th, 2011 at 11:00 am
Amah khian H0 karah thu á¹ha tak tak leh zirtir nei á¹ha tak tak a rawn zep thiam khawp mai. Mahse a chet pawlawh hmel reuh. (Y) 😀
January 11th, 2011 at 11:13 am
“Amah-ah leilung a her laiin, leilungah Amah an zalh a” tih ka rilru-ah a rawn awm daih pek chu.
Amah hi thu tha pui pui hria, tawp ru deuh tak a nih roh khi, intuaifai ve se, a thusawi pawh a pawm nahawm deuh ang 😀
January 11th, 2011 at 11:37 am
Comment off lai khan chhiar a ti chakawm. Chhiartu pawh a hmuh tam phah ka ring. Ka’n chhiar ta che’nga; comment off nachhan tur a awmin ka hre silova; mak ka lo ti rilru rengah.
ZIAK tha khawp mai. Thu ZIAH i thiam ka ti khawp mai.
January 11th, 2011 at 11:49 am
Amah a mite hnenah a lo kal a,amah a mi ten an duh lo…
Ngaihtuah uluk ngai tak post a ni leh ta tlat mai 🙂
January 11th, 2011 at 12:45 pm
Article pakhata thu chi hnih ziak thei, thil pakhata ngaihtuahna hman laia thil pahnih ngaihtuah thei @kawlhawk hi fakin awm se, a thu rawn tarlan tum zawk hi hmaih thelh lo teh ang u.
January 11th, 2011 at 12:46 pm
bus accident chanchintahr chhiar turin ka inbuatsaih emaw ka tia, a no tih hre reng chungin thutak deuhin nilum ai chungin ka chhiar a,a tawpah ka khhisuk mai a. 😀 😀 😀 lalloneeagul ka uak i ti zual mahse post tha tak chu a ni tho e,nagihtuahna a ti thui hle mai (Y) (Y) (Y) (Y)
January 11th, 2011 at 1:00 pm
Tuihnai lam deuh sawi teh ang. Missionary Day ruai kan buatsaih mup mup mai, puar eleuhin ruai theh leh mai ila a ni mai.
January 11th, 2011 at 1:46 pm
amaha hi ka hmu chak e. . .
January 11th, 2011 at 1:51 pm
@muantea, ruai kil laiin AMAH hi lo hrechhuak la.. 😆
@kawlhawk, i style a rawn dang hle mai. I ngaihtuahna kalkual vel nasatzia i pho lang e.
January 11th, 2011 at 2:07 pm
A thuchah ken a thra kher mai, thawnthu mak dangdai tak a ni e :-[
January 11th, 2011 at 2:14 pm
Kawlhawk chembarh ang nawk nawk alawm le..!
January 11th, 2011 at 2:18 pm
Kawlhawk chem barh nge, Vahai chem barh?
January 11th, 2011 at 2:41 pm
Kawlhawk chembarh tih kha chu kan lo hriat thin dan a nih kha maw… 😉
January 11th, 2011 at 2:51 pm
Tuaite, hman deuha ka post pakhatah “Kawlhawk chem barh : Kawlhawk hi tunge maw chem lo barh tehreng ni?” ka ti a, “Vahai chem barh a ni zawk em?” tih zawhna ka dawng. A lo ni zawk tak em aw…? ka ti hnuhnawh a. I hriat dan leh ka hriat dan a inang e.
January 11th, 2011 at 3:06 pm
Kawlhawk, i mak ka ti! Ka awih lo! ka awih thlawt lo! A ni thei lovang! A theih loh! Thil inthukru chu a awm chiang mai! :mak ti em em: :-O
January 11th, 2011 at 3:13 pm
maisek, awih rawh, kawlhawka ngei alawm a nih. I awih loh chuan a nâk ah zen rawh. Huis!
January 11th, 2011 at 3:17 pm
Maisek, hmu lo a ring te chu an eng a thawl e! 🙂
January 11th, 2011 at 3:21 pm
Senoryta @ 4..tenchhe awm ve! Nge i pumpui chakloh vang?:)
January 11th, 2011 at 3:21 pm
Sava hi chem an lo barh nual a niange… Kawlhawk pawh ni lo, Vahai pawh ni lo, Vapual chembarh ang mai tih hi ka hriat ve dan a ni thung..
January 11th, 2011 at 4:08 pm
Kawnga, Eheu! Vapual chem barh pawh maw…? A va mak leh zel ve!
Tin, “chem barh” hi TSa nen in ziak zawm tlat mai, keiin ka ziak hrang thung. (?) eg : chaw fah, sa barh, tui tulh, tuibur hmuam, damdawi hmawm…etc… :tlat mai a:
January 11th, 2011 at 4:14 pm
@kawlhawk, i dik ang. I post a ni bawk a.. 😉
January 11th, 2011 at 4:15 pm
He post zet chu a pa rem rem hle mai. Cowboy rorum an sawi thin te pawh min tihrechhuak deuh reuh ve. Bold letter a thu ziak ho zawng khi ka LIKE e. A tha hlawm khawp mai. (Y)
January 11th, 2011 at 4:26 pm
K’u Kawlpui, ka ti dik lo a ni e. A inzawm lo tur a ni e.
January 11th, 2011 at 4:34 pm
AMAH hi, a mi biak ho hian an sawi chhawn leh na ah chuan hetiang taka raptlak eltiang a rawn in lan nachung hian a aw a nem hlawi an ti tlat nia. 😀
January 11th, 2011 at 4:38 pm
Maisek@23, A chawtani leh a behbawm, a vaw hot-tu ho khi chu lo nuihpui/ uà kpui hram mai teh. Ka edit thei tawh lau 😀
January 11th, 2011 at 4:41 pm
haha… Maawma@32, a Emo bawk an ti :p
January 11th, 2011 at 4:42 pm
Va mak teh daih thin ve…………… (H) ….
January 11th, 2011 at 4:46 pm
Kawlhawka chu amah ah i lo buai ve a ni maw?
January 11th, 2011 at 4:52 pm
Lal a pu Kawl, i thiam, a dang min lo hrilh leh.
January 11th, 2011 at 4:56 pm
thianpa, ‘Rulpuiludin’ an tih ang hian a rawn chhuk a tih hi ‘Arpa kal’ i sawina a ni em? zawt mai2 😉 thu i thiam thin mange
January 11th, 2011 at 4:59 pm
malsta@36, Nia, a ziaktu ngei pawh hian ‘Amah’ ka hre der si lo…
jpaite@37, ‘Amah’ tawp lutuk avang khian i úak ve lo mi? A dang… te a la rawn tih…
January 11th, 2011 at 5:10 pm
kawlhawk chuan i hriat hmel viau mai………engemaw chen chu…..Amah tih chhiat tum tu te a tawk ve nasa em a(a phak ang tawkin), hemi chung poh hian tal buai loh hram a la tum ve tang a sin…….
@Lersia: In la in kom chhin don nia………
January 11th, 2011 at 5:15 pm
HV, Thanks! Rulpuiludin ka mitthla dan chu : a letling zawng- lu hnuai lam/ ke chung lama daha kutphaha kal, tualsumsu ni si lo hi a niang 😀
January 11th, 2011 at 5:30 pm
Mizo chuan ‘Arpa kal’ kan ti mai hairehai 🙂
Hman deuh khan Mission veng nula pakhat (hmung thup) a tualsumsu thin e an tia, a zialo mai mai asin. New Street choah a thum chho tlut tlut thin an ti 😛
January 11th, 2011 at 5:43 pm
HV, Nia, Ar pa kal pawh kan ti tho a, Rulpuiludin hi a rapthlak hmel deuh zawk avangin leh, Amah nen a inhmeh dawn riaua ka hriat vang mai2 mawle 😀
Tualsumsu hi a awm tak2 thei dawn em ni? Ka ring lo!… han tingawt dawn ila, chiang taka hmutu an lo awm lehzel si…
January 11th, 2011 at 5:45 pm
Comment ka tum laiin a lo in off-a hmun dangah a theih loh thu ka ziak a, a hmasa ber tur asin ka nih le 😉 😀
FB lamah pawh ka vui thu ka post hman vel…. (Y)
January 11th, 2011 at 5:52 pm
Rulpuiludin a kal chu Tualsumsu hahahahaha ka nui huk chu mawle a NOI 😉
January 11th, 2011 at 6:01 pm
#27 @K’u Kawng: Vapual chem barh a awm lo!
Kawlhawk kahthlak la thi si lo hi kuta man mai chuan a mi chilh a na viau mai a. A kâ âng hlei hluiah chem an barh a, an man chauh thin a. Chutia chem khampheia an barh chuan a ri nawk nawk thin a. Chu chu thinrim riat nawk nawk ang taka a tawng tehkhin nana hmangin ‘Kawlhawk chem barh’ an ti ta alawm. Source:- Tawng un hrilhfiahna, James Dokhuma.
January 11th, 2011 at 12:31 pm
A chilh loh tura awm mai tur alawm
January 11th, 2011 at 12:59 pm
U Kawlte, hawrawp vawmkhawm hmanga misual i ti UAK nual thei hi a HO lo. Pit chem barh, che-de-de chem barh, vakul chem barh, funny chem barh…aaa…hre seng lo, tam lutuk.
January 11th, 2011 at 1:07 pm
UUUAAAAAAKK……
January 11th, 2011 at 2:09 pm
A englai a tak chu nge mawn dawn le rulpuiludin nen a an in an na lai tur awm chu ni ang aw :ngaihtuah nasa
:
January 11th, 2011 at 7:58 pm
ruatruata pa@44, I lo va vui nasa hman tak ve le
malsta@50, Ka hrethiam tawh bik lo
January 11th, 2011 at 9:19 pm
chhiar a man hla hle mai, zirtir a nei tha bok si.
January 11th, 2011 at 11:26 pm
kawlhawk hriathiam loh tur a awm hleinem mole……I hre dik thum a lom……
January 12th, 2011 at 3:34 am
Comment ka tum lo a chu ka insum zo ngang lo, mi’n tih nuih tak hrep chu a!! Animation nen ka’n mitthla vel a, a ziaktupa chu i ti ngaihnawm thiam hle mai. A lo inlan leh hun ka lo nghak tang tang e.
January 12th, 2011 at 2:27 pm
Post tha tak a ni..zirtir nei thra bok si,,,,,tenawm hmang thiam khawp mai..
January 13th, 2011 at 8:01 am
Amah!