Khawnge, tùn tum chu ka nuna hmun pawimawh em em mai, engtik lai maha ka theihnghilh theih tawh loh tùr, ka nuna hun pawimawh lai tak, he khawvèl nundan ka zir chhohna hmun chungchang hi ka rawn puah pui ve phawng phawng mai teh ang. Tu pawi mah kan sawi ém lovang chu maw?
Kum 12 dawn a ni ta, kha hmun ka chhuahsan ni kha! Ka la hre reng thin. Zirtirtu, naupang leh nu leh pa kan inhmukhàwm a, Krismàs leh Kumthar vuakvet bàka sa ei ngai reng reng lo khan vawksa leh sawhchiar kan han hmawm mawm hmak hmak a nih kha! Intithei takin kan han vei kual a, kan naute rual ho hnenah engtik lai maha kan pek phal ngai loh marble kan han sem vel a. Khatia kan thilphal ta thut kha thil mak a ni lèm lo. Middle Sikul naupang kan ni tawh dawn miau a.
Kan sikul kha a hmunhma thu ah te, a building thu ah te chuan han chhuan vak nachhan tùr a awm lèm lo, Sawrkar sikul naran ve mai a ni. Mahse, kha sikul kha zirna ka dawn hmasak berna hmun a nih avàng leh tùna ka dinhmun thleng tura rahbi ka rah hmasak berna anih avàngin a hlu a ni. Sikul hi ka kal hma a, kum 4 ka tlin hma in ka lut a. Sikul ka han kal ve chu le, ka nu leh pate chauh an buai lo, kan zirtute pawh an buai a ni. Kan pàwlah ka tè fàl nalh a, ka tahbelh bawk nèn, nitin ka muhil puak ka ngai ziah bawk si. Kan zirtirtu te kha an buai ngawt hian ka ring thin.
Sikul ka han kal ve chu nuam hi ka ti khawp a, thawhtan alo ni a, dar alo ri chiah, ring mangkhengin ”Luhkhaawwm” kan han ti a, Pawl 2 room-ah kan lùt hum hum a. Kan zirtirtunu Madam Pi Chhuangin Bible thawnthu min hrilh thin a, ngaihnawm ti takin kan ngaithla thin. Khang a thu min hrilh thinte tùn thlenga ka nun kaihruaitu ala ni reng thin a. Tam tak chu ka la hria a ni. Entirnan, ”Goliatha chuan inchung chen hial mah se; Pathian a rin loh avàngin Davida lakah a tlàwm ta a ni” tih ang te.
Madam Pi Chhuangi hi kan ngaisàng thei em em a, miin, ” Tunge in zirtirtute zìngah fel ber?” an tih pawhin, ”E le, madam Pi Chhuangi le, Pathian a ring tlat a!” kan ti thin.
Thawhlehni alo thleng a, Fai enni a ni a, dar rik hma hi chuan kan ngaih a ngam viau thin. Mahse, Madam Pi Awmawiin uluk tak maia kan beng, kut tin, kawr leh kekawr a rawn endik meuh hi chuan kan thil tihsual kan hrechhuak ziah thin a. Mahse, a tlai tawh thin. Sikul naupang zawng zawng hmaa bualfai kan tawk leh nge nge thin!
Nilaini alo thlen hi chuan kan huphurh em em mai thin a, a chhan chu Head Teacher Pu Khuallùnan ‘Hmun’ min zawhni a nih vàng a ni! Ka thiam lo ziah bawk! Zirlai dang thiam zung zung in, ” Ti ti ik ik, ka baw-ar khuan màwi bera chuan…” ti zawt zawt thin mah ila, ‘Hmun’ kher hi chu zu han thiam thei tlat lova!
Zirtàwpni alo thlen chuan chawhnu-ah games kan nei ta thin a. Tin vaw ring thei ber nih hi ka tum tang tang thin. Sikul bàn mawlh mai kha! Kan va nghakhlel thei tak em! Bàn dàr a ri chiah hi kawr kan phelh sawk sawk a, iptepui ah kan hnawh lùt a, pheikhawk leh mawza kan hnawh leh chuan a puar tha tawh hle thin a. Tichuan le, kawr pawh ha lovin, ke làwng ngat lehnghalin, iptepui kan han ak te taw a, scale, thinga suih kha kan han phawrh chhuak a, lu chunga vai pahin kan ”AKSHAAAAAY” haw liah liah mai thin a, a hunlai kha chuan nuam ve tak chu a ni.
Kan sikulah khàn in marble perh te, in rubber kahthlak te kha kan uar hle thin a, a thiam lo pawl ka ni ziah lehnghal!
Tumkhat chu, pawl li kan nih laiin DIET atangin zirtirtu training lai an lo kal a, nula pakhat lo kal ve chu, tùnlai tawng takin ka lo ‘star’ alawm maw le! A class làk laiin vawikhat chu dar vaw turin min tir a, dàr awmna kha a sàng si a, a thlang kha a awih deuh hlek a, kei ka lo tè bawk nèn. Vuak tuma dingdihlip meuha ka tan pawh khan ka vaw pha ta lova, a thlangah ka lum thla ta! Vanneihthlak takin ka hliam na lo hlauh.
( Pawl li ka nih lai hian ka height : 119 cm leh weight : 21 kg chauh ka ni. Kum 8 ka ni bawk.)
Tin, Middle sikul naupang, an zirtirtu ten an hrem lo han chhaih te kha kan ching a, a tukleha kan chan erawh kha chu chau ve tak a ni. Kan tap haw ngei ngei!
Ruahsùr chàngte mawlh kha a va nuam thei tak e aw! Kan sikul chhuat te kha cement chhuat ni ve hek lo, a chung alo tha vak bawk lo nen, a diak kawi pùr mai thin a. Chu chu mipaho lawmah a tla a, hmeichheho hmuha han tleng vel tum khàn kan hmanhlel ta thin a. Kawr vàra chirhdiak kai sùkfai kha hna hautak tak a ni si a, nute hauh kan tawk leh nge nge thin.!
Hetiang vel hi kan sikul kha ni mah se, kan zirtirtute inpékna kha tùn hnua ka ngaihtuah leh hian ka fak mawlh mawlh thin. Zirna ngawr ngawr bakah Madam Pi Chhuangi te, Madam Pi Rini tehoin awmdan màwi min hrilh thinte a lo hlut zia ka hre nawn awn awn thin. Kan zir thin heng, ”Hei hi Chawnzawng a ni, chaw a zawng thin a ni.” ”Kawlhawk thau a tha hle.” ”Bei la bei nawn rawh.” ” Dick-a leh a zawhte.” tih mai piah lamah khàn nungchang màwi te, mihring kan niha kan mawhphurhna te, aia upa zahte leh thildang tam tak min zirtir a. Heng hi damchhung pawhin ka rul let zo dawn lo.
An chungah làwmthu ka sawi mawlh mawlh e.
Hmannia ka han kal leh chuan building tha pui mai, RCC in an lo sa tawh a, zirtirtu te erawh a tam zawk chu a ngai an lo la ni a, Madam Pi Rini erawh a chatuan hmunah alo haw tawh a. Lung a lèng duh khawp mai.
He kan sikul, ka chhuan em em, Primary School Leaving Certificate Examinationa Mizoram puma pakhatna dinhmuna min hlangkaitu hi Chaltlang Primary School III a ni e. A thawktu leh zirlaite ka duhsakna sang ber ka hlan e.
Similar Posts:
- Ramhlun Primary Sikul-II (Pu Kaia sikul)
- Zirlai leh Zirtirtu
- “Masi” ka nghahhlelh thin kha
- Saptawng thiam
- Zirna sikul hi
January 27th, 2011 at 5:03 pm
Tunlai ka comment khat bawk ah, comment pawp teh ang chhiar hma in, inthlahrung lo takin
[Report abuse]
January 27th, 2011 at 5:09 pm
ti ve leh thuai ang.
[Report abuse]
January 27th, 2011 at 5:24 pm
chanchin va nei ngaihnawm bik ve aw!
[Report abuse]
January 27th, 2011 at 5:26 pm
which just goes to show that mizo mipa hi kan melancholic
[Report abuse]
January 27th, 2011 at 5:28 pm
He kan sikul, ka chhuan em em, Primary School Leaving Certificate Examinationa Mizoram puma pakhatna dinhmuna min hlangkaitu hi Chaltlang Primary School III a ni e.
Fugi, i lo va turu bik ve le… ‘Ka pu’ tih tawh hial che ka duh.
Tin, thu ziak i timi dawn riau, chhiar a kal zaih zel. Han tichho zel rawh khai, keini thu ziak ve te ngawt aichuan a ngaihnawmin a chhiartlak ngei ang.
[Report abuse]
January 27th, 2011 at 5:40 pm
ekhai, pu Kawlpui, eng ka la nih hrih loh hi. Nangmah hi lawm le ka pu chu le.
Ka thuziak min lo hlut dersak avang erawh chuan ka lawm e! Ka rawn inzir ve beuh beuh zel e.
[Report abuse]
January 27th, 2011 at 5:45 pm
keipoh kn skul kha awww …
[Report abuse]
January 27th, 2011 at 5:54 pm
Vanlal fugi hi I lo va turu tiah2 ve
[Report abuse]
January 27th, 2011 at 6:00 pm
Kum 2000 AD(?) ah Chaltlang Primary School III chhuat a la diak a maw? Hehehe :ngeiawm lawks:
[Report abuse]
January 27th, 2011 at 6:07 pm
Kan school ve kha aw…?? Ho tuten kutphah a min vuak na lolz
[Report abuse]
January 27th, 2011 at 6:07 pm
kum 2000 chu ni lo deuh. Chu ai chuan a hma deuh. Coz, this article is written few yrs ago, edit lem lovin ka lo paste thuai.
[Report abuse]
January 27th, 2011 at 6:26 pm
#11@Fugitive, a nih ka ring deuh reng a. SSA awm chinah phei hi chuan school building chhe lutuk a awm tawh meuh loin ka hria
[Report abuse]
January 27th, 2011 at 6:47 pm
[Report abuse]
January 27th, 2011 at 6:51 pm
Ziak ngaihnawm thiam hle mai a. Ka chhiar chhuak dap a, ka ning lo re re.
[Report abuse]
January 27th, 2011 at 7:17 pm
Chaltlang mi i ni maw, PZMS-ah i kal bawk a ni maw :))
Ka thiante sawi ka hriat pakhat chu.. “Miss Pi Chhuang, kan zung dawn” kan ti a, tukverhah kan zuang chhuak nghal thin.. a ti.
ngaihnawm hlaaaaa mai
[Report abuse]
January 27th, 2011 at 7:23 pm
Chaltlang veng ah hian sikul turu tak2 an awm alawm… Fugitive, i nick nen i inhmeh ta miahlo mai
…mahni sikul naupang hmuhtaih ching hotu awmna te pawh a awm a ni lawm ni kha hahahaha
[Report abuse]
January 27th, 2011 at 7:35 pm
I ziak thiam ka ti lutuk….ka chhiar pahin nangman min bia a i sawi ang maiin ka hria. In madam pi chhuangi chu ka lo ngaisang ve tawp
In middle school chanchin ziah i ba a nia aw!
[Report abuse]
January 27th, 2011 at 7:50 pm
@ pu HV, chu kan thlak mai dawn mi?
.
.
@ bmw, ka va lawm ve aw! Nia, kan la ziak leh zel ang chu, chutia min lo hlutsak der ve te chuan keini ang bawl nuam deuhte chuan kan ti leh hnu hnu mai ang.
@ riangtlei, PZMS te i hre ve a ni maw? ka lal ve na ram a nia. :leichhuahhlui: pu shai tawngkam takin.
[Report abuse]
January 27th, 2011 at 8:04 pm
Kan sikul ve kha ..ka la rawn post ve a nge. Ka lung i ti leng tlat.
[Report abuse]
January 27th, 2011 at 8:40 pm
A va han ngaihnawm mai mai ve. Thu i thiam hle mai.
Kan sikul luhna hmasa ber hi chuan lung a len rei deuh chu a ni. In marble, inbaidehchan etc tih vel lai kha a ngaihawm thei khawp mai.
[Report abuse]
January 27th, 2011 at 9:01 pm
@ bbney, ka lawm e. Ni e, lung a leng ve duh khawp mai! Nunhluite hi kohkir theih a chang tawh mang si lova aw!
[Report abuse]
January 27th, 2011 at 9:24 pm
[Report abuse]
January 27th, 2011 at 9:35 pm
Ziak ngaihnom e. Pu fugi cu. Oh…wait, kum 23 bawr vel i ni zok em? U fugi t zok my ag.
[Report abuse]
January 27th, 2011 at 9:39 pm
A va lunglenthlak ve aw..! Thil tam tak ka hriatchhuah leh phah. A ngaihnawm ka ti kher mai. Kei pawh Primary School-a kan head, Pi Chhungi ka ngaisang, tun thleng hian. Madam pawh kan ti ngai lo va, Pi kan ti mai zel. Pi Chhung, Pi Rinawm, Pi Dinmawi, U VC etc. Sawi tur ka ngah lutuk!
Kum 12 kal ta khan Middle School i lut tan dawn a.. (pawl 5 i zir dawn tihna) Pawl 4 i nihin kum 8 i ni a. Pawl 5-ah chuan kum 9. Kum 9 leh kum 12 (kal ta) belh chuan kum 21 a ni ta a. He thu hi kum 21 mi i nihin i ziak tihna a nih chu. Eng kuma ziak nge i nih sawi phei la chuan i piankum pawh a hriat theih dawn a nih hi mawle..!
[Report abuse]
January 27th, 2011 at 9:44 pm
@24. .detective detected!
[Report abuse]
January 27th, 2011 at 9:54 pm
Madame pi chhuangi kha cu a fel thei chiang alom! Pi awmawii nen khan kan ngaina bik thei. Pu khuala leh pi rini kha chu an ham strict theih mah2.. Tak a, khami kuma kn school atanga PSLC topper kn nei h kha, kan chhuag khp mai! A hmeltha em em lo na a, a bon reuh khp…Khonge a om tak le..?
[Report abuse]
January 27th, 2011 at 9:54 pm
Kan kal ve lai chuan, skul chhuat awng atangin kan miss kan bih chho thin. A va lo mawl theih haih2 ngai em! :zak thar thut:
[Report abuse]
January 27th, 2011 at 9:56 pm
ka mumangah hian prymari sikul ka kal lai ka hmu fo mai a. ka lung aleng thin khawp mai.
[Report abuse]
January 27th, 2011 at 9:57 pm
@ rempy, kan tlangval ve dawn chauh va, min pu dawn mai ten le.
. Ka kum zat chu TS a nen khan han ring ten ten teh u’n. Ka la mithar bawk a, inzep tlatz teng!
Ts-a mai mai chuh! I chhutchhuak takngial dawn! : nui vur vur :. Tet lai kha chu a ngaihawm ve alawm. Keini chuan Madam tih pahin Pi kan telh kher thin. Madam Pi Puii. A chang chuan Hotu kan ti mai zel bawk.
[Report abuse]
January 27th, 2011 at 10:06 pm
E, Rempy chu kha mi kuma harh deuh, thiam thei lo deuh kha a ni maw? :fiamthu: Khatih lai khan Board exam fee kha Rs 40 a nia. Tam kan ti mai mai!
Pu Kawlpuia chu iva inhmeh ve aw! : nui uar uar:
[Report abuse]
January 27th, 2011 at 10:20 pm
A ngaihnawm phian mai
[Report abuse]
January 27th, 2011 at 10:20 pm
He post atang hian, Mizo ram zim zia leh kan la tlem zia ka ngaihtuah thar thut. Fugi-a’n a skul hlui ngaihnawm takin a rawn ziak dek2 a, han inchhui duh tak2 ni ila, kan inchhuichhuak zung2 maithei awm mange… ka ti.
[Report abuse]
January 27th, 2011 at 10:33 pm
Pu Chhawnbura, ka lawm e.
Nia, a ni ngawt asin tiraw Pu Kawlpui. Han inchhui duh tak tak ila chuan ka ni te, ka patea te, ka nutei te in lo ni fur mai ang ah! Thu ziak atangin zir tur tha tak tak i hmu thei zel a, i ropui ngawt mai. :ti tak tak: hei, arsa lo deuh artui chhum ka ei mai mai e ka tia. I duh ve lo maw? : then thu :
[Report abuse]
January 27th, 2011 at 10:42 pm
Nia, Fugi, chuvang alawm kei pawh ka fimkhur em em :meng_zawk_zawk:
artui chu lo ei mawlh2 rawh, finna a nia
[Report abuse]
January 27th, 2011 at 10:44 pm
fugitive ka man chiang lutuk che.
[Report abuse]
January 27th, 2011 at 10:47 pm
hahaha, ka nui. Artui chu mahse, mawng lamah a thawk duh lutuk a.
.
Pawl 2 kan hnih lai khan ” Kawlhawk thau a tha hle ” tih kha kan zir thin asin! :intithei:
[Report abuse]
January 27th, 2011 at 10:49 pm
Ka va han irhfiak nasa em em ve mawle
[Report abuse]
January 27th, 2011 at 10:55 pm
@ u Rose. Enge awmzia? : lu hiak nauh nauh :
[Report abuse]
January 27th, 2011 at 11:04 pm
Pu HV a chu i khulh hnem deuh a niang a!? :ti dekin:
[Report abuse]
January 28th, 2011 at 1:11 am
Kan tetlaia sikul kan han kai thrin kha chu,ka ngaihtuah mai2 a kan lo te thei om ka ti alawm le….
TrawngthuChhelo ah
I ziak ngaihnawm thiam khawm mai….
Kawr phelha AKSHAYYYY tih kha hit khawp mai..
Ngaisang ve hle ni mo? Khiladi lar lai vel ani ngei ang.
[Report abuse]
January 28th, 2011 at 1:47 am
A lunglen thlak ngei mai.
Kum 35 liam ta khan Kolasib PS I atangin pawl thum scholarship ka exam ve rin ren.
Khang hun lai a kan zirtirtute kha la dan an awm mai thei.
[Report abuse]
January 28th, 2011 at 1:49 am
a lawmawm e. Khatih lai kha chuan Akshay kha a lar hlur a, keimah chauh lo pawh midangho pawh an Akshay tho.
[Report abuse]
January 28th, 2011 at 7:25 am
Fugitive chu a naupang reuh hle mai. Akshay lar lai kha chuan keini chuan nula kan bem tawh
I thu leh hla dawn khawp mai. Han post zel teh. Keipawhin ka phur thut chuan kan H/S kal lai ka rawn post ve te’ng…
[Report abuse]
January 28th, 2011 at 6:22 pm
Tlai hnuhnawh deuhah kan comment ve ang e! tunah ka chhiar hman chauh si a, Fugitve, i ziak chhiar a nuam ka ti hle mai! i chhuanawm ka ti bawk! ziak mi tak i ni! ziak zel rawh khai!
[Report abuse]