Neiliani : Liani hi nula hmeltha leh lènmawi tak a ni. A hmingpum – ‘Neiliani’ a ni a, ‘Liani’ tiin an ko mai thin. Pasal a neih hnuah ‘Neii’ tia koh tura engkim ruahman lawk vek a ni a, an khaw nula chhuan tawlawl a ni. A pian hma chiah kumah an Bawngpuiin Nó, a lena lian mangkheng a hrin avanga ‘Neiliani’ lo ni ta, a ni awm e.
Hmangaihna : An khaw tlangval fel leh lehkhathiam – sorkar hnathawk, zirtirtu leh tlangval chhuanawm ‘kei ka ni’ inti chin te’n beiseia an hèl mup mup a ni a; mahse, ani chuan hawihhawm takin a lo hnar zel a. Nikum, kumtir atang khan hmangaih (em em) a tâwng ve ta a. Chù tlangval a hmangaih zia chu mite sawi a tling a, val upate mak tih hlawh khawpa tlâng hriat a ni. A hmel hmu loin ni a vûi zo lo a, zan a hmachawn huam lo a, chû tlangval chuan zawlaidi a tat a niang, an ti hial a.
Lianchhiari lunglen pawh neptè a ni. Amah chu – Ropianga a ni. Pu Thangseia (fam) fapa, thlanmual thlanga awm, chhungkaw harsatna avanga Pawl 4 pawh zirchhuak lo, khilaitu a hmuh apianga lem ve thei zel a ni a; a hmel leh pumrua erawh tlangval tawkfang ve tak a ni. Farnu tawng thei zet a nei bawk a.
Liani a tap! : An fanu, chuti tak maia val satliah tàwnna a tuiral ta mai chu a nu leh pate ngaih a tha thei ta lo a. Kum tamtak an fanu lo beiseitu, an khaw VCP fapa – Keitawna nen, tunthla chhung ngeia inneih tir tumin hma an la ta a. Chù thu a hriat chuan, Liani chu a tap nasa hle a. “Ka nu, ka pa, eng thil nge intih tak? Hmangaihna a ni, hmangaihna! Hmangaihna hi thinlung atanga chhuak, nu leh pate’n thuthmuna in lo sawi rem mai theih a ni lo a sin. Ka hmangaih – Ropianga ka neih loh chuan e, in fanu hi lunglengin ka fâm thei hial ang. Hlimin ka dam hek lo ang. Hringmi zingah ani tluka thlakhleh ka nei mawlh lo, min then lul suh u. Neih rosum leh mihring felna te hian thinlung hlimna, chhungril lawmna min pe dawn si lo. In thu hi sut hram ta che u…” tiin, a ngen chiam a.
A nu leh pa thlirna : A nu leh pate chuan zaidam takin “Lianbawih, tunah hian i hmalam hun, i damchhunga i nawmsakna leh hlimna tur pawh thliar thiam lo khawpin, hmangaihna avanga tihàt-in i awm mek a ni. Hetiang mi hi khawvelah tam tak an awm a, an inchhir a, inchhir a sawt tawh si lo. Khua a tlai zo tawh thin si… Kan thu ngai la, pawm mai zawk rawh. He hmangaihna avanga damchhunga hun hreawm leh retheia i awm tur hi kan hmu chiang em a, chutiang tur chuan kan phal thei lo che a ni. Hmangaihna hi sawirem theih a ni lo, inneihna erawh sawia inrem theih a ni. Chù sawiremna atang chuan nang pawh i lo piang a, chhungkua nuam leh awhawm nei i ni.
Hun an pe : Tuna i hmangaihna hi hmachhuanin Ropianga khu nei ta la, retheihna leh lungngaihna ruamah i nun i hnuk lut dawn tihna tluk a ni. I pasal atana kan hual, kan VCP Fapa – Keitawna khi i nei a nih ngat chuan, fanau maltluan chawiin chhungkua in han din chho ang a. Karlo-ah hmangaihna a lo piang a, chhungkaw hlim leh awhawm indin ve ngei ang. Chutih hunah chuan, Ropianga ngaiin i kúr tawh ngai lo ang a, nangmah ngei pawh mi nute awh rawn – nu zahawm i la ni ngei dawn si a. Tharum hmanga nawr luih che kan tum hauh lo, duhthlanna dik erawh i neih ngei kan beisei. Ngun takin lo inngaih tuah ang che…” tiin, inngaihtuahna hun an pe ta a.
Thurawn pe r’u : Tunah hian, Liani hian a hmalam hun lo awm zel tur atan thurawn a mamawh takzet a ni. Engtin nge thu i rawn ve dawn le? A dinhmunah han inchan la, tu zawk nge i thlan ang a, eng kawng nge i zawh ang le?
Liani,
“Khawvela i hmangaih ber, i rilru leh suangtuahna zawng zawng neitu, mite mak tih khawp leh mualpho pawh huam takmeuha i átchilh – Ropianga chu nei ngei rawh! Hmangaih leh duh berte neih tluka hlu a awm lo. Chutin, i nun pawh a hlim ngei ang. Aw… i va hlim dawn tehlul em! I hlimna leh lawmna chu mihring tawnga sawi fiah rual a ni tawp lo ang le!…”
tiin, thurawn pek che ka tum zet a –
Mahse, Liani…
Mahse…
Similar Posts:
- Hmangaihna
- Tu hmangaihna nge thuk ber ang?
- Mahse…
- What is Love? What does it mean to me?
- Hmangaihna!
a tha khawp mai
February 1st, 2011 at 6:10 pm
neiliani..:-D
February 1st, 2011 at 6:28 pm
haha…
February 1st, 2011 at 6:32 pm
Neiliani hi thahnemngai takin thurawn han pe hlawm teh u. A hmangaih ber nge a thlan dawn, nakina hmangaih chawp tur leh khuareia nawmna? :rilru buai:
February 1st, 2011 at 6:36 pm
Neiliani.. ha ha haaaa…… 😛 😛 (U)
February 1st, 2011 at 6:36 pm
Liani, Ropianga chu nei mawlh ang che. Sum leh pai hi pawimawh viau mahse, i hmangaih ber neih lohva, i hmangaih miahloh i neih chuan kumkhuain i hlim chuang lovang. Pathian zarah in dam anga; rual chu in awt bik lovang. I nu leh pa pawh ka lo sawipui ange.
February 1st, 2011 at 6:43 pm
Hei hi chu tunlai a pu kawlhawk a te chunga thleng mek midang hming hawh a a rawn phuahchhuah a nih duh hmel!!! te ti ila……….. Emaw amah hian hetiang lam ah thurawn a mamawh ngei a ni ang. Misual ho khan thurawn han pe nuai2 teh un… zawm tur ber a hria emaw chu….. ha ha haaaa…. 😀 😛 🙂 NOI
February 1st, 2011 at 6:50 pm
A.. Zêp lohvah chuan thurawn ka pe thiam hauh lo mai a.. Mahse, hmangaih chu hmangaih chu hmangaih a lo ni nge nge alawm.
February 1st, 2011 at 6:51 pm
kawlhawk=ropianga anih duh hmel an ti.. 😀
February 1st, 2011 at 6:53 pm
Neilian, lo lungngai reng reng suh. I tahna mittui kha lawmna mittuia a chan theih nan a tul chuan tunah pawh i pa te in lam pan turin ka inpeih reng e.
February 1st, 2011 at 6:55 pm
BREAKING NEWS : Davida home Insakna tur pawisa kha Account ah Rs 30000 (Thirty thousand) a lo lut tawh a,mumal zawka up-date dan tur tawia’n a rawn ngaihtuah dawn e.A pe tu hi Herc a ni a, Pathianin malsawm mawlh rawh se.
February 1st, 2011 at 7:01 pm
Hmangaihna hi chu a mit a lo del thin nih hi, nu leh pa te thu zom hi kei chuan a that ka ring, hmangaihna hi chu mihring te siam chop mai a lo ni. Nu leh pa te thu zom lo hi chu an in chhir leh tlangpui, hmangaih ber te nen a bakhur laih hi chuan a daih rei tak2 toh lo tun lai ah….
February 1st, 2011 at 7:13 pm
Hmangaihna mitdel… A awm thei, a awm chiang a ni. Khuareiah an inchhir a, inchhir a sawt tawh si lo. Liani hian a nu&pa thuawi se, a damchhung hun a hmangnuam zawk mai lo’ng maw? Ropianga hi nei tase, a inchhir leh viau si ang em?
Mahse, a hmangaih ber a neih loh chuan damchhungin a hlim teih kher ang em? A hmangaih Ropianga hi nei se, VCP Fapa Keitawna a neih aichuan a nun a hlim zawk lo’ng maw?
February 1st, 2011 at 7:18 pm
A va pawimawh ve a,
To,
Liani.
Thurawntu i mamawh hle mai a,Sawipui tur che ka va ngah tak em. I nu leh i Pa thurawn che khi pawm hram rawh, i tlai ve palh hlauh ang e. I hmangaih kha mualpho puiin, i Nun zawng zawng pe pawh ni la. Hmangaihna hlutzia a hre phalo ang,Nu leh Pa thu lova Nupui Pasal neih hi a tluang ngailo, an thinlung Dam thlapna khi i neih chuan, malsawmna a keng tel tih hrereng ang che.
Mahse, i thinlung tur ka hria..beidawng lovin i hmangaih khi theihnghilh tum rawh. I taksa pawhin tuar hial mahse, tang fan fan la, I hmangaih angin hmangaih che ni se la chuan, a ngainat ber pawh a thlauhthla ve tur a ni a. A tawp ber atan chuan, i Nu leh Pa thu zawm rawh-Hei hi Bible a thupek-tiam nei hmasa ber a ni.
I thian,
ainawn.
February 1st, 2011 at 7:21 pm
@mate ainawn, a va lawmawm tak em! @Herc i va ti ropui em! Ngawi tak rawh u, Rs 10 aia tam tal chu ka thawh ve dawn chiang alawm.
February 1st, 2011 at 7:32 pm
@ TSa : 😉 Tunlai chu i line hi a Darling riau in ka hria, Kawltea hi i lo chuhpui ang tih ka hlau a nia..Kawltea ka support nghal. 😛 🙂 :-$ 😀 ;-
Fonz, Frost leh zualbon-tea hi chu Misual hovin hnatlang a an Nupui tur zawnpui an la ngai ang tih ka hlau…hehehe
February 1st, 2011 at 7:36 pm
ekhai! @10 chu, news lawmawm a tling e! Kei ve hian ka la thawh lo, ka va zak e! Mahse, dam ila, ka thawh ang! Mate ai, a hming – a thawhtu hming i rawn tarlan hi a lo duh lo dah ang e; tunlaiah a ruka thil tha tiduh an tam tawh si a. Ama remtihna a ni em? (hetiang hi ka lo tawng tawh a…)
Tin, i comment 13 khi… i sawi bawk a, ka ngaihdan chiah!… tih mai ka nàp e (Y)
February 1st, 2011 at 7:36 pm
@Neilian, Mipa te hi awlsam takin tumah hi min ring tak tak ngai suh (kei tiamin). I hmangaih nilo in nangmah hmangaih tu che ni a i hriat kha i thiamna zawng zawng fawm khawm in han fiah chhin la, Pasal nei ngam chin tawh i nih chuan i hrethiam pha tur ah ka ngai. Hmeichhia hi chuan in hmangaih te aiin nangmahni hmangaih tak tak tu in mamawh zawk a nia.
OT : @kawlhawk, i thil ziak hi… a thu ngaihnawmna chu thuhran, ti ve khanglang ila tun hma deuh a i Post ho ai kha chuan chhiar an nuam leh zual tawh zaih zaih khawp mai.
February 1st, 2011 at 7:41 pm
Haleluiah Amen, Lalpan berambo a hmu leh ta
February 1st, 2011 at 7:41 pm
elcee, Fonz, zualbz leh tuna online mek te in helamah thurawn kan mamawh e.
February 1st, 2011 at 7:41 pm
elcee, Fonz, zualbz leh tuna online mek te helamah thurawn kan mamawh e.
February 1st, 2011 at 7:46 pm
@18 pangti, haleluiah! fapa tlan bo a lo haw ta!
@17 Saitawk, a dabawlin – (Y) (Y)
February 1st, 2011 at 7:47 pm
zawhna:
1) VCP fapa chuan zu a in ve tho em?
2) VCP fapa chu sawrkar hna chelh ani em?
3) Ropianga hian luck ticket kat a hrat em
4) Ropianga hian nupui man intuak nan hlatekhua lamah chi phurh a in huam em?
5) Liani nu leh pa hian sum nge an hmangaih liani?
A chunga kwestons 3 tal ‘aw’ ani thei angem?? anih chua ka hre bik lo le :-O
February 1st, 2011 at 7:48 pm
@ 16 ..Kawlte..ka type dawn a ka ngaihtuah vang vang i rawn kheuh khauh chu le…Herc hian min rawn phone a,a hming tak mi hrilh duh lova, chum hnang awl awl a ka vau pawn min hrilh duh lova, nick hi chu hawlo turah ka ngai ta deuh a..engpawh nise, a nick ka sawi khi a lo duhlo a nih chuan- ngaihdam ka dil nghal e.
Tun hnuah pawh-pawisa lo luhdan leh hmanna receipt nena rawn tihlan zel tum a ni a,nick sawi chu haw lo i la,a duhlo chuan inhrilh lawk ni se a lawmawm khawp ang.
February 1st, 2011 at 7:48 pm
Keitawna ngei khi nei roh.Nakina i la hmangaih theih tur thlang ngei rawh. Mihring jih chhung chuan nawm sak a poimoh khop mai.Tuna i duh deuh nen khan kumkhua in in hlim reng lo ang.Fanau in nei ang a, hmangaihna chu a lo piang ngei2 ang tih ka tiam a che. 🙂
February 1st, 2011 at 7:54 pm
@ muante, & Kawltea..a va lawmawm ve le..Insak rawtna a awm atanga Home chhung boruak danglam dan te hi mak ka ti a. Post in kan la sawi turah ngai ila, Pathian hnathawh mak tak a awm a nia.Tawngtaisak erawh ngai tak kan ni tih hi ka sawinawn leh a nia aw..
February 1st, 2011 at 8:00 pm
@ 23…mate ainawn….a lawmawm viau e, davida’s home mamawh chu i lo sawi tawh a chuan a tlawmngai zual ten an lo thawh liam liama a ropui a mahse keia ngaih dan chuan biakin style a donation thawh tu hming emaw nick emaw sawi rik ziah hi tul ka ti lo….a purpose a defeat tlat, a thawh tu te expect ber pawh anih ka ringlo…davida home lo hmun danga thawh pawh an tama chuan chanchhe zawk te tana mahni profit um lo a sacrificae tak2a thawk pawh an awm nual…heng ho hian an lo sawi chhuak kher lo…
No offence intended mahse i lo haw dawn anih chuan huai takin pawi ka ti lo…i say what i want to say and waht i feel like
February 1st, 2011 at 8:03 pm
zualbonez: ropianga chu iva tan hmel ve a. 😀
February 1st, 2011 at 8:10 pm
zualbonez: mate ainawni hian hnuchham leh tanpui ngai dangte aiin Davida team tehi a ngai pawimawhin a advertise kual vel tehi alo ni mai ngah 😀
TNT ho leh Davida team te zingah hian cheng sing 1 se tur ni ta se, mate ainawni hian Davida team te tan full amount pek tur tiin a bah a phar nulh mai lawng maw 😀
February 1st, 2011 at 8:12 pm
funny leh 😛
tak2ah…..Mahabharata draupadi-i style in an pahnih hian nei se…ropianga leh neiliani chu VCP fa hian a chawm anga….tha ber mai lo maw! …hetiang stories fahrah te te ho atan chuan solution tha ber anih ka ring /// 😛 😛 :fiamthu:
February 1st, 2011 at 8:13 pm
@ 28 funny….misualdotcommers thenkat in la charity ho ang vel kha ani ti law law la.. 😛
February 1st, 2011 at 8:15 pm
zualbz @22, i zawhna ho khi a pawimawh hlawm viau e.
VCP Fapa – Keitawna hi ZU chu sawi loh, zuk leh hmuam reng2 ti lo, lei chiah hmuam a ni. Tin, an nghialnghatin an hausa bawk.
Mahse, kan Neiliani pui roh hian zu hmangaih thei tlat lo i’a…
Ropianga erawh, engtihnamah a ni lo, Lalropianga a ni tawp! Mahse, a changtunu – Lianbawih ber hian a átchilh miau si…
I zawhna tawpna – 5) khi a pawimawh zual. Sum nge an hmangaih Liani (Sum=VCP Fapa Keitawna. Liani=Ropianga) An fanu an hmangaih luat vanga Keitawna hi neih tir tum anni zawk em?
February 1st, 2011 at 8:17 pm
tunlai chu ka internet a muang lutuka ka typo ho hi ka edit hman ngalo reng reng, a in load hman thinlo. In lo chhiar dik mai dawnnia. (H)
February 1st, 2011 at 8:23 pm
27
funny Says:
February 1st, 2011 at 8:03 pm
zualbonez: ropianga chu iva tan hmel ve a. 😀
hahaha… Engemaw ka hriatchhuah zawk chu le…!
February 1st, 2011 at 8:24 pm
Neiliani khi Jenital Liani nau kha a ni em??
chuan kei chuan a nu leh pate thu chu zawm mai se ka ti e. retheih lutuk hi chuan buaina a tam teh mai a nia. keini te hi. sawi zawmlo mai mai ang..boo hoo hoo.. 😉
February 1st, 2011 at 8:49 pm
Liani, Ropianga nei duh suh! i la inchhir ngei ngei ang! (N) @18 Pangtichawr chu a van au nasa ve! beram bo hi kan hmu leh tak tak ang em awww? :-S
February 1st, 2011 at 8:52 pm
Liani! Ropianga i lo hmangaih tlat mai hiI va khawngaih thlak tehlul em! Ropianga nen hian in hmangaih em em in lo in nei ta mah u la, in hmalam hun tur khua hi a va var hmel loh si em! Pawl 4 pawh zir chhuak lo, Zu in mi leh nghal… Eeee thil dang zawng ai a nupa inkar a harsatna tamtak thlen thei tu Farnu a la nei zui. Farnu mai a ni lo ” tawngthei zet” a la ni zui.
I nu leh pa in nei tur a an duh che Keitawna i duh thei tlat lo mai hi chu a hriatthiam theih. Mihring hian duh zawng riau hi kan nei ve tlat a, ka dem lo che. Tin, mi tamtak in i nu leh pa thu zawm a Keitawna hi nei tur a an tih che pawh in i hmangaih theih tlat loh chuan nei duh reng reng suh.
A tawp atan a ka thu rawn ve duh che chu: I nu leh pa hnenah ti hian sawi ang che, ” Ka nu, ka pa, Keitawna min neih tir in tum chhan hi ka nawmsakna tur in duh vang a ni tih ka hria. Mahse Keitawna hi ka hmangaih theih tlat loh avangin ka nei thei lo vang.
Tin, Ropianga chungchang ka han ngaihtuah chian hian hmangaih em em mah i la pasal tlak ni in ka hre bawk si lo, chuvangin tun a ka mamawh ber chu HUN a ni. Tunah tut tut pasal neih hi a ngai kher lo va, hun lo kal deuh se Pathianin ka pasal awm tawk chu min pek ngei ka ring. Tunah chuan pasal neih rih loh ka duh e” i ti daih dawn nia.
February 1st, 2011 at 8:56 pm
ho mai mai….
ZUUZUZUUZUZUZUZU lampang bawk ! 😀
February 1st, 2011 at 9:00 pm
Nu leh Pa thu awih hi a fin thlakin a fuh ber fo. Mahse, ka hriat pakhat chu – an makpa duh loh em em á¹hin kha tunah chuan a lak tlak zawk tlat. Pakhat zawk, makpa ‘cial zawka an ngaih kha chu a bam der 😉 (taktak)
Pu kawlhawk, Evening Post-ah …an ti(mai, mai) tih kha ka chhiar leh (Y)
February 1st, 2011 at 9:03 pm
@36 LC, I va ril tehreng em!
@37 zb leh! 😀
February 1st, 2011 at 9:11 pm
Pu ChhawnBur @38 1st para, thil awmthei tak a ni reng a ni.
2nd para, Vanglaini, Zozam times leh Aizawl post te ka la a, Evening hi ka la lo. Min rawn pe thei ka hmu tlat lo, lak ka duhna a rei tawh…
February 1st, 2011 at 9:32 pm
Open Letter to Neiliani,
Hei, i chungchang thu hi misual.com-ah hial post a ni a, chuvangin i chungah eng ang thutlukna pawh siam ni se, vui suh ang, khawvelin a theihnghilh lo che.
Thurawn tam tak i dawng a, a inang lo nuai lehnghal. Khawvel hmun hrang hranga Mizote hnen atanga thurawn dawng i ni tih inhria ang che. He’ng thurawnte hi a inang lo hlawm hle a. A thenah i lawm ang a, a thenah i lungngai ang. I nu leh pate thurawn kha hmangaihna vang a ni a, i nu leh pate thurawn i pawm loh paw’n hmangaihna vang tho a ni. Chuvangin i thutlukna chu i kutah a awmah ka ngai. Chutih rualin thurawn chhete pek ve duh che ka nei.
Pasal nei lo mai rawh. Pasal neih hram i duh chuan ka awm a nia.
I tana awm,
TuaiSialA.
February 1st, 2011 at 9:43 pm
Hmangaihna nge nge le, a hmangaih(a bialpa) khi thluak thawl viau mahse a hmeichhia in thluak a neih that chuan an pui viau thei tho. Hmeichhia hian thil an ti thei ve angreng si a.
February 1st, 2011 at 9:52 pm
Het! Tuaitea mai2 chu(h)! Nang hrep hi, a topic aimahin ‘Neiliani’ tihlai tak khi i lo waterpui pek a ni’ang, ka ti… 😀
Neiliani hian a hmangaih ber leh a thlakhleh mm – Ropianga hi nei rawh se. Nupa kan inhmangaiha, kan tan dun phawt chuan Ropianga neih kher a ngai lo e! Ro chu a lo piang ve mai dawn alawm…
February 1st, 2011 at 10:11 pm
keini hmeichhe tan chuan min hmangaih tu te an hluin an tha ber…
February 1st, 2011 at 10:20 pm
AAA Neilian…… Zirtirtu kha nei mai rawh….. VCP fapa tih ai chuan a zia zawk ang. Tunlai ah duh tak te nen a retheih ai chuan naki9n lawka duh tak leh hmangaih tak tur neih mai hi a fin thlak zawks……
February 1st, 2011 at 10:32 pm
Neilian: Ka thurawn hi ngun takin ngaihtuah ang che. Hmangaihna hi thil awm tak tak nilo, nula leh tlangval kara engemaw vang a feeling pakhat rawn piang ve mai mai a ni a. I hmangaih em em a i hriatna chhan hi engvangnge ?? A hmel i duh vang ami, nge a bula awm nuam i ti, chhan nei chuan i hmangaih ngeiin ka ring.Kha i hmangaih chhan kha kum 70 vel chhung a pangai rengin a awm lovang tih ring ang che.
I nu leh pa te hian i naupan tet atangin an hmangaih em em che a, i tan thatna tur engkim a ngaihtuah thin. Tunah pawh hian i tan thatna tur bawk an ngaihtuah a ni tih hria la, i hlimna tur leh an hlimna tur ni bawk an ngaihtuah a ni. He Hmangaihna bumtu avang hian i hlimna tur chu hnar lul suh. :-O
February 1st, 2011 at 10:33 pm
Ingki Ingki Pongki ….in thlan mai tur…
February 1st, 2011 at 10:45 pm
@46 beethugs, a va dik tehlul em! (Y)
@47 Hmuhnei, nang, enge hmuh i nei em? 🙂
February 1st, 2011 at 10:46 pm
liani tawngtai la chuan a channa nghak la……..a bak chu i thu thu nimai
February 1st, 2011 at 10:52 pm
@ 26 zualbon..a dik ve tho mai a,mahse Misual.com lovers thawhkhawm a ni miau a, a hranpa a mimal anga tanpuina pek hi chuan, an sawi rik loh loh hian a petu tan a zahthlak duh khawp mai a,tun thil hi chu thian ho angin, a huho a thawhkhawm, helai a hmuna awmte’n responsibility la ang chauh kan nih avangin, keini circle ah chuan a petu sawi hi a fair zawk lo maw le..
Tin,Lal-@- funny..i tidik viau ang..TNT Hotupa hi kan khua tho a nia, an rawngbawlna bul an tanna hi a rei tawh avangin, an changtlung em em a.Kolasib a an hmunah pawh hian RCC Building an sa der tawh. Silpouline In nen chuan kar a hla deuh a..An thawhrimna leh an inpekna Pathianin mal a sawm hle a ni.
Ngaihdan hrang hrang, frank deuha sawi hi a tha a lawm.(Y) (Y)
February 1st, 2011 at 10:53 pm
Phek thar hawng law law ang
February 1st, 2011 at 10:54 pm
Hetiang hun hi damchhung nghawng tur thutlukna siam HUNLOHLAI ber ani. Neih hrihloh ve ve a him ber ang. Hmangngaihna changchawi in Ropianga chu neih ta se,an inthen leh hma khawp ang,a chhan chu:
1.Hmangaihna chhanletloh hi huatna ah a chang thin.
2.Tunlai hmeichhia ten an duhber chu SECURITY ani, chu chu Ropianga hian pek chhuah tur a neiloh hmel.
3.Hmangaihna sosang hi a daih rei tak tak ngai lo,gland hnathawh, kiam leh mai tur ani.
VCP fapa pawh chu nei ta se, se…se…se…ta sa ti reng reng in Liani chu a inngaihtuah chet chet thin ang a, a pasal dawhtheihna in a tuar lo hun a awm ang a, an hlim chuang lovang, inthen tho an hmabak. Hetiang ah hi chuan Liani tan awmna hmun sawn a tha ber ang.Tin, rilru lakpen nan vantlang hna(social services) lam ah inhmang tam rawh se…
February 1st, 2011 at 10:57 pm
@ 52 ..! & 2 khi
February 1st, 2011 at 10:57 pm
Neiliani chu aw , i hmangaih ber hian a hmangaih ve che em,kan hmangaih aia min hmangaih tu mipa hi an hlu ania,i nu leh pa te thu zawm la i tih fuh ka va ring em, i bialpa lah hi a ngaihsam hmel ropui si,nu leh pa thu zawm ti fuh lo hi an vangviau ania, fuihna thuziak hi lo chhiar phawt mai teh
February 1st, 2011 at 11:15 pm
In thurawn tha tak2 te avang hian Neiliani a lawm tawh ngawt ang. A hma lam hun atana thuthlukna dik leh tha zawk pawh a thlang thiam ngei ang. Han tizel teh u’n…
February 1st, 2011 at 11:46 pm
Mate ainawn chu i la dam thiam thlap thlap hle mai. Thil reng reng hi kan han vei tak tak hian chuan khaw dang hawi lek lo leh nu deuh but a vei hi a awl a, kan duhdan leh ngaihdan ni lo ngaihdan dang mi in an rawn pho chhuah hian, chu ngaihdan dang chu ngun tak a ngaihtuah ai a lo lungawi loh nghal em em leh ngaihdan dang nei tu te a mimal a kher kher ai chuan, fel fai tak leh dam thlap a kan chhan let theih zawk hian kan tihtur/ thiltumah kan chiang hle tihna a ni zawk thin.
Davida team te hian tanpui an mamawh zia i mit ngeiin i hmu a, theih tawp a tan i lakpui avangin i fakawm thlawt e. Chutih rual chuan kawng engkimah ngaihdan dang te hi a dik ve thei tho thin tih hriat a in en fiah nan leh kawng dik tak a min khalh ngil tuah hman thiam a va tha em! Ngaihdan chi hrang hrang karah, ngun tak a in bih chian hnuah kan thil tum chu tha kan ti ngang a nih erawh chuan a hlawh tlin nan theih tawp a beih chiam mai tur
February 2nd, 2011 at 1:01 am
Neiliani chu thutlukna fumfe in siamsak thei tawh em?
February 2nd, 2011 at 4:57 am
Zoho sawi ang khian pem daih teh, anih loh chuan zi bo rih teh.
February 2nd, 2011 at 5:25 am
Mahni hmangaih berte neih tluk a hlu a awm dawn em ni..Liani?
Hmalam hun tur chu tuman kan hre hlei nem! Tun hi a hlu a, I hmangaih hi nei la, i hlim lohna chhan tur a awm hleinem. Hausakna hian nun nawmna pe mahse hlimna a keng chuang lo e..I hmangaih Ropianga hi nei mawlh rawh..In VC fapa thaw uih deuh neih ai chuan a tha zawk ang!!hehe
February 2nd, 2011 at 7:24 am
lrp@59 I sawi dik maithei mahse min hmangaihtute neih hi a naum zawk lawng maw? Kan hmangiahte hian kan thinlung an ti na fo si ang tih a hlauhawm alawm le.min hmangaihtute chaun min hrethaim zel dawn asin
February 2nd, 2011 at 10:50 am
Comment 36 a eelcee thurawn hi tha ka ti ka thlawp mai teh ang.
He post hi lohtheihloha ngaihtuahna min sentir vang vang thei ani a, a ropui leh hle mai. Kawlhawk, lehkhabu hi i ziak tawh em? Hetiang talent nei chunga lehkhabu i ziaklo emaw ziak i tumlo emaw anih chuan talent petu che Pathian pawi i sawi ang tih ka hlauhpui che.
February 2nd, 2011 at 1:21 pm
Tunlaiah chuan Duh takte nena Bahra laih ai chuan, duh leh tho turte nena Bahadur, cha lao.. tih an duh tawh zawk
February 2nd, 2011 at 3:32 pm
awmawmpuia @61, I tizahthlak e a… lawmawm bawk si. Lehkhabu te zawng, keini han sualchhuah zia a ni dawn em ni le… Phur thut a awm tak leh kan la suâl ve ang chu.
February 2nd, 2011 at 4:14 pm
Ih maw Liani,pasal neih chu tu te pawh nei dawn ila risk vek….VCP fapa chuan a hmangaih che em?Midang pawn an hel ve tho che avanga nei duh mai che a ni lo maw??Show off atan ringawt chuan in phal miah suh.Mahse Ropianga hi i hmangaih tak tak em? I hmangaih tak taka nun nawm loh,retheih,rilru hah zawng zawng huam khawp a i nei ngam anih chuan midang tumah i mamawh ngailo ang chuan #52 point 3na khi a dik…hmangaihna sosang kha nghak dai phawt la,a sosang phul lutuk a reh hnu pawh i la retheih pui huam tho anih chuan Ropianga chu nei hmiah rawh…Ka va han hriat hmel zet zet tak emmm!!!!
February 2nd, 2011 at 9:15 pm
@63 Kawlhawk, sual ngei teh, ka lei ngei ngei ang.
February 4th, 2011 at 12:39 am
‘A hmangaih ve che em?’ tih zawhna hi a pawimawh ka ti. A hmangaih che anih chuan tunah tlangval ho tak ni mah se nangmah vang liau liauin a la insiam tha em em ang, hrehawm takin nun a hmantir hauh lo ang che.. te ka tia.