Hosni Mubarak (May ni 4, 1928 a piang) hi Aigupta Air Academy a zir chhuak in (kum 1950-ah), Air Force a zawm nghal. A thiante holiday lai a zir chhunzawm thlangin kum 2 chhungin a a zirlai a zo daih. Kum 25 zet Air Force-ah hian thawkin 1972 atang khan Air Force hotu ber Commander-in-chief a ni. A fin leh hnathawh that avang a chawimawina hrang hrang a dawn bakah kum 1975 atangin kha lai a Aigupta President Anwar Sadat khan an ram Vice President-ah a ruat a.
President Anwar Sadat kha, khawvel pum a, ram hruaitu lar leh chak a ngaih a ni a, Isreal nen a remna thuthlung ‘ Camp David’ a an ziak avangin Nobel Peace Prize pawh a dawn kha. Arab ram dang te’n an hnungchhawn vek khawpin America , khawthlang ram leh Isreal te kha a ti tha a, Islam fundamentalist ho a ti lungawi lo nasa thung hle. Ram chhung enkawlna lam kha, a Vice President Mubaraka kutah a dah deuh vek mai a, international level lamah a buai a. Mubarak a kha,Vice President thu tak a ni awm e. Sadat a khan a thih hma in, kei chu ka chawl tawh dawn, Mubarak hian mi thlak ang ti ten a lo sawi lawk tawh a.
October ni 6 kum 1981 khan, Isreal nen a indo an chak hriatrengna ni an lawmna hmunah Military Parade an en lai in Muslim Funfamentalist (sipai zing a mi) te’n Sadat hi an kap hlum ta mai a, Mubaraka a bul a thu pawh a kut-ah na vak lovin an hliam. Chuan, Mubarak hian Sadat hi thlakin ni 14 October 1981 atang khan tun thleng hian a Aigupta President a la ni ta zel. A lal rei tawh bawk a, mipui hma thatna ai mahin a ma duh dan ngatin ram a hruai a, human rights a rap bet tlat bawk a. Autocrat ang a function si hian, thiam takin, America, European countries leh Isreal ngei pawh a be tha tlat mai si. Aigupta hi, Sadat a thah a nih hlim a, emergency an puan kha an la hmang char char !
Israel nen a remna an siam a vang hian lawm man ang reng in, USA hian economic leh sipai thuam in a tanpui nasa em em mai a, Mubarak a hruai Aigupta hi Arab ram dang te phei chuan an tui thlar reng a ni.Kum 82 zet ni tawhin lalna hi chuh zui zel pawh a tum chiah tawh lova, nimahse, a thlak tu tur a tan hian a fapa Gamal Mubarak hi dah dan phet a zawn bakah sawrkar mi pawimawh dang pawh a ma mi leh sa dah tumin a bei vel mek bawk.
Kum 30 zet ram hruaitu ni ta chu, (a sipai pension pawh a tam viau mai thei!) a hausa tiah tiah. An chhut dan chuan a husakna hi USD 70 billion zet ni awm e. Pawisa hi Swiss Bank, leh Europe ram bank dang –ah te leh company hrang hrang a investment te a ni awm e. Thla hmasa ni 25 a tanga Mubarak sawrkharna paihthlak tum a nawrna chuan a tawp a thleng tep ta. Kum 30 dawn zet President a nihna chu Mubarak hian September thla hian chawlh san a, inthlan leh ah pawh in candidate loh a tum a puang.
Thuneihna erawh mumal tak a hlan phawt a ban a duh thu a sawi a. Cairo khawpui chhung a hmun pakhat Tahrir Square a inkulh protester te hian hei hi an duh tawk lovin, ‘Bang rawh, tunah’ ti in an la nawr zel. Obama leh Hillary Clinton paw’n a rang thei ang berin an ti. America a che chhe leh pek ! President Obama tirh ngei an diplomat chhuan tawlawl, Frank Wisner chuan Mubarak a hmu in, Mubaraka hi hetia bang thut thei a ni lo a ti ve leh mauh. USA a phu zawk, ‘ A, Wisner a hian a ma ngaihdan a sawi mai mai a nih hi, kan ram ropui ngaih dan a ni kher lo’ te an ti vel.
Mubarak a hian, ram tan a a thawh nasat zia leh, hetia a ban thut mai chuan, hruaitu mumal nei lova awmin an ram chu a buai tur zia a sawi ve thung. Sipai hotu a nih lai a, ram tan a a thawh that zia leh kum 30 zet chhung buaina awm lova ram roreltu a lo nihna te hre reng turin mi a chah ve nasa.
Nimin Sunday tlai thu thar-ah chuan, Mubarak a ruat thar Vice President Omar Suleiman leh Opposition lam in nileng a an sawi ho hnu in ram hruai hna inhlan chhawn dan tur hi an sawi fel a ni awm e. Hetah hian Sadat a thah a mawhphurtu a puh Muslim fundamentalistdik tak Muslim Brotherhood kha an tel ve leh tlat. Naktuk lam chu Tahrir Square a reh duak mai thei a ni.
Similar Posts:
- CYMA Vice President thi thut
- Khatla VC ngaihdan ni lo
- US chhung sipai hmuna inkahna rapthlak ber
- White House ah sawm loh!
- Mizo students union Silchar din a ni ta
February 7th, 2011 at 8:09 am
comment ange
Report this comment
February 7th, 2011 at 8:12 am
kan comment ange chhiar hmain
Report this comment
February 7th, 2011 at 8:20 am
‘MUBARAK MADE IN USA’ tih poster kha a ni tak tak thei mai angem le aw ka ti.
Post tha hle mai.
Report this comment
February 7th, 2011 at 8:32 am
Raktea chu leh.
Post tupa
Report this comment
February 7th, 2011 at 8:43 am
Kum 30 zet han lal chu… a vua leh vang te pawh an hausa tawh ngawt ang. Lal hi chu a nuam a ni ang e. Egypt mipui thinrimna hi kawng tam tak a thlir chuan a awm khawp in kan ring ve ringawt a.
Report this comment
February 7th, 2011 at 8:49 am
muslimho khan ‘mubarak ho’ an tithin em kha ?
Report this comment
February 7th, 2011 at 8:56 am
Isaia 19:24 kha chhiar ve chhin teh u …
Isaiah 19:24 In that day shall Israel be the third with Egypt and with Assyria, even a blessing in the midst of the land:
KJV
Report this comment
February 7th, 2011 at 10:16 am
bengvar leh ta uar mai…
Report this comment
February 7th, 2011 at 10:22 am
Post tupa i ti thra hle mai
Tunlai khawvel news te hi mizo trawng ngei mai han chhiar te hi nuam dangdai bik hle ani.English paper ah chuan ka chhiar nasa toha he post chhungchang hi.Mase mizo trawng ngei chuan ka fiah leh zual uar mai
Good Post.
Report this comment
February 7th, 2011 at 10:42 am
US hruaitute mai mai hi!!!
Piai hlak ka chak 
We are not Banana 
an tih kha maw le…Oppositoion lam chuan…
Report this comment
February 7th, 2011 at 11:34 am
Bengvarthlak hle mai. Rawn update zel ang che. Mizotawng ngeiin.
Report this comment
February 7th, 2011 at 11:37 am
Hemi chungchang hi chiang deuh a ka vawikhat hriat/chhiarna…
Post tupa
Report this comment
February 7th, 2011 at 2:36 pm
US in Egypt a interest an neih chu “stability,” Suez Canal, Israel leh Egypt in remna nung tir, GASOLINE….democracy chu a pawimawh dan a sang vak lo..
Report this comment
February 7th, 2011 at 5:05 pm
The Aizawl Post a foreign news lam changtu nen in source in hman chu a in ang hauhlo anga; US in Egypt chungchang a ngaihdanah phei chuan Chhim leh Hmar hlauh in ni mai, tunge dik zawk ta ang le
Report this comment
February 7th, 2011 at 11:39 pm
Mubarak Gindabat ti tu pawh an tam ve khawp kha maw.
Chawnghilh a rawn lang hlawl mai Prophacy lam a kai deuh em ni?
Vawiin chu Tv lamah pawh Egypt lam hmuh tur a tlem ta hle mai.
An thak thakin thak teh se.US te chuan kum kalta pawh khan 3.2 Billion in ralthuam lamah a thuam kha maw.
Report this comment