Lusei/Mizo hi khawchhak (South East Asia) atanga Mizoram a lo lut thla niin kan ‘historian’ ho hian an chhui thin a. Hetia Mizorama kan rawn luh thlakna kawngtum ber chu, tuna Mizoram khawchhak lam hi niin sawi a ni. Hei vang hian, Mizoram khawchhak lamah hian, kan pipu te sulhnu hi a tam hle mai a. Vanneih thil thuin, heng sulhnu ka lo tlawh ve nel nual zing a ‘Lamsial Puk’ hi kan phawrh chhuak ang e.
Burma (tuna Myanmar) dai hnai a khaw pakhat Farkawn leh a chhehvelah khian, kan pipu te sulhnu a tam hle mai. Farkawn bulah khian tun hma deuh a khaw lar tak, ‘Lamsial’ khua hi a awm thin a. Tunah chuan luahzui a ni tawh lo. Lamsial khua a cheng te zingah hian, Fiara (of Fiara Tui) pawh hi khawsa ve thin a sawi a ni. Lamsial khua hi, tuna Farkawn leh Vaphai khaw inkar vela awm niin sawi a ni bawk.
Lamsial khua hi kum 1730 bawr velah, kan pipu te hian an lo luah tawh niin sawi a ni. Tichuan, kum 1954 vel khan, Farkawn khaw daiah, pasaltha pakhat ramvak chuan, kham karah ruhro a chhar a, a han fan kual chuan, chulai hmun velah chuan ruhro a chhar a chhar ta mai a. Tichuan, chumi kham kar a puk pakhat chu a han bel chiang ta a. Chumi puk chu hei hi a ni…
Chu puk, puk pawnlang ang reng tak chhunga a han lawn luh chuan, mihring ruhro tam tak a lo awm a. Chung ruhro chu, puan hmang a tuam anni a, mahse a puan te chu lo mawih hle tawh. Tin, samzai te pawh a han hmu bawk a. Heng ruhro te hi, Zawng ho in lo han hai darh in, ruhro tam tak chu an lo vawm chhuak a, chung ruhro vawm chhuah te chu, chu pasaltha chuan, puk hnuaiah chuan a lo chhar a lo ni a. Tichuan, heng ruhro te hi hmuh chhuah an lo nih hnu hian, Farkawn khua chuan, an bo zel loh nan tiin, kuang/thingrem chhin neiah an khung khawm a, a hmun tlawh tute en theih tur in an lo vawng ta a ni.
Heng ruhro te hi, a tam zawk chu an sei hle mai a. An ngalruh tam tak te chu han in teh hian, a putu chu feet 6 bawr vel emaw, a aia sang daih emaw hial ni tur in a chhut theih a ni. Mahse, heng ngalruh zawng zawng hi an sei vek kher lo.
Lamsial Puk awmna hmun hi motor kawngpui (ie. Vaphai to Farkawn road) atanga peng in, 5 kms vel a ni a. A hmingthan ang hu hian tlawh duhtu tan va tlawh mai hi a awlsam lo a. Mahse, Farkawn khua a hemi hmun humhalh duhtu te hian, mitam zawk in an tlawh theihnan tiin, a panna kalkawng hi Bus/ Minibus kal thei tur in, dap chawp in a kawng hi an sial a. A hmun va tlenna tur a an mamawh, mahse an harsatna pakhat chu, a kawng sialna atan hian lunghmun sut tlang ngai a awm nual a, heng lunghmun haldarhna atan hian ‘geletine’ an mamawh khawp mai. (Ngaihtuahsak theitu an mamawh hle a ni tih kan sawi lang ve mai mai a nih chu…)
February 7th, 2011 at 5:10 am
La thlawh ve ngei tur a ni
February 7th, 2011 at 6:19 am
He puk hi a hma chuan mak ka ti thin. Tlangpang mihring tana awlsam taka lawn theihlohnaa ruhro lo awm ngawt mai hi! Mahse, tunah chuan mak ka ti ta lo! Tha taka humhalha inngaiten a lawnna an siam a..
February 7th, 2011 at 6:20 am
Thian thenkhat hmu ve tawh ten, thingrem chhunga ruhro dah kha a nih tur ang anihloh phah (a originality a tibo)tiin min lo hrilh ve tawh a, mahse hei, an dah chhan i rawn sawi chuan dah ngei chi alo nih kha le.
Thasiama se no neihna leh Fiara tui (Farkawn) ang em chuan a originality bo thak khawpin, puk chhung luhna an cement lo kha a lawmawm e
February 7th, 2011 at 6:22 am
kum 1994 kum khan Adventure Club Ho-in kan han tlawh ve zan tawh kha maw.
Hetia Farkawn khaw ho in an lo humhalh hi an titha ngawt mai. Motor kawng a luh chuan kan chil phul lutuk mai ang tih te pawh a va hlauhawm ve, a bulah te khan huan thlai an ching anga, kan tih-ualau lutuk chuan a hlutna kan tibo maiang tih te pawh a hlauhawm rum rum lo maw.
February 7th, 2011 at 6:55 am
Lamsial puk hming hi chu a lar ve thaw khat bawk a, ka hriatna chu a rei tawh. Tlawh ve ka lo chak em em thin a ni a. Vanneihthlak takin Pu Shaia zarah ka hmu ve thei ta.
Lamsial puka mitthi te hi tu te nge ni ang aw? Eng vanga thi nge an nih dawn le? Tam vang nge, indo vang zawk? Pukah hian an lawn chho ang a, an chhuk leh thei tawh lo a ni thei ang em? Ral laka inhumhim nana helaia tawm hi an ni thei ang em? Zawhna a tam, chhanna a awm lo kumkhua dawn si.
Kan ram chhunga hmunhma hlui te hi kan ro hlu te anni tih kan hriat reng a, a nihna hloh si lova kan humhalh that zel a tul khawp mai.
February 7th, 2011 at 7:00 am
Puk chu hmun biru lehzual zawka sawn dan a awm em? Bones wrapped in swaddling clothes, that were worn out now and the bones grew longer than as it were … tih dup dup a va chakawm ve le! A ngaihnawmin a bengvarthlak hle mai! Thlalak dan a mawi dangdai bawk.
February 7th, 2011 at 7:34 am
A zirmiten han zir chiang se, engtik hun laia mite nge? Eng nge an thih chhan? tih han chhui chiang se a va tha dawn em! Dept lam thuneituten heti zawng hian ngaihtuahna seng se la a ni ang chu.
February 7th, 2011 at 7:37 am
Lamsial bulah chuan he tuikhawthla hi han awm sela chu, attraction a ngah lehzual tur!
http://img818.imageshack.us/im.....0082oq.jpg
Lamsial Puk chhehvela thlai hmunte chu mithmuh tlai khawpa changtlungin Department lamin han puibawm phei sela, tunlai leh hmanlai dawhzawmna thil hmuh kawp theih a ni ngei ang a, tlawh a manhla lehzual ang a, tlawhtu pawh an pun phah ngei a rinawm.
Gelatine han sik chhuak thei an awm mai lo’m maw ni le? “… AN MAN chuti zat…” tih a nih zauh zauh laiin!
February 7th, 2011 at 7:55 am
Hmanlai thil hlui hi chu a hlu a,hnam fing leh changkang apiangin an hlutin an roh thinin an chanchin pawh duhtawka ngaihthlak tur a awm thin…Keini ve kan hmanlai pipu te sulhnu eng eng emaw kan hmu a,a chanchin sawi tur hre mumal silovin kan han hum halh ve ringawt a(a originality bo thakin!) mithiam ten an chanchin zirchiang se, tourist te pawhin an tlawh chak tur khawpa kim leh chipchiar ngaihnawm tak chanchin nei sela tha taka humhalh pawh a awm ka ti… ‘Aniang/a rinawm’ tih vel mai mai lo humhalh vak hi a tulna k hre ve lo e.!
February 7th, 2011 at 8:00 am
A hmuhnawm in a bengvar thlak hle maia.
February 7th, 2011 at 8:14 am
1991-a ka tlawh bak kha a hmunah hian ka hmu leh tawh lo. Lamsialpuk hi 1972 khan Pu V.Zakunga kaihhruainain Farkawn Cultural Club-te khan an hmuchhuak chauh mai a.
Lu ruhro engemaw zat chu Zawngte-in an lum bo tawha rin a ni.
#9, Mi(Mikhual)pa, ‘A niang/a rinawm’ tih bak hi chu mithiam pawh hian an hre thei bik vak lo… hehe
Record leh Thlalakte awm lo chu ‘a niang’ tih detail deuh hi an sawi theih chhun a ni.
February 7th, 2011 at 8:35 am
a vahan ngaihnawm dap dap em. . . Ka hriat loh te ka hriat phah. Ka lawm em em e. Puakthei thil erawh PWD ho hian an ngah mai.
February 7th, 2011 at 8:42 am
February 7th, 2011 at 8:44 am
Lamsial khua an luah lai hi, a khaw thenawm a Lianchia ( hmeltha hmingthang) Lalna ram, Lung-keiphaw khua luah lai vel bawk a nih hmel. Tunah chuan Lamsial puk bul vel hi la vah dar a ni lo a, tin, kham pang a nih avang hian huan lo ram atan chuan a itawm fahran loh.
Lamsial atang hian ka pipu te kha an rawn pem thlak zel dawn avangin, an ruang te hi, hemi pukah hian an chhek ta ni a sawi te pawh an awm.
February 7th, 2011 at 8:54 am
Tha taka humhalh ngei chi a nih hi le.. Ruhro lo awm dan leh tu ruhro nge ni thei ang tih te, engtia upa nge an nih tih te kha mithiam zawk ten zirchiang ta se hriat a chakawm hle mai.
February 7th, 2011 at 10:28 am
ruh chu va awhawm hlawm ve aw…a set phei chuan to ropui siah…
February 7th, 2011 at 10:48 am
Ruhro set khat (complete) hi rs 12000 vel a ni, kn college ah.
Tunah hrih chuan tourist te pon tloh se, tu te ruh nge? Engtik hunlai ami nge? han ti se, kn hoi kn hawi mai ag a..
zirchian a trul e, helam a mithiam tam tak an om treuh ag.
February 7th, 2011 at 10:49 am
https://misual.life/wp-conte.....e/love.png: Tlawhve ngei chi anih chu
February 7th, 2011 at 10:50 am
Testing
February 7th, 2011 at 10:58 am
Post tupa in alo vil remchang rih lova, a ai ka lo awh don ani om e
Hriatna zau ho khan han thawh khom zel ang u le 
Ni e, Rempy te ho sawi ang chuan zirchian ngei chi ani
February 7th, 2011 at 10:58 am
Mizo hnam zingah puk a mitthi dah thrin tu te nge? tih te, Mi pangngai nge mi pawimawh deuh bik an dah thin? tih te, hmun dangah hetiang deuh hi hmuh a om tawh em..? Chutianga 6 ft+ te an om bok cuan, mizo hnam an nilo thei my ag em? Tih te…
k rilru ah zohna a tam, k buai.. 
February 7th, 2011 at 11:09 am
A ke zungpui veilam ruh en chiang ila chuan A hming leh apa hming ka hriat theih mai chu ka ring
February 7th, 2011 at 11:12 am
Lolzzz…Zrma chuan hna tran hngal la thrat don chu
February 7th, 2011 at 11:22 am
Mahse..Jewelte…ka om na hla lutuka…la tran mai theihloh alom Min ron courier se ruhro chu.. Mahse rohro hi ka rap deuh…..
February 7th, 2011 at 11:25 am
khai ooo…hlau don lo la chu ka ron courier tur che niah!!
February 7th, 2011 at 11:32 am
Nia.. kan tran vat dawn nia hna chu. Mizoramah ka haw leh hun2 ah kan tran nghal dawn nia. Nang ka Asst.ah rawn trang roh o. A kupruh atangin A tleirol lai in a samsei leh seiloh te,eng kohran nge ani tih te..leh a blood group te thleng in a hriat theih
February 7th, 2011 at 11:42 am
ehee..va thra don ve ooo…nia, i asst. chu ka lo ni ange. Chemtatrawta hi peon ang rengin hmang bok la?
February 7th, 2011 at 11:57 am
Va ngaihnawmin a va bengvar thlak ve le,a pic.nen han awm teuh thei se…
February 7th, 2011 at 12:22 pm
Ngatinge khitianga relics leh nakina la zir chiang zel tur infiamnan kan hmang a !!….a mawl thlak lutuk…Tuma khawih thei lo a dah that hmak tur ania….Tourism department te hian hmuifanga tourist cottage farhah te te sa lo hian puka ruh exhibit na tur ‘glass case’ te siam zawk se la…
…
a thlalaka nu leh naupang ruh infiam nan hmang te khi zilh fing an mamawh khawp mai…
February 7th, 2011 at 12:28 pm
Ngaihnawm+ hmuhnawm e.
Engtik emaw chu mi(sual) ho (a hman hman/ a peih peih) hian khawchhak lam khi i han fang teh ang u a. Mizote tan chuan kan pipute sulhnu tamna ber a ni a, tour leader atan ku shaia ka rawt nghal e.
February 7th, 2011 at 12:39 pm
pu XaiA chu a pics i hmu thei lo em ni le?
Ruhro ho hi a bo then nasa tawh a, a part kin a remkhawm tur a awm meuh tawh lo ang. Thingrem hi a chhin nei a siam a ni a, a en tu ten an enzawh hian an chhin tha leh mai thin.
February 7th, 2011 at 1:08 pm
“Farkawn bulah khian tun hma deuh a khaw lar tak, ‘Lamsial’ khua hi a awm thin a. Tunah chuan luahzui a ni tawh lo.” tih lai tak hi….. Lamsial khua hi ka lo hriat ve dan chuan Vaphai khaw dai Tuna Sipai Camp tlang hnuai thla khi ni in ka lo hria a…(An sulhnu hlui te pawh hmuh tur a la awm e an tia)tuna i rawn post nen hian, ka hriat dan a van dang ta ve a…(k bo leh ta map mai) kan pipute kha Tiau kam a ivaphai atang khan Lamsial ah an pem chho niin ka lo hria a… thu dik tak hriat a van chakawm ve aw… hria in awm m??
February 7th, 2011 at 1:19 pm
ekhai! thuchiang hriat ava chakom ve chu…
February 7th, 2011 at 1:25 pm
@Hpinfo, i hriat chu a dik tho ang. Vaphai leh Farkawn khaw inkar hi km 10 chuang awrh a ni e.
February 7th, 2011 at 1:27 pm
A hmun a biru tha bawka, la dai dar loh chu ni phei se, hmuh mai mai chi a ni lo khawp. A lo dah tha tute hi an remhriain a fing hle a ni.
February 7th, 2011 at 2:16 pm
Tlawh ve ka chak ngei mai.
February 7th, 2011 at 2:31 pm
E he! A chhung chu a va zau tha ham ham ve aw.. Kan khuaah pawh Tawngtaina Puk an tih mai chu kan nei ve asin.
February 7th, 2011 at 2:36 pm
TuaiSialA, chu in tawngtaina pukah chuan ruro te nen in tawngtai ho thin a ni maw…
February 7th, 2011 at 2:40 pm
A pics i rawn post tel ka ring a, ka chhiar chhuak hman tlat lo…..Zan lamah lo chhiar ang!
February 7th, 2011 at 2:47 pm
@Pu Shai: Kan tawngtaina Puk-ah ruhro a awm ve leu!
A hlet a awm a, a kawpui a awm bawk a, thingthi puk a la awm bawk a. Kan thianzahovin a thuk zawng kan teh tawh a, ka hre tawh lo!
February 7th, 2011 at 2:58 pm
#39, a pics 4 chu ka dah khi maw le…
February 7th, 2011 at 3:07 pm
Keicu k comment hnuah chauh pics a lang.
February 7th, 2011 at 3:12 pm
Shailendra nge nge,post bengvarthlak tak a ni e.
February 7th, 2011 at 3:14 pm
Rempy, comment phawt loh chuan pics entir suh, ka ti a…
February 7th, 2011 at 4:10 pm
pic atang chuan a hmun a kal ve a chakawm hle mai. pu Shai in nu ( manuni ) i hruai a ni maw . . .
.
February 7th, 2011 at 4:29 pm
@chhawkhlei, family excursion kan han nei zawk a ni e
February 7th, 2011 at 11:03 pm
Pic ka hmu thy lau
Hman atang tawha Pu shai ka fakna mm chu : misual-a mizo hmun hlui/hmasa a thlalak rawn vawmluh ho hi – a rawn dah mawl ve tawp ngai lo… A chanchin chipchiar tak a rawn dah tel thei zel hi a ni.
Pic hmu thy rihlo mah ila, a manhla hrim2 e
February 7th, 2011 at 11:24 pm
KAWLHAWK: keipawh a pic ho khi vawikhat ka load na ah a lang theilo ve ziah, a phek hawn tawh hnu a relad leh kher loh chuan a lang theilo, reload la a lang thei mial lo maw…
Lamsial puk hi kalo la hre ngailo reng reng, a hming ringawt pawh hi ka hiat awm pawh kala hrelo mawle. Thil ka hriat tlem vang nilovin, a lar tur angin a lar tawklo ani zawk ang
Heng ruh ho upat dan tehi science lam atangin engtin emaw chhui chhuah dan hriat te awmse chuan kan pipu te sulhnu (ngaih zawn aia chiang zawk) hriat theihna tha tak ani thei ang a. He khaw chhehvel ah pawh hian an sulhnu chhui tur a awm nual maitheia, tunlai thiamna nena han explore theih a chakawm khawpin ka hria.
February 8th, 2011 at 7:27 am
Thir laihlawn an lo dah tawh ani maw, Ruh vel khi khawih kher avan tul lo thin e aw. Kan kut hlei vang hian thil hi a chhe zung2 mai zel si ale
Khurchhia, Hmuifang ram:
http://img806.imageshack.us/im.....rchhia.jpg
http://img233.imageshack.us/im.....rchhia.jpg
February 8th, 2011 at 11:10 am
Uluk zawk a vawn that atan a itawm khawp mai. 1975 vel a a tlawhtu te chuan an samzai te leh an ruang tuamna puanthem te an la hmuh thu an sawi a, mahse chumi hnuah pawh vawn thatna tak tak a awm chuang lo a, tunhnai deuh atang khan thingremah ruhro hi khung khawm chauh a ni. Luruhroah te phei khi chuan a tlawhtuten an hming an ziak del dul mai.
February 8th, 2011 at 8:55 pm
funny. #48 khi tukinah ka hmu. I thurawn angin ka tinghal a, a lem chu ka hmu thei ta a. Ka lawm lutuk e.
February 9th, 2011 at 2:02 am
Hriatrengna lung:
http://img543.imageshack.us/im.....aitlem.jpg
Chawngchilhi puk:
http://img824.imageshack.us/im.....ignbre.jpg
February 10th, 2011 at 12:09 am
Tlai khawhnuah han comment ve ila. Lamsial khua hi hmun 3 velah an awm tawh a, hei vang hian a awmna hmun chungchangah pawh hian hriat dan hrang te pawh a awm thei. Lamsial Puk hi in sawi angin kum 1954 a pasaltha Taisanga hmuh chhuah a ni awm e. Kum 1973 khan heng ruhro thenkhatte hia Bombay lamah zirchian turin an thawn a, C-14 dating te an lo ti nge, kum 1400 bawr vela mi a ni e, tiin an sawi, an ti. Tu te nge thawn thla a, khawilaiah nge an thawn tih chu ka hre lem lo. Lehkhabu a ka hmuh dan a ni. Hetia ruhro awm teuh mai hi zirchian chu a ngai khawp mai.Art & Culture Dept. lam te hian ASI ah te carnbon-14 dating hmanga zirchian turin hma la ta se, chuta tang chuan thil a chiang uarin a rinawm.Hmanni khan Archaeological Survey of India(ASI) atangin mi 4 an rawn kal a, khawchhak lama lungphun te an zir ani awm a, mahse Farkawn leh a chhehvel te hi an tlawh tlat lo. He post hmang hian Art &culture Dept te hemi chungchangah hian hma la turin ka ngen a.