Bul tanna
Ni leh thla, kum tam alo liam leh ta reng mai. Ka duh a Ka thlang chhuak a mipui sang tam tak zing atangin. A ni aia tha, mawi leh Keima nihna nena inhmeh hliah hliah zawk tur pawh Ka hmulo a nilo. Mahse engin nge min mawlh le!…Ka hmangaih tlat si. Ka han inpuang law law ange – mite itsik thamin a ni Ka hmangaih ni.
Amahah hian Ka tana chhenfakawm vena tur pawh a awmlo mai ni lovin amah avang hian vawi tam tak Ka rum zawk a ni. Hun lo la awm zel tur chatuan chatuan thleng pawhin tiin Ka hmangaihna Ka hlan a,Ka duh em avangin atan kumkhua pawhin Ka rinawm ang tiin Ka in tiam bawk a. He hmangaihna hian hrualhrui angin chat lovin Min phuar bet tlat a ni.
Mahse tangdang zunah maw ilo uai a
Hun leh nite tuilian angin anlo liam zel a. Hlim takin Kan lengdun zel dawn emaw Ka tih laiin phatsanna tenawm tak Ka tawk ta zeuh zeuh mai. Sal ang maia a awmlaia Ka chhanchhuah te, miten mi pangngaia an hmuh ve theihna tur atan a Ka thiltih sak zawng zawng te chu Ka duhtaki chuan hmusitin tangdang minlo belhsan ta a ni. Kei aia amah duat leh ngaihsaktu hmu niawm maiin Ka lam alo hawi duh ta lova.
Heng an chanchin zawng zawng te hi hmulo in hrelo thei ni ila chuan Ka chhungril natna tamtak hi a kiam tur a nia le! Lungngaiin Ka rum a ni! Ka hmangaih si a. A sakhming Ka sawi nin theihloh ka atang chuan selna anka pawh Ka tawng ta zeuh zeuh mai le, eng a ti zota ni maw! Ka duat, Ka enchimloh leh a mualpho hlau reng renga Ka tuamhlawm thin chuan Ka hmangaihna chu ngainepin Ka tangah alo bei duh talo.
Ka suangtuahna vakvel
Ka parmawite-i chu ka lam hawiin lo nui leh se tiin ka thlir vawng vawng thin. Amah ngaia ka awmlai min hnem tur an awm si lo. Ka lungdumtu ngei hi inchhirin lo let leh sela, Ka lunglawm a kim tur a nia le! A chang hi chuan Ka lam hlata a awm nasat poh leh Ka hmangaihna hi a zual nite hian Ka hre thin a, amah hmangaihtu diktak hi Min han hrechiang selang chuan Ka hmangaihna chu a van chhanglet nasa dawn em!
PATHIAN HMANGAIHNA ROPUI ZIA
Hosea bu ka chhiar a. He lehkhabu-ah hian PATHIAN hmangaihna nasat zia a lang nasa hle mai. Nu leh pain an fate an hmangaihna nasa ber an pek aia nasa in Pathianin Israel fate hi a hmangaih a ni (Isaiah 49:14, Nimahsela Zion chuan, ‘Jehovan mi kalsan a, Lalpan mi theihngilh ta,’ a ti a. Hmeichhiain a fapa, a rila rah chu khawngaih lohna turn a nau hnute hne lai chu a theihnghilh thei em ni? Thei e, chungte chuan an theihnghilh a ni thei e, nimahsela kei chuan ka theihnghilh lovang che). Engmah nilo, mite hmusit leh nuihzat Israel fate an saltanna atangin a hruai chhuak a. An tana ram a buatsaih sakah a hruai thleng a. Hmangaihna sawifiah hleihtheih lohvin a hmangaihin a tuamhlawm a. An mualpho a hlau va, an ralte a dopuiin hnehna a pe a. Mahse Pathian hmangaihna chu hnawlin an tet lai atanga anmahni enkawltu leh duat em em tu chu tlan bosanin an uire san a ni. Hmangaihtu rilru chu a rum ngei ang. Mahse hmangaihna a khat leh thutiama rinawm kan Pathian chuan Israel fate chu ala hmangaih a, an uire chung pawhin a la duh a ni tih tihlan nan Hosea chu uire nu Gomeri nupuia nei turin a ti a ni. (Hosea 3:1, Tin, LALPA chuan ka hnenah, Kal leh tala, hmeichhia, midang duhlai, uirenu chu va hmangaih rawh, Israela thlahte chu pathian dang hnen lam hawiin grep chhang ngaina mahse, LALPAN a hmangaih reng ang bawk hian, a ti a). Chumai ni lovin kan Pathian chuan a duhsak ngaiin la duhsak rengin a lainatna chu a la lantir reng a ni tih a hriattir bawk a. (Hosea 2:23, Tin, ani chu katan leiah ka ching ang a; Lainatdawnglovi chu ka lainat ang a, Kaminilova chu, “Ka mi i ni,” ka ti ang a, Tin, anin, “Ka Pathian i ni,” a ti ang).
Kei ka tan a hlu
A ang chhung ata vawi tamtak tlan bo thin, malsawmna nasa taka min vur chung pawh a lawmthusawi ngailo chung pawh a malsawmna a min vur reng te hi khawngaihna vang a ni. A man ngaihtuah hauh lova hmangaihna hi min duhsakna vang a ni. Ka khawlohna avanga hrem tur chhush zalen ka ni hi Chhandamna chu a ni. Mahni nunna pawh inhlan ral thak ngam hi hmangaihna thlawn a ni. Misualte A bula min awmtir phal ve avang hian kan PATHIAN hmangaihna hi hmangaihna ropui ber alo ni e.
‘Pathian hmangaihna ropui zia
Thu leh hlain a hril seng lo’
(Y)
February 13th, 2011 at 2:50 pm
A D1k a ni
[Report abuse]
February 13th, 2011 at 2:59 pm
Kan chhiar ve phawt ange..
[Report abuse]
February 13th, 2011 at 3:15 pm
Part – II i rawn siam leh dawn te a nih ngai chuan, a heading khi “Ka la hmangaih reng che a sin” i rawn ti tawh dawn nia. (drake-a’n a ti
)
Mihring (nula tlangval) inhmangaihna atangin Pathian hmangaihnaah min hruai lut ta daih a, bul tanna mah nise, i thiam angreng hle mai.
4th para : Heng a chanchin zawng zawng hi hmulo in hre lo thei ni ila chuan Ka chhungril natna tam tak hi a kiam tur a nia leh!
A lo tuar/ tawng tawh ten an ti thin reng a ni. Inthih san aiin inuire san, hmangaih dang inneih san, tang dang inbelh san te hi tawrh a harin a nâ zawk an ti hial thin. Hringnunah thih chu tawpna a ni a, a mi den dan a dang daih. Thi si loa inphat san, inuire san leh tang dang inbelh san erawh – A NÂ A NI.
[Report abuse]
February 13th, 2011 at 4:01 pm
Sermon tha tak anih hi. Chhiar man a awm hle mai. Mihringte hmangaihna hi chuan rei a daih ngai lo. Kan rilru hi a inlet thut thin a, Pathian hmangaihna erawh a danglam ve ngai lo.
Pathian hmangaihna hi a rilin a thuk hle. Mihring tawng leh hla mai hian a phawk chhuak zo tak tak lovang. Pathian ngaihah chuan pawnchhe hnangkhai leh eklung ang mai chauh kan ni a. Eklung hausa deuh te, eklung fai deuh te, eklung hmeltha deuhte ang lek chauh kan ni. Lei vaivut hmanga a siam mihring, amah siamtu phatsana A hmelma Setana lama kalsantu, chhanchhuak tura mahni leh mahni inti tlawm a, a ropuina zawng zawng kalsan vek theitu, keimahni avanga hmuhsitna, endawngna, zahna tuartu, a siam mihringte tluk leka hniama rawn indah theitu hmangaihna hi a va ropui tak em. Pathian hnena kan sual thawi dam nan na leh hrehawm tinreng tuara kraws lera khai kana awm a, thihna hneha tho leh Isua hmangaihna hi a ropui a ni.
Kan nawmsak laiin amah kan hre duh lova, atan engmah kan huam ve hek lo. Ani erawh chuan tuisik mai kan nihlai atang tawha min hmangaihin, kan nawmsak lai ber atanga thihna luipui kan dai thlengin min hmangaih reng thin a, min kalsan ngai lo.
Suala ka bosan thin pawha min hmangaih reng thin tu Pathian min hmangaihna hi a rilin a va lo thuk em. Thu in ka sawi fiah thiam lova, hla phei chuan ka hril fiah thiam ngai lovang.
[Report abuse]
February 13th, 2011 at 4:15 pm
[Report abuse]
February 13th, 2011 at 4:32 pm
[Report abuse]
February 13th, 2011 at 4:33 pm
Sermon tha tak,chhiar manhla tak a nih hi,
‘Mahse tangdang zunah maw ilo uai a’ Helai thu tak erawh hi chu a ulh deuh lo maw aw ka ti deuh. Tang hman a nih chuan ‘bel’ hi an hman dan a ni tlangpui niin ka hria, ka hriatna zim vang a nih erawh chuan thudang nise.(sawisel ka tum hrim hrim vang a ni lo a nia)
[Report abuse]
February 13th, 2011 at 4:48 pm
halelui…pap pap phawt mai teh ang..ahmangaina phatsantute hmangaihna tawp lo neitu chuan thih thlengin atuara… chutichung pawh chuan hrethiam loin sunday tlai ni emaw nilo emaw…aduh loh zawng thil tih hi nuam ka van la t si em…
[Report abuse]
February 13th, 2011 at 5:23 pm
[Report abuse]
February 13th, 2011 at 6:12 pm
Peihlo deuhin k chhiar a,
chhiar man a awm leh si khop mai. 
[Report abuse]
February 13th, 2011 at 7:38 pm
I tuar thiam hle mai. Min hmangaihtu deuh te kan duhloa tlema kan chunga inti vei te zaha min hmangaihtu tlawmna kan ngainep hlauh mai thin hi chu thil mak ve tak a ni.
A bikin hmeichhe lam sawi ila, anmahni hmangaihtu aia an chunga in vilik leh induh thiam te, mahni nihna lan chhuah tir aia tlema hawi sang zawk te leh inthup thiam te pa ti a anmahni hmangaihtu zawk nep ti tlat hi an awmnual thin a ni.
Hmangaihna hi a tlawm em a hmangaihna atang vek lo chuan hmusitawm a chang mai thin zawng a nih hi.
Lal Isuan min hmangaih em avangin a nihna kalsanin a berh thei ang berin kan tuar ai a tuara kan thinlung chuan a ngainep in Pathian fa a nilo tiin kan chhang let a, a nihna (power) nen lokal se tlawmna awmzia hrelo khawp khawpin kan hlauh biak rawn leh awm si a.
[Report abuse]
February 13th, 2011 at 8:24 pm
#11, soi thra reuh ve a..
[Report abuse]
February 13th, 2011 at 8:30 pm
israel fate chu Lalpa hnam thlante an niin Lalpan chatuan in ka fate a ti reng dawna.Lo sualin lo tlupalh poh nise an sualte an sim leh hi a lom zong aniin thawh lehna hunah poh a fate an nireng don in hnamdangte hi chu Israel fate rawngbol saktu mai kan ni don ani.Israel fate hnen ah anga Lalpa pathian in thu han thlung nahi a nei lova..kan new testamet ah ngei poh hian israel fate kianga a thu a thlun ang a chiangkuanga thlunna a awm lo ani..tirhkohpol a bu a khopuite aloria tih bak kha chiangkuanga thuthlunna israel fate leh pathian inkara thuthlunna ang hi a om ve lova ni..ngaihtuah chianga bible hi chhut chiang chuan israel fate tan hlir hian alo ni..inti ve lo mo???
[Report abuse]
February 14th, 2011 at 1:55 pm
Comment tha hlawm hle mai, thanks
@kawlhawk & triple star – mizo tawng ziak dan dik kalo enchianglo a nih hi…ziahlehah chuan ka improve tawh ka beisei e in zarah.
Vawiin Valentine ni a kan hmangaihte kan hmangaihna kan hlan aia nasain hian PATHIAN hi kan hmangaihna hlan ila ava tha dawn em.
[Report abuse]