Hmangaihna hi a ropui a, amaherawh chu upa lam pawh hi hrethiam lo an/kan la tam awm e. Engpawh nise, ka sawi tum zawk chu, nu leh pa ten min lo hmangaih thin dan hi ka chhut thiam pha lo nangin, ka hrethiam tulh tulh a, ropui ka va han ti tak em vele.
Hmanni chu ka farnu (cousin) nen kan ti ti naah, nu leh pa te hmangaihna lo ropui zia hi kan sawi tui dun hle mai. Chutah kei chuan, Mizo te zia ni miahlo mahse, ka nu leh pa te hi pawm vawng vawng a “ka hmangaih che” tih ka chak rilruk thin zia ka sawi a, a ni hnuk chu a lo ulh teuh hman mai.
Mizo zia nen chuan nu leh pa te han kuah pawh harsa tak tur a ni, “ka hmangaih che,” han tih ngat phei chu a harsa zual ngei dawn. Mahse, kei ang mi rawva leh kawlhrawng thin min enkawl chhoh dan leh entawn tlak a min lo nunpui thin avang khan, eng ual nilo mah ilang, ka TUN hun dam a fate enkawl thei dinhmun ka thleng ve te hi kan ngaihtuah hian, ka nu leh pa te hi hmai chhanah “ka hmangaih che” tih hi zam tak chungin sawi chakna ka ngah thin hle mai. Sap tawng chuan sawi a awl ka ti ngawt ang (a common em mai a!) mahse Mizo tawng ngat hi chuan ka tan a ril bik raih mai a, sawi pawh harsa tur tak niin ka hre lawi a!
Father’s Day (June 20th) nghak thleng hman lo in ka han ziak ve naw naw a nih hi.
Misual thiante, hetiang lam hi in lo ngaihtuah ve tawh ngai em le?
Similar Posts:
- Hmangaihna hi enge a awm zia aw?
- Hmangaihna hi enge a awmzia dik tak?
- Par lai a par rual ta silo!! Lenlai a ruallo hi a sawi rem theih??
- Mizo Diktak & Assimilation!!!
- Hmangaihna – Naupang ah
March 19th, 2010 at 6:45 pm
Mahni nu leh pa te hnenah ‘ka hmangaih che’ tih hi chu mizo rilru hian a zo lo deuh chuan ka ngai. Tih/sawi chak viau mah ila. Kawppui te leh fate hi chu a tih theih mai a, mahse hei pawh hi har tak chu a ni tho tho. ‘Ka hmangaih che’ han tih tawh hi chuan a hnu a han tih leh zel hi chu a har tawh lo deuh in, a kal deuh zalh thei e. Mahse thawkaphit a ‘ka hmangaih che’ han tih zen mai hi chu, vai ho ang mai a kawng kawi tin a in chibai sek hi a ang a, a hne awm lamah a kal thei ve tho. Tin, in elsen/in tihel lamah pawh a kal thei mai in ka hria… (A hmangaih tak tak lo tu, a fawr ru tam tam hian, kawppui te ‘ka hmangaih che’ tih hi an awlsam in ka hria :roll: )
Report this comment
March 19th, 2010 at 9:21 pm
shailendra, “vai ho ang mai a…” i tih hi, A nazawng a aunty leh uncle an hmang ang deuh hi a ni e tiraw hairehai :lol:
Mr…. Mrs…. tih ve thin mai awm hi ania, Aunty/uncle..ka tai ka tai hi an ti zen a, an lu lah hi an thle ang nghel nghel a, ben hawi sawk hi kalo nap mai thin, kei a tribal rilru hian.
Mi pangaiin rilru taka “ka hmangaih che (asin)” han tih raih mai hi chu a ril reih rawih em asin.
Report this comment