Pa a zawngah chuan ka pa hian hmangaihna hi a ngah bik em ni le aw, tih rum rum theih khawpin ka lakah zai adawh a, a fate lakah hmangaihna a lantir thin. Kei phei kha chu a hunlai ngat kha chuan pa dangin an fate an tuithlar thak thak na thin tur anga ka awm pawh khan hmangaihna nen, dawh theih takin, tawngkam tha leh Pathian thuin min enkawl thin.
A bei adawng ve rum rum thin ngei ang. Keilah chuan fa hmuh hmasak, fa hming koh ka nih hria a chhuang niawm takin ka tal nasa mai si. Ka tal nasa kan tih hian sum leh pai lam eiru fa te anga chen ka nilo, mahni suahsual rawng ka bawl a ni ber. Khatiang khawpa nasa leh veng mite pawn an biak peih chang chang ka nih lai khan, ka pa, beidawng lova min dawm kang char char tu tawngtaina chu chhanin a awm ta. Tun thlengin nungdamin, chhungkaw tha tak din theiin ka awm leh ta a ni.
Ka pa min hmangaihna chu mihring hmangaihna mai a la ni! Vana kan Pa in mihring te min hmangaih dan tur zia hi ka chhut ve thin a, ka chhut thui ngamlo a ni ber e. Khawvel mai nilo, van thengreng zawng zawng mai, engkim a engkim Lal a ni mauh mai. Chumi, Lal ropui, Lal em em pawh nilo, Lal chungnung bera chuan khawvel a mihring ‘An’ anpuia an siam ngei mai kan sual tlan nan a Fapa mal neih chhun kan tan a rawn tir a nih chu. Chumi, lalte Lal, Lei leh Van Lal fapa khawvel a kan tan a lo pian hriat rengna ni chu karleh mai a lo ni leh ta. A ropuiin avan mak tak em, ropuina chu Pa leh Fapa leh Thlarau Thianghlim hnenah awm mawlh rawh se.
Not a sermon, just a thought.
Similar Posts:
- Hmangaihna hi enge a awmzia?
- What is Love? What does it mean to me?
- Hmangaihnain a hnawl sipai huaisen
- Hmangaihna!
- Min Hmangaihtu
December 16th, 2010 at 11:35 am
Tha hle mai
Report this comment
December 16th, 2010 at 11:35 am
A tha hle mai. Ni e, hmangaihna a zawng zawnga thuk leh ril ber hmangaihna chu Vana Mi ka Pa hmangaihna a ni miau si a le.
@Hanc: I chhiar ngût maw???!!! :lol:
Report this comment
December 16th, 2010 at 11:37 am
Pa hmangaihna hrethiam tur chuan experiance phot a ngaih ka ring
Report this comment
December 16th, 2010 at 11:40 am
Hmmm..tawi reuh si..tha si..
Report this comment
December 16th, 2010 at 11:47 am
OT lawk..US unau Sailo hnen atangin kolasib Misual Charity atan Dollar za(100) kan dawng a,western union a lak theih turin a no. tukin ah min rawn hrilh thlap a.A hming Hawrawpui a sawi a duh lova..
Mahse.Kan CM hlui pawh kha a Guard ten a mah te kha chu an venghim zo a..A ‘kaa” kha chu ‘kan venghim zo nganglo a ni’ an tih ang deuh khan Tuipui ral atang hian ka ‘kaa’ hi chu a venghim pha biklo mai thei..
Report this comment
December 16th, 2010 at 11:47 am
Ava ropui dum dum ve le. Pu HV i tlangval lai chuan i boy ve thei ngawt tak ang a.
Report this comment
December 16th, 2010 at 11:55 am
Nu leh pa hmangaihna ang tluka hmangaihna dik a awm lo,he khawvel ah hian!Nun ka lo hmang khawlo rei lutuk khan tunah hian min vaw chau thin,inchhirin ban a chen a ni ber e,ka nu min bo ralsan hnu phei hi chuan. Mahni tawka ka hlawhtlin ve na thenkhat min hmuhpui hman ve ta lo nen.
Report this comment
December 16th, 2010 at 11:59 am
A ngaihnawm khop mai. A tha lutuk e
Report this comment
December 16th, 2010 at 1:04 pm
A tha hle mai
Report this comment
December 16th, 2010 at 1:10 pm
E khai a Pu HVa nge nge a live ting tang the khawp mai. Thu ziak sei tak a ni lo a. A thu chah a tha hle mai.
A ropui em a sin. Misual hmangaih tlattu Pa kan nei hi a thlamuan thlak thin. Hlimawm tak a ni. Hetiang ang pa nei tih in hre lo ho hi an khawngaih thlak em a nih hi mawle. :happy:
Report this comment
December 16th, 2010 at 1:17 pm
PA hmangaihna hi a ropui tak zet a ni,engang paw’n sual in do thin mahila min ngaidamin a angchhungah min lo pawm leh thin.He khawvelah hian ‘pa’ nei tawhlo mahila pa a zawnga hmangaihna ngah ber ‘PA’ka la nei a ka lungngai lo e. @ Mr.TSA chhiar chhuak tawh e
Report this comment
December 16th, 2010 at 1:36 pm
Ziak tawi tha nelh nawlh khawp mai…..
A hmangaihna hi mihring ten a chhutchhuah phak rual a ni lo reng ani..
Report this comment
December 16th, 2010 at 1:38 pm
Comment hma in ka’n chhiar phawt teh ang, ka first ve thei mang si lo!
Report this comment
December 16th, 2010 at 2:51 pm
Tha khawp mai. Keini ang tette atanga Pa enkawlloh fa hi chu kan rilru hi a dawih/zam hma in kan thu te hi a nawi niaih mai ni. Thu thlukna tam ber hi kan kutah a awma, huaisen taka mi thenkhat anga tihsual leh tihsual tiha bawhzui rap rap ngamna tur ang ah hian fuih(motive)tu an awmloh chuan zam a hma bik. Min fuih lemlo mahse ka hnungah ‘ka pa’ a awm a ni tih hriat chuan tlem talin thla alo muang ve a.
Amaherawh chu Pa te nihna rinchhana mahni engmah nih tumna nei chuang siloa thawlian ve ngawt hi chu engahmah ka tilo thung.
Post tupa te khua ah pawh hian Kum 18 chunglam(Adult) annih tawh chuan puitlinna(maturity) nei tawh tura ngaih anni a, an pa te neih sum lak atangin tamzawk chu an independent tawh ka ring.
Report this comment
December 16th, 2010 at 4:55 pm
Meiguo Ren, chu van bei tha ve! Youth Pastor atan i that dawn hi, thu i sawi tawi thiam tlat
I pa chunga i lawmnate hi hmaichhanah ngei i hrilh tawh ngei ka ring bawk
Report this comment
December 16th, 2010 at 5:43 pm
Pathian hmangaihna hre renga awmze nei takin Krismas kan hman theuh ka beisei
Seki: Zhong guo, shi de xiansheng, wo dui ni zuo le shenme
Report this comment
December 16th, 2010 at 6:18 pm
Chawl hahdam ta, ka pa mitthlaa hmu chungin ka chhiar e, a va tha em! I han khalh goal dan khi a nalj lutuk!
Report this comment
December 16th, 2010 at 6:24 pm
Muante, avan zialo ve aw…. engpawh nise, ka ziak ang khian ka chhut phaklo a ni ber.
Report this comment
December 16th, 2010 at 7:35 pm
Tawi deuh ṭha deuh hian engtin nge mawh in ziah thiam mai le. Ka tan chuan sermon ropui tak a ni :taktak:
Report this comment
December 16th, 2010 at 7:39 pm
ChhawnBura #19 i ti lawmawm e. Thinlunga kan chan tak2, a nih ang2a type chhuah pawp a ni mai, ka thiam pawh ka hrelo kei..mahse ka lawm e.
Report this comment
December 16th, 2010 at 8:01 pm
Pu HV, thu sawi tlawr kual ki kawi vel duah ai chuan, hetiang hi keimahah chuan a tla na zawk.
Report this comment
December 17th, 2010 at 12:56 am
ChhawnBura #21 chhungril thil a nih angin ka ziak pawp a nih kha.
Report this comment
December 17th, 2010 at 6:20 am
Pu HV I pa chu ka pa nen an in an hmel hle mai. Kei pawh ka ti thin ka pa (FAM) khan min va han dawh thei tak thin em!!!!! kan lubuk pui pui te kha vawikhat pawh a sawi sel ka hre ngai lo nia, vin erawh a vin mahse min hau ngai huah lo thung thil hi vin deuh thak hian a sawi a min hauh dawn chuan zaidamtakin min hrilh dap dap zel
Report this comment
December 17th, 2010 at 4:41 pm
nghasih, Pa hmangaihna hi tawngkam lo hian hmuh theih, a taka thleng a tam ngawt asin.
NB: He post hi Pa lam ka sawina ani mai, nu te’n min hmangaih nep tihna lam a kawk lo ania.
Report this comment