Sailo chanchin lam hlir hi Mizo historian te hian an thlur bing mai thin niin alang. Zohnahthlak/Mizo ah hian hnamdang tam tak kan awm tih kan hria a, Sailo chauh an lal hek lova, lal ropui dang tam tak an awm tih pawh hriat atha. Zohnahthlak dang tam tak chanchin te hi kan hriat tlan zel hi atha in ka hriat avangin, hei hi ka rawn thehlut ve tawp mai a ni. Ka pu, M.Laldailova (May 14th 1890 – May 4th 1992) ziak ang ang, Zohmachhuana Khawlhring type chhuah a ni e.
Hriat phâk thui berah chuan Berhvatean, fapa pahnih a nei a, Saivatea leh Chunthanga an ni. Berhvatea thih hnu chuan an nu hovin an awm a. Tin, a upa zâwk Saivatea chuan nupui a nei a. Fapa pahnih Lersia leh Singaia leh fanu pakhat a nei a. Chutihlai chuan Chunthanga chu tlangval a ni a. Chung laia an hnam hming chu Miuam, “hnam thianghlim” an in ti a.
Chutichuan, Chunthanga chu a thiante zingah nula a rim thin a. Tukkhat chu a zing hawng a nu leh a u te ho nêna an chaw kîlho lai chuan “Nizâna ka mumangah chuan” a ti ta phut mai a, a sawi dâwn a, mahse chu chu an hriat veleh a nu leh Saivatea chuan, “E khai, keini chu hnam thianghlim kan ni a, mumang kan nei ve ngai hlei nem. I va riahnaah hian I riahpuite samkhuih te I va hmang a niang, an hnam bawlhhlawh I va kai ve ta a nih hi. Kan chhûng zînga awm tlâk pawh I nih dâwn loh hi”, tiin an hau ta hrep a.
Chuta tang chuan Chunthanga rilru chu a inthlahrung ta khawp mai a. Nakin deuhah chuan nupui a nei ve a, a in dang ta a. Mahsela, a nupui chuan fa a dam thei lova. Tin, a hrin leh dâwn chuan, a pasal hnênah “Nizanah mumang mak deuh mai ka nei a, tun tuma I fa chu a pian veleh in kawmchâra vang bulah va chhiah ula, tichuan a dam mai ang” a ti a. Tichuan nau chu a lo pian veleh chuan an kawmchâra Vang bulah chuan ava chhiah ta ngei a. A lo dam ta a, a hmingah Vangchhiaha a nih hi an ti ta a. Tin, nau a lo pai leh a, a hun dâwn hnaih chuan mumang a lo nei leh a. “Tun tuma I fa chu in piah khuaah sawn va hring la, a dam ang min lo ti a”, a ti a. Tichuan an piah khuaah chuan a va hring leh a, a lo dam ta a, a hmingah Khualhringa an ti a. Tichuan an unau Saivatea thlah te chu an hlat ta tawlh tawlh a, chhim lam an pan zêl a, Chunthanga thlahte hi Vangchhia leh Khawlhring mai an nilova, hnam dang in vuah te pawh tam tak an awm.
An laichinte Champhai atanga nikhat kal velah khian Vangchhe Tlâng a awm a, chumi-a an hotupa hming chu Laldumbela a ni.
Khawlhringa thlah ho chu Vangchhe Tlâng piah, chhim lam leh zualah an awm hlawm a. Ralin a tu ve ve pawh min rawn bei sela, kan in chhan theih nân tiin an awmho hnai a ni. Tunlai tak pawh hian chhim Pawi ho zingah khian Lushei tawng thiam hauh lo Pawia in zial an tam khawp mai.
Tin Khawlhring hnam tepêng Chunthang inti pawh an tam mai. Chunthanga leh Saivatea hi unau an ni tih emaw thlahtu khat an ni tih hriatna chu chiang takin Mizo upa hlaah a awm a ni. Hetiangin:
“Chhimah Chuntlang
Hmarah Saivate
In man tam e, sial sawm in ngên e” an ti a ni.
Keiin ka hriat phâk chinah pawh an hnam man bi chu Se sawm a la ni fo. Tin, hnam thianghlim an tih ang ngei hian inthawina neuh neuh pawh kan nei ve ngai lo. Vawkpa sûtnghâk Mizovin a inthawi nân lo chuan talh thiang lova an neih pawh hi kan nei ve ngai lo, kan duh hun hunah kan talh mai. Inthawi nân kan hmang ngai lo. Sial kan chhun leh chu chu kan thla hualna a ni ringawt. Pautu, Thiak, Rawite te hi Vangchhia leh Khawlhringte nên thlahtu thuhmun an ni.
Chhiar zawm peih/duh tan hetah click rawh
Similar Posts:
- Mizo hi hnam hming a ni lo
- Hnam Dang Pasal Nei Chhui Dawn
- Hnamdang ka neih chuan ka hnam ka phatsan
- Mizoram Chhim leh Hmar inhnialna – A AW B lam dan
- Zo leh zo ngei runhmunah i leng ang aw
February 16th, 2011 at 9:59 am
Khawlhring leh Vangchhia chu unanu lo ni reng lah tak a,Chunthanga chuan hnam hnih a hring a ni maw, pui hle mai.
A bengvarthlak hle mai a, ka thil hriat chak zawng tak a ni hetiang lam hi.
[Report abuse]
February 16th, 2011 at 10:00 am
tha e
[Report abuse]
February 16th, 2011 at 10:00 am
1st para, thuhma khi ka duh 1utuk t1at!!1
[Report abuse]
February 16th, 2011 at 10:07 am
Khawvelah hian LAL tam tak an lo piang tawh a… tih hla ang deuhin, Mizo khawvelah hian LAL tam tak an lo piang tawh a…
[Report abuse]
February 16th, 2011 at 10:09 am
kei ka hnam Renthlei history awh ti khawp hian ka hrelo mai niloin ka chhui peih lo a, chutih laia i hnam chanchin i hriat te min rawn chhawp chhuah sak a, hriatna tizau tu a ni hi KUDOS
Good Post
[Report abuse]
February 16th, 2011 at 10:12 am
HV hi History zirtirtu han ni mai se lah!! Ka van duh mmmmmm!
[Report abuse]
February 16th, 2011 at 10:15 am
A ngaihnawm e. Kei chu Vangchhe Tlangah ka kal tawh ah… :intithei:
[Report abuse]
February 16th, 2011 at 10:18 am
Chunthang i tih khian Chhunthang i tih na maw ka lo tia, e kan hnam chu I Pa ni maw ka lo ti a LOL
[Report abuse]
February 16th, 2011 at 10:23 am
Mizo ah hian hnamdang tam tak kan awm tih khi hnamdang ti lovin chi peng tam tak ni ta zawk se.
Thiak hi Hmar peng a ni zawk lo maw?
[Report abuse]
February 16th, 2011 at 10:30 am
Chhakchhuak poh rawn ziak ve teh u.Ka hrelo ve hle ania mahni hnam history chu hriat a chakawm ve bawk sia.. Han chhui ve vak ngaihna ka hre der mai bawk siloa kei mimawl hian.
[Report abuse]
February 16th, 2011 at 10:36 am
Bengvarthlak hle mai… Nih leh Sailo hi Pai(h)te sawn an ni em…??
[Report abuse]
February 16th, 2011 at 10:43 am
Vangchhia hi Kulkhut ka awm hnuah chauh ka hriat ani, Hairehai hi a sa awm
Khawlhring hmeichhe man hi sial sawm an tih chu ka hre thin bawk, mahse sial sawm ka pe hauh lo ania, ka Pa pawhin a pe bik lo 
[Report abuse]
February 16th, 2011 at 10:47 am
He thu post poh hi engtin emaw han ti kual deuh se a tam zok chuan chhiar hma hmain ‘ka oih lo’ an ti leh ngawt ang asin…. Ka chhiar tui lo e.
[Report abuse]
February 16th, 2011 at 10:51 am
Kei hi ka hre thui lo khawp mai. Thlahtu bul ka chhui hlat theih ber chu ka pa hi a ni tlawng mai a. Ka la chhui ang. A bengvarthlak lutuk tlat.
[Report abuse]
February 16th, 2011 at 10:57 am
@10 PayableOnDeath(Zrma_C) Chhakchhuak CC i hriat duh chuan http://www.ourchurch.com/membe.....hhakchhuak hetah hian va leng rawh…
[Report abuse]
February 16th, 2011 at 10:58 am
Thkatu bul chu ka hre thui khawp mai. Ka hriat thuiber Adama Mahse Adama leh ka pu inkara mi ho zawng2 ka hre leh silo,chuvang chuan inchhuanna thamah ka ngai ta lo ka sawi velo mai ang NOI
[Report abuse]
February 16th, 2011 at 11:00 am
@15 Irlawma HETAH hian click rawh ti ve ngawt a… Chick theih reng2 loh.
[Report abuse]
February 16th, 2011 at 11:00 am
Theih leh chiah
[Report abuse]
February 16th, 2011 at 11:00 am
Hnam chungchang sawi takah chuan –
Banner khiii… Valentine’s Week kan hmang dawn em ni?
[Report abuse]
February 16th, 2011 at 11:01 am
He thil chu ka lo la hre ngaih miah lo. A ngaihnawm bawk e si.
[Report abuse]
February 16th, 2011 at 11:17 am
Irlawma.. Lawmawm khawp mai. Sap tawng ngat in Thank you very much.
Ka chiang ta uar mai.Ka pu in Hualngo kan ni a ti thina mahse kan hmingbul(kan hnam ah)Chhakchhuak kan in vuah leh daih bawk sia lo hrethiamlo thei rap mole.Tunah chuan fiah ta uar mai.
Tidaih ila Cherput hi “eng hnam nge ni ngai le,avan mak em2 an hnam hming chu” ka lo ti thina kan unau lo ni reng nih hi.Mak thin hle mai Hairehai Post tupa dan takah
[Report abuse]
February 16th, 2011 at 11:22 am
Tha e,ralte dictionsry.babylon a an ziah dan The Ralte clan is found scattered in the Lushai villages to the north of Aizawl, India. About 200 years ago the Raltes lived mostly near Champhai. Mangkhaia was an important Ralte chief there. He was killed in course of events following his clash with a Lushai chief. Mangkhaia’s memorial stone has been famous throughout these hills. The Raltes zealously maintained their individual identity and resisted absorption into the folds of the Lushais. As of today most Ralte clans do not specify their clan and carry on with Ralte ,which makes them the most populous group of clans in Mizo society. Ralte man are consider to be the most handsome man in the Mizo society.
worldlingo ah ve thung Traditions has it that when two Raltes came out of Chhinlung/Sinlung cave, they were chattering too much that it led God (Pathian) to believed that too many Raltes came out which resulted in God closing the entrance of the cave. 
last line khi….
[Report abuse]
February 16th, 2011 at 11:44 am
Bengvarthlak hle mai. Khawlhring ka ni a, khitiang tak khian khawlhring lo chhuah dan chungchang hi ka lo la hre ngai lo reng reng. Posttupa, i post hi ka like e
[Report abuse]
February 16th, 2011 at 12:55 pm
Hnam hi kan chhui fo thin a hre tak tak ang a ngaih te poh an awm nawk mai.chu mi hnam ti in kan sawi a a tawp leh mai thin. Hetiang zawng hian in chhui chho zelpeih ila a tha ang nge a tha lo ang aw…..
1) Mizo hnam zing ah Tlawmngaih na Ngah/nei tlem pol hnam an ni.
2) Mizo hnam zing ah Rinawm in nghah na tlak/Rin ngam loh hnam chi.
3) Mizo hnam zing ah Taima chhel/Thatchhia zawmthaw chi hnam an ni
4) Mizo hnam zing ah Fing remhria/Mawl harh thei lo chi hnam
5) Mizo hnam zing ah Chapo ching/Inngaitlom hnam an ni
6) etc
Hetiang zawng nilo va Sailo,Ralte,Hmar etc tih ri ngawt hi chu a hun tawh lo.Mizo hi a tawk viau in ka hria… then khat ngaih dan chu a ni hauh lovang le.
[Report abuse]
February 16th, 2011 at 1:03 pm
E a pawimawh ka ti kei chu. Kan hnam Khiangte te hi ka bo teh asin chhuizauna hmuh ka chak thin ngawt mai.
[Report abuse]
February 16th, 2011 at 1:22 pm
Thil bengvarthlak tak a va ni em… a tha lutuk e.
[Report abuse]
February 16th, 2011 at 1:27 pm
Ka inrin hma a i Post a lo chhuah chu le! A hlu hle mai. Print chhuah thlap a Upa ho chhiar tir ve chi a nih hi.
[Report abuse]
February 16th, 2011 at 2:13 pm
Awih chin ka nei a, awih loh chin ka nei. Hetiang lam hi chu ngaihnawm ka tih zawng tak a ni.
Good post. . . .
[Report abuse]
February 16th, 2011 at 2:24 pm
[Report abuse]
February 16th, 2011 at 2:26 pm
Good Post
Kan Sikul-ah khan hnam hming dah hi kan zirtirtute khan an khap thin, tun hnu a ka ngaihtuah hian a chhan ni a lang chu insuihkhawm lam aiin min then darh tu a ang mah zawk. Tun hnu hian hnam hming dah hi kan leh uar ta ang reng. Tute emaw politics khelhna hmanrua a ni thei angem? Aizawlah pawh hian chumi/khami khaw chhuak inhmuhkhawm tih ang reng te hi patling pui pui hian chaw tak khuk hian an khuk pui leh hluai thin hi chu ho ka lo ti ve mai mai thin!
[Report abuse]
February 16th, 2011 at 2:35 pm
a bengvar thlak hle mai a….TFS
[Report abuse]
February 16th, 2011 at 3:03 pm
[Report abuse]
February 16th, 2011 at 3:21 pm
Ka Nu khawlhring.
[Report abuse]
February 16th, 2011 at 3:24 pm
Keichu ka nu chhakchhuak… lolzzz
[Report abuse]
February 16th, 2011 at 3:44 pm
keipoh ka pa ralte..:)
[Report abuse]
February 16th, 2011 at 3:59 pm
@ 30 lushai_er…ka
support….100% ..i sawi dik lutuk 
Aizawla in neih chuan aizawl chhuak kan nimai….aizawl mi tak inti tur an awm tak2 dawn ami, a khua a la nuapang ve ropui sia….durtlang leh chaltlang tih loh chu pem lut vek kan ni zawkin ka hria
[Report abuse]
February 16th, 2011 at 4:02 pm
Ka pa Pachhia ka nu mihring
[Report abuse]
February 16th, 2011 at 4:30 pm
DXBFreak#8 Chunthang/Chhunthang sipel dan a dang mai niin alang. Chunthanga thlah thenkhat ten Lai (Pawi) Lal an belh (Saphun) tak avang khan Lai (Pawi) a insawi an awm nawk reng a ni.
PayableOnDeath(Zrma_C) #21 Cherput chu Hualngo/Chhakchhuak tepeng a ni. Chhakchhuak/Hualngo ah hian Chalthleng, Bochung, Khipno te pawh an tel nghe nghe. I sawi ang em em in Adama atang chuan ka chhut ve phalo hehehe mahse, kapa lamah chuan thlah 10+ chu an unau leh fa te nen ziakin ka nei ve.
Sailo chanchin kan hre hleihlui a, an lalna khuaah Sailo nilo te ‘Hnamchawm’ hnamchhia tiin chapo takin an la ko zui lehnghal. Zohnahthlak hnam hrang2 te hi an chanchin hriat theih ang ang hriat atha ka ti mahse, “helamah kan hnam/chi,” tiang zawnga lak erawh a tha ka ti hauhlo thung. Chutiang tho chuan min thendarhtu ni lo vin, kan thlahtu te hming chawia hnam hming awm anih thin avang hian kan lastname ah pawh kan hnam hming hi awm vang sela a dik berin ka hria.
[Report abuse]
February 16th, 2011 at 5:26 pm
KHAWLHRING CHHUAKLING Ngat ka ni, thil chik peih leh zirmi te zara hahdam tak maia tiang ro thil ka chhar tamai hi vannei kava inti em.
@Hv, Mizo tetan hian ro thil iva pai hnem tak em. Inthlahrung lovin pi pu te nun leh khawsak dan entawntalk tak tak te han pho chhuak zel teh khai. Thlahtu bul hriat pawimawhna hrelo an tam ta. Paws thatak avahan nitehlul em. . .
[Report abuse]
February 16th, 2011 at 6:16 pm
Historian te hi in va hlu em? ka hriatloh tha tha min rawn hlui a. Bengvarthlak khawp mai.
[Report abuse]
February 16th, 2011 at 7:37 pm
Facebook a khawlhring an han tam zia saw!
a dawtah cuan ralte!
Asteric-a te hnam cu arte hum tham lek!
[Report abuse]
February 16th, 2011 at 7:56 pm
Bengvarthlak khp mai. Kholhring ho cu chhunthanga thlah an ni mo chu. K zot ang a, hrelo an tam ngot ag!
Underworld movie k hrechhuak.. Alexander corvinus a fapa Marcus leh William. Marcus a thlah te vampires, william a thlah te lycans/werewolves..an inhaw ta em2 a!
Vangchhia leh kholhring poh inhuat ve mai chi..
[Report abuse]
February 16th, 2011 at 8:02 pm
Chhunthanga ber a chhungten an pom toh silo a, bawlhhlawh toh ah an ngai a ni sia, khawlhring leh vangchhia ho cu hnam thianghlim an ni thei toh don mo ni le?..
[Report abuse]
February 16th, 2011 at 9:02 pm
Post hlu tak a ni
[Report abuse]