Tunlai hian Phaitualhnim-lem siamna hmanrua a changkan chhoh zel avangin infiammite tan pawh tawlhthluk leh sliding tackle a hlauhawm lo sawt hle a; hnim lem kuang mal tinte hi Polyethylene resins hmanga siam an nih tlangpui tawh avangin han tawlh a, han inkherh vel a, han tluk vel pawh a ngamawm sarh tawh a ni.
Phaitualhnim-lem turf siam hmasakah te infiammi an lo inhliam fo thawh thin avangin tun thleng hian a hming a la hliau phah niin a lang a; tunlai hian artificial turf-a inkhelte inhliam leh inhliam loh chu ngaihven ber pakhat la ni chhunzawm mahse, ngaihdan dik lo tak chambang avanga inralrinna uchuak lothlawn mai niin a lang.
Tun hnaia UEFA-in zirchianna eng emaw zat a neih atanga a lan danin, Phaitualhnim-lem a inkhel nasa khawvel hriatthlawh tham football khelmite hi grass pangngaia inkhel thinte aiin an inhliam nasa bik chuang lo tih hriat a ni tawh. Tunlaia hman lar mek, third generation Phaitualhnim-lem hman uar a a nih chhoh zel chuan, inhliamna thleng fo thin pawh a nep chho tual tual tura ngaih a ni.
Football leh infiamna chi dangte kum tluana khelhmual nihphung danglam ngai lova khelh a nih theihna’n artificial turf hi duanchhuah a ni a; ruah leh rial, vur leh vawtin Phaitualhnim-lem nihphung hi a tidanglam ve ngai lo.
Phaitualhnim-lem siam dan phungin hma a sawn chhoh zel avangin tunlaia football khelhna atan bik liau liaua siamah te hi chuan ball sawh dan chungchangah emaw, infiammite chet vel danah emaw, grass-a inkhelh nen danglamna a awm tawh lo tiin a sawi theih hial tawh awm e. Hetiang a nih avang hian artificial turf thatna hrim hrim – a daihreina te, enkawl a hautak lohna te, inkhelhna tualzawl danglam ngai lohna te belhchhah phei chuan Phaitualhnim-lem hi a thlanawm hliah hliah a ni.
FIFA leh UEFA hian Phaitualhnim-lem siamna atan eng hmanrua nge hman tur an sawi chiang chiah lo naa, polypropylene emaw, polyethylene emaw hi hman ber thin an ni. Tunlai hian polyethylene hi hman uar chhoh zel a ni zawk a, a chhan chu grass chunga thawlh-tleng a awlsam zawk avang leh a him zawk vang niin a lang. Hei bakah hian polyethylene hi polypropylene leh nylon aiin a nem zawk bawk a ni.
Kan hotute an misual ve tak in FIFA thil ziah na links dah tel zuai.
http://www.fifa.com/mm/document/afdeveloping/pitch&equipment/01/08/53/41/iats_052009.pdf
http://www.fifa.com/mm/document/afdeveloping/pitch&equipment/68/52/24/fqctestmethodmanual(may2009).pdf
#Breaking news :- The results of the great referee survey, based on 117 votes cast. In reverse order, your favourite Prem Lg ref…
5) Phil Dowd
4) Andre Marinner
3) Howard Webb
2) Mark Clattenburg
1) Mark Halsay.
(15 names were suggested).
Similar Posts:
- Lammual ah grass phah tan
- FIFA election
- FIFA-in goal-line technology a pawm ta
- Thalaite nghahhlelh Lammuala Phaitual Hnim Lem
- Mualpui Stadium Design
February 16th, 2011 at 12:56 am
Ni maw
Report this comment
February 16th, 2011 at 1:07 am
Chhiar ve nge..
Report this comment
February 16th, 2011 at 1:09 am
Kan Chhiar ve nge..
Report this comment
February 16th, 2011 at 1:48 am
Tha viau ang…mahse,phul tak2 hmanna mual hi cu han nei thei ila ava chakawm tho ve..ka ti…
Report this comment
February 16th, 2011 at 1:52 am
football te hi thiam ve phawt ila..a carpet lam chu kan la sawi ve ang chu mawle..
Report this comment
February 16th, 2011 at 2:20 am
A bengvarthlak e.
Report this comment
February 16th, 2011 at 6:14 am
lammuala phul lem phah saw a tha viau a, a maintenance lam hi enge a an ang aw..hmanah chuan phul lem an phah ve a sin kan la ti liam mai mai angem aw ka ti thin…mahni ta ang maia uluka enkawltu a nei em ang chu maw….
Report this comment
February 16th, 2011 at 7:05 am
Eng pawhni se Sipai thu lo in duh hun hun ah a hman theih dawn em le???
MFA in an hman duh hun ah te hian sipai ho hian eng emaw, sipai lal lo kal tur tih vel chhuan lam hian hman te hi an lo phal lo leh tut awm si a,,, sawi sawi lo in, lo en phawt mai teh ang
Report this comment
February 16th, 2011 at 7:06 am
Toilet Van min ti hre chhuak. Phaitual hnim lem emaw tak emaw, sports lamah hian kan tana ngai viau. Nikum Commonwealth Games leh Asian Games ah Mizoram atanga medal la chu sawi loh, tel ve hrim hrim an tlem si. Tuna National Games neih laiah tal hian Bronze medal pakhat tal chu hawn ve a hun tawh. English Premier Leaque lama lo tui ve chian chiam a sawt lo an ti.
Report this comment
February 16th, 2011 at 7:30 am
post tha a ni e..
Report this comment
February 16th, 2011 at 8:43 am
Ka thil hriat ngai loh lam pangah ka bengvar sawt e.
Report this comment
February 16th, 2011 at 8:55 am
Beng a tivar, hriat a tizau, gud pos!
Tunhnaia post a chhiar tawhah chuan thuziak zawm/ zawm loh leh punctuation hmang dik ber te zinga mi a ni e.
Report this comment
February 16th, 2011 at 9:12 am
Ka hriat loh lam thil a ni tlat. Mahse ‘A lem’ ai chuan ‘A tak’ chu a tha zawk turah ka ngai hmiah. Hmuifang tourist lodge, dining hall bula turf khi phaitual-hnim tak tak a nia. Kenya atanga import niin nipuiah pawh a hring dap mai. Mahse tualto hnim dangin a tibuai ve a, enkawl uluk erawn a ngai hle a ni awm e.
Report this comment
February 16th, 2011 at 9:24 am
a lo nih tak chu mawle
Report this comment
February 16th, 2011 at 10:13 am
TV ami angin a tial deuh te, a rang deuh te in an ti ve don moni ka tia, a plain purh a,..heheh! ti trial ve se nalh duh ngots ang!
Report this comment
February 16th, 2011 at 10:35 am
Kei poh a plain purh a, a nalh ka ti lo. Green Carpet a ni hawt mai a lawm le…
Report this comment
February 16th, 2011 at 11:42 am
Zoliana Royte dawhkana chalk-board duster tiat lek astro-turf a hun mawi laite kha … tunah chuan Assam Rifles thu ber lehna tur ka ti mai a … Sipai Lammual chu a hring ve duai tawh an ti, ka va la hmu hman lo. NLUP leh BPL hi kan Zofate hian an mamawh hmasa zawka hriatna ka nei thung.
Report this comment
February 16th, 2011 at 11:52 am
Post tha khawp mai FONZ chu.
#9: National Games-ah chuan Mizoram chuan Karate-ah Bronze medal pahnih kan la ve tawh e.
Report this comment
February 16th, 2011 at 1:31 pm
Phah loh ai chuan phah chu a tha nge nge alawm. I lawm phawt ang u.
Report this comment
February 16th, 2011 at 2:28 pm
that na leh that loh na awm …nidang a sawi ah. FIFA hian artificial turf test criteria tih vel an lo nei vek a, links ka dah ah khian a in ziak, phah mawl tawp ani chiah lo aniang.
Report this comment
February 16th, 2011 at 6:23 pm
Kan va chuang sang ve,bengvarthlak khawp mai. Kan damlai ngeia Aizawl-a in phahve rup mai hi kan nihlawh khap mai.
Report this comment
February 16th, 2011 at 7:29 pm
Ka thil hriat loh lam tak anih hi le!
Report this comment
February 16th, 2011 at 8:12 pm
Polypropeline plastic factory lam ah raw material ka thawlai chuan a hming hi kan lam zing ve khawp mai hahahaah
Report this comment
February 16th, 2011 at 8:40 pm
A bengvar thlak khawp mai
Report this comment
February 17th, 2011 at 1:26 pm
Zero #13
Report this comment
February 17th, 2011 at 1:35 pm
OT em em: Kan banner chu hmuh ava nuam ve awww…lolzzz
Jewel hi ka hmu tawh, chianglo deuhin. A chiang chin chu a selo khup mai
Report this comment
February 17th, 2011 at 1:42 pm
I va OT tak ve ooo asterix
khi banner hi kei chu mawilo ka ti eee 
Report this comment
February 21st, 2011 at 5:03 pm
Sipai lammual chu an chei nalh tawh viau awm e. Mahse inkhelh nan ngawr2 bak an phal dawnlo anih hmel…. Article ka rawn thehlut ang
Report this comment
February 21st, 2011 at 5:17 pm
Beng var thlak hle mai..
Report this comment