By – Sangzuala Hmar
Edge-a piancham ni tak a ni, Barcelona khawpui chu U2 concert en tumin a inbuatsaih mup mup mai. Europe khawmualpuia stadium lian bera chhal fo Nou Camp-ah chhepchher chi hrang hrang te chuan anmahni tumtu tur an nghak a, an inpeih ap tawh, chutah sold out show a ni dawn tih a chiang tawh bawk, mi 80,000 in ticket an hum far tawh. Hemi zan hian Nou Camp grass hring dup hmunah Barcelona FC chuan football an khel dawn lo, mi 22 mai khelmualah an awm dawn lo, mi sing engemawzah an awm dawn, hemi zan hian Barcelona chuan U2 concert a en dawn.
Concert an tan rualin U2 front man Bono chuan an guitarist Edge-a hnenah birthday lawmna a hlan phawt a, chu chu Ronaldinho jersey a ni, mipui chu lawmin an au hluah hluah mai le, Ronaldinho pet goal vang ni lovin U2 chevel stage-a an hmuh vang zawk a ni. Sakhuana tluk zeta ngaih Barcelona FC hian an jersey hmaah pawh company fakna an dah ve ngai meuh lo, heti khawpa football ngai thutak club hian an stadium chhuan em emah concert an neihtir mauh mai, thil tih dan pangngai a ni miau si alawm le.
Aizawl Sipai lammualah March 4, 2011 khian a vawikhatna atan grass chungah Chapchar Kut hman a ni dawn, Mizoram sawrkarin he thutlukna a siam hi thil lawmawm tak a ni. A maktaduai tel teh meuh senga kan grass phah hi Mizo mipuite’n kan hlawkpui dawn tihna a ni, vaivut kara kut tawh lovin fai vangin kan kut dawn.
Kan neih chhun liau liau a ni rih tih hi tumah inhrilh kan ngai lo, kan dimdawi a tul tihte pawh mi mawl nileng lo tan chuan hriat ve awm tak a ni. Kan neih chhun a nih avang hian thil pakhat atan chauh kan vawng tlat dawn a nih chuan ‘khawi khaw petromax nei thar’ kan tih thin kha kan ang viau mai ang tih a hlauhawm viau. I tlangzarh hluai ila, a hman hmanin duh duh hunah va hmang ang u tihna lam ni lovin, kan neih chhun grass phah, Aizawl khawpui lai taka awm, a awmhmun pan rem em em mai hi mi zawng zawng huapa kan hman thiam a tul hle dawn a ni.
Aizawl Sipai lammual hi grass kan phah hma, kan hriat phak ve chin ata tawh thil chi hrang hrang atana hman thin a ni, grass kan phah tak avanga infiamna bil atan chauhva kan hman chuan Mizote’n Aizawl Sipai lammual kan hmelhriat dan a ti danglam chiang hle ang.
Lammualah grass phah a ni dawn tia Chief Minister Pu Lal Thanhawla Red Ribbon hmasa zawka a sawi rual khan mipui punkhawm engemaw a awm leh hunah a va han nuam tawh dawn tak em tiin ka lo ngaihtuah ve a, infiamna emaw, kutpui emaw, concert thlengin hahdam takin vaivut karah kan awm tawh dawn lo tiin ka lo suangtuah ve nasa mai, mahse thu a kal zel a, tihkhawm khap zawngin thu leh hla a thang a, Tlumtea thlira kan lo thlir ve chu a thamral mai dawn a ang hle.
A uihawm viau emaw ni le tiin ka ngaihtuah a, concert emaw mipui punkhawm pawh siam dawn ta ila, a chhe mai angem tihte ka ngaihtuah buai ve nasa hle a. Lammuala kan phah ang Fieldturf Tarkett an tih ang hmang ve stadium an awm em tihte ka zawngkual ve nasa hle a, kan thlang mai West Bengal state-a stadium ropui em em mai, khawvela a lian ber dawttu an tih thin Salt Lake Stadium pawhin lammuala kan phah ang chiah hi an lo phah ve tihte kan hre thar ve hnuhnawh a.
August 24, 2009 khan Salt Lake Stadium-ah hian tuna kan grass phah ang chiah hi an lo phah zovin an lo hawng daih tawh alo ni a, kan bihchiang ve zel a, November 14, 2009 khan India pa ropui musician ril em em mai AR Rahman chuan Jai Ho Concert a lo nei tawh tihte ka hre thar ve zel a, khami tum concert kha Jai Ho vanglai a ni bawk a, mipui 90,000 chuangin an lo chhim nghe nghe a, Fieldturf Tarkett chungah mipui singtel teh meuh an lam a, a hlim em em a, a chhiat tak thu erawh an sawi ka hre lo.
Khelmuala concert leh puipunna neih hi mi tihloh dan alo ni hauh lo mai, khelmual chhunga rock concert neih hi The Beatles tihchhuah niin an sawi thin, 1965 khan New York Shea Stadium-ah mipui 55,000 zet hmaah concert an lo nei daih tawh. Puipunnan an hmang a, a chhe ta alawm tih tur erawh ala awm biklo, mahse hriat fo atana tha chu a chhimtu mipuite’n kan dim thiam hle a ngai.
Nikum leh kum hmasa U2 World Tour kha stadium ropui tak takah neih a ni a, 2009 kumtawp lam khan US an fang nasa a, khawvela stadium changkang leh thaa sawi, an dim em em mai Washington Redskins stadium FedEX Field ah an bei a, he concert hi Washington Redskins leh Tampa Bay Mutiny te inkhelh hma ni thum lekah neih a ni, an ti chhe lem lo.
Ram changkang zawkin Fieldturf Tarkett hi an hmang ve em tiin ka thiam ang angin kan zawng ve a, 2008 UEFA Champions League final ropui zet mai Manchester United leh Chelsea FC inkhelhna stadium Luzhniki Olympic Stadium, Moscow-a an grass phah khu alo ni ve reng bawk a. FIFA hian Fieldturf Tarkett hi a ngaisang lutuk lo tih chu ka chhiar ve, a that dan an tehfungah 2 Star bak an pe duh meuh lo, mahse EUFA chuan he stadium grass hi Five Star a pe tlat thung. Luzhniki Olympic Stadium-a grass hi 2002 khan phah a ni a, he stadium, UEFA Champions League final meuh thlengtu khelmualah hian The Rolling Stones, Pet Shop Boys, Metallica, Muse te pawhin concert an lo nei tawh a nih chu, Russia rama Madonna concert awmchhun thlengtu a lo ni bawk!
Kum khatah kan grass phah ah hian football match engzah nge kan khelh ang, tin, puipunna atan pawh hmang dawn ila, vawi engzah fakau nge kan neih hman ang. Kan hman tam tehchiam ka ring lo, chuti a nih si chuan a engamah hmaa puipunna atana hman phalloh han tih nghal ngawt hi thil dik ber a ni em?
Infiamna thiam nei ve lo, sipai ni bawk si lo Mizo thalaite hian kan grass saw kan thlir ngawih ngawih ringawt mai dawn em ni. Grass phah nuam taka engemaw tih ve te kan chak ve tho alawm, concert te pawh nei ila, Kut pawh hmang ila, grass-ah chuan infiam chiah phal tih inziak a awm bik em ni? Kan nei ve a, kan lawm tehlul nen, hman kan khap leh tlat si chuan awmzia a awm lo viau ang, hlip leh daih ila, concert te, puipunna te pawh nei ila, kan hmang tlanglawn thei zawk ang em tihte pawh rilruin a ngaihtuah tep mai alawm le.
Mahse, kan ti teh ang, kan neih chhun a nia, kan dim erawh a ngai. Concert emaw, puipun nikhuaa mi rama an tih anga a chunga phah tur kan mamawh hle dawn. Kan sawrkar hian artificial grass a phah theih chuan kei chuan a chunga phah tur hi an ngaihtuah leh vat mai ka ring. Kan ram rohlu a ni a, a hlawk thei ang berin hmang ila, mipui tam berin chhawr tangkai thei ila tih hi ka duhthusam a ni, rohlu tling a ni a, a hmangtute’n kan dim a ngai, kan Kut pawhin dim ila, concert neih nan kan hmang a nih pawhin dim ila, infiamna pheikhawk nen tang em ema kan chil buan buan pawhin, a har deuh dawn nain i dim ang u.
Similar Posts:
- Football stadium chungchanga ka ngaihdan
- Mizote leh Football
- Lammual ah grass phah tan
- Ka vei zawng
- Concert seat arrangement
February 22nd, 2011 at 8:09 am
Chapchar Kut hman chu ava chakawm dawn ve. Lammual chu duat tak in enkawl theuh tum ila, tute tihdan ang emaw a a grass them lo hleh ruk ngawt te tum lo ila…
Report this comment
February 22nd, 2011 at 8:36 am
iau, ka birthday ah tak maw Chapchar kut an lawm dawn? Aizawl awm ka va chak em! Kum 2005 atang khan hmaih lovin kan veng YMA aiawhin ka lo lam ve tawh. :intithei:
hman pawp pawp tur, a chhiat pawn Pi Soniaji te dil leh mai tur!
Report this comment
February 22nd, 2011 at 8:43 am
Pu Sangzuala, i zirchhianna leh i chhuizauna a lawm awm e.. a chhelo turah ngai ang chutih laia ka hlauhthawn chu MEIZIAL BUNG KAN PAIH ANGA…A SAWR ANG TIH KA HLAU A NI…..
Report this comment
February 22nd, 2011 at 8:56 am
an pawt chhinnuai nuai bawk anga….. uihaaa ka ui deuh roh eee!!keizawng… mahse a tha tho e!
Report this comment
February 22nd, 2011 at 9:12 am
Tha ka tilo kei chu. Sorkar suma siam reng reng kan uilo leh kan dim ngailo hi chu Tax kan pektlem em em vang hi ani chiang mawle. He grass phahna pawisa hi kan hmusit em em Vaiho in harsa taka an tax pek tlingkhawm, kan Pu ten an zu dilchhuah ania aw. Income Tax hi pe ila kan rilru puthmang hi kan thlak deuh ka ring, Corruption do nan pawh a tha. Mi ram te chuan Stadium tamtak tha tak tak an nei alawm, Concert chu lo nei ang hmiang. Keini chuan kan neihchhun anih hi.
Report this comment
February 22nd, 2011 at 9:31 am
Grass chungah hian hetiang nikhua a phah tur carpet ang deuh hi awm se a tha viau in ka ring.
Report this comment
February 22nd, 2011 at 9:39 am
Thil dang daih…Red ribon khel mek a ni a,nakin lawk ah lammual ah hian an in suan lut dawn. Kan MFA te hian record tha tak hi an vawng peih em aw? grass hman hnu te phei hi chuan tute nge khel hmasa ber?goal hmasa ber te hi record thlap se.hei mai bak ah hian hman a tang hian record an lo nei toh thin em le. mi in game khat a an tlanthui zawng an chhinchhiah te ang zawng zawng hi chu thei lo mah ila enga maw hi chu record nei ve se. kum 30 hnu ah chuan chhiar a nuam viau mai thei???
Report this comment
February 22nd, 2011 at 9:43 am
Sangzuala Hmar ho hian kan sum lakluh 30% vel hi chhiah pe ve tham tham ila, heng lammual grass te pawh hi a chhia siamthatna tur hi ka thawhkhawm atangin ani dawn tih hria ila, a hmandanah kan thikthu a chhe hlar maithei.
Report this comment
February 22nd, 2011 at 9:53 am
Chapchar Kut chu phaitual-hnim hring siamchawpah maw ni tawh dawn? Zial-bung mut thei tur laka fimkhur theihpatawp chhuah a ngai ang! Mute lei hruta han lam heh heh nan a nawm hmel khawp ang chu maw le! Loch Sap hun laia an laih zawl tantirh hun lai nena khaikhin phei chuan … van lalram a ni tawh ber e.
Report this comment
February 22nd, 2011 at 10:22 am
“Lammual” chu lamna mual ani dawn lawm ni? “Khelmual’ tih sakhming a pu si lo. Cahpchar kut chu lamna programme ani ber dawn si a, lamna turah an lam dawn ani mai.
Report this comment
February 22nd, 2011 at 11:01 am
Ka tih reng kha!! Lammual hi chu a multi purpose thei ang bera siam tur a ni tawp mai a ni. Football chauh khelhna tur a nih dawn ai chuan phahloh kha ka thlang reng a. Wembley stadium-ah pawh concert ropui tak tak kan en thin hi. Phul chunga Crusade, Mela, Exhibition etc. nawm dan tur chu..h, mahse dim ila.
Report this comment
February 22nd, 2011 at 11:06 am
Sawifiah tha bawka; kut nana hman thalo ti thin khan ka pawm ta thlap mai.
Report this comment
February 22nd, 2011 at 11:18 am
#11 vivia dik chiah . Kan hman tlan dial dial theih loh chuan a tangkai tur ang in a tangkai dawn lo a sin .a hma ang kha kan hman ho theih chi zawk a nih chuan .a tangkai zawk ah ka ngai .
Report this comment
February 22nd, 2011 at 11:23 am
A tlo ve viau ka ring mahse meizial bung paih tih takah chuan sawr tha duh ngawt ang,kuhva en na kan chak phei chuan a tirah hring mahse Chapcharkut kan hmang phawt anga tin, Football tournament voi 3 vel a zawh leh meuh chuan sen tha tawh viau maithei ni.( Khuva tui chhakna)
Report this comment
February 22nd, 2011 at 11:32 am
Lammuala phul an phah angah hian Foolball leh Hockey a khelh kawp theih an tiin ka hria. Hawh u, Aizawla field pakhat na na na hi chu chumi pual bik atana siam turin sorkar ngen ila, nge, Mualpui khu chumi tur chu?
Report this comment
February 22nd, 2011 at 11:42 am
Ngaihdan awm thei tak ani. Sum tam tak seng a an siam hi mi tlemte tan atangkai tur nge, anawlpui infiam mi nive lo te pawn kan chhawr ve tur tih hi ngaihtuah angai reng ani.
Hetih rual hian a nawlpuiin kan chil hian kan neih chhun hi kan chil pherh vek mai lawng maw tih pawh ngaihtuah tel angai bawk ang.
A pawimawh ber ah chuan kan pu te hian tuna mi ang hian hnam ro hi min hnutchhiah zel sela tuna kan buaina pawh hi kan nuih tiza tu ala ni mai thei zawk ani.
Report this comment
February 22nd, 2011 at 11:43 am
chapchar kut kan hman zawh chuan a inchhir awm viau mai thei,mahse arei anga kan la dimdawi/duat chho ve zel mai ka ring,thil enge maw hleka hman nan chuan a tih chi loh ang,mahse enge maw function pui thsm deuha te chuan hmang zel mai ila ka duh dan,ti ti ta daih ila kohran hrang2 hian enge maw hlekah inlak chingpirinu nan hman an tum zel anga
Report this comment
February 22nd, 2011 at 11:44 am
A rualin football leh Hockey han khel mai sela, an hmuhnawm ngawt ang
Report this comment
February 22nd, 2011 at 12:19 pm
Post tha tak ani e.Hmun dang tha hmun awl te kan neih loh avangin infiamna atan chauh loh deuh a hman dan thiam chu a ngai hle ang le.
Concert nan a leh thil dang a tan hman anih dawng chuan stage siam dawn pawh in lai khuar ngailo chi a siam dan thiam mai chi anih bawk ang chu.Structure hun mai thei chi rinawm tlu mailo chi te nei ni seng tha ngawt ang,
Tin Governor hmun hi a chhuahsan hunah hmunawl ah siam seng open air concert etc chamchar kut leh thil dang a hman tlak in mual pawng zawl leh awitlan deuh ten siam seng.
Report this comment
February 22nd, 2011 at 1:39 pm
Post tha tak a ni e
Zoram = KHAP-RAM..??
Kan mizia kan in hriatchian lutuk vang hi nge niang le..?? Engemaw hlek ah ‘khap a ni’ an ti zel ta mai; khap tam zawk lah hi, zawm tak tak a ni lem bawk silo
Report this comment
February 22nd, 2011 at 1:59 pm
A hawn nan zaithiam hovin exhibition match nei sela.
Hetianga hman dawn techuan a grass chin zawngah engemaw phah chhuah vek tur alawm. Concert dawnah tehian an phah mai zel alawm.
Hetiang mi awmkhawmna ah hrim hrim hi chuan meizuk hi strict taka khap a tha.
Report this comment
February 22nd, 2011 at 2:04 pm
@ funny….an nei alawm …openign song pawh ‘paradise city’ ngat….’take me ……to the …paradise city where the grass is green and the gals are pretty….wuuuu an tih kha
Report this comment
February 22nd, 2011 at 2:13 pm
Ramdang stadium te hi inkhelh nan chauh nilo Concert etc etc nan an hmang teh meuh mai. Mahse, an hman dawn in a chung a carpet chah chi an phah chhuak leh vek a chumi chung ah chuan ceremony,concert an nei thin.
Tun hnai Bangladesh a ICC world Cup Opening ceremony te.Fifa World Cup ah te khan a var in an khuh vek kan hmuh ka ring.kha tiang khan an grass an duat thin.
Tun a chapchar Kut Lammual Grass (Grass lem)chung a mi tin mitang kan chen khum chuan a chhe duh khop ang. chutih laiin tunah a duh duh chen theih a an phal rai mai pawh saw a uihawm khop mai
kan sawrkar chak tak hian a Grass chung ah, a ven na tur phah a neih a va tha em
Report this comment
February 22nd, 2011 at 2:42 pm
Chapchar Kut hmang tur zawng zawng ten pheikhawk bun luh awih loh, han ti mai se…eh
Report this comment
February 22nd, 2011 at 5:06 pm
Meizial leh kuhva kha a area ah khap bur sela, chu2 tul hmasa ber ani mai.
Report this comment
February 22nd, 2011 at 5:35 pm
Meizial leh kuhva khap hi chu a theih anga mahse.. mahse.. kan la mawl e… khap a nih vang hrim2 a zuk luih tum talh te kha an awm leh emaw nianga.. Khap dawn rau rau chuan tih tak tak in ti teh se.
Report this comment
February 22nd, 2011 at 5:58 pm
Congress hian an field phah chunga mipuite politik min khelhpui dawn a ni awm a, kan fimkhur zual a ngai a ni, leiah kan inkhel thrin a, hetiangah hian fimkhur a ngai nasa zawk an tih tlat chu!!!
Report this comment
February 22nd, 2011 at 6:03 pm
Congress leh ress lo lamah buai lo ila , kan field thar neih hi i dim thiam ang u
Report this comment
February 22nd, 2011 at 6:47 pm
Football boot nena inkhelhna ngam a nih te chuan puipun satliah te chu a ngam ang chu… lo ti liam ve ngawt ila.
Report this comment
February 22nd, 2011 at 6:49 pm
Lammuala phaitual-hnim lem hi kan politicize a ni ber lo maw?
Report this comment
February 22nd, 2011 at 8:40 pm
Lolzzzz…….cigar bung tih vel chuan a tih chhiat theih a rinawm loh rih phot……..engtin pon lo paih se!!!!!!!!
league tam tak ah poh hian fire cracker poh an vom luh fo hi maw…………phul chunga chai chu nuam ngot toh ang a, khu luih2 kha a awm toh lovanga, nula te kethiah poh a paw thur toh lo deuh ang chu…….events lian tham ho ah hian grass chung deuh zelah hian a ni opening/closing ceremony an hman thin ni……..
Report this comment
February 22nd, 2011 at 8:47 pm
Ball boot nena tleng ai chuan a khoh mawh a rinawm bawk lo ti ve ngot teh ang
Report this comment
February 22nd, 2011 at 9:15 pm
Kei chu Chapchar Kut a khu tawh lo tur mawlh mai hi!
Kan nula no ve tak tak, engtik lai maha bal ngai reng reng lo te pawh an han bal paw thur a, khu rum rum karah hritlan rawihna tham khawpin kan han lam a, nuam dangdai ve tak a ni. Kei chu khatiang hunah khan Mizo kan ang berin ka hre thin. Ke lawng ngata Mizo thuam nena an han vei suau suau te kha…!
Report this comment
February 22nd, 2011 at 9:23 pm
E heu sangzuala chu a va study nasa ve. a lawmawm e. a ngaihnawm lutuk, kan sawrkar hmalakna ah chuan vbc 4 lek (lek kan ti hram teh ang) hmanna nisi ah chuan mipui rilru a dek berin ka hria. Hetiang em em a mipui kan lo ngaisang tih hi hria se chuan sawrkar hmasa pawh khan an lo ti ve ngei ang… mahse an hre lo a niang
HV i lo post avangin ka lawm e
Report this comment
February 22nd, 2011 at 10:28 pm
Pibuhdeng a dim leh dim loh chu sorkar thu a ni a, sorkar chu congress an ni hrethiam
Report this comment
February 22nd, 2011 at 10:35 pm
alo ni maw..
Report this comment