Thu chiang hre hawt si lova tapchhaka rinthu leh zeldin thu lo phulpui hlut a, a hre ber ang ziazanga ngaihdan rum tak tak leh thu buluk pui pui thuthmuna lo chhak chhuah chhen hi – Hnam mawl zia!
Tualthah, pawngsual, etc… vanga boruak sa hat a awm chang a – a tawng chak chak, a duh rum rum, a au ring ring te thu anga dan chunga lêng ang mai a, pawisak nei miah lova chet buan buan leh hnam huaisen ber ang maia haw haw hi – Hnam mawl zia!
Thil eng emaw hleka hnam, chi leh kuang, sakhuana ang zawnga thu lak chin hi – Hnam mawl zia!
Thinlung chhungrila ngaihdamna tak tak ni si lo, thenawm khawveng leh mite ngaiha thangthat duh vanga rilru nâ ru tak si a ‘Pathian hminga ngaihdamna’ puan ngawt hi – Hnam mawl zia!
Mahni nihna aia lan ropui tum tlat te; neih tawk aia lan hausak tum tlat te; phaktawk aia lan san tum tlat te hi – Hnam mawl zia!
Hlawh phu lova In leh Lo nei tha, an chhungkaw khawsak leh an fate thawk len zia ena eiru tih chiang em em – Khawtlang/ Veng chhung tana bungrua leh sum an thawh tam vang leh, Pathian ram – Sawma Pakhat leh Missionary chawm nana an thawh hlawk em vanga ‘nihna’ inpek zén hi – Hnam mawl zia!
Tam hrim hrim duh vanga mi chhungkaw dinhmun leh an khawsak harsat zia hriatpui phak si lo a, Fa neih teuh tura infuih/ inzirtir vak hi – Hnam mawl zia!
Mi sual pawikhawih vanga thawka phita burma mi tawh phawt – nu nau pawisawi lo leh tar chak lo te nen lama vai hma a, mangang thlabara talhfiak nena úm chhuah rum rum hi – Hnam mawl zia!
Vai sual pakhat vanga vai curfew/ pawn chhuah khap, a chipui tawh phawt kutthlak chaka zat zek zek hi – Hnam mawl zia!
Hnamdang mi anih vanga hnawl… Mizo anih vanga (a thiam lo zawk leh tling lo zawk tih hriat reng reng) tlin tir.. hetia’ng zawnga ‘Hnam’ induhsakna lantir hi – Hnam mawl zia!
Sairang thleng rel kawng sial a ni dawn!… Kan thatpui leh tangkaipuina tur lam ai a, inchimralna kawng inhawng ta ang maia ngai a, dodal a, a that lohna leh a thim zawng hlir thlira inkharkhip duhna thinlung hi – Hnam mawl zia!
Chhuan lo awm zel tur te ngaihtuah miah lo a, vawiina kan nawmsakna tur chauh thlira nun hi – Hnam mawl zia!
Thenawmte boruak hriat tuma beng tùn hrû, Mi mimal nuna lo buai chiam, Mimal dikna leh zalen engah maha inngaihsak loh hi – Hnam mawl zia!
Mahni puan bih tla tur pawh veng zo lo khawpa thlarau hlim sang, midang lam tha hle hle te tana hnawksak khawpa tawngpawng sapatal, lamtuala thlarau lal hrawt, awmze nei lova ràk vak vak hi, thlarau thianghlim ni lovin – Hnam mawl zia!
Mihring taksa bung hrang hrang leh a hnathawh te kum tam tak zir a, miruang hmang ngeia inzirte ai a, zan khat thil thu-a tawngtai dam thei leh zut dam thiam ni a inchhalte rin zawkna hi – Hnam mawl zia!
*Tunlai Khawvela ZU lo la KHAP bur hi – Hnam mawl zia!!!*
Ka peih tawh lo, tuntum atan chuan tawk phawt. A duhin hnial ula, a duhin sel rawh u. Hnam mawl zia nia inhriatte han phawrh ve r’u le!
Similar Posts:
- Ngaidam miah suh
- Zo Hnam Puanchhuahna Hla
- Enga ti zia nge ni ta aw?
- Suangtuahna Huaisar !
- ‘An ti’ i ti ang u!
February 22nd, 2011 at 5:13 am
Chhiar phawt ang (C)
February 22nd, 2011 at 5:26 am
Chhiar zo ta, a dik hlawm fu mai. (C)
Le han phawrh ve teh u lem… (E)
February 22nd, 2011 at 5:28 am
Sairang rel cc tih loh khi chu ka thlawp thlap. Khimi pawh khi ka thlawp ngei tur ani nangin thlawp loh chhan ka neive tlat NOI 🙂
A chhan pahnih lek sawi niah nuah teh ang:
1. Bairabi hi zin veivah nan pawh rintlak leh tun aia chhawr theih tur hian siam hmasak a tha lawm ni?
2. Sairang hi rel hian lo thleng ni ta sela, ILP hian awmzia aneilo leh zual ngei ang. Chutah chuan Vai tha (ti mai ang) nilo, Cachar vai ngalsin hakuh ho ni nasa taka lo lutin, kan khuavel hi Biri rimin a khat ngei ka ring nghet bur.
A awmzia chu tunlai vai sumdawng pawh mahni hming hawh tira kan sumdawn tir hreh tawh loh nasat en hian, kan ropui lo khawp ang. Tripura ah nge Mizoramah “Itu koto dam achhe” ti ho hian sawrkarna/sumdawnna/politics thlengin min chimral hmasak ang le tih kan chhut mai a hlauhawm. An fate piang hlim pawh, “Lap lap (hlep)” tiin an tap e an tih ho hi ania ka sawi ni.
Prevention is better then cure kan ngaihsam vangin kan hetih nasat tawh mai hi maw 🙁
February 22nd, 2011 at 5:37 am
kawlhawk, ka hnam mawl zia reuh tiraw 😉 🙂
kawreksawn #3 “Tripura nge Mizoram hi chimral hun chhung ngai rei zawk ang le..” tih lam zawk a ni e 😉
February 22nd, 2011 at 5:38 am
Kawlhawk,heti ang hi i rilru puthmang dik tak a nih ngai chuan,i te ber tawp lo e.Mizote hian hei hi hre theuh ila kan kang pah sawt ang le.Para 1,8,9 leh para hnuhnung ber hi tha ka tizual.A tawp i khar dan erawh,a nawi leh deuh em aw…?kan tih ve khanglang chuh.
February 22nd, 2011 at 5:42 am
*Tunlai Khawvela ZU lo la KHAP bur hi – Hnam mawl zia!!!*
Heihi hnam mawl zia dik tak pakhat ah ka pawm (Y)
Ka in zen zen lo nangin!
February 22nd, 2011 at 5:42 am
A va tha hlawm tehreng ve….a bo a bang awm lovin ka thlawp kim thap. Tin, i sawi tum tawi fel tak in i sawi kim thiam ka ti khawp mai bawk.
February 22nd, 2011 at 5:50 am
Pu Kawlhawka nge nge, tha leh hle mai! (Y) . A vai khian ka pawm thlap!
February 22nd, 2011 at 6:20 am
OT lawk…Maawma of bazarpui.com kha khawngaih in bazarpui.com a pawisa thawn dan kha min lo hrilh chiang thei em aw….plzzzz
February 22nd, 2011 at 6:26 am
A tha hle mai mahse rel chungchang hi ka thlawp vak lo che Pu HVa ka thlawp zawk…..lol 😀
February 22nd, 2011 at 7:00 am
Hei zet chu Ram leh Hnam hmasawnna khawp a ni e!
A tawpa Ka peih tawh lo, tih lai erawh khi chu ka ngaimawh reuh khawp mai 😉
February 22nd, 2011 at 7:17 am
Mizoram chhunga hna thawk tur a tan chuan mizo ngei le (Y)
February 22nd, 2011 at 7:31 am
Thil tha leh tha lo hi chu kan sawia kan hre mai…mahnin zawm silo a,midang te zawm atana kan sawi thin hi-hnam mawl zia!!
February 22nd, 2011 at 7:46 am
Eyyy.. (Y) (Y)
February 22nd, 2011 at 7:47 am
*Superstitions* :Hmanlai thil tul lo fak avanga ze hlui thlak hleithei tlat lo.
February 22nd, 2011 at 8:05 am
Hnam mawl zia, khita tarlan ho zing ami khi, chhawm mek kan nei ang em le… :-S
February 22nd, 2011 at 8:07 am
ILP hi inchimralna dal tuah kan ngai a nih chuan, Sairang rel lut tur chuan ILP chu awmzia a neih loh tir ngei ang…Mahse kei chuan rel hi rawn lut se kan economic in a that pui dan tur ka ngaihtuah zawk daih, ei leh bar kan lakna a awlsam phah bawk ngei ang…Hnam inchimral sawi dawn chuan kan ral tial tial a nih tawh ber hi..kan hmanlai pi pu te nun zia duhawm tak leh entawn tlak em em te kha tunah kan nunah hmuh tur a la awm em le?? IT in nasa takin min run a,kan mizo nun zia pawh min rukbo sak zo ta nih hi!!
February 22nd, 2011 at 8:08 am
Kawlhawk, i thlawh tha hle mai!
Mizo hming hawhtira vai sumdawnna siam sak hi hnam mawl zia.
Khawlai leh lailo, hnamdang hmuh lai leh lailo pawh sawi lova mahni hnampui hmeichhia kut thawha fiam chin leh fiamite pawh thinrim aia nuih awr2 hi hnam mawl zia.
A dik a dawk thlu lova pan lovah tho a fulo, tih chang chawia mimal, pawl leh kohhran leh hruaitute sawisel/dem vak chin hi hnam mawl zia.
February 22nd, 2011 at 8:48 am
@Hv & Benny , 3 & 18. (Y)
i thawh chhuak tha hlawm khawpmai. Ka nihna tepawh a telve a nih khi mawle, in siamthat ka ngai a ni e. !!
February 22nd, 2011 at 8:52 am
Mahni hnam mawnghlimna mah ni se, 70 x 70 in ka (Y) It’s the bitter truth. Period ;-(
February 22nd, 2011 at 9:09 am
hnam mawl, hnam mawl intih intih hi, hnam mawl zia 😀 (H) (C)
February 22nd, 2011 at 9:47 am
Sairang rel kawng chungchangah Pu HV ka thlawp a, special takin # 13-na khi na takin ka thlawp em em em em E 😉
February 22nd, 2011 at 9:48 am
Tuna kan awmdan aia kan finte chuan, kan ram hruaitute hian min hruai tawh tawp na’ng le! Kan hetih vanga an hetih fo ni! (Y)
February 22nd, 2011 at 10:12 am
Huiha…. ka tih dan leh awm dan a piang “Hnam mawl zia” i ti bik zel a… :-O
February 22nd, 2011 at 10:23 am
tuaia @24, 😀
HV & Co., Sairang thleng rel kawng sial duhna thinlung hi – Hnam bo zia! ti ve mai ula :p
February 22nd, 2011 at 10:40 am
Hnam mawl zia te hi a trul chang a la om ve tho a nia, kan status a zir zelin kn mindset poh a la inthlak ve zel mai ang… 🙂
February 22nd, 2011 at 11:04 am
Hnam mawl zia takin khawsa thin mah ila, i mawl kher lo ang u :p
February 22nd, 2011 at 11:11 am
*Tunlai Khawvela ZU lo la KHAP bur hi – Hnam mawl zia!!!*
I hnam mawl zia khi ka (Y) hlawm khawp mai. Amaherawhchu, zu chungchangah hi chuan la mawl zel rih hi tha ka ti.
February 22nd, 2011 at 11:14 am
Hnamdang ngaihsan lutuk leh an tihdan apiang kan tlin nge tlin loh ngaihtuah hmasa siloa tih ve tum tlat hi Hnammawlzia leh Hnambozia.
Tin,mahni culture zahpui tlat hi hnam-chawmzia.
Mahni hnampui nupui/pasal atan duhloa hnamdang duh tlat hi hnamphatsanzia leh hnam lucklo zia ni in ka hria 😉
(A tawp nan)Hnammawlzia tih ziah vak2 hi Kawlhawk zia.. 😀 😛 (H) :-$
February 22nd, 2011 at 11:15 am
hnam mawlah chuan fing tak kan ni.. 😛 (B)
February 22nd, 2011 at 11:40 am
badboy @30, hnam fingah chuan mawl tak kan ni :p (B)
February 22nd, 2011 at 11:46 am
@ 31 Very very (Y) (Y) (Y) (Y)
February 22nd, 2011 at 11:50 am
Kawlhawk chu post tha leh khawp mai. (Y) (Y) (Y)
Mizote hi intifing fu chung hian tribal category kan nih ala ngaih zia hi a hriat leh thin.
Chimral hlau em em chung hian chimral kan la nih hmel tho mai!!
Rel kawng hi sawmhnih pawh lo lut se dan kan lekkawh chuan a hlauhawm loh!
Vai hnathawk te hi dan kan lekkawh chuan an hlauhawm hran lo.
Burmese refugee te pawh dan kan lehkawh chuan an hlauhawm hran lo e..
Mahni ram humhalh duhna thinlung neih loh a, nakin hnu a kan buaina tur hmuh thiam lohna hi hnam mawl zia, hnam bo zia dik tak ani e.
February 22nd, 2011 at 12:28 pm
Post tha tak dik tak ani e.
Pastor nazawng sermon letin a dik in a tha (Y) (Y) (Y) (Y) (Y) (Y) (Y) (W) (W) (W) (W) (F) (F) (F) (F) (F)
Vai permit neilo an lo luh tam leh MZP income a tha in Police constable ten site income an neih tam phah bawk a ni mai a lom.
*Tunlai Khawvela ZU lo la KHAP bur hi – Hnam mawl zia!!!*DIK DIK DIK DIK DIK DIK DIK (Y) (Y) (Y) (Y) (Y) (Y) (Y) (Y) (Y) (Y) (Y) (Y)
February 22nd, 2011 at 12:38 pm
@34 hmingtea nge nge… (Y) (Y) (Y) (Y) (Y) (Y)
February 22nd, 2011 at 12:39 pm
Kawlhawk nge nge, post tha leh kher mai. Zu chungchang tih loh khi chu ka thlawp vek che.
February 22nd, 2011 at 12:54 pm
Hnam mawl a inngaih tlat hi – hnam mawl zia
Inzir ngai, hmasawn ngai, insiamthat ngai kan nihna zawn a insiamthat thiam/tum tlat loh hi – hnam sawngnawi zia.
February 22nd, 2011 at 1:05 pm
A va’n dik hlawm em em ve… 2, 6, 8, 9 & 10 te phei khi chu politician manifesto-ang nilo a tih hlawhtlin ngei nise ka va ti emmmm… 😀
February 22nd, 2011 at 3:01 pm
(Y)Thra thruai thruai, ka download dawn.
February 22nd, 2011 at 6:27 pm
Mi(khual)pa #17 ILP khi ekzampul atan kan sawi lang mai a ni e. Bairabi a rel lo thlen hi a tawk zia kan sawi leh mai mai teh ang.
Mizoram tlangdung thui loh zia, kan kawng sei loh zia te hi han ngaihtuah teh u. Hei hi kan kawng neih te thu/hlat zawng anih hi http://mizoram.nic.in/more/moreroute.htm#Aizawl_to_Marpara phawt mai a.
Tichuan, tun dinhmunah kawng an siam that fe hnu (an sawi hmangin) pawh hian Lunglei hi darkar 5 bawr vel aia hmain a thlen theih loh tluk anih hmele a, chu2 km170 (kawng thar) vel chauh a ni. Saiha pawh hi Km 368 emaw bawr lek a ni nangin darkar 9 vel Aizawl atanga kal a ni daih mai.
Khawthlang lam (US)tlangramah chuan Lunglei hi darkar khat leh a chanve (1 1/2 hr)bawr vel tlan lek tur a ni. Tlangram ah ania ka sawi ni, tlang ram kawng kawi kual tak tak atam ve ania.
US te nen tehkhin chi a nilo tih ka hria. Mahse, kawng siamna te hi a nih dan tur dik takin hman ni sela, darkar 5 lai Aizawl – Lunglei thlen nan kan hmang tawp lovang.
Hetiang khawpa kawng tawi hlawm si hian chei tha mang lova Sairang rel thlentir tum hi tul ka tilo ve tawp. Bairabi thleng hi uluk takin siam tha sela, a nih ang tur thlapin Mizoram kawng te hi siam nise, Rel in Sairang a thlen angailo hrim hrim, kan khaw kar kawng a hlalo hlawm lutuk.
Kawngpui siamna (development money) hi anih na tur, a nih dan tur dik takin hman nise, Bairabi atangin kan mamawh chawk luh chu Mizoram kil tinah lehlangin a phurh kual theih vek ang. Chumi vang chuan a ni Sairang a thlen kher angailo ka tih ni.
Engpawh nise, Prevention is better then cure (Y) Mahse roreltu kan ni lova, an ti dawn tho2 hmel, tul erawh ka tilo nasa kher mai…waste of money.
February 22nd, 2011 at 6:34 pm
Leh pek a, a dang khi chu ka thlawp full thaks 🙂 (Y)
February 22nd, 2011 at 6:37 pm
@ 40..HV.. a ni ngawt mai..Kolasib-Kawnpui kawng hi 2010 January-march vel khan an sian tha dum ve hlurh a, July chuan a chhe leh vek mawle..Phunnawi kual mai mai lova huai taka kalngam hi awmse,ka ti ngawt mai..Corruption hi kan haw lo niin ka hria..
Pa hrekhrawk politician, mi dik kan mamawh khawp mai, Party atchilh te hi bansan a hun.
February 22nd, 2011 at 6:41 pm
Tute nge maw i tihchhan le??? 😉 😉
Rel hi chu bairabi bak pelrihlo se tun dinhmunah chuan ka ti ve khawps, chu ai chuan kan kawngpui te hi zauhin chei mam thra se, truck? lian pui2 ke tam deuh2 nei tlan par2 theihin tise,rel rel a ngai rihlo a zim2 nen, Mizoram chhung hi chu mizo te thu thu a dah theih a ngai, kan control phak loh tur thil chu lo lut rih suh se, a control thei mizo fa anawm hunah lo lut chauh teh sem..
February 22nd, 2011 at 6:48 pm
1.Mahni income Phulo lutuk a inchei hi hnam mawl zia.
2.Top-up man pawh thawkchhuaklo, handset to tak ken ve reng hi hnam mawl zia.
3.Mahni thawhchhuah ni lo Car nalh tak tak khalh a lenkual zak miahlo hi hnam mawl zia.
4.Kut hnathawhloh intihtheihnan a hman hi hnam mawl zia.
HV..te awmna ramah khuan, eng ang a hausa fa pawh nise, kum an tlin chuan, flat an luah a, inchawm an tum mai.Enghna pawh nise, an thawk hrehlo…hnam mawl lo zia a nih chu. 😛 😀 😛
In fel hlawm em mai..hei present (F) (G) (F)
February 22nd, 2011 at 6:53 pm
Zun leh ek thlahdah pawh hi hnam mawl zia 🙂
Zu in apianga Sap tawng in tel pawh hi hnam mawl zia 😛
February 22nd, 2011 at 6:55 pm
Bawlhhlawh a bawm chhunga paih loh te, chil chhak mai mai te thlengin hnam mawl zia 😛
February 22nd, 2011 at 7:06 pm
Mahni Mizo puite tlinlohna leh mahni ram chanchin a chhe zawnga (in siamthat tumna hawi zawnga fuih lova) national newspaper vela chhuah tura pek chin hi – hnam mawl zia
February 22nd, 2011 at 7:09 pm
Meizial zuk leh kuhva kan ei nasa lutuk hi hnam mawl zia
February 22nd, 2011 at 7:09 pm
#47 AMEN vawi 99999999999999999 zat :-S
February 22nd, 2011 at 7:26 pm
#47 (Y) (Y) (Y) ,
Mahni hnam famkimlohna hailan vak vak lai a lo Amen dual dual hi hnammawlzia
February 22nd, 2011 at 7:30 pm
# 50
. A za lutuk! 
February 22nd, 2011 at 7:33 pm
hetss #49 AMEN khi chu ka ti miah lo a nia , khi chu
a ni mai 
February 22nd, 2011 at 7:36 pm
HV, @97 Fugi komen khi kei chu ka amen vak lo. Chanchinbu mi anni a, news – a chhia a tha an pe/ report ngei2 tur a ni. Chanchin lawmawm leh tha lam chauh pe tura beisei anni lo tlat. Zoram chanchin chhe lam/ hnam timualpho thei ang chi hi thlen duh ta miah lose, mahni hna aia hnam mualpho hlauhna dah pawimawh, hna thawk tha lo, rilru chimlim, chhawr tlak loh tiin an pute’n an ban mai ang.
In ram/ i awmna ram ngei pawh, heng chanchinbu mi – mahni ram leh hnam mualpho theihna mah nise, thu dik puanga thil tha lo tar lang hmiah2 ngamte avanga khawvel ngaihsan leh hnamdangte entawn inni a, thu thup nei lo – heng, chanchinbu mite avanga mipui nawlpuiin sualna rapthak tak2 te, pawikhawihna tenawm tak2 te, sorkar chetchhiatna te, in sipai rammu te chet khawlohna te, engkim hre thei inni si a.
Tuna in ngaihdan ang a, hnam leh ram mualphona thlen theite puangzar lo a, hubbet hmiah2 tura chanchinbu mite beisei pawh hi – Hnam mawl zia!
February 22nd, 2011 at 7:45 pm
kawltea hi a thaw fuh tlat.
February 22nd, 2011 at 7:45 pm
ni tho mai. Mahse kan ram chhungah chanchinbu tha tak tak kan nei ve tho va! Khulama pek tur khu chu chintawk neih tul ka ti khawp mai. Vai hovin min hmuhsit dan hian engkim sawi vek loh a chawhin ka hre ve mai mai.
February 22nd, 2011 at 7:51 pm
kei chu # 47 hi ka la sapawt, mizo te mawi lohna tur zawng a report ho hi…mizo chu an inti ve tho sia, a bulthum a trangin report law law sela, a lerah mizo te hmaibalhna tawk te te a report hi reporter thra tih dan tur emni? an story ti ngaihnawm tur ngawt a report te, mizo inti ve si, mizo te version report thra ve duh miahlo ho hi chu mizo 2 tal anniang..
February 22nd, 2011 at 7:52 pm
kei chu # 47 hi ka la sapawt, mizo te mawi lohna tur zawng a report ho hi…mizo chu an inti ve tho sia, a bulthum a trangin report law law sela, a lerah mizo te hmaibalhna tawk te te a report hi reporter thra tih dan tur emni? an story ti ngaihnawm tur ngawt a report te, mizo inti ve si, mizo te version report thra ve duh miahlo ho hi chu mizo 2 tal anniang..
February 22nd, 2011 at 8:00 pm
Hmanah, ka thianpa pawh phai lam chanchinau liana tawk tura interview a ni a, in ram, in hnam chanchin tha lam chauh ni lo, a tha lo lam pawh report i rawn pe zat2 tur a ni… an ti hmiah. Chutianga thu lo thlung a, thutiam lo nei tawh – kan chanchinbu mite hi i dem lo ang u. News tha lam pawh an pe ve fo a nia.
Entirna : Azl ah pawngsual, tualthahna rapthlak tak a thleng a, tualchhung chanchinbu-ah a rawn lang chuai2 a. Ram pawn lam chanchinbu-a a rawn chhuah tak avang a, kha news report-tu kha dem viau bik tur a ni lo. Chanchinbu mi, eizawn nan leh chhungkaw chawm nana hmang theuh2!
Kha news kha, hlawh tam tak neia an rawih an reporter hnen atang ni lo – midang, hmundang, blog leh website vel atangtein an pute’n lo hre leh tho si se, amah chu an chachhuah ang a, nep tiin an kawk ang a, a hna a chan loh vek pawhin hlawh tam leh dinhmun sang zawkah a kaisang mai2 lo ang a, hnathawk tha tiin fak a hlawh tawp hek lo ang. Kha daih kha sin, ngun takin han chhut ve mah teh u.
February 22nd, 2011 at 8:08 pm
hna dang zawng mai rawh se!
. NOI
February 22nd, 2011 at 8:09 pm
ni e kawla i ti dik. Pi J.lo sawi ” a bulthum a trangin report law law sela, a lerah mizo te hmaibalhna tawk te te a report hi reporter thra tih dan tur emni? an story ti ngaihnawm tur ngawt a report te…” a tih hi chu dik ve viau lawm. I sawi leh J’lo sawi tum a in ang lo.
February 22nd, 2011 at 8:16 pm
Kawlte, nangmah ka tihna ni miahloin..
, reporter tam tak hi chuan an promotion duh vangin MIZO te hi min hralh a ni ka ti ve tlat, hnamdang eg mizo 2 ho chuan lehlam version chauh anlo report a nih pawhin MIZO inti ve chin mizo diktak chuan leh lam leh lam thu lain facts diktak report rawhse, ‘LAL i nih hi tun hun a tan hian a ni dawn lawmni?’ mordekaia’n a tih ang deuh khan, Mizote ZE THRA hi khawvelah hian pholan ve tum sela..
February 22nd, 2011 at 8:17 pm
kawlhawk #53 tunah mai khan, “Hnaa rinawm” tih thupui hmangin thu ka thehlut chiah. Ilo chhiar dawn nia 1st para ah ka ziak.
February 22nd, 2011 at 8:17 pm
Hmmhh….Mahni ngaihdan dik vek a maw tihte pawh hi hnam mawl zia chu a ni.
February 22nd, 2011 at 8:30 pm
Fugi @59,
pibuhdeng @60, kan dikttlang vek
J lo @61, a lo ni maw… An va tenawm hlawm tak em!
February 22nd, 2011 at 8:47 pm
@Pu Hv ka van chhia ve chak e.. a lo chhuah hunah ka lo chhia ve aw.
February 22nd, 2011 at 8:52 pm
pibuhdeng #65 ilo chhiar ve dawn nia hairehai
chimawm thiam hrep ka ti hahahaa
February 22nd, 2011 at 8:54 pm
Hman ah damdawi zuar an man YMA te’n mipui hmuh an an pho langa, chutah chuan Kan kohhran upa pakhat hian ‘an kut tan sak ila, an sim hmak mai ang’ a ti a, kha kha mi mawl zia nge hnam mawl zia? ka theihnghilh thei lo, kan nihna leh kan tawngka chhuak te hi fimkhur a va han pawimawh em!
post tu pa
February 22nd, 2011 at 9:07 pm
Rel hi a lo luh hun tur ka va han nghakhlel tak em?! kan awmna ah hian sawhthing hi kg ah Rs 80-120 a ni a, hmunphiah hi phiahkhat Rs 45-150 vel. Guwahati hi student consession nen 150 in kan thleng thei(sleeper class). Guwahati leh
miz. inkar hi 150 vel Rel in ni ta se 300 vel chuan Chennai kan thleng thei ang. Sawhthing Kg 50 bag te keng tel ta ila, kal man leh ei man zawng2 a in tum theih ang, phai ah hian pvt. a nih loh chuan zirna senso hi a to hran lo, kal man hi a hautak chu a ni.Mi tam tak thlawhna a la chuang phaklo, rei deuh mahse rel a zin la thlang char2 hi kan la tam mai.Nitin chuang tur chu kan awmlo chiang sa, mahse kartin tal kal chu nei ila, exam ilo(NET. Science bik ah, te, AIEE..E.t.c )te hi kan ram ah kan la pe thei si lo, kal man ah kan seng teuha, vanduai phei chuan kan la tlinglo zui…rel kawng tha leh rel tha chu ka va awt em…
February 22nd, 2011 at 9:20 pm
Zun In a Ek tlat hi hnam mawl zia a nih laiin a chhuah viau tawh si a awmna in a zir siloh chuan insum a har awm mange… te ka ti mai mai a!
Kawlhawk nge nge, i thla i zap ring thra leh teh e.
February 22nd, 2011 at 9:40 pm
HV, I Post rawn chhuak tur chu ka
sa! 
E khai! Zan thiang-reh hnua rawn (sual) thin – Saitawk chu, i va hman hma ve zanin chu!
February 22nd, 2011 at 9:48 pm
@kawlhawk, zanin chu maw .. Va misual hma la rawn mu hma ang che tih order ka zawm deuh roh a nih hi.
February 22nd, 2011 at 9:50 pm
vawih in barh hi hnam mawl zia
February 22nd, 2011 at 10:38 pm
Lolsss pibuhdeng #72
February 22nd, 2011 at 10:43 pm
Saitawk, kei pawh mawllai mitthla chungin ka lo nuihpui tiah2 tawh
Hnapkhir hrual mum, mi hmuh loha hmawm zeuh pawh hi – Hnam mawka zia!
February 22nd, 2011 at 10:47 pm
chal a chil hnawm hma sa sa huai zawk ti a min fuihpawrh thin lai te kha…. ka mawl lai chuan
February 22nd, 2011 at 10:52 pm
pibuh, ka la hre reng – ka u rual, ka tiat loh em2 chalah thiante fuihpawrh vangin chil ka hnawm rawk a, kan insual… min bawhbet… miko vung luk leh hmui thi khawpin min sawk hrep mawle… Hit lo tak2 a ni
February 22nd, 2011 at 10:59 pm
@KH ,chutiang chu mipa naupang nih chuan kan lo tawng deuh vek toh awm e a.. haha keipawh chutiang deuh chu ka tawng tawh.
February 22nd, 2011 at 11:31 pm
Dawt sawi zawk zawk vai bawng sakei seh.. tih ching hi hnam fing zia!
February 23rd, 2011 at 1:21 am
Post tha ber of the week hi a ni tawp mai :- D
February 26th, 2011 at 8:34 pm
@Spa Jongte #9, Tun ni hnih ni thum vel kha online tha hlei thei lo lawm le
“Sum leh pai thawnna” tih ah khan lut la chuan INR zat i chhu lut ang eg Rs 1000, Rs 2000, heta amount i enter hi $ ni lovin Indian Rupee ania, tichuan “add to cart” ah i click anga, chuan PAY ah khan i click leh anga, chuan Paypal kha select leh anga, kan paypal account ah a rawn in thawn mai ang.