Kum tam a ral ta. Bengkhuaia pasalthate chuan an sai ramchhuahna hmuna mihring lo awm ve te chu runin, Zoluti an rawn man ta rup mai le. An ramchin nia an hriatah hnamdang an lo awm ve avangin an run a, a thei thei an that a, an man mai a ni.
Khuangchera lahin hlauhna nei miah lovin vailian chu a lo kap bawk a, a tawpah zawng a vanneihnaiin a tlin ta lo. Hnamdang kutah a thi ta tlat mai. Vandula nupui Ropuiliani lahin a ram hnamdang hnuaia awmtir duh lovin hrehawm takin a hun a hmangliama, thihna kut vawtin manin, tan in chhung atangin a nun a mangtha ta..
Khing a chunga kan sawi tlemte te khi kan ram leh hnam tana ti an ni a. A then chuan an nun an chan phah hial a nih khi. Ni e, kan ram leh hnam tan chuan an nun pawh an ui lo. A tawp thlengin an tang mai a ni. A nih tunlaiah hian ram hi kan hmangaih tak tak em le? Kan nundan nen i han bihchiang dawn teh ang u..
Tunlai sum leh pai duh hunlaia chengte hian engnge ram tan thiltha kan tih ve le? Kan insak ropui tak takte hmang hian kan ram kan cheimawi kan ti dawn mi? A nih sum thianghlimlo hmanga sak zawng tluchhe dawn ta sela in ropui tak tak hi luahtu awmlovin a ruak huai mai lo maw? Ram hmasawnna tur kan in hmasawnnaa ka hman chhung chuan ram tan misual ka ni dawn a, ram tichhetu ka nih avangin malsawmna dil pawhin ka tawngtai ve ngam lovang!
Hnam intodelh thlahte hi eng thlipuiin nge min nuai a; thatchhiatna ruama kan awm tlat mai le? Nitin mai party office-a len a, pute kamliam chan hi patling tan a nep lutuk. ‘Kei ka ni’ inti thin mizopa tan chuan mi kamliama lo inhnangfak tum hi thianglo tluka mawilo leh zahthlak a ni tih chu kan hre duh tawh si lo.
Mahni mai baka thenawm khawvengte purchhawk thei tur khawpa hnathawk thin thlahte chu silchar kawngin min awidam a, kan hrawkhrui chu silchar kawng a ni tlat mai! Hetichung hian kan zirlaibuah hnam taima leh rinawm tiin kan la zirtir a. Naupangte hian, “Engatinge hnam taima ni si, engkim hi lakluh vek a nih a?” tiin min zawt ta se. Chhan a har duh viau mai lo’ng maw?
Kan ram siamtha tur thalai tam tak lah chu ram aiin an incheina tur an vei a, intodelh lo leh thirchhia bak tihtham thawnchhuah la neilo ramah chuan khawvela ram hmasawn tak takte rualpui chetin incheiin an leng suau suau a nih hi. Hnamdangin min hmuh chang hian engtin ngai tak ang maw?
Hlimhlawp kan duhna hian min hnukhniama, nawmchen kan duhna hian buaina khurah min hnuk lut a ni tih hi hrereng ang u. Khawlaia nalh leh sawr tham fe tura man tam inbela engthawl taka len hun a ni tawh lo! Kan ram hi vei a hun tawh takzet e!
Thil pakhat ka sawi leh lawk teh ang. Kan ramah hnamdang miin kan hmeichhiate an pawngsual ta zauh zauh mai. Chung pawngsual a awm chang chuan a hnam zawng zawng angin curfew kan puan khum a, chu chu ram tana thiltha tak ti angin kan inngai ang tih a hlauhawm khawp mai. Hnamdang thawh tur awmlo khawpin hna thawk ila kan ramah hnamdang an tlem anga, chu chu ram tan thiltha ti chu kan ni zawk.
A tawp berah chuan- tho la, ding la.. i tha kha kan ram tan hmang rawh… tiin ka sawm che u a ni e.
Similar Posts:
- Zu Hi Engvanga Do Nge Kan Nih ?
- Hnamdang ka neih chuan ka hnam ka phatsan
- Rosangliana(ZOROCK) music video thar entheih leh ta……..
- Hun a la herchhuak ang
- Ka coat of many colors ve chu!
March 1st, 2011 at 7:32 pm
Soi ve reng reng a.. a voikkhat na a tan leh top nan kan 1st ve ange… (em ooo ??)
Report this comment
March 1st, 2011 at 7:37 pm
Mahni kan inhmangaih..kan ram pawh kan hmangaih ve tho na a, mahse mahni kan inhmangaih zawk avangin thil tam tak chu kan ram tana tha lo kan ti hreh lo a ni ber mai…
Report this comment
March 1st, 2011 at 7:39 pm
Ropuiliani kha tunlai angah khatiang khan han awm ta sela chuan eilo fe fe tu a ngah ngawt ang. A naupanlai pawha hnamchawm zinga pawnto duhlo ngat thin antia lawm.
Pride a ngahin a lalchhungkaw nihna kha a chhuang viau anih hmel. 
Report this comment
March 1st, 2011 at 7:41 pm
hun in her zel hian thil poh a tidanglam ve zel,tlawmngaih ERA a awm a,selfish ERA alo ni leh a,chutiang zel in,eng ERA nge kan thlen leh ang tih erawh hriat a har
Report this comment
March 1st, 2011 at 7:51 pm
Kan ram hi chu siamtha tur chuan thisen emaw khawdur emaw revolution tello chuan angaihna a awm tawh lo anih hi. U.T atang khan a bilh ah kan tho tawh lo.
Report this comment
March 1st, 2011 at 8:14 pm
Hei chu ka rilru milpui thuziak a ni tlat mai! Kan ram hi! Kan hmangaih si a, tihtheih kan nei tlem si! Tah a chhuak!
Report this comment
March 1st, 2011 at 8:18 pm
Kan taima lo, kan intodelh lo, mahse kan hausa….
Report this comment
March 1st, 2011 at 8:18 pm
kan ram siamthra tur chuan kuthnathoh angai,Sorkar or Vai company poisa atrang chuan dik thei tak2 lo ang. Farming era ah khan let ila,ar vulh,vawk vulh,bawng vulh,artui,thlai ,thei athra duh si kan ram ah,enge kan nghei ang,insakna tur ni se teak athra duh si,engdang nge kan mamawh vak
Report this comment
March 1st, 2011 at 8:23 pm
Sawi don chuan soi tur point tam em mai..Bei a dawng em mai soi lomaiteh ang..A tha ber cu zoram mipuite kan vaia officer,milian mite pon dikna leh dik tak leh taima taka kan thohchhuah chuan kan hlohtling in kan la in siam tha thei ani..k lom e..post tha tak ani.A theih pheih chuan post tu hian hetiang lam chi hi chu a solve duh dan lo soi tel thei thin se tha leh zual thin ang..polite tak ang ka lom non leh e..hehe
Report this comment
March 1st, 2011 at 8:26 pm
Post tha tak ani. Pawngsual chungchan leh mipat hmeichhiat thu ah hman zan chu yahoo IM atangin gujarat pa in min rawn be ve ngawt a. A ni chuan Mizo nula tawhphawt chu ks ang vek turah a ngai tawp mai. Gujarat lama mizo awmte theihtawpa lo fimkhura hnamdang laka sex hmanglo turin ka rawn chah duh che u a ni.
Report this comment
March 1st, 2011 at 8:38 pm
Post tha hle mai. Mite nunah a thalai entawna, a duhawmlo lai theìhnghilhsaka, theih ang anga siamtha tura thawh hi khua leh tui tha kan nih tlan theihna tur pakhat a niang.
Report this comment
March 1st, 2011 at 9:11 pm
Kan pipute kha hnam taima tia sawi tur an ni chiah em le? Kan tlangram chhawlpial run iangah hian phai vai te anga leilet kumhlun neihna tur awm ve hek lo, kumtin lo an vat a, kum lehah chuan chhawr bawk leh chuan tur awm reng reng lovin a thar an vat leh a, ei hmuh harsa si, riltam thih ngam bawk silo khan kawla ni chhuak chhiar in hna an thawk a ni mai lo maw? sekibuhchhuak chu an awh ve ngawih ngawih awm kha maw le?
Ropuiliani mizo lal ropui hnam chhan nana nun hlan ngam kan ti a, nih leh Khamliena ve thung hi?
Posttupa
Report this comment
March 1st, 2011 at 9:25 pm
A nih sum thianghlimlo hmanga sak zawng tluchhe dawn ta sela in ropui tak tak hi luahtu awmlovin a ruak huai mai lo maw?
Kan ram dam nan chuan nang leh kei kan pawimawh ber.
Report this comment
March 1st, 2011 at 9:27 pm
# 10. Sangpuii pa. Chupa chu lo hrilh leh la, Gujarat pa chu! Mizo nula IAS officer Saidingpuii Chhakchhuak-in an State tan hna a thawk mek tih lo hrilh teh
Report this comment
March 1st, 2011 at 9:29 pm
Suangtuahna mitthlaa a ram pumpui han phek thlir tawp chuan a vei mi tan ‘hui ha’ na tham leh beidawn rum rum na tham a ni meuh mai. Mahse ngun takin kan tlakbalna a mal te tein thliar hrang ila, chutah chuan ‘kei hian eng nge tih ve theih ka neih’ ngaihtuah chungin mahni hmun te te atanga vei leh thawh dan kan zir a tul khawp mai. A huho ni lovin mahni chauhin, nang i hmunah kei ka hmunah tih rilru pu ta theuh ila a tha mai lawm ni.
Tuimal far te te,
Tiauvut hrang awmkhawm,
Tuipui lian a thlenin,
Ram nuam a lo awm.
Report this comment
March 1st, 2011 at 9:40 pm
Bengkhuaia tih hian Khampat khua ka hrechhuak ve ziah NOI
Hetiang thu tha hi chhiar liam mai lovin zawm tum theuh zel tha ka ti takzet. kan thuduhluatna te, midang ngaihnepna rilru put te, keimahni inhriat chian lohna te hi a pawi viau a ni.
Darthlalang bal tak kan hruk fai mek laia kan hmel alan dawn apianga kan kut a thak tlat zel mai hian kan hmel lang tur a dal thin a ni.
Report this comment
March 1st, 2011 at 9:40 pm
ka tui ve zawng tak a rawn chhuak ve leh ta kauh mai, han comment chur chur teh u ka rilru ka lo siam thiam leh zual nan. ‘Development lies in human mind’
Report this comment
March 1st, 2011 at 9:48 pm
Hnam intodelh thlahte hi eng thlipuiin nge min nuai a; thatchhiatna ruama kan awm tlat mai le?
Vai buhfai thlipuiin min nuai a tin ni… thawk lemlova party office a nitin len khan vai buhfai leina eng tin tin emaw a chhuak thei thin tlat a lawm.
Nia hnam taima kha hnam thatchhia a vai ho in min chhuah ta ni ber in a lang. Kan ram hotute lah chu vai tlawn in an la hmanhlel em em mai si a, vai thu hnuai ah kan la kun lut thuk tulh2 mai a nih hi…
post tupa in thahnem a ngaih ang tak hian zofate i harh ang u…
Report this comment
March 1st, 2011 at 10:21 pm
Hnam intodelh thlahte hi, hmaanah khan vai len thlipui in min nuai a thawkrim lutuk loin a ei ve zel theih kan tia, EGS thlipuiin min nuai leh a tlemte thawkin a hlawh treuh theih kan ti leh a…, hei NREGS(ni 100 inhlawhna) thlipuiin min nuai leh mek a nih hi, thawklo leh zeltheltakin ei trawk trawk chu a hlawhtheih leh tawh… TAIMAK hi a lo ngai reng reng hleinem le… mi chawbar rualin kan bar ve tho a hnu…
Report this comment
March 1st, 2011 at 10:34 pm
@J.lo…. ha ha ha….
Report this comment
March 1st, 2011 at 11:14 pm
New Zealand lam lirnghing post kan melh deuh a, ka hmu mai lo !
Hetiang khawp a Building bye-laws leh Building Codes nei tha leh implement tha hian chhiatna an va tawk nasa em!
Keini ramah hian lo thleng ve ta se…??? New Zealand lirnghing atanga kan zir tur pawimawh zualte hi tlawmngaia rawn post peih in awm mial lo maw? Kan ram tan.
Report this comment
March 3rd, 2011 at 2:32 am
Bengkhuaia tupa, Sangzuala Sailo:
https://img26.imageshack.us/img.....iatupa.jpg
Report this comment