Delhi University (DU) chuan May 28 atanga June 8 chhung hian Under-Graduate admission a hawng leh dawn a. Nu leh pa tam tak, Delhi-a an fate lehkha zir tura dah tumte tana hriattur pawimawh, zirlai pawl lam in an sawi tel ve loh; mi tam tak in an zawhna atangin (FAQ ang deuhin) kan thai lang ve mai mai ang e.
Ist Div.ah ka pass a, College tha deuh kan duh a:
Delhi University -a luh/i fate luh tir i tum hian duh rawn thlan tum ngawt suh. An duh an lo thlang zawk dawn avangin an duh zingah i tel ve leh ve loh a pawimawh zawk. Mi tam tak chuan first division leh 70% an hmuh hian duh thing thei turah an in ngai thin a.
Mahse, India ram pum puiah kum 2011 ringawt hian CBSE hnuaia Class XII exam tur ringawt pawh mi 769929 lai an awm a, hetah hian ISC leh regional board hrang hrang an la tel lo mah mah. Chuvangin 65% hmu te chu a ngap hian an ngap tuar dawn tih hriat tur.
Nikum lawk pawh khan Mizo nula 90 % hmu pawh a duhthlan college a hmu lo a ni. Mizo te hian mi fate thiam zia leh kan khawvel zimzia kan hriat a hun ta . DU hian a tlangpuiin an tihthatna subject pali (best of four) an chhiarsak a. A pumpuia ti tha lo pawh kha, subject pali a a tihthat chuan a percentage a ti sang dawn a, college tha chan theihna chance a sang dawn a ni. Hostel i beisei phei chuan 80% tal i hmuh ngei a ngai ang.
CBSE leh MBSE hi ?
Mizoram atanga vairama lehkha zir tura kal te hian vanduaina bik deuh kan nei . A chhan chu kan el ber tur hi India ram board tha leh lar, India ram pawn thleng pawha an hman CBSE leh ISC a ni tlat a ni. A curriculum, system inthat hleih lam chu thuhran ni ta phawt sela, mark pek danah pawh hian MBSE leh CBSE hi a inang lo nasa em em a ni. CBSE hian MBSE angin mark an ren ve der der lova, MBSE aiin hmuh tam a awl zawk a ni.
Mark hmuh tam a awlzawk ti dawn ila, India ramah ngawt pawh CBSE hnuaiah hian class X&XII Board exam tur ngawt pawh Mizoram mipui let hnih dawn (Maktaduai hnih) an awm bawk si a. DU admission hi mark a zir anih avang hian CBSE hnuaia awm te hi eng enge maw ti zawng tak chuan vanneih zawkna an nei sa phawt mai. Mahse, lungphan loh tur, DU hnuaiah hian Mizo admission hmu ta lo hi chu kutzungchal a chhiar tham deuh chauh an awm a. List vawi thum vela chhuah hnu hi chuan an hmu ve leh nawlh mai thin a ni.
Honours leh Pass course Kya he ? :
Mi tam tak chuan B.A/B.Com/B.Sc-ah hian Honours (major) lak loh chuan M.A/M.Com/M.Sc zir zawm theih loh emaw an ti tlat. B.A/B.Com/B.Sc –a pass course (DU chuan Programme an ti) hi kan hmu hnual mai thin. Honours subject lak hian enge maw ti tak chuan zirlai chu an lo zir hnem deuh nge nge a, a thatna lai te chu a awm teh meuh mai a. Mahse, MA vai rama zir dawn chuan honours leh pass course lam a ni ber lo, entrance test paltlang kha a pawimawh ber tih hriat tur.
University dang atanga lo kal i nih phei chuan mark 99% pawh hmu la, pass tawk tawk nen in danglamna a awm teh vak lo ang. M.A/M.Com /M.Sc hi chu entrance kal tlanga admission tih a ni ber a, honours leh pass course a ni ber lo. Amaherawhchu, DU a Honours subject i lak chuan, Direct Admission hmuh theih dan chu a awm a, mahse a thiam filawr deuh nih a ngai a ni. Direct Admission hi Mizo zingah pawh hmu an awm nual tawh a ni.
Hostel a awm tir ngei kan duh :
Mi tam tak chuan Delhi-a an fate mi in luaha an awm hi an remti bau lo. College hostel hmu tur chuan mark tha a ngai. Tin, College hostel nei hi DU hnuaiah hian an tam vak lo. Heng college a lut tur hian mark tha a ngai phawt a. Chutah hostel chang tur phei chuan chung mark tha kalkhawm zingah a ti tha fal nih leh a ngai a ni. College hostel nei a lut zawng zawng in hostel an hmu lem lo. Tin, hostel admission velah hian Minister leh MP te thil an tih theih vak kan hrelo, an sawi pui vanga seat hmu ta pawh sawi tur kan la hre hran lo bawk.
Hmeichhe tan chuan man to deuh hlek chuan mimal hostel siam (PG Hostel) te a awm a. Mipa te thleng thleng hian hostel emaw PG emaw a awm tir kan duh thin. Delhi-ah hian Mizo zirlai tam zawk hian in an luah mai a. Mi nikhua lo deuh chu hostel leh PG tang pawh in an pass chuang lova, in luaha fel tak taka awm ta pawh an tam mai.
Kohhran/ khawtlang a in hmantir kan duh lo :
Nu leh pa tam zawk chuan vairama an fate khawtlanga inhman leh inkhawm vel hi tul an ti lem lo. Inkhawm lova lehkha chauh zir tur te, Mizo pawh va pawh vak lo se te an ti thin. Nia, inkhawm peih lo leh inhmang peih lo hlei hlei hi an fel lo zawk ti ila kan sawi sual kher awm love. Nileng zankhua a lehkha zir a, bur ta ngar ngar hi a tlem zawk an ni hial awm e. Zirna danglam bik zir, in hmang hman lo leh inhmang thei lo te chu an awm ve bawk a.
Mahse, Mizo khawtlang va pawh lo, Mizo kawm tum lo te hian hnamdang tlangval te an kawp leh thei thova. Lehkha lamah lah a ti tha ber ber an nih kan hre kher ngai lem hlei lova. Chhiatni thatnia lang ve ngai lo, harsatna an tawh chauha kan hriat tak te pawh an tam khawp mai. Coaching kal te emaw zir danglam deuh bik zir an nih ngawt loh chuan Delhi-a Mizo inkhawma tel ngai miah lo, Delhi a zirna lama thiam tak sawi tur kan la ngah lo khawp mai.
Nang ni ang an ni ve lo :
Nu leh pa tam tak te hian an fate anmahnia Delhi-a an han awm hrang tur hi an ring ngam hlawl lo. Inchhungkhura an chetdan leh an mithmuha an chetdan hian awm hrang thei ziazang niin an hre hlol lo. “Aw…rawn chhuk tir ula, an puitling ve mai ang. An mahni in han in-hai-kaw ve teh se” han ti ila “Nangni ang an ni lo…” tiin an nepzia te an sawi fo thin. Keh thei dawma an dawm, sawngnawi riaua an hriatna hian a ti sawngnawi zual thin a ni.
Tufa mah hi khawvelah thil hre sa leh thiam sa in an lo piang lo. Thil zir turin an lo kal dawn ta cheng a, an zir theih ring lo fe fe an tam mai. I fate chu Pathian tih dan leh awmdan tha hrilh la, rawn ar-kawh-chhuah tir ve chhin teh, a fel leh fel loh zawng kan sawi thei lo, mahse, i rin aiin thil a lo ti thei ang a, i rin aiin a lo puitling viau ang.
A hautak em ? :
Chu zawng a mihring a zir aniang chu. Delhi te zawng khawpui mak tak mai hi a ni roh a. Duh leh thil tin awmkhawmna (maximum city) a nih avang hian nawhchizuar lane atanga sakhuana lamah pawh inkhawm leh in hmansen loh pawl hrang hrang an tam mai. Mizote tana thawh hi ka duh i tih pawhin i buaina tawk hi chu a awm a, mi inluah tur zawnpui hi ka thiam zawng a ni i tih pawhin thla tin deuh thaw insawn pui tur i hmu ang.
Veivahna lamah nise, Bus man tlawm deuh leh AC bus man to deuh atanga Auto rickshaw te Taxi man to deuh leh nalh deuh thleng in a awm a. In luah tur nise, toilet leh kitchen ka mamawh lo i tih pawhin i luah tawk chu a awm ve mai ang. AC in vuah sa, engkim awm sa thlap ka duh ti la, i luah tur chu a awm mai ang. Chaw ka chum peih lo i tih pawhin kawngdungah inhnawhpuarna tur ‘Dhabha’ atanga foreign restaurant thlengin a tam vang hian a hautak leh hautak loh zawng a mihring a zir a ni ber.
Man tlawmte in luah a, thian pawh kawm tum lem lo tana khawper deuhah mahni in khawhar ang reng takin a awm theih laiin thian ngaina mi i nih chuan Mizo ho awm bawrna lai te pawh a tam mai. I thlarau lam nun chu i in pek peih a zirin Mizo ho kartin inkhawmna pawh hmun 7/8 laiah ah awm a.
Chawlhni chauh ka inkhawm duh i tih pawhin Mizo te hmun thumah kan in khawm darh tawh a, i hnaih berah i kal mai thei bawk. Delhi khawpui mak ve deuhna chu Mizo inkhawmnah kal la, hmel hriat nei miah lo khawpa thian leh rual pawl lo nih chu har tak a ni zawk hial awm e. Va inkhawm ve rawih la, khawi mawi lai laia hmelhriat hi chu an lo awm ve leh nawlh mai ang.
Delhi khawpui hi a him lo tih than hian a thang fo thin. Nia, khawpui lian leh mak tak mai, mi chitin chi tang awmna anih avang hian a him tawk thei lo a ni ber. I fate himna hi kan sawi sak thei hauh lo che. Mahse, i fate hi a theih chin chinah anmahni himna veng tha tur hian lo enkawl tha la, a bak chu Pathian kutah dah mai rawh.
Heng bak hi eng i hriat duh a ? khawpui lum leh vawh thin thu maw ? Heng te hi sawi a ngai lo e. Lo kal la/ lo kal tirla i hre ve mai ang…. Admission tul leh thil dang chu DMZP website : www.dmzp.org -ah en theihin a awm a, vairamah chhun dar 12 hma in an in phone nulh nulh ngai lo aw…… tlai nemah boruak zangkhai laiin inbiak a tha ber awm e…..
Similar Posts:
- Colleges in Bangalore
- Kerala a Engineering zir duh te tan
- Kolkata a college admission zawng te tan
- The Mizo Welfare Association, Delhi THUCHAH
- Mysore a Zirlai Tv. N. Ezekiela a awmna chin hriatlohvin a bo
A va...
May 10th, 2011 at 9:01 pm
chh1ar ang…
May 10th, 2011 at 9:04 pm
Zir tur zir tir zir zo tawh zung tur tur
May 10th, 2011 at 9:20 pm
Post of the day ah ka puang e (Y)
May 10th, 2011 at 9:21 pm
Tha hle mai, hrait reng tlak a ni e…. (Y)
May 10th, 2011 at 9:30 pm
Admission tih hunlai hi summer lai ani thin a, mi admission tih pui hian a lum thei hle chuvangin aizawl atanga phone ah duhzawng/ngaihdan an rawn thlang/sawi sek te pawh hi ninawm chang a awm lolzz.
May 10th, 2011 at 9:37 pm
A bengvarthlak e. Ka’n chhiarchhuah dap chu a! Thuziak thiam nge nge.
May 10th, 2011 at 9:38 pm
#5 (Y)
May 10th, 2011 at 9:46 pm
Sir chhingdailova hi chu a ziak tha thin ngawt mai, a ziak lai lo hre ve tu nih ringawt pawh hi a nuam. Lhmc lamah pawh thar an awm belh leh hmel lol…4 in a thlang hrim hrim dawn.
May 10th, 2011 at 9:56 pm
Information tha tak a ni e.
May 10th, 2011 at 10:02 pm
Chhun dar 12 hmaa in phone nulh nulh awih loh tih tak khian ‘kan mu har a, kan tho tlai si’ tihna a nih duh hmel. Nia, vairama awm hi chuan mut hma hi a har em atin ni.
Post tha tak, a mamawhte tana hriat ngei ngei tur a ni.
May 10th, 2011 at 10:10 pm
ziak tha khawp mai. Mizoram lamah han chhuah chi nih hi chanchinbu velah.
May 10th, 2011 at 10:14 pm
Fonz leh chemtatrawta’n nula hmel fai deuh chu an lo tih pui theih tih ka puang nghal e. Mipa lam chuan be buai lo mai rawh u……..
May 10th, 2011 at 10:20 pm
nu leh pa te bula ka lo chah ve duh chu, in fa te hi ti no lutuk suh u, tough deuh hlek hi an survive nge nge. Khawlum te chu tuar tir pawp pawp tur.
May 10th, 2011 at 10:26 pm
keichu zing dar 7 ah ka tho ziah…pu chhinga te anglo takin.. 😀
May 10th, 2011 at 10:35 pm
@aduhi ka like top2.. 😀 Khawlum in a tihbuai theih loh i nih duh hmel.
May 10th, 2011 at 10:37 pm
#15 rsparalte ania lawm.. “awiii mateii hi chu engmah te hi inah hian a thawk ngai lo a, a tlaw bawk sia, in lo enkawl a ngai viau ang” tih tawngkam te hi ka ngei zawng tak.
May 10th, 2011 at 10:40 pm
15
rsparalte # A tlai tulh tulh a, like tulh tulh a mi 😀
May 10th, 2011 at 10:45 pm
ziak tha hle mai.kan hlawkpui tlang ngei ang
May 10th, 2011 at 10:47 pm
Post tha tak a nie, mahse a thupui a dik zan lo ani. I sawi tum chu a lang tho naiin a buh deuh a ni, han chhiar tha leh teh! “Delhi University-a under graduate zirtur te tan” emaw “Delhi University-a under graduate zir tum te tan” tih nise a zia deuh in a rinawm. Tin ka rin aiin a kimchang lo deuh ani e, Delhi University-a,(ti ve leh khanglang thin ila) I year ka nih tan tirh lai khan a va han buaithlak teh e aw! Mahnia in luahin ka han tal ve nawk nawka, buaipui tu tha leh fel tak ka neih loh avangin rin aiin a hahthlak, ka thian Vai te kha an fela,…a zia deuh, Hons ah History ka la vea, College tha-a Admission hmuh kha chu har tak ani, 2006 te kha chuan cut-out mark kha khati em em in a la tam lo. Mahse tunah chuan Economic la duh pawhin mark 95.41(eg) meuh han hmu mahse, College tha entir nan, Hansraj, Hindu, Zakir Hussain, St.Stephens college, etc etc han beisei san vak kha a ngamawm tlat loh, Competitive chu sang tak ani, sang tak, Mahni duh duh college ah a kal theih tlat loh, mahse kan mark hmuh dan azirin, kan college zir duhna (option) erawh duh kan thlang thei, kan mark an han filter hnuah, kan mark hmuh dan a zir leh kan mark in a tlin chuan, kha kan collge thlanho zingah khan kan kal thei ta thin zawk ani. Ka hriatsual loh chuan DU ah hian College 70-72 vel a awm niin ka hria,.. Tin Hostel pawh duh vang ngawt a luh theih ani hauh lo (Hostel, College campus, hi a tam lo), a chunga ka han sawi tak te ang khian, thiam dan a zirin a ni leh tho mai, Tribal (Schedule Tribe) Quata erawh kan nei ve ngei, mahse Mizo te tan chauh a ni loa, kan tribal pui (NE bik- Manipur, Naga, etc)zingah a titha bik te thlan leh tho a ni thin,.. a pawimawh ber chu thiamna tak tak hi anie. Kan MBSE a mark hmuh tam a har tehreng nen, hei erawh hi chu a mak ka ti thlawt, mark kan ren lutuk hi, Plain Indian (Vai) te ina HHSLC a 90-95% hmu thuak kho kha, anmahni (an vaiin ka tilo) aimah hian THIAMNA ah chuan MIZOTE hi kan CHUNGNUNG LARH, hei erawh chiang takin ka sawi ngam!
May 10th, 2011 at 10:59 pm
Tin, tlem han sawi belh ka duh chu, Vai, mahni duhna/thlan College a kal thei lo, mark hmu tha ve tho (90%) chunglam a mi thenkhat hi, mahni inthat (suside- a dik em?)an awm nual ania, sawi tur an awm leh tlat thin, zirna tluang pangaia, Pressure nasa lutuk emaw, Stress nei tam lutuk inthat hi chu sawi loh a lumah dah ta ila,.. ;-(
May 10th, 2011 at 10:59 pm
Tin, tlem han sawi belh ka duh chu, Vai, mahni duhna/thlan College a kal thei lo, mark hmu tha ve tho (90%) chunglam a mi thenkhat hi, mahni inthat (suside- a dik em?)an awm nual ania, sawi tur an awm leh tlat thin, zirna tluang pangaia, Pressure nasa lutuk emaw, Stress nei tam lutuk inthat hi chu sawi loh a lumah dah ta ila,.. ;-( kan tlak teh duah chu a! ka lawm em em e=thank you you you
May 10th, 2011 at 10:59 pm
#19,Hmelthate, a thupui khi e, Kan admin lam in an siam em aw ka ti. DELHI UNIVERSITY A UNDER-GRDUATE ZIR TUR (ZIR TIR TUM) TE TAN tih niin ka hria a. Mahse, a tha zawkah an ngai a nih ka ring deuh…..Tin, i sawi lan ang khi a hma lam hian ka dah ve a, mahse ka post hi thui an ti thei lutuk a,ka tan tawi a. Randa a ka nawh mam hnuin chemtatrawta khian lehkha thap no 100 leh 120 in a nawt nawn leh thlap a nia…..
May 10th, 2011 at 11:10 pm
TMWIG khi admission lamah chuan exipat…..
hmelthate, vai mahni in that chu mizo delhi a under-graduate zir tur tan tangkai vak dawn ami? lolzz
May 10th, 2011 at 11:14 pm
#23.. (Y)
khaw khat theuh2in in chhiar a ni maw…a chhiartu tur ho khan ngawi rengin uluk takin rawn chhiar ang che u..pawimawh vet2 tak a ni.
May 10th, 2011 at 11:17 pm
#22 hahah chemtatrawta chu i helper ania nang head mistiri i ni maw. title ka siam tha, ka lawm e.
May 10th, 2011 at 11:21 pm
Aduhi, Ka lawm e, In che rang thei khawp mai….Chemtatrawta hi helper chiah pawh a nilo. Sub-Head Mistiri a nia. Fonz a hi chu Asst Sub-Head Mistiri a ni thung……
May 10th, 2011 at 11:25 pm
anih zb ve hi? Part time deputy asst sub head mistiri vel nih duh hmel..
May 11th, 2011 at 12:39 am
A thupui khi ka duh reuh lutuk,.. 😛
May 11th, 2011 at 1:15 am
ziak tha khawp mai… #11, (Y)
May 11th, 2011 at 1:16 am
Post tha tak leh tangkai tak a va han ni chiang tak em.
May 11th, 2011 at 2:02 am
Chhinga hi thil hrilhfiah thei chi hi i lo ziak ziah thin mai a,i ti tha thin khawp mai. He thuziak phei hi chu Aizawl lamah print chhuak sela DU form zawrhna ah sem tel thin sela ava tha dawn ve…. 🙂
Ka chhiar hian mak tih deuh ka nei. Mi fate vanneihzia ka man chhuak. An nu le paten an buaipui nasa thin a ni chiang mai. Keini te kha chu a Class-I kan zirlai atang khan kawtkai thleng min thlah tawk a,a chang phei chuan ram lamah min kalsan daih thul…keimahni in engkim kan buaipui vek a…Engemaw ti takin ka vui mai dawn alawm le Patling hi…. 😀 😀 😀
Delhi ah hian zirlai tam tak in awm a,in mawhphurhna pawh a sang khawp mai. Nangni in fel chuan mizo zirlai tam tak kan fel tihna a ni mai….in rawngbawlna a fakawm e,lo tang deuh deuh rawh u.
May 11th, 2011 at 2:22 am
Buaithlak thei khawp mai. Pub Ad duh tlat te hi an awm a. subject duh duh a lak theih si lo a….. college tha em em lem lo,a hming an hriat lar a nih avanga lo thlang tawk te, hmeichhe college lo thlang ( hmu ?) tawk te an awm thul nen. Tun kum hi eng tak ang leh ang i maw……
May 11th, 2011 at 2:23 am
Ka hriat ruk ve mai mai pakhat chu living together lam hi chu an uar riau an tia..a chhan chu in luah man te a to sia,engkim an zang khai phah viau a ni om a…. 😛 :-O
May 11th, 2011 at 2:34 am
@33 spa jongte, chutiang zahmawh sawi suh, U chhinga hian a Delete palh ang che,
@32 Public Administration tih ziah hi second nga pawh a ngaih ka lo ring lo ringawta, nge a calories lam i lo buaipui zawk, 😀
thiamthu;fiamthu
May 11th, 2011 at 2:37 am
#34 Hmelthate, P.A tiin ka type hmasa nghe nghe maw le…..a second lam chuan ka lo chhut ve lem lo a. Kha post hi lo vil chhumzawm teh…..khum ngheng in kan ding tawh teh ang……
May 11th, 2011 at 2:39 am
#Hmelthatea.Zah mawh thianghlim Makpaz**gkang sawi ngot te ai chuan ram hnuk a hnaih deuh a lom.. (H) 😛
May 11th, 2011 at 2:42 am
U chhing, i PP (i tawngkam han hawh lawk ila, a tawi tawi hi a tha mai tiraw?) min hrilh la, i hmingin ka lo vil dawn nia 😉
May 11th, 2011 at 3:28 am
spa jongte, i live in hriat te chu an tam em? i sawi duh mial lo maw?
May 11th, 2011 at 4:28 am
Chemtatrawta hi a ti tha khop mai… A hria a nia, chhunlai a in phone loh kha a dik. Mahni fate ring ngamlo chuan vairam ah dahloh ma tur, survive tur chuan tawrh a ngaihzia zir hi thil tha a ni.
May 11th, 2011 at 6:39 am
South leh North campus an sawi fo hi rawn elaborate law law teh u.
May 11th, 2011 at 9:21 am
Nia Mizoramah pawh CBSE a distinction a pass 80% hmu hi MBSE a 3rd division nen an thiam dan a in ang vel ang. MBSE a Matric pass theilo pawh CBSE ah chuan 1st ah an pass zung zung mai. Chuvang chuan CBSE hnuaia zir zel tur, mark sang deuh deuh hmu mahla i thiam em em lo tih chu in hre kar tho la, mahse nakin zelah Vairam leh Phoren ah pawh University a luh nan a tha. (Y)
May 11th, 2011 at 9:29 am
Post tha tak a ni e… a aia tha pawh a la awm ang a?
May 11th, 2011 at 11:26 am
North Campus leh South Campus chu kan belh lawk ang e aw. DU hnuaiah hian North Delhi campus leh South Delhi Campus a awm a. North Campus a college hi an hlun deuh zawk a vang hian mi tam zawkin an duh deuh zawk mah a. Mahse, North Campus hnuaiah hian tlem a nawi ve deuh te chu an awm thova. South Campus lam hi tlem in an del dul deuh hlek zawk a, Amaherawhchu college tha tak tak te pawh a awm ve tho bawk a. Mahse, University khat vek a ni a….Question ngai ve k chhanga exam chu a ni e.
May 11th, 2011 at 2:28 pm
@ hmelthate. “Kan MBSE a mark hmuh tam a har tehreng nen, hei erawh hi chu a mak ka ti thlawt, mark kan ren lutuk hi, Plain Indian (Vai) te ina HHSLC a 90-95% hmu thuak kho kha, anmahni (an vaiin ka tilo) aimah hian THIAMNA ah chuan MIZOTE hi kan CHUNGNUNG LARH, hei erawh chiang takin ka sawi ngam!”
Kan chungnung larh lo deuh a ni ang, Mizo, Delhi University a topper ni ta ka la hre tlem em mai. Saptawngah hi chuan kan ti thei ve fu,vai hnam chhe ho tam tak ai chuan kan thiam zawk mai thei, kan tluk loh vai erawh chhiar sen loh an awm!
May 11th, 2011 at 2:39 pm
Foren a higher studies ti duh tana awlsam deuh chu TOEFL pek hi ani. Paper pakhat ania pek man cheng 8000/- ania. A har vaklo a mizo tana awlsam tur tak aniang english tlema thiam ve deuh chuan 110 out of 120 an hmu tlangpui.
Mahse TOEFL score ringawt hmang chuan US ah a apply theihloh a, US nilo hmun dang ho ah a apply theih. Engineering atanga general science a in let duh tan pawh master atangin TOEFL score hmangin a apply theih tho. Mahse academic record a chhiat chuan an zuk apply na university khan anlo la duhlo thei tho. Apply kual teuh mai tur. hihi
May 11th, 2011 at 2:45 pm
@(A lo)anihtakchu, Nie,kan tluk loh vai (chhiarsen loh)chu an awm nameuh mai, mahse a then, College pawh rap pha ve, mahse, mahni duh English a sawi thiam/thei lo hi ka hmu tam khawp mai,.. English Hons subject la, english buh ve tak tak leh, Kan Bharat a state awmzat leh UT awmzat pawh hrelo chu an kat ve nawk ania. Tin, thildang DU a topper mizo chu ka la hre miah lo, A college wise, a Department/ Subject bik ah erawh Top erawh MIZO chu ka hria, ka hriat tlem vang pawh a ni thei e, 🙂
May 11th, 2011 at 2:46 pm
Mizoram hian mark kan ren hi kan sawi ta fo mai a. Ngaihtuah ngai tak pawh a ni. Mark kan ren dawn lo a nih chuan kan question pattern hi kan tih dang lam a ngai ang. Chumi awmzia chu tuna kan question set te hi awl tak tak vek, abu-a question awmsa leh note atangin a ni tlang pui a,hetiang deuh chi hlir hi kan set deuh bawk.
Question te hi tlem a ngaihtuah ngai deuh,a lam hawi zawnga an chhan chuan mark pek theih tur ang chi set tam ila a tha ang. CBSE question te hi chu mark pek nuam deuh turin an set tlat a lawm,concept an man leh man loh zawhna te awm nual a,an chhanna kha dik lo mah se concept engemaw an nei ve tih a lan chuan mark an hmu ve mai. Tun anga kan zirdan leh question setdan kalhmang kanla kalpui zel a nih chuan mark pek san hi a har zel ang.
May 11th, 2011 at 2:58 pm
Delhi-a lehkha zirduh te tan chuan Info thatak a nih hi. Mahse intho tlai deuh a nih hi, chhun dar 12 hma-a phone in duhloh danah 🙂
May 11th, 2011 at 3:03 pm
Aryan@41… i dik khuluai ee.. nang hi ilo fin reuh kir ker hi male..
Funny a pawh hi mi zir mi te aniah… DU a a omlai pawn. “Khum ai chuan lehkha zirna table ka duh zawk” ti deuh bur kha nia.. :-S (Y)
May 11th, 2011 at 3:17 pm
@laldoma, hmeichhia an nih chuan min phone thei thove, lol
May 11th, 2011 at 3:37 pm
i line 67 leh 68 hi a va sexist bik ve
“…Mahse, Mizo khawtlang va pawh lo, Mizo kawm tum lo te hian hnamdang tlangval te an kawp leh thei thova….”
hi tlema edit in
“…Mahse, Mizo khawtlang va pawh lo, Mizo kawm tum lo te hian hnamdang tlangval/nula te an kawp leh thei thova….”
heheh eh
May 11th, 2011 at 4:01 pm
Delhi chu ka in ziah tlin khan ka first choice ah ka dah teuh veu veu khawp mai..thian tam tak an awma, a khawhar thlak loh ngawt ang chu tuna ka awmna ai ngawt hi chuan…. chu te mai chu ni e
May 11th, 2011 at 4:38 pm
Tunah hian Delhi chu a lum leh tawh ngawt ang!!!