Hmeichhiate hi Pathian mithmuhah mipate aiin an hnuaihnung lova, mipate ang thova Pathian khawngaihna leh chhandamna chang tute an nih angin Lalpaah chuan mipate nen an chanvo a thuhmun reng a ni.
Galatia
3:26 Krista Isua rin avangin Pathian fate in ni vek si a;
3:27 in zinga Kristaa baptisma chang apiangte kha Krista chuan in inthuam
tawh si a.
3:28 Chutah chuan Juda mi a awm theih loh va, Grik mi pawh a awm theih hek
loh, chutah chuan bawih a awm theih lo va, bawih lo pawh a awm theih hek
loh, chutah chuan mipa leh hmeichhia pawh a awm theih loh; Krista Isuaah
chuan in zain pumkhat in ni si a.
Isua Krista chhandamna avangin mipate ang thova Thlarau Thianghlim chang tute pawh an ni:
‘Ni hnuhnungahte chuan heti hi a ni ang a,
Mi zawng zawng chungah ka Thlarau ka leih ang a;
Tichuan in fapate, in fanuten ka thu an hril ang a;
In tlangvalten inlarnate an hmu ang a,
In putarten mumangah an mang ang a;
A ni, chung niahte chuan ka bawihpate, ka bawihnute chungah pawh,
Ka Thlarau ka leih ang a, ka thu an hril ang’ — TT 2:17-18
Amaherawhchu, Isua Krista chhandamna avanga mipa leh hmeichhia chuan chanvo thuhmun an neih avang hian an mawhphurhna pawh a thuhmun tihna a ni em? Hmeichhia leh mipa mawhphurhna Bible-a Apostle te’n min zirtir dan chik takin i han belchiang teh ang u.
Timothea hnena a lehkhathawnah Paula chuan chiang takin Kohhran inrelbawl dan tur a tarlang a:
“nimahsela ka la awm rei tak dahin Pathian chhungte zinga mi engtia awm tur nge an nih i hriat theih nan ka ziak a ni; Pathian chhungte chu Pathian nung Kohhranho, thutak ban leh innghahna chu an ni” — I Tim 3:15
Eng nge Kohhran kalphung tur a tih chu ? I Tim 2:12-14 ah chuan ti hian a lo sawi a:
“Amaherawhchu, hmeichhiain zirtir zawng ka phal lo, mipa chunga thu neih ka phal hek lo, ngawi rengin awm zawk rawh se. Adama chu siam hmasak a ni a, chu mi hnuah Evi chu siam a ni a. Tin, Adama chu bumin a awm lo va, hmeichhia erawh chu bumin a awm a, bawhchhiatnaah a tlu ta a”
A hmasa berin ‘hmeichhiain zirtir zawng ka phal lo’ a tih hi eng a tihna nge ? Sunday School-ah te hmeichhiain naupang an zirtir tur a ni lo a tihna em ni ? A nih loh leh Kohhran hmeichhe inkhawmah te pawh thuchah an sawi ve tur a ni lo tihna em ni ? Nilo .. a chang zawm chiah khian a sawifiah nghal vek. Mipa an zirtir emaw an chungah thu an nei tur a ni lo a ti a ni. Hei hi hnathawhna hmun leh office lam thu a sawi lova, Kohhran chhungah a ni. Heta mipa a tih pawh hi mipa naupang emaw, rawlthar/zirlai emaw a sawina a ni lo, ‘ANER’ (Gk.) a ni a, man/husband sawina a ni.
Kohhran chhunga Kristian mipa puitling tawh sawina a ni (Kohhran upa ho hi mitthlaah dah ila). Pastor chu member-te leh Upa ho chunga thu neitu a ni si a, hmeichhe Pastor pawhin a nei ve ngei dawn tihna a ni. Chu chu Paula phal loh tak chu a ni. “Ngawi rengin awm zawk rawh se” tih hi inkhawmna-ah emaw engmah sawi ve lo va, zai pawh zai ve lova, ka chip reng tur a tihna a ni lo va, figure of speech a ni a, Kohhranah an ngaihdan leh duhdan tih puitlin tumin phe phe ve suh se a tihna a ni.
A dawt leh-ah chuan eng vangin nge mipa chunga hmeichhe thu neih chu a phal loh ? A chhan pahnih a sawi chu -
(1) Mipa chu siam hmasak zawk a nih avangin a chungah hmeichhia-in thu a nei tur a ni lo a ti mawl tawp mai a ni. Mipa chu hruaitu, hmeichhia chu tanpuitu –
“Tin, LALPA Pathian chuan, “Mihring amah chauhva awm hi a tha lo ve: a mah tanpuitu tûr a kawppui âwm mi ka siamsak teh ang,” a ti a — Gen 2:18.
“Mipa hi hmeichhia atanga chhuak a ni lo va; hmeichhia erawh chu mipa atanga chhuak a ni zawk a. Mipa hi hmeichhe tana siam a ni hek lo; hmeichhia erawh chu mipa tana siam a ni zawk” — I Kor 11:8-9
(2) A chhan pahnihna a sawi chu, Eden huanah khan hmeichhia kha bumin a awma mipa erawh chu bumin a awm ve lo a ti leh mai a. Hei hian Theological issue a khawih a ni. Adama kha chuan Pathian thu kha a ringhlel reng reng lova, Setana khan a bum ve hauh lo a ni. Evi erawh kha chu Theology-ah a nghet tlat lo. Pathian thu (Theology) kha a rawn modify nghal ringawt mai a nih kha. “tawh pawh in tawk tûr a ni lo” tih kha Pathian thuchhuak a ni lo. Pathian thua ding nghet lo na na na chu rul khan a bum ta reng a nih kha. Hemi avang hian Theology leh doctrine lam reng reng-ah chuan mipa hi hruaitu atana Pathianin a ordain a ni.
Hei bakah hian Kohhrana hruaitu ruat chungchang Apostle te’n an sawi khan mipa a kawk zel a ni. Entirnan:
“Chutichuan, Kohhran hotu chu sawiselbo, nupui pakhat nei, insum thei, rilru dik tak, mi fel, mi lawm dan thiam, zirtir thiam ….” — I Tim 3:2
Thenkhat chuan I Kor 11:5-a Paula’n “Amaherawhchu, hmeichhia lukhum khum lova tawngtai emaw, thu hril emaw apiangin an lu an timualpho a ni” a tih avang hian mipa zirtir emaw an chunga thuneih emaw hi a khap tak tak lo emaw an ti thin. Hmeichhe thuhril/thusawi/sermon hrim hrim hi a khap lova, sawi tawh ang khan ‘aner’ Kristian mipa puitling tawh chin hmeichhiain ‘ka zirtir e’ a tih vel kha a khap chu a ni. Ring lo mi (puitling pawh nise), naupang/tleirawl, leh an hmeichhe pui te chu an zirtir a phal em em a, zirtir turin a fuih hial zawk a ni.
“Pitarte pawhin Pathian Thu chu sawichhiatin a awm loh nan, la nula deuhte chu an pasalte hmangaih tur te, an fate hmangaih tur te, rilru fel taka awm tur te, thianghlim taka awm tur te, mahni ina thawktua awm tur te, ngilneia awm tur te, anmahni pasalte thu thua awm tur tea an thunun (kaihhruai) theihna turin an awm dan renga Pathian zah mite niin, hektute leh uain heh mite ni lova, tha lam zirtirtute ni turin fuih bawk rawh ” — Tita 2:3-5
Philipa fanu pali te pawh khan thu chu an hril thin. Amaherawhchu Pathianin Paula hnena thu a thlen dawn khan anni pali kha hmang lovin zawlnei Agaba a ni a hman daih. Tin, Priskili leh Akuila-te khan Apollova kha an zirtir tih kan hmu a (TT 18:26), Priskili khan a zirtir a ni lo em ni kan ti maithei. Priskili khan a zirtir thu a lang lova, Akuila zawk khan a lecture pawh a ni maithei; a nih loh vek pawhin Priskili zawk khan a lecture a ni thei a, an nupa khan an lecture pawh a ni maithei bawk.
A enga pawh chu nise buaina tur a awm chuang lo. A chhan chu Apollva kha ringthar huaisen tak a ni a, Thuthlung Hlui pawh hre tak a nih thu kan hmu a. Amaherawhchu, Bible chuan “rilrua thahnemngai tak a nih avangin Isua chanchin chu ngun takin a hril a, a zirtir thin a, Johana baptisma thu chauh a hre si a….. chutichuan Priskili leh Akuila chuan a thusawi an hriatin an inah an hruai a, a hnenah Pathian Kawng thu fel lehzualin an hrilhfiah ta a” tiin a sawi avangin, khatih hunlai khan Apollova kha ringtu puitling tia chhal theih a la ni lo. Rinna kawng thuah chuan Johana Baptisma chauh a la hre tlat a ni (TT 18:25).
Chuti a nih chuan Kohhranah hmeichhiate chuan pawimawhna an va nei tlem ve kan ti a ni maithei. Tlem love, Kohhranah hian hmeichhiate hi mipate aia an pawimawh zawkna chin pawh a awm hialin ka hria.
“Nimahsela, rinna leh hmangaihna leh thianghlimna neiin, rilru fel tak nena an awm fo chuan fa hrin avangin chhandamin an awm ang” — I Tim 2:15
Kohhran chu chhungkua atangin a in tana, chu chhungkua enkawl mawhphurhna sang tak mai chu hmeichhiate hi pek an ni a sin. An fate rinna, thianghlimna leh hmangaihna kawnga kaihhruai hi Pathianin a ngaih pawimawh ber a ni. Hemi piah lamah pawh Kohhrana an rawngbawlna hi Pathianin tul a tih ang zelin a hawnsak thin. Kohhrana hruaitu leh Pastor nih kher hi rawngbawlna ropui tak a ni chuang lo. A ropui ber chu Pathianin min dahna hmuna lungawi tak leh rinawm taka mahni mawhphurhna theuh hlen hi a ni.
Hemi chungchang hi chu Bible hian buaina awm hauh lo turin min hrilh chiang a, kan buai fo na thin chu Kohhran-te hian kan chunga thuneitu leh min kaihruaitu tura Pathian min pek, Bible zirtirna aia tu emaw ngaihdan leh zirtirna kan ngaihthlak duh tlat zawk thin vang a ni fo. Pathian hian mipate ang thovin hmeichhiate a hmangaiha, a ngai pawimawh a; khawtlangah emaw, inchhungah emaw, Kohhranah a ni emaw, mipate aiin a dah hniam ngai lova, amaherawhchu mipa leh hmeichhe taksa a inang lo ang chiah hian kan mawhphurhna erawh a hrang mai a ni.
Thuthlung Hlui-ah Pathianin mihring a siam khan mipa leh hmeichhia-ah a siam tih kan hmu a, Thuthlung Thar-ah chuan Isua Krista chuan a tirhkohte hmangin, hmeichhia ni lovin mipa zawk chu inchhung khurah leh Kohhran inrelbawl naah hotu leh hruaitu ni turin a ruat tih chiang takin min hriattir a ni.
Eden huana rul-in Evi hnena “Pathianin, ‘Huana thing rah rêng rêng hi in ei tûr a ni lo,’ a ti elo maw?” ti a Pathian phal loh thingrah ei chakna thinlung a tuh ang khan tunah pawh rawngbawl dan chi hrang hrang (thei chi hrang hrang) a awm reng laia, Pathian phal loh Kohhrana hruaitu nih chakna thinlung a rawn tuh mek hi engtin nge kan lo beih let ve dawn le ?
(G)...
Naupang pakhat lêng rei pawh kha...
March 16th, 2011 at 9:28 pm
Hot dawn ve
…khrum
March 16th, 2011 at 10:27 pm
Dik chiah. Tirhkoh Pawla’n 1st Century a Greece ram mite tana a ziah kha Isua sawi aiin a pawimawh lo zawk. A hunlai chuan tihawm tak pawh ani ta ve ang. Mahse tuna la lak pawimawh viau hi a kal dan tur ani lo.
March 16th, 2011 at 10:33 pm
Sawi tha hle mai. (Y)
March 16th, 2011 at 10:40 pm
Ka hul hle mai aaa
March 16th, 2011 at 10:50 pm
cyberthug in bual la i hul lo mai ang
March 16th, 2011 at 10:54 pm
keimah (Y) a chiang kiar kuar hle mai (Y)
Bangalore feminists hoin chhiar se ka van ti vele 😉
March 16th, 2011 at 10:58 pm
Bible chang hi kan in ‘interpret’ siak mawlh mawlh mai a ni maw. & Sony sawi hi ka pawm zawng tak a ni. Theory zir thin chuan kan hria anga, tu thuziak pawh kan chhui dawn chuan a ziaktu chanchin, he thu a ziah hunlaia hun tawn ang chi te leh thil dang dang kan zir tel thin a. Rawn post tu rawn ziak dan leh research dan hi ka fak viau laiin, he post hi ka rilrem zawng a ni ve tlat lo mai le.
March 16th, 2011 at 10:59 pm
Fonz, inbual min chawh hun hi a nice lo emai…hehehe.
March 16th, 2011 at 11:08 pm
kan hmeichhe ho hian ennge pastor-a hmeichhe neih hi a tul an tih chhan pawh hi chiang zawkin hriata chakawm… “mipa nen kan intluk tlang reng, kan hnuaihnung bik lo”, tih vang anih chuan a va THLARAU THIANGHLIM chhuakawm lo ve…
mipa ho pawhin hmeichhia ho hnuaihnung zawka kan ngaih tlat chuan a dik bik lo…
pastor-a tan kher loh pawh hian ama rawng bawl duh tak tak chu Pathian zawkin mipa an ni emaw hmeichhia an ni emaw kawng a hawn sak zawk thin niah ka ngai…
March 16th, 2011 at 11:08 pm
& Pathian phal leh phal loh hi keini ‘mihring’ ve mai hian kan lo hriat dan tur leh kan lo sawi theih a awm emaw ni le? I chiang chiah maw? akekeke
March 16th, 2011 at 11:15 pm
Mi tam ber hian Pathian rawngbawl kan duh theuh, mahse a tam zawk chuan hotu leh zilhtu nih loh chuan an lungawi lo… Member satliah ni chunga Pathian rawngbawl thiamlo kan tam ta lutuk hian hmeichhe pastor neih duhna te hi a rawn hringchhuak ta anih hi
March 16th, 2011 at 11:19 pm
Hei hi lo en ve teh u.
http://4.bp.blogspot.com/-GnJmyn54Jws/TYD3kXfQaRI/AAAAAAAAAOM/OVZPLwfuKm4/s1600/image010.jpg
…khrum
March 16th, 2011 at 11:30 pm
A van sei ve. (N)
March 16th, 2011 at 11:35 pm
Keichu “Gender Categorisation” lam zawnga lak hi a thra ka ti hauh lo mai le.
Timothea hnena Tirhkoh Paula’n a lehkha thawna a sawi hi Paula “personal opinion” mai anih hmel ka tia, Pathian huat zawng lam a hawlh thlen vak ka va han ring lo tak em !! Bible kan chhiar reng reng hian a context chhut ngun a thra ka ti khawp mai. Eden huan boruak te nena thruai kawp chi pawh ani dawn em maw ni le ka ti !!
Pro-Feminist erawh ka ni hauh lo.
March 16th, 2011 at 11:44 pm
Chhiar lovin kan comment teh ang, Hmeichhia nen kan intluk loin ka hria. Kan intluk chuan Thlan te pawh lai ve tawh sela.
March 16th, 2011 at 11:46 pm
Pathian in min dahna hmunah hian lungawi mai ila, hotu nih chakna thinlung kan nei hi a “RAU” lo ka ti, Pathian rawngbawl tur hian tumah mi tling tak leh mifel tak kan awm lo a,hotu tur ngat phei chuan..Tun a hmeichhe ho in a tling,thei leh thiam ve tawk an in tihna hrim hrim pawh hi a diklo a,intihtheihna/chapo na rilru atanga rawn chhuak anih hmel hle mai.Inngaihtlawmna rilru atanga rawn chhuak chu ani theilo hrim hrim.Hmeichhia hi kohhran hotu tura ruat ve an nih chuan I Tim 3:2 ah khan “nupui pakhat nei” tih kha a in ziak lo ang a,a tir atangin Pastor tur pawh in ruat an ni ve nghal zawk ang tuna dil buai vak vak ngailo hian.
March 16th, 2011 at 11:54 pm
Laiphir akhaih a….i ngaihdan chu a
March 17th, 2011 at 12:12 am
Ka tihna zawk chu Thlan lai tak tak se tihna lam aiin Hmeichhia leh Mipa hian kawng tam takah thil tihtur bik hi kan nei hrang a, chuvang chuan kan tih leh nihna a in an kher loh vang hian kan intluk ta lo tihna a ni lo e ka tihna lam a nia.
Chhiar lovin kan comment ngawt a, subject pel lam alo nih chuan min lo hrethiam r’u.
March 17th, 2011 at 12:13 am
Laiphir chuh….kum engxat nge i nih sianpa? Puitlin la hlat ve hmel mo..
March 17th, 2011 at 12:19 am
Ohh o.. 19 k comment laiin 18 a la lut lo a..erase leh si..keipoh..hehehe.
March 17th, 2011 at 12:25 am
A tirlam ah ‘e khai a awwww…’ ka lo ti dawn a, chhiar zawh meuh chuan Bible zirtirna diktak i rawn hung chhuak e.. (Y)
Hmeichhe decision hi chu thinlung atanga lo chhuak,emotion a cheibawl ani tlangpui a, thinlung hi Bible chuan chhe lailet der, bumhmang ati mauh mai bawk si(*). Hmeichhe pastor hi ka support lo pawh ani mai lo, Bible hian a SUPPORT lo ani zawk. Mipa in kan dinhmun(role) kan hnehloh tak zia pawh thudik tho… (hei chu topic dang ani dawn tlat)
* = sawizau a ngai, helai hi sawizau na hmun ani si lo… NOI …ladies 🙂
March 17th, 2011 at 1:33 am
hethu ah hi chuan inhnial buai vak a tullo in ka hria……a hun a duh rei nge reilo chu ka hrelaw,hmeichhe pastor hi kan la nei tho tho dawn tlat ani.chutiang hun a kan lo dawnsawn thiam a,an hna tur bithliahsak thiam a pawimawh khawp ang.tun dinhmun mizo mipui nawlpui kalphungah hi chuan neih ala thalo zawk mai thei ani.khawpui lam em hi chuan a pawina pawh a awm vak tawhloh lai hian mizoram pum thlir erawh chuan kan la phalo deuh in ka hria……kan fa te ho hun ah chuan hmeichhe pastor hi chua an awm tawh ka ring…..chumi tur chuan lo inpuah chah lawk hi a tha zawk lo maw………..
March 17th, 2011 at 2:23 am
posttu zah viau mah ila ka chhiar zo peih lo a….hmeichhia pastor neih duh lam nge duh lo lam pawh ka hre miah lo….!!
Sawi leh sawi hnu…gender issue ani lo e..he thil hi..kan Pathian engkim ti thei duhdan lam zawk ani..a quota zawng a kan kal dawn chuan Pathian a lal ber lo tihna a ni mai..
Pathian mi thlan chu tuman an dal lo ang!!
March 17th, 2011 at 3:32 am
Lucifer-a tlakchhiatna pawh kha mahni dinhmuna lungawi lova a nihna lo pui nih a tum vang a ni…lo ti ve khanglang teh ang!
March 17th, 2011 at 3:36 am
@keimahte, eng kohhrang nge i nih ka hre lo. Mahse thil pakhat erawh chu Presbyterian kohhran angah hian raipuarin sakcrament hlan ta se..i ei duh angem? Hmeichhe thi nei an bawlhhlawh thu pawh Bibleah a inziak a. @a post tupa, KA ZAWT A CHE. HMEICHHE THINEI(PERIOD) LAIIN SAKCRAMENT HLAN TA SE.. BAWLHHLAWH CHUAN THIL THIANGHLIM CHU HLAN THIANGHLIM A TUM ANG MAW? Presbyterian ni ta la, hmeichhe pastor hi i tih ka ring lo thlawt. Kohhran dang i nih ka ring!
March 17th, 2011 at 4:07 am
@Keimah Thingtlangpa, a post khi i chhiar chhuak lo a nih ka ring mang e! 😀 @keimahtea ka lo chhan khalH!
March 17th, 2011 at 6:32 am
Hmeichhe pastor neih hi a tangkaina ka hre miah lo. Pasal atan pastor nei mai se, full time in a pasal rawngbawlna tawiawm mai se, a tha tawk viau in ka hria.
March 17th, 2011 at 7:28 am
va tha dap dap vele, ka ngaihdan, ka lo thlir ve dan tha tak leg ngaihnawmtakin i rn ziak chhuak e. A contex hi kan ti teh fova, paula khan a hunlai contex mil khan a sawi ngei mai, chuvang tak chuan alawm keini pawn khang hun lai a Paula sawi kha tunlaia mite tan kan contextualised thin ni. Hmeichhe pastor a nih chuan pasal hnathwklo or sorkar hnathawklo ngai ve ngei turah ngai ila, nuber bial fan, comiti leh neuh neuh ah a chhuak reng a nga, pa berin nauawm, puansuk, buhthlei, chhuatnawh, naute hnutepek (het-keichuan pektur ka neilo), a ngai a nga, pasalte bulah aiin Upa Thuamate bulah a tam zawk a nga, huiham, kan lehkhabu thianghlim min zirtir dan chu a pel deuh a lawm le, sawi peih tawh love a
March 17th, 2011 at 7:34 am
Ka lawina Biak In-ah hian hmeichhe Pastor 2 kan nei mek a, an felin an hna an tlin viau; ka do lova ka support em em lo bawk. Pastor ni tura koh an nih chuan hmeichhia pawh an Partor mai ta lawng, mahse Bible ngun taka kan thlir chuan chu lam hawi chuan a zirtir em em lo ni chuan ka ngai.
March 17th, 2011 at 7:45 am
Kristian ten Bible hi kan Pathianthu hriatna bulpui bera kan hman chuan hmeichhia chu a dik theilo alawm. Unfortunately 🙁
March 17th, 2011 at 7:53 am
25
Keimah Thingtlangpa Says:
March 17th, 2011 at 3:36 am
@a post tupa, KA ZAWT A CHE. HMEICHHE THINEI(PERIOD) LAIIN SAKCRAMENT HLAN TA SE.. BAWLHHLAWH CHUAN THIL THIANGHLIM CHU HLAN THIANGHLIM A TUM ANG MAW?
Post khi chhiar chiang/chhuak nila chuan i zawhna khi a key i thlak deuh ka va ring e 🙂
Hmeichhe pastor support zawngin ka ziak hleinem.
@winning:
I ngaihdan chu a tluangtlam ang reng khawp mai. Pastor ni tura Pathianin hmeichhia a ko a nih chuan, mihringte lo hnial chi a ni hauh lovang. Hmeichhe pastor te hi Pathian koh nge mihring koh tih erawh chu ngaihtuah tham tak a ni.
Bible hian hmeichhia pastor an ni tur a ni lo chu a ti tawl lova, amaherawhchu Kohhran chhungah mipa chunga thuneih a khap a [I Tim 2:12-14], hmeichhe pastor chuan chu thuneihna chu a keng tel tlat si a ni.
March 17th, 2011 at 9:24 am
Sawi tha/sawi thiam khawp mai (Y)
Hmeichhe Pastor(Kohhran enkawl – Pathian beramte enkawl) hna (rawngbawlna) hi hriatfuh a tha…thilpek hrang thu te Paula’n a sawi kha.
Bible zirtirna kan kalpelh chuan, Nuho bialfangin an zin/kal chhuak ang a, Pa hovin, in lamah naupang anlo buaipui thung ang….tihna.
An dinhmun leh zahawmna a zirin, duh leh lo ordain sela, Rev. title te pawh nei ve se, mahse Kohhran enkawl/hotu rawngbawlna chu – Bible in a recommend chiah lo….
Japan News enpahin Coffee kan in daih teh ang.. (C)
March 17th, 2011 at 9:36 am
#32 @ mr.Duhlova:
A dik chiah (Y) . A title hrim hrim hi chu Bible pawhin a khap hleinem. Bial member ngah deuh te chuan duh leh pro-pastor ang te paw’n hmeichhia chu nei sela, amaherawchu hmeichhe lam enkawl sela. Kohhran pum huap a (a hmei a pa), thuneitu nihna dinhmun an chelh erawh tih loh nise.
March 17th, 2011 at 10:02 am
Patling, Pastor —sermon lama hul ve tak tak te ai chuan, mawm hlap mai leh hmeltha bawk sia Hmeichhe nula pastor-ten tlangvalho min hip phian tawh lo’ng maw?
March 17th, 2011 at 10:02 am
keimahte,i ti tha hle mai.i ti dik tlat.Pathian thu dik hi chu puan ngam a ngai tawh tak meuh2 ani.mi dang ngaihdana rawngbawl tum hi Pathian mai bakah mahni tan thil hlauhawm ber ani.a conservative khawp mai.ka rilru tak min lo post sak ah ka ngai.
Rinna ah chuan pumkhat,mipa leh hmeichhe awm chuanglo kanni.mahse mawhphurhna ah chuan mipa tih chi leh hmeichhe tih chi a awm.Eg.Kohhran hruaitu chu nupui 1 nei tih te hi hmeichhia ah engtin nge kan bel tak ang?
tin,Bible thu reng2te hi a hunlai chuan ti a kan sawi zel anih chuan tun hun atan engmah chan kan nei lo tihna ani ang.hei hi ngaihdan diklo tak (liberal) ani.
March 17th, 2011 at 10:04 am
Nula pastor han awm se, inkhawm peih vak lo pa valaite min hip thei tawh mai lo’ng maw?
March 17th, 2011 at 10:19 am
😛 @chawnghilh,khaih3…….
March 17th, 2011 at 10:20 am
@ chawnghilh #36:
Pu HV-a rawn comment #30 ka chhiar lai khian tuna i rawn comment ang deuh chiah hi ka rilru-ah a lo lang zawk nia.. ka sawi ngam chiah loh i rawn sawi a 😛 (Y) ..
Ni e, nula nalh tak mai kha pastor sela — a mawi tawka mit hnawih, hmuisen, kawrawm zim lutuk lo… chawlhni zan/inrinni zan vela kan biak-in a thusawi turin kan inchuh nasa viau maithei a ni.
March 17th, 2011 at 10:51 am
#38Keimahte :”Ni e, nula nalh tak mai kha pastor sela — a mawi tawka mit hnawih, hmuisen, kawrawm zim lutuk lo… chawlhni zan/inrinni zan vela kan biak-in a thusawi turin kan inchuh nasa viau maithei a ni” hetiang te chuan a, uire tur in kan inkhawm reng mai ang tih a hlauh awm a lawm mawle 😛
March 17th, 2011 at 11:28 am
@ Laiphir (#15), i thusawi hi a logic veuin ka hria. Khua threnkhat ah chuan mipa (tlangval) tamtak chu tlawngaihna lam an tlachham tawh khawpa, chuvangin thlan laih turte pawh an in daih thrin tawh lova, hmeichhe (nula) ho thlan laih hun kan la thleng thuai ang.
@ Keimah Thingtlangpa (# 25), Thuthlung Hlui atranga han sawi dawn chuan, mipate pawh “boil” leh “skin rash” an nei lai leh zan an mutlaia an mipa nihna avanga an kekawrte an tih huh (sperm emission) chuan, an thianghlim loh lai anih ve a, chuvangin mipa pastorte hetiang dinhmun ah an awm lai chuan sacrament khuaih a thiang lo, tihna a ni ve dawn emi. Chutiang ani chuan, kohhrian upaten pastor kha sacrament a sem hmain “nizan i kekawrte i tih huh em … ” tih an zawt hmasa phawt thrin a trul dawn a ni.
March 17th, 2011 at 11:40 am
36
Pu chawnghilh ## .. 😛 😀 chutiang ngawt vang chuan nangpawh i in khawm ka ring lo…. 😛
Chutiang te a nih chuan, kan inkhawm chhan kha a ho tawh awm…Club leh weekend hmanna velah Bible nen kal mai chi a va ni zawk awm ve aw…. 😛 😀
March 17th, 2011 at 11:41 am
A tulna hi ka hre thlawt lo ani e….. Hmeichhe Pastor/Upa. Mipa nen hian an hlutna zawng a inchen ngei alawm, rah beh emaw dah hniam zawkna kan neih pawh ka hrelo keini Presbyterian ah phei hi chuan. Pathian chawimawi leh fakna kawngah phei chuan hmeichhia an pawimawh teh meuh mai mahse din hmasak zawk mipa level vek tumna an neih hi chu a pawi ngawt mai. Kohhran chhunga thuneihna sang tak neih a, rorel thei tur khawpa lalna chan an tum ve phet nachhan hi Thlarau Thianghlim hnathawh a ni lo ka ti bur!!! A awm khauh zawk Mipa hi kan chungnung zawk hrim hrim. Inchhung khur hi NU te mission pui ber a ni tih hi hre mawlh hlawm teh se!! (Mipa an pawimawh ve lo ka tihna erawh a ni lo ania) 😛 Hmeichhe Pastor/Upa (N) (N) (N) (N) (N) (N) (N) (N) (N)
March 17th, 2011 at 11:51 am
Leh lawk @ Laiphir: Thlan laih te hi chu lo lai pawh nise keichuan a pawina ka hrelo. Heng lai Manipur ramah te hi chuan Meitei hmeichhia te hi chuan a pasal neih huna an chhawm turte an thawkchhuak ngauh ngauh mai asin. Balu load leh brick field ah te phei chuan hmeichhia hian hmun an chang sang khawp mai, mahse MIPA an zah em em a, an chung en tho tho. Kriatian pawh ni hleilo zawk tena mipa tluk tlan tumna an neih loh laia ringtu, Bible thu a kip a kawia zawmtu inti zawk ten a mipa nen kan intluk tlang a ni han tih hi chu a zialo lutuk tlat in ka hria!! Duah zel maia, a tawi zawnga sawi dan thiam hek lo le! 😛
March 17th, 2011 at 11:59 am
@ Zodina Fanai (#43), tluk chu sawi loh, kan hmeichhia te hian mipate mi khum tawhin ka hria. Kan Mizoram ah ngei pawh hian, tlangval fel, tlangval lehkha thiam, tlangval thawkrim, etc te aiin nula fel, nula lekha thiam, nula thawkrim leh mawhphurna hlen thei an tam zawk daih tawh.
March 17th, 2011 at 12:02 pm
han ti ve ila,hmeichhia ordain in bial chang kherlo va an hnathawh theih hi a awm ve nual ani,sacrament erawh khawih rih lo mai se.anih na takah chuan kan inhawn zau deuh hret hret a pawimawh hethu hi pu vanneihtluanga sawi hi ka pawm thlap e,,,,http://www.youtube.com/watch?v=Yl5Pq66eVlE&feature=related
March 17th, 2011 at 1:32 pm
Ka mitthlaa lo lang mai mai chu Hmeichhe Pastorin sermon paha pulpit a chum dap dap laiin an pa chuan Biakin bathlarah nau a lo awi durh durh a…a kiu kawna a ipte khaiah chuan Diaper a awm tun bawk a…ha ha haaa!! An nu Halleluiah rual chiah chuan naute chu a e leh ta nghal a…. 😛 😀 (H) Ngaihruatna mai mai maw le!!
March 17th, 2011 at 3:02 pm
Thuziak tha tak a ni e (Y)
Thenkhat chhiar chiang mang hlei lova rawn ri ve thawr2 an awm a, thenkhat lah Bible zirtirna a ni em tih ngaihtuah lem lovin ‘ka ngaihdan/pawmdan a ni love’ ti liam ve mai mai lah bo lo… a tha vek e. Kan nihna ang angin kan lang a ni ve mai a 😀
Thil pakhat sawi ve ka duh mai mai chu hei hi a ni:
Mithenkhat, hmeichhia kohhrana hotu an ni tur a ni lo tia Paula’n a sawi hi Paula ngaihdan mai mai a nih ring an awm a, Paula hian a ngaihdan hi a sawi khat khawp. Pathian hnen atanga a dawn a sawi chhawng thin a ni zawk.
“Tupawh thu hriltuah emaw thlarau miah emaw a inngaih chuan in hnena thu ka ziak hi Lalpa thupek a ni tih lo hre rawh se” a ti ngam sak a ni.
A ngaihdan a sawi chuan chiang takin a sawi thin:
(1) “Mi dang hnenah erawh chuan Lalpa ni lovin keimahin ka sawi : Unau tupawhin nupui ring lo mi nei sela, ani chuanin a hnena awm reng a lungnih chuan ma suh se”
(2) “Nimahsela keia ngaih chuan a awm ngaia a awm reng chuan (hmeichhia pasal nei lo a sawina) a eng a thawl zawk ang; kei pawhin Pathian Thlarau chu nei ve bawkin ka inring a ni”
(3) “Tichuan, chu miah chuan ka ngaihdan ang a ni ka sawi ni, chu chu in tan a tha si a, kum khat a ni tawh, a tan hmasatute in ni a, in ti tan chauh pawh ni lovin, duh pawh in duh tan ta bawk a”
March 17th, 2011 at 3:14 pm
Juda te hunlai chuan hmeichhia te chu an dah sang lem lo; mahse, tunah erawh mipa leh hmeichhia te chu kan thawk ho tha khawp mai. Pastor/ Upa rawngbawlna pawh hmeichhia hian thawk ta se an tlin tho ang.
Amaherawhchu, hetiang rawngbawl hna thawk tura kan rin leh kan lo mitthla ho te hi chuan thawk lo se ka ti.
March 17th, 2011 at 6:45 pm
@HV, hmeichhe pastor neih dik thei lova i ngaih chuan,RC-in sister an neih pawh hi dik i ti lo tihna aniang maw? 😀
March 17th, 2011 at 7:09 pm
Hetiang post hi social networking websites angah hi chuan post loh hi a thain ka hria.
Hriat tur pawimawh:
1.Mizote hi Presbyterian kohhran kan ni vek lo. Kohhran hrang hrang kan ni, kohhran thenkhat chuan hmeichhe pastor hi thangkhat liam daih tawh atang an lo hmang tawh.
2.Kohhran dang thurin leh a an dante hi zah a tha. Kohhran pakhat leh pakhat kan thurin leh dan te a inang lova, kan kohhran thurin leh dan anga kohhran dangte va awm tir tum hi a fuh ber lo. chutiangbawkin, mi thurin leh dan va sawisel leh va diriam vak hi a fuh ber lo. Mahni thurin leh dan chu mahni kohhran theuh hian nghet taka pawm a zawm tlat tur; mi dang va tai va tai loh hi a tha berin a rinawm. Tumah kan inhmin tak tak dawn lo.
3. Mizote hi Mizoramah chauh an awm lo.
4.Mizo tawng hi Mizorama an tawng chauh hi Mizo tawng ani lo.
5. Duhlian/Lushai tawng hmang chauh hi Mizo an ni kher lo. Tawng peng dang hmang Mizo tam tak an awm.
Heng atang hian Mizote tan thil tha nge tha lo, kan post tur hi uluk takin ngaituah ila, Mizote tan thil tha tur post thlan kan thiam deuh a rinawm.
March 17th, 2011 at 7:49 pm
@ chepahakhata #50
Tu kohhran thurin mah kan sawisel lova, midang kan tai kan tai lova, tumah a diriam zawngin kan ti hek lo. Kan thurin leh dan angin tu kohhran mah va awmtir te phei phei chu kan tum lo lehzual.
Bible-in engtin a sawi kan tarlang mai zawk a ni.
Pawl rilru zim lutuk pu ran chunga social networking websites-a comment loh hi a tha zawk lovang maw ?
March 17th, 2011 at 8:04 pm
i thu ziak atang hian Presbyterian kohhran i nih a rinawm hle. Kohhran hming hmerin thu i ziak ka ti lova, i thu post ang hi kohhran thenkhatah chuan an dan leh thurin atang hmeichhe pastor hi neih thiang lo ang tawp a ni a, thenkhat kohhran tan erawh hman hman atang hmeichhe pastor lo hmang tawh pawh an awm a. i ngaihdan Bible behchhana i rawn ziak ang bawk hian kohhran thenkhat chuan bible behchhanin an rawn hnial thei che a, inhnialna atthlakah a chhuak theih a ni.
Tunah hian ei thiang leh thiang lo thu hi Bible-a ka duh duh bung leh chang hmangin ka rawn post thei a, tu kohhran mah sawi sel miah lovin. Mahse, kohhran thenkhat thurin nen a inkalh tlat dawn a, chung kohhran te chuan, Bible bung leh chang hmang vekin min rawn chhang ve anga, kan inhnialna chu tumah inhmin si lovin inhnialna attlakah a chhuak thei ani.
March 17th, 2011 at 8:16 pm
Kohhran thenkhatin an rawn hnial thei tih vanga mahni kohhran thurin emaw, mimal thurin emaw, Bible zirtirna engpawh kan ngawihpui zel dawn a nih chuan, Pathian thu sawi tur a va vang duh awm ve
Eng subject-ah pawh hian ngaihdan hrang a tam si a, Chhandamna chungchang ringawt pawh hi ngaihdan/pawmdan tam tak a ni. Kohhran dangin ‘an hnial thei che’ tih vangin chhandamna chungchang pawh hi social networking websites-ah reng reng chuan post loh tur i tihna em ni ?
March 17th, 2011 at 8:29 pm
Pathian thu lam i tui a nih chuan, ringlo mite hnenah rawngbawlna nei la chu chu thil tha ber a nih a rinawm. Mizo society-ah beram inchhuhsak rawngbawlna ang hian Pathian lung kan ti awi dawn lo.
Mizo zingah fellowship leh heng social network ang chiah hi chuan eng kohhran pawhin an pawm tlan theih Pathian thu tlanglawn hi sawi a tha ber. ka sawi zel chuan a sei dawn tlat mai HEI HI CLICK LA lo chhiar mai rawh.
March 17th, 2011 at 8:41 pm
LolZZ..
Ka rawngbawl dan tur leh hmun tur te, ‘social network ang chi a’ ka sawi tur leh sawi loh tur te min han duan sak vel tu chu tu nge mawh i nih le
Internet police chief em ni ?
Mahni thurin leh dan anga midang awmtir tum tu chu i ni zawk mai lo maw? Hehe ..
March 17th, 2011 at 8:49 pm
I ngaih dan i ziaka, ka ngaihdan ka sawi ve a, i zawm leh zawm loh chu i thu a ni a, Mizo zawng zawngte tan thil tha tur lo hi chu ka sawi ve vak vak lo. Tunge ka nih i hriat duh chuan ka blog lehkha ziak kha chhiar vek la, ka hming, ka nu leh pa te mizia, ka mizia leh ka rilru put hmang pawh i hre thei ang.
I huat turin ka rawn comment lova, Mizote kan rilru sukthlek leh kan tusawi te hman kan sawnna tur atan a rawn comment ka ni zawk.
March 17th, 2011 at 8:57 pm
Kei pawhin Mizo leh Kohhran tana tha tura ka ngaih Bible zirtirna ka tarlang ve mai a ni e.
Tak tak a, ka thuziak khi Biblically-a i counter duh a nih chuan a lawmawm viau ang.
Chuti a ni loh a, i ngaihdan mai maia i rawn hnial chuan hun kan khawhral dun mai mai dawnin ka hria
Cheers !
March 17th, 2011 at 9:00 pm
a rei leh deuh ta, pi saptawni chu mission veng kohhran upa ah Pathian hriatpuiin dan ang takin kohhran miten an rawngbawltu upa ni tur in an thlang tling a.mahse presbytery in a nemnghet duh tlat lo.Kan kal thukna lutukah hian a ruattu pawi kan sawi ang tih ka hlau hlel love………
March 17th, 2011 at 9:10 pm
I thu ziah anga ngaihdan nei te leh hmeichhe pastor neite ngaihdan hi ka hriatthiampui ve ve, ka hnawl lo ve ve.
Kei ka thupui zawk chu, kohhran hrang thurin & dan inhriatthiampui tawn a, inzah tawn a, Zofate ram dang danga awmte kan nunphung leh kan tawng inhriathiampui tawn a, izah tawn a lungrual taka inhriatthiamna leh inpumkhatna tha zawk nen a kan len zaho hi a ni zawk. Ka lawm e.
March 21st, 2011 at 1:53 am
hmeichhia hi ka ngaisang lutuk a.. mipa ten kan tih theih loh thil tam tak an ti thei tih poh ka ring tlat a ni.. chumi zoh ah chuan hei hi ka soi leh duh… he article hi a dik ka ti khop mai…