Mizo pa lârte lai-ah hming

March 16th, 2011 2:00 pm by TuaiSialA

Burkhawnipa: KHAWTINDALA
Tualchhûnga huaisen, ngam loh nei lo, zawlbuk tlûng pawh pên khata zawh chuang ngam ngat.

Vanapa: CHAWNGZACHHINGA
Chawngthu Vanchiau hnam a ni a, a fa hming koh hming chu Vanchiau-a a nih avângin ‘Vanapa’ tih a ni. A hming satu-in Chawngthu zawng zawng khûm (chhîng) turin tiin ‘Chawngzachhinga’ a sa a. Mahse, a lo puitling meuh chuan Chawngthu chang a chhîng (khûm) lo e, thang zawng zawng a chhîng (khûm) alawm tiin ‘Thangzachhinga’ an ti huai huai a. Chu chu a lârpui ta zâwk a ni.

Bengkhuaia: LALSAHULHA
Rolura thlah Sailam lal, Mary Winchester (Zoluti) mantu, lal hmingthang tak a ni.

Taitesena: RALTHATCHHUNGA
Pasaltha huaisen, sakei huai laka thiante chhana thihphah a ni a, kan hre theuh âwm e.

Rev. Chuautera: CHUAUKUNGA
Mizoram Baptist Kohhran Pastor hmingthang tak, ‘Kristian Vanram Kawng Zawh Thu’ letlingtu a ni.

Rev. P.D.Sena: PANGDAILOVA
A pu-in sial a kah thelh avângin an in chu tumpangin a rial (dai) lo ve, tiin an chawi a. ‘Sena’ tih chu koh duatna a ni.

Rev. Liangkhaia: HRANGCHINA
Presbyterian Kohhran Pastor hmingthang tak a ni. A tët laiin an thawina sa serh liangah an khai avângin ‘Liangkhaia’ tiin a hming an sa a ni.

Rev. Fehtea: KAWLHNUNA
Pahmei fa upa a ni a, a pa’n a fehpui tirha a la tët ém avângin mite’n ‘Fehte, Fehte’ an ti thîn a, chu chu a pu hlen ta a ni.

Dr. Pika: SUAKPHUNGA
L.M.P (Licentiate Medical Practitioner) pass hmasa, Mizo doctor hmingthang tak a ni.

Ch.Pasena: CHAWNGNGHILHLOVA
Kohhran enkawltu pawimawh leh zirlaibu tam tak ziaktu, Mizo zinga London-a lehkhazir hmasa ber a ni. ‘Ch.Pasena’ tih chu ‘Chawngnghilhlova, Pasena’ tihna a ni.

Tirhkoh Muka: LALLIANTHANGA
Ani pawh hi tirhkoh hmingthang tak a ni a, Kohhran office-a thawktu pawimawh tak a ni.

Nuteii: VARLIANCHHUNGI
Tirhkoh Muka nupui a ni a, Mizo hmeichhe zinga matric pass hmasa ber a ni.

Lalkherha: CHHUNPHUNGA
Biate khawchhuak, Mizo Evangelist hmingthang, tlo leh hlawhtling tak a ni.

Source: Mizo Tawng Kalphung by James Dokhuma.

24 Responses to “Mizo pa lârte lai-ah hming”

1
khumchikthei Says:
March 16th, 2011 at 2:06 pm
1 hi le, hei chu a bold ta lo, a dik in a tluang ta zaih mai le. Bengvarthlak khawp mai. Tute emaw, inkhualtelem titi ang deuh ai chuan a zia fe mai ka ti.

…khrum
Report this comment
2
Alejendro Says:
March 16th, 2011 at 2:07 pm
Tinge ka hming a tel ve loh a?
Report this comment
3
LuPin Says:
March 16th, 2011 at 2:13 pm
Vanapa laiah hming khi ka hriatsual loh chuan Thangzachhinga tiin kan zir thin tlat ani.
Report this comment
4
LuPin Says:
March 16th, 2011 at 2:15 pm
Lo chhiar kimlo lehpek.ha3
Report this comment
5
ReMpY_ScisSoR Says:
March 16th, 2011 at 2:18 pm
Hmmm
Report this comment
6
shailendra Says:
March 16th, 2011 at 2:20 pm
A bengvar thlak hle mai.
Report this comment
7
Nancy Says:
March 16th, 2011 at 2:22 pm
@Ale, nupui ru rual i nih hun a lang ve mai ang.
Report this comment
8
swiftymcvay Says:
March 16th, 2011 at 2:24 pm
bengvarthlak khop mai a
Report this comment
9
megapixel Says:
March 16th, 2011 at 2:28 pm
#2, hehe…

Alejendro v. TuaiSialA. Ka rin leh ka rin
(OT ve khauh te’ng)
Report this comment
10
TuaiSialA Says:
March 16th, 2011 at 2:29 pm
Ka hmaih palh!

Alejendro: DARTHINDENGA SINGH
Ani hi vairama piang leh seilian a ni a, a vai thiante chuan a hming hi lam thiam lovin ‘Alejendro’ tiin an koh ta mai a, chu chu tûn thlengin misual.com nick atan a hmang ta a ni.
Report this comment
11
Alejendro Says:
March 16th, 2011 at 2:29 pm
Eh, ka ru thut mai tur che a sin
Report this comment
12
hlatekhua Says:
March 16th, 2011 at 3:05 pm
Nuteii (Tirhkoh Muka nupui) khi Varhlunchhungi niin ka hriat chu le…(Varlianchhungi ni lo-in).
Report this comment
13
Sandman Says:
March 16th, 2011 at 3:09 pm
Pu James Dokhuma lehkhabu hi ka nei ve ngei thin. Nikum vel khan Mumbai a Mizo zirlai tu emawni in a hawh a, tunge a nih ka hre ta bawk silova, a bo chu a ni mai. Ka va han ui e awwwwww!!!

Report this comment
14
xela Says:
March 16th, 2011 at 3:40 pm
Vanapa hming Chawngzachhinga tih khi ka lo la hre ve ngai miah lo mai, Thangzachhinga tih khan kan zir thin sia, a hming tak tak anih chuan tinge kan zirlaibuah khan an ziah lan loh le!!!???
Report this comment
15
The_Chhamanator Says:
March 16th, 2011 at 4:42 pm
Kei pawh Thangzachhinga tiin ka lo hre thin a..
Report this comment
16
mik3s chongthu Says:
March 16th, 2011 at 4:43 pm
A bengvarthlak e.
Report this comment
17
mr.Duhlova Says:
March 16th, 2011 at 4:47 pm
Bengvarthlak hle mai
Report this comment
18
Mr. Lungleng Says:
March 16th, 2011 at 5:33 pm
Lung ava tileng ve…
Report this comment
19
chawnghilh Says:
March 16th, 2011 at 5:59 pm
Maipawl ka put phah e, a dik lo pawhin rawn ziak mah se, a dik emaw ka tih tho hmel e. ‘Ka pu hming a tel nual,’ han ti ve ngawt mai ilah, Dr Tluangtea pu hming ka hmu rin ran!
Report this comment
20
TuaiSialA Says:
March 16th, 2011 at 6:21 pm
Ehe! Pu Chawnghilh, Rev. Liangkhaia hi i pu a lo ni reng em ni?
Report this comment
21
chhak-chhuak Says:
March 16th, 2011 at 6:30 pm
post tha tak anih khi le…
Report this comment
22
caribou Says:
March 17th, 2011 at 6:10 am
Post tha leh tangkai tak a ni tih hi ka’n sawi hnuhnawh ve ang e.
Report this comment
23
muantea Says:
March 17th, 2011 at 9:24 am
Mizo pa lar zing a mi Nuteii khi a pa viau em le?
Report this comment
24
TuaiSialA Says:
March 17th, 2011 at 10:14 am
Hehe. Pu Muante, part II-a ka comment pakhat ang kha a ni mai e.
Report this comment