Source: Zoram Upa Pawl Thurawn Bu, 1984.
Zopui khuaa Lallula a lal laiin, Thlânrâwn pawi an râwt hma deuh khân Zopui khuaah pasaltha Dawngtea, Khawlhring mi chuan fapa a nei a, a hming chu Lianuma a ni. Mi narân mai ni dâwna a lan avângin amah anga huaisen leh tlâwmngai ni ve turin a duh a. Tindân tinréngin siam that a tum a, hau leh zilh leh thupe lama ti lovin a chova cho chhuaka tihthangtlàwma huaisen tlâwmngai nihtîr a tum a. Chung hun laia tlangval inelna pakhat chu Sakei seh ruang lâknaa hnudâltu nih hi a ni.
Nikhat chu, “Sakei seh ruang lâk tur a awm e…” tiin tlângau a rawn au a, mipa awm apiang chu an liam ta zung zung a, Lianuma pawh a liam ve thuai a. Mut hun vêlah ruang la chu an lo hâwng a. Dawngtea chuan leikapui atangin a lo thlîr reng a, a fapa lo haw chu a han ko va, “Taite, ka kiangah hian lo thu teh, mipui zîngah i lo haw a ni maw? Sakei seh ruang a nih avângin i zuk zâm deuh mai te hi a ni ang e. En teh, khu, hnung lama khu mei an rawn chhi leh ta! Sakeiin a aikaih ngat lo chu mi a seh ngai lo asin; an hlau ngai lo ve. Lo thi ta hlauh pawh ni la, i hming a dai chuang lo vang; i nau a lo piang ang a, Lianuma bawk ka han sa leh mai dâwn asin,” a ti ta a.
Hnudâl hote chu khât tak takin vawi thum an lo thleng a, an en dûn reng a. A hnuhnung ber chu tlâwmngai ber leh huai bera ngaih an ni thîn. Dawngtea chuan a fapa Lianuma hnênah, “Tûn hnuah chuan hnudâl hnuhnung ber nih i tum ve tawh dâwn nia,” a ti ta zêl a. Lianuma chuan, “Ruang lâk tur a awm leh mai ang,” ti chauhvin a chhâng a, Zawlbuk lam a pansan ta a ni.
Ni rei lo tê-ah chuan Sakei seh ruang lâk tur a awm leh ta mai a, mi an liam zung zung a. Lianuma chu a pa hmuh lohvin a insiam a, puandum a ak rû a, a liam ve ta a. Sakei seh ruang chu a tlûk dân leh a mut dân ngun takin a en a, a hawi dân a chhinchhiah fel vek bawk a. Tichuan, ramhnuaiah a biru ta a. Mipui chuan ruang chu an zâwn hâwng a, hnudâl pâwl thum lai an liam hnu chuan thâwm a hre ta lo va.
Lianuma chu a bihrûkna atang chuan a rawn chhuak a, puandum dungchhir zãnin ruang mutnaah chuan a mu ta a. Sakei chuan ruang chu a rawn zawng leh ngei a, a ke atanga a lu thlengin a rawn hnîm a, a kalbo leh ta mai a. A lo kîr leh a, a han hnîm leh a, a kalbo leh ta mai a. Lianuma chuan vawithumna thlenga nghah a tum a, a rei tâk ém avângin a hmai chu a han hawng a, kâwl a lo êng tan tawh a. A insiam a, a haw ve ta a.
A pa khân luhkapuiah a lo la thlîr reng a, ni chhuah hmain in a thleng a. A pa chu a lâwm em em a, a puan te chu a han en vêl a. Mi ruang thi kai te chu a han hmuha Sakei rim a han hriat chuan, “Tûnah chuan fapa ka nei ta!” a ti ta hial a. Lianuma chuan huaisen leh tlâwmngaih chu a nei hlen ta a ni.
Similar Posts:
- Zopui thar(Sonnet)
- Lâwm hle rawh!
- Thawnga lei vir chanchin
- Mihring, Zukchal leh Keipui Intlansiak Ropui
- Pasaltha Zampuimanga.
April 2nd, 2011 at 9:01 pm
Chh1ar 1la…
Report this comment
April 2nd, 2011 at 9:12 pm
Nakina la chhiarah.
Report this comment
April 2nd, 2011 at 9:22 pm
Tlawmngaihna lam pang aiin huaisenna lam pang a kawk zawk mah a ang,,
Ngaihthlak nawm dawn chauh a, tawp daiha ,,,
Report this comment
April 2nd, 2011 at 9:51 pm
ngaihthlak dawn hle maw?
Report this comment
April 2nd, 2011 at 9:58 pm
ngaihthlak (nawm) tih kher tur
Report this comment
April 2nd, 2011 at 10:38 pm
ngaihnawm tih mai a tawk
Report this comment
April 2nd, 2011 at 11:34 pm
Rawl thar Bawkkuia sakei in a seh trum a chhan ngamlo Pasalthra hming kha ka’n hriat mai tawhloh chu, hria in la awm ka ring, khawngaihin han sawi teh u, mi’n ‘Chhan tlak ka la awm eee’ a tih ngawih ngawih pawh a chhan ngamlo Pasaltha hming pu kha!!!
Report this comment
April 3rd, 2011 at 12:17 am
Bawkkuia chhan ngamlo Pasalthra kha maw. ?? aa kei pawh ka hre lo….tak taka post khi ngaihnawm hle mai.khi chanchin khi ka lo la hre ngai lo tawp mai nia..fiction nge tak tak le ?
Report this comment
April 3rd, 2011 at 12:35 am
Bawkkuia chhan ngam lotu pasaltha kha chu Reiek lal Lalluaia pasaltha(?) Taituka a nih kha! ‘Chhan tlak ka la awm e’ a tih ngawih ngawih pawhin an chhan ngam lova, chemte a lam pawhin an pe ngam lo. An lalnuin pawnfenin a vawm zui tak kha. Serhmun pasaltha Taitesena leh a thiante ho thin a khei zak mai. Pasaltha Zingkela phei chuan a vaibel dawn a seh keh a, a hmarcha rawtthleng a rawt keh vek bawk a ni kha.
Lianuma chu a zirtir tlak viau a nih chu. Ka lo la hre miah lo, a bengvarthlak e.
Report this comment
April 3rd, 2011 at 12:42 am
@muantea, thankss (vawiin i absent tho na in!!)
He thilthleng avanga a hmarcha rawt fung nawr bung hmuaihtu pawh kha! a vaibel dawn a seh keh tak rawp rawp kha!! Ka hriatreng aiin ka theihnghilh a tam ta zawk tlat mai, ka tlangval ve dawn tawh a niang!
Report this comment
April 3rd, 2011 at 12:56 am
Ngaihnawm hle mai ! Ka vawikhat hriatna a ni tlat mai.
@Saitawk : Hmarcha rawtfung nilovin a rawtthleng zawk a ni lo maw keh. Muantea pawhin a sawi khi.
Zingkela thinrim lutuk hian a nupui pawh a velh phah a lawm…A nupui lo tawng ve kha nang pawh hi i duh em ni a ti mai a sin.
Report this comment
April 3rd, 2011 at 12:59 am
@lushai_er, ni zawk tak e. Ka chhiarlai kha chuan kei pawh ka thinrim chiang tih chu ka la inhria!
Report this comment
April 3rd, 2011 at 1:07 am
Saitawk, vawiin lam kha chu ka pawimawh tel vena seminar kan nei nileng alawm mawle! In awm tho bawka ka ti ta a nih kha. Ka comment khi i chhiar chiang lo hlauh a nih khi a.
Serhmun pasaltha ho khan sakei huatin an haw ta a, an nun an chan phah ta hlawm a nih kha.
Report this comment
April 3rd, 2011 at 1:16 am
atna chikhat niin ka hre zawk daih kei chu.. Haw hnuhnung bik awm kher a tulna pawh ka hrelo. Mi hmuh leh hriata intih huaisen hi hmanlai khan an hrat, an chapo vang aniang… An chingpen ve tho
Report this comment
April 3rd, 2011 at 1:21 am
Taitesena tlawmngaihdan erawh hi chu ka ngaisanglo overrr! midang tan a bul ah awm a hreawm a, trawng fimkhur a ngai, midang hmakhalh tum ran mi, Mi rilru tih hreawm pawi tilo, Thih huam a chapo ah ka puang dur teh ang! Huaisen chu a huaisen viau lawi si!
Tunlai ang chu nise mifel te chauh thleng phak mi tlawmngai/huaisen a ni ngei ang.
Report this comment
April 3rd, 2011 at 1:31 am
#14, ahahaha..
entikah emo, ka la misual peih te anh cuan nitin nuna tlawmngaih chhuah dan tih lam k la post ag…ahihi.
Ka movie dwnload a zo tams. Despicable_me
mu let tep toh teng.
¤___¤
Report this comment
April 3rd, 2011 at 1:52 am
Hetianga huaisen (tlawmngaihna a ni bawk leu) hi a tulna ka hrelo. At lai thil mai a ni e.
Report this comment
April 3rd, 2011 at 2:40 am
tuaisiala chu…tha thei hle mai a…
Report this comment
April 3rd, 2011 at 8:25 am
‘Tindân tinréngin siam that a tum a, hau leh zilh leh thupe lama ti lovin a chova cho chhuaka tihthangtlàwma huaisen tlâwmngai nihtîr a tum a’
Ts, tithangtlawm hi chu vantlang hmuha tlawm (tlawmngai ni lo) lam sawina a ni mah zawk lo maw, tihminghlau tih te nen a inang khat mahin ka lo hria a.
Report this comment
April 3rd, 2011 at 10:30 am
Ekhai a! Source ka lo dah hmaih a ni mawm.. ZUP-in an chhuah, Zoram Upa Pawl Thurawn Bu, Kum 1984-a an chhuaha mi lakchhuah a ni e. ZUP hi MUP hming hmasa zawk kha a ni e.
@triple: Nia, a dik alawm. A pa khan Lianuma kha midangt ehmaa tihzaha fuihpawrh (ti mai ang..)a tum tihna a ni awm e.
@Taituki: Ka lawm e.
@Midang zawng zawngte pawh: Ka lawm e.
Report this comment
April 3rd, 2011 at 10:41 am
source dah loh manah TSa hi cheng 10,000 chawi tir a ni ang.
Report this comment
April 3rd, 2011 at 10:48 am
Hetchhet! Aduh, sual thiam lutuk mai. Source min dahchhohsak vat teh, ka biak that duh loh hma chein.
Report this comment
April 3rd, 2011 at 10:52 am
khawnge cheng singkhat?
Report this comment
April 3rd, 2011 at 10:56 am
Cheng buaiin buai buai suh. Cheng 420 ka pe ang che a, i duh mai em?
Report this comment
April 3rd, 2011 at 10:59 am
hahahhaha cheng tel lo vin nikhat pawh i awm theihloh kha.. mahse ka fel emm avangin ka’n dah chhoh sak poh che niang chu
Report this comment
April 3rd, 2011 at 11:06 am
Aduhi nge nge hi chu aw.. Ka van lawm thin tak em.. Aduhi ni lovin MinDuhi ni tawh mai rawh.
Report this comment
April 3rd, 2011 at 12:04 pm
Lianuma chu a huaisen hle mai.
Report this comment
April 3rd, 2011 at 12:42 pm
Ka lo la hre ngai miah lo. Tuaitea nge nge, fiamthu nuihzatthlak karah thu beng tivar leh hriat tizau lam a rawn chhawpchhuak leh keuh thin.
Report this comment
April 3rd, 2011 at 6:34 pm
@K’u Kawlpui, ka lawm lutuk e!
Report this comment