Mizo pa lârte lai-ah hming-II

March 16th, 2011 6:15 pm by TuaiSialA

Hrawva: ROLALA
Aizawl venghlui lal, hla phuah thiam leh Mizo zinga BA pass hmasa ber a ni. A pa-in Lunglei kiang Baichi rama Hrawva lui kam a neih kuma piang a ni a. Hrawva lui kama a pa a kal zin ém avânga an koh fiamna chu pu ta mai a ni. Hrawva hi KC Lalvunga pa a ni.
Durra Chongthu: HRANGTHUAMA
Hla phuah thiam, PWD-a SDO hmasa pawl a ni.
Patea: ZALIANA
Hla phuah thiam hmingthang a ni a, ‘Khawbunga Patea’ tia hriat lâr a ni.
Damhauha: LALLIANCHHUNGA
Khawbung khawchhuak, hla lunglênthlâk tak tak phuahtu hmingthang tak a ni.
C.Z.Huala: SAIKHAMA
Kohhran hnuaia sikul hotu pawimawh tak leh Govt. Middle School Headmaster pension, hla phuah thiam hmingthang a ni. ‘C.Z.Huala’ tih hi ‘Chhakchhuak Zawnghuala’ tihna a ni a, a koh fiamna niin a pu hlen ta a ni. (A tu leh fate chu Mission Vengah an khawsa mêk.)
Lalmama: LALHMINGTHANGA
Hla phuah thiam hmingthang tak, Serkawn Middle School Headmaster thîn a ni.
P.S.Dahrawk: KAPHNUNA
Mizo zinga ran doctor hmasa ber leh lehkhabu ziaktu pawimawh tak a ni. A naupan laiin a awmtute’n an dah leh rawk thin avânga a hming lova koh hlen tâk a ni. A hming bula P.S tih hi a hnam hming lamtawi ‘Pawi Sasem’ tihna a ni.
Telela: DARCHHINGPUIA
Mizoram-in Assam Legislative Council-a aiawh (member) neih an nawr avânga jail tâng panga zinga pakhat a ni. Politics avânga Mizo zinga jail tâng hmasa ber an ni a, kum 1926 October ni 27 atanga December ni 2 thleng an tâng.
Subedar Hmuia: ROCHHINGPUIA
Mizo sipai zinga subedar kai hmasa pawl a ni a, tûna ‘Chawnpui Veng’ khu ‘Hmuia Veng’ tih thin a ni.
D.K.Kawnga: HRANGHNUKA
Sikul hotu hmasa a ni. A lârna hming ‘D.K.Kawnga’ tih hi ‘Denga, Khiangte, Kawnga’ tihna a ni a, ‘Kawnga’ tih chu koh duatna a ni.
S.R.Vala: SELKHUMA
Mizo IAS Officer hmasa pawl a ni. ‘S.R.Vala’ tih chu ‘Selkhuma Ralte, Vala’ tihna a ni.
P.S.Chongthu: PAHLIRA
Mizo zinga rimawi tum thiam hmasa leh hla phuah thiam hmingthang, Padma Shri pawh lo dawng tawh a ni a, ‘P.S.Chongthu’ tih chu ‘Pahlira, Sena, Chongthu’ tihna a ni.
Siampuii Sailo: LALTHANSIAMI
Mizo zaithiam hmingthang tak a ni.

A dang tûn hnua lâr tak tak a tam viau a, kan thawhkhâwm liam liam a ni ang chu.

Source: Mizo Tawng Kalphung by James Dokhuma.

50 Responses to “Mizo pa lârte lai-ah hming-II”

1
kilung Says:
March 16th, 2011 at 6:20 pm
Hriat ve mai mai ah atha e.
2
chhak-chhuak Says:
March 16th, 2011 at 6:25 pm
i va hre roh e…
3
swiftymcvay Says:
March 16th, 2011 at 6:53 pm
tha khop mai,an hming putna chhan hi interesting hlom tak a ni
4
Sony Says:
March 16th, 2011 at 7:14 pm
Mzioram a PWD engineer (EE, SDO) in ngaihsan em em na chhan ka hria. An hlawh bak sum lakluh an ngah vang.
5
chhana Says:
March 16th, 2011 at 7:14 pm
Mizo pa larte zingah Siampuii Sailo a tel ve a ni maw? Israel rama Kiriat Arba khaw pa ho inhmuhkhawmnaah pawh kan u Chhuanthangi a tel ve thin.
6
ReMpY_ScisSoR Says:
March 16th, 2011 at 7:20 pm
I lehkhabu refer khi ka duh ve reuh mai2..
__________________________________________
OT mai2 ~ fb atanga k hriat,
Hrawva (B.A hmasa ber) fapa >>KC Lalvunga (thuziaktu lâr) fapa >> Andrew Lalherliana( politician) fapa >> Souljah (rapper!)
disclaimer: just fb gossip, may not be true..no offence intended.
7
Sangpuiipa Says:
March 16th, 2011 at 7:26 pm
Siampuii hi mipa nih ka hriat vawi khat na.
8
TuaiSialA Says:
March 16th, 2011 at 7:28 pm
@chhak-chhuak, a dik tiraw? Hehe.
@Chhana, ni dawn tak e tiraw! I sawi a, ka hrechhuak chiah.
@ReMpY, an chhungkua chu an va zuih chak ve!
9
ReMpY_ScisSoR Says:
March 16th, 2011 at 7:37 pm
Hrawva school a om tak kha aizolah, ka hresual loh chuan. Saikhama kawn tih poh hi k hre thin, khawilai tak nge kha..
10
Fonz Says:
March 16th, 2011 at 7:50 pm
Rempy, souljah anih tawh chuan ka hre lo a, Christian kan ti thin kan tetlai chuan lolzz… mahse inthlahchhawn dan chu i hre dik ang ….chuan keipawh lekhabu reference hi ka duh ve
11
TuaiSialA Says:
March 16th, 2011 at 7:53 pm
@ReMpY, thil i hre ngawt mai. I hre dik ve ve a, Saikhamakawn chu Aizawl chhimtawp lama awm a ni a, Pu Saikhama hming chawia phuah a ni em tih chu ka hre miah lo. Hria an awm ang!
12
TuaiSialA Says:
March 16th, 2011 at 8:04 pm
@ReMpY & Fonz: Synod Bookroom-ah lei tur a la awmin ka ring. A tha khawp mai. Aizawl-a in awm hunah lei ve ngei ngei r’u.. Mizo tawnga thumal inhnaih tak tak (entirnan, silhfen leh thawmhnaw, mawi leh nalh adt.) chu a hrilhfiahna nen a kim khawp mai. Bengvarthlak tak tak a tam khawp mai.
13
H.Vangchhia Says:
March 16th, 2011 at 8:04 pm
Saihnuna Fanai, Leng lal: Mizo Lengkhawm hla phuahthiam hmingthang.

Hlakungpui mual a a lung:
https://i55.tinypic.com/119uib7.jpg

TSA & ReMpY: Saikhamkawn chu Aizawl piah, Melthum thlen hma a ni. Kawn tihah khaw hran eg: Durtlang ang a ni.
14
nimer Says:
March 16th, 2011 at 8:14 pm
va bengvarthlak thin ve le…tuaisiala hian lehkhabu chhuah ve tawh mai se a tha ang a…
15
swiftymcvay Says:
March 16th, 2011 at 8:26 pm
#6 khiii…tha eeee
16
TuaiSialA Says:
March 16th, 2011 at 8:27 pm
@Pu Hv, thlalak i nei tha thei khawp mai. Hlakungpui mual hi ka la kal lo va, ka kal châk khawp mai.
@nimer, lo thlîr reng rawh. Hairehai!!
17
Saitawk Says:
March 16th, 2011 at 10:10 pm
Mizo hnah thlak ram dang a pem ta, mahni hnam phatsan zui, dik inti si, Mizoram tlinlohna deuh sawh deuh deuh thin ho, hnamdang tan a an nghapih ve mai mai ho tawngkam tak hi chu aw!!!!
@TS, ka OT hmasa hrep! Good Post.
18
H.Vangchhia Says:
March 16th, 2011 at 10:35 pm
TS, min On fuh hle mai Hei ka chhang chhangleh nen :

https://i56.tinypic.com/30tl6wj.jpg
19
shabito Says:
March 16th, 2011 at 10:43 pm
C.Z.Huala tunu pawh Hmuifang velah chuan thlalak pui in inchuh viau kha maw le
20
CyberThug Says:
March 16th, 2011 at 10:43 pm
Saitawk @17, ka like hlawm tawp che
21
khumchikthei Says:
March 16th, 2011 at 10:44 pm
Misualah hian comments a va lut lo ve, a reh duk mai. Thil dik lo a awm em ni.

…khrum
22
TuaiSialA Says:
March 16th, 2011 at 10:50 pm
@Shabito, in thawhpuinu kha maw.. Thlalakpui inchuh tham a nia ‘lawm!
@Pu Hv, i la valai kher mai a!
@Saitawk, a dik pah reng!
23
funny Says:
March 16th, 2011 at 11:03 pm
Pu HV: I chhang chhang leh in rinloh laiin an click aniang a. Nang chu nula mi deuh tih takah ilo nui seng hmana, ani lah chu at hmel tawkin a hawi paw pheu mai. NOI

A bengvar thlak khawpmai. Post hmasa atang khan a thupuia, “lai-ah” tih ah hian kalo buai deuha… Zohnahthlak tawng tho, (clan dang tawng emaw) tawngkauchheh hran deuh anih ka ring ve ngawt a. Mahse kala hre ngai miahlo. A post tu hian a tih sual ka ring bawksilova. Post hmasa ah pawh khan ka ngaihtuah ka ngaihtuah a, in hmehlo kati deuh bawksia. Min han hrilhfiah teh u a.
24
H.Vangchhia Says:
March 16th, 2011 at 11:34 pm
funny ni maithei I pic ka tar chhuak nanga
25
hmingtea Says:
March 16th, 2011 at 11:36 pm
A tha hle mai tam zawk khi an hmign tak tak emaw ka lo ti thin a .A bengvar thlak hle mai.
26
Uaiizzz Says:
March 16th, 2011 at 11:43 pm
A bengvar thlak reuh hle mai .
27
Ozima Says:
March 16th, 2011 at 11:51 pm
A post tupa TuaiSialA hming tak hi enge ni ve ang le ? !!
28
wanttostrokemypuppy Says:
March 16th, 2011 at 11:53 pm
HV : Henry Vangchhia Misuala lartak, amah pa kawmnuam tak ani…
29
TuaiSialA Says:
March 16th, 2011 at 11:56 pm
@funny: Lai-ah hming tih chu pianpui hming tihna a nia. ‘Lai-ah hming’ an tih chhan chu, nausenin a nu nunna a zawmna a laihrui ah (zai) chhum a nih atang chiahin khawvelah mahniin nun an rawn tan chiah a ni. Chuta a hming an saka kha lai-ah hming an ti ta a ni.
30
ReMpY_ScisSoR Says:
March 16th, 2011 at 11:59 pm
Saitawk #17 chu min soichhan amo ni le? Chutiang Ka ni miahlo a nia o..heh.
Peh hel deuha inkah hi in ching hrim2.. In soisel duh cu hming nen soi mai tur.. thek thuk hlom mai..
31
TuaiSialA Says:
March 17th, 2011 at 12:09 am
Ah ->> Ât. Hming hmasa ber tihna a ni mai ang chu. Mizo tawng ve rëng a ni e. Tun laiah kan hmang vak tawh lo va..
@Ozima, TuaiSialA a ni tawp!
ReMpY chu in lo kap reng elo?! Shaaala..!
32
aЯsнavї∩ Says:
March 17th, 2011 at 12:14 am
33
funny Says:
March 17th, 2011 at 12:22 am
TuaiSialA #29: A lawmawm e, “Lai-ah hming” tih hi kalo la hriat ngailoh bakah midangin an hman pawh kalo la hre ngai miahlo.
Mahse naktukah aanu ka zawt chiang ang.

Kalo la hriat ngailoh chu thu hran nise, kalo hriat tawh thin ho pawh hi hriat dikloh kalo nei thin alo nia, (example dang han pek tur pheichu ka hrelova) hmanah pawh, ‘hlahthlem’ tihtur ah hian, ‘hlahkhem’ tih kalo hmang char char alo nia, class 10 kan pass hnu khan kan u, ti mai ila kan inkawm ve tho bawka, in min correct chauh. Lolz. Chumi hnu chuan, ‘hlahkhem’ tih hmang dang hi an tawngah hian kalo chik deuh thina, an vang phian lehnghal a. LOlz

Ka naupanlai atanga class 12 vel thleng kha ‘hlahkhem’ tih kalo hmang char char alo nia a zialo tak tak ani.
34
TuaiSialA Says:
March 17th, 2011 at 12:32 am
@funny, kei pawh ka nia lawm! ‘Hlahthlem’ tih hi ‘hlahkhem’ ka ti ve char char thin a, a dik zawk ka hriatna a la rei lo khawp mai. Kan naupan tet laia upa zawkte tawng hman hian keimahni-ah a hril thuiin a pawimawh khawpin ka hria. A chhan chu a dik zawk min hrilhtu an awm miau loh chuan kan hriat dan ang ang kha kan thanlenpui a, a hnua a dik zawk hriat hnuhnawh leh chang hian a dik nia kan lo hriata kan lo hman kha paih mai a’n la harsa duh em em mai lehnghal a!
35
H.Vangchhia Says:
March 17th, 2011 at 1:02 am
Hnarkua aia GK a zau zawk hret theih dawn tak hlauhah…:

Aizawl veng hming thenkhat:

Hriangmual – Mission veng tih tak hi.
Rahsi Veng – Thakthing tlang an tih tak hi.
Kêltawlh veng – Dinthar veng tih nita hi.
Vai hmeichhe veng – Khatla tih nita hi.
Vietnam veng – Chawnpuiah a awm.
Patân – Tlangnuam block veng.

TS, funny in a sawi chen “Lai-ah hming” tih hi khawiah nge i hman a, ka zawng hmuzo thak lo. Rinhlelh riau ka nei a ka zawng ka zawng mai hairehai NOI

funny hian ‘pheiphawk’ a tih ka ring
36
TuaiSialA Says:
March 17th, 2011 at 1:14 am
Hahaha.. Pu Hv, i hmu lo lian lutuk! A thupuiah a chuang kuau alawm!
I comment chu a bengvarthlak khawp mai. Vietnam Veng hi ka vawikhat hriatna!
37
zoho Says:
March 17th, 2011 at 1:28 am
Va bengvarthlak ve. PS Chawngthu chiah hi ka hre ve. A post thupui ‘lai-ah’ tih hi ka hrethiam lo. Eng tihna nge ni?

E…comment ho ka chhiar lo a, in lo inhrilhfiah diam tahw e.
38
H.Vangchhia Says:
March 17th, 2011 at 2:10 am
TS, ‘Lai-ah hming’ tih chu Mizo tawng ah eng tawng ber nge a, Lusei tawng nge, Thado tawng nge, Janispa ka bo map mai hairehai
39
caribou Says:
March 17th, 2011 at 6:18 am
Nau an rawn pian chhuaha an laiin an nghawng a zem emaw, an lai an ak hnuk mai anih chuan, an hming bul lamah “Lai” an telh thin. Entir nan, Laihmingthanga, Laithanchhunga, Laisangtea Ralte, etc….. Ka hresual anih chuan min chhuih leng lawp thei ang, Tuaisial.

Thuziak tha tak tak leh bengvarthlak tak tak i rawn dah chhuak thin a, nang nge nge, i tilawmawm thin e.
40
muantea Says:
March 17th, 2011 at 8:17 am
TS, i rawn thawh tha khawp mai, keimahni hnam chin dan, kalphung leh hun hlui lam hriatna lama ninhlei lo tak tak hi kan tam tawh teh a nia.

Mahse, thumal hlawm khat ‘laiah’ khi hriatchian loh hlauh vang(?) a hyphen hmanga i phel kher khi chu tul lo ka ti. ‘ah’ lai tak khi suffix a ni lova phel kher pawh a ngai lo asin. A nih ang hian ziak la, a hrelo an awm chuan hrilhfiah ni zawk mai se. Heti a nih chuan i ziak dan khi ziak dan tur emaw an ti palh ang e.
41
muantea Says:
March 17th, 2011 at 8:33 am
‘laiah hming’ tih hi Mizotawng dik tak a ni. Nausen hming sak(hming an phuah ngai lo, an sa thin) hmasak ber a ni a, mi thenkhatin (post a rawn sawi ang khian) pu zui lovin hming dang a hriat zui an ni fo thin.

@caribou sawi ang khian nausen lo piang hi a laihruiin a nghawng a lo zem/bat a nih chuan an hmingah ‘Lai’ tih tel lova phuah chu tluang lo turah ngaiin ‘Lai’ an telh kher thin. Ent. Laiawrha, Laibati, ldt.
42
TuaiSialA Says:
March 17th, 2011 at 8:44 am
Ekhai, Pu Caribu & Pu Muantea chu a bengvarthlak kher mai a, khami kha chu ka lo la hre ve ngai hauh lo thung.
@Pu Muante, ‘lai’ leh ‘ah’ inkara hyphen ka dahna chhan chu suffix a nih loh vang zawk a nia..! Ka lo hriat dan chuan, thumal tawpa suffix ni si lova ‘ah’ tih chu zawm a ngaih chuan a inkarah hyphen an dah thin. Chutianga tih tur a nih thu khawiah emaw ka chhiar tawh zãn mai.
43
muantea Says:
March 17th, 2011 at 9:05 am
TS, i hriat sual a ni maithei. ‘ah’ hi suffix a kan hmanin an hmaa thu nen chhiar sual palh hlauthawn vang zawkin hyphen kan dah thin. ‘laiah’ hi kan phel hrang dawn a nih chuan noun leh verb an nih avangin ‘lai ah’ kan ti mai tur niin a lang, a awmzia a la dang em em chuang lo. Amaherawhchu, tawngkama kan hman zel tur a nih chuan phel lovin ‘Laiah’ ti a hman hi tha ka ti viau.
44
TuaiSialA Says:
March 17th, 2011 at 10:12 am
Pu Muante, i han sawi tâkah chuan a dik hmel ta khawp mai! Amaherawhchu, suffix lovah chuan a hranga dah emaw, hyphen dah emaw ka la duh zawk tho mai ka ti! Keima mimal duhdan liau liau.
45
caribou Says:
March 17th, 2011 at 11:44 am
“Laiah” ti lovin “Lai ah” tia ziak hi ka duh zawk. “Lai ak” a awm a, “Lai at” (at chhum/tan chhum) a awm bawk. Tin, “ak” leh “at” verb form chu “ah” a ni ve ve tho mai. A ho em mai. A ziaktu thu thu a ni e.
46
lushai_er Says:
March 20th, 2011 at 9:14 am
Pastor Liangkhaia = Hrangchina

Pu Ch.Pasena = Chawngnghilhlova

Pu Muka = Lallianthanga

Pu R.Zuala = Rallianzuala

Pu R.Buchhawna = Rochhunga

M.Suaka = Suakmichhinga
47
lushai_er Says:
March 20th, 2011 at 9:15 am
Tuaisiala = Tsa khupchong
48
TuaiSialA Says:
March 20th, 2011 at 9:40 am
@lushai_er chu i hre hnem hle mai a! A dang pawh i la hriat teuh ka ring. Nang chu er tàwn tàwn a!
49
H.Vangchhia Says:
March 20th, 2011 at 10:06 am
Laiawrha etc an phuah chhan chu ka hria, mahse “Laiah hming” han tih tak hi ka hrethiam lo, ka bo hu mai avan nuam chiahlo
50
CFL Says:
September 26th, 2011 at 11:07 pm
“Laiah hming” awmzia pawh hre lo mizo in va tam ve maw le.