Nupa a insiam tur chuan, inhual hmasak hi hnam leh ram tam zawka chin than tlangpui anih ka ring. Inhual (engaged/betrothed) awmzia chu innei ngei tura intiamna a kawk ber bawk. Inneihna hi eng sakhaw bia pawh hian kan ngai urhsun tlang hlawm khawp a, holam mai mai a lak chi pawh anilo reng a ni.
Khawthlang (Europeans/USA etc) lam ram angah te hi chuan mipa leh hmeichhia an in ngaihzawn hnu, an inhriat chian viau hnuah leh, an chhungte nen pawh inpawh taka an awm hnuah a mipa chuan a ngaihzawng chu inhualna zungbun alo lei ruk chu hlanin, inneih puiah a sawm ta thin a ni. Chumi hnu chuan an inhualna nemngheh nan chawhlui kilhona (engagement party/shower) neiin hlim takin hun an hmang thin a, chutah chuan an inneih ni tur an puang tawh thin.
Middle East (Arab, Assyrian, Kurd etc) lamah ve thung chuan, in ngaizawng te emaw, an chhungten an lo hual lawk sak te chuan inhualna chawhlui vawi nga (5) emaw an kilho thin a, an ti ropui thin viau mai. Chaw tui tak tak hlui chhuakin., zan tairek thlengin hlimin an lam tawh thin a ni. A zan hnihnaah chuan a innei tura te chuan dan bu (law book) ah an inneih ni tur (wedding contract) an sign tawh thin. An inneih hma ni chiahah chuan, Hena party an tih mai chu an nei leh a. Hetah hian Vai ho tih ang thoin, thlarau sual te hnawhkian nan, an kutah chuan an ziak rang thin. Chutah a innei tura te chu thut dun tirin, pasal la neilo hmeichhia engemaw zatin an din hual a, puan varin an chal te an thual kual ta thin a ni. Chutah hmeichhe pakhat chuan an pahnih lu chungah chuan chini tlang nuai sawmin Pathian hnenah thlarau sual awm te lak sawn sak turin a dil sak thin. Hemi zan hian mo tur chu a hringin a inthuam tlangpui a, Hena party hian vartian thleng a awh thei. An nupui tur te ‘habibi’ an han ti hi mawi zuk ti riau i a! 
Japan(Nihon-jin) lamah ve thung chuan khawthlang lam nen a inzul tawh angreng khawp mai. A danglamna erawh chu , a hmeichhia hian obi (Kimono leh a behbawm) a dawng a, a mipa in mipa thuam Hakama an tih chu an dawn bakah, an dan chuan thil hlu dang awmze nei thil hrang chi kua (9) an inpe tawn thin. Tih dan a hrang nual thei a mahse, Zohnahthlak te angin mân an nei ve. Chumi hmeichhe man chu envelope “shugi-bukuro” an tih ah chuan rangkachak (gold) leh tangkarua (silver) zaisinin phelh mai theihloh turin an tawng tlat thin. Hei bakah hian serh leh sang atam hle mai a, sawi teuh tham a awm awm e.
Zohnahtlak te hian kan pi leh pu te atangin inhualna hi kan lo nei ve thin tawh a. Hnam/Chi a zirin tih dan erawh a dang thei. Lai (Pawi) ho hian hmanlai atangin an lo chin than pakhat chu thiantha ten emaw an fate nakina la innei tura an duh chuan Ar te emaw talhin chawhlui an kil ho a, an lo inhual lawk (tih sak) thin. Hetiang hi Zohnahthlak hnam dangah pawh sawi tur a awm tho. Chutiang ni lova, nula tlangval induh emaw ten inneih tumna an neih chuan an chhungte hnenah palai thlak sak turin an ‘ngen’ thin. A tlangpui thuah palai tur hian chhungkhat laina hnai mi pakhat aia tam, puitling leh zah kai thei tur ang thlan anni thin. A tlangpui thuah palai te hi a vawikhat naah an hlawhtling lo tlangpui bawk. Heihi hmeichhe hmel mawina leh zahawmna siamsak tu pawh a ni thei ngei ang. Palai te hi a hmeichhia te chhungkuain hun remchang/hunawl/hunthawl an neih laiin an leng thin. Palai ten an naua nupui ni thei tura an sawifel hnu chuan an inneih ni te an rawt fel a, an lawm dan tur thlengin chhungkaw hnih te chu an indawr tawn ta thin a ni. Hei hi court ah emaw biakinah emaw an inneih hma Zohnahthlak te inhualna neih dan a ni awm e. Tuma tih buai emaw, an inkara inrawlh a mawi tawh ngailo a ni.
A dang chu….
Similar Posts:
- Rawl sawm tuk lam
- LIVE-IN kan tih hi!
- Mizo inneih dan hi a fair lo
- Inneih Danah hian Dan 2-na a awm em?
- 50/50 kan ti maw…!!!!
April 3rd, 2011 at 11:19 am
A bengvarthlak khawp mai. Pu HVa post reng reng chu a bengvarthlak tia comment chi a ni zel a, a fakawm e.
Report this comment
April 3rd, 2011 at 11:20 am
comment ka hawng e..
Report this comment
April 3rd, 2011 at 11:29 am
Facebook a Engaged ho hi engtak ni ve ang maw…thla reilo te hnu ah hian Single hi rawn in ti thin sia, Mizo te Engagement neih ve dan ni hmiang ka lo ti mai a sin..lolssss
Engaged to.. tih dah ho pawhhi an la biak ck theih zar zar khawp mai TuaiSiala’n a ti
Report this comment
April 3rd, 2011 at 11:49 am
A bengvarthlak leh pek mang e. Helamah chuan engaged ti lampang hian awmzia a nei vak lo anih hmel. Palai tirh hmasaka inneihna buatsaih hi a ni deuh maiin ka hria. Engmah chhungkaw lama inthawt lawkna awm miah lova lova inru lawp lawp hi a tam zawk kan la niin ka hria, thingtlang lam ah ngat phei chuan.
Report this comment
April 3rd, 2011 at 11:50 am
@Hv, Zâwl puan phah hi sawi hmaih chi ani dawn emni? Han sawi zau leh teh khai.
Report this comment
April 3rd, 2011 at 12:19 pm
engagement hi buai thlak ve deuh ani.engagement tih hnua thla thum vela innei loh phei chuan enge maw neuh neuh hi awm duh em em mai leh nghal a.a tha ber chu engagement neih tawh chuan thla thum liam hma a inneih ngei hi a tha ber.A hnuah chuan a sukuk duh .hehhee…post bengvar thlak tak ani e.
Report this comment
April 3rd, 2011 at 12:38 pm
Han hual treuh phawt ila, chuta tang chuan kan duh tak te hnen ah khan Palai han thlak rawih ila, a senso a tlem ber!
A Post tupa hlei hlei hian ania hual hnem thrin ni!!
Report this comment
April 3rd, 2011 at 1:11 pm
Post tha tak nih hi mawle……..Mahse a tak a ti hi an lo awm meuh a ngem aw??????
Report this comment
April 3rd, 2011 at 2:01 pm
mizo tena inneih dan kan neih hi a tha thawkhatin ka hria keicu, mahse a bawhpelh(inruk) zawnga tih chingpen a ngai thin hi chuan a ti buangbar khawp mai…
Facebook-a ‘engaged to’ tih hi duhlian tawng chuan ‘nei hleilo nghei hleilo’ tihna a ti, Godspeed Khawlhringan..
Hail Pu Hv,tha lutuk, adang duh leh..
Report this comment
April 3rd, 2011 at 2:56 pm
@9, hrmizo, facebook a ‘in relationship’ tih awm fo hi engtihna nge ni ang? Han sawifiah teh.
Report this comment
April 3rd, 2011 at 3:01 pm
Mizo-ah chuan vatlang hriata inhual tia sawi tur a awm meuh lo. A ruka inhual a ni.Palai tirh hi chu inhualna thil ni lovin innei fel mai tura hmalakna a ni kan ti thei ang. Mizo hian vantlang hriatah inhual ‘ engagement ‘ an ti lo. Palai pawh hi a ruk thei ang berin an tir thin a, tunhnuah hian kan open ta deuh mai a ni.
Report this comment
April 3rd, 2011 at 4:31 pm
AmiGo… sawi ang deuh khian, inhualna mumal tak hi chu kan neih awm pawh kei pawh in ka hre lo. Palai intirh a, man leh mual, inneih hun tur vel in sawi rem hnu hi ‘inhualna’ angah kan ngai a ni ber mai lawm ni? Tunhma kan pi leh pu te hun a ‘zawlpuan phah’ tih vel lah kha tunhnu hian kan ‘practise’ tawh mang bawk si lo a.
Facebook vel a ‘engage’ tih leh ‘in relationship’ ti vel hi chuan ngaizawng an neih thu an puang mai a ni lawm ni?
Report this comment
April 3rd, 2011 at 5:00 pm
AmiGo VLR Hnamte , Marital engagement hi tlangval dangin an tihbuai/khawihbuai thian tawh loh hun/hnu hi a ni. Chumi hun Mizo ten kan neih ve chu palai thlak atanga inneih/in kutsuih hma zawng kha a ni ta a. Palai lam thu a fel hnuah awm dun lo mahse, khawtlangin an inhual/nupa tur an nih kan hai tawh lo.Chumi chu Mizo ten marital engagement puitling kan neih ve chu a ni mai; heilo liama inhualna!
Heihi tunlaia formal marital engagement kan neih chu a ni, “Zawlpuan phah” hi khawthlang lama “will you marry me/yes” tihna ang, engagement party/shower an neih hma si ang kha a ni mahna, mahse kan hmang ve tawh tlat silo. Hnam dangah pawh inhualna hi vantlang hriatah an ti vek kherlo, an sawmbik te hriatpui a ni ber. A hre tur chi chuan Mizo/sap ah pawh kan hre vek tho.
Report this comment
April 3rd, 2011 at 5:15 pm
HVa paws hi chu hmaih dawn lo rengs! Amah avang hian ka hriat loh tam tak ka hriat phah tawh si a. Pu Hawlkima ka ti mai.
Gud paws!
Report this comment
April 3rd, 2011 at 5:23 pm
A bengvarthlak khawp mai! Mizo te inhualna hi a nghet ve khawp mai!
Report this comment
April 3rd, 2011 at 5:33 pm
@10.awmawmpuia.. phaiah chuan ‘living together’, mizoramah chuan ‘bike in an inphur thin’ tihna a ni mai lo maw..te ka ti deuhvat…
Report this comment
April 3rd, 2011 at 7:11 pm
post a bengvarthlak thin khawp mai…
facebook vela engaged tih dah hi intih tunlaina emaw kan ti ta a ni ber awm e..title ah kan hmang lo chauh a ni ber e..
chhungte hriatpui lem loh hian thla hnih khat an inzui dek dek a,engaged tih zu dah nghal zel a! ka hriat 1 phei chu a thu chauhin an inngaizawng a, a hma pawn an inhre tawh tho a, mahse an nih hnu hian vawi 1 mah a hring a hranin an la inhmu leh ta miah lo va, engaged tih zu han dah dun tho pek a..ka zak an dek viau…
Report this comment
April 3rd, 2011 at 8:00 pm
#17……..kha daih kha sin…
Report this comment
April 3rd, 2011 at 9:50 pm
tha hle mai.
Report this comment
April 3rd, 2011 at 11:35 pm
tha tho e..
Report this comment
April 4th, 2011 at 10:28 am
Banner khi a thlak theih tawh em?
Report this comment
April 4th, 2011 at 10:40 am
Banner khi a thlaktupa a hman velah thlak a ni ang
Report this comment
April 4th, 2011 at 10:48 am
Hnam dangte reu reu hian min lo nuihzat ang e. Kawng in hawng a, khar nachang in hre si lo.
Report this comment
April 4th, 2011 at 1:46 pm
#3
Report this comment
April 4th, 2011 at 1:56 pm
TuaiSiala a mangang khawp mai vawiin chu, banner khi han thlak vat vat teh un…… A reng2ah a tul fahran lo e…. Vaivawm mai mai te chu a!! Kirket!! huhu
Report this comment
April 4th, 2011 at 2:01 pm
@ Z’$ Dr!vE$ Says: Khatin Vaivawm sawisel suh. Cookthe an a hau mai tur che a sin i hlau lawm ni .
Report this comment