(He post chhiar tur zingah hian KTP lutuk te, kohhrana a kul a taia inhmang thin te in awm a nih pawn in huan thlai chu ka pet lo turah ka ngai a. Ka mimal ngaihdan leh literature in thu leh hlaa min pek ka zalenna hmang liau liau a ka ziak a ni tih min lo hriat sak dawn nia. Kohhran leh mimal intih hmingchhiat tumna lam a ni lo bawk)
Mihring te hi kawppui nei tur leh nupaa insiam tura,SIAMTU siam kan ni a. Kan inneih dan tura kan “DAN LEH DUN” hman erawh chu hnam hrang2 kan awm angin,kan tih dan phung pawh a in ang lo hlawm viau ang chu. Hnam dang inneih dan sawi ka tum lo a, Mizo te kan inneih dan chungchang hi ka sawi duh a ni a, chutah pawh hmanlai kan inneih dan nilovin, kristian kan nih hnua kan inneih dan hi a ni. Mizo te zingah rau rau pawh kohhran hrang hrang kan awm angin, kan dan hman pawh a in ang lo viau thei bawk a.
Presbyterian kohhrana awm ka ni a, Kohhran dang inneih dan phung hi ka hre em em lo na in, dan khatna kan tih mai thin ho te hi chu an inang tlangpui turah kan ngai ngawt a.
Ka sawi duh leh tum tak chu DAN 2-na Pres. in kan tìh hi a ni. Baptist chuan DAN TE an tiin ka hria.
Dan 2-na hi a awm em tih chungchang ka sawi duh chhan chu kan Synod puipate zingah Dan 2-na a awm hre lo an awm niawm taka zawhna min zawh avang leh kan inhnial zui deuh tak avangin a ni. (Synod sawichhiat tumna lam nilo vin,kan ngaihdan kan sawi a nge). Hemi tuma kan inhnial atang hian ka rilruah ngaihdan thar alo piang a. Chu chu kan kohhran hruaitute thu hi alo inhmu lo amaw ni chu le ka tih phah a ni.
Min zawhnaah chuan Dan 2-na hi a awm em? tih a ni a, awlsam te in awm e ka ti mai si. Min zawttu (moderator leh a naute) chu ka chhanna ah chuan an lungawi chiah lo ti pawh ka hmu. Mahse ka chhanna chu chhanna dik leh Pres. kohhrana mipui vantlang te chhan ve na tur thoah ka dah avangin ka inringtawk a. Mahse,aw ki mak leh hmel hlim vak loa min ena mak ti awm tak leh tih el lek lek zawnga “Dan 2 na a lo awm a ni maw?” a han tih chuan ka mihring rilru chu a rawn chhuak ve lo thei lo a, thinrim tha duh miah lo vin kan hnial ve ta a nih kha. (Kan inhnialna chu sawi zui lo mai ila)
Engvang nge Kohhran hruaitu lu te hetia an tawng aw ka ti a,ka rilru chuan Dan 1-na an dahsan leh chawisan duh vang a nih ka ring ber. Mahse nga ti nge dan 2-na chu awm lo leh hre awm lo taka a lan si! Dan 2-naa innei te chuan BIAK IN an hawng thei lo a, kohhran hall-ah kohhran upa in zingkarah(atlangpuiin) a inkut suihtir thin a ni si a. Chutah inneih certificate chu Kohhran ngeiin a pe leh bawk si. Synod puipaten Dan 2-na hi an duh vak lo anih chuan an upate pawh Dan 2-naa innei tur te chu inkutsuih tir lo turin thu pe mai se, Biak In hall te hman phal lo se, Inneih certificate pawh pe lo mai se, tichuan an dan duh loh em em chu a bo em loh pawn, mi tam zawk chu Dan 2-na in innei tur an awm mang loh ka ring a ni. He tah chiah hian a ni kohhran puipate leh an hnuaia mite thu a inhmu lo a mi chu aw ka tih, Puipaten an duh vak loh kha an hnuai a miten awlsam te in an lo inneih tir thei zel tho si a. Ka hrethiam ta nuaih lo a ni e.
Eden huan ata tawh,mihringte tana Dan siam a nih atang khan vawin thleng hian Dan chu mitam takin kan la bawhchhe chho mek zel si chu a nih hi maw. Kan mizo inneih dan dik tak te khan han innei leh in court-ah te han innei chho sup sup mai ila, a haw tur tur chu kan Synod puipate tho hi an ni awm si a. Chuvangin Dan 2-na an lawm vak lo hi chu an ti mah mah ka ti deuh a ni. Kohhran upaten engah vak an lo ngai lem si lo a, thunneihna hrang an nei a nia nge te ka ti ta vel mai mai a ni e.
Similar Posts:
- Nupui Pasal Inneih Dan
- Pasal neih vanga kohhran thlak…?
- Mizo Thalaite an sakhawmi lo
- Mizo in Sawnpai kan tih hi…
- Karbi Inneih na ah ka tel ve a.
January 9th, 2011 at 9:04 am
(K)
Eng dan pawh hi Mihringte siam chawp tho a nia, kan thatna tura duan a ni tlangpui a, kan zawm kim thei lo mai pawh a.
Kan tawngkam hman dan mai mai niin ka hria…. a awmzia kan hre vek tho hi maw??
January 9th, 2011 at 9:17 am
Awiii..Zeph.chu leh.. (G) free gift.
January 9th, 2011 at 9:20 am
Kohhran thuchhuak leh ngaihdanah chuan DAN 2-na tih ang chi chu a nih ka hre lo (Presbyterian ah chuan)..Mipui ten kan sawi duh dah mai mai a ni.
Kohhran hminga inneihna (kohhran hriatpuina) kha chi 2 in a then theih a, Biak In hawng ngeia (i.e thianghlim taka innei te) leh chumi tlinlo te inneihna chu a ni. Kohhran hriatpui ve ve an ni a, a larsang berah Biak In chhung-a inneih leh Centenary Hall-a inneih hi a ni awm e. Ngun tak leh dil chhut zawka zirchian chuan Kohhran inphal dan (bungrua etc.. hawh leh hman chungchang-ah) pawh hi heng inneihna chi 2 ah hian a danglam a ni.
Kohhran-in kan Bible zirtirna ni-a hriain chutiang chuan kaihruaina leh Dan a a nei a ni mai a, a tlin te an awm laiin tlinlo te pawh an tam a. Amaherawhchu Kohhran in a hriatpuiin, a pawmpui ve ve a ni.
Tin, Kohhran hi Sorkar leh Dan kengkawhtute an ziazanga a Dan siamte kengkawh bur tura ngaih tur a ni lo. Mi-in Biak In hawng ngeiin an tih chuan, Kohhranin thu a zirchian hnu-ah tling ngeia a hriat chuan a kalpui mai a ni.
Eng ang pawhin Innei ila, a pawimawh ber 1 chu kan inneihna kha a tlo em? Pathian duhdan a ni em? tih hi a ni mai e. Kristian chhungkaw din duh leh tum tan chuan inneihna atangin emaw (a hma pawhin emaw) bul tan chu a ngai ngei ang.
January 9th, 2011 at 9:32 am
ani khawp mai ahrim hrim thu ah synod dan in an lo inruk zuai tawh kha chuan an in neih hun ah kohhran dan 2 na ani mai a…in ru te tih anga ti ve tho mudun te thenkhat in ru lemlo te poh dan 1 na in an in neihtir tho a kan in polh kual vek avang hian dan 1 dan 2 tih vel hi chu a ho ka ti riau…… tin nupui then te kum 3 aral hma a dan 1 na ang a midang neih phal loh tih te kha la awm in ka hria ho riau he2……
Tin, UPC, Adventist, Rc ho hi pasal te an kohhrana hruai luh kher an tum hi ka ngei ania………… 😉
January 9th, 2011 at 9:33 am
Mi inngaizawng, sex pawh hmang tawh/inru tawh. A hnu kum a vei leh hnua Biak In hawnga (a hming chuan dan khatna a ni ve naa; dan thianghlimah ka ngai theilo) innei lehte hian dan khatna chu sawi loh dan hnihna pawh an phak lova; (zahthlak tak a ni. Upa fate zingah pawh an awm nia) chuvangin dan thumna (siambelh mai se) a innei chiah ka ngai.
January 9th, 2011 at 9:38 am
‘Dan 2-naa innei tur te chu inkutsuih tir lo turin thu pe mai se, Biak In hall te hman phal lo se, Inneih certificate pawh pe lo mai se’ tih hi a tha khawp mai.
Mahse Dan 1-naa innei tam tak pawh hi……
Dan 2-na innei pawh an dinhmunin a zir em avanga dan 1-na tlin lo an awm bawk. E.g., In duh ve tak, sex pawh la hmang lo mahse chhungte’n an rem tih bawk si loh, inru ta mai hi an awm ve nuk. Lo eng lo tawh Dan 1-naa innei ai chuan a thianghlim ka ti zawk.
January 9th, 2011 at 9:50 am
Presbyterian Kohhran hian inneihna dan chi hnih kan nei a. Chungte chu Biakin hawnga Kohhran dan thianghlima inneih leh Biakin hawng lova inneih te an ni. Mipui te hian dan1na leh 2na hi kan ti awlsam mai thin a. Mahse hei hi inneih chungchang kan kohhran dan bu in a sawi ang a ni lo. Biakin hawnga dan thianghlim a inneih leh Biakin hawng lova inneih tih hi kan dan bu io a sawi dan a ni. A post tu hian a awmna Kohhran dan tlema a la zir chian deuh a ngai a nih hmel
January 9th, 2011 at 10:51 am
In comment chu a van tha hlawm rem rem ve le. . .chuan Dan 1na,dan 2na tia ka rawn sawi mai na chhan hi chu mipui vantlangin kan sawina ber leh sawi mai awlsam a nih vang a ni e. Kohhran dan bu ah chuan hetiang hi chuan a inziak hauh lo ang. Mahse,a mean chu a in ang reng tho awm e.(i.e Biak In hawng leh hawng lo)
January 9th, 2011 at 10:55 am
DAN chu mihringin kan siam chawp ve mai mai anih si chuan Biakin hawng leh hawng lova inneih tir kher hi a fair loh hmel eee :-O …. Innei tur te awm dan a chhipchhiarin tumah in kan hre si lova pawnlama an lan dan ang khan kan pawm tawp mai thin chu ani awm sia. (N)
Biakin hawnga inneih a har em em a inthen erawh an awlsam leh viau tho bawk sia… huizzz
comment # 4 na Tin, UPC, Adventist, Rc ho hi pasal te an kohhrana hruai luh kher an tum hi ka ngei ania………… a dik ltk a ka nui 😀
January 9th, 2011 at 11:01 am
Hehe. Post leh comment te nen ka chhiar vek a, mihring dân siamchawp aia tha zawka ka’n hmuh chu.
Ka chunga mi nui khian min tinui! Ka ti tak tak! 😀
January 9th, 2011 at 11:02 am
nui ve tak tak mai rawh 🙂 😛
January 9th, 2011 at 11:17 am
Inneih dan ah hian dan 2-na a awm em?
Awm e. 😉
A dang pawh siam belh ni rawh se! 😛
January 9th, 2011 at 11:25 am
chemte-i # 9 hi ka (Y)
Dan 1na inneite hi chu inkutsuih hma chuan hmeichhiat mipatna hman thiang lo kha a ni em?
dan 1na hmanga in kutsuih, in kutsuih hma a nupatna hmang ka hre tam si……
January 9th, 2011 at 11:33 am
Comment dang chhiar hmain!:
Mizoramah hian Kohhran dan (Biakin chhung) a innei theilo te hi mipui hian (Kohhran in aphuah ni lovin) dan 2na kan ti mai thin niin ka lo hre ve thin. Ka hre dik em?
January 9th, 2011 at 11:38 am
Sorkar dana innei tur chuan lehkha ni 30 tar tur. Awmzia chu Presbyterian kohhran ai pawn an duhtui zawkna a awm. Anni chuan ni 14 an duh tawk. Pump puar fe tawh tan chuan thla khat nghah chu rei tak ani.
January 9th, 2011 at 12:09 pm
@Rio Ralte, i thu ziak tehi tha tak tak ka hmu ta fo mai. Hei pawh a tha khat e. I tawngkam hman chungchang ah han sawi duh tlem ka nei ve a. Tun lai kan tawngkam ah thu uar nan keima mimal ngaihdan te kan ti thina hei ai hian ka ngaihdan chuan ti fel êt ta zawk ila a tha a ngem? Keimah kan tih chuan mahni kan insawina a ni a, mahni chu 1 chauh a ni, chumi hnu a “mimal” han belh leh hi a chuangliam mai mai em awh te ka tia.
Tin, dan leh dun tih aiah hian ziaktu tamtak chuan dan leh hrai an ti tlangpui. A dik zawk nge mawni.
January 9th, 2011 at 12:09 pm
Dan 1 na leh Dan 2 na kan tih hi biak in hawnga innei leh hmun danga innei kan sawi hran na mai a ni a, kan hman laklawh dik si lo a ni. A nih na takah chuan Presbyterian Kohhran hian dan 1 & 2 na kan nei lo, Kohhran dan thianghlim vek a ni a, a hmun a hrang mai a ni. Lo chesual tawh ten biak in an hman theih loh avangin hall ah emaw pastor quarter ah emaw an innei a, kha kha kohhran dan thianghlim vek a ni.
KTP report leh report dangah pawh an sawi dan chu ‘Biak ina innei’ tih leh ‘hmun danga innei’ tih a ni thrin, official in dan 1 & 2 na tiin sawi a ni ngai lo.
January 9th, 2011 at 12:15 pm
Dan 1na leh 2na hi kohhran in an nei lova. Biakin hawnga innei leh hmundanga innei an awm. Kan pastor ten dan1na leh dan 2na an hrelo hi thudik tak ani.
January 9th, 2011 at 12:24 pm
Post tupa, in inhnial leh hunah chuan dan 1na leh dan 2na a awm lo e tiin tang tlat tawh ang che.
January 9th, 2011 at 12:28 pm
#16 @Lersia: ‘Nang nge nge’ ka’n lo ti ve leh chhawng teh ang! Ni e, a dik. ‘Dân leh dûn’ tih hi a dik lo, ‘dân leh hrai’ tih tur. Kan sakhaw puithiamte hian intihtak/mûk an tum luat vangin ‘dân leh dûn’ tih an hmang fo mai.
Biakin pawnah emaw, a chhûngah emaw nupui ka la nei lo hrim hrim! 😀
January 9th, 2011 at 12:32 pm
@Rio Ralte….PRESBYTERIAN INKAIHHRUAINA DANAH CHUAN INNEI TUR EMAW, RUIH VANG EMAW, CHETSUAL VANG EMAWA THUNUN LAI TE HIAN SERH LEH SANG, PULPIT LAWN,THAWHLAWM KHAWN ANG CHI TE LEH CHI DANG DANG HI AN TIH A REM LOVA. CHUVANG CHUAN THUNUN LAI TE HIAN BIAKBUK HI AN HMAN A REM LO MAI A NI, ACHHAN CHU INNEIHNA HI RAWNGBAWLNA PAWIMAWH LUTUK A NI A, CHUVANG CHU A NI E.DAN CHI HRANG HRANG PRESBYTERIAN HIAN A NEI LOVA, KOHHRAN DAN THIANGHLIM TIH VEK A NI E, CERTIFICATE PAWH A IN ANG VEK. DAN 1, DAN 2 TIH VEL HI CHU TAWNG TUALLENG, KAN CHHER CHAWP A NI E, OFFICIAL A NI LO.
Presbyterian ka ni bik law, an inneih kaihhruaina bu vel te ka chhiar vang a nia, lo chhiar vela i chiang ve mai ang ka unau…..
January 9th, 2011 at 1:21 pm
post leh comment ngaihnawm hle mai. (C)
January 9th, 2011 at 1:38 pm
Tui hi Pani ani, Pres chu presbyterian ani tih hi kaq hmuh dan a ni e….
January 9th, 2011 at 1:48 pm
Kohhran danin kan innei thin a, biakin hawng pha leh phalo an awm ani mai a! a tha e! Court ah hian chuan chutiang inthliarna a awm pawh ka hre lo! (F)
January 9th, 2011 at 1:49 pm
upc leh DR-A pol te hian engtin nge an tih le?
January 9th, 2011 at 2:04 pm
@Rio Ralte – Ziak tha in ngaihtuah i ti thui e. Mahse thil pakhat chiah ka lo sawisel lawk che: I comments leh posts ah hian capital letters hi duh aiin i uar mah mah a, chhiar a hahthlak a, i rawn au vak vak a ang.
January 9th, 2011 at 2:29 pm
Rio Ralte, Presbyterian kohhran nisi; mahni lawina kohhran inthunun dan leh in kaihhruai dan i van hre lo angreng ve! I mawng i rawn hlim e! 🙂 Presbyterian kohhran hian Dan 2-na kan nei lo! (@)
Dan hi kan siam tur ani. Kohhran pawhin dan leh dun fel tak anei tur ani. Dan leh dun awm lohna ram athang chak ngai lova; chutiang bawkin kohhran, dan leh dun— inkhaihhruaina mumal nei lo, thingzau te hi Baibul zirtirna pela kal te an ni duh khawp mai. Dan hnuaiah hian zalen takin a khawsak theih.
KTP hian hman atang tawhin, Kohhran dan thianghlima / Biakin hawng ngei a innei tam turin hma ala tawh a, hmasawn erawh ahar aniang. Biakina innei aiin, hmundanga innei kan la tam zawk zel mai chu anih hi!!
Hengah hian kohhran, KTP, TKP kan dem hmain, kan chhungkaw inzirtirna; nu leh pate inzirtirna hi kan enfiah hmasak ngam apawimawh khawp mai.
Chhut tham chu — Biakin hawng ngeia innei nge, hmundanga innei, innei hlen tam zawk ang ?
Kan kohhran dan ennawn atana tul nia lang chu. Biakin hawng leh hmundanga nei kan thliar hran rual hian an lehkha ziakah chuan; KOHHRAN DAN THIANGHLIM tih vek tho ani tlat !
Biakin hawnga innei; inngaihzawn lai a mipat hmeichhiatna hmang lova, thianghlim taka inneihna hi chawimawi zual zel ila. Chumi tlin lova, hmundang a innei te hi; tunhma kohhran tih ang deuh khan, ngai pawimawh lo thiam ila. Kan thiante an nih pawn. Mipat hmeichhiatna hmang tawh siin, biakin hawng ngeia an inneih anih chuan, chu chu anmahni leh Pathian inkar ani tawh ang.
Hmundanga inneite pawh, pastor leh upa te thleng pawn kan lawmpui ta lutuk a ( mi khawsa thei fa an nih phei chuan ) ; biakin hawng ngeia inneih hlutna a awm ta mang lo zawk anih hi.
January 9th, 2011 at 2:30 pm
Comment-na lamah an sawi chiang e, Biakin hawnga innei leh Biakin hawng loa innei chu.Dan 1 leh dan 2 tih hi chu kan tawng thlahdah vang mai mai a nih a rinawm, Presbyterian pawh kan ti peih loa Pres ka tia kan duh tawk mai thin. Kan thatchhiat vangin kan tawng hmanah keimahni leh keimahni kan inhrethiam lo fo thin a nia.
January 9th, 2011 at 2:37 pm
sekibuhchhuak thil ka lo zot leh che auh
January 9th, 2011 at 2:45 pm
#27, dik lutuk.
January 9th, 2011 at 2:46 pm
Biak in hawnga innei nazawng hi an thianghlim vek kher lo.
Mak ve deuh chu..an lo inru a. Kohhranin a hrem/phuar a. Ti chuan Kohhranah a lawm lut leh a. Biak in hawngin an innei leh thei ta a!
January 9th, 2011 at 2:51 pm
Biakin hawng leh hawng lo inthliarna hi a thra ka ti ( a fair phawt chuan). Mipat hmeichhiatna hmang lawk miah lova inneih hi a hlu over bik em a ni!
Kan kohhran dana thra ka tihloh chu; nupa ni tawh, a pasal emaw nupui zawk emaw a uire a, a tisual ve lo rawngbawlna an hlip kher hi a thralo ka ti. Punish the culprit…respect and show sympathy to the wronged spouse.
January 9th, 2011 at 3:07 pm
Kohhran danah hian engtin chiah nge Biakin hawn leh hawn loh inkar hi a inziah dan ni ang aw? Rama leh Hmingi kha an lo chetsual dun chuan Biakin hawn chu an phulo tih chu a chiang mai a. Anih leh Rama khan Hmingi nilo nula dang alo chetsual pui fo ta a, Hmingin Rama lo tlangval dang alo chetsual pui ve tawh bawk a. Mahse Rama leh Hmingi hi an la chesual dun miah lova chuvangin an pahnih hian Biakin hawnga inneih chu a rem tihna ani deuh ber ni hian a lang a! Hei hi Kohhran dan lamin engtin chiah nge a sawi hria kan awm em?
January 9th, 2011 at 3:42 pm
Post-tupa chuan hriat sual leh hriat chian loh a nei ve nual a nih hmel mang e! Hetiang thu vawrh chhuah dawn hi chuan kohhran dan bu te pawh chhiar hmasak ni ta se a tha viau lo’ng maw ka ti.
January 9th, 2011 at 3:45 pm
Baptist lam hi chuan DAN THIANGHLIM tih aiin DAN PUITLING tiin an sawi thin zawkin ka hria.
Buaithlak tak ani, Kohhran thunun/phuar chungchangah pawh hian,a in ziak ang diak diak hi chuan kan chelek thei lova, mi Kohhran member puitling a nih a, thuhnunna a tawhloh chuan Inneihna ah pawh ‘Dan thianghlim’ Biak In hawng ngeiin kan innei mai zel a nih hi. Biak In hawng ngeia Inneihna kan ngaihhlut leh ngaihsan vang hian alawm thianghlim lo te paw’n Dan thianghlim kan hman luih talh thin le… te ka ti mai mai.
January 9th, 2011 at 3:49 pm
Awm e tih hi a chhanna chu ani e….ka lom e..hairehai 😀 😀
January 9th, 2011 at 3:57 pm
A va mak hlawm luai luai ve mawle..! Tawngkam mawi zawka a dik zawk sawi mai kha a tha ang, a ziaktu khei rân leh a rilru natna tur ang chi-a tih loh hram hram i tum ang u.
Ka hriat ngai loh ka hriat phah ta teuh mai, post hlu tak a ni. (Post awm lo se comment a awm dawn si lo va!)
January 9th, 2011 at 4:03 pm
Inneihna a Dan – 2-na awm, Kohhran kaltlanga inkutsuih leh Tho Certificate dawng tho, eng chu nge danglamna awm chuang le…
January 9th, 2011 at 4:24 pm
Rio ralte,, Presbyterian kohhran chu i ni tak tak si a maw? I tawngkam hman duh danah hian I ang lo deuh ka ti. Presbyterian kohhran ho chuan “presbyterian kohhran ka ni a” kan ti mai zel, nang chuan ‘presbyterian’ ti mai lovin ‘press’ i hmang zawk tlat. Babtist ho hian ‘press’ min ti tlangpui. Presbyterian i nih chiah loh vangin zawhna pawh i chang fiah thei lova, i post pawh hi belhchian a dawl loh phah ni in ka hria. “Kohhran sawi chhiatna ni lo se” ti mah la thu belhchian dawl lova sawichhiat tum i ang in ka hria, Presbyterian kohhrana inneih dan chu comment- tha tak tak a awm bawka ka hrilh ve kher tawh lo mai ang che, mahse mahni ngaihdan post-pawp zel mai hi chu sim a tha ka ti khawp mai.
January 9th, 2011 at 5:17 pm
Inneih dan chu pakhat a ni mai a,thunun lai te erawh chu Biak In hawng loin an innei thin a,Kohhran dan thianghlim a inneih tir thin an ni an ti.
January 9th, 2011 at 5:27 pm
@Brounmay: I ngaih dan pawh hi thil awm thei a ni mah se duh aiin kan chuk nasa a a lainat awm a lawm le!
Tin, i ngaihdan lo ziah khian Baptist uanau te rilru a khei thei. Link kalo dah a heta comment hi lo en la Baptist nge a nih Presbyterian tih chu i hre thei mai ang.
http://www.misual.com/2010/12/17/mizorama-kohhranbiak-in-hmasa-ber/
January 9th, 2011 at 5:58 pm
“Kan kohhran chuan kan kalphung pangngai hi tha kan la tih rih”. “Heti hian ngai ila a pawm a nuam ber ang,” “Niin a lang,” “A ni awm e” ….Ruatfela Nu tawngkam hi a ropui ngawt mai.. (Y)
January 9th, 2011 at 6:19 pm
Awi. . . Kei chu ka tel velo a nia aw. In luangliam hlawm lutuk, nuam inti hle mai. @Rio ralte hi ka ni ang tih ka va hlau em. Ar chuka mawilo in in chhuah takngial dawn. A paws tupan misual ah a tîm phah ang tih ka va hlau em. Tih sual chang chu a awm ve ngai a nia. A thu ken a thalam i fak sak ve thung ang ule. . . Misual ho fel teh u khai. (Y) (I) (L) 🙂
January 9th, 2011 at 6:56 pm
In han sawi hmangah chuan presi ho chuan inneih dan chi hnih in nei a. A khawi zawk zawk pawh dan 1 na ve ve in ti deuh nge dan dan a awm lo inti deuh. 😉
A hrim hrim ah thil post atang hian ngaihdan sawi (comment) mai ila, a posttu te thleng thleng kan sawisel zel hi chu a tul lo viau in ka hria, fiamthu te anih loh chuan. Tunge mahni ngaihdan ‘hot topic’ deuh te post ngam ang!
Member senior leh puitling zawkte, an ngaihdamna kan dil zawk tur niawm takte pawn ngaihdam an dil lawm lawm lai hian meaningful deuh a inhnial fiam hi a tha zawk e. (Y)
January 9th, 2011 at 7:01 pm
@ SEKIBUHCHHUAK. . . A ngial a ngana sawi chuan Presbyterian hian Dan 2na chu kan nei lo in,dan bu ah pawh a in ziak lo a ni ang e. Mahse inrua innei zawng zawngte hi zawt la, engtin nge in inneih ti la, biak in hawng lo in an ti kual duah lem lo ang. .DAN 2na in an ti deuh vek ang. Tichuan dan 2 na chu kan nei loa,mahse engvangin nge dan 2 na kan tih fo si le? Hemi chungchang hi chu kan thil sawi dan vang mai a ni lo maw. .hetiang deuh hian entirna kan pe ang che. .Mizoram university hnuaia degree course hrang2 exam thinte hian paper hnih khata an fail in ka complaint a,ka in complaint pass a, an ti fo thin. Mahse MZU hian complaint na dan a nei loa, RE-EVALUATION SCHEME erawh a nei si. .mahse kum tinin zirlaite chuan an la complaint reng tho si a. I hre thiam phetphut ang emaw. . Tin e nangai SYNOD thu zawk leh inhnim thuk zawkte pawn engvangin nge DAN 2NA kan neih loh chung si a, DAN 2NA tih tawngkam an hman ve tho si. !Kohhran dan hre chiang em em tu te pawn hetiang tawngkam an hman duh chuan BIAKIN hawngloa inneih hi a tawngkam dangin DAN 2 NA an ti ve maia,chuvang chuan dan 2na hi chu kan nei lo a tihtawp theih bik dawn em ni? He dan 2 na hi kan neilo a nìh chuan SYNOD puipate phei chuan he tawngkam hi an hmang chhuak miah lo vang. .LOLS
Tin,kan thil hming nei loh leh sawidan kan neìh loh te hi kan sawi kan sawi ka hre ngai lo. .SEIKIBUHCHHUAK hming te hi kan thawnthuah nei ta lo ila,kan sawi kan sawi lo anga,i nick ah poh i hmang ngai nek lo ang. .Kan kohhran dan zawng2 hi ka hriat angai lem lo. .TRINITY ah ka chiang a,ka duh tawk. .Kan kohhran dan hi chiang deuh khan lo hria la, vanah pawh i lallukhum a rih phah bur mai thei a sin.
January 9th, 2011 at 8:24 pm
“Dan hi pakhat chauh awm sela, Pathian hriatpuia innei duh hi chu innei vek ila. Pathian hriatpuia innei duh lemlo an awm anih chuan court velah innei ta mai se…” ,a la hla deuh maithei..Mahse a la thleng dawn khawp kan ramah hian. Hetia mipui hmuha ka virgin e tih tihlang kher hi tul pawh ka ti vak lo.(gin lo deuh vek leh nghal) 😛
Virgin a nupui/pasal neite chu an mahni bawkin a ni a hlutna tel tur tho ni. Thupuiah lut ang : Tunah chuan dan hnihna chu a awm e. Ziakin awm lo mahse Dan khatna lo zawk hi dan hnihna chu ani mai. :-O
January 9th, 2011 at 9:38 pm
Ka lo in rawlh ve lawk…. Kei chu Baptist ka ni a, dan hnihna hi kan nei a, mahse dan hnihna tiin kan sawi ngai lova, dante kan ti mai. Hei hi Biakin pawn lamah kohhran hriatpui a inneihna pakhat a ni mai. Dan thianghlim tih hi kan nei lova, dan puitling leh dante kan nei mai a, mahse dante a innei te hi chu phuar zui nghal an ni thin. In sawi tam tak ang khian dan puitling biakin hawng ngei a inneih tlin ve tawh lo ten kohhran hriatpui a inneih duh ve bawksi te tan dante hi hman thin a ni.
Ka ngaihdan… Synod pawh hian dan hnihna an nei lo a nih chuan Biakin hawng a inneih tlin tawh lote hi kohhran hian an inneihna buaipui lose, a ni mai a lawm, an buaipui a, inneih certificate an pe tho a nih chuan eng ang pawhin sawi mahse dan hnih an nei tih a chiang a, dan khatna chu biakin hawnga in neihna a ni a, dan dang chu biakin pawna kohhran hriat pui tho a in neihna a ni.Chuvangin synod kohhran hian inneihna dan 2 an nei a, dankhatna an duh rualin dan hnihna nei tho si in neih an duh lo ni ber in a lang e a………. ti ve mai2 a nih hi…
January 9th, 2011 at 10:27 pm
A hmasain Baptist ka ni e. Inneihna dan hi Dan Puitling kan nei a, chumi kaihhruaina pawh chu fel takin kan nei thlap a ni. Amaherawhchu, Dan puitling phak lote tana inneihna buatsaih ve tho a ngaih avangin ‘dan te’ kan tih mai hmangin inneihtir an ni mai. Kohhran hian Dan puitling kaihhruaina kan nei a, ‘dan te’ kaihhruaina erawh siam a ni lo. Hei hi kohhran kalphung a ni a, tupawh mai hi Dan Puitling a innei thei tura beisei an nih avangin ‘dan te’ inneih kaihhruaina hi siam kher a ngai lo zawk a ni. Synod nen hian kan kalphung a inang khawpin ka hria.
Tin, dan puitling phak leh phak loh chungchangah chuan sex an lo hmang tawh a nih chuan thunun/phuar tur an ni mai. Amaherawhchu, sex lo hmang tawh pawh nise an inpuan tlat loh chuan ‘hmun biru’ a thil thleng chu tuman kan va hmuhpui tawh si lova, ringhlel chung pawhin thunun/phuar ngawt theih an ni lo. An rai anih chuan zep hleih theih a ni tawh lova, a lang chiang nghal ut tawh a, phuar/thunun an ni ta mai thin
January 9th, 2011 at 10:33 pm
Presbyterian te chuan Dan 1 na leh Dan 2 na kan nei a. Pre marital sex lo hmang toh te chu Dan 2 na an ni mai. Vestry ah te an in nei thin. Biakin puiah inneih theih a ni lo. Inneihna hi Pathian siam a ni a, chuvangin mi thianghlim te chauh hi Biakin pui chhunga inneih tir hi a dik. Biakin tih bawrhban a nih loh nan.
January 9th, 2011 at 10:36 pm
Dan lo a inneih dan a wm khiah lo maw? (L) (U) (W) (F) (K) (G)
January 9th, 2011 at 10:37 pm
#39 ‘PRESS’ baptist ho chauh inkan ti bil law mizo ten chuan a tam zawk in tawng tual leng a kan hman a ni.eg,Baptist-mission.UPC-Pa pawl-presbyterian-press(an mah ni ho chuan synod) Salvation army-sipai pawl.
hei hi kohhran in hmuh sitna lam ni lo in kan nu leh pa ten an lo sawi thin dan a nia
January 9th, 2011 at 10:39 pm
Dan pui leh Dan te tih hi kan naupan laiin kan sawi thin.Tunlai chuan dan khatna, dan hnihna tih in sawi a ni ber tohin ka hria.
Dan lo a in nei tte chu inneih ve top ho hi an ni mai em?
January 9th, 2011 at 10:49 pm
Ka lo tel ve lawk.Kan thu hi a phurawm tlat.Mizoram Presbyterian Kohhran hian Nupa Chungchang Dan tha deuh mai kan nei a.Chumi in a sawi dan chuan,Kohhran Dana Inneihna chu Pathian thu zirtirna leh Ram Dan zuia inneih dan tur ruat anga urhsun tak leh puithu taka Pathian hminga nupaa insiamna, a ti.Chutah chuan Inneihna hmun pahnih a tarlan chu-1) Biak Ina inneihna:Presbyterian kohhran mi,dan chhunga awm ve ve-te emaw,kan Kohhran dan chhung mi leh kan pawm theih Kohhran pawl dang dan chhung mi emaw,innei turte chu Biak Ina inneihtir tur a ni.2) Hmun danga inneihna: Presbyterian Kohhran Dana innei tur,inneih nana Biak In hmang thei lo,hmun danga innei turte chu heng mite hi an ni-a)An pahnih emaw,pakhat zawk chauh emaw Kohhran dan zawh kim lo,baptisma chauh chang te.b)An pahnih emaw,pakhat zawk chauh emaw pawh Kohhranin a thunun lai mekte. c)An pahnih emaw,pakhat zawk emaw pawl dang atanga lo pakai,Kohhran Dan la zawh kim lote. Heng bak hi chu Presbyerian Kohhran hian Dan 1-na leh Dan 2-na kan nei lem lova,hmanlai atanga kohhran miten kan sawi awlsamna tawng tualleng mai a ni.Biakin leh hmun danga inneihna hi Kohhran inkhawm pawimawh tak a ni ve ve a, eng hmuna innei tur pawh ni se, inneihtirtu chu Ordained Minister-te,Pro.Pastor te leh Synod ruat anga Kohhran Upa,inneihtir theihna kawltute anni.
January 9th, 2011 at 10:51 pm
Kohhran dana inneih:
https://img221.imageshack.us/im.....edding.jpg
Court dana inneih:
https://img714.imageshack.us/im.....edding.jpg
Tawk hrih mai teh se hairehai
January 9th, 2011 at 10:57 pm
Pu HV leh. hihihi
NOI
January 9th, 2011 at 10:59 pm
a eng pawh chu ni se..in neihna dan ah dan chi 2 synod in in nei tihna a nih chu.a hming erawh mipui ten an koh dan leh an mahni koh dan a hrang..chu mai chu a ni e…eng pawh ni se meaning thu hmun tho a ni e…
January 9th, 2011 at 10:59 pm
@HV: haha..lmfao. in zuk ti thra leh em ni..helaia mi duhtawk mai awm!!!
January 9th, 2011 at 11:24 pm
burgerstud2005 Tih nawn fo a kan thutiam te tiam nawn awn awn hi a tha ve ania hairehai
Chhan (reason) tam tak a awm thei ang, a chhan ni thei tlem te chu… it’s romantic …. read link ahems
https://weddings.about.com/od/y.....enewal.htm
January 9th, 2011 at 11:37 pm
Kawmen chhiar lo in direct pawp mai teh ang tisual em lovang chu
Inneihna ah hian (Synod danah) dan 1 leh 2 hi awm reng reng lo, inneihna reng reng hi Kohhran dan thianghlim a ni vek a, puk lawk lo a inneite hian Biak In an luah a, a chi dang zawngin Hall/Vestry an luah ani mai, a mipui zawk hian dan 1 leh 2 kan ti mai mai zawk a ni e.
January 9th, 2011 at 11:39 pm
Ka in ngaihtuah ka ingaihtuah hian Aizawlah hian nupui neih hi ka ngam chiahlo.
January 9th, 2011 at 11:41 pm
@ngente_ Puklawk pawh hian thla 6 phuar chhung an nghah chhuah hram hram chuan Biak in hawnga Kohhran dan thianghlima an inneih leh phal a ni (Presbyterian danah chuan).
January 9th, 2011 at 11:59 pm
@ Hezeki, Kohhran Komiti a an dil a an phlasak chuan, an phal loh chuan Biak In hawng thei chuang lo aw
January 10th, 2011 at 12:24 am
Ngente soi khi a dik hmel……….Pathian hriatpuina tho a nih hmel court a nih ngot loh chuan lo ti ve ngot……..
January 10th, 2011 at 12:14 pm
Mizoram sorkar hian Marriage Act a hmang tawh em kha? Nge la hmang lo, Innei zawng zawngte ni 30 chhungin In register tur tih e ni ta em kha aw…a hriate khan han sawi teh u.
January 10th, 2011 at 2:25 pm
#50 ka like e
January 10th, 2011 at 2:31 pm
# 54 …hairehai