«
»

Engtin nge ni dawn le?

April 8th, 2011 1:03 am by Xonas

Tun hnai maiah khan mizoram census chungchang thil thenkhat tarlan ani a. Heng a thil lo lang pakhat han tarlang lawk teh ang.

Census neih lai atanga buaipui tawh, nakin hnua buaipui zui la ngai tur thil a awm a. Kan hriat angin sakhaw rin dan dik/diklo avanga hming pe lut duh chhungkaw eng emaw zat an awm a. Mi 3000 chuang zet chuan mizoram chhiarpui neih zawh takah khan hming an p eve duh lo tlat mai anih kha. An rin dan ah chuan kha thil kha sakawlh nambar intanna turah an ngai niin ka lo hria a. Chu lamah chuan sawi theih ka nei lo. Hun in a la rawn hril chho ang chu.

Ka tarlan duh zawk chu engtin nge khang a hming pe ve duh lo, chhiarpui a tel ve ta lo te kha sawrkar lam hian engtin nge a tih tak ang tih hi a ni. A hun lai khan sawrkar lam khan hming pe tur khan vawi engemawzat chu a hriattir anih kha. Mahse chuti chung chuan hei result a rawn chhuak a,mi tam tak chuan an hming an pe lut ta lo chu ani a. Heti anih chuan heti zat hi India khua leh tui ni lo kan awm ta a ni.

Anmahni huatna lam ni lovin,India khua leh tui nih duh lo chu India ram atanga an chhuah a va ngai mai awm em te ka lo ti rilru ve ringawt mai. An chungah hian eng ang dan nge lekkawh anih dawn chu ka hre hauh lo mai. Sawrkar hmalakna hrang hrangah hian ensan an ni nghal mai ang em? tih te pawh min ngaihtuah tir hial.

Tin, thil mak danglam leh deuh han tarlang tel I la. Mizoram chhiarpuia a lan dan chuan khaw 111 chu mihring chen lohna ani hem mai. Engtin nge hetiang zat zat hi mihring chen lohna ni si khua a awm theih le. Mak ve mai mai. Kan ngaihdan thawh khawm teh ang u.

Similar Posts:

Recent Posts:

This entry was posted on Friday, April 8th, 2011 at 1:03 am and is filed under Mizoram. You can follow any responses to this entry through the RSS 2.0 feed. You can leave a response, or trackback from your own site.

20 Responses to “Engtin nge ni dawn le?”

  1. 1
    chiap_chiap Says:
    April 8th, 2011 at 1:10 am

    Hei poh!! Ti leh ang..

    Report this comment

  2. 2
    mamboihi Says:
    April 8th, 2011 at 1:10 am

    Khaw 111 mihring chen lohna awm a nih pawhin, census figure hi rintlak nise tha tur! :-D Heng khua hi an pem darh zo san tihna em ni aw?? :-(

    Report this comment

  3. 3
    H.Vangchhia Says:
    April 8th, 2011 at 1:15 am

    (India khua leh tui nih duh lo chu India ram atanga an chhuah a va ngai mai awm em te ka lo ti rilru ve ringawt mai.)

    A dik ka ti viau mai. Mipui thlan tlin rorelna ramah chuan kan thlantlin te ngeiin dan an siam a, khami dan kha kan zawm that chuan sawrkar pawh a chak sawt thin. Kan zawm that loh chuan ram a tlak chhiat bakah rorelna fumfe neih pawh a har tawh thin. Dan in ti tura min phut emaw, citizen te mawhphurhna ang kan tih zel hian khualehtui tha kan nihna a ni. Vote thlak duh loh te hi khualehtui tha nih lohna a ni bawk.

    Kan tihtur/kan mawhphurhna kan tih hian mifel kan ni mai. Ram tan pawh khualehtui tha nihna (Y)

    Report this comment

  4. 4
    Chhangteval Says:
    April 8th, 2011 at 1:17 am

    Kum hmasa lama kan punna rate kan pha ta lo hi a pawi ka ti, mizoramin nuai 20 vel kan tlin hun hi hmu phak ve tak ang i maw :-O :-P :-P
    Saiha District hi ka rin aiin mihring an tlem daih.

    Report this comment

  5. 5
    H.Vangchhia Says:
    April 8th, 2011 at 1:23 am

    Chhangteval #4 Takam leh Tuikuk puitling sa apiang an tlem deuh tihna em ni dawn le?

    Report this comment

  6. 6
    Chhangteval Says:
    April 8th, 2011 at 1:41 am

    #5 Hv ni mai thei ni :-P tun hma kha chuan serchhip district kha an tlem ber thin in ka hria, ka hresual thei tho bawk.

    Report this comment

  7. 7
    TuaiSialA Says:
    April 8th, 2011 at 1:47 am

    Ka awih lo. :-D:-D

    Report this comment

  8. 8
    jellybaby Says:
    April 8th, 2011 at 2:17 am

    Chhiarpui a in ziak duh lo chu hrem theih anni!Dan in a ngiat anga mipui ten kan tih ngei ngei tur ani tawp mai.

    Report this comment

  9. 9
    kilung Says:
    April 8th, 2011 at 2:43 am

    Ration Card te an han nei lo ang a aw…, an nghei ngam tak2 ngut a nge maw…. :-P

    Report this comment

  10. 10
    D_auaChwngthu Says:
    April 8th, 2011 at 4:25 am

    Sawmna atan sawi ve tur pawh ka hre mai rih lo….. :-D

    Report this comment

  11. 11
    Xonas Says:
    April 8th, 2011 at 5:09 am

    Japan ram lamah lir a nghing leh tlat mai. Tsunami thleng thei reng ani bawk. An va tuar nasa tehlul em!

    Report this comment

  12. 12
    thiana Says:
    April 8th, 2011 at 6:36 am

    A rinhlelhawm hle mai tak a. Heti hrim chuan Mizo & Mizoram data reng reng hi RINTLAK LOH a la ni fai vek anga ti nia. Hetiang result a lo chhuah theihna chhan ni a ka ngaih dan chuan a hmunah ngei ni lovin a awlsam zawngin mahni in ah, mahni dawhkan atangin tute emaw chuan an chingfel a ni ngei ang.

    Report this comment

  13. 13
    zozo vangchhia Says:
    April 8th, 2011 at 7:22 am

    Hna thawhna hmunin a zir bawk a.changkanna aiin changkan lohna thil nen kan inchiah piah hneh nen cencus a tel duhlo ho pawh ka in atang hian ka hmu thei reng.
    an fate sikul an chawlh tir a,sualna nakin lawk a ti pung tur.chhungkua intuithlarna awm phah zui.heng mite hian kum 3 hrehawm kan tuar anga,a hnu lam chu kan ropuina ni anti.chaw atan changel bul rin te pawh an inhuam viau e.nutrients tam khawp ang

    Report this comment

  14. 14
    PayableOnDeath(Zrma_C) Says:
    April 8th, 2011 at 8:08 am

    Hmanni deuh khan kan awmna ah cencus hming va la turin hming la khawmtupa(mi ina kala mi hming va la/chhiar tupa hi)mi inah va kala,in neitupa kha lo muhil sia,kawngka kha knock nasa deuh niang,in neitupa ning chuan a va thram alawm mawle. An inkhawih deuh ni awm tak ani.Police in an man daih :-D

    Report this comment

  15. 15
    Argo Says:
    April 8th, 2011 at 9:05 am

    Chhiarpuia hming pe duh lo 3000+ an nih chuan an chhiar zawng zawng zat atangin 3000 vel chu han belh se kan number chu a dik a ni leh mai lom hahahahahaha

    A zia lo khawp mai, Ram leh Khawtlang tana kan tih ve theih awlsam te te kan tih duh mai thin lohna hi hmasawnna daltu lian tak pakhat a ni ve thei tih hriat reng tur asin mawle

    Report this comment

  16. 16
    Jacka Pi Says:
    April 8th, 2011 at 10:32 am

    Ka vei ve ber chu mihring punna tlahniam zel hi a ni.Family planning thiam chuang si lo in fa neih tlem kan in zirtir nasa lutuk hi a huatthlala awm a ni…kohhranin tunhnaiah hma an han la thar ve chauh bawk sia…hetianf chuan kan rem thei mai ang … :-(

    Report this comment

  17. 17
    caribou Says:
    April 8th, 2011 at 11:43 am

    Mi cheng awm tawh miah lohna khaw tan khian pawisa tam tak sanction se, fanghma no ei hmaks hmaks mai ila, hausak a awl khawpin ka ring.

    Report this comment

  18. 18
    PayableOnDeath(Zrma_C) Says:
    April 8th, 2011 at 12:00 pm

    Mihring awm miahlohna khua te chu ziahlan loh mai tur ania,khua pawh nih tawhloh tawp chu a…
    Threnkhat lah in hming an la ziak duhlo lehngal,a thren in veng/khua an nei a mihring hmingziak tu tur an lo awm lo vei nen! Mak thei hle mai…. A let zawnga nung te pawh kan awng alawm le…

    Report this comment

  19. 19
    MyskyJoe Says:
    April 8th, 2011 at 3:21 pm

    literacy-a kan dinhmun hian ngaihtuah a tithui riau. 2001 a ziak leh chhiar thiam sa kha chuan an la thiam vekin ka ring a. Kum 6 chunglam atanga lak a ni a, Mizo naupang kum 6 chuan sikul kalin lehkha an zir tlangpui bawk sia. Ziak leh chhiar thiam hi pung tho mah ila DAWN A TISEI ka ti riau

    Report this comment

  20. 20
    chawnghilh Says:
    April 8th, 2011 at 5:25 pm

    Min rawn khum pha an awm ta a ni mai e. Ziak leh chhiar kan thiam lo sawt ta hle tihna ni lovin!

    Report this comment

Leave a Reply

You must be logged in to post a comment.