Tawngtaina

April 10th, 2011 5:30 am by Tluanga

Ka tawngtaina hi chhânin awm se la,
Chin lêm nei lo hian lenlâi ka chên ang;
Duhâmna ka kokichhuan ang a,
Midang reng ka hmangaih thei lovang.

Aw, chungnungber, nawmsakna ka dil lo che,
Nun zahawm leh thianghlim nei turin;
Ka theihna zawng min thlitfimsak ang che,
Ka thlarau thlenga hahdamna turin.

13 Responses to “Tawngtaina”

1
Chhangteval Says:
April 10th, 2011 at 5:34 am
Amen
2
thiana Says:
April 10th, 2011 at 7:02 am
A tawi naa tha takin dah tha ang che.Nakinah i la duh khawp ang.
3
caribou Says:
April 10th, 2011 at 7:09 am
Tawngtaina thusei pui puichham chiam aiin a thu a thain a ril zawk daih mai. Thil tam tak kan dil a, kan dilna zawng zawng erawh chhanin a awm ngai lo thung. Kan dil loh zawk te hi pekin kan awm fo nia. Ziak tha khawp mai.
4
muantea Says:
April 10th, 2011 at 8:09 am
@thiana leh caribou sawi ang khian.
5
triplestar Says:
April 10th, 2011 at 8:24 am
Pathian hi kan dawr dan a dik lo fo, a thu anga awm tura inpeih si lo hian kan thu anga awm tir kan tum a, tih tur te kan tuk saka,kan duh ang zawng thil a puitlin theih nan kan dil chiam bawk thin.

Tawngtaina tawi fel tha tak a nih khi.
6
mr.Duhlova Says:
April 10th, 2011 at 8:29 am
Amen….
7
ThaiBoy Says:
April 10th, 2011 at 8:35 am
Chhunginkhawmna a sawirual chi anih hi……
8
Leavi Pcresn Says:
April 10th, 2011 at 9:00 am
A thu a that rualin Duhamna ka Kokichhuan anga.. Min kokichhuan zawk ngem aw..anih loh pawhin kokichhuan khi a hman a rem lo zawk hmel…!!Kan kokichhuan chuan kan duh duhna kan kalpui anga..Min thunun lo ang a, kan duha dahthla a, duh hun a kokichhuan leh ţhin kan ni dawn tihna ni dawn a.. Ka lo duham ang a..tih awlsam mai khi ţha anga.. ţhahnem ngaihpuina lam in aw..
Ka tawngtaina hi chhâninawm se la,

… Duhâmna ka kokichhuan ang a,
9
As_Khiangte Says:
April 10th, 2011 at 10:43 am
Tawngtaina mawi tak a nih khi le, ka dil loh lama Pathian chhanna hi khua reiah chuan kan dil aia thrain min chhang tih kan hre thrin.

Nun zahawm bakah nun hlim, nun nelawm, nun ngaihawm pe tel che rawh se.
10
matea_tmj Says:
April 10th, 2011 at 11:33 am
He tawngtaina Hla Faktea(Speaker) phuah pawh hi Tha ka ti hle mai…. TAWNGTAINA

LALPA Ka Tawngtai ngai thla la,
Ka authawm i hnen lothleng se;
Thinlung ngui leh chaua ka awmlai in,
Nang chauh ka ngai che LALPA.

Hmuhsitna leh Sawichhiatna karah,
I hmelmawi chu alo lang thin;
Nang ka kiang ah i awm tih ka hria,
I kut chak in min chelh reng si.

Mi ten ka awh nan Thang kam in,
Ka Lungngai hmel hmuhchak in;
Mahse LALPA ka hnenah i awm si,
Hrehawm mangan na karah pawh.

Sual chhumpui karah pawh ka LALPA,
Engpoawh thleng se ka zui ang che;
Ka zamlo nang ka hnenah i awm si,
I thutak kawngah min hruai si.
11
shailendra Says:
April 10th, 2011 at 11:44 am
Ava tawi ril tha em…
12
chawnghilh Says:
April 10th, 2011 at 5:33 pm
Jabez-a tawngtaina hian ka rilru a la hneh deuh ber mai, Chronicles thlahtu inchhuina thu ngaihnawm lo tak kara rawn inphum kha… Chhiar ve chiah teh u, in ni nghaih mai ang.
13
CFL Says:
April 10th, 2011 at 6:09 pm
Tawngtaiah hi chuan thiam nal taka chham thin te ai chuan thiam lo tak, mi hmaichhana bia ang maia tawngtai thin te hi an tak hmel zawkin ka hria.