Voin ka veivak vel chu tum loh puiin thu ngaihnawm angreng phian ka hre hlauh mai a; Isarel sorkar hnathawk, lal ve tak ka hmu a, a hming leh nihna sawi lang lo tura min tih avangin kan thup pui phawt ang e.
Engapawh chu nise, eng hnam nge ka nih a hriat veleh Bnei Manashe ho chanchin a sawi nghal phat a, rin loh tak ka hriat phah ta.
“Isarel mi leh sawrkar tan chuan kan hnampui te an ni reng alawm tihin a tran a,” enge a sawi chhunzawm ang aw tiin, hnial miah lovin pawm awm thlapin ka bu nghauh nghauh nghal a, .
“An tamna ber khua chu kan khua atangin a hla hleinem”, ka ti a, a phur lehzualin ka hria a.
A khaw hming te min han zawt a, “Lengpui ania, capital Aizawl atangin a hla vak lo. Thlawhnaa i kal phei chuan airport awmna hmun ania,” ti ten kan hrilhfiah a, “Engtikah emaw chuan ka la zin ang. Ka hmu chak hrim hrim hmarcchhak ram lam khi,” a ti a.
“E, in sorkarin in tanpui nasa viau ang chu ka lo tia. Nang berin i lo han la tlawh miah nange?” ka ti a.
“Hnam ang chuan kan pawm a, mahse soprkar ang chuan kan pawm ualau ngam lo ani,” a ti ta a.
Engatimaw kan tih chuan, “Ekhai, India sorkar hian kan tanpui a remti lo alom. Hman deuha za rual vel an tleh tlak huk pawh khan min rawn bia a, an hlim loh thu min hrilh a,” a ti ta.
“Chutia ni maw?”
“Tehreng mai. India sokar hian kan missionary te tirin kan han bum a, Isarel hnam an ni tihin kan han convert thin angin an ngai a,” a ti ta a.
In han convert reng em ni? Chutiang thu ka va la hre ngai lo ve tiin ka chhunzawm a, ani chuan “Chutiang ka hre bik lo keipohin. Mahse chu chu India sorkar ngaih dan chu ani,” a ti.
“Anih Isarel-a an chhuk khuan enge an tih thin a?” te ka ti a.
“Kan sipai an zawm nasa tih chu ka hria a, mahse an vaiin an zawm em tih chu ka hre chuang lo,” a ti a.
“Golan Heights lamah khuan an tam an tia, ania mi?” ka ti a.
“Kan sipai te hi chu an insawn kual reng a, hmun khatah chuah chuan an awm reng bik lovang,” a ti leh a.
Kan han ngawi deuh vang vang a.
“Hmanni deuh lawk pawh khan Mizoram ami chhungkaw pakhat chuan min lo hmuh an duh a. Kan zawh chian chuan an fapa hi Isarel-ah sipaiin a tang a. An hmu lo rei tawh bawk nen, an hmu chak chuan zin phal na min lo dil duh chu a ni reng a. Chhungkuain an kal thei si lova, an khawngaihthlak khawp mai,” a ti a.
“Sorkarin kan tanpui thei si lova, kan ram ami agency ten an tanpui ringot mai thin ani,” tiin a chhunzawm a.
Thu dangah kan kai a, a hnuah chuan kal a lo hun.
Kan thawh pah chuan, “Ka sawi angin i puangzar ange o. Sorkar nen in nghirngho kan duh lo ania,” tin kan in thlah liam ta a.
Similar Posts:
- Enge in ngaih ve dan le?
- Mini Intl’ Football-ah Chennai Mizote an Che Na!
- Ramdang Sipai
- Mizo tawng ziakdan tlem-II
- Thlangtla bang Mizo,Yunnan Province China -ah!
May 5th, 2011 at 11:08 pm
saitawka@47: an ti dik viau zawk lo maw? khawvel ram danga awmte chu hnathawh vang te leh eizawnna kawng hrang hrang avangte in mi ramah an zuk awm hawh ang chauh a nia. Israel a kal te chu an zuk awm hawh ni lovin an ramah an haw a lawm, an pu manasea hnenah….
israel ka ni inti ho hi chuan manipur atanga kal angin insawi zel se, history leh chronology hre ril zawk ten min zawh hian a zahthlak em mai “mizote hi israel thlah a mi in nih” min ti tawk hi ka tawng fo thin sia, ka zak 
.
Report this comment
May 5th, 2011 at 11:26 pm
Hmingtea, a comment zong zong deuhthaw a HELAMAH CHUAN ti ziah pawh hian Israel tho a sin a sawi
Chuan Chhana, Mizoram diary ziak peih deuh poh hi Juda a in let emawin ti ange…
A ni hi chuan missionary a in ti ve thung a nia. Mahse Israel a kal theih chhan hi chu Juda a a in leh vang tho a ni thung. Ka hriat dan!!!! dik maw dik lo maw!!!!!! Bawkbawn a heh hle an ti bawk 
Report this comment
May 6th, 2011 at 1:38 am
Mahni hnam phatsan kher chu angai em mawn nile aw???Mahse sakhua vang anih chuan..Ruthi bu in chhiar chuan Ruthi-i Moab hnam atanga Juda hnama a in convert ang kha ani mai an tia,a dik ka ti tho mai.I sakhua chu ka sakhua,i hnam chu ka hnam…Ruthi in convert na ang kha an nun pui anih chuan..sawisel lo teh ang…Mahse nive chu tum lem lo phawt ila….
Report this comment
May 6th, 2011 at 11:00 pm
#48 chu a thlawna dawn theih chi i um nasat hmel awt awt hle mai! dawng mawlh teh. Mizo nilo ah chuan mizotawng thiam pawl tak in ni.
Report this comment
May 7th, 2011 at 11:25 pm
#48 rosum duh vang chuan pem lo e.. thil om dan kan soi ve mai ni ee..
Report this comment