Khuhhawnna: Hmanni chu Munirka ah chhungten pawisa min lo thawn leh hlawla, haw lampangah inti thei zetin Nickelback- Rockstar tih hla kha ka ngaithlaa, inti vei zet in ka kal awr awra, kan inchhuih khut mai nih kha. Ka hawi hruk hruka, tuman min en lo tih ka hriat chuan Bus stand ah Bus changin ka thua, hla ka ngaithla ka ngaithlaa, Sp-i hla ‘ka dem lo che’ tih kha kan play a, lung a leng thar thut lehpek a nih kha.
Vai za tam zi nuaih nuaih kara lungleng hmasa berte pawh ka ni ta ve ang. Ngaih a zeng ka neih pawh ka hre silo, mahse tiang hunah hian ngaihzawng kan hriat tirh ve det deta, kan lo chhai ruk ve, a taka kan lantir ngam loh laite kha kan han hrechhuak ve leh hnuhnawha, lung hi a leng thar ve leh em em thin.
Thupuiah lut thut ang: Thianpa siama nen kan college bang haw, kan kaldun lain kan hmalama vai nula pathum lo kal, chhe lo tak tak kan tawha, siama’n thlirzui vawng vawng paha, han ngaizawng thei mai ila chu aw!!! A tih zui vawng vawng kha rilru ah a lo luta, vai hmeichhia ngaihzawn chakna kan neih tlat pek chu le!. Tichuan heti hian rilru ka siama, vairam awm manah vai hmeichhe pakhat tal ngaihzawng ve chin hrim hrim eng tih hi!
Mahse: mahse engtin? Ka huphurh ngang mai. Pakhatnaah chuan ka HMEL hi- ka hmel hi chhia chu ka ti hran lo, mahse thian te leh ngamtlak dang ten ka hmel hi tha an ti lo hle tih ka hria. Chuvang te pawh aniang, thianten ngaihzawng an neih sap sap laia, ka la ui chuang thut reng ni. hmelin puak te lo ti ve deuh nise, ‘kha hmeichhia kha’, tiin thianpa siama te angin hawrawpuiiin kan lam ri ve fawk fawk tur. Tin a reng reng thuah min lo duh ve hlauh te pawh ni ta se, buaina liam tham tak a la awm fo!
A pahnihna ah chuan BABEL insang kha a ni. inngaizawng dawn tak tak pawh ni ila, “Pradhan mantra ne kaha” tih chauh ka hre bel si. Saptawng in han be ve dawn pawh ni ila, ka thiam zawng zawng pawhin Coffee no khat dawm lek pawh a daih dawn lo tih ka hre si. Kan in be thinrim mai mai lawng maw? Aa.. Ani thei lo, ka tum tak tak a nih chuan zaizir talin ka be hmasa tal ang tiin rilru ka la siam ta fana. Pa deuhin ka che mai ang! Mahse nula leh tlangval inchhai nana zaizira inbiak ngawt thu awm suh! Mahse mahse tih vek a ni.
Ka tum nge ruh uicho ruh:Vai nula ngaihzawn tum tak tak chuan kawng hi a awm ve zel ni hmiang ka ti. Vai ramah kum nga kum ruk dawn kan lo awm ve taa, amaherawhchu, Vai nula in a dera min duh der ve eih pawh ka la hre lo, Kei lahin va duh der tange pawh ka ti lem chuang law! Amaherawh chu tun tum chu ka tum tak tak a ni. kan veng lama kan insawi theihna kha ataka tih hlawhtlin a ngai ve tlat.
Tichuan a hmasa ber atan vai nula, kan class- ami chu mitmei pawh hmu hmasa hawt lo chuan kan college Canteen ah chuan ka date ve taa…. Huiham!! Rin lawk ang ngeiin Hindi kha ka thiam vak silo, a ni lahin English kha a lo thiam lutuk vak bawk silo. A hahthlak phian, tichuan kan vawikhat in date chu kan tling tla ve hrama, (kimchang zawkin sawi lo mai teh ang!) tichuan rilruah “Heng Awze hote nen hian chengza tur chu kan ni sia maw leh! Lalpa” kan ti ngawt peka.
HMABAK: Hmabak a ko tan hle! Engtin nge min duh theih ang? Ka insawi thei vak dawn em ni? mahni veng lama kan insawi theih ang kha a theih ve tlat loh. Hun leh nite a liam ve zela, min iai vak lo nge a duh chhe ve hrim hrim ka hre lo, kan han in zui ve ang lawp lawp a, min dem fiamtu thianten vai nula ka han ngaizawng thei kha an awt ve deuh a niang, in sawitheih nan pawh nilo, tem chin ve chak hrim hrim avangin, hmela malsawmna dawng ve lo ve tak thianpa Siama’n an tum ve leh kher a, ka tum pakhat chu ka hlawhtling ta phawt. (Heta tem tih hian a kawmkar va dai tihna kher a kawk lo)
KA ZAK TAN: Vai nula ka ngaizawng thei chu a tirah chuan ka hlim ve khawp mai, zep loah chuan. Khawi ilo kalnaah leh shopping-na velah inzui hun a lo awm lo thei loa, amaherawhchu hnam dang han nih hrim hrim chuan inpawh tak leh thuk taka kal a theih hauh lo.
Mizoram lama ‘Vai chhia’ kan huatna kan chhawm tel tlat kha a apply theih tlat tawh lo. Vai nula hmeltha tak pawh hi kan han hmu hmelchhe lui tlat a, mahse rei a daih lo, hmel chhe te te, chawn puar ping peng te pawh hian Mawi leh nalh chu kan hre vea, kan hisap zuiin kan thlir ve dauh dauh thin. Nie, an sakruang kimtlang leh pianzia a nalh em a ni, keini Tribal ve mai in Vai hrim hrim kan han hmusit ve khanglang/ tum hrang hi chu tlai hnuhnawhah nuih hi a chang chuan a za thin.
Helam ah nge kha lamah: Vawi khat ka hna bang hawlam pang, unau hmel hai hma deuh hlek si hian Cycle Rickshow ka hma lam pan zawnga lo tlan a hnung seat ah, nula leh tlangval inthlahlel hmel taka an inkuaha, an in fawp ngawng ngawng lai hi ka va hmu kher peka, ka dawn khat vang te pawh a nimahna ka kiau suka, mak ka ti angreng hle.
Lodhi Garden leh hmun dang dang Park- ah teihawi leh vahchhuah pah hian Vai nula leh tlangval inthlahleh tak mitmei veng hauh loa, an han in kiss ngawng ngawng te hi chu hmuh peih chung chuan hmuh tur hi an awma, an dem awm lem in ka hre lo, achhan chu keini Mizo te angin an inrim ngai lova, Shopping Mall, Restaurant leh Park ah te leh Cinema Hall leh hmun dang dangah an in date mai thin, mahse tun ami hi chu an danglam tlat.
Main road a ni loa, mahse public place ah ngei an han in chu-e-kha-e tlat kha a mak ka ti ani.. An lo hnai zela, chiang takin ka hmu thei,… ka thinrim chu ka saphata, mak ka ti in keimah zawk ka zak chem chem mai a, a mualpho thlak ka va ti ngai vela,.. Mizo nula leh tlangval an ni tlat.
Kan va peng thui ta em? hmel lam ka zahpui ni lovin, hnamdang a nihna vang a ni. Tichuan zan khat chu ti hian ka ngaihtuah taa, eng vanga in ngaizawng ngawt nge kan nih? Ka Mizo/hnam nihna hi ka hralhphal dawn em ni? nge ka hralh tawh zawk?
Kan Mizo hmeichhe thenkhat ten hnam dang ngaihzawng an neih vanga thiam in chan chawp mai nge ka nih? Tiin ka ngaihtuah chhunzawm ta zela, ka muhil thei lawk lo. He thil a thlen avang hian kan tlangmi pui thenkhat te hian Mizo an hmuh danah hian a tha zawngin nge rah a chhuaha a chhe zawngin?
Kan hmeichhia thenkhat hetia sawisep an hlawh laia keini MIZO MIPA diktakin kan lo tih ve zel hi a tha dawn em ni? “Ka then tur a ni, ka then ngei tur a ni” tiin thutlukna ka siam taa, mizo hmeichhia hmeltha tak tak, chawn leh tituai nalh tak tak, min duh lo tu an tam zia hisap nauh nauh chungin chumi zan chu a changtupa chu a hnar chhunzawm nghal bawrh bawrha…
(A thing ka rawn chhuanglum a ni e)
Similar Posts:
- Pui thei in awm em?
- Hmangaihna Chhunzawmna
- Pheikhawk Philosophy
- Innei turte tana thurawn
- Ngaihzawng neih hi a tha em?
Online hian...
May 6th, 2011 at 11:34 pm
Ka hmasa ber ve tehtlat em. Ka chhiar hmain a ho hmel ka ti
May 6th, 2011 at 11:37 pm
hmul ngah deuh i ngaizawng lo maw? akakrkakraekakekaeaka
May 6th, 2011 at 11:38 pm
Ziak thiam hle mai.
May 6th, 2011 at 11:40 pm
@Hmelchhetea post awm leh ta comment hma in chhiar leh phawt ang…….a paih tir tawh em lovang chu maw!
May 6th, 2011 at 11:43 pm
May 6th, 2011 at 11:44 pm
Hmelthate, i hmel a tha lutuk!
Va dek ngaihnawm thei si ve! A tha hle mai.
May 6th, 2011 at 11:45 pm
zinga chhiarah
May 6th, 2011 at 11:50 pm
“… mitmei pawh hmu hmasa hawt lo chuan kan college Canteen ah chuan ka date ve ta…
Nula tlangval an in date hi chuan midangin ngaihzawn tumin an melh tawh ngai lemlo (an hriat chuan). A awmzia chu date hi nula tlangval inkarah chuan “I am seeing him/her” tih ang deuh, kan ngaihzawn mekte sawina a ni thin. “She is my date/he is my date,” tih chuan midang tihbuai chi inni hrihlo tih thalai dang ten an hria ang. Business date nen a inang lo.
Hnamdang ngaihzawng ka nei fo mai, mahse hmangaih tumin ka thinlung pek ka tum ngailo hrim hrim. Ka rilru ka siam nghet thei hle aniang, a buaithlak tak2 hmain ka kalsan thei zel mai. Mi rilru naa kalsan erawh ka neih ka hrelo. Thian kan la ni zui zel hlawm.
May 6th, 2011 at 11:55 pm
A ngaihnawm vè phían a, eng teh ual erawh min zirtír lo.
Tih tùr dang a váng êm a tih thü a nì e.
Mahsé a psychological side ka han sawi vè mai mai ang e:
Mipàte hi chuan khawiah pawh awm ila, kan awmna vêla nula kan hmuh zin apiang kan ît thei deuh mai zël. Hei hi kan sùal vàng êm êm pawh a ni lo; kan hur vàng zâwk a ni
.
Ka han fiamthü deuh tak nâ a, a hnäi hnäi ban mai hi awl deuh mai a ni, mümal taka invawng tán lo chuan.
Hetah tak hian mi fing leh fing lo chu kan thliar hran theih ṭhin.
Nuláte pawh an ni vè vek.
Khami ûma tlänte kha khawtlángin mi hur kan tihte hi an ni.
I thu ziah chuan mî a zirtír tampui lo nâin i rawn zîak thiam vè phian. Thu ho të ngaihnawm taka ziah thiam hi a ṭhà a ni.
May 7th, 2011 at 12:16 am
Tha khawp mai.
May 7th, 2011 at 12:17 am
vai nula hleitling zet zawt hi chuan min duh se…eh ka easy ngawt ang….i ziak ngaihnawm thiam e
May 7th, 2011 at 12:26 am
@Benny hmeltha min titu te hi ka Pa hnen an thleng lo ang,….
May 7th, 2011 at 12:34 am
Each an ev’ry line carries deep moral impact, it thrills ev’ry reader, I hope so. Seemingly a tiny matter, what a lengthy yarn you spun that swallows me entirely.
May 7th, 2011 at 12:38 am
@hmelthatea, ngati nge?
May 7th, 2011 at 12:56 am
Lunglei lam hranghlui Zosangliana Chhakchhuak[L] hla min ti hrechhuak zawk mai..
“Ka nu ka pa hnenah reng reng pawh sawi suh aw..!
Mizo chu sual si zu heh si, Bawngsa ei bawk si;
Nangmah kal phal lovang, keimah lungleng tap ang.”
May 7th, 2011 at 1:01 am
I ziak tha khawp mai. Mahse hmingbul hi hawrawp pui i dah lo, fullstop hnuah i tan leh khian hawrawp pui i hmang lo bawk. Tin zawhah hian comma hi dah ngei ngei tur kha an ti bawk lo maw?
May 7th, 2011 at 1:04 am
@lushai_er, D ah ka sawm a che Kanchhi i rem thei em? tih hi a hla thupui!
May 7th, 2011 at 1:11 am
A va tha mai mai reuh e. Ka chhiar chhuak dap e.
May 7th, 2011 at 1:14 am
@saitawk : “Kanchhi ka D” tih zawk a ni lo maw ? Tuna i sawi hi a chang khatna tlar hmasa ber.
May 7th, 2011 at 1:22 am
Kei ka vun a ngo a ka in chei peih chuan tha em2 lo mah ila vai karah nanana chuan ka lang ve vuk tho a, Money a awma hun ka neih phawt chuan pakhat nanana hi chu ka kherh thlu thei hrim hrim ang
@hmelthate_ tih tur i hrelo mai mai anih chu, Mizo thil zawng zawng hi an tan thil thar vek ania sawi mai mai tur tam tak a awm alom. Mahse ka la ngaizawng lo, min ngaizawng tlat tu pakhat erawh chu ka tawng ve tawh, a chhe lem lo, lam zirtirtu a ni a a hmel a chk ve deuh mahse a ngo ltk lo. Kathianpa ngaihzawng chu ka len pui tawh
May 7th, 2011 at 1:26 am
@lushai_er : Ziaka ka neih (Roliana Ralte-Fam min pek) ah hian ka sawi ang hian a thupui hi a inziak pek a, Mah re re se zanlai ah ka zai ul ul phah!
Ka ukulele rawp ral ta te pawh ka hriatchhuah chu.. Khi hla khi No 2 hnu ah chuan nalh takin a sak rual thrap thrap theih tawh thrin tunhma kha chuan. I rawn thur chhuak fuh thei mange.
Mut lam hnaih teh ang.
May 7th, 2011 at 1:27 am
a tha ka ti…hnamdang hi chu sawi lovang u…ka hmel chu eng a ni lo….sap leh vai thlahpawlh…korean…naga..hnar ngat ka nih hi…am proud of eL..
May 7th, 2011 at 1:47 am
Vai ngaihzawng neih hi chu a buaithlak an sirias thei em mai…
May 7th, 2011 at 1:52 am
no comments, not a single one
May 7th, 2011 at 1:52 am
saitawka chu Bawngkawn zu/petrol zuar “Kanchhi” min van ti hrechhuak chiang vele hairehai. Kan ri luih luih thin, “Kanchhi ka di,” inah khan… Mitthlaah eng eng emaw alo lang chhuak iai iai mai alawm.
May 7th, 2011 at 1:54 am
Ngaihzawngah leh thianah hi chuan ..a hnam ang zawnga lak theih loh phei chu ani lo ka ti bur lo a..mahse mimal duhzawng bik…hmeichhia/mipa awm ve tlat a…thian a tan pawh mizo kawm duh em2 lai pawha mize in mil lem lo a awm theih ang…chutih laiin culture dang daih ami pawh mil zawng riau an lo awm leh tlat a…..mak ve tak ani ! Hmanlai phei chuan mahni khua ami ngei nula/tlangval ten neih an tum hram2 thin..mahse an tum ang ani lo fo bawk…Aizawla mi ngei neih tum tlat te pawhin Aizawl ami lo deuh nei an awm nual mai….
May 7th, 2011 at 2:12 am
#26 OPa of tribal Power khan ‘Aizawl ami ngei’ tih hla kha enge a phuah chhan ni ang le aw
May 7th, 2011 at 2:18 am
hmangaihna hi chuan hnam a thliar ngailova awmhmun leh mihringin thutlukna kan siam a zirin, kan nupui pasal tur hi chu a awm mai niin ka hre thin…hnamdang neih leh neih loh thu ah hian sex ratio ah hmeichhia an san zawk avang hian hnamdang nei hi dem ngawt theihloh chin chu a awm ve tho ania….vai hmeltha takin min lo biak hmasak emaw min lo seih khum hi chuan insum har tak ania…ka dem hauhlo che, in date hi chu ka hriat dan chuan hmun fianrial tuma tihphakloh va hmangaihte hun hman hi a ni in ka hria a……ilo sawi dan hi chu bem ang hi niin ka ring
May 7th, 2011 at 2:25 am
keichu punjabi chhas nei hmiah ho mai2 hmangaih ve miau alom.
May 7th, 2011 at 2:28 am
#29: A tha lutuk…..
Mizoramah lo hawn ngei ngei rawh….
May 7th, 2011 at 2:39 am
#30 Krista vei reuh të der der chu.
Rui lungpúama dak mai mai i ang lehpek ngêi mai. I tihdàn tlángpui a nih hmël.
Kan hnam hi i inhum hräm hräm ang u.
May 7th, 2011 at 2:40 am
#27 kei chu ka hria
Tribal Power sawi takah chuan NE Beat contest chho vela ka buai ve nasat theih zia kha hairehai. Pakhatna an nih hnu phei kha chuan OP-a te inah thla 1 chuang kan khawsa luih luih. Mizo artui Saitual atangin kan chah thla thin a, kan hip leh pawp mai thin huiham. Nervous breakdown neih phah te an awm vel mawle hahahahaa
Concert in a chhu zui a, a kal hmasaah ka tang thin a, eng eng emaw lo buaipui khan. A lunglen thlak zawk mange…. Trumana Australia ah a awm ta. Op-a Kulikawn ah, Rema lah hmmmm, Maitawka thi tawh bawk.. ka lung aleng roh mange a, ka insawi lungleng dawn tlats.
May 7th, 2011 at 2:42 am
27, keipawh ka hria in ka hria
May 7th, 2011 at 2:43 am
ZoIITian: Fonz an thil a zawh che saw chhang ta che….
May 7th, 2011 at 2:43 am
edit
May 7th, 2011 at 2:45 am
hnam lungphum hi enge ni…..kan hnam lungphum chu Lal Isua Krista kan ti ani lawmni hemi a kan ngheh chhung chu a nghing lovang
May 7th, 2011 at 2:48 am
@Benny- hmeltha hmeltha mi ti nazawng ka pa fapa khan ka ramah an lut loang a ti em maw ni kha,..lol
@lushai_er- i ti lawmawm e, hei aia fimkhur ka lo tum ange, nie, mahni tawng ngei pawh hi a ziah meuh chuan rin ai daihin a har thin, mi ina min fak hluam hluam hi chuan, a ber emaw ka nih tih hi a awl thina, chuvangin i thurawn chungah ka lawm e, ka lawm em em ani, lawm namen in ka lawm lo love,
May 7th, 2011 at 2:54 am
I ziak ngaihnawm thiam e. A taka i tawn anih kava ring em……
May 7th, 2011 at 3:05 am
@Covenanter, leh Pu Hv in date chungchang in rawn sawi hi a dikna chen chu a awm alawm, indian nih manah vai base in sawi ta ila, atam zawkina Arrange marriage an buaipui hian, in date tih thumal hi chu la inngaizawng leh la induh chiah lo te pawh ina an hman niin ka hria, thawk phita laka va propose nghal chut lam niloin, keini mizo te anga nula rim te an neih loh avang hian, a engkim ah ti mai ang an in date dan chu, chu chu anie, ka diklohna ah thupha chawi ka hnial lo,…. Khawnge Sangpuiipa kha, la lawm e
‘Aizawl ami ngei’ tih hla kha
enge a phuah chhan ni ang le
aw
Report this comment
28
covenanter Says:
May 7th, 2011 at 2:18 am
hmangaihna hi chuan hnam a
thliar ngailova awmhmun leh
mihringin thutlukna kan siam a
May 7th, 2011 at 3:05 am
@Pu HV & @Fonz_ In hriat chu ama personal business liau2 anih chuan ka hre chak chuang lo.
Mizoram ah khawdang a awm teuha “Mizoram a mi ngei” ti loa Aizawl lai tak kha hmun dang nen compare a neia duh chhan bik a nei anih chuan chu chu ka hre chak. Aizawl ah bialnu a neia a duh em vang chauh anih chuan hre chak chuang lo 
May 7th, 2011 at 3:11 am
ASteric-a te ho inbiak dan chu a Detective Denga deuh ve aw…
May 7th, 2011 at 3:12 am
A va mak teh duah e! Ka comment chu, a tawp lam khi! Zante a rei ta, Opera mini atang hi chuan a edit theih tawh siloa, min lo hrethiam teh u, a bikin Krista
May 7th, 2011 at 3:17 am
covenanter chu vai nula zunah i lo uai ta mai em ni…iva rawn sawi mawi ve…hahaha…
May 7th, 2011 at 3:21 am
@hmelthate: Its ok…..
Fellington: Nangma tan a ziak a nih kalo ring deuh zawk a…..
May 7th, 2011 at 3:43 am
#41@Krista _ Ka hriat chakna hi a pawimawh viau maithei a nia…
May 7th, 2011 at 6:01 am
Ekhai,chhiar a nuam hle mai a dap dap mai a
May 7th, 2011 at 6:33 am
Va MAN lo ve..
May 7th, 2011 at 6:53 am
A ngaihnawm khawp mai. Mahse, a thawnthu bul lama English leh Hindi i thiam loh zia khi a fuh lo deuh emaw ni chu aw ka ti, i uar mah mahin ka hria. A tawp lam khian i phet deuh. Vai tawng chungchangah kha chuan vai ramah kum nga kum ruk i awm tawh a, chuti chen chen awm ta chu mahni insawikuakna khawp chu i thiam ngei ang. English i thiam loh zia pawh khi i sawi uar uchuak khawp mai. English-a lém vel i ni awm si tho si a, vai tawng i thiam mang loh miau avangin. Tin, lehkha zir/hnathawka vai rama kum nga kum ruk awm tawh tan chuan English thiam bel lohna tur ngawt a awm lo ka ti. Tin, i thuziak i uluk lo mah mah. Hawrawp chhutsual ka hmu nual. Chhutsual rau rauah pawh pawi leh pawi lo chi a awm. Misual.com chhiartu an tam si a, thu kan post dawn hian comment thinte thlir lovin comment lem lo pawha chhiar thinte ngaihtuah tel thin a tha, an zahawm. Ka chhiar uluk avanga han faksel mai ka nia. Kei chuan tha ka ti, zirtir pawh a nei tha ka ti bawk. Tin, ngaihnawm ka ti hle.
May 7th, 2011 at 10:19 am
Vai hian min star thei lutuk a,mahse ka duh lo…te han ti vel i la,a awihawm loh ngawt ang!
May 7th, 2011 at 12:09 pm
Vai nula chu ka kawp ve thin tawh. Mahse ka hmangaih thei miah lo.Time pass ah an tha ve mai mai a, vai mipa ho pawn ka mizo nula te an dim bik chuang lo.
May 7th, 2011 at 3:19 pm
@48 TuaiSialA, i ti lawmawm e, han uluk viau pawh hian keini ang duang tan chuan a har deuh emaw ni aw, a ziah lampangah hian tih ngaihdan te ka neia, English leh vai tawng hi chu (helamah)kan hman tam ber ani nain, English ho te ngei pawhin an thiam chian loh ang deuh hian mahni tawng nilo nana hi chu ziah sual te hi a sama, tihsual nawk nawk chang te hi chu a awm ve thin ani e!
May 8th, 2011 at 10:09 pm
Engvangin nge Mizo nula vai ngaihzawng nei an tam em em laia, Mizo tlangval vai ngaihzawng nei an tlem em em le?A zahthlak lutuk_ sum kan neih tawk loh vang ani.Vai leh Negroho hian Nupi 2/3 te an neih pawhin Sex lamah duh tawkin an chawm hneha,Kha kha mizo nula in voi 1 vel a va tem zeuh pawn a zawngchhang ta thin ani.