Ziah tur a vang em mai, mahni tawn hriat ang ang hi thai kawi mai mai teh ang. Mi fate’ thla leilung vaivut an palh darh chum chum atanga thangkhat zet a liam hnuah leh internet khawvelah hmun sang ber ber kan chuan hnuah pawh hian bill pe tura luhai bur leh kawng na vek khawpa intlar a la bang thei lo.
Post paid mobile phone bill leh landline bill pe tura rei tak tak intlar ninawm zia leh hun kan paih nasat zia hi aw. Hman deuh lawk khan BSNL mobile post paid bill online hmanga pek dan hi ka blog lamah ka ziak tawh a. Tun tum chu online hmanga landline/broadband bill pek dan ka han ziak ve teh ang. Landine bill pek dan leh mobile post paid bill pek dan hi a inang deuh reng na a, ka han ziak ve leh hrim hrim anih hi.
BSNL broadband hmang kan thahnem ta hle a, bill chu landline bill ah a bet tel nghal a. Broadband connect a, online ve tlut tlut si, bill pe tura mi tam tak kara intlar ve tho te pawh ka hmu. Engah nge zan hunawlah an online laiin bill chu an pek nghal mai loh le….ka ti ru nauh nauh thin.
Bill pe thei tura in register dan:
A hmasa berin bill zat hre tur leh bill pe thei tur chuan mahni bank account hawnnah netbanking neih a ngai a, tin BSNL website ah i in register hmasak a ngai bawk. He link https://portal.bsnl.in/portal/aspxfiles/login.aspx ah hian i lut phawt ang a. Log in form a lo lang ang a. A hnuai chiah ah khan in register na tur “New user? Sign up” a awm ang. Kha kha han click keuh la, i in register dawn nia. I in register zawh tawh chuan log in rawh le.
“Click for individual landline bill payment” kha click leh la, chimi hnuah “Enroll phone accounts” kha i click dawn nia. Select tur a lo awm ang a, North East kha select mai tur. SSA ah khan in khua i select mai dawn nia. Phone no leh Account no type na tur a lo awm ang a. Account No kha chu i bill hluiah hmuh mai tur a awm ang a, bill la nei lo tan chuan office ah zawh mai tur.
I in register atang hian ni khat tal nghah ve a ngai a, chumi hnuah chuan a ngi bawkin i lut leh ang a, i log in leh thlap ang a. i account a nun tawh chuan “View/pay outstanding bill” tih kha i click ang a, i bill zat a lo lang mai ang.
Bill pek dan tur chu le:
I in register zawh hnu chuan Login form atang khan han lut rawh le. Click for individual landline bill payment tih kha click phawt la. View/Pay Outstanding Bill tih button kha i click leh rawh. Select Circle tih inziak a lo awm ang a, North East kha select ang che. I outstanding bill a lo lang ang a, chutah chuan i phone number leh Bill number a lo lang ang a, i bill zat nen.
Bill i pek duh chuan Bill number kha click ang che. Tichuan complete bill details a lo lang tuarh mai ang. A hnuai ah khan Bank select tur a lo lang tuarh bawk ang. I netbanking neihna ber kha han select la, tichuan Make Pay button click rawh…
I click veleh a hnuai ami hi a rawn lang maithei a :
The portal system has detected attempt(s) to pay this bill earlier but we have not received status of those payment transaction attempts from the BANK system at this moment. Please press OK, if you have not made the payment successful in the BANK or press cancel.For more details, please refer to the NOTE at the bottom of this page.
Khitiang khi a lo lan chuan OK i click ve mai dawn nia
Make Pay click hnuah chuan chuan Maawma of misual.com in a sawi fo thin Payment Gateway lamah ah a luhpui tawh ang che a, i netbanking account ah a luhpui daih dawn che a ni.
(Hetah tak hian kan bank account neihna a zirin a rawn lan dan a danglam thei ang. Kei chuan SBI ka hmang a, chuvangin SBI lama a landan chiah ka hria. Bank dang atang pawhin harsa lo turah ngai ang.)
Mahni online bank account a kan luh hnu hian BSNL Nationwide Landline bill payment form a lo lang a, kan pek duh zat a lo lang nghal bawk. Account Number click turin a lo lang a, click hnuah chuan Confirm button kan hmet ang a, chumi hnuah confirm verify turin a lo lang leh ang.. Confirm kan hmeh veleh keimahni mobile phone ah high security transaction password an rawn thawn nghal a, chu password chu kan fill up hnu ah confirm hmeh leh tur. Security warning a lo lang ang a, chutah chuan Submit kha click mai tur. Tichuan bill kan pe zo ta tihna ani mai.
BSNL site ah min dah lut phei leh nghal a, chutah chuan kan bill pek dan zawng zawng Receipt Details a rawn lang tuarh mai. Chu chu save hmak emaw, print emaw a tha. Enge maw complaint a tul thut pawha complaint nan la tangkai tur a ni. Hei hi kan print chhuak kher lo anih pawhin kan online account atang khan payment kan neih tawhna a awm a, chuta tang chuan awlsam takin a en theih reng thin.
Online bill payment hi:
Tunlaiah IT lamah nasa takin kan thangharh a, kan online ruih ruih a, zan rei tak tak thlengin kan men phah a, zing lamah lah thawh kan hai phah fo bawk. Heti taka internet kan uar chhoh tawh hnu pawh hian online hmanga bill pek theih kan la nei tlem khawp mai. Bill pe tura office va pan vang vang te, office thlen tawh hnu pawha bill pe tura sei tak tak intlar a tul thin te hi a ninawm mai bakah hun hlu tak tak kan paih thin. Veng tlabirh leh daifem deuhva khawsa tan phei chuan bill pek hi hna khat a tling hial thin.
Online hmanga bill pek theih anih chuan internet khawih pahin zan hunawlah emaw kan click keuh keuh ang a, awlsam takin bill kan pe zung zung mai dawn a ni. Tui bill leh electric bill te pawh hi online hmanga pek theih ni tawh sela a zia khawp ang le.
(Lo la kawi palh an awm takin, BSNL a thawk ka ni lova, BSNL tan ka ziak hek lo. Broadband hmang kan tam hle a, online hmanga bill pek mai a awlsam zia, ka experience atangin ka han ziak ve mai mai anih hi)
Similar Posts:
- N.E. a Computerised Billing System hmasa ber hawn a ni
- Earn money online + my payment proof
- .IN domain for 200 rupees
- Do Not Disturb services
- Internet a pawisa hlawh i duh em?
May 13th, 2011 at 3:03 pm
frost chan ah dah ang ๐
May 13th, 2011 at 3:03 pm
E va tha awm ve, tangkai khawp ang. post tha tak a ni e
May 13th, 2011 at 3:12 pm
Post tha tak a ni. BSNL hmangtu zawng zawng khan hria ula, bill pe tura intlar dul pawh a ziaawm deuh tawh mahna le.
May 13th, 2011 at 3:24 pm
Prepaid card lei mai ka thlang zawk. Credit card hman hi a risky ka ti riau
May 13th, 2011 at 3:35 pm
OT: mutton biryani ka ei chak eeeeee! Nizan ka mumanga ka hmuh ang chiahยฒ kha ni thei se ๐
Caribou, ka rawn OT sak lawk che…sorry! ka thil eichak au chhuahpui a lang tlats. I post ah lo ka OT ngam si lo ๐
May 13th, 2011 at 3:36 pm
Caribou chuan Mizoramah internet speed chak nawr chhuah a hun tawh hle tih a rawn nemnghet ani maw. Post tha tak a ni e. (Y)
Malware, spyware tih vel lakah fimkhur angai teh ania.
May 13th, 2011 at 3:38 pm
Tinge A EDIT THEIH LOH leh tak. A chang leh a tuka lo luh leh paw’n a la edit theih a. EDIT theih/theih loh chungchang hi misual nawm lohna ber ani awm e. (N)
May 13th, 2011 at 3:45 pm
BMW a ot bawk a, kan ot ve leh … he korean te hi an fel in thil nei tur an nei tui..soju pawh an nei tui ๐
http://www.brandsatlarge.in/clients/gung/gung-menu.pdf
a korean hle mai
May 13th, 2011 at 3:46 pm
Post tha tak a nie, kei chuan ka chhawr tangkai teh chiam lo, mahse hetiang ho tak anga lang, mahse pawimawh fe fe ziahna chang kan hria hi hmansawnna chi khat a nie, mi tam takin an chhawr tangkai ngei ka beisei (Y)
May 13th, 2011 at 3:48 pm
@H.Vangchhia, MOrning hma ve … ๐
May 13th, 2011 at 3:57 pm
@fonz: grilled fish leh bbq beef ribs kha tui ang (Y) mahse a van to hlawm ve (N)
May 13th, 2011 at 4:00 pm
Thahminga #10 nimin atangin kala mulo alawm.
BMW, Sakhi steak kala nei asin, chaw lo ei ta che. Sawrkar phalna thlap a kah ngat mawle. ๐
May 13th, 2011 at 4:02 pm
@bmw nia to hlawm khawp mai.
May 13th, 2011 at 4:08 pm
HV, yessss… ka lo kal nghal! Mizorama sakhi sarep anga an zawrh thenkhat ai chuan a sakhi deuh zawk ang ๐
May 13th, 2011 at 5:27 pm
eticket te pawh hi online a lei mai a sam khawp mai, tunhma train ticket book tura nileng thak a intlar a ngaih thin lai te nen khan a danglam ta hle mai
May 13th, 2011 at 5:44 pm
Phone bill chu ka pe thin.. mase ka intlar tak poh ka la hrelo.. (Y) ๐
May 13th, 2011 at 6:45 pm
He post hi BSNL post paid hmang tan chuan a thain a tangkai khawpin ka hria. Ka like e (Y)
May 13th, 2011 at 7:07 pm
Eheee…. a lo chhuak anih hi. Ka edit leh ang chu ka tia…. ka theihnghilh daih. Italicised leh bold ngai te a tam asin maw le. Ka buai deuh a, ka post tih ka theihnghilh daih alawm. Sorry.
May 13th, 2011 at 7:11 pm
Hriat ve mai mai atan, sorkar hnathawk tan broadband bill hi 20% discount a awm kha aw. Hei hian bill a tihtlem phah teh mai ania.
May 13th, 2011 at 7:13 pm
Ka lang khat bawk a, ka mikhual ruihin ka inhria. A tha dawn khop mai, ti ve teh ang.
May 13th, 2011 at 7:19 pm
ava lawmawm don ve. Apply ve hmiah teh ang, discount chu.
@sonju-a, kan (ka) la hre reng che a nia… welcome back… hehehe…
May 13th, 2011 at 7:22 pm
Kei paw’n sonju_a ka la hre reng. ๐
May 13th, 2011 at 7:24 pm
Sonju-a, Welcome back. I reh rei vang vang khawp tak mai.
@Pu Shai: Kei paw’n ka apply a, ka plan aia tlem ka bill ah a lo kal.
May 13th, 2011 at 7:51 pm
Broadband chu sawi loh, inah chuan ka fate an harh lutuka computer khawih ngamna chi a ni lo, a hman hmanin an lo off daih zel ๐ chhangchhiat reh deuh hunah ka ti ve ang ๐
May 13th, 2011 at 8:02 pm
Va bengvarthlak ve. Onlinesbi atang hian ka mb bill chu ka pe thin a, mahse ka landline hi han register ve ka tum thin a Biller ah hian BSNL Cellone chauh a awm tlat mai a.
May 13th, 2011 at 8:12 pm
Pu Shaia, TuaiSialA, caribou leh a dangte, in va ngaihawm em em hlawm ve le…
May 13th, 2011 at 8:16 pm
@awmawmpuia: Link ah khian lut la, ka sawi ang khian landline atan in register chhin teh.
May 13th, 2011 at 8:32 pm
> Online bill pek dawn chuan a due date a pelh hmaa pek a ngai.
> A next bill turah 1% discount zel a awm ang.
> Online payment/transaction tih dawn chuan internet connection stable lai taka tih a fuh. Chuti lo a kal tlang that loh palhin payment gateway-ah harsatna a awm palh thei.
May 13th, 2011 at 8:33 pm
A ni khawp mai.. (Y)
May 13th, 2011 at 8:53 pm
Lunglei chu in CK tawh em mai, rawn kal leh pawh a chakawm khawp mai. Kei chu online hmanga bill pek hi ka la pai dai thei lo. Cash/Cheque hman loh chuan very very skeptic!
May 13th, 2011 at 8:58 pm
He post ka chhiar hlauh chu ka lawm, a tangkai dawn khawp mai, ka lo hmang ve dawn ange.
May 13th, 2011 at 9:52 pm
Internet Banking hmangin ka pe thin…hun leh parking fee save ๐
May 13th, 2011 at 10:00 pm
(Y)
May 13th, 2011 at 10:00 pm
E he! Mut dawn ruaiah maiblue ka’n put chu a! Cari hi dam veng2 rawh se! Thla thar atang ti ve nghal teng… (ka peih ang em aw ๐ฎ )
May 13th, 2011 at 10:02 pm
ka phone bill pek ka tum a, ti tur a a sawi ang ka ti zel a
https://www.onlinesbi.com/merchant/merchantprelogin.htm ah min hruai lut a, username* leh password* a rawn dil ta a, SBI ah account ka nei a, engtia https://www.onlinesbi.com/ ah hian in register tur nge? hria in awm chuan please help. thanks
May 13th, 2011 at 10:40 pm
@vuangtu, Internet banking facility i la nei lo a nih hmel. SBI Account i neihna branch-ah khan va apply phot mai rawh.
May 13th, 2011 at 10:42 pm
I sbi branch ah lehkha ho te fillup a online banking apply angai ang. ATM card i neih chuan SBI debit card thlan mai tur a awm lawmni, I card a number sei deuh leh pin number an rawn dil ang che, i card valid kum leh thla nen.
May 13th, 2011 at 10:45 pm
A ziak tupa chu la inring chiah lo mahse a bahut acha..
Online-a thil lei, bill pek hi fimkhur thra sin oooo… SBI ho phei chu hackers in an attack ngun bok si, an inthlahdah ve bok si. Windows original leh updates ngai loh chuan fimkhur lehzual angai ngei ang. Mahse khi phone/mobile-a pin an thawn khian a save viau thei tho a. Sawi tur ka hrelo eeemmmmm a kan sawi ve hrim2 a ni e ๐
Chuanin Electronics hi Online-in lei hlek suh, a chhan pawh ka sawi peih lo ๐
May 13th, 2011 at 10:50 pm
online sbi hmanga transaction ti reng thin ka nia, hman deuh khan phone ah high security password an rawn thawn thin a, mahse tun hnaiah an rawn thawn tawh ngailo. (At least keimah ah chuan). An thawn thin lai pawh khan ATM card hmanga tih chuan an thawn ngailo, internet banking ah chauh an rawn thawn thin.
May 13th, 2011 at 10:52 pm
A la hre ve lo tan:
Manual-a mahnia internet banking/online-a pek aia la awlsam lehzual chu ECS (Auto debit). I bill-a due date thin i hria ang a; entirnan, thla tin ni 30-ah ni ta se. Thla tin ni 25-a i a/c atanga i bill zat automatic-a lo in cut (debit) thin turin a tih theih. ECS Forms fill up hmasak a ngai.
ECS hmang hi chuan overdues leh late fees vel a awm ve thei lo. Mahse, i bank a/c ah khan a lo in-deduct ni turah khan i bill amount zat in-deduct ziah thin tur balance tam tawk i neih reng a ngai thung. A nih loh chuan fine a awm thung.
May 13th, 2011 at 10:56 pm
Post tha hle mai.. (Y) Online hian bawnghnute bill thleng pe thei tawh ila..
Caribou..i blogah lo dah tha kiau rawh! Mi ka hrilh hunah ‘caribou blog’ ka kawh hmuh zel dawn nia aw.. (T)
May 13th, 2011 at 5:30 pm
ATM-cum-Debit card-ah rau rau chuan Maestro tih vel ai chuan Visa card hian accept a hlawh bik.
@Lily_parmawia, kei ve thung chu electronics/computer parts hi hman deuh atang khan online atang deuh hlirin ka lei tawh. Kan leina sites erawh ti thang lo tan chuan thlan fimkhur thiam a ngai khawp ang.
May 13th, 2011 at 7:03 pm
@Caribou mai mai chu(h)!! Min tihchhan hle mai maw? Ka intlar lai min rawn phawk chiang em bawk a ni. Kei chu broadband bill chauh ni lo, bill dang neuh neuh pek tel a ngai teuh thin tho va, intlar zel a la ngai tho. Thla khat danah ka pe thung a, ka la ti ve thei viau rih e.
May 13th, 2011 at 8:02 pm
That don khop hi….post tha khop mai.
May 13th, 2011 at 9:34 pm
@Kawnga: Zilh zilh pawha ring tikhawng lui tlat chu, i heti mai reng ang…. Broadband bill, WLL bill leh mobile post paid bill kha online hmangin i pe thei vek a nia aw. Eng pawh nise, i zara thaw lian ve mai mai ka ni tih hi ka han zep tel hram ang e.
May 15th, 2011 at 10:34 am
Ti ve te’ng
October 21st, 2011 at 9:23 pm
free tv shows…
[…]BSNL landline bill online hmanga pek | mi(sual).com[…]…
November 25th, 2011 at 11:11 pm
merchant payments…
[…]BSNL landline bill online hmanga pek | mi(sual).com[…]…
February 23rd, 2012 at 1:28 am
how to beat roulette…
[…]BSNL landline bill online hmanga pek | mi(sual).com[…]…
April 11th, 2012 at 4:16 am
dance…
[…]BSNL landline bill online hmanga pek | mi(sual).com[…]…
April 26th, 2012 at 2:44 am
Come Play Free Games At DirtPileGames.com…
[…]BSNL landline bill online hmanga pek | mi(sual).com[…]…