Nimin lama ka post-ah khan ka sawi thawi thuaka; he thu hi ka veina a rei tawh khawp mai.
Mizo ṭawng alphabet-ah hian hawrawp 25 a awma; chung zinga ‘AW=aw’, ‘CH=chaw’ leh ‘NG=eng’ te hi hawrawp inkawp, mahse, pakhat anga lam tur a ni. Amaherawhchu, kan zinga mi ṭhenkhat (anmahni’n an inhria e) in ‘NG=eng’ bik hi hawrawp pahnih ‘en gi’ angin an lam tlat mai. Heti a nih chuan Mizo alphabet-ah hian ‘n’ leh ‘g’ hi hawrawp pahnih ve ve an awm tihna a niang.
Amaherawhchu, heng mi ho hian hawrawp inkawp dang ‘aw’ leh ‘ch’ te hi ‘aa dapliu, si eihchhi’ an ti leh chuang miahlo. Engvanga ‘NG-eng’ hi en gi ti tlat nge maw an nih le? Hetianga an lam a nih rau rau chuan ‘AW leh CH’ te pawh hi ‘aw, si eihchhi’ tih ve awm!
Khai a! Similar post-a khu helam thu tho sawihona hi a lo awm reng tawh mai. Sawiho thar leh ṭha a ka hriat avangin ka rawn kaltlang pui ta tho mai.
Similar Posts:
- Ng Chungchang
- Mizoram Chhim leh Hmar inhnialna – A AW B lam dan
- Intihsiak ang u!
- Mizo Tawng
- Ka ngaihtuah mai mai a..
May 12th, 2011 at 4:40 am
Aizawl naupang, abikin sap sikul a kal ho hian an ching. Mizotawng chhiar thiam loh leh A Aw B sawi thiamloh hi changkanna ah an ngai. (N)
May 12th, 2011 at 4:41 am
ummm….Eng angin ka sawi nia aw chhana kei chu… 😛
May 12th, 2011 at 4:42 am
Eng tiin kan lam thin
May 12th, 2011 at 4:43 am
Chhimlam leh hmarlam sawidan in anloh vang aniin ka hria. Mahse ENG a dik zawk ang..
May 12th, 2011 at 4:45 am
nia i sawi ho teh ang u…he thu hi thu tlukna kan siam angai…te lo ti ve chiam ila… 😛
May 12th, 2011 at 4:46 am
Kan Mizo tawng ah hian lam hranna tur thumal kan nei reng reng em ni? G mal chauh hi a tangkai lo viaua NG anihloh chuan lam hranna tur thumal kan neih ka hre lo e.
Hnam hminga Gangte tihloh ah hi chuan
May 12th, 2011 at 4:46 am
covenanter nangin engtin nge i tih…chhim lam mi hian han sawi teh…a dik zawk i tih ni lo in i lam dan…in tetlaiin engtin nge in zir tih te… 😛
May 12th, 2011 at 4:47 am
Khawiah emaw chuan “N, a ti ‘eng’ tu G,” an ti 😛
May 12th, 2011 at 4:57 am
a aw b….ai awt bawm…ch d e…chhandama ek…..u v z…u vunga zan*….haha…lung a ti leng reuh….primary sikul ‘b’ pawla a aw b kan zir lai khan kan sawi rual dual dual a,a tawpah U V Z Zawhte kan ti leh nge nge zel….haha…nuam ve thei chiang a lawm…
Chhim lam mi ka ni ve tho na’ngin En-Gi angin kan zir ve ngai miah lo…Eng angin kan zir thin….a dik zawk bawk em aw te ka ti ve mai mai…
May 12th, 2011 at 5:17 am
#9 kei chu chhim lam mi ka nia..EN_gi ang in ka zir ve thung tlat..a dik zawk hi ka hre lo..ka zir ang in ka hmang mai..thlak pawh ka tumchuang lo.Sap ho in z-zi an tih hi z-zet ti in zoramah chuan ka la hmang ve tho ang bok hi a ni e.. 😛 😀 😉
May 12th, 2011 at 5:28 am
Kei chu ‘NG’ hi ‘eng’ angin ka lam ve lo. Ka hman dan hi a dik emw ka ti mai a sin.
May 12th, 2011 at 5:35 am
NG hi ka lam hrang ngailo hrim2…ENG a ni top mai ni
May 12th, 2011 at 5:39 am
NG kanhman dan a dang a nih pawh in hnam dang ho pawn an nei ve nual mai,a dik zawk a awm ngai lo e,in hman dan theuh kha a dik a ni mai…
May 12th, 2011 at 6:14 am
Keipawh naupan lai khan Chhim lam chan School ah ka kal a..NG (en ji) angin kan zir ….hmar lam khan ‘eng’ an ti thin… (Y)
May 12th, 2011 at 7:20 am
Sap Upa leh Pu Buanga ten Mizo A,AW,B an siam khan NG tih hi ‘Eng’ ti a lam tur an tih kan hre lova. Anni khan London English min zirtir a, ‘N’ leh ‘G’ tia lam turin min zirtir ni hian ka ring tlat pek a. A hnua Welsh Missionary te khan an rawn ti ‘Eng’ ta vel mai maiah ka ngai. 😉
Chhim lam leh Hmar lam kan lam dan tun hma atangin a inang lova, pakhat lamdan ang hian a dangin lam ve rawh se tih hi a dik hmel loh khawp mai.
Thu belh: Leechi hi Chhim lamah chuan Lachu tia lam a ni. Hmar lamh chuan Thei-fei-mung tia hriat a ni a. Hei hi thei dang Thei-fei-mung dik tak a an vang a ni an tih chu!! A khawnge dik zawk le. 😛
May 12th, 2011 at 7:20 am
Ka that loh vang leh ka sual vang te, ka awmherh hrim hrim vang te, inlak engemaw avang tea NG hi lam “en gi” ta mai ka ni lova. Ka pian ka seilenna hmun avanga lam en gi ta mai ka ni zawk e. Tu pawi mah kan sawi chuan loh te chuan a pawi vak hleinem maw le. Chhim lam ho chuan kan lam eng ve lo hrim hrim alawm.
I mi veina a zahawm ka ti khawp mai. Mahse ka pianpui anih miau avangin tihngaihna a awm ngang lo a ni e. A ngaihdamna awm thei chin chinah min lo ngaidam mai dawn nia aw. 😀
May 12th, 2011 at 7:22 am
kan zir dan a inang lo,kan hriatdan pawh a inang lo, kan lam dan pawh a in ang lo,kan hmanna erawh a ianng. Z leh zi ang mai chu ani e. engpawh ni se a dikah pawm a gn.
kan naupan laiin ka nu te khuaah kan zin a, chumi tum chuan n-g lai tak an hriat duh avangin an khaw naupang kkhan ka hming min han sipel tir mai thin anih kha, 😀 😀 tunhnu hian ka ngei leh hnuhnawh 😀
May 12th, 2011 at 7:27 am
Mu hi sava a ni a, Tlaiberh pawh sava a ni. Mu in sa a ei, Tlaiberhin a ei ve lo. A leh W inpawlh AW hi aw ti a kan lam avang hian N leh G NG hi Eng ti a lam tur tihna a ni kher lo. (H)
May 12th, 2011 at 7:28 am
NG hi eng tiin lam a tha zawkah ka ngai..lam hran hi in lo tih than pawh ni se a tha zawk chu zawm ve mai ru..
May 12th, 2011 at 7:35 am
#19, a that zawkna pawh ka hre chuang miah lo…naupan lai pheikha chuan kan in nuih tawn thin….anni lam khan ‘eng’ alom an tia, keini lamin enji a lom kan ti ve tlat a…chuan ‘ek’ hi ngatan nge te hi kan tih ve thin kha mawle… ek, eng…kha an ti ve hat2 thin tak a ! Mission sap ho tih dan ve ve kha ani mai a…a dik ve ve ah ngai ila, a hahdam thlak mai….. (Y) 😀 😀
May 12th, 2011 at 7:39 am
Vegitarian ho leh Non-Vegitarian ho inhnialna ang vel a ni dawn tlat…tha zawk intihna ve ve.
Kei chuan o hi Au ka ti tho tho tih ang deuh kan nih duh hmel
May 12th, 2011 at 7:43 am
tha kan inti zawk pawh a ni lo “kan ti laklawh” :-[ :-[
May 12th, 2011 at 7:51 am
En Gi a ni emaw Eng a ni emaw dik zawk leh zawk lo a awm ka hre lo, seilenna hmun a in ang lova, lam dan a inang lo a ni mai. Tlangsam/Pholeng, Lamkhuang/Laui, Kawiam/Kawlthei etc (Y)
@Buizoa, kan khaw lamah chuan lichu kan ti ve thung :-O
May 12th, 2011 at 7:54 am
Amaherawhchu, kan zinga mi ṭhenkhat (anmahni’n an inhria e) in ‘NG=eng’ bik hi hawrawp pahnih ‘en gi’ angin an lam tlat mai.
Amaherawhchu, heng mi ho hian hawrawp inkawp dang…..
Hetiang tawngkam meinei deuh ni lo hian post chu a siam theih asin maw le.
A post tupa Chhana hi a zahawm hle na a, he post hi a tullo ka ti khawp mai. Hmar lamah Welsh missionary ho an awm a, Chhim lamah English missionary an awm bawk a. An tawng kauchheh a inang lo va, an awphawi leh an lamrik dan a inang hek lo. An kutchhuak ve ve te hi kan danglam lo thei lo a ni tih hi hriat reng a tha khawp mai. Sawi sawi mah ula, tihdanglam a ni dawn chuang lo. Inhnialna atthlak tak anih hi.
Kan sap missionary zahawm tak tak te khan kan pual ngeia hawrawp min neihtir ve an duh vangin an thiamna zawng zawng nen an bei a, tun hnuah intifing tam tak te’n an sawisel leh si. Tha zawk kan awm lo ve. Hmar lam ho pawhin, an pi leh pu te atanga an hman than kha, an chhawm chho zel a; chutiang bawkin chhimlam ho pawhin kan chhawm chho zel anih hi.
May 12th, 2011 at 7:56 am
Chhim lamah ‘en ji’ ti ula, hmar lama in awmin “eng’ ti leh ula a ni mai a lawm! Buaina tur a awm lo! 🙂
May 12th, 2011 at 7:58 am
#24caribou, (Y)
May 12th, 2011 at 8:07 am
@keimah, hmar lama an awm avanga ‘eng’ an tih kher pawh a trul lo, chhim lam mi hmar lama an awm avanga ‘en gi’ an va tih kher pawh a ngai hek lo, an duh dan danin an lam thiang. An duh phei chuan ‘varak bawp’ pawh ti mai rawh se, a ngaithlatu ten an hriatthiam tho chuan a pawi leus 😛 (ka ti lutuk mah mah em aw… 🙂 )
May 12th, 2011 at 8:24 am
Kei chuan ENG ka ti a, duh leh Lunglei leh a piah chuan EN GI poh ti se, enge poi le aw…kan hriat thiam theih chuan a poi lem em ni.
Presbyterianin KRistian Thalai Pawl, BCM in Thalai Kristian Pawl. Presbyterianin Kristian Naupang Pawl, BCM pohin Kistian Naupang Pawl an nei a. Mahse BCM hian TKP an ti tho sia, NKP 9Naupang Kristian Pawl) tih zawk awm tak ka ti rilru mai mai…
May 12th, 2011 at 8:35 am
A pawi khawp mai. Kan Mizo hawrawp angkhata kan zir lo hi. Hmar lam tihdan, chhim lam tihdan tih a awm fo. Engpawhnise, engmah hi dik zawk awm lo a awm ngai lo. ‘En-Gi’ tite pawh in thiam loh a ni lo, in zirtirtute thiam loh a ni chuang lo. Chhim lama thehdarhtute azir a ni mai. ‘Eng’ tih hi a dik zawk zia chu ‘NG’ hmanna thumalah a hriat khawp mai. Entirnan, ‘ngeng, ngam, ngam’ tihah te. He’ngah hian ‘kan tihdan, kan zir dan’ tia tang tlat lovin kan chhia leh tha hriatna fim takin keimahni’n a dik zawk hriatchhuah i tum ang u.
Tin, ‘G’ pawh hi ‘Ek’ tiin kan lam a, chhim lamah ‘Gi’ tiin an lam ve thung a. Kei chuan a rik dan hi a dik lo ve ve ka ti. A hmanna a phawk chhuak fuh lo. ‘Ga/Ge’ (‘ka kha ga’ a ‘ga’ lamrik angin) anga lam ni ta se a dik ka ti zawk. Hawrawp hmanna awm lo hian min tibuai hrep a.
Ka rawn pau ve mai mai e. Ka thiam bik vang ni lovin ka vei em vangin.
May 12th, 2011 at 8:39 am
Eng tia lam ka duhna chu a mizo ka ti..hnamdangin eng an neih or lamrik ka hrelo..tha ka tih zawk ania, in duh leh sialanu hmm pawh ti rawlh u.
May 12th, 2011 at 8:49 am
A AW B hi hmun hrang hrang atanga an siam a nih a rinawm loh. A hrang hrang ve vein chhim leh hmarah an siam lovang. Pu Buangate’n Aizawla an awm laiin an siam a, a tul angin an siamtha zel a. Chuvangin lam dan dik zawk a awm lo tih ngawt theih a ni lo. A original chu a awm ngei ngei. Kan zir dan inang lo hi a thehdarhtute thiam lohah ka ngai.
Zir dan inang lo hi buaithlak tak a ni. A buaithlak zia hi a langchhuak hluai chuang lo. A AW B chu kan awmna hmun theuhah kan zir mai a, High School, Higher leh College chu kan A AW B zirna hmunah kan zir tawh lo. Sikul/College pakhatah chhim leh hmara mite kan lut khawm a, chutah chiah chuan a buaithlak zia leh pawi zia chu a lo langchhuak mai a ni. A pawi ber zawka chu chhim leh hmar inpumkhatna a tinghing fo hi a ni.
Hei hi tihdan a awm. A original chuan chhuichhuak se, chu chu zirtirtute’n hmang nghal se a tawk a ni mai. A dik zawk a awm tawh chuan a dik lo zawk pawh ni se, ‘hmana kan lo zir thin dan a nia..’ tih tlat zel loh tur. Kan pipute puithuna kan sawi apiangin ‘atthlak’ tih kan belh ziah tawh hi. An puithuna ang kha paih phal lovin lo ring reng ta ila, kan buai viau ang. Chutiang chu a ni mai. Ka lawm em em e.
May 12th, 2011 at 8:55 am
LOL Baptist ho KNP hi a phuahchawp thlak e. Mission hovin KTP an din a Baptist hovin tihve an chak si TKP tih Mizotawng pawh a intuha lo deuh in hming an phuah a, a rang a rangin Mission hovin naupang pawl an din anga KNP tih an phuah ang tih an hlauh vangin KNP hming an hmang nghal zaih anih kha. Mission hovin naupang pawl an din ve duh tawp silova 😀
TKP in tih mualpho vel ai chuan BKTP te pawh ti mai sela. ha ha
May 12th, 2011 at 8:57 am
Hemi chungchanga hian, A dik zawk leh diklo zawka inhnial chu a nuam ve e, tih thu lo ah chuan, a atthlak mah mah.
Aw: A kan nei a, W a hranin kan neilo-A W tia lam a tullo a nih chu.
CH: C hi a hranin kan nei lova, H erawh kan nei- C H tia lam a tul kher lo a ni mai e.
May 12th, 2011 at 9:01 am
NG hi ‘eng’ tih in, G hi ‘gi’ ti in kan zir thin . G leh J kha soi leh ta thin ila .ka fapa tun a centenary school Dawrpui a kal mek A AW B ka ziah tir a ,G leh J chu a la ziak tel a , ka chhiar tir a G pawh ‘gi’ ti in a lam NG pawh ‘eng’ . hei hi tun lai a an zirtir dan ni awm tak a ni . ka zir ve thin dan pawh a ni.
May 12th, 2011 at 9:16 am
@Aryan (Y) 😀
May 12th, 2011 at 9:19 am
#16 (Y)
May 12th, 2011 at 9:30 am
Athen hi chuan in ti mah mah em aw? Chhim leh hmar, chhak leh thlang hi ‘Siamtu’ hian a lo siam a. Thil in opposite leh inpersan daih si, mahse a mah maia awm thei lo a ni tlat. Chu khawvel inpersana awm te chuan thil tihdan inanglo kan ngah a ni mai.
Hrim2 in, Mizo history chhui chiang ngam ula, chhim lam lam dan hi a ‘original’ zawk ani tih in hre thei ang.
Tin, KNP thleng thleng-a rawn sawi chhuak in awm a, Baptist in BMP (Baptist Mipa Pawl) kan nei a, TKP a over toh Pa ho awmna turin. Presbyterian chuan chumi thik chuan, a ang deuh hming put tir hreh siin Pa Valai Pawl an han din ve ngawt a, KTP over hnu, kum 70 mi anih khan Pa Valai Pawl-a tel a rem toh lo. BMP ah erawh chuan tar kun thlengin a tel thei asin. Khadaih kha a sin. Chhim leh Hmar feeling tichhuak zawng hian tawng hi thlahdah lutuk teh suh u.
May 12th, 2011 at 9:44 am
@Aryan #32: TKP hi 30th July, 1951 ah din tan a ni a, KTP hi 27th November, 1953 ah din a ni. Ka hriatsual loh ka beisei. Ka hriatsual loh chuan TKP hi din hmasak zawk a nih hmel.
May 12th, 2011 at 10:28 am
kei chu kan khua a lai bawk a…ka duh duh danin ka la thei..tlats maia
May 12th, 2011 at 10:33 am
BMP hi ka lo hre ngai miahlo..pa valai pawl tih erawh hi chuan a tum a phawk fu ka ti khawp mai, a hming ngau ngau ah chuan. .NG hi eng tiin kan zir a, G h i gi tiin..chu chu kei pawh kan naupan lai atanga kan zir dan a ni..thenkhatin, g hi ek tiin hmar lamin in lam min ti sia, kan lam ngai miah silo va, ka va hrethiam lo v
May 12th, 2011 at 10:49 am
Kan rak ve teh ang…. he tiang a buai hi a hau lutuk, English pawh hman dan leh lam dan a in ang veklo, anin nuih in anin hmusit phah kan hrelo, eng nge dik zawk ah an buai ka hre hek lo, kan sawi tur a hriat theih chuan a tawk ah ka ngai kei chuan. Kan hman ang ang kha a dik ber chu ani mai.
Lam dan leh sawi dan hrang hrang a tam hian tawng hausak na ani zawk lom leee…heee
May 12th, 2011 at 12:47 pm
Post danga ka comment ka rawn paste:
NG= ‘Eng’ pawh nise, ‘En Gi’ pawh nise inpawm sak tawn thiam mai ang u. In tih dan/in tawng dan a dik lo, chuti khati kan intih thin vang hi a nia Zo hnam inpumkhatna a derthawn thin a, kan unaute ngei ngei pawh rilru na a kan insiam tawn thin ni. Aizawl lama kan tih dan zawng zawng hi a dikin a tha ber vek lo mai thei asin. En gi tia zirtirtute hi Mizo A Aw min siam sak tute tho kha an nia. Inpawm pawn dan i thiam mai teh ang u
@32 Aryan, KNP hi 23.April.1943 a din a ni a, TKP leh KTP aiin a upa zawk daih a; i hriat sual palh hlauh a ni ang. Tunah hian kum 68 laia upa a ni tawh e.
BMP erawh chu 4.May.1980 kuma din a ni a, kum 30 zenzawn a upa a ni tawh.(Heng hi an hotute ka zawhfiahna atanga ka hriat a ni.)
May 12th, 2011 at 12:51 pm
Ka hmang thiam ve ve, chhima ka kalin an tih dan ka thiam a, hmar lamah lah anni tlukin ka bahlah lo, a lamrik dan dang mah se, a ziak dan spelling a ngai tho, dik zawk buk tur a awm lo. Welsh lam dam hi chu a ral riai riai a ang ta zawk. Chinese hming NG ringawt nei ka thian a awm a, ENG tiin a lam ri. A dik zawk teh nan ka ti hran lo.
May 12th, 2011 at 12:52 pm
ho mai2 e, kei chu hostel kan awm naah hmarpa ka awmpui a, a nin NG hi ‘eng’ atia, keiin ‘en gi’ ka ti a kan sawi duh chu kan hre ve2 tho..kan buai lo re2.. buai2 vak2 ho hi ka khongaih…
May 12th, 2011 at 12:54 pm
32#, Aryan-a tih ni mahse kan sawi reng reng teh ang . KTP ai hian TKP hi a ding hmasa zawk tihhriat tur. Chhimlamah Pu R.Lungruala f/o Rev Zosangliana Colney te, Pu Vanlallawma (?), Zarkawt leh mi dang2 ten TKP hi Serkawnah an din a, Zarkawt pa hi Aizawl lamah lo phei lehin KTP dinna ah Rev Chhuakkhama te nen a rawn telleh nghe nghe ani. LPS ah te pawh an ron interview tawh kha mawle. Hriatchian loh hi chu huai lutukin sawi lo ngam ila….a chhim leh hmar engemaw ang zawng phei chuan i inti tawn lo ang u !
May 12th, 2011 at 1:03 pm
G hi chu N ti Eng tu a lawm!!!
May 12th, 2011 at 1:16 pm
Thil tamtak kan hriat chhian phah dawn e. Aryan-a a tawng sual chiang khawp mai tun tum chu. BKHP leh KNP te hi TKP aiin a upa ve ve. TKP hi 30th July,1951 zanah khan Serkawn Middle School ah a piang a ni. Hruaitute han tar lang reng reng ila,mamawh te kan lo awm takin:
President – Lungruala
Vice President – Vanlalkunga
Gen. Secretary – K.Lalliana
Treasurer – T. Ropianga
Senior Adviser – Rev HS Luaia
Upa CS Zawna
Upa lalmama
Mrs Raper
te an ni(mamaawh in awm takin). Tun kum hian kum 60 tlinna kan lawm dawn ropui takin.
Tin, a post tu hian a hre lo nge ni aw… Kum tam a liam ta. A ziakna ka kawl mai loh avangin chiang takin ka sawi mai thei lo. NG leh G lamdan ah hian Chhim leh Hmar te hian inbiakna Kohhran leh Pawl ang zawngin an lo nei tawh. Chuta an thuchhuak chu:
Ng-tih hi Chhim lampang lamdan in kan lam ang a, G-tih hi hmar lampang lamdan in kan lam ang an ti a nih kha mawle.
He thuchhuak hi chhim leh hmar te hian kan zawm thei lo ve ve dawnin an hre leh a. ‘I ngawi ang u’ an ti ta mai rih a ni. chuvang chuan ‘I NGAWI RIH MAI ANG U’. Kan tawng(language) lampang regulate tu tur a lo la piang ang a,chung ho chuan anla ching fel mai ang. Tunah rih chuan inhnialna a ti tam mai mai….
Mahse post awmze nei tak a ni. Post dangah khan i lo sawi uk uk a,i lo post duh pawh ka ring lem lo a.I huaisenna a lawmawm. I post tha e… (Y) (Y)
May 12th, 2011 at 1:26 pm
#45-a Pu Vanlallawma tih khi Pu vanlalkunga tih tur ani jokes….tihsual palh ani e. Ani hi pawl pahnih dinnaah hian a tel ve ve, TKP dinnah a sulsutu a va nia ! Chumi hnu ah Aizawl ah lo phei lehin KTP dinna ah a rawn tel leh ani. Zarkawt veng pa ani nghe nghe !
May 12th, 2011 at 2:13 pm
‘G’ hi ‘Ek’ tiin hmar lam lamdan hi an ti teh fova, kei hi hmar lama piang leh seilian ka nia, ‘Ek’ kan tih awm pawh ka hre lo. ‘Gi’ kan ti mai.
Ka ngaihdan ve mai mai ah chuan ‘Ng’ hi ‘Eng’ tia lam hi a dik zawk ka ti ve tlat. Entirna mai mai,
‘Ngam’ tih hi lo sipel dawn ta ila, eng-a-em = ngam a ni dawn ta a ni. ‘N gi’ a nih dawn chuan, n gi-a-m = n giam a ni daih dawn a. A dik ka ti thei lo. Te ka tia.
May 12th, 2011 at 2:22 pm
@Fugitive: Tunah a ni tawh hlei nem, ka hriat sual loh chuan A AW B revised-na a siam that tawh a ni(source ka kawl remchan loh avangin chiang in ka sawi thei mai lo) Chhim lam pawh hian ti eng mai ila a a fuh zawk awm a sin maw le. Bualpui (NG) vanga sawi chhuah a nih hmel a, bualpui erawh thil hming a ni a, an phuah anga awm reng tur ah ka ngai thung, NG hi ke pawh tiin thlak mah ila, Bualpui hming erawh a tir a an phuah ang in BUALPUI EN GI a ni tur a ni.
May 12th, 2011 at 2:22 pm
Kei pawh ka hriat dan chuan TKP hi KTP ai chuan a ding hmasa zawk a; mahse NG hi chu “eng” kan ti vek emaw ka lo ti alawm le!! Chhim lamin “En gi” an lo ti thin tih ka hre ve chiah..
“Eng” tih hi a dik zawka hriatna ka lo nei ve mai mai a; kan alphabet ho hi kan lam hian ri khat bak hian kan lam ri ngai mang lovin ka hria, chuvang chuan “Ng” tih hi “En gi” tia kan lamrik chuan “Ng” alphabet neih kher hi a ngai dawn em ni?..
Post tha tak a ni e, nangmah avangin chhim lam mite lam dan ka hriat ve phah a..
May 12th, 2011 at 2:29 pm
Misual zinga thenkhat hi tawngkam dengkhawng tak leh mi diriam zawng a post/comment ching em em an awm a (anmahni an inhria e). Hetiang an chin avang hian an lungawina an hmu ani chek ang, i lawmpui ang u.
May 12th, 2011 at 2:38 pm
@ 50, ozima, a nih chu mawle. Ka lo hre ve reng reng hleinem mawle.
@ 52,
May 12th, 2011 at 2:38 pm
TKP lo pian dawn hian a hmingah KTP nge TKP ni ang tiin inhnial deuh laih laih a, KTP tih chuan thalai ho kristiana pawl insiam a kawk deuh e tiin TKP tih lam hian an hneh ta zawk a ni. A dik e dik love tih sawi tur a awm chuang lova, Baptist kohhran paw’n NKP an ti chuang lova, KNP(Kristian Naupang Pawl)tih ah te chuan Kristian an dah hmasa leh tho a, TKP hminga an duh tawh loh kha. BKHP(Baptist Kohhran Hmeichhe pawl) Kohhran nuho ang hi, BMP(Baptist Mipa Pawl) pavalai pawl ang hi. Tin, hmarlamin kan tih an thik emaw, chhimlamin kan tih an thik tih emaw a inhmuhsit ang chi hi chiang lo ila, synod lam pawn lo entawn pawh nise thiltha a nih te chuan enge pawi?
En Gi ah pawh chhimlam hian hmarlam lam dan hi entawn/hmang ila, hmarlam pawn hmanah Gi an entawn daih tawh, chuan chhim lam lam dan leh hmarlam lam dan kaihkawp chuan thil tha zawk a hring chhuak ngei ang.
@Fugitive: Kan A AW B pawh hi kha revised naah khan an rem tha vek a, tunhma kha chuan ‘k’ te kha a tawpah a awm he hu a nih kha, khanglai kha chuan vitamin a-z pawh vitamin a-k tih ngai ang
May 12th, 2011 at 2:49 pm
A hrim hrimin NG hi kan mamawh miah lo maw le,kan hawrawpah N leh G a awm tho sia,AW leh CH hi chu W leh C a hrana kan neih loh avangin a tul ve hrim hrim a.Chuan NG hi chhim lamah chuan EN GI tia kan zir tlat avangin EN GI chu ka la ti tho a,mahse Eng tih hi a tha zawk tho chuan ka hria.Kan tet lai chuan kan causin Aizawl lam ho in a aw b an sawi a efi, eg, eng an tih lauh lauh hian nuih a za duh lutuk
May 12th, 2011 at 3:08 pm
caribou leh Paihtemakpa chu Aryan khi in hrilhfiah peih zawk e
a hriat loh ang ang khian inti hre deuh si in awm mai mai se a inhmeh zawk asin maw le 
May 12th, 2011 at 3:26 pm
“NG” hi “Eng” tia kan lamrik hian a tha riau va hriatna ka lo nei ve mai mai a,”En Gi” tia kan lam hi chuan a bo ve theih dawn khawpin ka hria! Eg: “Nghaka” tih teh hi “eng-eichhi-a-ke-a” tiin a lam mai theih a,”En-gi-eichhi-a-ke-a” tih ai chuan a hriat a awlin naupang lam riktir pawh a awl hmel zawk nge nge a lawm te ka ti ve mai mai a…
Ri khata lam rik hian a sipel a awl zawk deuh chuan ka hria..
May 12th, 2011 at 3:46 pm
Eng ang pawhin lam ula, mi tibuai pha lo. NG hi Chinese-ho pawhin Eng tiin an lamri ve tih ka hriatna chu Mr G. T. Ng —kan thian a awm a, eng an ti ve mai!
Chhim lam leh hmar lama awm tawn ve sek chhungkua kan ni a; a dik zawk e, dik lo zawk e lam kan thlek lo. Awmna hmuna an lo tihdanah kan buai lo hrim hrim. En-gee ti pawhin kan hrethiam, Chhim lamah sawn Bualpui (Ng) a awm a, Bualpui Eng chu an ti ngai hauh lo va, Bualpui En Gee tih kher kher a ni thung. Va ti eng vel teh u, in ri lawlh chuang lo mai thei!
Native American-ho hmun hming tam tak khu a spelling anga lamrik ni hauh lo a tam a, keini ralkhata mite hian a sipel kimchang taka kan lamrik hi an tan bona a ni hu zawk bawk. A theih hram chuan an lam dan ang diaka lam chu a mawihawih viau.
Edinburgh, indictment, Bualpui (Ng), Arkansas … hengte hi ralkhat pronunciation nen chuan an dang zar ngei ang.
May 12th, 2011 at 4:28 pm
#58@chawnghilh, i comment khi ka thawp e. ‘eng’ leh ‘en gi’ ah kei pawh buai ve lo. Chenna hmun a zirin tawng leh pronunciation hi chu a dang thei khawp mai, American leh British english chu hawrawp (spelling) ah pawh in ang lo a awm nual a, thumal(word) inang pawh an lam dan inang lo a tam mai. Chu mai a ni lo London khawpui chhungah ngei pawh english hmang theuh theuh an tawng a danglam viau tih te hi hriat ve mai mai a tha. Chuan chhim lama ‘en gi’ leh hmar lam a ‘eng’ tih velah buai vak a loh ila a tha a ni mai.
May 12th, 2011 at 4:36 pm
G hi EG/EK tia lamrik hi a mawi fahran lo khawp mai, lamri zen chu an awm tho nain. Entirnan, Mr G. T. Ng bawk khi han chhap chhuak leh ila, Gee Tee Eng tiin anmahni Chinese-ho chuan an lam-ri a. Egg Tee Eng an ti chuang lem lo!
Wales lam saptawng lamrik dan kha chu tunlai thangthar, a dik chin hre pha tan hi chuan LAM RIK TULH TULH atan chuan a iai-awm ta hle. Thangtharten an bawh ruak ruak ta lem lo khawp mai!
May 12th, 2011 at 4:47 pm
#60, i han sawi takah chuan english lam rik dan chungchangah khan tun thleng hian upa lam deuh chuan an la ti tri deuh a, hmar lamah an la ti tee ve thung…mahse phonetics te kan han hmel hriat takah hi chuan tri leh tee inkarah alo ri ani tihte kan han hre chhuak ve a….a ho zawnga ngaihtuah chuan ho mai mai ngot mai…..
May 12th, 2011 at 5:55 pm
Bualpui (NG) a i rawn kal anih chuan en ji tiin i lo lam dawn nia…Rendezvous hi rondeivus tia lamrik tur a ni,mahni duhdan anga a inziahdan ang ngai2a a lam tur anilo ania, i lo hre kar dawn nia aw..
May 12th, 2011 at 7:25 pm
Comment zawng zawng ka chhiar lem lo, ka chhiar chin atang hian kan ngaihdan tlangpui chu a hriatin ka hria.
Tu pawh mai hian kan thil lo tih thin(practice) dan emaw hi dik berah kan ngai tlang pui thin tlat. ‘NG’ lam dan ‘eng’ leh ‘en ji’ tihah hian inhnialna tham ve chu a awm ang. Engpawh ni se,a dik zawk a awm loah ka ngai, a dik ve ve. Kei chuan ‘en ji’ tiin ka lam thin. A AW B ka thiam tirh atanga ka hriat dan a ni. Aizawlah ‘eng’ an lo ti daih mai kha chu ka hriat vawikhatnaah chuan mak ka ti ve viau mai, dik lo hu niin ka hria a. An lo hriat dan leh zir dan kha a ni miau a ‘a dik lo’ tia han sawisel sak chiam ka tum lem lo.
Hei erawh hre tlang teh ang u, chenna mual leh tlang a dan hian thil kan hriat dan leh sawi dan a in ang lo fo, ka dik ber ti a tan tlat hi a finthlak ber loin ka hria.
A rawn post tu hi i zahawm viau nangin, i ngaihtuahna hi a ‘narrow minded’ deuh em aw ka ti. I thil rawn ziah danaah hian ngaihtuahna thui tak i hmang lem lo niin ka hria. Huat lohah aw!!!!
May 12th, 2011 at 7:54 pm
@ Post-tupa,
Chhim leh hmar indona i chawk chhuak dawn a lawm le.
NG hi ‘en ji’ kan ti emaw, ‘eng’ kan ti emaw, ‘NG’ a nihna a bo chuang lo.
I post a vang hian Bualpui (NG) hi Bualpui (en ji) tia lam tur a ni tih ka hriat phah. I chungah ka lawmthu e.
May 12th, 2011 at 8:12 pm
Pawl thil anga inhnial nikhuaa Presbyterian ho kan han ngawi dak mai hi chu kan puitling hmel bik riau hian ka hre thin….lolzzzz
May 12th, 2011 at 8:30 pm
Kei chu rawng HRING lam dawna a ENG a chhuak daih zel hi a dik ka ti bik lo hehe…
May 12th, 2011 at 8:32 pm
Lushai Jangbong ho buaina hi a ho thei mange
May 12th, 2011 at 8:33 pm
#65: Lolz……
Sawi tur ka la nei; mahse duh aiin kan tui ta si a,ka ngawi rih……