(Kum 1990 November ani e)
An inram a hrang (haunted) an tih chu kan tam hneh nge nidawn, a hrang eih love. Kan hmeichhe pakhat kha chuan, “A nghing leh der der thin,” a tia. Midang, a tuk lamah kan hah tur hria niawm tak ho kha chu kan lo mu tui viau nge ni dawn, hnar ring fe fe te pawh kan awm kha mawle !
Hmar-bai thak tek tawk kan hawp hnu chuan Moolsagar chu kan chhuahsan leh ta a. Thleng kan lo keng indaih lova, hun duhthawh nen thleng intawm te an awm ta, vai hoin mak an ti kher asin. Sanghawngsei (Camel) panga, kan bungraw phur turin kan ruai a, a neitupa chuan Sanghawngsei pakhatin min zui bawk a. Bungraw phur tura hmange tilo chuan a neitu remtihna in rei vaklo chu kan chuang tho.
Sanghawngsei hi an hah hnu hian an kua hi alo puar nasa ve thei khawp mai. An kua a puarh nasat deuh chuan ri thlurh thlurh hian an vawih a, an mahni lah hi an ner nung bawk a, a han uih em em mai lehnghal. Khawlum nen in millo tak a ni. Sanghawngsei an vawih a kan hmalam a mi a nih chuan kan inlehpel zung zung tawh mai thin.
Vaivut tlang (sand dune) phenah tum khat chu kan hahchawl alawm mawle. Kan u Ruattea chuan chutih lai chuan tui intur min rawn pe a, ka lem zui pawp mai a, a lum al ta piat reuh a.
A nui tiah tiah ta mai a, a ni lah chuan Sanghawngsei kawchhung a mi a neitupa a lak chhuah tir test nan milo in hmasak tir chu a lo ni awm a, nuih a za tawi duh tet tawt khawp mai. Keini kha chu kan infiam thanga, huat enah kan in en ngailo hrim hrim bawk a, a tha vek e. A zun niawm tak a ni!
Sam sand dune an tih chu kan thleng ta a, chuta tang chuan kan kal zel a, vaivut tlang (sand dune) dang lian zet mai kan thlen leh chuan kan hahchawl ta a. Heta tang hian khaw hnai ber chu Mel tam tak a ni ngei ang.
Kan leader, Pu. Lalneihsanga Fanai (fam) hnenah Sanghawngsei hman lawk ka dil a, tlang phenah chuan chak takin ka tlan a darkar chanve velah chuan Rajput ho local zu um khat hawnin ka kir leh ta.
Khatiang thlaler ram pilril a zu lei tur ka hmu kha mak an van ti teh reng em! Rajput ho local hi chu meihawl nawi hi a awm niai reuh a a tak em em mai bawk si, um khat hi Mizo pa in ang pawn mi 4 tan tawk tak tur a ni ngei ang. Kan kal hma khan Sanghawngsei neitupa ka chah ru tih an hre der si lova, lei tur ka zawng der kha a ni reng si a, mak an ti kher asin.
Thla khat vel a liam ta tihah chuan inbual hlawm hek lovi, Australian nula te nen chuan kan pheikhawk rim a inang put mai a, vawih rim lah chuti bawk, thil uih reng reng inpuh ngaihna avang khawp mai. Puanin (tent) chhunga awm a hreawm a ni, a phui si, a uap si eng eng rim emaw a nam bawk nen.
Kan tum angin tluang takin kan kal zel a, Rul, a sir zawnga tleng chi hi kan hmu a, ka um vak a vaivut ah chuan a tlum ta daih a, kan en chiang a a lu chu a lo ti lawr tet reuh a, a dangdai khawp mai. Ke a thlaler han kal tak tak chuan hnim buk hniamte hlimah (shadow) te hian ka lu te hi ka zuk dah lui hram hram fo mai.
Tichuan, kan kal theih chin (Sipai phal chin) kan kal hnu chuan Jaisalmer lam kan pan leh ta a, chuta tang chuan Jodpur ah kan hahchawl ta a. Jodpur ah hian Sanghawngsei vuna thil siam a lo tlawm laileng khawp mai a kan duhzawng kan lei nual hlawm awm e.
Tibetan nula dawrkai kan ngaizawng der hlawm a, a tih chi phian mai; hei hi a thil zawrh tlawm zawka lei sak kan tum vang a ni. Kei lah chuan hmeltha ka tih thu leh Jodpur chhuahsan ka hreh phah dawn thu ka hrilh hrep a,kan biak sikhaw viau hnu chuan Rs.200.00 man te chu Rs.10.00 ten kan lei ta hlawm. Thirsakawr kan hawh dun a, kan lengkual vel a, an inah Bawnghnute te min pe a.
Tlai alo nia, bus station ah kalin haw kan tum ta a mahse, pu te hriatah a van zahthlak duh vele! Kha Tibetan nula kha a thiante nen lo kalin min rawn tah ta vak mai, ka kutah a pawt a, a tawng lah ka hre kim thiam der silo. Loh theih lova kalsan angai si, rilru a nuamlo duh hle mai. Hmeichhia an nih vangin dawtin bum ka hreh lova, an rilru ka ti na a ni, a pawi ka van ti vawng vawng tak em! Pu Neiha te, U Ruattea te ho lah chuan kawng tluangin min fiam nan an hmang zui leh nghal a.
Silchar atangin Mizoram state transport bus hmangin kan haw e kan ti a. U Ruattea chu thutna hnung ber kilah alu anat deuh vanga vaipuan a tuam bur chung chuan a thu mu hlun bawk a. Vairengteah chuan police ten vai permit an rawn enfiah ta ngei a ni. Police pakhat chu hnunglama lo kal pheiin u Ruattea chu a sawi nawk nawk a, “Hei bondu permit deu,” an ti ngawt pek a.
U Ruattea rang mangkheng hian a rawn inperh tho at maia, “Bondu chu ka nilo ang a,” tiin a hmaiah en kalin a sawi a amu leh daih. A hmuihmul lo zuah deuh kher bawk nen, “Bondu” alo ang viau te pawh ani mahna.
NB: U Ruattea ka tih hi Kulikawn Pu.Sangliana (Suddena lettu) fapa, sports office a thawk ta hi a ni.
Similar Posts:
- Thar Desert Trekking – 1
- I cham reng thin asin
- Ka Mittui A Tla Hial..
- Valentine’s Day
- Ka diary manto tak mai chu, episode 4 (Zira is back…) (To be continue chhunzawmnaβ¦)
July 24th, 2011 at 9:08 am
Ngaihnawm leh pek ngawt ang….
July 24th, 2011 at 9:12 am
I blog ah ka chhiar tawh a,mahse ka chhiar chhuak leh vek tho.
July 24th, 2011 at 9:17 am
i kalna lam a piangah nula riangvai i siam zel em ni?
July 24th, 2011 at 9:18 am
A ngaihnawm e. Chuan, Pu Lalneihsanga hian Gauhati thleng a rawn thlah ringawt che u emaw ka tia, a lo tel ve a ni maw?!
July 24th, 2011 at 9:18 am
A ngaihnawm khawp mai. Khawvel i dai darh ang bawkin hmangaihna pawh i dai darh viau dawn nih hi..hehe.
Sanghawngsei kaw ‘puarh’ tih khi ‘pawrh’ tihtur a ni daih. Mizotawng hausakna!!!
July 24th, 2011 at 9:20 am
Hahaha….sanghawngsei zun in te, tibetan nula ngaihzawn der vel te leh bondu chungchang khi a van nuihzat thlak em!! π π (Y) (Y)
July 24th, 2011 at 9:25 am
Vairam rilah pawh tah khum zawih zawihtu che anlo awm zel mai chu ania; mizo nula engzat takin chutiang chuan tive ang maw?…. π
July 24th, 2011 at 9:43 am
Haha…tibetan nula in atahkhum lai che a i hmel awmdan tur ka van hmu chak!..lolzzz π
July 24th, 2011 at 9:47 am
Ngaihnawm khawp mai..( HV the adventurer) π . Rul sir zawnga tleng khi sidewinder ang chi kha ni thei ang em? Aussie nula ho pawh inbual loh chuan an fresh vak bik lo a ni maw π (Y)
July 24th, 2011 at 10:01 am
nastycool #9 sidewinder ang chi kha ani awm e.
July 24th, 2011 at 10:52 am
A va ngaihnawm leh tak em. Tichuan Thar Desert kal tawhah lo inngai ve leh phawt teh ang. π
July 24th, 2011 at 11:00 am
Ngaihnawm ѹΒiah ѹΒiah khawp mai. I taima hle mai, hetiang anga thui post peih hi ‘misual’ah hian kan tam lo khawp asin. Ka chhiar chhuak parh, ka nui nasa mai. Part-1 kan chhiar zawm ange e.
July 24th, 2011 at 11:23 am
Nula lam ah chuan hmavir chak awm hle mai… π
July 24th, 2011 at 11:40 am
Thar desert chu ka kal ani leh ta reg mai a, i zar ah. Hnamdang ah chiah ami i tlak nat a? He2
July 24th, 2011 at 12:00 pm
Tibetan nula dawrkai kan ngaizawng der hlawm a, a tih chi phian mai; hei hi a thil zawrh tlawm zawka lei sak kan tum vang a ni. Kei lah chuan hmeltha ka tih thu leh Jodpur chhuahsan ka hreh phah dawn thu ka hrilh hrep a,kan biak sikhaw viau hnu chuan Rs.200.00 man te chu Rs.10.00 ten kan lei ta hlawm…. π
Kha Tibetan nula kha a thiante nen lo kalin min rawn tah ta vak mai, ka kutah a pawt a π
Hairehai..ngaizawng der mai lo deuh ni lo maw?? π
tak takin,hmeichhia tak hi chu awwwwww… π
July 24th, 2011 at 12:27 pm
Nikhat inbual loh pawh a hrehawm ania thlakhat han inbual loh chu a. Hairehai. Eng rim chiah nge in nam ang aw…huhuhu.
July 24th, 2011 at 12:44 pm
ladies man thei tek2 eee … A ngaihnawm leh pek hleee mai … (Y)
July 24th, 2011 at 12:56 pm
The End hma ve, US lam i chhuk tak dan te pawh ngaihthlak ava chakawm ve maw le.
July 24th, 2011 at 1:46 pm
Rin lawk ang ngei ngeiin a ngaihnawm kher mai a.. (Y)
Ka nuih tiza tak tak a awm nual mai, a ho tihna phei chu a ni chuang miah si lova! Hetianga thuziah kar laka nuih tiza deuh deuh inzep tel thin hian thuziak chhiar a ti nuam thinin ka hria.. (Y)
July 24th, 2011 at 2:18 pm
Next ah chuan USA lamtluang kan rawn post leh thung dawn nia. In lo chang thap dawn nia LOL. Chhiar a manhla thei ngei mai. Tibetan nula kha a der mai a ngaihzawn a nih loh hmel riau mai te ka lo ti mai2 nui nui
July 24th, 2011 at 2:37 pm
Pluto, Xonas etc, Tibetan sas, keimah chauh ka ni hleinem.. π fiam an dawllo em anih pek kha mawle π
July 24th, 2011 at 2:51 pm
Chhiar a nuam e. US lamtluang chu ka chhiar chak tawh lutuk
July 24th, 2011 at 3:37 pm
Pu Daju chu’h Tibetan nula ilo chhai thlu der mai a ni maw !
Ziak ngaihnawm fu mai…helm π (Y)
July 24th, 2011 at 3:51 pm
Zarkawt Tv. pakhat pawh Vairengte check gate-ah permit an dil tawh! A sa nasa mai π
July 24th, 2011 at 3:55 pm
pu HV-a thuziak mak ve na deuh chu ‘a hlui pawh a chul thei lo’ hi a ni. Blog a mi nen chuan voi 3 ka chhiarna. A chul lo, a thar leh thin.
July 24th, 2011 at 4:38 pm
A ngaihnawm hle mai, i thil ziak reng reng a chiang thin bawk a, kal ve ang maiin a mitthla theih.
July 24th, 2011 at 5:21 pm
Pu HV, a der lo aniang. Hei chhui chian a ngaih hmel tlat. Eng eng emaw i lo promised vel aniang π
July 24th, 2011 at 5:28 pm
Thar Desert ka la thleng lo. Ka thlen teuh ber chu Jodhpur. Jodhpur ka kal tum khan Mizoram nen an hun kha in ang turah ka ngai rawk mai a. Zing dar 5 velah, Rel Station atangin min ron pick up a. Dar 5:30-ah thlenna tur ka thleng a. Khua var nan darkar chanve vel chauh a awm bawk a, ti rilru chungin, ka inphih fai a, thutthlengah ka thu a. Mahse ka lo chhing zeuh a. Ka han harh leh chuan dar 7:30 a lo pel tawh a, khua a eng det det a, excer la an tlan thauh thauh. Khum a han mut leh mai kha a chi chiah tawh si lo. Nilengin ka buh deuh luk mai. Hahaha…
July 24th, 2011 at 5:56 pm
A va ngaihnawm Γͺ. Ziak chhuak thiam hlΓͺ mai. Kal ve tawh ang hrim a ka mitthla chiam chu le!
July 24th, 2011 at 6:27 pm
Post tupa chu a van reh ve maw le. Tibet nula laka a chet dan kan dawp a hlau a ni maw π . I in sawifiah deuh chu a ngai ang, engahnge tibet nula te i lo velh tah reng reng π
July 24th, 2011 at 6:37 pm
lushai_er, vai emaw intih chu a nice vaklo ani maithei hairehai π π
doc_lib #30 ka spy reng che alawm… tiam love… a “Kaida” a awm ve alawm π (H)
July 24th, 2011 at 6:41 pm
31 Pu HV ka awih lo reng reng,tibetan nula mittui lo tih tlak reng reng chu..engemaw chu a awm ang. Chuti ngawta zah pawh dawn lo va midang bula rawn tah khum ngawt ta mai chu π
July 24th, 2011 at 6:43 pm
#32 a “Kaida” a awm alawm, ThaiBoy hian a thiam hrim2 ang hairehai π
Ani hi pa tha mi tih lungawi thiam chi ania… ka sawi awmzia a hrethiam ang ka tihna π
July 24th, 2011 at 6:46 pm
Eu eu, ThaiBoy thlenga kan chhui a ngai a ngai dawn ani maw, thil a va kual hnawk sawt dawn ve π .
July 24th, 2011 at 6:47 pm
Pi Darnghingi Chanchin comment close khi (N)
July 24th, 2011 at 7:01 pm
Pi Darnghingi Chanchin comment close khi, tullo vele :-S
July 24th, 2011 at 7:08 pm
Post comment an close leh helamah comment ila ni mai lom. Tibet lamah khi tiang ang deuh,mah ni pa lo chhui lo chhui te pawh an awm mai thei a sin Hairehai π
July 24th, 2011 at 7:13 pm
hahah, tibetan mizo ang deuh te hi an lo awm ang e:)
July 24th, 2011 at 7:18 pm
38,Hairehai, kan chhui chhuah ngei chu a ngai ang, an awm lo ang tiin ka tang ngam ta hauh lo mai π
July 24th, 2011 at 7:36 pm
37. My dear doc, he lamah bawhzui phurawm tak thil thar in lo hmu elo? Himalayan nula ho hi an vun a thianghlim ang bawk hian an rilru te hi a thianghlim ang reng a, velh tah an awl viau ania. In ute ho sulhnu atang hian fin phahna hawk thil i hmuh chhuah ngei ka ring.
July 24th, 2011 at 7:46 pm
Pkfanai, kan chhui chhuah a ngai ang. A post tupa lah ngawi hmak mai sia. 1990-91 kum chho vel khan Jodhpur ah Tibetan nula, lungngai taka hun hmang, a hnu ah pawh pasal nei lo va, fa pakhat pawm tlei ta an awm em tih kan zu chhui chhuah hmasak a ngai dawn ani π
July 24th, 2011 at 7:53 pm
A ngaihnawm hlimawm ka ti. Sanghawngsei vawih uih khi a ngan khawp ang le
July 24th, 2011 at 7:58 pm
Benny, an vawih lai hmel hmula chuan hahaha “hril thiam ahar amak ana” tih vawng2 tlak a ni hairehai π An mahni lah chu an ner nung mai a, a uih tawh sa nak laiin, khawlum khan tawrh a tihar zual π
Camel intlansiak tur hi zu an pe teuh zel… an tlan chak duh aniang π
Camel ke hnung hi hmun 4 ah a inthlep niin ka hria. Step 4 in an thoin an thuhniam. :-S
July 24th, 2011 at 8:32 pm
Hehehe, mitthlain kan hmu a ka nui vur vur mai
July 24th, 2011 at 9:11 pm
Kal ve ang maiin ka chhiar zawngin mitthla-ah a rawn lang ve zut zuta, ka kal ve tawp si lova. A va ngaihnawm em!
July 25th, 2011 at 1:10 am
Ku HV engtin maw..1990-91 velah Jodhpur ah tibetan nula lungleng, pasal nei ta lo a, fa pakhat tul pui ta zawng hmu turin mi intirh kan tum tawh mai ania. Hairehai π
July 25th, 2011 at 1:20 am
1990 november anih chuan, 1991 january velah luak chhuak leh chaw ei tui lo a in tan ngei ang a,1991 august thla velah tibetan nula jodhpur damdawiin a nau nei atangin chhui tan leh phawt mai ang aw π
July 25th, 2011 at 1:31 am
doc_lib, a hmasaah khan comment ah a kum ka ziak sual tih ka ziah kha i hmulo a ni maw!? Admin te pawh min tih dik sak turin ka ngen a, an lo siam thalo ani maw…pawi hle mai. 1990 kum tawp ani e, kan kal khi. π
July 25th, 2011 at 1:35 am
Ku HV chuti pawh nise a sual lutuk dawn lo e, 1990 kum tawp anih chuan 1991 september thla kan tin zawn leh mai dawn nia Hairehai π
July 25th, 2011 at 1:44 am
A ngaihnawm khawp mai. Ka nui deuh tet tet reng mai. Hairehaiii..:-) Nangmahah chuan i thil chhinchhiah theihna hi ka duh ber.
July 25th, 2011 at 1:53 am
TS, thang khiu. Thalo ka tihna chu naupan lai etc etc. vela min ti duhdah tu tih ang chi vel hi ka hre reng tlat
July 25th, 2011 at 1:58 am
Pu Hv, chu chu loh theih loh. Kei pawh Primary School ka kal chhung zawnga min tiduhdahtu, Siama kha ka la theihnghilh thei reng reng hleinem. Middle School-a a homework min tihtir thintu, Mathematics thiam zet si, a bul lova ka thut phal miah lotu, min tiduhdah em emtu ni bawk, Tluangtea ka theihnghilh thei lo bawk.