Sakhuana backbone hi chu tha leh thalo indona hi a ni ber a. Chuti a nih chuan Van Indona hi a awm rin hi atheist kan ni lo a nih chuan a har lo in kan ring ngawt. Enge kan rin, engvangin nge kan rin ang, chu kan rin chu enge a bulthut tih kan hre duh a nih chuan Van Indona ah hian kan tan a ngai ta a ni.
Mahse chutia a awm ring chung reng si chuan tute emaw an han sawifiah dawn hian kan ringlo leh tung roh bawk si a, hriatthiam a har fo thin. Phenglawng tum turin min ti a, phenglawng kan tum a, in lam leh duh silo tih thufing te pawh kha a ang zo ta.
UNIVERSAL ORIGINAL SIN
Sual kan han tih hian mihring sualna leh bawhchhiatna kan sawi chuan Kristiante tan chuan Eden huan a rul in Evi a thlemthluk kha a bul ah kan ngai a, dik pawh a dik. Mahse tlem a dilchhut deuh chuan zawhna dang a rawn piang leh nghal a – Engatinge Setana chuan Evi chu a thlem, engtik lai khan nge Setana chu a lo sual tan? – tih hi. Setana tobul hi chhui a lo ngai ta a ni.
Adama khawvel lo awm ve hma daih hian Setana khawvel chu he lei ah ngei hian a lo awm tawh ani tih ngaihdan hi mi tam zawk chuan thil awih awm lo, Pathian sawichhiatna ni hial in an ngai a. Tin, mi tam zawk in kan lo pawm dan sa a rawn kalh avangin he ngaihdan hian pawm a hlawh lem lo.
Internet lam ah pawh Bible Scholars tamtak in an pawmlohna document te leh Video te pawh tamtak chhiar leh en tur a awm, mahse an paihthlak tum dan point te chu nawi ve tak tak, awlsam te a lehthal theih vek anni thung. He thu hriatfiah hi chuan tunlai a Bible leh Science inkalhna lian ber mai – carbon dating leh archeological excavation rawn chhawpchhuah, mi tamtak in a Bible an hmuh nep na chhan leh Pathian hial an rinhlelhna hi a rawn chingfel in a thiat nalh em em mai si a ni.
GAP THEORY
Genesis Bung 1 chang 1&2 inkar(gap) chu tawite in han thailang dawn ta ila. “A tirin pathian in lei leh van a siam a. Tin, lei hi a chhia a, a ruak ngawt a ni a.” tih a ni a. Zawhna hmasa ber chu, chang 1-na ah Pathian in lei a siam a,chang 2-na ah lei chu a chhiat thu leh a ruah(ruak/hluihlawm) thu in a zawm nghal zat hi engatinge tih a ni ta a ni. Chang 1 leh 2 inkar ah hian thil engemaw ni tlazep a awm ang tih hi a rinawm ta em em a ni. Pathian thil siam thiam zia leh thilsiam a awlsam teh lawp zia chu Bible ah kan chhiar a, kan ring a nih si chuan a chhe sa leh hluihlawn a khawvel a siam chu a MAK lai ber leh chhuichian ngai chu a ni ta a ni.
Heta Hebrai thumal hmante chu ‘tohu’ leh ‘bohu’ anni a. A sap tawng tluk pui chu ‘chaos’ leh ‘desolate’ anni. Big Bang Theory leh Evolution theory te hi kan ring a nih chuan ‘chaos’ tih tak hi chu kan pawm thei pawh a ni mahna (kei chuan ka ring lo a), mahse ‘desolate’ ber kher hi chuan desolate a nih hma history a nei ta tlat a ni. Rauhsan a nih chuan rauhsan hma a awm ta tlat a nih chu. Helai hi Mizo Bible lehlin hmasa chuan ‘chhia’ leh ‘ruak’ a ti a, a root meaning a zuk phawkchhuak zo lo. Tin, lehlin thar chuan chang 1 leh 2 hi a punctuation hi a thaibo ta daih pek a -
“A tir a Pathian in lei leh van a siam khan lei chu a chhia a, a ruak ngawt a ni a”
tiin a zawm ta purh mai bawk a, a tum chu thelh tak a ni tawh.
Chang 2 na ah hian thumal 2 chai leh laih tur an awm a, chung te chu ‘now’ tih leh ‘became‘ tih te hi anni. Mizo Bible ah chuan kan grammer in a sawithiam loh avangin a awmzia zuk chhui ngaih na hint takngial pawh a letchhuak theilo. Transalation hrang hrang an inang vek lo a, mahse ‘now’ hian u a nei a, chu chu ‘then’ a ni, tin ‘became’ hi original state atanga lo piang chawp sawina a ni tih kan hre vek bawk si! Hmmmm…..ngaihtuah ang le……. kan man ruak hnu ah chuan heti hian han dah chhuak ta i la.
“A tir in Pathian in lei leh van a siam a. Tunah erawh chuan lei chu a chhia in hluihlawn ah alo chang ta a” tiin.
Chutichuan hengte hi kan chhui tur chu anni ta a ni.
1. Khawvel chu engatinge a lo chhiat tak mai?
2. Engatinge hluihlawm a nih, hluihlawn hma chu eng khawvel nge?
Chik deuh a Bible han chhiar chuan Genesis bung khat a thilsiam inziahna ah hian Pathian in a siam tih a sawi ve miah loh thil pahnih a lo langsar ta nawlh mai a, chung te chu TUI leh THIM te hi anni. Zawhna dang a lo piang leh ta. Engatinge Pathian in tui chu a hranpa a ‘lo awm rawh se’ a tih loh, engatinge alo awm sa? Engatinge thim chu alo awm sa? TUI leh THIM te hi Bible atanga chhui leh a lo ngai leh ta a ni.
Tui chu Baptisma chungchang ah kan hrefiah tawh a, sual tlenfaina tiin. Chutichuan mihring bawhchhiat hma daih, siam pawh an nih hma daih in thil engemawni chu TLENFAI tur chu a lo awm tawh pang a nih chu! Thim hi Bible ah hian sual, thalo sawinan vek a hman ani a, Science ah chuan NUNNA lo pian nan leh dam khawchhuah nan ENG a ngai tih kan hriat chuan THIM chu nunna tih chimihna a ni tih kan hrethiam nghal mai bawk awm e.
Chutichuan heihi kan hrefiah thei ta - Mihring awmhma daih in Khawvel hian tlenfaina leh hremna, nunna zawng zawng tih chimih vekna engemawni chu alo hmachhawn tawh tih hi.
Isaia 14: 12 ah kal daih ila, Varparh-a chanchin kan hmu a, I rilru chuan ‘Vanah ka chho ang a’ tih kan hmu a.Varparh-a hi vanah a lo awm reng reng lo, awm ni se van a chhoh a tum harsa lovang. Setan-a hi Pathian tluk deuhthaw, Pathian hnuai chiah ang ten kan lo ngai thin, mahse a lo chuti teh lua lem lo, he khawvel Guardian Angel (nge solar system zawng hi ni ang aw?) hi a lo nih hmel ta zawk a ni.
Hemi tichiang tur hian Ezekiela 28:14 ah kal leh i la, ‘Nang chu Eden huan ah i cheng’ tih a lo awm leh a. Bible scholars thenkhat ten kan han tarlan changte hi Babylon Lal leh Tura(Tyre) Lalte sawina ah an keuhthlu thawr a, mahse Bible hian dual meaning a nei tih erawh an sawibo thei chuanglo.
Heta pawmawm ber ni ta chu Babylon Lal leh Tura Lal te phen a invisible force hi a ni Pathian in a sawi zawk tih hi a ni. Chumi ti fiah em em tu chu Daniela bung 10 a ni 21 a tawngtai hnu a Gabriela rawn kal khan a rawn puih vat lohna chhan chu Persia lal in a lo dodal thu a sawi kha a ni, Persia lal Cyrus-an vantirhkoh Gabriela a lo dodal theilo, a theitu chu Spiritual world a Persia Lal(Persia lal phen a thlarau sual) zawk a ni. Chu chu Paula chuan Ephesi 6 chho ah ‘kan buante hi lalna (spiritual),thuneihna inkhaidiat(principality of spiritual kingdom) leh van hmun a thlarau sual ho te annih thu a sawi khan a rawn nemnghet leh bawk a ni.
A chiri lutuk em aw? Hei hi Van Indona prelude chu ni hrih teh se. He thu hi Setana zirchianna leh a mualphona lam thu a nih avangin Setana hian thup a duh ngawih ngawih ang tih hi a rinawm em em a, chuti mai a ring nghal mai tur pawh in in beiseilo ila, tunge kan ngaihtuahna phen ah awm tih pawh kan sawi chho zel ang chu mawle.
Similar Posts:
- Bible hi aw….
- Pathian hian mihringte hi a hmangaih tak tak em? PART-I
- Siamthar ka ngai ani-PBK Liankhuma
- Rinna leilawn
- Khawvel Hmasa vis–a-vis Setana leh Ramhuaite
. Gaga hi...
May 15th, 2011 at 4:35 pm
.
May 15th, 2011 at 4:38 pm
Va reh ve.123 (P) clickclock
May 15th, 2011 at 4:38 pm
Mi(sual).com has become forum for ethnic, tribal issues and theological matters and little else.
May 15th, 2011 at 4:39 pm
Kan chhiar a nge
May 15th, 2011 at 4:51 pm
A va ngaihnawm em ! Steady State leh Big Bang theory ringawt pawh kumkhaw chai tham, mahse mipui an thuhmun fo thei lo…!
Khawvelah hian civilization hrang hrang a lo awm tawh thin a, mahse kum hlun reng reng hi an awm lo zawng anih hi !
May 15th, 2011 at 5:04 pm
Rin ang ngeiin a ngaihnawm leh hle mai. (Y)
Ka rilrua lo awm ve rauh rauh (roh roh) thin chu ‘TUI LEH THIM’ A siam lai Bible-a lang lo tlat mai hi a ni.
Han ziah chhunzawm thuai thuai teh khai.
May 15th, 2011 at 6:07 pm
A ni khatnaah chuan “Eng lo awm rawh se” A ti a: tichuan eng chu a lo awm ta mai a. A tawi zawngin ‘eng’ chu ‘chhun’ A vuah a, ‘thim’ chu ‘zan’ A vuah bawk a. Ni linaah ni leh thla A siam chauh mai bawk si a, ni leh thla hi siam ta lo mahse, khawvelah hian ENG chu a awm tho hmel….te ka lo ti vel ve mai mai a.
Post nen khian a inkaihhnawih lo mai thei a, rilrua awm ka rawn sawi ve leh thruai a ni e. Post-tupa hian sawi tur a lo hre leh mial mai thei a.
May 15th, 2011 at 6:19 pm
Bawngtlaia leh Mr.Duhlova’n min fuihpawrh a, hman zan ah 3 a.m. thleng ka men phahna a nih hi.Part II pawh ka la ziak chuanglo. Thlarau thawh dan a zir a niang chu. Chaw ei phawt ila.. 10 p.m. vel ah hman leh ang. Han komen te uuuuuu…….misualho, insumkar miahlo in.
@sony, theos lam post hi 5% pawh a awm loh hi, ngawi mai mai teh. 😛
May 15th, 2011 at 6:29 pm
@bawngtlai, hre maithei, mahse thenkhat chuan RISK an ti leh maithei. 😀
1. Nikhat na ah tlai lam a awm a,zing lam a awm bawk.
2. Nili na ah ni leh adt a siam.
Law of gravitation hriat hnu chuan ‘ni’ tello in revolution leh rotation a awm theilo alawm. Rotation tello in tlai lam leh zinglam an awm theilo bawk. Ni khat na ah khan ni a awm sa, mahse an la lang lo. INLARNA hi chu sequence of perception ang a ziah a ni thin e. Conservative ho in rawn sawi ve rawh se. 😉
May 15th, 2011 at 7:38 pm
Zoho..Ka rin dan chiah chiah hei hi!
Engkim siamtu kan Pathian hian setana hi a duh hun hunah a ti boral thei reng a (mihring te lak atangin!), mahse ‘engemaw’ vangin a ti lo mai ani. !
May 15th, 2011 at 8:11 pm
Va ngaihnawm mai mai e aw…. han ti zel teh khai, fuihpawrh vang pawh nilovin 😉
May 15th, 2011 at 8:14 pm
#11 hu huuuu 😉
May 15th, 2011 at 9:51 pm
A bengvar thlak in…ngaihtuah a ti thui hle mai…, mahse..kan ti ve te’ng.., tuna nghaih dan thar ah chuan, khawvel hi kum sang tam tak liam ta a lo siam.. !! tih hi pawm a nih hmel tawh zawk…he mi avang hian Bible leh science/archeology hi a hnial kalh na a awm in ka hre lo… :-$
” Archbishop Ussher of Armagh(1581-1656) in a a chhut dan ang deuh a..khawvel hi 4004 BC a siam a ni..” tih hi
hi mi tam takin a dik emaw tiin kum 1701 a trang khan KJV bu thenkhatah Genesis 1 bulah ah BC 4004 tih an dah thn kha… !!
Science thiam na hi hmuh Pathian thu loh viau hi sim i la hma kan sawn chak zawk lo’ng maw…
Entirnan : Genesis bul ber ah..” in the begining ” tih tak mai te hi.. the Big Bang theory hian a sawi fiah chiang viau lo maw…, Singularity hmalam a thil eng pawh lo awm tawh hian eng mah bing bang hnu ah chuan awmzia a nei tawh lo tih te kha.., tun (time) lo in tran na chu a nih hmel …huizz..sawi tur a tam..ka comment sei bik dawn ltk in ka hria..duh tawk mai ang 😀
May 15th, 2011 at 10:08 pm
Hetiang theory chi hrang hrang hi internet ah hian zawn peih chuan atam khawp mai a; a zula thu ziah mai pawh aharsa tawh lem lo. (D)
May 15th, 2011 at 10:59 pm
A ngaihnawm leh tiah tiah hle mai. Van indona hi sual setana sual lo intanna chu niin a lang a ni. Van atanga paihthlak a nih hnu-ah eden huana evi leh adama te kha a thlem tlu ta a ni.
May 15th, 2011 at 11:18 pm
Ka hman leh ta.
@Benny, i ti lawm awm e, a ninawm in tih ka hlauh mah nak lai a. I chhiar chiang em? Setana leiah a awm hmasa ber, chuan van ah chhoh a chak, a chho, indona alo thleng, leiah paih leh a ni, chuan Evi a thlem ta chauh a nih hmel ber zawk.
A post thupui hi van Indona tih ai in LEI leh VAN Indona tih ka duh zawk a, a dik zawk bawk a, tun hun thleng pawh a he indona hi la kal muah muah a ni reng bawk, a hmawr pawh kan bawk tan dawn tawh tih a hriat e.
May 15th, 2011 at 11:19 pm
A lut nawn tlat. edit mai e. Mr. Duhlova hi a va reh ve, ka chhiar chak e a ti kha a ni si a.
May 15th, 2011 at 11:31 pm
#13 @ amuana ralte – I comment dan ah ka confuse deuh chu a….khawvel hi 4.5 billion yrs old tih lam a dik i tihna? Kei pawn ka hnial hleinem. Usher-a te pawh an dik thuak thei tho bawk. Ka la rawn tizel dawn, a la chiang chho zel ang.
Time hi a awm meuh emaw ni le? Einstein leh Stephen Hawking te pawn an risk ve mai mai bawk a ni. Inhnial theih tak a ni.
May 15th, 2011 at 11:37 pm
Bawngtlaia @ 6&7, i ngaihtuah ve fo thin a ni maw? Kan tleirawl laiin i zawhna khi kan pastor leh kohhran upa te ka zawt fo thin, tuman an chhang thei ngailo.
Tin, ‘Eng lo awm rawh se’ tih hi physics ah a dik a, biology ah pawh a dik bawk. Tin, ‘curse into blessing’ thuchah pawh a pai tel bawk.
May 15th, 2011 at 11:45 pm
Sawi ngaihnawm leh viau zel mai a. Theologian leh Bible Scholars te ho hian mipui nawlpui hmaah an thil zir hi an sawi chhuak lo tlangpuiin ka hria a; mahse hei keini chuan thiantha tak zarah thil tha tak tak kan hriat phah zel e. 😀 😀
May 16th, 2011 at 12:50 am
@Pu Zoho
Van Indona Part 2 nghah pahin, post chi dang deuh ka han rawt leh mai mai teh ang, infuihpawrh lam pawh ni chuang lovin.
Hetah i chhan nghal pawhin pawi chuang lo, tha hlei hlei.
Kriastianten’n vanram an beisei dan hi ka bangbo riau mai. Judate’n kum sang rorel hnua thlarau khawvela awm dan tur an sawi pawh hi hriatthiam phak loh chin ka nei tlat thin, chu erawh chu lo dahtha ta ila. Kristiante’n vanramah angel-te ang khian P-thian chu bang lova zaia fak kumkhua tur ringawt em ni; Kristian-nain-a a ngaihdan min kawhhmuh thei la, a lawmawm ngawt ang, hriat ve mai mai ka chak. Kan naupan lai kristian kan nih ve laite khan vanram hi mizote’n pialral an ngaih ang bak khan ka ngai thei miah lo mai a, tun thleng mai hian.
May 16th, 2011 at 1:26 am
tha hle mai… ngaih bel tur neuh2 pawh tam khawp mai… (Y)
May 16th, 2011 at 1:53 am
@bawnga(I nick ni miau hek, hehe),ka la rawn post zawk ang e, van leh vanram inanloh zia, Mizo kristian 90% chuan an helh dawn tih erawh ka hre sa…huizz
@dreath, ti lawmawm e, ngaihbel tur neuh2 a awm i tih chu han sawi teh, a interesting hmel riau…
May 16th, 2011 at 2:11 am
Haha……Pu Zoho, a va lawmawm dawn ve; a helh helh chuan lo helh mai mai ang hmiang. 😉
May 16th, 2011 at 2:15 am
Thianpa Zoho-a tak hi chu aw….hei tunah pawh Bawngtlaia hi Bawnga tiin a ko leh hmiah mai,ti hian a bung leh tawp tawp zel,’tlaia’ tih laite hi han tel sela tha tur. Tunah hian Bawnga a tih chhan chu-a nick a nih vang a nih chu:hrethiams: 😀 😀 😀
Kei chu min ti sela aw FB thleng thleng in ka umzui ang mawle,Bawnga intih chu mawi lo e…hahahah:fiamthu fiamthu: I bula awm a nuam e,misualah hian lo tel zel rawh… 😀 😀 😀 😀 (Y) (Y)
May 16th, 2011 at 2:28 am
Keini te chu Pu Zoho-a tu rual lek kan ni a lawm. Bawnga min ti hi chu min koh duat vena a nih hi….. 😀 😀 😀 😀 😀 😀 😀
May 16th, 2011 at 2:33 am
Haha..nang pawh Krisa ka ti tep mai thei che, a seilo hlauh.
Tak taka, bawnga intih chu nuamlo ve deuh, tlai tih a tel pawh in a nuamlo deuh tho, ka ethic a kalh deuh roh bawk, mahse a in phuah miau si alawm, nih leh tun atang chuan BT ka ti tawh mai ang. 😀
saw, in beisei loh deuh lam ka rawn post thar e, pending ah sawn. Nang pawh in thilzir lam te pawh rawn post ve thin la, i post ka la hmu(fuh) miah lo a nia. 😛
May 16th, 2011 at 2:35 am
Zoho a ril dan hi ka duh chi! (Y) Pathian ropuina leh A tlanna sawi nep chuang si lo a, ngaihtuahna ril a nei hi a ropui, thil tul em em ni lo mahse a Amah Pathian in min siam dan ani tlat si a..
May 16th, 2011 at 2:40 am
@BT(haha) ka lawm riau che, i inquisitive tlat a. Late 90’s chho a Pathian thu a ka tui vanglai chuan Israel a missionary nih hi ka chak teh mai a nia aw, an hmufuh teuh, an thleh fiai hi ka uipui lutuk a. Hnambo kan nih i rindan han post la mawle, ka lo sapot maithei che a ni. A probability pawh ka hre ve kir ker a nia. 😛
May 16th, 2011 at 2:42 am
Ni e, zoho hi a post hmasa lamah khan ka mil vak lo thin a. Mahse, a ril tlat. Ka ngaihsan zawng tak a ni. Debate velah kan lama tang chi atan ka awt!
May 16th, 2011 at 2:43 am
@lrpa, min fak miah suh aw, fak hi ka dawllo teh mai a nia,ka chapo awr awr mai ang, misual diktak ka nih hi. 😉
May 16th, 2011 at 2:48 am
Hahahaha…kan thil zir lam maw? Post lam chi pawh ni nghal lo chuan a… 🙂 Nangmah lam hian lo ti zel rawh. (Y)
Naupang pakhat chanchin an sawi fo pawh kha i hria ang tiraw… Tum khat chu Sunday School ah Israel faten Jordan Lui an kan thu kha an zir a ni awm e. Inah a haw chuan a nuin enge a zir a zawt ta lawm le. Mahse naupang chuan Israel fate Jordan Lui kan dan kha hetiang ang hian a sawi daih- Israel faten Lei(brigde) lian tawk an dawh(build) a,chuan Lei-a an kal lai chuan Pharo-a sipaite an lo kal a,mahse Israel fate an kan zawh veleh lehlam pangah an ti chhia a. Chuan, Phoro-a sipaite chu Jordan ah an thi vek e a ti.
Hetia a sawi chhan chu an Sunday Sikul zirtirtuin Jordan Lui Israel faten an kan dan an hrilh kha mak a ti lutuk a, anu in a awihloh a ring a,ama thu in a phuah chawp ve ngawt mawle……. 😀 😀 😀 (Y)
May 16th, 2011 at 2:49 am
Het, Fugee, ngaisang ti vak vak lovang. Infak chuan mmaimitchhin a awl,constructive criticm rawn pe pawp pawp rawh, kan mamawh ber alawm. 😛
May 16th, 2011 at 2:58 am
@Krista,Ka man lo, chu mistiri lam i zir a ni maw? 😀 😀 😀
Kan engineer ho hi kan sel mai mai, tlangram, earthquake zone 5 a cheng kanni tih an hre reng a, insak him dan an zir te hi mipui ah zuk share duh miahlo a, karimganj vaiho kut ah neih thinglung khawng a an sak te chu kan dah vek lotheilo a, thihna ngei ngei tur thang min kam sak hi a ni ringawt. Shaaala…
May 16th, 2011 at 3:03 am
@Zoho: Zir nang aw. First para leh Second para hi i ngaihfin a ni chiang mai. A thuken a dang daih ania aw.
Lir a nghin vaih chuan kei chu ka awmna hi a him si ahhh, Pu Lushai_er, Pu MZ Vission,Pu Muantea, Pu Caribou, Ts leh midangte nen in buai chhe dawn mang e… 😀 😀 😀
May 16th, 2011 at 3:32 am
@Ku Zoho,…. Vanram, Lei leh Hremhmun inlaichin kual dan leh an nihna leh awmna hmun theuh te nen rawn la Post teh aw, tah hian i sawi tlang rawng bawk si lo,… an indona hmun ber pawh a chiang lo riau lawm…. 😀 😀 i ngaihdan ka hre chak mai mai….hehhehe.
Ka sawi awmzia ber chu Vanram, Lei leh Hremhmun te chu khawiah hian nge an awm tihna a nih ber chu.
May 16th, 2011 at 4:01 am
Ekhai ! Pu Zoho, keini ve zawng thu han ziak ve tur em chuan kan hriat a bei tham lutuk. Mithiam (Scholar) te titi kotlanga lo dah(k) ve pawh hi a chang chuan a zahthlak lek lek thin. Kan han Kawmen vete hi a nawi niai zel a.
Nia, Israel ramah hian chanchintha chu rawn hril mawlh teh u, an mamawh viau mai thei che u a nia…
May 16th, 2011 at 4:22 am
@36 D_auaChwngthu
Zep miah lova sawi takah chuan LEI awmna khi chu ka hrilh thei chein ka inring….. 😀 😀 😀 😀 😀 😀 😀 😀 😉
May 16th, 2011 at 4:31 am
@38____ Neibawngtlaikhawhnu____ 😀 I sawi buai leh tho lo maw…. 😀
I smiley dah khi an inkar zelah khian space dah zel tawh lawh lem….. a lo thlawnin nui mang siloin i tlar thrut zel a….hehehehe Tiang hian…. 😀 😀 😀 😀 😀
😛 😛 😛 hahahaha
May 16th, 2011 at 4:44 am
Thang Khiuz…………….Aute
😀 😀 😀 😀 😀 <———- tiang hian maw?
May 16th, 2011 at 6:27 am
zoho ‘Eng’ siam a nih chuan ‘Thim’ siam a ngai dawn a mawnle awwww…. ava naupang chhia em. Light/Radiation chu matter a nia, ‘dark’ chu engmah lo(engmahin a siam nilo), engmahlo ah chuan Light matter a dah animai.
May 16th, 2011 at 6:34 am
Bawngtlaia te, D_auaChawngthu te pawh hi Judaism in intia Thuthlunghluia Mosia dan pek ang cheu kha in zawm leh mang bawk silova. In nung peih lovang a hautak a sin, inthawina tur beram te leh ran te invulh a mi??
Hei tak hi alawm Isua in a tihdanglamna hi nangni(Judaism) pawhin in tawm tihhi in inhreloa. Amah ringlo tute chungah pawh ro a rel zia a ti lang a ni.
Israel in awm chak vang mai mai niin ka hria Isua in phatsan duhna hi, ka ngaisang lo tawp (N)
May 16th, 2011 at 9:31 am
Mrs Ellen G. White chuan, “HLING (thorn) hi Pathian siam a ni lo,” a ti khiah bawk asin! A inlarna hmuhah 😛
May 16th, 2011 at 12:29 pm
@Asteric, dark/thim hrim hrim hi awmlo, engmahlo ah i ngai tihna em ni? Dark matter, dark energy tih te hi chu i hriatloh ka ring bawk si lo….huizz. Misual most skeptic award hi chu i phu ber mai. 😀
May 16th, 2011 at 12:38 pm
43 @ chawnghilh, kei pawh ka ngaihdan tho a ni asin.Pathian perfect plan anni lo, bawhchhiat hnu ah lei anchhia atanga rawn intan Gen 3:18 “hlîng leh buarte pawh a chhuaksak ang che”
Pathian custody atanga lei pumpui chu Adama’n a tlukpui khan Setana’n free hand a nei ve ta chiah – chuan tunlai a wild wild nature kan tihtak hi a rawn evolve tan ta chiah.
Mithenkhat chuan Getsemani huan a Isua thlan thisen far pawh kha an ngai thutak viau asin, lei hian tlanna a mamawh ve tih lam a nia, ngaihnawm ve tak a ni.
May 16th, 2011 at 12:40 pm
Lucifer-a hunlaia tuilet khan Lucifer-a khan tui hleuh alo thiam awkawng silova, Pathian tan pawh tuia han tlak hlum tir ngawt kha a dik ber silova. Fair-lo taka Lucifer-a a tih hlum ringawt chuan Van indona dang pawh a chhuak leh lovang tih a sawi theihloh.
Chutiang vel avang chuan tui let chhunga a awm natur Mt.Everest a siam sak ta ani. 😀
Unidentified source atanga a lan zel danin he mt.everest hi thupuan a kan hmuh hmeichhe nau vei khan tawm bo nana ala hman tur niin a lang. 😀
May 16th, 2011 at 1:19 pm
Hei chu ka ngamtlak post a ni bawk a comment number 32-na(2nd para ami,1st para chu thusawi dang)a naupang chanchin khi han sawi chhunzawm leh ta zel ila.
Kha naupang kha a lo lian tulh tulh a, Sunday Sikul ah pawh a kal ve ta zel a. Tum khat pawh pawh Isua leh Baptistu Johnana pian thu kha an zir leh a. In lama a hawn lai mek chuan a nuin eng lampang nge an zir tih a zawh leh a ring si, a buai leh ta tlat mai le. Baptistu Johana pian dan kha chu anu te khan awlsam takin an awih mai a ring a; mahse Mari’n mipa tel miah lova Isua a hrin dan vel tak erawh chu anu te khan an awih a ring thei bawk si lo. Chuvang chuan heti hian a phuahchawp leh ta ngawt a lawm le- Kan nu vawiin chu Baptistu Johana leh Isua pianthu kan hotuten min zirtir a. Luka 1;36 ah khan Vantirhkoh in Mari hnenah Johana pianntur thu a hrilh bawk a. Chuan Elizabeth-i paw’n fa a neih theih nan Zakaria a nen an in nei a,chutiang bawkin Mari paw’n Isua a lo pian theih nan a pasal atan Josepha a in nei a. Keimah pawh hi kapa chi atanga ka piang ang chiah hian Isua pawh chu Josepha chi atangin a piang ta a ni, a ti then mai.
Hmeichhia leh mipa inpawlna tel miah lo a Thlarau Thianghlim tanpuina zara Isua piang kha mak a ti lutuk a, a nu khan a awih loh a ring leh tlat pek a. Chuvang chuan mihring inpawlna atanga Isua piang angin a chhuah ta ringawt a lawm le. 😀 😀
May 16th, 2011 at 1:26 pm
ka la hriatthiam theih loh chu, “a tir” tih lai hi :-S
May 16th, 2011 at 5:10 pm
@ 47___krista,
I mipa naupang hriat mai mai chu…..!! 😀 😀 😀
@42 Asteric Visc,
I ngaihdan dan le.. 😉
May 16th, 2011 at 7:51 pm
@Bawngtlai: He naupang chanchin hi Intellectual level ah hian lawm a hlawh zek a nia aw. Thil nih phung dang lutuk theory leh postulate(mihring ngiahtuahna) hmanga sawifiah dawn hian an sawi/ziak ve ziah thin a ni awm e….. 😀 😀 😀
May 16th, 2011 at 8:17 pm
@krista____ i sawi tum ka hrethiamin ka hria, la hrethiam chiah lo a nih chuan ‘phaks’ a ni tawh mai.
Entirnan; pu Zoho-a chuan ka nick chu a duh chinah a rek bung tawp mai ang deuhvin Bible hi a duh chinah a reh bun rik ngawt i hlau deuh a ni maw? Hlau mah ta che, pu Zoho-a thuziahte chu kan ngaihdanin a mil chinah chiah khan kan lo rek bung ve tawp ang a ni mai lawm…………….hehe 
May 16th, 2011 at 8:27 pm
@Bawngtlai: I hming chungchang ka sawi nen kha chuan a in kaihhnawih vak lem lo. A post tupa hian a hrethiam khawp ang, ani hian a hriatthiam chuan kan duh tawk rih mai dawn em ni tiraw…..
In bula awm a nuam thin e…. 
May 16th, 2011 at 8:54 pm
Ka rin ai in a sei deuh a, ka chhiar hman lawk loh a vangin, ka la comment hman lova….khai le…
Kha daih kha a sin, “…mi hur sam lo meh kawlh sak…” kan YMA leh VDP duty te khan (an ti tha ve tho na-in) an thuai ler ve thei lutuk a…..
Khawtlangin kan buaipui te Van Indona atanga lo intan daih tawh a ni si a….
A thupui khi “Van Indona, lei a chhunzawm” te ni ta se te lo ti ve mai mai ila…
Chaw te chu ei ve phawt la..rawn chhungzawm zel teh ….
May 16th, 2011 at 9:53 pm
Mr.Duhlova a rawn lut ve ta.
Hey, Krista,i rawn bei kual lutuk, Zachariah D’Souza(?) chuan a lehkhabu a hawhtir che nge, tehkhin thu in a ka a ang?
Apologetics chu kan neive tho a nia aw.