Nick-a chu chak tak leh palian deuh hi a ni a, rel kawng siamnaah kum tam tak a thawk tawh a. A thawhna company tan a taima a, hna a thiam bawk a, a thawhpuite zingah pawh a chhuanawm fâl hle a ni. Nimahsela, a rilru put hmang a tha lo hle mai a. Thil reng reng a thim zawnga thlir ching mi a ni a, thil tha lo rawn thleng mai turin a hria a, chutianga a ngaihtuahna avang chuan lungphang reng rengin a khawsa thin.
Vawikhat chu an hotupa piancham a nih avangin hnathawktute chu haw hma phalsak an ni a. Haw tura an inpuahchan lai vel chuan, an hnathawhna hmuna vûr bawm atana siam rel pindan pakhat chu Nick-a chuan a en a, a chhungah chuan a va lut chhin mai mai a. A rin loh deuh maiin a kawngkhar chu amahin a inkhar thut a, pawn lama socket bolt chu a nghawr dawt a, pawn lamah a inkalh ta tlat mai a. Chhuahna dang a awm lo va, pawn lamah a thawm hriat theih a ni lo va, awrawl tawpa a au hnu ah pindan bangte chu kut thi hne hnu khawpin a chùm a, a thawhpuite an haw vek tawh si a, bawm chhungah chuan a tang ta a ni.
Nick-a chuan a han ngaihtuah a. A awmna chu bawm satliah a ni lo a, vûr bawm a ni tih a ngaihtuah chhuak ta a. Vûr bawm vawt tak chhungah chuan rei tak dam theih a ni lo. A thi ngei dawn niah a ngai a, khaw vawtin a hmeh khawng hmain a chhungte lehkha tur ziah tulin a hria a. Pindan kila lehkha khawng themah chuan thu tawite a ziak ta nghe nghe a.
A tuk ah chuan, hnathawktute an lo kal a, vur bawm chu an hawng a, bang kila Nick-a lo tlu khawng reng chu an hmu ta mai a. A lo thi khawng vek tawh a, post mortem result-ah chuan Nick-a chu khawvawtin a hmet hlum tih finfiah a ni.
Hei hi a makna chu a ni: Nick-a thihna pindan chu vûr bawm chu a ni ngei a. A chhiat avanga hluihlawn a ni a, boruak vawt siamna electric te chu zawm pawh a ni lo. Vûr bawm chhung chu pawn lam boruak aiin tlêmin a vawt hret chauh a ni. Mahse, Nick-a chu khaw vawtin a hmet hlum tlat a ni. Engkim a thim zawnga thlir mi a ni a. Vûr bawm chhunga tâng a nih avangin vawt turah a ngai a, a vawh nasat chuan thi turah a inngai bawk a, amah leh amah a inngaihtuahna chuan a taksa a thunun a, a thluakin a taksa a bum a, ama rilru chhunga indonaah chuan hnehin a awm a, a thil hlauh leh beisei chu a takin a hmu a ni.
Zawhna: He thil hian eng nge min zirtir / hrilhhriat a tum ni ta ang le?
Similar Posts:
- How did you get your nick??
- Nick Vujicic an nupui a nei!
- Nick inphuahsiak
- Nazi Daktawr : Den Rem Rem!
- Nick Bolletieri Academy ah Basil lut dawn
May 21st, 2011 at 1:21 am
1st keuh teng… Menrei manah
Report this comment
May 21st, 2011 at 1:21 am
Chhiar tan nghal ang aw
Report this comment
May 21st, 2011 at 1:23 am
Post title tawi tak, a title atang chuan hriatthiam harsa tak tur anih hi a
Report this comment
May 21st, 2011 at 1:24 am
Company han tih chuan Hanji-eun te pawh min ti hrechhuak e a, Kang Ho te..
Report this comment
May 21st, 2011 at 1:25 am
A thihdan chu a maksak hle mai
Report this comment
May 21st, 2011 at 1:26 am
Khawvawt hmehhlum nih hi thihdan hrehawm pawl tak chu anih ka ring
Report this comment
May 21st, 2011 at 1:26 am
You’ll
Report this comment
May 21st, 2011 at 1:27 am
Never
Report this comment
May 21st, 2011 at 1:27 am
Walk
Report this comment
May 21st, 2011 at 1:28 am
Alone
Report this comment
May 21st, 2011 at 1:29 am
#7-11.. like
Report this comment
May 21st, 2011 at 1:29 am
aduh ila meng em, keimah chauh min ti bik
Report this comment
May 21st, 2011 at 1:29 am
A thim zawnga thil thlir thatloh zia inzirtirna a nih ber hi a
Report this comment
May 21st, 2011 at 1:30 am
Vanram a kai angem le?
Report this comment
May 21st, 2011 at 1:30 am
Naktuk lamah chhiar ang aw….
Report this comment
May 21st, 2011 at 1:33 am
tukthuan ei hma in chhiar teh ang…. naktuk chu hla em mai….. @Krista…..
Report this comment
May 21st, 2011 at 2:21 am
a va a ve
Report this comment
May 21st, 2011 at 2:30 am
man vel lo ve
Report this comment
May 21st, 2011 at 3:42 am
Ngaihtuahnain mihringnun min hruai thui theihzia hi a dikna chin tam tak awm mahse, a dik vek lemlo in ka hria . , ” Hausa tura i inngaih tlat a, chulam kawnga i rilru/ngaihtuahna i dah tlat bawk chuan i rethei ngai lovang “, tih angte hi a dikna chin chu sawitur a awm ngei ang, mahse dinhmun leh awmna hmunin a zir miauloh chuan tihdan vak a awm chuangin ka ringlo. Proverb tam tak hi chu infuihna pangai leh inchophurna chikhat mai an ni, a practical a tih chi vakloh te pawh an ni hlawm in ka hria. Mi taima leh tumruh chungchuangte tan erawh a theih hun a awm ve mial mahna. Engpawhnise, thufing zawng zawng zawm vek tum hi chu mimawl nihna mai a ni zawk, mahni phaktawkah hian hlim ila a hluber a, mifing kan ni mai bawk…
(noi)
Report this comment
May 21st, 2011 at 6:39 am
Eng hi nunkhawchhuah nan a pawimawh hle,bawm a thim bawk si,he mi chak rilru hi a thim bawk si,eng te reuh te pawh a tan a hlut dawn tehreng nen.Thomas Alva Edision kha chu tang se a thi lovang tih hi ka sawi ngam sak a ni.Experiment 500 a hlawhchham tawh hnuah pawh hlawhchhamah a inngai lova,”A tihtheihloh dan chi hrang hrang 500 ka hmuchhuak” a ti daih nia.A thim zawngin thlir ta sela chuan a piang ve tih pawh kan hre hauh awm si lova.Nick-a hi entawn tlak a ni,a va fel teh lul em ! Mahse,a thil thirdan erawh hi chu entawn chi a ni lo.
Report this comment
May 21st, 2011 at 8:10 am
A thim lam zawnga ngaìhtuahin a thih phah lo, a vawt lam zawng ngaihtuahin a thi khawng a ni zawk e. A tum a ruh a, thih a tum ruh em a ni.
Report this comment
May 21st, 2011 at 10:07 am
Optimistic view hi a pawimawh reng a ni.
Report this comment
May 21st, 2011 at 10:42 am
a engzawng in thlir tuka himalaya tlang ah khawlum vang in a thi zuih ha2…………….
Report this comment
May 21st, 2011 at 11:07 am
Boruak tlachhamin a thi a nih zawk hmel. Vur tura thlir avang ringawt, vawt tak tak silo avanga thih thu awm suh
Report this comment
May 21st, 2011 at 11:21 am
Mobile chu nei se puitu tur a call vat ngei ang mawle. Khawvawt kherlo pawh, khawlum hmeh hlum pawh hi hreawm tak tur a ni.
Report this comment
May 21st, 2011 at 11:29 am
tlangval pakhat a bialnu faifuk a koh chhuah tum, khawvawtin a hmeh hlum tak, hmui kawh vuau a thi an sawi min ti hrechhuak e
Report this comment
May 21st, 2011 at 3:31 pm
Ngaihtuahna hi rinna nen hian a inzawm tlat a. Rinna avangin kan nunphung pawh hi a insiamrem chho mai niin a lang. Rinna/ngaihtuahna hian thûi takin min thunun tlat a ni. (Rinna avangin chhandam pawh kan lo ni.)
He thu hi tak tak pawh ni lo mah se, tehkhin thu tha tak a ni tho tho a. A zirtir hi a chhiartuteah a chiang. Sawi belh vak a ngai hran lo.
Good post.
Report this comment