mi(sual).com

####### Hei hi Vanglaini ni Tomir thlà 2011, nilàini chhuaka mi daih tawh kha a ni a. Mahsé ka vei vè em avangin ka rawn chhuah nawn hräm duh a ni, thahnem ngaih thilthüah. #######

Source: Vanglaini: MZU VC thar intlawnsiakna

Kum kal ta khan B. Lalremtluanga inti, hming phuahchawpa mahni nihna tilang ngam miah lovin Zozam Times-ah Mizoram University chungchang ziakin kei leh thianpa James Ramdinmawia min rawn bei chiam mai a. Email-ah Agassi Lhsangzela tih hming puin ID a siam a, facebook-ah pawh he hming pu hi ka hmu. Email ka thawn fova, min chhang si lo. Min ngam lo a ni ang e. Rin chu kan nei a, mahse, a dawihzep lutuk a kan be pawp thei ta rih lo. Chutiang mi chuan MZU VC thar hnuaiah hian engmah rawn ziak ve tawh lo se a lawmawm ngawt ang.

Mizoram University (MZU) chuan Vice Chancellor (VC) pathumna ni turin mi thar Prof Lalthantluanga, Mizo pa ngei a nei ta. VC nei lova awm hi a buaithlakin thil tam tak a tithuanawp a, kan nei leh ta hi a lawmawm khawp mai.

VC Search Committee hmaah khan Mizo hnam aiawh pawl hrang hrang te’n Mizo ngei VC atan an duh thu an thlen a. Research Scholar Association aiawh inti (Shillong atanga rawn kal) khan a hming hmerhin Prof Lalthantluanga a duh thu a rawn sawi pawp pawp a. VC Search Committee chairman-in mimal hming sawi lo tura a tih pawhin an sawi lang lui ta tho va. Tin, MHIP, MZP, MSU leh a dang thenkhat, ka tel ve na MZU Alumni Association tih loh, khan Mizo ngei an duh thu chiang takin an sawi. Keini kha chuan Mizo a ni emaw ni lo emaw, VC tha tak, dik leh huaisen kan mamawh thu kan thlen ve a ni. Tichuan, a tam zawk duh ang ngei, Mizo pa chhuanawm takin MZU VC hna sâng leh zahawm tak a zawm ta.

[Read more at Source]

#####Tuihnihna Heta a ziaktuin chiang taka a rawn sawi ang hian zah dawn miah lova hotu tlawn ching kan awm leh thin a. Hei hi a tenawm takzet. Hetianga hminglem te siama mahni hamthatna tùr hai vak vak duh te hi a takah chuan inla-KTP/TKP deuh deuh an nih loh pawhin inla-smart deuh deuh an ni duh khawp lehnghal . A thinrimthlâk hi ka ti thin. (N)

Kan hriat theuh angin kan university neih chhuna kan VC thar hi Mizo pa a ni a. Engnge a an dawn chu kan hria ang chu. NEHU-a thawk thin a, NEHU Mizoram campus-ah pawh pro-VC hna lo chelh reng tawh thin a ni tih chu tlang hriat a ni. Heta tanga thil hlauhawm deuh chhui dawn theih nghal chu hei hi a ni. Kan NEHU lama unaute hi MZU-ah an rawn pung hluai ang em?  VC-a a tlin theih ngeina tùra lo bei nasa ve tak tak te an ni sia? (awi karei! Anni beih vanga tling a ni ti phei chu ka ni law!)

Thil tha deuh ka hria. Ka sawi duh ang em aw? He he. Ka’n sawi ang e. Tün atanga kum hnih-khat emaw, a aia rei deuh pawh ni se, Pu R Lalthantluanga VC chhunga kan NEHU unaute MZU-a (tih lëmah MZU hnuaia kawlêz zawng zawng pawh huamin) an rawn pun hluai chuan … ka sawi zawm tawh lo mai ang.

Dikna ngaina inti te hian mahni hamthatna tùr a nih chuan zah kan dawn tawh thin lo.

Aw nang misual pa, engnge i an vè le?

Misualho hian i sawiho leh ang u. Kan thil sawiho lah hian a tak ram a hlat thin angreng sia! . Mahsé kan theih tawpa a dik nia kan ngaih kan lo sawi ve thin hi a tha hrim hrim a ni, thinrim hrikthlak nan tal pawh!

Nge, khawvel, kan ram khawvel inher zël dan hi kan lo uipui tui lian thlir liam ve mai mai dawn?

#Dikna chu luipui angin luang rawh se.

#Mi pamham, zah nachang hre bawk si lote chu thli tha lo leh anmahni kohamna suar chuan nuai rawh se.

Similar Posts:

• MZU Vice Chancellor thar – Prof. R.Lalthantluanga
• YMA hnathawh that!
• Imphal War Cemetery
• An ti!
• Bena@Misual thusawi.

Recent Posts:

• Mizo Slang Language
• Eizawnna
• Thalaite leh Sex:
• Discovery Spaceship chhung 360 view
• Mixed Pickles- I

This entry was posted on Monday, June 6th, 2011 at 6:00 pm and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.