An ti!

October 25th, 2010 7:57 am by Keimah Thingtlangpa

A khuhhawnna

Naupang kan la ni a, thianho kan han awmkhawm tal a. Thian thenkhatin an thil hriat an han sawichhuak a, keini ho chuan kan ngaithla thap a. Chutah ‘an ti’ tih an han sawi zauh chuan rang takin ‘an ti tih chu dawt an ti’ tiin kan chhunzawm thin. A hunlai khan kan lo sawiliam puat puat a. Tun hnua ka ngaihtuah hian kha ‘an ti’ tih hian mizo min tihbuai nasat zia ka ngaihtuah chhuak tlat mai…

Mizo te hi..

Mizo te hi hnam intifing tak kan ni awm e. Engkim maia hre ber nih tum, hriatchianloh pawh sawichhuak phawng phawng khawpa tawngtam kan tam khawp mai. Mi thusawi engkim mai pawm nghal vek mai, a sawithiam deuh leh an thle tam deuh tih mai theih tura ngaihtuahna hmang lo kan tam khawp mai.

Mi thusawi sawichhawn kan hrat thin khawp a. An thusawi kha a dik nge diklo tihlam kan ngaihtuah tawh lo. A hre ve lo hmuh thuai thuai chakin kan thu hriat kha a hre ve lo te vengah pem pui hial kan chak awm thin e. Kawng thenkhatah chuan tha viauin lang mah se lehlamah chuan min tibuaitu a ni tlangpui.

Bawm ak thu..

Pa pakhat an sawi kha ka ngaihtuah neuh neuh thin. ”Ama dawt sawi ngei pawh veng lehlamah a awi leh lek lek” tiin an sawi thin. Khata tang khan kan mizo mizia tam tak a lang thei awm e. Mi thusawi phuah belh kan hrat zia te hi ngaihtuah chuan thil thalo tak a ni. Sim a hun khawp mai.

Mizo te hi thil ngaihtuah chiang mang lova puak chuah pawp pawp hrat tak kan ni a. He kan zia hian kawng tam takah buaina min thlen tih chu kan hre theuh awm e. Heng kan tawng upa- ‘khual thuthang leh ar pan chuk chu a pûn duh’ tih te, ‘bawm ak thu’ tih te pawh hi mi thusawi phuah belh kan hrat lutuk vang a ni thei mai lo’ng maw?

‘AN TI’ leh mizo te..

Kan la hrereng thinin ka ring. Aizawl veng pakhata in pakhatah an pardaa vantirhkoh hmel an hmu tih te kha. Khalam vengah khan mihring len lo zar ta se eng emaw zat kan awk ngei ang, kan pan sup sup a nih kha. Khatiang khawp khan a ni maw kan lo hawk dak ni? Ka ti thin. Thil eng emaw danglam deuh a awm hi chuan a tak nge dawt tih ngaihtuah lem lovin kan pan ve tawp thin a nih hi.

Hawh u, miin ‘an ti’ an tih nazawng hi pawm nghal mai lovin fiah phawt thin ang u. Chuti lo zawng ‘an ti’ an tih kha ‘dawt’ a lo ni leh si anga kan buai mai mai zawk ang.

37 Responses to “An ti!”

1
As_Khiangte Says:
October 25th, 2010 at 8:00 am
A nga1hnom leh ngawt ang, muang marin chhiar ang
Report this comment
2
ZerO Says:
October 25th, 2010 at 8:07 am
As_K, comment i edit hma khan ka chhiar hma o! ‘gf’ chiah i type…

Phawngpui tlangah zawhte ki 7 nei a awm a, a hmu apiang an thi an ti.
Report this comment
3
2STATES Says:
October 25th, 2010 at 8:07 am
An ti tih chu dawt an ti, hei hi chu chhiar tlak a ni thung. As_K a first ve an ti!
Report this comment
4
rawihteamizo Says:
October 25th, 2010 at 8:07 am
comment
Report this comment
5
rawihteamizo Says:
October 25th, 2010 at 8:09 am
A tha hle mai, inzir nan hmang ila. Mahse Mizo te chauh erawh kan ni bik awm love, hnamdang pawh an ni ve thovin ka ring/hria.
Report this comment
6
As_Khiangte Says:
October 25th, 2010 at 8:11 am
@Zero, @STATES, 1st tura rilru leh kut zungtrang phet ran ngaih zia hi.. .
Report this comment
7
littlerascal Says:
October 25th, 2010 at 8:13 am
Misual Mi kha ngatinge admin te hian a page hmasa berah an la dah loh cheu le ka ti
Report this comment
8
neuva Says:
October 25th, 2010 at 8:38 am
Hengah te hian mizo te, kan ze hnget loh zia alang thin in ka hria.Miin thusawi se kan awih sam em em a,kan sawi chhawng chak em em bawk.Pathian thu leh thil dangah pawh nise kan han ti hluta,rei erawh kan daih lem hlei loa.
Report this comment
9
RosangaD Says:
October 25th, 2010 at 8:41 am
#2, Haha, As_K first nana gf chiah a chhu i tih khi dawt anla tih sak ve ngei ngei ang che. :lol:
Report this comment
10
loneeagle26016 Says:
October 25th, 2010 at 8:50 am
An ti tih vang hian alawm ! Nula hmeltha tak,ka phu miah loh khan min be tha ve teh tlata….mahse ka mi rin deuh mai pakhat gazetted officer lai khan ‘hmanah vaisawn’ a pai an ti alo ti a. Ka hmu ta ngai loa, a hnu rei vak loah pasal tha tak a nei ta a. Thil awmdan kan hriat chian chuan ‘dawt’ mai2 alo ni. Tunah chuan an ‘ti’ tih awm phot chuan finfiah hma chuan engahmah ka ngai ta lo.
Report this comment
11
As_Khiangte Says:
October 25th, 2010 at 8:57 am
Zero hi a first ve hunah kan la komen sak ve dawn alom :mrgreen:
Report this comment
12
awmawmpuia Says:
October 25th, 2010 at 9:17 am
Hmuifang MI tur hi Lunglei Pre Hmuifang MI neihtum anga a zuzi leh hlau an tam an ti. :lol:
Report this comment
13
Benny Says:
October 25th, 2010 at 9:18 am
A ni khawp mai. Mahse, mizote chauh ni lovin hnamdangte pawh hi an ni tho mai. He thu hi a dik viau a, mahse, mizote kan ze ngheh loh zia tilangtu ang em a sawi erawh a dik kimlo deuhin ka hria.
Report this comment
14
awmawmpuia Says:
October 25th, 2010 at 9:19 am
@10 loneeagle26016, nula hmeltha deuh midang nen in inchuh deuh hunah, i chuhpuipa bulah ‘Chi loh hle mai a, AIDS a vei an ti’ i ti ve zaih dawn nia. :lol:
Report this comment
15
dawihzep Says:
October 25th, 2010 at 9:26 am
Mizo hnam mualphona a ni. Hnam dangte hrilh ve loh ni se.
Report this comment
16
hmingtea Says:
October 25th, 2010 at 9:27 am
An ti tih chu awiloh tur an ti.
Engkim hi hriatchian hma chuan awi loh tur.Fiah kher zel loh chuan dawtah ngaih zel tur.
Report this comment
17
shailendra Says:
October 25th, 2010 at 9:29 am
an ti tih hi dawt a ni thei mai zel ang em aw an ti an ti…
Report this comment
18
loneeagle26016 Says:
October 25th, 2010 at 9:30 am
#14,lolzzz… chuhbuai vak ngai lo awm ve mai ang
Report this comment
19
ngente Says:
October 25th, 2010 at 9:51 am
Kawmen 1st hi lawmman a awm AN TI, ka la frst ve dawn alawm
Report this comment
20
Pc-a Says:
October 25th, 2010 at 9:56 am
Name: mzvision2. jpg Size: 18 Kb
Report this comment
21
chemtatrawta Says:
October 25th, 2010 at 10:08 am
Mizote hi kan zia a nghetloh em em pawh ka hre lo. Ze nghetlo ni lovin kan ‘dynamic’ ni zawkin ka hria. Ni lo ta ila, copper age atanga kan hmasawnna hun leh kum thlir chuan computer age chu sawiloh, dark ages pawh kha kan la thleng zo kher dawn mi(World history context).
Misual.commers ho hi chuan thil hi a eng zawnga thlir hi thiam hram hram teh ang u.
Report this comment
22
CFL Says:
October 25th, 2010 at 10:10 am
Mizo nula zinga hnam dang pasala nei hmasa ber chu Mauruangi a ni AN TI.
Report this comment
23
Keimah Thingtlangpa Says:
October 25th, 2010 at 10:13 am
#15 ni khawp mai tiraw. Mahse khang hun lai khan hnam dang kan ramah an awm a, tunah pawh an awm..tin, hmun dangah mizo hnam an awm bawk. Hetiang thil lo, thildang hrim hrimah pawh hnam mualphona a tam i ti ve lovem ni?
Report this comment
24
Keimah Thingtlangpa Says:
October 25th, 2010 at 10:15 am
#22 nih duh hmel e..ih, Rimenhawii pawh?
Report this comment
25
laysia Says:
October 25th, 2010 at 10:20 am
Mizote hi chu intifing khawvelah hnamah top 20 vel thleng pha hnam kan nia. A dik tak chuan a changa naupang rilru deuhva thu rel tluk mai ching kan nia. A upa pa hian thu an nei ri ngawta, zirna lamah sang vak pawh ni silo hian.
Report this comment
26
CFL Says:
October 25th, 2010 at 10:21 am
In-diet duh chuan kuta châw bâr lova fiana hâwp a tha AN TI.
Report this comment
27
kawlnicolney Says:
October 25th, 2010 at 10:29 am
An ti tih hi bansan mai mai chi loh,curiousity research/survey etc.etc. min neih/tih tir tu pakhat a ni,mahse an ti tih vanga chian hma a lo sahuai thingvawna awi tlat nghal zel chi chu ani hauh lo ang le
Report this comment
28
caribou Says:
October 25th, 2010 at 11:28 am
Hmuifang MI hun ah tel ve chak, tel ngam si lo an tam an ti.
Report this comment
29
STRIKE THR33 Says:
October 25th, 2010 at 1:00 pm
MZU thilthlengah thiam zawk an awmlo AN TI…..tih chu dawt AN TI
Report this comment
30
Ozima Says:
October 25th, 2010 at 1:12 pm
@Keimah Thingtlangpa: ziak tawi-felfai thiam hle mai.

AN TI tih chu awihloh tur an ti tih hi kan sawi kan sawi a a sawt lem hlei lova. Ama’rawh chu mizote chauh kan nih bik chu chu ka va pawm lo e!! Kan media hi hei ai hian chak sela chuan anti tih tam tak hi chu kan awihlo ve mai chuan ka ring deuh.
Report this comment
31
tlumther Says:
October 25th, 2010 at 1:39 pm
Kan naupan lai pawn han ti ve ngawt ila..Mi pakhat hian, ‘Sipai-in zaninah cinema an chhuan dawn, sipai motorin a phur,’ a ti a. An lo hre pung chang khawp mai a, zanah chuan an kal ta hum hum mai a, a ni pawhin a awi leh si a, a kal ve an ti.
Report this comment
32
chemtatrawta Says:
October 25th, 2010 at 4:28 pm
anti tih chu babutea phuah niang..lol
Report this comment
33
muantea Says:
October 25th, 2010 at 5:03 pm
First!!
Report this comment
34
muantea Says:
October 25th, 2010 at 5:05 pm
an ti veee ziah tawh lo an ti, first duh ho hian :smile:
Report this comment
35
Maisek Says:
October 25th, 2010 at 11:47 pm
Muantea chu i van first tlai ve, an ti!
Report this comment
36
Saitawk Says:
October 26th, 2010 at 1:06 am
Ka Pite-i pawisa puk ka dil a, ka rulh leh tur zia kan hrilh tak tak mai chu.. kei pawh hian ka rulh leh tak tak hi ka ring rum rum nia mawle…. an ti.
Report this comment
37
STRIKE THR33 Says:
October 26th, 2010 at 1:12 am
Post chu tha mahse comments ho hi a ho,a tir atang phatin a ho….AN TI
Report this comment