Archive for August, 2011

Zu hi engtinnge kan ngaih ve le

Wednesday, August 31st, 2011

Zu hi hmasang atang a lo awm tawh a ni a, an chaw ei rual in an in ve mai ṭhin a sualna atan an hmang ngai lo a ni. Keini chaw kan ei a tuihang kan hmang ang chiah hian Bible hunlai khan an lo hmang ṭhin. Hetih hunlai pawh hian zu hi rui ṭhin chu an awm ngei  a, mahse vantlangin ruih tur ah an ngai lo a ni.

Hun alo kal zel a zu tangkaina te an lo hre chho zel a, nachhawkna atan te hial hman nachang an lo hre  ta a ni. Kan Bible ah hian uain a sawina hi hmun tamtak ah kan hmu a, hman a nihna zawng zawng ah hian uain ti vek in an let a, hmansual(a chhelam sawina ah) zu tiin an let leh hlauh thung si a, chuvangin hemi kawngah hi chuan fuh tawk lo a awm  thei awm e.

Mizoram ah khan engvang in nge Kristiante khan an khap nachhan kha ni ang le? kan tih chuan khatihlai hunah khan  zu leh sakhua na thil kha kalkawp ang reng a an ngaih avang khan an khap a ni, chutiang bawkin khuang pawh khap a ni.

(more…)

Tlawngluia tuitla Muanga ruang chhar a ni.

Wednesday, August 31st, 2011

August 31 News : Vawiin chawhma dar 10:30 vel khan August ni 26 zing dar 7-8 inkar vela Bawngthah kai Tlawngluia tla hlum Muanga kum 21 mi ruang hmuh a ni.

August 26 zing khan Bawngthah rama thingzaia riak mi pathum te chuan an thing zai sa chu Tlawng lui Bawngthah kai lama tawlh thlak tumin an thingzai sa qubic 50 vel zet chu an tel khawm a, Tlawng tui lian so but but maiah chuan an nawr tawlh ta a ni.

Thingzai tel khawm chungah hian mi 2 techu an lawnkai mai a, an thian zinga pakhat Muanga chu thingzai telkhawm chunga lawnkai ve tuma a hleuh phei chu tuizang khauhin a la a chaktakin lui mawng lamah a len thla ta vawn vawn mai a ni.

(more…)

Mizo tawng hi i ziak fimkhur ang u

Wednesday, August 31st, 2011

Mahni vei lam lam sawi leh pup pup mai ang aw. Kei aia thiam leh hria tam tak in awm tih pawh ka hria, amaherawhchu, sawi sawi hian awmzia a nei chuang lo inti nge in sawi tha duh ta hlek lo mai. Tun hnaia Mi(sual).com-a post leh comment hrang hrang atanga ka vei zualte ka rawn thai leng ve lawk ang e.

IN: ‘In’ tih hi kan tihsual tam ber a ni awm e. ‘Tui ka in’ emaw, ‘Ka zun a in'(natna chi khat..zun in) leh..In(house) tih a nih lohva, hmun dangah chuan a hma/hnung thu nen zawm ngei ngei thin tur. e.g :In inah tui ka in a, ka in laiin i nau zun in vei khan heti hian mi rawn hrilh a, “Zun in laia zun ina kan zunin fimkhur a ngai”, tiin.

ZIA: ‘Zia’ hi kan hmang nasa ta khawp mai. A hmangtute`n an hman dan atang chuan a hmaa thu nen zawm tur ni ngeia a lan laiin a hrana ‘zia’ ding lurh hmuh tur a tam hle. ‘Zia’ hi kan ziak hrang a nih a, ‘Sakei zia’ titea kan hmang a nih chuan Sakei pianzia, a rawng tial dan vel kan sawi tumna a ni. Sakeizia?? Chutiang bawkin ‘Khawngaihthlakzia’ ti mai lova ‘khawngaihthlak zia’ kan ti tlat mai thin hi a fuh chiah thin lo. Eng kan ti nge keini chhung hi le??

(more…)

Eirukna leh Eizawnna

Wednesday, August 31st, 2011

Engineer eiru post hmasa comment ah kan sawi vak vak nang in a Sorkar hnathawk zawng hian i han sawi teh ang u. ;)

Eirukna

Sorkar hnathawh hi hohsakna chance a vang lutuk . An hlawh hi a sang mangkheng ber in 80k ni ta se :D (10k -50k ni mahse an neih mil tur a phu tawk in :D) 80k x 12months x 20yrs = 192lacs O.o (an nu hi sorkar hna/ business lam thil a tih chuan a hlawh hi an chhung kaw mamawh lam khawm nan hmang ta se) an fate phai ah an dah fur bawk a an fees kum khat ah:

School(class 8 -12) : 2-4 lac avg., college (private): 4-8lacs medical / engg. te nih phei chuan : 10 – 20 lacs , foreign a an awm chuan: chhut lo mai ang in hre thiam awm e

An in chhung en in tunlai phei chuan imported furniture ( 1.5k – 80k), modular kitchen(1lac -5lac), flooring nalh tak tak lighning system tha tak tak an dah fur bawk a ;)

(more…)

Thlalak an lâk

Wednesday, August 31st, 2011

1. Hmânni-a Sihphir-a taxi driver, hmeichhe naupang pâwngsual tumtu kha a nih hi. An khawih ve hlak a nih hmêl. Hei hi âwm kan ti em? Kristian rama hetiang em ema insawisak chu kan ti nge, a thil tihsual man kan ti-a âwm kan ti?

pawngsualtu

(more…)

Ka ring reng a ni

Wednesday, August 31st, 2011

Tun tum zet chu, an hmelma ten an barakhaih chiang lutuk a, an tamhneh bawk si a, an tlu ta nual mai a, an thal ta phung mai le. An Commander pawhin hreh teh mahse, “Retreat” ti a a hote thu a pek a ngai ta. Chutah, a thei thei chu an insaseng ta sang sang mai a, hmun him lamah tawlhliam a, tanhmun lak that leh tur a ni.

Midang zawng zawng an tawlhkir lai chuan, Sipai Lumum pakhat chu tawlhkir ve lovin, a thianpa pakhat hliam tuar, chesawn thei tawh si lo, hmun ual au lai tak a, let reng mai, la dam tihhriat si lam pan chuan a bawkvak phei ta tlat mai a. An Commander chu a thin ur hle mai.

Sipai anni a, an Commander Command ang ang chu, a kawi a ngilin an zawm mai tur a ni. A vin tuar tuar chung pawhin, chu Sipai pakhat chuan Tawlhkir tum lovin a thianpa hliamtuar tlu reng lam chu a la pan ta talh talh a.

(more…)

Chandraghona zin thu part 2

Wednesday, August 31st, 2011

[thuhma pawh awm lovin chhunzawm nghal mai ang aw……]

Henglaia Silchar a Mizo dang awm ve ka la hriat te chu Aikhama, Mizo driver hmasa ber pawl, chutih lai chuan Silchar — Dwarbond kawngah C.L.Seth te Bus a khalh tawh a. Rova pawh handyman hna thawkin a awm bawk.

Ani hian Dwarbond kawngah Sazuk a rawn kap nghe nghe a, Pu Chalmawia chu an senior ber a ni bawk a, a In-ah te chuan an fuankhawm ve thin a ni. Hospital Road- Dinglam tlar phei- Vety & Medical inkar zawn phei vel lai khu ni ta awm hle in ka hria. Inchhawng a ni nghe nghe a, In lian tak chu a ni lo nain,kanin bengkawm tam thei ve hle a ni.

Hetih laia Silchara Circus awm mek te chu an hming ka hre reng tawh lova, an ropui hle ani. An sawi dan takah rel pakhatah an leng lo a ni an ti. Chu chu thudik a ni ngei ang.

(more…)

Mizo te leh INBAWL

Wednesday, August 31st, 2011

‘ Bawl ‘ tih tawngkam hi 2000 kum khan Ramhlun venga ka thiante hnen atang ka hre hmasa ber a, an veng tih chhuah anih leh nih loh phei chu ka hre hauh lo. A tir chuan nalh lo ka ti khawp mai a, a awmzia pawh ka hre meuh lo a, kei ngei pawh hian ka hmang ve fo ang tih reng reng ka ring pha lo.

Ka rin phak bak in a darh chakin a bik takin keini thalai te zingah kan hmang uar chak ta em em a. Thianho zingah pawh fiamthu duh leh thiamho in an hmang uar hmasa bik in ka hria. Vawiin ni ah phei chuan kan tawngkam hman lar berte zingah a lo tel ta reng mai a ni.

He tawngkam ‘bawl’ tih hi alo chhuak leh kan hman dan hi pawi tihna tam tak ka nei ta. Entirna tlemte lo tarlang ila –

Kan nau pakhat chu lehkha zir tha tur leh a rilru chak zia te sawi pahin ka fuih phur ka tuma, mahse “aaa min bawl’ zu han ti a! kum 9 mi lek ania.

(more…)

Corruption do dân duhawm

Wednesday, August 31st, 2011

Ka thiannu’n a pu chanchin tlém min hrilh a. A tihdanin sawrkar hnathawk zawng zawngte hian ti vek mai sela, corruption chu a zia deuh ang em?

“Ka pu hian zirtirtu hna a thawk a. A thawhpuite hian an eiru thîn a, mahse, hmun dangah a sawi chhuak hran lo va, anmahni pawh a hau ngai chuang lo. Ngawi rengin an eirûk zât chu ama pawisain a rûl mai thîn. Office a kal dâwn te hian, ‘Vawiin chu pawisa rulh a ngai leh tawh a..’ a ti mai thîn a, a thawhpuite eirûk vângin a tangka ip chu a lo phai ve em em thîn..”

Sawrkar hnathawk zingah hetiang mi hi midang awm ve tak ang maw..

August ni 27-a Kurung lui-a tuitla an chhar dan.

Tuesday, August 30th, 2011

August 30 News : August ni 27-a Kurung lui-a tuitla 5th IR Vanlalrema ruang chu vawiin chhun dar 11:15 khan a tlakna atanga feet 300 velah hmuh a ni.

Vanlamrema leh a thian te 2 chuan August ni 27 khan Kurung luiah hian len an deng a, sangha Kg3 vel an man hnu chuan chawhnu lam dar3 velah hawn tumin luidung an zawh chho a, lungpher atanga lungko danga an lawnkai tur chu chesualin Vanlalrema chu lungpher leh lungpui inkara tui luang chak takah a tla luta lungpher hnuai puk thuk takah tui khauh tak chuan a len ken lai chawpin a lenlut ta a ni.

He lui hi a khawkrawkin a chhengchhe em em a, a tlakluhna atanga thlang deuh ah tui hi chak takin a luang chhuak leh a, chutah chuan a thiante pahnih chuan engemaw chen an lo chang a, engmah an chan chhuah tak si lohah chuan midang an pun ta a ni.

(more…)