June ni 4 (Inrinni) khan Mizoram state pawna zirlaite puala Aizawl Summer Sports 2011 an neih chu khar a ni. He hun hmang tura sawm Home Minister R. Lalzirliana chu tan hun tur chawhnu dar 2.00-ah Chanmari YMA hall-ah a thu vang a, amah sawmtu thlengin tumah an awm lo.
“Ka zak lutuk, kei ka zah chuan zirlai naupangte pawh in zah ve ngei ka ring. Chief Minster khuallian anih avangin min tawiawm tir a, chu ti ni lo se ka haw leh daih ang,” Pu Zira hian a ti.
Dar 2-ah tumah an awm lo, keini media lam pawh kan kal a, dar 2:30-ah pawh tlem te chauh an la awm. CM te nupa leh HM ko kal si khan hun an vawng lo hle a, dar 2:30 hnuah zirlai tlemte hmaah programme hi tan a ni.
“Mizoram hi kan dang a nia…” tiin CM nupui Lal Riliana chuan hun vawn dik lamah Mizoram chuan nasa takin hma a sawn tawh thu a sawi a, zirlai lehkhathiam ram pawna zir theite hun an vawng dik lo lutuk chu pawi a tih thu CM nupui pawh hian a sawi.
He hunah hian HM chuan kum 1997-a Mizo thata Tripura lama Bru raltlanten Sakhan tlangdung Mizo chhungkaw 76 zet an umchhuahte zangna dawmna pe turin sawrkar laipui nawr a nih thu a sawi.
“June second week-a Bru lakkir tur pawh hi Mizote tana sawrkar laipuia zangnadawmna ngiat nan kan thulh.” HM chuan a ti.
Similar Posts:
- Summer Sports 2008
- Breaking News: VNIT ah buaina chhuak
- YMCA Mizoram aiawh zu in
- Dibrugarha B.Pharm Mizoram quota tihtawp a ni
- NIT Mizoramin class an tan ta
June 7th, 2011 at 4:23 pm
Tlai deuh toh mahse, Hun vawn dk loh tluk zet a mak ka tih chu Chief Minister Khuallian ni bawk chunga Home Minister an sawm kha a mak ka van ti em. Kan Minister ho hian Kan CM zahawm tak an tawngkam chhuak apiang ah an ti reng mai hi ani,Kan CM hi kan intlawnsiak lutuk mah mah deuh ta e.
Report this comment
June 7th, 2011 at 6:13 pm
Ava nuam laih laih ve… kan zaithiam meuh pawhin a rawn comment-a a lawmawm.
1. He huna kan kal hma hian media thenkhat chu Cancer Care Foundation office, Dawrpui hawnna kan hmanpuia, khuallian thusawi a sei deuh hleka Chanmari YMA hall hi a hun dik takah kan thleng ta lo deuh.
2. A huaihawttu ber Home Minister sawmtu kha dar 2-ah pawh a lo la thleng lo tih kha Home Minister sawi a ni e. A awm tlem chu an awm.
3. CM leh HM koh hi Mizoramah hian thil thleng ngai lo a ni, hetianga an ko thei hi an chhuanawm a, mahse an insawi ang an ni lo nge an mikhualte lung a awi tlat lo mai hi. Keini chu silent speculator mai mai kan ni. Thu lah kan uar hek lo. HM leh CM nupui kha an rawn sa viau a nih kha.
4. Phai lama awmte kan beiseina cheu a sang a, chutianga kan beisei ang cheu chuan in tih ve a ngai bawkin a lang. Mizorama awm sa te aia hun vawn dikah pawh tluk lo lutuk kha a zahthlak in ti ve tho ka ring… Kan entawn zawk tur in ni.
5. CM leh HM te pawh hian thalaite khawvel thar dintu an ni dawn tih hriain he hun hi an ngaipawimawh niin a lang. Mahse thil thleng kha a fuh ta lo thlawt chu a ni ber mai.
A hmuna awm khan sawi thiam a har a, pressure a na bawk si, kan zaithiam pawh hi tlem chuan a tang ulh deuh a ang. He thil buatsaihtu sawm liau2 hi a ni a, a thlavang a rawn hauh hi a awm ka ti. A buatsaihtu ber kha HM khan a kap zauh atin alawm maw le.
Report this comment
June 7th, 2011 at 6:58 pm
He thil avang hian zirlaite hian VIP or VVIP te sawm chhuah an harsat sawt tawh ngei ang. Thupha chawi ngei se a thain ka ring.
Report this comment
June 7th, 2011 at 7:11 pm
@majesty chu tunge mo i nih reuh lee..??
Report this comment