THUHMA :
Hmanni ka post ah chhuan(generation) ah eng tehfung nge ka hman min rawn zawt in awm a, kan sawi fiah deuh ang e. Tehdan hrang hrang a awm thei a, secular lam lo sawi hmasa ila – pakhatna ah chuan a kum rei zawng teh fung a hmang in kum 18-21 vel hi chhuan khat kan tih chu a ni deuh ta mai a, a awmzia chu nausen a lo puitling hun hi a ni mai. Pahnihna ah chuan a event zawng a teh in pu hun a thilthleng chu tupa hun ah chuan chhuan thum a ni leh mai a, pupa (great grandfather) a thilthleng kan huam tir duh chuan chhuanli a ni leh mai. A dang leh ah chuan decade khat, kum 10 hi chhuan ang a sawi pawh a ni ta bawk e.
Bible ah chuan Nova hun lai a hremna lo awm tur sawi hun leh hremna lo thlen tak tak inkar kha kum 120 a ni a, chu chu chhuan khat a ni leh bawk. Mosia chuan Sam 90 ah chuan damchhung hi kum 70, a reina avangin kum 80 a ti leh bawk, chu chu chhuan khat a ni leh bawk. Bible hmun dang ah chuan kum 40 vel hi chhuan khat ti a sawi leh ngaih theih pawh a ni leh bawk.
Eng pawh ni se, tun tum ah chuan mipakhat damchhung hi chhuan khat ang a tehna leh sawina hi kan hman tur chu a ni thung. A rei zawng ah pawh Bible in a phal rei ber kum 120 kha a ni ang.
Hun hnuhnung a ni tawh tih hi chu sawi nawn pawh ngailo ah dah ta ila. Athiest leh sakhaw dang zuitute ho pawn an hnial tawh loh, pawmtlan a ni tawh miau si a.
TUN AH THUPUI AH:
Lal Isuan hun hnuhnung chungchuang a zirtir a (Mat 24, Mk 13, Luk 21), a thusawi tawp a ‘Tunlai chhuante hi an boral lovang’ a tih khan Petera leh zirtirte ho khan an mahni chhuan kha a sawina emaw an ti a, thi lova Lalpa lokal lehna ban tlang tur emaw an intih phah a, a hnu ah Isuan a khak ta hial anih kha.
Mahse, kum 2000 deuhthaw a liam ta, an lo ni hauh si lo. Isua chuan eng chhuan nge a sawi tak ang le? A chhanna chu Bible ah vek a awm, he thu a sawi hma a a thusawi zawng zawng hmu phak leh tawng ho chhuante chu a ni a sawi zawk chu ni. Chu chu eng thil nge – Mat bung 24 chho ah chuan indo, tam, hrileng natna, lirnghing, chhiatna, tluksanna, sualna pung, adt, adt a sawi chho par par a, a thusawi tawp ah ‘He chhuan hi a liam hman lovang’ a ti ta zawk a ni.
Chu chhuan chu chhut dawn ta ila, mithiamte chuan kum 1914 a Khawvel Indopui I intan atang khan Mat bung 24 hrillawkna hi a rem zawng in a kal leh tawh miahlo an ti. A zual zawng in a kal chho ta par par a ni. Sawi thui pawh a ngai lo ve, 1914 thilthleng hmuphak chhuan chu 1900-1910 inkar a piang anni a, tun ah hian a la dam te chu kum 100-110 a upa anni tawh hlawm bawk.
Guiness World Record a damrei ber te reng reng hi tunlai chu kum 114,115,116 anni ta deuh vek mai, tumah kum 120 han thleng an awm tawh lo a ni ber e, khawi emaw lai ah lo awm pawh ni se kum 120 hi an pel tawhlo a ni tiin huai tak in a pawm ngam.
Amah Isua ngei in, a lokal lehna chu ‘Nova hun lai ang kha a ni ang’ a ti a, a sawi zawm a, an ei, an bar, an innei, an insumdawn tawn. A sawi loh pakhat chu Nova hunlai khan Pathian in mihringte kha kum 120 a nghak tih kha .
Bible hrilhlawkna hun hnuhnung intan hun hi kum 1914 WW I ah khan ngai ta ila, a hmuphak leh nikhua hre phakte an la boral vek lova, Lal Isuan an boral vek hman lovang a tihna ah ngai ta ila, chutichu hun hnuhnung hi kum 2014 leh 2024 inkar a thleng tur a nih hmel ta ber a nih chu. Tute emaw ang in chumi ni leh darkar ah Isua a lokal dawn kan ti lova, tluksanna leh awihlohna, luhlulna leh nuihsanna a intan ang a, bumna hnathawh chu a intan laklawh tawh si chuan SIMNA leh KIRNA hun a awm tawh dawn silova, a hun hma deuh hret in kan insangmar tan dawn lawm ni?
A ni(day) leh darkar chu tumah, Pa chauh lo chuan, fapa (amah Isua) pawn, vana vantirhlohte pawn an hrelo tih Isua sawi hi kan hre bel hlur a, amah Isua sawi leh zirtirna vek - a hun leh a dawn vel erawh chu chhut tur leh hre tur in min duh ngawih ngawih a, hrilh pawh min hrilh nasa em em a ni tih hi i hlamchhiah chuang lovang u, a ngaihna hria te chu an insufai ang a, an intuaithar dawn si a.
Similar Posts:
- Hun hnuhnung;
- Pathian hian mi zawng zawng nun dan tur hi a hre lawk vek ang em?
- Anti-Christ hi Juda pachal a nih duh hmel
- Khua-thlir
- Tu hminga Baptis tur nge?
Commodity HSN...
June 8th, 2011 at 1:28 pm
Chhiar tan ang. That hmel tlat.
Report this comment
June 8th, 2011 at 1:49 pm
Kan kristianna (third generation) i tih vang khan 5th a ni tawh lo maw? ka ti chauh zawk a nih kha!
Kan hriat angin khawvelah hian civilization hrang hrang a lo awm tawh thin! Indus Valley atangin Mesopotamian thlengin. Kan civilization hian tawp hun chu a la nei ve ang. Mahse he lei (earth) hi chu a bo chuang lovang!
Report this comment
June 8th, 2011 at 1:57 pm
@ zoho, i in chhiar zau thei hle thin mai, reference ho hi hei ai a kimchang hian han tar lang thinla chhiar ve tepawh a chakawm thin khawp mai… I Inthlahrun vang nge i ziak sei vak lova, referance han tar lang thin la kan lo chhiar zui ve thin a nge …
Report this comment
June 8th, 2011 at 2:07 pm
.
Report this comment
June 8th, 2011 at 2:16 pm
#2 he bible chang hi le, “Lei leh van a ral ang a, ka thu erawh chu a ral lo ang.” (Mathaia 24:35).”Lei leh van a ral ang a, ka thu erawhchu a ral lo ang.” (Marka 13:31).”Lei leh van a ral ang a, ka thu erawh chu a ral lo ang.” (Luka 21:33).
Report this comment
June 8th, 2011 at 2:21 pm
Nia.. UID aţang hian a hla vak tawh lo mai thei a ni..!!
Report this comment
June 8th, 2011 at 2:24 pm
Engpawh chu ni se, Lei hi a ral emaw, Van a ral emaw pawh ni se, ka tan a lem chuanglo ang. Mihringte hi kan ral dawn tih hi chiang ila a tawk viauin ka hria. Kumhlun tura siam kan nilo a, lei chu leiah, vaivut chu vaivut ah a kir leh tur ani a. Chuvangin, chuhun hmachhawn tur leh rorelna hmachhawn tura kan inpeih hi a pawimawh ber ang.
Report this comment
June 8th, 2011 at 3:04 pm
Tuna kan hman mek hi chu Lust Generation a niang!!
Report this comment
June 8th, 2011 at 3:18 pm
Tun generation hi chu Golden Generation alawm kan nih.
Report this comment
June 8th, 2011 at 3:23 pm
ka hre la
Report this comment
June 8th, 2011 at 3:41 pm
Tha khawp mai! A hun leh ni lam chu eng pawh nise mahni lam hi kan pawimawh ber fo mai. Kan inpeih em?..tih te mai hi!
Report this comment
June 8th, 2011 at 3:44 pm
Kei pawh tun generation-ah hian engemaw tak chu a thlen ka ring tlat nia! Mit ngeia a lo kal lehna hmutu tur pawh kan ni mahna!! Phurawm tawh khawp mai!
Report this comment
June 8th, 2011 at 3:50 pm
ka’n insufai nghal teh ang..
Report this comment
June 8th, 2011 at 5:08 pm
#2 ang deuh khian mithiam ten an chhut danin Jupiter hian kan ni (Sun) hi a sut chuan kan khawvel hi a puakdarh vek thei tih vel a ni e
Report this comment
June 8th, 2011 at 7:42 pm
In sawi thaihna te pawh a ang rum2 mai……….A hun tur in rin siak vak ai kha chuan A lokal leh dawn tih a chian leh engtin nge kan tawh dawn tisa/thlarau in nge? khawiah nge kan kal ang?
tih kha a pawimawh hmel zawk.
Report this comment
June 8th, 2011 at 8:06 pm
[...] Read More: Last Generation hi tute nge? | mi(sual).com [...]
Report this comment
June 8th, 2011 at 10:46 pm
Mosia chuan Sam 90 naah chuan.. i tih teh daih a??
Report this comment
June 9th, 2011 at 1:58 am
Jerusalem Temple kaihhnawiha Isuan Judeans-ho, Amah hnawltute chhuan (generation) kha a dem hle a, an tawp (telos) hun tur kha hre lawkin, “This generation shall not perish,” a tih kha, Jerusalem Temple tihchhiat a nih laia la ral hman lo tur an nihzia a sawi a; a sawi kum kha AD 30 ni berin a lang a. Ab 9, AD 70-ah zet chuan Jerusalem Temple chu tihchhiat a ni ta chiah a —kha chhuan (that generation) khan kum 40 chu an awh chiang bal. Suat an niin, Rome-ah sal tanga lak an ni zui nghal bawk a. Chumi hriat rengna chu ARCH OF TITUS an tih, Colosseum kiang lawka mi khi a ni.
He khawvela THE LAST GENERATION chungchang tur nena ngaihfin chi a ni lo.
Report this comment
June 9th, 2011 at 2:00 am
Concise Oxford Dictionary-ah chuan ….
generation
· n.
1 all of the people born and living at about the same time, regarded collectively. Ø the average period in which children grow up and have children of their own (usually reckoned as about thirty years).
Report this comment