Ka chik lutuk lo a, ka chiang belbawl lo bawk, rin dan neih erawh chu kan zalenna, heti hian ka ngaihtuah, a awm ang ber chuan ka la hre hrih, a rawn fiah chho zel tur ah ka ngai.
Anti-Christ sawina Bible context kan en a, a ziaktu te tarmit vuah chu Juda/Judaism tarmit ani.(Bible ziah lai hian tunlai ang a Distorted(?) Concrete Christian Perspective hi ala piang lo, Apostol te hun ah pawh khan, tunlai a kan talhtum leh daidanna bang doctrine rapthlak tak tak pawh an la duang chhuak bawk hek lo, ti deuh sak kher teh ang ) Chuvangin he issue hi Juda tarmit atanga thlir in tum dawn teh ang.
Pathian leh Setana inkar hi thlirna hla leh thuk ber atang thlir chuan political Conflict ani tih kan hria ang, Isua khan he lei ah hian kohhran rawn din a tum lo va, sakhua pawh hmuhchhuah a tum hek lo, Messia Lalram, God’s government zawk rawn din a tum ani, religion leh church hi chu a core nilovin, a by-product zawk ani. Zirtir 12 te khan a nihna tak ah chuan sakhaw hruaitu nilovin, Isua Lalram a cabinet minister anni dawn emaw an inti zawk ani.
Kristian(Biblical Christian ti kher teh ang) te chuan Isua kha krista ani tih kan hai lova,alo kal leh chuan human form ani dawn tawh lo tih kan chiang vek bawk a, chuvangin kum 3.5 chhung Anti-christ hai lehpek tur chu Juda hnam bawk anni ang. An Messia beisei,an hnam hnen a hmakhawsang a Pathian thutiam, amah tak Isua pawh an khenbeh phah hial, kum 2700* an lo nghah tawh kha alo lang nge nge emaw an ti hmasa phawt dawn ani(Post 1918 Zionist movement nilo, Orthodox Juda hovin). Juda te hian sakhaw hruaitu an beisei lova, he lei a Davida Lalram dintu tur, politician/ruler an beisei zawk ani, chuvangin anti-christ hi religious leader nilovin, political figure ani zawk ang.
Anti-christ in harsatna a rawn chinfel hmasak ber tur chu ‘in an around Jerusalem controversy’ ani dawn a, chumi hnu ah international issues, chuvangin Jerusalem chungchang a decision siam thei, Jerusalem a authority nei, Juda politician anih a tul bawk ang. Palestinian thisen tlem a lo kai anih phei chuan duhthusam. (Zo hnahthlak insuihkhawm na atan mipakhat hnam hrang hrang in an mahni mi leh sa anga an en theih tur, Lusei pa, mahse a thisen ah Lai,Paihte, Mara tlem rimnam a tha tur ang bawk hian )
Krista replica/counterfeit anih dawn avangin, a theih ang a sang a Bible, a bik in OT a Messianic prophesy te nen a ngaihbel theih background a neih a ngai ang.
# “Mi tamtak nen hun khat(kum 7) chhung inremna a siam ang..” tih anih avangin a ratio chu one(anti christ)is to many ani. Heta awm ber chu Israel:Arab states anih hmel ber. Inremna pawimawh hmasaber pawh Jerusalem a remna leh muanna chungchang a inremna ani ang.(Mizoram:Assam border issue a inremna chu ani lo chiang, ni se chuan Kan CM hi ani mai, chuan MKHC hruaitute chu nawhchizuar)
Kum 3.5 a ral hnu a harhchhuak tur pawh Juda hnam tho anni ang, chuan tihduhdah tuartu tur pawh Juda hnam tho anni ang, he tihduhdahna rapthlak an paltlang ngei theihnan hian tun kum 2000 chhung kal ta ah khan Pathian in he hnam hi torture hmangin a lo enchhin hrep tawh a, an pass chiang tih 1948 ah kan hmu bawk. Hemi hun an tawngtai dan tur pawh “Lalbiakna” Isuan alo zirtir lawk diam a, nitin chaw ei khawp dil an mamawh dawn tak tak ani. Kristian te hian Isua zirtirna kalh in ka lo hmang ve mai mai zawk ani.(ka hming in dil rawh u a ti a, Lalbiakna ah hi chuan a hming tello in, direct in Pathian kan bia)
Sakhaw hruaitute erawh chu sakawlh nilovin a thurualpui nawhchizuar, tui tamtak chung a thu tih zawk hi anih hmel.
Contemporary Christianity chu tluksan kohhran anih tawh dawn(ani mek tawh zawk) avangin Juda hnam nilo, Kristian zinga tihduhdah tuar turte erawh chu an awm tho bawk, physical torture ai mah in Nova hunlai ang khan mental a nasat zawk hmel. Social outcast anni ang a, nuihzat leh hmuhsit anni ang a, endawng anni ang a, zirtirna diklo leh kalsual ti a puh anni ang a, thinhrik anni bawk ang.
Sakawlh chuan political vawng a chelh ngheh hnu ah, economy leh religion a rawn hmatiam leh thung bawk ang. One world, one economy, one belief, one nation, one God one common enemy, Isua rawn tihdik tur hi a counterfeit lo thleng hmasa tur in beisei rawh.
Obama hi chuan a pha lo ah ka ngai. Pope pawh hian a phalo, tin Imam Mehdi pawh hian a pha chuang lo bawk ah ka ngai e. Ti khian a circle chu a zim deuh, alo thlen chuan hai rual ani lovang.
Similar Posts:
- Juda sakhaw dan
- Kana khua a inneihna
- Engvang nge Isua KA PA ti a a tawngtai thin?!!
- Jerusalem thlalak (Tumkau ni pual)
- Krismas Thuchah
February 17th, 2011 at 5:10 am
I chîk peih hle mai! A chhiar ringawt pawh taimak zir ka ngai, hetiang lampang hi chu!
Report this comment
February 17th, 2011 at 6:32 am
Report this comment
February 17th, 2011 at 6:51 am
Ngaihnawmin bengvarthlak hle mai. Hun hnuhnung lam hi chu a har a, thlir dan pawh a tam. Pawm ber tur erawh hriatthiam a har. Thlir dan ngaihnawm tak i rawn chhawpchhuak a, lawmawm e.
Report this comment
February 17th, 2011 at 6:56 am
John 5:43, I have come in My Father’s name, and you do not receive Me; if another comes in his own name, him you will receive.
Johana 5:43 Ka Pa hmingin ka lo kal a nih hi, nangnin mi lawm si lo: mi dang mahni hmingin lo kal sela, ani chu in lawm ang.
Report this comment
February 17th, 2011 at 7:13 am
Chuti zawngin ka lo ngaihtuah lem lova, ani thei viau. Juda mi anih loh pawn Middle East lam politician chu anih hmel hrim hrim. Korean, Mexican, Tanzanian tih ang vel tan chuan Sakawlh nih chu a harsat hmel.
Report this comment
February 17th, 2011 at 7:35 am
Ka lo OT lawks – Niminah sanitation thila Lungleia district level intawhkhawmnaah CHAKMA hovin thuneitute chu CHAKMA (TAKAM) tawng hmang turin an ngen a ni awm e.
Report this comment
February 17th, 2011 at 8:21 am
Ziak tha in a ngaih nawm hle mai. He thil hi kei pawh in ka lo thlir dan chiah a ni. Bible hi chiang zawk a kan zir chuan, Anti-Christ rawn chhuak tur hi Juda hnam a tangin a nih a ngai tlat. Tunlai khawvel politics in lum leh dan, a bik takin middle east, kan thlir chuan a rawn nem nghet tan tlat reng a ni. Bible hian fel takin hun bi thliah a nei vek a, pa hun, fapa hun leh thlarau thianghlim hun ( ka hriat sual loh chuan kum 2000 zel). Lal Isua a thih a , a thawh leh kha AD 28/32 vel ni a ngaih an a, chu ti a nih chuan 2020-32 chho vel hi a kum 2000 ral na a nih hmel. Chu mi hma chuan heng thil hi a rawn thlen hmel viau lo maw? Khawvel economics din hmun kan thlir chuan, kan hma hun hi a eng vak lo. Kum 3 kal ta a, global economics crisis khan khawvel ram, economics super power America leh European countries ho economic khu a la ti buai viau reng a ni. Global warming a vang a agricultural production tlak hniam nasat zia te, population pun chak lutuk vang a kan resources in min sustain that theih tawh lo zia te leh poverty rate increase nasat vang te hian kan hma bak hi a eng teh vak lo zawng a nih hmel. Chu a chhap ah energy crisis hi khawvel in a hma chhawn tur lian ber a ni tlat. Mi thiam ten 2025 hi world oil production peak hun tur an ti a, chu mi hnu ah chuan a tla hniam zel tawh ang. Eng pawh ni se kan hma hun tur tuman kan sawi lawk thei lo. I lo thlir phawt teh ang.
Report this comment
February 17th, 2011 at 8:35 am
#6 khi Mokodamui a ni tawp, nakranga an zak thlawt nange a grrrrrr
Report this comment
February 17th, 2011 at 9:46 am
Lunglei ah chuan Chakma (Takam) tawngin official business an hmang tur ani lo. Duhlian tawng pawh nilo. English tur ani.
Report this comment
February 17th, 2011 at 10:43 am
hmmmm…
Report this comment
February 17th, 2011 at 1:02 pm
Anti- Christ chu non christian hi an ni mai lawm ni!
Report this comment
February 17th, 2011 at 2:15 pm
tunlai internet a muang ngei mai.Nizan inkhel en nghah pah in post schedule a tlem lutuk a, ka rawn vawmbei ve mai mai anih hi, a lo sei mah mah anih hi…ka vawikhat post ve na…post villo intih awih loh, ka online hman meuh lo ani ber e….zan lam ah ka rawn online leh hman ang…
Report this comment
February 17th, 2011 at 2:40 pm
Post tupa, ka beng i tih var hawk chu le!!!!!
Report this comment
February 17th, 2011 at 3:35 pm
Anti-christs tih pawh Hmangaih Johana’n a ziak tel a, mimal bik khera puh chi a ni lo!
Report this comment
February 17th, 2011 at 3:41 pm
A lo ni roh tak tak lo maw?
Report this comment
February 17th, 2011 at 7:38 pm
anti-christ hi a hun hnuhnung lam chu k hrelo a, bengvar thlak khop mai. great post:)ka hriat ve tlem ka lo belh ang a, beng ti var lehzual atan…
bible-a a inziahna hmasa ber chu 1 johana bung2:18-23. a lo chhuahna tak erawh hi chu ngaihdan chi2 a awm a, juda sakhaw zirtirna hmasa atanga lo chhuak ti pawl an awm a, Babylon hmasang thawnthu(myths)atanga lo chhuak ti pawl an awm bawk.
ezekiel-28,29 vel ah leh zakaria-12,14 velah khan zawlnei hmasa te chuan an lo sawilang bawk. heng ah te hian ‘magog’ lal fapa ‘GOG’ tih hmingpu in a lokal dawn ni in an sawibawk.
A lo chhuah dan hi kawng thum in an then a:
zawlneite zirtirna,midrash( bible zirchianna), leh pialral beiseina thawnthu(heavens mythology)-te.
kan ziah ve tak duah chu le…nyway: ZOHO.thnx
Report this comment
February 17th, 2011 at 7:42 pm
chawnghilh #14 ka comment #4 khi en chhin teh
Report this comment
February 17th, 2011 at 11:50 pm
Post tluk cuanglo mahse,comment pawh a bengvar thlak hle mai.
kan kawmchhak nau hi a sual em em mai a,sakawlh te hi ala ni reuh ang a,ka ti thin a.Thosilen te hi zu zar duh der lo a.A mak ngawt mai!
Misual zingah Pathianthu bengvarthlak tak2 hrilhtu kan nei teuh mai hi a thlamuanthlak ka ti..thanks ZOHO.
Report this comment
February 18th, 2011 at 3:44 am
Fuckbofffff
Report this comment
February 18th, 2011 at 4:08 am
Nia F offff
Report this comment
March 24th, 2012 at 12:45 pm
ka chhiar tawh na a ka va haichhuak leh hram
Report this comment