Lan khat man tlak duah teng. Mizoram sorkar in thil ropui lutuk tak mai a duangchhuak ve tlat mai. e-Payment for VAT hi a trul em em reng a ni. Dawrkai/sumdawng/service etc. ten hun tam tak an save phah tawh dawn anih hmela, save nachang hria erawh an awm meuh ange maw. Internet connection nei reng chunga bill pe tura la intlar tlat tawk lah bo lo. Maharastra state te chuan hman hmanah anlo hmang daih tawh.
Hriatthiam loh:
E-filling anih theih tawh dawn chuan ITC claim duh te tan Invoice engtin nge an check tak ang? Manual-a la submit angai tho angem? Hemi thil ah hian an thuthlukna hriat a chakawm khawp mai. Website thru hian pawisa thawn (transaction) a theih angem? Theih nise a him tawk meuh ang maw? Nge VAT amount hi Treasury Deptt. ah manual-a chhunluh ala ngai tho dawn? Taxation lam e-filling engang mahse Treasury ber an in upgrade loh chuan hun a save em em chuan loh hmel.
Chuan, e-filling anih tawh dawn avangin dealer VAT pek zat, pek hun etc. check zung zung a awlsam tawh anga. Chutih laiin manual-a pek ala theih tho bawk. Hengho database hi hmun khata dah tur nge a hrangin tih te pawh zawhna a tam khawp mai.
Sawiselna :
Dealer/sumdawngin kum khat chhunga Rs. 3,00,000/- (Nuai 3) a inhralh tlin chuan VAT a chhunglut tur a ni. Hengho inhralh zat chiah chiah hi hriat erawh a har khawp ang. Amaherawhchu, registered dealer hrim hrim chu an awm nual thung. Quarter(thla 3) chhunga a chhunluh hniam thei ber tur chu Rs. 3000/- (@4% rate) a ni. Dealer return chhunglut zingah ITC claim chuang silo, Rs. 3000 aia hniam fe chhunglut an awm sup nia!!! Taxation lamin chhui tange pawh an ti chuang lo, nge Yearly Assessment atan an khek zawk.
Mipui Sawiselna:
Eng pawl nge an din tak kha(?) Bike part zuar ho nge maw ni, an VAT rate tihhniam duh vangin pawl zuk din a!!! A huho a sawrkar nawr an tum ani chek anga, amak thin teh e. Mizorama VAT rate sang ber hi 12.50% chauh a ni. Tin, dealer ten anmahni pocket atanga VAT chhunglut ah an in ngai thin hi a zialo lam deuh. A bungraw hralh atangin 12.5% tax-a pek tur bik a charge tel zel tur a ni. Charge nachang a hriat miau loh chuan ama pocket atang a pek angai tihna ani mai.
Value Added anih miau avangin eng level-ah pawh, a value asan zawkna atang khan Tax pek zel angai a ni. Europe ramah khu chuan a tlangpuiin 15-18% vel an chawi. India ram bik ah pawh a tlangpuiin Basic needs ah 4%, a dang ho ah 12.5% a ni mai. VAT rate hi a pawl anga nawr hniam tum chi pawh a nilo, lungawi taka pek mai chi a ni zawk.
Similar Posts:
- Mizofed in petrol nei chhe ber
- Oil man khuahkhirh loh kan tawrh dan tur
- NLUP atan rawtna chhete!
- MRP aia to a thil hralh hi
- Picture Post Hi (Huat chi loh)
June 13th, 2011 at 2:15 am
Ngaihnawm hle mai………….Mahse ka la hriatthiam loh lai leh mak ka tih deuh lai a chu engtin nge kan state hian kan hman ngawt dan a hi…………Production awm si lo lai leh seller vek kan nih lai hian a tuartu chu mipui an ni daih a hi a ni……..
Dealer, entirnan mai2, motor chi hrang leh company lian te hi chuan an sell atangin chumi % chu an agent te hnenah an hlep tur an chhung lut veleh thin ni in ka hria a,transportation leh delivery charge zawng2 hi company atanga kal a ni a tih theih in ka ring. Mahse chutiang ni lem silo dawr kan neih tam zawk a te hi seller atanga seller(ka hriathiam dan zawng) an ni a Tax hi a thuah nasat hmel tawh lutuk mai hi ka hre thiam thei lo………
Report this comment
June 13th, 2011 at 9:44 am
VAT hi dawr bungraw hralh chi pangai C Form nena lak ngaih tawh na ah chuan a chhut theih deuh vek mai a, mahse IT business ah hian buaithlakna a awm ve nual, hei hi chu Taxation Dept lam atanga buaina pawh ni chiah loin, market in a rawn ken tel ve hran pa a ni. eg Intel processor C2d hi Rs 1000 + 2% cst in lo la ta ila, quarter khatah VAT minimum 70% from total Distributor invoice atangin chhun a lo ngai ta a, chuan Core 2 Duo processor kha thla 5 chhung hralh miah loin lo kawl ta i la, Intel lam atanga Processor thar an rawn launch leh chuan C2D processor kan kawl lai kha Intel lamin a man an rawn ti tla ngheng zel. Computer hi thla 3 dan velah model thar a awm reng!. Company in Price protection (a man a tlak a dealer te loss tur credit note an pek thin) an siam tawh mang si lo. Chuvangin VAT chawi na chi tawh ah chuan Dealer te hian Durable goods lampang a in focus hi a tha, eg kawr, pheikhawk, furniture etc te pawh kum 5 hralh miah lohin a value a tla hniam ngai lo, a value a sang zawk thin. IT goods ho chu kawl rei zawh poh leh a hlutna a tla hniam zel. IT product ho hi Depreciation kum khat ah 75% an ti. kumkhat a hlutna tlak hniam zat 75%. FMCG (Fast Moving Commodities Group) dal, tel, chini etc te anga hralh chak a ni leh bawk si lova. Mizoram ah khawi Distributor mahin rawn luh an tum bawk si lo. IT Distributor ho hi Redington, Ingram te an nia.
Report this comment
June 13th, 2011 at 4:26 pm
Post tha tak ani e. Comment na lam lah chhiar a nuam hle mai. Mahse hetiang lamah hian ka ngawng em em mai. VAT awmze fumfe pawh hi ka la hrethiam lo, a awmzia min hrilh thei in awm chuan ka lawm hle ang.
Report this comment