Hetiang lam thu deuh hi kan hnung deuh khan post pakhat kan sawi ho tawh a, tuna ka sawi tum tak nen hian a in an loh deuh avangin post hran ka’n thawh a ni e.
Thupui a ka hman ang khian Pathian hian mimal tin nun dan tur leh naktuk a kan tih tur theuh te, enge kan tawh dawn tih te hi a hre lawk vek ang em? tih zawhna hi a chhanna dik tak hi chu a hriat theih loh anga, mahse ngaihdan chu kan nei theuh tur ah ka ngai a, i han sawi ho ang u hmiang…..
Ka ngaihdan : Pathian hian mimal tin nun dan tur hi a ruat lawk vek ka ring lova, hriat pawh a hriat lawk vek ka ring lo. Naktuk a ka tihtur hi a ruat lawk emaw a hriat lawk emaw ka ring lo a ni. Bible a kan en chuan Lal Saula kha Isreal te Lal atan a ruat a, a ni kha chu a tih tur te chu a ruat lawk sak ngei ka ringa, mahse a tih tur te kha chu a hre lawk vek lo tih a chiang a ni. A chhan pakhat chauh sawi ta ila, I Sam 15:11 ah khan Pathian in ‘Lal Saula lal atan ka ruat hi ka in chhir a ni, a ti a.
A tih chhan chu sawi vek lo mai ang kan hre vekin a rinawmI Sam 15:10 a tanga a bung tawp thleng khan hemi chungchang hi a ni e, Tih tur a ruat sak ang in Saula hian a ti lova, chuvang chuan a inchhir a ni. Heta thil lo lang chiang deuh mai chu Pathian hian Lal atana a ruat ngei pawh a tih tur a hre lo tih hi a ni.A mi ruat ngei tih tur hi hre lawk vek se chuan, A inchhirna tur thi a ti duh dawn em ni?? tih hi thil chiang tak a ni.Khawvel ah hian Pathian mi ruat lawk leh thlan bik te hi chu tlem te an ni a, a mi bik ni lo tam ber kan ni. A mi ruat lawk leh thlan bik te tih tur pawh a hriat loh chuan, a mi ruat bik ni lemlo ho tih tur phei chu a hre lo hrim hrim ang tih hi a chiang in ka hria.
Chuan thil ddang pakhat leh chu Lal Davida leh Bathsebi chungchang ah khan a chiang leh hle bawk. A story lam kha chu kan hre tlang turah ngai ila sawi tam lo mai ila, a chiang tho tho. Lal Davida chungchang hi Pathian hian ‘Ka rilru ang pu mi ka chhar ta’ a ti tih hi an sawi thin a, Bible ah ka zawng hmu zo lova, commentary lam ah te a nih chuan ka hre lo le, mahse Davida hi chu Pathian pawh hian a chhuang hle ni tur a ni, ka rilru ang pu mi ka chhar ta han tih ngat na tur mi chu a chhuang hle a ni.
Mahse Bathsebi chunga a thil tih tur kha a hre lawk lo tih a chiang hle bawk. A thil huat ber mai Uire na ah a han tlu sual tlat mai hi Pathian hian a heti dawn a ni tih hi hre lawk se chuan Lal atan a ruat lo tawp anga, amah timualpho tu mai mai atan Ka rilru ang pu mi ka chhar ta a ti hek lovang.. Chuvangin Pathian hian mitin thil tih tur hi a ruat lawk vek in a hre lawk vek lo hi a chiang e.
Tin, mitin kan thih hun tur leh thih dan tur chungchang pawh hi a ruat lawk in a hre lawk vek lovang tih hi ka ngaihdan a ni leh pek.Mi tlemte tute emaw chu an thih hun tur leh thih dan tur lo ruat sak te chu a neih ka ring thova, mahse mi zawng zawng hi chu a ruat lawk ka ring lo.
Le… han sawi teh ang u…… 
Similar Posts:
- Thihthu…
- Puithuna (Superstition)
- Hnathawh chungchang
- Bible hi aw….
- Ruatlawk Theology (Chhandam tawh nge Anchhedawng sa a piang?)
June 4th, 2011 at 8:01 pm
Ni e, ngaihtuah a ti tam khawp mai. Amaherawhchu, hetiang thil hi chu ngaihtuah vak vak lo ila a fuh zawk in ka hria. A hnam sakhua-a zia tlat. Hetiang ngaihtuah ngut ngut thin ho tan hian pianthar hi a har fu in ka hre lehnghal.
a; ka 
bawk. A tha tho e.
Ka
Chuan, hmeichhe tennis final a hmuhnawm khawp mai. Khawchhak nu a champ dawn niin a lang.
Report this comment
June 4th, 2011 at 8:01 pm
Bucko, hetiang an ngaihtuah an ngaihtuah ngai lo. Ama chanah dah tawp mai rawh. A ropui leh thûk em avangin a nihna leh theihnate hi hriat ve kilh kelh tum thin mah ila mihring finna hmang ringawt chuan kan hre chhuak thei ngai lovang.
Report this comment
June 4th, 2011 at 8:08 pm
Lo sawi ho teh u, hnial tur kala rawn zawng leh ang.
Report this comment
June 4th, 2011 at 8:09 pm
*I ngaihdan* hi comment ah rawn sawi zawk la a fuh hmel, mi dang ngaihdan paihthlak nan
Report this comment
June 4th, 2011 at 8:19 pm
Engkim hi pathian siam anih tih kan pawm atnih chuan,engkim hi pathian remruat ah ka gaih ve tlat e…ka lawm e.
Report this comment
June 4th, 2011 at 8:20 pm
#1 ,” hetiang ngaihtuah ngut ngut ho tan hian pianthar hi a har hmel fu lehnghal..”
A dik hmel
Report this comment
June 4th, 2011 at 8:27 pm
Bucko, i bible chang hriat loh chu, 1 Samuel 13:14. Kha han en teh. Tawngtai leh hlazir zawh lamah hman chuan a dang chu aw.
Report this comment
June 4th, 2011 at 8:33 pm
“Duhthlanna” mihringten kan neih atang ringot poh hian kan omdan tur chu a hrelok vek biklo tih a chiang mei alom…keimahni duh huna tlu leh maithei kan ni si a….
Report this comment
June 4th, 2011 at 8:34 pm
Breaking news:
France Open Women Singles Final Result
N.Li 6-4, 7-6 (7-0) Schiavone. Ka comment hnu khan Li hian a khel chhe deuh hleka; tan a na duh ngei mai.
Report this comment
June 4th, 2011 at 8:35 pm
French Open a hma phel lamah kawmchhaknu a chak ta ber e. A khelhpuinu a hmel leh pian a chhe ve em a ni.
Report this comment
June 4th, 2011 at 8:41 pm
ril ngun ngun ve, kan zawhte rilru takngial pawh ka hriat pui lo a nia, Pathian rorel dan leh remruat dan te phei chu..
Report this comment
June 4th, 2011 at 8:42 pm
Lal Davida’n Bathsebi inbual a hmuha, a it tak na hmun kha ka hmu ve tawha; a thlirna atanga Bathsebi bath room kha a inhlat tlat. Mit lawnga hmuh rikngawt chuan thisen tilum thei turah ka ngailo. Bible kha a diklo nge? nia an sawi hmun hi a felhlel zawk pawh ka hrelo.
Ka duhloh zawng ka’n ngaihtuah chule…
Report this comment
June 4th, 2011 at 8:43 pm
Edit theilo chu le…
Report this comment
June 4th, 2011 at 8:44 pm
A hmasaberah chuan ‘mihring’ kan ni tih hi chiang nawn leh ila. Fel famkim mihring zingah an awmlo. Chutiang taka fel leh thianghlim, tisual ve ngailo mihring zingah awm ni ila Pathian hian a rawngbawl tur atan a thlang ang. Lal Davida leh lal Saula te pawh tisual thei mihring an ni tih hre chung leh an tisual ngei dawn ani tih pawh hre lawk vektu Pathian hian a thlang ani. Engvangnge hre lawk vek si a a thlan tho le ? A chhanna chu mawlte, “Mihring zingah thlan tur mifel an awm chuanglo”
A dawt lehah chuan, mihring rilru ngaihtuahna atang chuan Pathian thilrel dan hi kan hrefiahlo chatuan dawn ani. Hriatfiah theih Pathian nise a ropuina a nep zawk ang. Hriatfiah sen rualloh Pathian a nihna hi a ropuina tarlanna chu a ni. Mihring ngaihtuahna leh A ngaihtuahna a in anglo chatuan dawn si a.
Engkimtithei, engkim hria Pathian a ni a. A inchhirna tur thil a ti anih pawhin a hriatloh vang lam ni lovin A chatuan thiltum tihpuitlinna tur lam a kawk zawk ngei ang. Lal Isua lo pianna tur atana Pathian kawng lo sah lawk , Ama ropuina puan lanna tur zel ani zawk asin.
Sawi teuh a va awl e…a thui lutuk palh ange.
Report this comment
June 4th, 2011 at 8:50 pm
Rome 8:28 “Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria; 8:29 a hriatlawkate chu ama Fapa ang taka awm turin a ruat lawk si a, a Fapa chu unau tam takte zinga fa tir a lo nih theih nan. 8:30Tin, a ruatlawkate chu a ko bawk a; tin, a kohvate chu thiam a chantir bawk a, tin, thiam a chantirate chu a chawimawi bawk a.” tih thute hi HRE TAK thukhawchang chu a ni.
Pathian duhzawng leh remruat ang zawk hian kan khawsa lo em zawk a, chutiang rel fel leh tur chuan Lalthutphah Var Ropui a inhun chhuah hunah a rorelna fel leh chipchiar kan la hmachhawn theuh vang. Vantlang ek ina ka lo daikal chanchin emaw, ko pang ka lo zun khum chungchang em em chu a thailang ngut lo vang. Mahse, “engkim inhawngsa vekin,” a ni, ro a rel dawn chu ni!
Rome 11:2 “Pathianin a mi hriatlawkte chu a paih thla lo ve,” Tih tak emah chuan, Lal Davida khan Bethsebi a uire hma khan Pathianin, “Ka thinlung ang pu mi ka chhar ta,” a ti lo! Davidan a sim hnu khan a sawi a ni zawk bawk. “An sualnate leh an khawlohnate chu ka hre reng tawp lo vang,” titu Pathian hian haider tur a la ngah mah mah, a hre chipchiar a ni. A kutchhuakte hre kim lo Pathian kan nei lo. Alpha leh Omega hi, a knowledge tawngchham viau turah kan ngai elo? Hnai lo ve. “Even your hair on your head are NUMBERED.” Hre vet vet tak a ni.
Judas Iskariota awm dan tur etc etc, hre lawk vet vet tak chu a ni, zawlneite awm chhan pawh kha chhut chipchiar tham a awm.
Report this comment
June 4th, 2011 at 8:58 pm
Chhandamna kan chan theihna tura Pathian chatuan remruat dan hi hrilhfiah chi a ni lova, hriatfiah sen a ni heklo. Fapa min pek dante…kan chatuan damna tur atana Pathian hnathawh zawng zawngte hi. Bawhchhe leh tur si a mihring min siam site hi..Pathian ropui zia kan tarlan rualin Mihringte chanvo a dah ropui si ziate hi. Duhthlanna nei thei ngata siam kan ni. Kan tihsual leh la tihsual leh turte nen lama hre vektu hian. Zalenna min pek DUHTHLAN theihna min pek hi min palzam sak reng renglo. A hriatloh vang chu ni lovin.
Report this comment
June 4th, 2011 at 8:58 pm
Ephesi 3:14-19 Chuvang chuan Krista chu rinna avnga in thinlung a chen theih nan, a ropuina ngahzia ang zelin, a Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka thingthi thin a; chutichuan Pathian famkimna tinreng tluka tihkhaha in awm theih nan, nangni hmangaihnaa zung kai leh nghahchhan neia awmin, mi thianghlim zawng zawng nen chuan a zauzia te, a seizia te, a sanzia te,a thukzia te hriat chian theihna leh, Krista hmangaihna hriat phak loh hriat theihna in nei thei ang. 3:20 Tichuan, keimahnia thawk thin thiltihtheihna ang zelin, kan dil leh kan ngaihtuah zawng zawng aia nasa zawk ti theitu hnenah ngei chuan, 3:21 chatuanin chhuan zawng zawng thlengin, kohhranhovah leh Krista Isuaah chuan ropuina awm rawh se. Amen.
Engkim hre vektu Pathian kan nei bik.
Report this comment
June 4th, 2011 at 9:03 pm
kan veng pa pu tawna tawngkam kan hawh teh ang,’Pathian hisap kitap hi kan hre lo.’
Report this comment
June 4th, 2011 at 9:05 pm
#15
..nikinah emaw naktukah emaw,ka tisual leh thin dawn tih ahriat avang ania, ka tihsual tur te ka tlansan zel theih nan thlarau rum sawihleih theih loh va min tawngtai pui thin ni,,ka tihturte hi hre ta lo se,,awi awi…pawi dawn lutuk,,LALPA chu fakin awm rawh se,Amen.
ka lawm e,
Report this comment
June 4th, 2011 at 9:10 pm
Pathian in tihtheih loh a neih chu Mihring, chhia leh tha hriatna nei te duhthlanna thunun hi a ni. A thiltihtheihna chuan a phak na meuh ang, kan Pathian, khauh tak leh dik taka rorel thin hian kan duhthlanna min thunun sak ngailo, “Ka fa, i thinlung min pe rawh, ka dil a ni” a ti zawk a ni. Kan duhthlanna avanga naktuk kan hun tawng danglam hi chu a hriat lawk ka ring lo.
Report this comment
June 4th, 2011 at 9:10 pm
Pre-destine chungchang hi chu inhnialna a tam toh khop mai…….hman deuh poh khan God is playing with the human minds tih ang zawng a kalpui chiam kha an awm kha maw.
Mahse mimal tin ten duhthlanna kan nei a, chumi a amah leh a thu te kan thlan leh thlan lovah a in nghat a ni ber awm e a. Amaherawhchu, a thlang tawh tu te pawh mi chak leh fel famkim an ni hauh lo, tlu leh thei chako thei an ni tih erawh mihring an nihna ti chiangtu mai chauh a ni zawk a ni awm e.
Pathian hian thil egkim chu a hre teh meuh mai, mahse a mah kan thlan leh thlan loh chu kan duh thlanna ah a dah ni mai zawk awm in a lang.
I chhut peih hmel a, a tha khop mai hre chiang mang lova thiante in hlan avang leh camping top lam a an khalh fal hreh avangte, piangthar lova camping atanga chhuah hlauh vang ngawt ni lova mahni a hmuhchhuah leh pawm theih, duh thlanna ngei a pianthar hi a tha ber in ka ring.
Report this comment
June 4th, 2011 at 9:20 pm
#20. Ka sawi tum ang chiah a sawi. Ka tawm pui e.
Report this comment
June 4th, 2011 at 9:21 pm
He post hian Pathian ropuizia a tarlang. Pathian ropui zia hi lei mihring ten kan hre zo si lo.
Pathian thil rel dan chu
A va mak em!
Hriat phak rualloh ani,
A tum zau zia;
Thil te ber pawh a veng,
Van thil a rel kim e;
Pathian ruat ang zelin,
Engkim a thleng.
Report this comment
June 4th, 2011 at 9:21 pm
Pathianin a hriat chian em em chu, Ama siam ngei mihringte hi—a tam daih zawk—a chang let dawn chuang lo. Ka misual-puite u, kan nihlawh chungchuan bikna erawh hi chu … kan inkawmho uanthuanna leh mukna chiahpiah karah hian, thil namai lo deuh a awm asin! “Meet you all in the air to meet our Lord of lords, King of kings when He COMES AGAIN, when the last TRUMP sounds!”
Report this comment
June 4th, 2011 at 9:26 pm
Isua Krista thihna leh thawhlehna hi a ni. ‘Ruatlawk thurin’ a ni emaw ni lo emaw thil dang dang hi chu a ve mai mai, thil engkim siamthar a nih hma hian kan ngaihtuah buai mah mah thin. Chuvangin ka ngaihdan ka sawi lovang. Ka rilru pawh ka pe tam duh lem lo e.
Thildang ngaihtuah aiin hemi topic-a rilru sen erawh tha tho mai.
Report this comment
June 4th, 2011 at 9:32 pm
Rome 8:28-30 inkar thu hlawm hi Wesley-a leh Calvin-a inhnialna sosang mai mai tura Pawl huang hnih lianpui puit hrinchhuahten thumal pakhat ve ve tanchhana siama a inhnialna bawplawk kumkhua tur atana Tirhkoh Paulan a ziak a ni lo.
Report this comment
June 4th, 2011 at 9:33 pm
In kawment te ka chhiar thuak thuak a kan missionary te pawh hian in hre lo hle mai ka ti!
Pathian hian mi zawng zawng awm dan tur hi a hre lawk vek theia mahse hre lawk vek lo turin Amah leh Amah a in siam.
Lungngaihna te, khawharna te, lawmna te, fak duhna te a neih hi a hriatlawk loh te chawimawina leh tihlungngaih theihna atanga dawng turin Amah a insiam zawk a ni. Chu chu mihring kan hlutna leh a mi ngaihsak kan trulna tak pawh a ni. a hriatsa thila a la lungngaih cheu chuan Pathian a ni dawn em ni?
Thil engkim a hre vek a mahse keimahni (mihringten) ro kan rel ve theihna turin kan kutah tam tak a dah ve zawk a ni. Chu chu duhthlan theihna kan tih kan tih fo hi a ni, Setanan Pathian ti lungngai tura hmanruaa a rawn hman chat a chu.
Report this comment
June 4th, 2011 at 9:33 pm
AMA kutah ka dah mai e. Thildang ngaihtuah tur ka la ngah emmai.
Report this comment
June 4th, 2011 at 9:36 pm
keipawh ka ngaihtuah buai peih vak lo, amah hi ka ring em em top ni mai! tichuan engkim tha vek mai ang
Report this comment
June 4th, 2011 at 9:55 pm
Tirhkpohte Thiltih 17:24 Pathian, khawvel leh a chhunga thil zawng zawng siamtu chu lei leh van lal a nih avangin kuta sak inahte a awm lo va; 17:25 thil tlachham angin mihring kuta rawngbawlsakin a awm hek lo, amah ngei chu engkim hnena nunnate, thawknate leh thil zawng zawngte petu a ni zawk e. 17:26 Tin, lei chung zawng zawnga awm turin bul hmun khat vekin hnam tin mi a siam a, an tan hun bite a ruat a, an awmna rite pawh a khamsak a, 17:2 Pathian an zawn a, an dap an dap a, an hmuh mial theih nan; nimahsela ani chuan min hlat lo theuh si a. 17:28 Amah avangin kan nung, kan che, kan awm a ni si a; nangmahni hlaphuahthiam tute emaw pawhin, ‘Keini pawh a thlahte kan ni si,’ tia an sawi ang khan. 17:29 Chutichuan Pathian thlahte kan nih ahnuin, Pathian pangti chu rangkachak te,tangka te, lung te mihring themthiam leh remruata chherte ang hi emaw tih,kan rin tur a ni lo ve. 17:30 Chutichuan Pathianin kan hriat loh laite a haider thin a; nimahsela tunah hian ram tina mi zawng zawng sim tur thu a pe ta a ni, ni a tiam avangin; 17:31 chu mi niah chuan a mi ruata chu, leia mite fel takin a ngaihtuahtir ang; chu chu Pathianin amah chu mitthi zing ata kai thovin, mi zawng zawng hnenah a hriattir tawh a ni,” tiin.
Pathian vanga nung, che, aw nih a hnu —Anin a lo hriat loh teh chuan a buaithlak tham viau ang.
Report this comment
June 4th, 2011 at 10:05 pm
#27
Report this comment
June 4th, 2011 at 10:07 pm
saint sammoo khuan cutiang khatiang.. khu type sela,cuan.. Submit button khu click roh ce.. A ron tih thlip thlep ka ring lo ve.
Report this comment
June 4th, 2011 at 10:08 pm
Pathian in duhthlan theihna min pe . a CHHE lam leh a THA lam . chu mi tawp na chu a ruat lawk ve ve Vanram leh Hremhmun . Kan duh thlanna kan hman sual hnu ah pawh kan Thih hma chu duh thlang thei in min la dah zel hi a hmangaih na lan tir tu ani.
Report this comment
June 4th, 2011 at 11:46 pm
He bawhchhe hringnun atang hian kan hre tlem tak meuh meuh. Kan Bible ah pawh hian Pathian in hre tur a min duh chin tlemte(tip of an ice berg) a rawn thai lang feih chauh a ni ber a,chu lah chu Setana’n kan hriat fiah a hlau em em a, kan thinlung ah ‘Bible hi hriatfiah rual a ni lo’ a ti tluk tluk bawk nen.
Bible a inziak chin, chutah pawh ka hriat ve chin atanga kan ngaihdan ah chuan Pathian leh Setana thu inchuh ah hian JUSTICE hmang a Pathian in ro a rel avang hian a omnicient ah hian 50% chiah hi a hmang hrih, a dang chu kan duhthlanna a zir in Setana 50% chance a pe ve, a khawngaih a a pe ve tih lam nilovin Case kallai a nih avangin hei hi a nih dan tur hrih chu a ni zawk tihna(The rise and fall of Ad’ham vis-a-vis downfall of Cherub A’nu aka Lucifer)
A fiah dan ber ka tih chu programmer in game a program a, level tin ah, step tin ah, turning tin ah, a consequence a program lawk vek, a hre lawk vek, mahse a flow leh end chu player daihriat tur in a dah leh lawi si, chutia a tih chuan chutichuan a awm ang tih chu hriatlawk leh program lawk, mahse chutichuan awm rawh se tih erawh chu a player(mihring) duhtlanna, thiamna, inpekna,adt adt ah a inngat thung.(pre knowlegde but not pre-destined).Hlawtling tur chuan tutorial leh tutor-Bible leh Thlarau Thianghlim min pe thung.
Heti hian tibuaitu(Setana) chu free hand a pe ve a ni- in the name of JUSTICE. Lets see who’s gonna win, let’s decide on who’s side are we.
Report this comment
June 4th, 2011 at 11:56 pm
Ka zawhna te:- 1) I fate kha eng lai pawh a ven ngai, thlah zalen hlek a thil sual tih awn reng an nihin nge i lawm ang, an duh duh dana awm thei turin zalenna i pe a, thu tha erawh chu i hrilh reng thung a, i thu in an nun a kaihruai a. Han petek zeuh chu nei ve bawk mah sela, anmahni chhia leh tha hriatna ngeiin kawng dik zawh an tum ve tlat in? 2) Robot nangmah fak tura siam emaw, tih luihna avanga an rilru loh puia, hlauh vang mai mai a nangmah fak der thintute fak nge i thlak hlelh, an tana mahnia in hai chhuah theihna awm lo din hmuna an din laíin, nangma nunna atan pawha hlauh awm khawp thilah i tanpui a, i chhan chhuah avanga mittui tla zawih zawih leh itan a an nunna pawh hlan let ngam khawp hiala lawmten an fakna che dawn? 3) Dam chhunga pawm tur Nupui atan Nangmah hmangaih leh ngaisang hauh lotu, midang ngaihzawng nei ru ran, i bula awm pawh nuam ti miah lo tihluih naa i neih theih nge i duh ang i hmangaih thu i hrilh a, a thinte leh a nu leh pa te pawhin nangmah neilo tura an thlem ngial hnu pawha, ama duhthlanna ngei a pasal atana thlang tu che nupuia neih? He khawvelah pawh hian, an rilru hneh tel si lova ram in awpte hi an in awp hlen tak tak ngai lo. Pa Pathian hian kan duh thlanna ngeia amah kan thlan a, kan fak leh a rawng kan bawl hi a duh a ni. Kan talent azirin min koh chhuah dan leh min dahna hmun erawh chu a in ang vek lo. kan tan thil tha ber a duh a, a buatsaih a, chumi pan tur erawh chuan tihluihna a hmang ngai lo. Kan duhthlanna ngeia amah kan thlan a, kan fak leh a rawng kan bawl hi a duh a ni.
Report this comment
June 5th, 2011 at 12:11 am
Ruatlawk Theology hi hman atanga tun thlengin Theologian tam tak te inhnialna tawp thei lo pakhat chu a ni.
Pathian hian a principle-in ruatlawk a neia, a detail erawh chuan a nei lo a ni ang tih hi pawm dan tlanglawn ber chu a ni.
Report this comment
June 5th, 2011 at 4:53 am
ngawihmeks teh ang..pathian thu hi mahni ngaihdan dana lo sawikual vel ai chuan…pathan thu hi a ropui em em a mahni ngaihdan dana lo sual kual chiam chi anih ka ring lo..kan rina kan pawm tawp mai dikna pathian anih ang in.
Report this comment
June 5th, 2011 at 5:08 am
Tuna nunga ka awm hi ka lawm hle ani tawp.
Report this comment
June 5th, 2011 at 7:40 am
Kan thluak tereuh te hi chuan Pathian ruahmanna te chu a hre thei lul lovang.Mahse,khawvel a thil thleng leh lo awm te hi a mak em em a,khawvel Philosophy lo pianchhuahna chhan pawh MAK TIHNA hi a ni.Philosopher te thutlukna a in an loh avangin rinhlelhna te,thlitfimna te chu Modern Philosophy lo chhuahna a ni.Pathian siam tih te,Mihring siam tih te,heta thumal siam tih hi powerful dan a inang lovang.Pathian hmangaihna leh mihring hmangaihna pawh a in ang lovang.Pathian inchhirna leh mihring inchhirna pawh a inang thei lovang.Pathianin engkim a siam tih te pawh hi ngaihtuah chian a ngai.Pathian siam loh mihring siam tam tak Atom bomb te,Computer te,TV te,Robot te etc.Pathianin Lucifer-a a siam a,Lucifer-a chu a duhthlanna in Setana a lo ni ta.Pathian duh loh zawng siamtu chu Lucifer-a a ni,Setana lama kan tan chuan Setana leh a hote hremna tur a ruat lawk tih Bible atangin kan hria.Pathian hian a hre lawk vek a nih ka ring a,kan duhthlanna erawh chu min thunun sak lo niin a lang.Kan duhthlanna kan hmansual loh hi a duh ang tih ka ring,mahse Setan-a leh a hote chu kan chetsual theihna turin hun an neih chhung chu an tang hle ang.Pathian kan auh chuan min pui ngei ang.Pathian kan auh duh lova Setana lama kan tan chuan Pathian thinur ni chu kan tawng dawn a ni.Amah tih a,a duhzawng tih hi mihring zawng zawng tih tur chu a ni mai.Maktihna leh rinhlelhna atang chuan zawhna chu a tam mai,mahse a chhanna chu kan thluakah a awm si lo.Engvangin nge duhthlanna hi Mihring a pek? Engvangin nge Lucifer-a a siam? etc.
Report this comment
June 5th, 2011 at 10:02 am
Heti ang thu ngaihtuah hian ka thluak ka sêng nasa ve tawh khawp mai. Post & Comment a tha. Mahse, hla thu hi a dik vek kher lo, a phuahtu rilru mai a ni fo. Bible chauh a dik.
Report this comment
June 5th, 2011 at 10:48 am
Post 14&23 na khi kei chuan ka thlawp a ni, A lo kal leh hun tur Fapa pawn a hre lo a nih kha, Engtin nge a rem ruat dan hi kei nin kan hriat thiam teh lul ang.
Report this comment
June 5th, 2011 at 12:32 pm
Th Bible code en hi chuan Pathian thiltihtheihna leh hriatna hi hriatfiah a har a ni..
Report this comment
June 5th, 2011 at 4:51 pm
Tum khat chu Pastor zirlai pakhat hian, Pathian thu (Bible) a hriat thiam loh avanga a buaina chu an hotupa a hrilh a, an hotupa chuan, “E, a ni maw, Bible thu i hriat thiam loh avangin i buai a, kei chu heti maia Pathu ka hre thiam mai hi mak ka in tiin ka buai zawk a ni.” tiin alo chhang a, hei hian a hrilhfiah phak ve em ang chu maw! Lal Isua Krista chauh hi buaipui ila, kan hriatthiam lohte hi chu nakinah a hnen kan thlen hunah zawt ta zawk mai ila. A fiah duh zawkin a rinawm.
Report this comment
June 6th, 2011 at 11:10 am
Tunhma khan Vanramah chatuanin lo awm ta ila, engtin nge kan awm zel ang le, chatuan chu a rei si a… tih vel hi kalo ngaihtuah vak thin a, ka ngaihtuah nasat leh rilru a buai telh telh mai thin. Nie, PATHIAN awmzia leh A nihna hi mihringte tan chuan hriatphak a nilo. A sang em a, kan phak lo a ni. Engkim hria leh thiltithei Pathian kan neih avang hian i lawmhle ang u.
Report this comment
June 8th, 2011 at 9:31 am
[…] ‘Pathian hian mi zawng zawng nun dan tur hi a hre lawk vek ang em’ tih ka post kha, hei tunah chuan published na a rei tawh hle a, Saturday 4.6.2011 daih a ni tawh a, kha post published a nih khan post tupa ber kha ka ngawi tlat mai a, a chhan chu hetiang hi a ni e. […]
Report this comment