mi(sual).com

Ziaktu: K. Lalhmingliana, Keitum.

DERNA ANKA a dan zawh loh avanga thupek lo bawhchhe tawh mah ni se la, a tell ova sera mu ka thur theih miau loh avangin kumtluang thai atan chuan mi nu/hmeichhia ngei ni se la…
Hlemhletna, ei rukna leh khawtlang hmel tihhem theihna tur zawng zawng laka fihlim, Krista avanga chhuanchham lek lek pawha seih( smile) hmel pu thei reng chun leh zua te chawi sei len ni ngei bawk se la.

Saisen tet atanga Sunday School thulh ngai lo leh thawnthu bu aia Bible leh Bible comics chhiar nuam ti zawk nibawk se la, a puitlin hunah a la tawih ngawt ang tih chu hlawh kher mah suh se la, a la fel dawn reuh mang e, tia fak hlawh thin ni reuh se la, chu chawimawina chu a la hlawh pha locheu a nih pawhin chhungte tana chhenfakawm tak tal ni se la.

Zingah hma tak, dar 8:00 vela tho peih mang lo, chhungte rawngbawlsa ei ai chuan mutmu pawh tuah mang lova thawh hma nachang hre riau, tui um khirh tur neih loh pawha vuan lova tin chhipchhuan thiam ngei mai, chutiang mi chu an awm a nih ngai chuan hei lo liama fate nu atana qualified zawk chuang an awm thei tawh dawn em ni le?

Mi ang leh chun degree la, la la ngei tur a ni tih lungdam taka pawm ngamna ngei turin, love letter ziak thiam leh star-te tawh change kimki ve chawih chawih thin ni ngei bawk se la.
A rual pawl tawka hmangaihna la na ve tak, lak nat luat avanga funte hmawr pet tet ve kher lo, hmangaihte nena biahthu thlung dun tura lamkhuang buk hnuai aia sitting room thlan zawk nachang hre riau aw… hetiang mi hi han tawng the reng ila aw… a nuam awm vei, sawi vak ngaihna pawh a awm lo.

Tin, tleirawl chhuah hlima thian kawm duhtui riau ( thiante hi kan nun pum pui 70%deuhthaw min kaihruaitu an ni), lên mai mai aia Kohhran programme-a tel nuam ti zawk tlat mi ni bawk se la, Mama nu atan chuan a vat ling zo dawn em!

Chu mai piah lamah a ke ler atanga a chhip chhuak thlengin sawiselna awm lo khawpaKhuanuin a lo duan ni mah suh se la, a bahsam te pawh la duang ang zar lovin ramrod tlangsam ang ri re ni mah se la, a laibu te paw’n ramchang sawntlung iang kher hek suh se la, in la ti tâlh the ang, a chawnban te pawh nel thep lovin a sakhmelah dar zâm hek suh se la, hreh hauh lova kawla ni chhuak chhiara ram tuan rel thin leh a tha leh zungin a tlin tawka in chhung tana thahnemngai tak chunga Krista hnung zui thin a nih phawt chuan chu nula tluka Bawihtea nu nih tling zo chu an piang lo vang a, an piang leh tawh lo vang he khawvelah hian.

Chu achhapah, pheilai khaia an run kai changichangingnung sarh main,”E…lo leng rawh u, keini ang dai kil kara râp in mai maiah te â rang in rawn lawi duh chu,” han ti deuh hnâp mai bawk se la, chu Țhapuii tluka Mama/Mami nu atana tlin zawk tu nge awm chuang ang le?

Chu mai a la ni hleinem, thut muan ar-in zai a vawr laiaZo thingpui ngei maia dang rawn hnawn ching riau khawpa bengvar, maipawl pus i lo ni se la, chu Lalnunnemi chuan whisky leh brandy a ngaina lo tih an hai pal hang tih ka hlau hlel lo.A tawngkam khat avang chauh pawh chuan thliah hnu chhawl ang ka uai mai ang tih ka hlau hlel lo.

Tin, in ti lehpek teh ang, tin, leng hnar ar khuang pawh haider lui tlat thiam, min thlakhlelh vang a nih em loh pawhin a hawihhawm vang tal ni se la aw… Kan lanu zingah hian an awm an gem le? A nih leh zawlkhawpui lanu zingah hian? Zokhaw lanu zingah pawh hian awm chuang tak maw?

Tuna tan chuan ka zawng ruaia ka tawng si lo, ka duh tak chuan,” Tho la, ka hmangaih, ngai the, I mawi e, I mit thuro ang a ni e,” a tih ve chang paw’n thal romei iangazam ral leh turin tawnmang ram atanga kaihthawhin ka awm leh thin si a.

He ka duhthusam hmu tur hian ran ngo han zawng ngawt dawn ila, chhim lanu nge hmar lengi? Chhaktianga parvuli nge thlangtianga crystal iangi zawk tih lah ka chhia leh tha hriatna hian a la thliar hrang thiam chiah si lo.
A…engpawh ni se, runlum nuthai atan chuan kohhran thlauhthla lo, YMA hlamchhiah chuang bawk si lo leh love story tih vel aia Bible kawm ngeih zawk ni phawt teh se.
A tawp berah chuan run hmun leng dun tura pawimawh ber leh a tâwna tui ang ka nem zawh vekna tur chu hei hi a ni.

Khawtlangin chhiat that a tawhin phak tawk tih tur hai lo riau mi, lungngaite hnem tura chhingkhual lungdi-in a lung a len ta emaw tih tur khawpa zai tui peih mi ni se la, kil khat lo thlir rengtu val tan chuan a zun phur zo lova fam mai ka hlau hlel lo.

Thlang sappui ka ngai bil lo va, thlang kawrvai lanu ka ngai hek lo, Zo hnahthlak lanu tawnah pawh hian hawktui iangin chhing mittui a sur thei a, a zun zam phuar vel avang pawh hian zan mu pawh tuah mang lovin lungphu a buai zo vek thei bawk a, a vawi khat mitsir avang chauh pawhin Zo hnahthlak vala thlunhlu a hai zo vek thei bawk si.

Kumtluang thai atan chuan Zo hnahthlak lanu ngei le.

{ Source: KRISTIAN THALAI, December 2005}

Aw le, mi(sual).commer zawnglaite hian duhthu i han sam ve ang u hmiang. Samah sam luat a awm chuang nem.

Similar Posts:

• Zirna sikul hi
• MHIP SAM
• Thla de
• Are Are lanu
• Van ram hi eng anga nuam tur nge?

Recent Posts:

• A New Zomi Church in USA
• Tie a yellow ribbon around the old Oak tree
• VIOLENT RELATIONSHIP
• Slutwalk!
• KA HMANLAI VE CHUAN (Part-I)

This entry was posted on Friday, June 10th, 2011 at 9:30 am and is filed under Luangliam, Opinion. You can follow any responses to this entry through the RSS 2.0 feed. You can leave a response, or trackback from your own site.