MHIP SAM
Phuahtu Pi Lalrinmawii
Aw, Mizo Hmeichhe Insuihkhawm Pawl,
I lo pian tirh atang reng khan
Zoram tan hian i hlu chuang e;
Vul reng la, Zoramah hian
I chhunga Mizo hmeichhiate kan him zel ang.
Ami zaleng zawngte kan Mizo Culture ah hian
Kan him tlang emaw chu!
I han ngaihtuah chiang teh ang u hmiang.
Kan pi leh pute khan hmeichhia leh
Chakai in sakhua an nei lo an ti vei maw?
A mak mang e, ka tuar thiam lo.
Kan India Dan puiah pawh khan,
Hmeichhiate tihchakna tura
Dan siam an lo remti daih tawh a nih kha.
Kan tel lova tlei thei lo, Val rualte hian
Han bih chiang leh deuh the u khai,
Engmah lo maia min ngaitute hian
Kan thiam, kan finna min khum zo bik emaw chu!
A teuh lo mai!
Lanu leh thai zawngte u, harhin, thangin tho r’u,
Kan Zoram dung leh vangah hian Khuanu’n
Min duan dan hrang mah se,
Engkim kan ti ve thei a ni tih hriain
Kan thiam kan finna sawmkhawmin
Ram kalsiam turin pheikhai i han vawr teh ang.
Chung Khuanu zarah hian
Ram nuamah kan siam ngei ang.
