«
»

Mizo Thukhirhkhan (riddle) Tlem Te

June 13th, 2011 4:30 pm by Tluanga

Mi pakhat a awm a, amah chu khi tah, khi tah ‘Tlângpuite’ khua atanga lehkhazira awm a ni. A hming chu Vanlalruata Renthlei a ni a. Tin, ngai teh, ani chuan Mizote’n thukhirhkhan(riddle) kan neihte hi a hun lai nena thliar fela hrilhfiah vekin a lawrkhawm a. Chûng zinga tlêmte chu a chhânna nen chauh, a hrilhfiahna tellovin lo melh ve mai mai teh.)

1. A pui bû ùl ùl a, a no te kal vàng vang eng’e?
=Silai kah hi a ni.

2. Beng(ear) pakhat chauh nei eng’e?
=Hriau leh No.

3. Hming(name) ah eng hming nge sei ber?
=Kâwlvëta.

4. Mizo zinga chak ber tu nge?
=Saiâwia.

5. Lukawlh leh vanram inanna eng’e?
=Thenna reng a awm lo.

6. Vã ah hian eng vã nge thlâwk thei lo?
=Kuhva.

7. Dilah hian thing a inkhamkâi a, thing chu tuiin a chîm vek a. Mahse, thehlei hian huh miah lovin thingtulûang chu a zawh thei a. A chhan eng’e?
=Thingtulûang kha a kawrâwng(hole) a, chutah chuan thehlei kha a lût.

8. Bawng sawm an awm a, an til huh miah lovin lui an dâi kâi a. Luiah chuan an lu tih loh chu a pil vek si a. Eng’e a chhan?
=A pa an awm lo/ pakhat te tein an kân a, bawngpuiin a pa til kha a hmuamsak zel.

9. Feh ah hian eng feh nge hahdam ber?
=Fu feh.

10. Isua leh bekang inanna eng’e?
=Ni thum nî ah an tho ve ve.

11. Hmai hlái ber eng’e?
=Sana.

12. Chawhmeha zahmawh rawng kâi ber eng’e?
=Aidusentil.

13. Mahni êk chaw a ring leh eng’e?
=Changpat.

14. Chho ah eng chho nge phei ber?
=Dawhchho (tapchhak sira an dawhchhoh hi)

15. Mahni aia naupang, kan u ziah si eng’e?
=Utawk & Uleuh.

16. Chhukah eng chhuk nge phei ber?
=Khanchhuk.

17. A Aw B hmanga thuchângkim(sentence) siam:
a=A â a â a, a â hlum ta a.

b=Biate biakbûk bul bulbawr bula bawngpui bawk bû bùl bùl bula bawngte bawk bë bë bula behliang kha i hmu em?

d=Dara’n Dara darah dâr a dah a. Dara, engah nge Dara darah i dah?

e=kelte bengbeh éng beh bete pet melh melh.

t=Thil te tak te thên thûi thei tak tak te.

(duh tawk phawt ang.)

Heng Mizo thukhirhkhan(riddle) te hi lehkhabua chhuak ala awm lovin ka hria a. Lehkhabua chhuah atan ka ît hle. Lehkhabuah chhuah theih ni ta se la, kan hnam rohlu kan humhimna tha tak a ni ngei ang. Chhuahsak theite hi in awm mial lo maw le?

Similar Posts:

Recent Posts:

This entry was posted on Monday, June 13th, 2011 at 4:30 pm and is filed under Ask | Help | Suggest.

46 Responses to “Mizo Thukhirhkhan (riddle) Tlem Te”

  1. 1
    swiftymcvay Says:
    June 13th, 2011 at 4:38 pm

    anih hlawm tak khi mawle

  2. 2
    swiftymcvay Says:
    June 13th, 2011 at 4:43 pm

    k=kuk kuk-i kakuk ka kawm kual ka kawm kual

  3. 3
    Argo Says:
    June 13th, 2011 at 4:46 pm

    #2 hahahahahha i thawh tha khawp mai :-D :-D

  4. 4
    PKfanai Says:
    June 13th, 2011 at 4:47 pm

    Ha ah eng ha nge lian ber? = Saiha. Tala ah eng Tala nge lian ber? =Agartala. “Tui in in in, in in in in in, in inah, in in in in, in in in in tur a ni.

  5. 5
    Argo Says:
    June 13th, 2011 at 4:49 pm

    #2 hahahahahha i thawh tha khawp mai :-D :-D

    S = Sai sa sah sawm sa sawisel sawisel suh

    Z = zawng zawng zawng zawng zawng zawng zawng zawng mah la i zawng hmu lo ang

  6. 6
    saint sammoo Says:
    June 13th, 2011 at 5:28 pm

    kei chu ka lung a’n tih len teh daih chu! Kan naupan ve deuh lai min ti hrechhuak, ka ngai mange!

  7. 7
    CFL Says:
    June 13th, 2011 at 5:29 pm

    Hairehai, tha ve hle mai. :-)

  8. 8
    badboy Says:
    June 13th, 2011 at 5:31 pm

    Z= ZU Zawng Zawng Zinga Zing Zu Zet Zawng :-D

  9. 9
    saint sammoo Says:
    June 13th, 2011 at 5:32 pm

    kei pawh tlangpuite(tunah tlangmawi)- a piang ka ni.

  10. 10
    van damme Says:
    June 13th, 2011 at 5:32 pm

    #5,khi aia seiin awwww!!!
    s=saw sap sawn sam sei sen siu siau sawn,saw sai sa sah sawm sa saw sawisel sawisel suh se.
    Chuang a point no.5 khi ka duh ber :-D

  11. 11
    rose10 parvuli Says:
    June 13th, 2011 at 5:34 pm

    ka nu pawh tlangpuite khua, ka kal tawh bawk. ;)

  12. 12
    badboy Says:
    June 13th, 2011 at 5:37 pm

    T= til te tak te te te thei thui thei tak tak te :-D

  13. 13
    badboy Says:
    June 13th, 2011 at 5:40 pm

    mipakhat hi biak in chhipzum a tang a zuang thla dawn a thil pathum sawi a nei a enge?
    Chhanna:- 1,2,3 :-D

    sava pakhat hi thing a fukna atang a e a, a ek chu leiah atla miah lo a enge a chhan?
    Chhanna:- Kekawrte a ha (H)

    sava panga hi thingzar ah anfu tlar a, an thlawksawn vek a tichuan angai ah bawk an rawn fu leh a pakhat a leng tawh lo a enge a chhan?
    chhanna:- Pakhat a kar full :-D

  14. 14
    badboy Says:
    June 13th, 2011 at 5:44 pm

    S= saw sap sin sen, sam sen sawn, saw sai sa sah sawm sa saw sawi sel sawi sel suh se :-D

  15. 15
    RDAC Says:
    June 13th, 2011 at 6:01 pm

    K= Kawlkulh khaw kalkawng kan kal khan, kan kawngka kan khar khipkhep, kan kalh khipkhep.

  16. 16
    Tluanga Says:
    June 13th, 2011 at 6:27 pm

    Chhut hmaih ka’n neih leh pek chu le.

    A para. hmasa berah hian “Tlângpuite atanga Aizawla lehkhazira awm a ni” tih tur a ni zawk e.

    #9 & #11. Chuti chu heti ang thukhirhkhan lawrkhawmtu (renthleiruata@gmail.com) hi ka lo hrilh ang e. Khaw khat chhuak in ni tihna a nia, hriat pawh in lo in hre sa reng mai thei asin!

    Chuan,
    “Bengvarna eng’e?”
    =Maipawl
    (bengngawngte tan a va tha dawn em!)

    “Chaw barh laia lo e reng, puar thei chuang si lo, chaw ngêna hrâm reng si eng’e?”
    =Herawt

  17. 17
    ZerO Says:
    June 13th, 2011 at 6:32 pm

    Thu belh a va tam ve. Ka comment vak chuan email atangin min vau leh nga. Ngawih chuh mai teng.

  18. 18
    Tluanga Says:
    June 13th, 2011 at 6:54 pm

    #17
    Number 8 hian 0(zero) hnenah eng’e a sawi?
    =A kawnghren chu a va tâwt ve.

  19. 19
    rose10 parvuli Says:
    June 13th, 2011 at 7:16 pm

    testing

  20. 20
    rose10 parvuli Says:
    June 13th, 2011 at 7:18 pm

    testing tru

  21. 21
    rose10 parvuli Says:
    June 13th, 2011 at 7:19 pm

    a la dik zel e

  22. 22
    rose10 parvuli Says:
    June 13th, 2011 at 7:20 pm

    lesson given by shailendra

  23. 23
    rose10 parvuli Says:
    June 13th, 2011 at 7:22 pm

    witness :- :-[ rosy k remsangpuii

  24. 24
    kilung Says:
    June 13th, 2011 at 7:26 pm

    @Rose, I thaichhiat dan leh Bold dan hi min lo cilh ve…. ;-) thiambik e,

  25. 25
    rose10 parvuli Says:
    June 13th, 2011 at 7:31 pm

    :-[ :-[ kilung shailendra-in tutoring price a siam tha dawn a lo nghak lawk aw ;-) ;-) ;-)

  26. 26
    Sangpuiipa Says:
    June 13th, 2011 at 7:37 pm

    Pi Rose i chu i va thiam bik ve.

  27. 27
    rose10 parvuli Says:
    June 13th, 2011 at 7:42 pm

    sangpuiipa i thiam ve em?

  28. 28
    Sangpuiipa Says:
    June 13th, 2011 at 7:51 pm

    @pi rose thiam ve lo.

  29. 29
    rose10 parvuli Says:
    June 13th, 2011 at 7:54 pm

    sangpuii pa i thiam velo maw? :-[ :-[

  30. 30
    Sangpuiipa Says:
    June 13th, 2011 at 8:01 pm

    @rose,thiamlo tak tak.

  31. 31
    rose10 parvuli Says:
    June 13th, 2011 at 8:10 pm

    sp pa :D

  32. 32
    muantea Says:
    June 13th, 2011 at 8:21 pm

    S = Saisiam siapsuap sumsuih sual sa sai sa sah sawm sa sawisel sawisel suh.

    I = Khi mi ip khi i pi ip ni siin i pi ip i tih i tih si ni.

    Naupan lai ka va ngai em!
    Sikh ho hi an lokal duah duaha engzat nge an nih? = 6

    Thinglerah Sava a fu a, engtin nge a bul a zuk chuk theih? = ama bul a chuk mai..

  33. 33
    chhangban Says:
    June 13th, 2011 at 8:29 pm

    10. Isua leh bekang inanna eng’e?
    =Ni thum nî ah an tho ve ve.

    @rose (F) (F) (F) (F) (F) (F) (F) (F) (F) (F) parvul… in ho lutk..

  34. 34
    sisen Says:
    June 13th, 2011 at 8:36 pm

    Hmingsang ber – Vankhuma
    Ruh lian ber – Khawruhlian

    Kristian Hla Bu a hla hur ber – I bei ang, i bei ang… :D

  35. 35
    sisen Says:
    June 13th, 2011 at 8:39 pm

    Kawi bawmah kawi an thlak ri ruk ruk a, engzah nge? = 66 :P

  36. 36
    spam Says:
    June 13th, 2011 at 8:43 pm

    Hmawngchawm khaw bawng kawng awp tawh, vawk nawr nawk nawk tawh saw sawlai vawk chaw dawl sawm tawn khawm sawn vaw zawt zawt tawh rawh le.

  37. 37
    H.Vangchhia Says:
    June 13th, 2011 at 8:59 pm

    Chhiar anuam vur vur hle mai (Y) :-)

  38. 38
    shailendra Says:
    June 13th, 2011 at 9:13 pm

    Va lawmawm reuh ve le. (Y)

  39. 39
    Rumtea Says:
    June 13th, 2011 at 9:51 pm

    Lunglen bawm a hai tet hlawm lutuk.
    Mit ah eng mit nge lianber?
    Ans: Mamit.
    A chang changa mit nei eng nge?
    Ans: Mau.
    China rama sang ber chu ‘Liangtawnga’.
    Rulah eng rul nge hlauhawm lo ber?
    Ans: Berul

  40. 40
    vakul Says:
    June 13th, 2011 at 10:11 pm

    Kan hriat a inang deuh thum mai.

    Hostela kan awm lai khan tleirawlpui pakhat khan s hlirin sentence han siam teh min ti a…saisa sah sawm sa sawisel sawisel suh ka ti a, a nih leh T-in khami zat chiah kha a ti leh a, ka hre ta lo va. Ani chuan Taita tah tawm ta tawitel tawitel tuh a ti a, dik ka ti ta viau va.

  41. 41
    LiveNletLive Says:
    June 13th, 2011 at 11:20 pm

    P = perhpawng pumpui perh puah pup
    T = Thangte til te te tak te tawi tirh terh :)

  42. 42
    NotGood Says:
    June 14th, 2011 at 9:02 am

    #13 Sava pakhat kar full.. :-D

    **Tlang chhipah pa pakhat hi a daikal a, tunge a hming?
    E-dena (NOI)

    **Piangthar da leh tawh lam(dance) tunge?
    Dalai Lama

  43. 43
    Benny Says:
    June 14th, 2011 at 12:14 pm

    China rama an tuikhur kang ber chu Li Liau

  44. 44
    PayableOnDeath(Zrma_C) Says:
    June 14th, 2011 at 12:17 pm

    Chinese ho khi an harh hlom lutuka,An rama harhlo/nungchangtha ber poh Ching-Chenga. ;-)

  45. 45
    Sangpuiipa Says:
    June 14th, 2011 at 12:22 pm

    China rama hur lo ber tunge?=Li Ninga

  46. 46
    Benny Says:
    June 14th, 2011 at 1:11 pm

    China ho khian thil hi an han hrechiang thin mai mai khawp a. An thil hrechianglo ber hming pawh kha
    CHiang Mai Chi

Comments are closed

This is an archived copy of mi(sual).com — new comments can no longer be posted.