Vanhnuaitlira hi Hlawncheu hnam zinga Sunthla lal a ni a. Kum 1815 ah khan a thruihruaite nen an rawn thlangtlain Rengtlangah khua an rawn din a ni. An chhehvelah hian Mok hnam leh Matu te pawh an cheng ve.
Vanhnuaitlira hi pa fing leh rem hre tak niin chhiah khawn nan fing takin heng an chhehvela hnamte hi a thangkamah a awk fo. Matu ho hnenah hian ‘mau ni si hlinga khat leh hnah ni si, chhawhchhi fangkhat pawh fun theilo’ a hmuh thu a sawia, an awihlo lutuk chuan chutiang chu an hmuha a rawn keng thei a nih chuan a hnenah chhiah an pek tur thu an sawi ta a. Vanhnuaitlira chu rawn khawchhak lamah rawn let lehin ‘Far’ hnah leh ‘Phar’ (mau chikhat a chang tina hling nei vek) chu a rawn hmuhtir ta hlawma,tichuan awlsam tak chuan chhiah chu a la ta a ni.
Vanhnuaitlira leh a hote hi an chhehvelah hian an rammu fo a,an ralthuam hman ber chu ‘Awlanpui’(Holland chhuak silai), ‘Angkilik’(England chhuak silai), kawlhnam leh fei ani ber. Ram zau tak hnehin Cox bazar hial a zuk thleng a ni. Vanhnuaitlira leh Pamanga hian inhmuhthiamlohna Vanhnuaitlira’n Pamanga khua 3 a awpsak avangin an nei a mahse hei erawh Vanhnuaitlira fate hunah khan chinfel ani.
Vanhnuaitlira hi lal hausa tak ani a, in 500 khuaa roreltu niin, a rorel chhung hian khuang vawi thum a chawi hman. A vawikhatnaah sialsa in an chawia, a vawihnihnaah seno 100 laihrui tanlohin an ti a. A vawithumnaah chuan arpasiak bah theih 100 in a ni vel leh. A in hi lian tha ang reng tak, tap pawh 9 neiin sal 100 lai a nei.
Vanhnuaitlira hian a rallak sum zing atangin Rengpui a neia,a salte leh a va hneh khauten an rawn kenga a lentham em avangin a kawngkapuiah luhpui theiloin an leikapuiah an dah. Hetih hunlaia an zu zuk dan pangngaiin a rualin patlinh 5 in an in thei.
Reng hi Lai tawng niin a awmzia chu zu bel tihna ani a,chithum a awm Ralchapi, Pupi leh Reng te an ni. He Rengpui hi a len leh hmingthan em avangin a awmna chhehvel tlang hian hming a puin Rengtlang tih a lo ni ta ani.
Vanhnuaitlira hi a lo upat a aboral dawnin thurochhiah a siama, anupui hnenah chuan ‘NGendothiang’ lukham a hmantir tur leh a salte zinga a duh leh ngainat ber a nungchunga a thlan phum tel turin a ti a. A thurochhiah ang chiah hian engkim tih ani.
Ngendothiang hi a tupa Haihmunga, Lawngtlai Lal chuan a thlan atang hian phawrh leha. Tunah hian Manglinga, Haihmnunga fapa tlum berin a kawl mek.
Thulakna : Lai Autonomous District Council Board Of School Education Pawl IV zirlaibu
Similar Posts:
- Lai lal huaisen Dokulha chanchin
- Silaimu !
- Commando Company 2 din tur ralthuam tha
- Halpuah khapna thupek
- Thim zinga eng
June 15th, 2011 at 11:02 am
Vanhnuaitlira a va bon ve a hming chu lolz
Report this comment
June 15th, 2011 at 11:04 am
A hming pawn mi rap deuh roh
Report this comment
June 15th, 2011 at 11:05 am
“chuan ‘NGendothiang’ lukham a hmantir tur leh a salte zinga a duh leh ngainat ber a nungchunga a thlan phum tel turin a ti a. A thurochhiah ang chiah hian engkim tih ani.”
A sal duhber nih a va hlauhawm ve
Report this comment
June 15th, 2011 at 11:08 am
# valtolo, bon tak a ni, a hming hian Ak -47 min hriatchhuah tir lolzz
Report this comment
June 15th, 2011 at 11:12 am
A sal duhber leh ngainat ber ka nih loh avangin ka lawm e, LALPA…
Report this comment
June 15th, 2011 at 11:16 am
Vanhnuaitlira hi ka lo la hre ve pek lo, Haihmunga hming erawh hi chu ka hre thin, a bengvarthlak hle e. A thenah chuan sawi uar deuhte pawh a awm duh hmel.
Report this comment
June 15th, 2011 at 11:18 am
Ngendothiang hi eng nge a nih le?
Report this comment
June 15th, 2011 at 11:49 am
Ngendothiang tih hi, tawng bul lam atanga han chhuiin, Laiphir tihna ava nih hmel ve? Lal fing, huaisen leh ropui tak anih dawn hi. Bible hi history bu ang pawha Lehkhabu zahawm leh rintlak anìhna chhan chu, an Lalte chanchin tha lo lam pawh zèp tit tet lova an ziahlan vek vang hi a ni. Vanhnuaitlira chanchin pawh, LalSibuta rim nam chanchin thlenga an ziak lang hi a zahawm a, a dang pawh a tih rinawm phah khawp mai.
Report this comment
June 15th, 2011 at 11:55 am
OT loks: MZU a M Phil Admission date leh test/interview hun tur hria kan chuan min lo hril teh u…
Report this comment
June 15th, 2011 at 12:00 pm
A bengvarthlak khawp mai. Hmanlaia lalte hi an lo lal âwm ka ti. Tin, pawl li zirlaia tel tur chuan a û mah mahin ka hria.
Ka lawm e.
I tan chauh,
TuaiSialA.
Report this comment
June 15th, 2011 at 12:11 pm
ngaihnawm ngei mai.. Tuaisiala tihchhuah anih hiii..
Report this comment
June 15th, 2011 at 12:37 pm
A sal chu engtin tak phum ang maw? An phuar angem le? Aigupta Pharoah-te sal nungchunga an phum te kha chu pyramid chhungah ania, chaw te an la dahsak bok a, thih hun tur rei deuh mahse a la hriatthiam om a, thlan chhungah an vom lut top dawn nge mo ni le, kei chu ni ila, ka tlanbo daih ang..
Report this comment
June 15th, 2011 at 1:08 pm
Tap 9 neih chu oihom chiah loh veeee…..
Report this comment
June 15th, 2011 at 2:01 pm
Seno 100 laihrui tan loh a ruai theh chuh….eww
Report this comment
June 15th, 2011 at 2:38 pm
A ngaihnawmin a bengvarthlak hle mai.
Thil sawi uarna tawngkam hi history leh story satliah-ah mai ni lovin, kan Bible-ah meuh pawh hian a awm nual mai.
Selesih sangsarih khua-ah hian in sangsarih a awm kher angem ?
Mualzavata khan nikhatah mualza a vat tak tak angem ? ldt
Report this comment
June 15th, 2011 at 2:52 pm
He thawnthu chu ka vawikhat hriatna ani hah maia,…. a hmanlai thawnthu raih raih khawp mai,…. Post tha e…
Report this comment
June 15th, 2011 at 3:03 pm
#7 @ muantea, ngendothiang hi kei pawn ka hrechiang chiah biklo a mahse dar atanga siam erawh a ni tih chu ka hria, ka hre beitham ve lutuk a i mi ngaihhnathiamna ka ngen e.
Report this comment
June 15th, 2011 at 4:10 pm
Angkilik silai chu ka hriat vawikhatna a ni tlat mai. Awlan hi chu ka hria a, Tukuli pawh ka hria, an hunlai hian angkilik anhman ka hre tlat lo mai!
Report this comment
June 15th, 2011 at 5:57 pm
Report this comment