An sawi fo ringtu chi hnih ni lo lam hi kan thlur daih teh ang. Lal Isua khawvel a a lenlai khan a mah ringtu pawl pahnih a rawn din a, pakhat chu a koh, a ruat leh a thlan zirtir 12 te kha. Pakhat leh chu a duh apiang, tupawh tuihal a piang tel theihna mipui sangtam rual kha. A pakhatna hi zuitu(disciples) anni a, a pahnihna hi ringtu(believers) anni.
A thusawinate a zir in Lal Isua khan thuhar leh thuawl em em a sawi kawp ta tlat mai thin. Mipui sangtam hma a thu a sawi chuan “Rilru a retheite chu an eng a thawl e, Vanram an ta a ni si a, Rilru a inngaitlawmte chu an eng a thawl e, Pathian an la hmu dawn si a…….adt tihte (Mat 5-sermon on the mount), tupawh tuihal apiang lokal rawh se, ka phur pawh a zang a……. tihte, tumah ka hnar ngailo...te a ti bawk.
Hmun dang leh ah chuan ‘Kawngka zim ah chuan lut rawh u, ….a hmute pawh tlemte anni …..tihte, nitin a kros a put loh chuan ka mi nitlak a ni lo…te a ti leh bawk a. Rawn inpe ve nagwt te pawh thiam tak in a hnar fo bawk. An inkalh thei thin mang e aw?
Thuhriltuten a zau huau lam hmangin mipui an sawm lut te te a, an luhkhawm hnu ah kawngka zim lam leh a harsatzia, tih hram hram a ngaihzia an fah leh nghek a. A rah enge, ringtu tlu phengpung an hring ta teuh mai thin a ni. Enge ni a awmzia?
Hetiang teh nuaih a lo nih tak ah chuan, bihchian a ngai a, Pathian thiltum hi hriatchian a ngai ta tlat a ni. Khawsik nazawng a Malaria damdawi inchawh vek leh bawk nazawng a radiation hmang a inhem zel kan tum chuan a pawi dawn em mai, a pawi mawlh mawlh mek reng si a. He thu hi kan hriatloh avangin doctrine khirh deuh deuh ah kan inhnial phah a, ruatlawk chung chang te, Thlarau baptisma te, adt. Thluaithlum lovin(ka thiam bawk heklo a), a point fawk fawk in, in lo remkhawm chawp tur in tawi thei ang ber in kan chhawp chhuak dawn ang e.
Point 1 na:
Mihring hi bawhchhe ta lo ila, thi tur a duan kan ni lo, kan cell hi in generate reng tur a duan a ni. Thlarau khawvel tana duan kan ni lo va, he lei hi kan chatuan hmun tur a duan a ni. Nunna thing leh Nunna tui a awm a, kan inhliam leh kan nat pawh in lei ah kan damna lehzel natur Pathian in a dah lawk vek. Thih hnu a thlarau khawvel a kal lam hi Pathian perfect plan ah a tello.
Point 2 na:
Pathian in Juda hnam a rawn thur chhuak ta a(Engvang nge tih lam chu topic hran a nih avangin sawi lo ila). Abraham hnen ah he lei a Lalram tho chu tiam leh a ni. Juda ho leh OT zawng zawng te ah van- thlarau khawvel hi tiam anni eih lo va, van kai tum pawh tumah an awm hek lo a, zirtirna pawh a awm hek lo, beisei pawh an beisei hek lo. Tumah an kai bawk heklo a, nakin ah pawh an kai chuang heklo ang. ( Enoka leh Zawlnei Eliza leh Mosia te pawh thlarau khawvel ah an kallo, an kai ang a inzirtirna hi a diklo. Isuan tumah van ah an lawnlo, van atanga lo chhuk mihring fapa chauh lo hi chu a tih khawl kha. Davida pawh a kailoh zia Petera’n a sawi chiang em em a ni) .
Point 3 na:
Juda hnam 12 atang chuan hnam 1 puithiam tur, Levia hnam chu a ko hrang ta a, he khawvel ah ram sem leh pek anni ve ta lo a, Temple leh a chhehvel ah Pathian rawngbawlna hna atan serh hran anni ta. Nitin eizawnna hna, lo neih ran vulh, sumdawnna, adt, adt atangin a serh hrang ta hlawk a ni. Hnam 11 te erawh chu he khawvel ah ram sem anni a, he lei hi pek an nih chhunzawn ta zel a ni. Hei hi Puithiam leh khua leh tui class hrang 2 lo chhuah dan chu a ni.
Point 4 na:
Kan bawhchhiat tak avangin, Isua in min rawn tlan ta a, kan hloh tak chu kan lo nei let leh thei ta a ni. Eng chu nge kan hloh tak, kan neih let leh theih tur chu? Ele..he lei a chatuan a nun leh theihna chu. Van- thlarau khawvel a kai lam a la ni lo cheu. Amaherawh chu John 17 kan chhiar chuan Isuan a pa Pathian hnen ah van a dilchhuak ta tlat mai, mi tlemte tan. 1440,oo0 anni nge nilo tih lam chu ka hre lo, Pathian ruat zat kan hre tak tak theilo, kan thu a nilo ropui si a. Chuta tan chuan OT ah a hlimthla a puithiam class a lo dah lawk ang chiah chuan zirtir 12, zuitu(disciple class) a rawn siam ta chiah a, khua leh tui class mipui nawlpui nen, thuang hnih in a rawn kal ta zel a ni. A zirtirna leh a thusawi pawh a rawn hrang ta chat chat reng a ni.
Point 5 na:
He disciple class hi Isua thlan ang a sawina pawh a awm chiang a, mhase a mah Isua ngeiin ‘keima thu in engmah ka ti lo, Pa mi tirtu in titur a min tih chauh lo chu’ a tih miau avangin zirtir 12 te pawh hi a pa Pathian ruatlawk leh kohchhuah anni hmel zawk a ni. Duh leh chak vangin Nikodema te, tlangval hausa pakhat te, midang dang pawh telve an tum a, mahse Isuan a hnawl zel, a hnawlna chhan te chu ho tak tak anni tih pawh kan hre vek e. Pa te tawngtha a thlah te, sebawng va khungkhawm lawk te leh a dang te. A awmzia ni ta zawk chu RUAT anni ve lo a ni.
Chutih laiin mipui tamtak chhiarsenloh te hnen ah Ram Chanchintha chu a puang zel a, mi tamtak a sawm zel thung a. Van a lawn dawn a “The Great Commission” ah pawh he Ram Chanchintha(Millenium Reign aka Davida Lalram aka Vanram aka Pathian ram) hi khawvel hnam zawng zawng (hnam sakhua hrang theuh chawilen zel chu a endorse lo a lo nih hi) ah puang/hril turin a zirtirte chu a tirchhuak ta a, an zing ah pawh zirtir siam belh zel tur in thu a pe ta a ni. Mi zawng zawng ringtu a siam leh mi thenkhat an zing atangin zirtir a siam chungchang a ni e, mi zawng zawng zirtir a siam nilovin.
Point 6 na:
Chutichuan, chatuan nunna chang tur group hnih an awm a, pakhatna chu mitlemte, Ruat leh Koh anni, Isua rorelpuitu turte anni, he khawvel a mi anni ve tawhlo a, ram pawh pek anni ve tawhlo a, vanmi atana Isua dilchhuah groupte anni. An nun ah Pathian a fir em em a, an mihring theihna in a tlin rual a nihloh avangin chunglam atanga Thlarau Thianghlim a hriakthih(Messia, Anoint) an ngai a, chunglam atanga Thlarau thianghlim lo piangnawnna(Piantharna kan tih) chang tur te anni.
Chatuan nunna, he lei a chang tur erawhchu RINNA avang ngawtin, a duh apiang, a tuihal apiang te tan he lei hi siamthar sak anni dawn bawk, lei khua leh tui tur te anni thung, Adama bawhchhiat hma nun kha peklet leh anni ang, chatuan atan. An tam lam chu mipui chhiarsenloh Bible in a ti thung.
Khaikhawmna:
Pawi ta ber chu, Disciple class requirement leh teaching hi Believer class ah kan tulh ta nghek nghek leh kan fah ta nghek nghek mai hi a ni. Ringtu nuntluang a kal mai tur kha zuitu nun, mahni inphat a, chan vek na kawng a namliam kan tum ta vek mai a, a sawp chu na tak a ni, Setana huntha kan kian nasa ta lutuk a, mi tamtak condemnation ah kan namliam zawih zawih mai a ni.Naupang an phak miah loh tur leh an line nimiahlo zirtir leh pass tir tum chu a pawizia kan hrethiam vek awm e. Pathian in a koh miahloh emaw a kohlohna a kal chuan lemchang nun hreawm em em leh thi reng si a nung hming pu, rahchhuah si loKohhran leh rawngbawltu Pastor, Upa leh Missionary kan ngah ta em em mai bawk a ni.
He mipui class zawk ah hian RAU teh chiam a ngai lo a, a kherkhiap lo reng reng bawk a, Isuan ‘Tupawh’ a tih group, ‘ka nghawngkawl chu a nuam a, ka phur pawh a zang a ni’ ti a a sawmte kha anni, keinin a sawmtu Isua sawmna kalh a Kristian nun kan tih khirhkhan em em lam hi a ni lo reng reng. OT a Juda hnam 11 te nun, secular deuh a an Pathian YHWH rin mai kha a ni. RINLOH erawh pawi vawng vawng tak a ni.
A sei leh ta tho mai. Lo chhiarchhuak hram teh u. 
Similar Posts:
- Kristian sakhua leh Mizo hnam sakhua danglamna
- Thil chiang em em chu!
- Thlarau Khawvel
- Thutak (The Truth)
- Pentecost pualin
June 25th, 2011 at 1:01 pm
Nia
June 25th, 2011 at 1:04 pm
Ka en thuak. Ka save leh phot mai ang
June 25th, 2011 at 1:27 pm
Pu Zoho, hei vang hi a lawm, he leiah hiam Ram inch khat azau pawh ka neih lohva, “Ka commitment neih ang hi tumah nei ve kher turin ka phùt lo che u,” ka tih thin ni. Chutiang bawkin, Thlarau Thianghlimin min chen chilh Nun ang hi min hriatthiam pui tak tak bawk lovang. Thahnem ngai taka Pathian thu ziak thinte in titha e. Tul täwpah lo chuan ka hnial tawh lovang che u.
June 25th, 2011 at 1:58 pm
A va tha lehpek em.
Pathianina vantlang min chhandamna hi Kohhran te hian sawi uar leh zual se ka duh ngawt mai. A thlawna chhandam kan nihna hi engahnge min hlawhchhuah tir an tum leh thin!!!
Pathianin a thlawna phal taka min chhandamna hi Evangelist te hian lo kawmpui tlat suh se.
June 25th, 2011 at 2:26 pm
ka la chhiar ang hnu thawl deuh zawkah. Tha khawp ang le.
June 25th, 2011 at 2:31 pm
keini mipui vantlang ho chuan van ram kan chang pha ve ta lo th na mi le???
June 25th, 2011 at 2:32 pm
He post chu a zia hle mai. Tunlai hian Pathian thu hmanga ei zawng kan tam ta hle mai, heng mi te hian charismatic leadership an nei tha a, mi convince lah ah thiam. Bum tur an hmu ve zel bawk si. Mi ka ti dam thei, blah blah blah te an tia. Hman deuh khan tawngtai dam thei an tih fo pakhat hi na miah lo kha na ang in ka hrilh a, ‘I natna chu a serious hle mai’ an ti mai chu, ka nui chhuak tep. A lunglawm nan, I rawngbawlna vangin ka dam e kan ti lehphei chu a Hallelui ring kher asin! Christian ni lo sakhaw dang ah pawh an lo awm ve tho mai..eg. Sai Baba, Ramdev.etc. American mingo pakhat pawh Mizoram ah a lo kal tawh kha.
Mingo ngaisang tih tak ah kan lo buaipui chung kha.
😉
Ram dang ah te phei chuan sum leh pai , in leh lo ram an nei teuh a, chhiah pek chungchang ah te leh thil dang ah dan an bawhchhiat fo avangin Law nen pawh an in tibuai fo. Mizoram ah erawh chuan kan retheih em a vangin hausak thur thur na khawp chu hmu lo mahse, kan standard a ‘good living’ ang hi an nei pha tho.Mizo te hian heng milem vulh thau hi I sim ang u, duh leh zofa tam ber te ang hian kawla nichhuak chhiar in, a sur a sa hnuai ah,thlan tui far in ei zawng ve rawh se. Nu pakhat pawh Mizoram ah sawisel kai tak sum peipuna lam a rawn din a, a lo luh tan dawn khan Mizo Christian te weakness hria in, marketing strategy leh publicity gimmick fail thei lo a rawn hmang a, Pathian thu chu marketing PR khelh nan a rawn hmang hem mai. Hei lo liam a blasphemy!. Heng ang mihring hi I ngaisang lo ngam ang u. Bible lah duh duh dan in an interpret a ,(even the devil can quote a scripture for his purpose). Isua chuan pindan ril ah inkharkhum a tawngtai tura min zirtir lai in khawpui hmun ualau lai ber ah an au dum dum a. Chawnghei pawh in mi hriat loh a nghei tura Isuan min zirtir lain an chawngei te chu media an puanzar tir a! chute chuan “nangni rul thlah te u†ti in an la huk dum dum a nih chu!..ka OT em aw? 😉
June 25th, 2011 at 2:49 pm
Chu ti chu mizo kristian te hian vanram kan kai dawn lo tih na em ni?? :-O
June 25th, 2011 at 3:02 pm
I ziak tam zawk khi ka thlawp a, chumi nemnghah nan #7 hi ka ring nghal mai ang e. (Y)
“Mihring hi bawhchhe ta lo ila, thi tur a duan kan ni lo, kan cell hi in generate reng tur a duan a ni.” tih lai tak khi:
Mihring/khawvela nunna nei te taksaa cell te hi upat poh leh oxidation vangin tlem tlem in an thih belh zel. Chutiang vang chuan “tar” kan lo ni thin a. Kan upa zel a cell te an inti chak tha leh thei tawh lova an thih belh zel a, mihring pawh dam hun thlengin mual kan liam ve tawh thin.
Kan cell chhungah hian mitochondria a awm a, chumi chuan chakna (energy) ATP an tih chu a siam char2 a ni. Kan lan naupan theihna tur chuan ATP chu nasa taka insiam char2 angai a. Hetiang teh hrep anih vang hian alawm thlai leh theirah ten anti-oxidant an pai hnem vanga ei tura kan intih fo thin ni.
Free radicals an tih chuan kan cell a luhchilh chuan mitochondria khan a tuar a, an thih phah ta thin a ni. Chutiang chuan ATP a ti tlem a, kan lang upa tawlh2 a, kan thi ta thin a ni.
Lehkhabu pakhat, Hyojun Soshikigaku chuan, “: “It is a great mystery how the aging of cells is related to the aging and death of an individual,” te pawh alo ti a nih kha.
Ecclesiastes 3:11 ang ngawt kha a ni chiahlo a nih hmel e.
I khaikhawmna angin, Psalm 119:105 in, “Your word is a lamp for my feet, a light on my path,” a tih hi kan thlarau cell dam reng na tur anih hmel zawk e.
June 25th, 2011 at 3:07 pm
Hriat atana duhawm lo tak a ni e. Mi chaklo zawk te’n an chhiar phei chuan an buai phah ngawt ang le. Hetiang chhui vak vak hi BONA. (N)
June 25th, 2011 at 3:22 pm
Theology pakhat ve mai chu a nih hi.
i sawi “Thuhriltuten a zau huau lam hmangin mipui an sawm lut te te a, an luhkhawm hnu ah kawngka zim lam leh a harsatzia, tih hram hram a ngaihzia an fah leh nghek a. A rah enge, ringtu tlu phengpung an hring ta teuh mai thin a ni. Enge ni a awmzia?”
Kraws kawng hi chu that lam pan zel nun a ni a. A tirah chuan zau takin an hawng a an khalh zim tial tial a; nun pawhin a experience tam tial tial a nakinah chuan famkimna hmuna inkhalh lut tur kan ni.
Martin Luthera ‘universal Priesthood’ nen chuan a va inhlat deng deng ve.
Thianpa, i sawi awmang thiam hle mai mahse traditional Dogma chu a ni chiah lo chu a nia lawm. Ringtu then hran vak khi ka tihna a nia. Tin, believer-ho tan khian ringtu nun i ti nominal lutuk ang tih ka hlauhpui che.
Englekhawle, a famkim lovin kan hriaa a famkim lovin kan hril a-a famkimna a lo thlen hma loh zawng ngaihdan a inhmu vek thei dawn lo a nih hi.
I ngaihtuahna sen ril dan hi a hlu thei khawp maaaai.
June 25th, 2011 at 3:36 pm
“Rinna avanga khawngaihnaa chhandam in ni; nangmahni thawh chhuah a ni lo va, Pathian thilpék a ni; thiltih avang a ni lo ve, chutilochuan miin an chhuang dah ang e. THIL THA TI ATAN KRISTA ISUAAH CHUAN SIAMA AWMIN AMA KUT CHHUAK KAN NI SI A; CHU THIL THA TIH CHU KAN AWMNA TURIN PATHIANIN A BUATSAIH LAWK A NI. (Ephesi 2;8-10). Hei hi Ringtu zawng zawngte tan ani e.
June 25th, 2011 at 3:50 pm
Van kai leh kai loh, thih hnuah nge dam laiin?…khawnge vanram.. khitah mi? nge hetah….
Thui deuh mahse kan chhu lut hram a ni e… kim lo deuhin…
Vanram OR Pathian Ram:
“Vanram tih hi Bible lehlin hmasa lamah chuan ‘Van Ram’ tih ani a;
tunah erawh chuan ‘Vanram’ tiin ziak zawm a ni ta. Vanram tih chu Pathian ram sawi dan chi khat a ni. Aramaik tawnga Thuthlung Hlui an lehlin Targum-ah ‘Pathian’ tih pehhel nan ‘Van’ tih hi hman a ni. Chumi Zui chuan Chanchin Tha ziaktute zinga pakhat Matthaia chuan ‘Pathian Ram’ sawina atan ‘Vanram’ tih hi a hmang ta deuh bik ani.”
“Pathian ram tih emaw Vanram tih emaw hi Pathian rorelna hmun, Pathian lalna hmun tihna ni a. …….
Aramaik tawnga lehlin Thuthlung Hlui bu, Targumah chuan leiah Pathian lokala lalram din tura suangtuah chu an tih dan phung a nih loh avangin “Pathian ram” tih aiin ‘Vanram’ tih hi hman uar tak zawk a ni a.Van tih chu Juda ten Pathian hming pehhel nan an hmang thin a ni…….
Pathian ram lo thleng tur chu Lal Isua zirtirna laipui a ni…….
….Pathian ram chu Pathian lalna leh rorelna hmun tiin kan sawi tawh a……..
Pathian duhzawng tihna hmun apiang hi Pathian ram thlenna angin sawi tur a ni.”
(ref. Zotawng Bible Dictionary, Rev Chuauthuama)
June 25th, 2011 at 3:55 pm
“Chutichuan unaute u, Pathian khawngaihna avang hian, inthawina nung leh thianghlim leh Pathian Lawm tlak ni turin in taksa chu inhlanah ka ngen a che u; chu chu in rawngbawlna awm reng a ni. He khawvel dan ang hian awm suh ula; Pathian duhzawng, a tha leh lawm tlak leh, that famkim chu in hriatfiah theih nan, in rilru athara awmin lo danglam zawk tawh rawh u.” (Rom 12;1-2). Hei pawh hi Ringtu zawng zawngte tana sawi/ziah a ni e. Post tupa ka hnial lova, ka rawn tanpui mai zawk a ni e. Hei aia hniama kan zirtir chuan, “Liberalism” a ni tawh dawn si a.
June 25th, 2011 at 4:10 pm
nastycool#7: hahaha, chu tawngtai dam thei i bawl animaw. 😀
June 25th, 2011 at 4:12 pm
“Engpawh ni sela, in awm dän chu Krista Chanchin Tha nen inmawi phawt rawh se” (Philippi 1;27,28). “Mi zirtute ni rawh u, kei pawh Krista zirtu ka ni ang bawk hian” (1 korinth 11;1). Pathian awm ring lote mit ti del zualtu mai nih i tum lo theuh teh ang u. Mythong sawi ang khian Kan nunah Krista lo Lal theuh se la, kan Zoramah hian Krista a lo Lal leh dawn nia. Kei zawng “Simna tel lo Pian tharna hi ka hre ve thiam lova, “Sual pawisak na nei miah lo, vanram kai tum” hi ka hre ve thiam lo a ni e.
June 25th, 2011 at 4:19 pm
@zoho.. I point 5 na last Sentence..”Mi zawng zawng ringtu a siam leh mi thenkhat an zing atangin zirtir a siam chungchang a ni e, mi zawng zawng zirtir a siam nilovin.” i tih hi a dik chiah em?
Bible ah hian Zirtirte tih hi hman dan hrang hrang chu a awm ngei a, mahse hetiang taka huai hian Bible zirmi kan mithiam ten an sawi ngai loin ka hria. Isua zuitu(ringtu) te hi a zirtirte kan ni vek e.
Chu chu Bible zirtirna a ni zawk lo maw?
“…Chanchin tha buah te hian vawi 230 aia tam mah chu Isua zuitute sawina atan hman a ni….”(ref. Zotawng Bible Dictionary, Rev Chuauthuama)
June 25th, 2011 at 4:22 pm
zoho: I point khatna khi, Adama kha lu bung hmawk khawpin thing ler atangin tla ta pawhnise a thi dawnlo tihna ami. 😀
June 25th, 2011 at 4:26 pm
According to my BIBLE…………..
Hei hi ka innghahna a ni e. Thu dang hi chuan ka rilru a la peng ve lem lo. Ka Bible-a lang lo hi chu ka tuipui peih ve lo ve.
June 25th, 2011 at 4:28 pm
Posttupa, bible khawilaiah mah ringtu van kai tur leh leia kumkhuaa nung tur hi thenhranna a awm leeuh. Lal Isua’n a then hrang lova, apostol te paw’n an then hrang lo. Ringtute chanvo chu thuhmun ani, lawmman erawh a in anglo maithei.
Disciple concept hi i hrfiah lo deuh niin a lang. Ringtute kha disciple anni a, 12 kha apostol tiin Isuan an hming a vuah a ni. 12 te soinan John 17 ah Isuan vankai tur a dilchhuak i tih poh hi a dik lo. Chang bul lam kha chhiar la, Isuan hengte (12 te) tan chauh hian dil ka nilo, an thu la hretu turte tan pawha dil ka ni a tih kha.
Bible in ringtute a then dan kan hmuh chhun chu ringtu chak (puitling) leh chaklo (nausen) anni mai e. Bible zirtirna kal pela thu vavuk mai mai kher kher hi a tha lo.
June 25th, 2011 at 4:34 pm
A dik leh dik loh phei chu ka hre law, pawm a va nuam dawn ve, kohhran thar dinna tlak thurin a ni thei mai lawng maw? :-S NOI
June 25th, 2011 at 4:38 pm
15 @ funny bawl chiang e,a phuan tha duh khawp mai> 😀
June 25th, 2011 at 4:48 pm
Zoho chuh..
Jehova Witness te nen in inkawm nasa deuh a ni lo maw 😉
I ngaihdan hi JW lam awn fe fe ka hmu tam ta khawp mai.
Tun tuma i thil rawn sawi pawh hi Jehova Witness ho zirtirna nen a zulzui kher mai.. an ni chu step khatin an la kal thui hret a.. Thupuan Bua mithianghlim 144,000 te kha disciples i rawn sawi anga, leia cheng tura chhandam nilo, van lawn tur niin an zirtir [i hriat tho phei chu ka ring].
Tun tum chu heti chinah hian ka duhtawk ang e… (B)
June 25th, 2011 at 5:04 pm
PKfanai, i lung a dam chiah si lova, han hnial i hreh deuh bawk si a; i comment-ho(Bible verses) khi post support lo zawng a ni tho bawk si a. I ngaihdan dik tak chu…..
June 25th, 2011 at 5:12 pm
He thil hi Ka zir chiang dawn… A dangdai tlat mai a…post tha tak chu a nih hi..
June 25th, 2011 at 5:23 pm
A tawp lam atangin kan chhang dawn ang e.
@Donald- Nia, JW ho ka chhiar nasa ve tho, Charismatic pawh ka chhiar tho, penticostal pawh ka chhiar tho, mainstream theology pawh ka chhiar tho,thil hi a chiri tawh em avang hian school of thought 1 chauh atang chuan rin ber leh dik ber pawh ka nei tawh lo. Chuan ka hmuhchhuah chu tumah hi an dik famkim lo tih hi a ni. OT zawlnei te zing ah dispensational prophecy tluantling tuma hnen a Pathian in a puang lo ang deuh kha ni ber in ka hria. JW ah pawh rin theih reng reng leh pawm reng reng lo tur pawh ka nei tho bawk,synthesis level ah ka thlir a, a fiah khawp in ka hria.
June 25th, 2011 at 5:30 pm
zirtirna diklo thehdarh i tm chiang. Khitiang te cn hremhmun kal tur an awm nang. Sala
June 25th, 2011 at 5:32 pm
@Art-a – van kai tur leh lei a cheng tur bik a han thenna pawh a ni em em chuang lo, chutiang zawng a ka lo ziak anih pawh ka zaik fiah tawklo a ni e. He lei ah, Isua ho in Kum sang lamram ah Puithiam class leh Khua leh tui class zawk a ni ber. An chang tha bik ah ngaih tur pawh a ni chuang lo, a then van a awm, a then lei a awm lam a nih lo, responsibility a nih zawk mah. Thlan leh ruat bik chu awm teh meuh mai, a mimal ang pawn a thlang a, a hnam ang pawn a thlang bawk. A pumpui ah chuan chang tha bik, duhsak bik leh hmangaih bik lam a a ni miah lo thung, chu chu Pathian mize kalh tlat a ni si a.
June 25th, 2011 at 5:32 pm
24. vakul, Thuthlung hlui zawlneite lo huai sen zia kha ka zir chhuah chu a ni mai e. An nunna Lak nghal theìhna thuneìhna nei an Lal te an han correct pap pap ngam ania tiraw. Kawchhungah a kana min kan hum hum pawhin ti khi ka ngam tawk a ni rih e. 11.a i comment khi ka comment a ni e.
June 25th, 2011 at 5:40 pm
27 @Johnny Ralte – chutia mi? 🙂 . Khawvel population hi 6 billion plus a ni tawh a, christian a inchhal hi 27 % by 2010 ang vel ani a, chu chu 2 billion pawh a tling tawh lo a, kristian a inchhal ah chuan Isua chauh hi kawng leh thutak leh nunna a la RING tlat tu chu an tlem tawh teh mai a ania. Tukin zing ccb ka chhiar ah phei chuan Sweden ah chuan Kohhran member a la inziak si ah 15% chiah in Isua hi zuk ring tawh a, kan tam vak lo maithei a ni. He tah hian Mizo te hi kan la tha em em mai hi a mak in a lawm awm tak tak a ni. He lei ah ringtu nun ah erawh zawng chaurau teh mah ila. World wide zawng in calculate thin teh.
June 25th, 2011 at 5:53 pm
#18 @funny – Pathian thu ah hian i bei funny thei thin. 😀
Nunna tui kan in lai te hian kan hak palh mai ang ah…..
Nunna thei kan ei lai te hian kan hak palh mai ang ah….I zawhna hi ka chhang thiam der lo.
Naupuak laiin min thlauh mai ang ah an ti rilru ngailo ang hian, Isua chuan RINNA ah naupangte ang in nih loh chuan…. min tih kha. Slyness ah i grade a sang, Faith ah i grade a hniam, serious ve deuh tawh la mawle, 🙂 Kan inhre deuh maithei lehnghal a ni si a. God Bless.
June 25th, 2011 at 5:55 pm
zoho @28, post point no. 6
June 25th, 2011 at 5:59 pm
#17 mythong – The Great Commission ah khan …..and make all of them disciples a ti lova,….make all of them to accept my teaching a ti te te a, and make disciples AMONG them a ti zawk a ni. Mi zawng zawng zirtirtu ah lo awm suh u, tiin discipleship hi mi zawng zawng tan a inhawng a nih loh thu pawh kan hmu tho bawk.
June 25th, 2011 at 6:06 pm
#33
Eng bible version nge maw i hman le????
AMONG tih hi nangma belh a ni lo maw?
June 25th, 2011 at 6:10 pm
PK @14 & 16 – zirtirna level hniam ka sawimawi pawh a ni biklo asin. Ka pawmdan ah chuan Ring det det tawh chu a rinawm chho tur a ni a, ka awih ti tu tawh phawt chuan thu a awih tur a ni ngei ngei bawk. Tuna he tia kan awih hleihtheilohna chhan, ring si a kan rinna ah kan than hleihtheihlohna chhan hi chu Spiritual Warfare-topic dang a ni hrih si a, i pawm dan kha ka pawm dan ve tho a nih ka ring mang e. Chhandamna chungchang leh rinna chungchang ka post tawh ah ka ngaihdan chu ka sawi tawh a, lo chhiar chhin teh a. 😀
http://www.misual.com/2011/03/06/rinna-leilawn/
http://www.misual.com/2011/06/12/sunday-sermon-chhandamna-thuahthum/
June 25th, 2011 at 6:11 pm
Chaw ei tui hrih ula.. 🙂
June 25th, 2011 at 6:20 pm
‘chawei tui hrih ula’ ??? 😛
June 25th, 2011 at 6:33 pm
zoho#31: Hman atang khan ka hre ru kar che alawm( ka rin a dik chuan), min hre velo. I rinloh lam daih aniang zirna lamah min motivate daih maia, exam tur zawng nilovin a tuiawm zawng leh knowledge ang zawngin ka zir thin phah ta a, ka hlawkpui hle. 😀
Hmanah ka nau puak a in bin thla a, a ke ah kalo man hman hloh. Lo man hmanlo ta ila a ring lunga a sawh pheichuan a thi daih thei dawn alo ni. Kha daih kha asin. 😀
June 25th, 2011 at 7:31 pm
Ngaihnom khop mai mahse kalsual a va ol don em tiang chuan.
Doctrine ah poh a hmn tlak a nih hmel e a………..ka chhiar nawn leh thin a pre-destine i awn riau a ka hriat chu le????? tiang hi a hlauhawm duh khop a nia.
June 25th, 2011 at 9:04 pm
zoho, I link dah 2 te khi comments ho zawng zawng nen ka chhiar vek a, June 11, sunday sermon khi chu tha ka tih zia pawh ka comment a awm khi. March 6 a i ziah Rinna kailawn pawh ka comment nghal e. Ka rilru dik tak ka sawi bawk. Tuna Mizoramin kan mamawh chu, Sual kalsan duhna tak tak conviction Simna kan tih mai leh nun a krista Lal tir phalna hi a ni e.
June 25th, 2011 at 9:35 pm
@zoho, ka chhiar char2, man fiah ka tum luat ah ka muang mah2 a ni e,voin chu ka hman tlai lutuk a, post lo chhuak treuh lom le,kan bei fat2 ange,ngaihnom hle zel e…….
June 25th, 2011 at 10:08 pm
Hetiang anih te chuan Isua pawh khan Post tupa sawi anga fiah hian lo sawi daih tur a lawm mawle.. kan buai loh na turah kan buai kan buai lo tur ania. Mahse, a rintlak chiah angem aw… :-S
June 25th, 2011 at 10:15 pm
Tun mizo blog update chu ngaihnom hlom iam iam.. O.Ö
June 25th, 2011 at 10:17 pm
ZOHO I thu rawn type chhuah hi thlarau thianghlim pawlna nen a i tih ami?Pathian i dawr hmasa em?Pathian i dawr pawhin chhanna enge i hmuh,Pathian in ti tura atih vang che nge nangma ngaih ve dan mai mai i rawn type?
June 25th, 2011 at 10:21 pm
Post tu pa, tha lehpek khop mai….i link dah ami khi ka lo chhiar miahlo a,kan chhiar chhuak leh hram bok a….chuan,@funny zohna khi keipon a tih ngaihna i hriat bik ka ring lo,a funny viau na a a ril riau…chuan,ka duh aiin Bibble chang i tarlang tlem tlat,i tran na ti nghet lehzual tu ah hmang thin toh ta la..
He lei hi kan chatuan ram a ni don i tihna em ni, a nih si chuan khonge hremhmun/meidil chu a om tak ang??
John 14 : ah khan Lal Isuan kan tan hmun a buatsih thu leh,a lo kir leh a Ama hnen a min hruai a,Pa hnen a kan om ve na tur hmun ruak tamtak om ah chuan min hruai ve tur thu a soi a,a soi satliah lo a,min TIAM BUR asin,a ruat bik te chauh Pa hnen thlentir a nih ka ring lo.
June 25th, 2011 at 11:26 pm
@trueMB – heng thu te hi ka thluak a chambang nizan ka lenna(pizawnte in)atanga post schedeled tlem em avanga online a ka rawn type chawp a ni a, Bible ka keu hmanlo, i tidik reng,ka thiamloh a ni e. Bible kan quote te pawh khi ka own word, exact lo nasa, bung leh chang pawh ka dah ngam loh,ka italicized tawp mai annih khi. Ka tihsual pakhat pawh Art-an a rawn thurchhuah nalh reng khi.
Hremhmun/Meidil maw? Tuna kan rindan hi a diklo bingbilet thuai reng alawm, a sensitive dawn ropui si a, ka la post ngam meuhlo a ni ber hi maw.A sensitive lo lo atangin kan rawn post tan det det a nih hi. 95% khawvel mihring, kristian chauh nilo, sakhaw dang zuitute pawh in an pawmloh tur THUDIK a awm, ka ngam a ngem aw, chawnghilh hian kei aiin a hre ril fe zawk a, amah hi ka ngaichang ru reng a ni.
John 14 cc ah chuan Isua hi a lo kal leh hian enge a tih dawn, khawinge a awm dawn, chu hmun chu khawnge a awm, engtia rei nge ni dawn??? He khawvel hi a ni dawn a lawm, Millenium reign, tah hi chuan kristiante aiin Juda ho an fiah daih zawk, Bawngtlaia, Chhana, Hmingtea, D Auha teho lo zawt mah rawh. 🙂
June 25th, 2011 at 11:46 pm
A ngaihnawm leh viau mai. Inhnialna hi a tawp thei dawn lo a nih hi…. He khawvel ram zau ah hian, he he.
Pu Zoho, han post zel teh khai, chhiar zel ka lo tum ang e.
June 25th, 2011 at 11:49 pm
@kawlniCOlney – Thlarau Thianghlim, Pathian aw a kan ngaihte hi an inanglo thei thin si a…., keima thlirna atang chuan “AW” tiin ka chhang ang che.
Hetiang zawhna vague deuh rawn zawh ai chuan, kan thu ziah hi Bible chang thlemte a kalh em tih nilo, Bible pumpui a kalh em, a mil em tih lo chik thin zawk teh.(Pawm dan sa a kalh em tih emaw, dik emaw kan lo tih pawngpaw tan hlur lovin).
I peih chuan Thlarau Thianghlim chang ah ka ngai ang che a, i peih chuan siloh chuan i changlo tih lo inhrethiam phah hlauh bawk teh.Ka duhsakna che hi i lakkawih loh ka beisei, i duhtuina pawh ka fak, duhtuidan diklo luklak pawh a awm, tute emaw ang a common sense hmanna tur ah pawh a hmangduhlova Pathian rawn thin – Lalpa chaw ka ei ang em, chaw ka bar ang em, ka lem dawn em, ka thaw dawn em, ka inbual dawn em, ka e ang em ? ti te pawh an awm maithei ani. 😀
June 25th, 2011 at 11:58 pm
@ zoho, Eden natna kha corrupted DNA i rawn ti a, thlarau khovel i ron tih te, thlarau thi theilo chungchang te, Anti christ te, khovel hmasa a setana leh a ho te chungchang te, Pathian in min hmangaihna chungchang te, Krista a piantharna chungchang te, chhandamna lam hoi thleng in….i thusawi te hi dik theih dan leh dik loh theihdan a om vek avang in hnial lo in ka en reng a, Bibble thu a nih ang2 in i pom nghal lo tih chu a hriat, i thu kalpui dan hi a nem hret a,pom poh a nuam phian maithei, i chhut peih ka ti a,ka hnialngot lem lo che,han hnialvak che poh hi ka tum lo,a finthlak loh ve thei bok…mahse ka duh khop eroh chu ka hmu bik lo,mak riau chu,i thu ang hi han pom v ka tum hian Bibble nen ka hmehbel a,ka pomlo leh tlat zel..
Hebrai 4 :12-13, “Pathian thu hi a nung a, thil a ti thei a,khandaih hriamtawn engang ai pawhin a hriam a, nunna leh thlarau, ruhtuah leh thling phel hrang khawp hialin a chhun thei a,thinlunga ngaihtuah leh tumte hi a hre nghal thei a ni. Thilsiam ama mithmuha lang lo reng reng a awm lo; kan chanchin kan thlenna tura mithmuhah chuan engkim saruak leh inhawng sain a awm zawk a ni.”
June 26th, 2011 at 12:02 am
@42 Awmawmpuia – I ngaithiam angem aw? Kan sawi chhin ang e. Isua humanity tarmit erawh i vuah ka beisei, Isua divinity tarmit i vuah erawh chuan i hrethiam lovang tih ka ring lawk bawk.
Isua hunlai a a rawngbawlai khan AD 98 a Johana hnen a Van atanga a khuhhawnna kha a fiah tawh zawk a, hun hnuhnung ah chuan Finna(true wisdom pawh)a pung dawn tih sawilawk a ni bawk. Setana’n strategy a ngah chhoh ang zel in Pathian in strategy a hmangchho belh zel bawk ang. A tul dan a zir in tun ai hian a fiah chho tulh tulh dawn tih hi hun hnuhnung a Thlarau Thianhlim mawhpurhna pakhat a ni e.
June 26th, 2011 at 12:04 am
Post.”chawnghilh hian kei aiin a hre ril fe zawk a, amah hi ka ngaichang ru reng a ni.
John 14 cc ah chuan Isua hi a lo kal leh hian enge a tih dawn, khawinge a awm dawn, chu hmun chu khawnge a awm, engtia rei nge ni dawn??? He khawvel hi a ni dawn a lawm, Millenium reign, tah hi chuan kristiante aiin Juda ho an fiah daih zawk, Bawngtlaia, Chhana, Hmingtea, D Auha teho lo zawt mah rawh.”
Phungbawm i sawm ru tlat. Mahni sawi hnawk chu mahni then tur hrethiems.
Han post zel teh. Lo en zel ang.
June 26th, 2011 at 12:10 am
zoho, aw… zoho, nang hi i ho lo, mi turu i ni e! hetiang pathian thu lam ngaihruatna leh zeldinthu satliah ni lo, chhuizauna lam hawi hi engtia i hriat nge? engtia i ngaihtuah chhuah nge? engtia i zir nge? Tu nge i nih?
Chhiar a manhla dap2 e!
June 26th, 2011 at 12:20 am
#49, True M B – I pawm theih nghal vek ten le,hmeichhe thankhat ang a rinna a chaklo Jakoba’n a tih ang kah i ni ang a sin.
Kum tam kan khel, kan ching alawm le.
Tradition, customs leh lo pawmdan sa thiah an har zia mai chu, Isuan Pharisai te a beihna point lian ber pakhat kha a ni reng asin. Chuvanga Isua an huat em em nachhan leh an khenbah tak hial nachhan pawh a ni thui asin.(down to earth deuh in a nia ka sawi, Pathian plan lam sawi lovin).
Jude 10 – ‘mite chuan an thil hriatthiamloh apiang an sawichhe thin’ tih em pawh i nilo a, i ti lawmawm e. Beroia mite ang khan lo chik la, lo teh zel rawh,Bible chang thenkhat atang nilovin Bible pumpui zirtirna atangin, Christianity zirtirna kalsual nasa tak atang nilovin. Inti thlarau mi deuh chu ni ila, tawngtai nasa rawh te kan ti tur, mahse misual mipa rual, kei ka ni inti thah rual ah chuan a ngailo e. I humble phawt chuan, Naupang rinna ang pre-judge mind neihloh chuan Bible hi hriatthiam loh tur a awm lo. Lo ngai hawlo la, kan thu a inmilloh chuan i la hrethiamlo ah ka ngai lo theilo si che a.
June 26th, 2011 at 12:24 am
chhiarchhuah dap ava chakawm veee
….lam na tur chi nih chuan ka la chhiar ang 
June 26th, 2011 at 12:28 am
eh Kawlhawk, zan in i week nange? Nangni ho hi in MI reng bik mai a, ka thik ru riau che u a nia, keini internet kaltlang bak hian kan la MI ve hman mang silo a… min bawl nge min fak, kartawp a ni si a, min tibuai ru riau..
I ti lawmawm reng reng e.
Ka testemony chu a sei awm si, nidang ah le, ka mawl zia leh ka nep zia ka hria, chuvang chuan Pathian thu ril chhuichhuaktu hi keimah ka ni lo tih hi ka fiah khawp mai. Cheers !
June 26th, 2011 at 12:35 am
zoho, nia, kan dam anga kan la MI mawlh ang chu tiraw. Ka bawl lo che a, thinlung takin ka fak zawk che. Ka irawm chhuak atan ka it ngawt mai. Mahse, keini ang dúang tan chuan a teuhin a hnai lo, hetiang thu ziak tur hian… Cheers!
June 26th, 2011 at 12:36 am
hahaha… Vakul leh.., kan nui chhuak huk mai, tunlai Pathian thu kan chaiho chu i lo ril in i lo tui kher mai a. hman ah khan i lo inthup khawp mai a. An hre chiang miau si a, kei hre ber awm a lo awm hi a inthlahrun awm duh zia.
Ka sawi hnawk lo, an mahni an hnawk a ni zawk.
Doctor in kan natna a siam ngai lo, kan natna a sawichhuak a, kan buai thin a ni zawk.
June 26th, 2011 at 12:41 am
@zoho ka zawh na khi a vague vak pawh ka lo hre hleinem,ila chan loh vangin vague angin i ngai mai mai ni lo mo,a chang tak tak ho hi chuan vague an ti ngailo asin,keima thlirna pawh an ti ve ngai lem lo,an chiang thin khawp asin.thlarau thianghlim pawlna chang peih loh an awmdawn mon’le..
I rawn post khi chu Bible lam kaihhnawih a nia,common sense lo hman na chi pawh ani berin ka hre lo,ringtu tha nawlpui vanram an kal dawn maw tih mah lak laiin khawvela cham hlen tir i tum a.Lo haw lo la,nangma logic i rawn her kual vel mai mai anih ka ring and not from Holy spirit
June 26th, 2011 at 12:42 am
@kawlhawk, sure, mahse uisa hi ka ei ngailo a… a tuilo ka ti pawh a ni lo, ka lainat tlat pek a… a posttupa kan OT hmasak ber pek chu a…
.
June 26th, 2011 at 12:47 am
@zoho, Pathian hian min hmangaih vek a,mahse ruatbik/thlanbik erawh hi chu a neichiang tih chu ka pom thlap,ka ngaihdan sa a ni,a hriakthih/thlanbik kan lo nih ve loh avang poh in kan vui thei chuanglo ang..kristian nun hi a khirhkhan lo asin,kan zui Isua hian kan tan,kan torh tur zong2 kha min torh sak vek toh a,thlemna leh sual te hi Amah nen a do dun tur in,trang kop tlat chung a hmachhon turin min ti a,Amah a rinna kan nghah phot chuan,thlemna lak a chhuahna kawng min hawnsak sa diam bok a…
Hebrai 2 : 18, “Amah ngei chuan thlemna tawkin a lo tuar tawh avangin thlemna tawkte chu a tanpui thei a ni.”
Kan thu a inhmu vek lo ang,kan lo rindan (kohhran doctrine etc) vang emaw te a nih leh nih loh chu ka hre thiam mai bik lo,mahse ka chhut ve fo thin,Pathian hi keimah ah chuan ril tak in a inpuan ka hre lo a,ka chhui thuk em2 thiamlo thin bok..mahse Bibble erawh chu ka keu ve zel…Bibble bak a hrilhfiah dawn chuan,kan kohhran upa ngei poh ni se,ka pompui top tur chuan a fiah that ve hle angai ang, nang poh hi a bul ila tran chauh a,a laihawl i thleng trep a, a hmawr i bawk hun ah chauh a acceptable em tih ka judge ka ring…lo ngai haw lo la,Bibble atang bak in ka judge dawn lo,rindan hranpa etc ka nei hrang lem lo ania
June 26th, 2011 at 12:48 am
@kawlniColney(ka hnampui i nih ngat, kei chi R.K.Chalbawk
)
A nih leh tutenge lei hi luah dawn? Bible ah a inziak chek chuk si a? Kum sang lalram hi khawi ah nge a thlen dawn? Engatinge Thupuan ah pathian in Lei thar a siam? Tuman an luah dawn tawh silo a i ngaih si chuan?
Han chhang ve lawks.
June 26th, 2011 at 1:06 am
@PK i comment chu ka lo va chhiar ang e.
zirtirna dik leh diklo chu a written ah en loh tur Isuan a tih kha, a rah ah en tur a tih kha. Mizoram hi en mai mai teh ang, politics, moral, economic, value system,justice,rinawmna, hmangaihna, adt adt, a kalsual nasa tih hi a hmutute kan ni e. Kristian 90% awmna, kan rah atanga teh chuan kan kalsual tih hi pawm ngam a hun e. Nge a rah kan tih hi Kristian nun leh ethics lam ni lo, Biak In lian, thawhlawm tam, fashion leh music?
@ malsta – ka pre-destined lo nasa.
June 26th, 2011 at 1:12 am
@zoho, he lei ah hian kan om/cham hlen dawn lo niin a lang…
I Thessalonika 4 :16-18, “Lalpa ngei chu au thawm nen, vantirhkoh chungnungber aw nen……..tin,Kristaa thi tawh te chu an tho hmasa ang a; chu mi hnuah chuan keini nunga lo la awm rengate hi boruakah Lalpa hmuak turin anmahni rualin chhumzingah te khian lak chhohvin kan awm ang; chutichuan kumkhuain Lalpa hnenah kan awm tawh ang. Chuvangin heng thu hian inthlamuan tawn rawh u.”
John 14 a Isuan kan tan hmun a han siam kha Thupuan 21 a Lei thar leh van thar a tih hi a nih hmel, van hmasa leh lei hmasa (tun a kan om mek na hi) chu an boral tih kan hmu bok..
Thih hnihna kha hmaih tel lo bok la o..
June 26th, 2011 at 1:33 am
@zoho, rawn chhang zel teh….i lo ngaichang zel ang..
June 26th, 2011 at 1:48 am
True Mizo – Lalpa Hmuak tur in tih a nih khi, lokal alawm kan hmuah thin le, He lei ah a hnen ah kan awm dawn thu a ni zawk e. Coming na na na….
Isuan he lei ah hian a ram rawn din dawn tih hi i pawm em aw? I chhanna a zir in kan sawi zau dawn nia.
Thih hnihna cc ah chuan Genesis atanga Thupuan symmetry thiam a ngai. Adam kha bawhchhe lo se, a thi lovang, a thih loh chuan spiritual realm ah a kal lovang, Isua in Adama bawhchhiatna a thaireh tih hriatthiam a ngai.
June 26th, 2011 at 2:20 am
Mitdel paruk chuan Sai chu enge a nih reng tih fiah an tum a….
Mitdel 1-na chuan Sai pang leh leh dul vel chu a khawih a, “Sai chu bang sang tak ang mai alawm le a nih”, a ti a.
Mitdel 2-na chuan Sai ngho sei tak chu khawih fuhin, a hriam in a a mam tha nasa mai si a, Sai chu Fei zum tak niin a hria a.
Mitdel 3-na ve thung chuan Sai Nawn (trunk) a khawih fuh a, Sai chu Rul lianpui niin a hria a.
Mitdel 4-na erawh chuan Sai chu a khup(knee) bawr vel a khawih fuh a, Sai chu Thing kung lian tak niin a hria a.
Mitdel 5-na chuan Sai beng lian tak mai chu a khawih a, Sai chu Fan lian tak niin a hre thung a.
Mitdel 6-na vet hung chuan Sai mei chu a khawih a, Sai chu hrui(rope) mai niin a hria a.
Tichuan an paruk chuan Sai an hriat dan chu an sawi khawm ta a, an inhnial ta luih luih mai a, tumah chuan an tanhmun chu an sawhsawn duh lova, An zavai chuan an An sawi dik famkim lo vek tih pawh chu an hre chuang lova.
Tiang vel hi kan dinhmun vel chu niin ka hria, chu ta chhapah, a siam te kan la ni zui a nia. Hre ber kan awm lova, khawih lian deuh bik erawh kana wm chiang.
June 26th, 2011 at 2:44 am
beethugs2 – i va rawn thlawh fuh ve a… ka sawi hual, ka lo theihnghilh a nih hi..hehe…. dik chiah… kei hi mitvar mitdel 5 te kaitu kha ka nia….
Hei vang hian alawm thil reng reng hi a synthesis level, a big picture, a pum a a lan theihna atang hian thlir hian a fiah ber kan tih chu le. Bible pawh chang pakhat ah alo inziah sawi vung vak a, Bible hmun dang a chang tam tak a kalh pawn kan tang tlat thin ni. Genesis atanga Thupuan inlalawm hi man thiam loh chuan dik inti deuh hian a dikloh reng theih.
Hnai deuh atanga en in, ka fapa in chutiang a ti lovang, a teuhlo lutuk an tih pang pang hian an thenawm te tukverh atang hian fate drugs leh sex a an inhman nasat zia hi a lang fiah duh khawp mai. Hei hi a nia kan prejudice leh kan bias na chu, kan duhdan a nih loh chuan kan mind hi kan khar tlat zel.Pawm dan sa a rawn sut hian kan chapona hian a lo bengper zel.
Mizoram dinhmun diktak pawh hi a chhung a cheng, a vawng vuantu te hian an hmu dik hleithei thinlo, ram pawn atang hian a fiah duh zawk daih, ram hmangaih pawh hi a na duh zawk daih a sin.
Kohhran leh pawl reng reng pawh hi a chhung a a kul a tai a inhmangho hi an vai thei, pawn lam hla deuh atanga thlir hi i zir fo ang u. Ngam a ngai, chawlh pawh a ngai, hei hi a nia sipai in retreat an tih, battlefield atanga han tawlh hnun hian hmelma te hi an fiah zawk fo thin.
June 26th, 2011 at 5:07 am
OT a Juda hnam 11 te nun, secular deuh a an Pathian YHWH rin mai kha a ni. RINLOH erawh pawi vawng vawng tak a ni….Judate P-thian YHWH(yoy-key-vav-key) rinmai hi iti leh bawk si a.Hriatthiam ava har teh neih nuaive..
Zawhna kan zawtve mai2 teh ang che??Nih leh thuthlung hlui/thuthlung thar kan tiziah a.Thuthlung hluiah chuan Israel fate Lalpa Pathianin amah ngeiin adan leh thu a rawn thlunpuiin mipui zawng2 chuan amen an tiin an in pawm tawnin an in amen tawn a.A thuthlung hriatpuitu atan pawh lei leh van asawm hial a.Hemi Israel fate hnena thu athlun bak hi kei chuan Pathian hian hnamdangte israel fate anga athlun puina hi ka hmuve miah lova.Min lo hrilh chiang thei em?
Tin,thuthlung hlui kan han tingawta Pathian hian thu alo thlung thar leh reng2 em ni?Paul’an thuthlunghlui chu demin awm suh se thlun nawn angai lo tur ati ri ngawta.Pathian in a thlun nawn lehna a awm tawh chuang silova hei hi chu rawn hrilhfiah deuh teh.A hnam thlan Israel fate bakah hian a thlung lovem ni??Han ngaihtuah chiang vang2 bawk la.Tin,Lalpa Pathianin a thu lo thlun tawh kha Paula isua zirtir mai khan a rawn sawi danglam theih chi ani ngawt em ni?
Post tha tak ani..Chiangfaka ziak nen meuha ka zawhna hi min hrilhfiah thei in awm chuan lawmawm khop mai..ka buai teh mai ania..
June 26th, 2011 at 8:54 am
@zoho #46:
Annihilation, hellfire/eternal torment chungchanga i sawi dan tur chu hriain ka inhria. Mahse a tha ang em? Mizote hi rilru nghet lo tak hnam leh thil zirchian taima vak lo kan ni si a. Tradition-in a lo zirtir dan hi chu ka pawm hauh loh rualin chhandam lohte destiny hi chu hellfire in a picture ang tho hi chu a nih ka ring. TAH LEH HA THIALNA Isuan’n a tih ang khan.
Ka sawi awmzia chu i hriatthiam ka ring. A concept hi hyperbole anga ziah pawh nise, metaphor anga hriatthiam chi niin ka hria. I ngaihtuah atana ka duh pakhat chu tradition zirtirna anga kan pawm chung pawh hian suicide rate hi heti khawp hian a sang chak a ni a, i doctrine pawmdan hi a message hre fuh miah silo in pawm ta duak mai ila …
Pathian chhandamna thilthlawnpek lo hnawl tute tana a pawi tur zia hi hringfa ten’a kan hriat thiam dan turin Johana kha Pathian hian Thupuana a ziak anga ziak tur khan a lo inspire a, Kohhran pawhin a lo chhawm nung ta zel a ni thei ang em?
Ringtu puitling leh Pathian thu ril ngaihven tak, a thil hriat leh zir ang ang au chhuah pui phawng phawng ngai lo, mi zawng zawng tana tha tur ngaihtuah fo hnenah lo chuan hetiang hi chu khek rih tha in ka hria. Khawpui ri te thusawi pawh Johana kha sawi lo tura tih a nih kha maw !!
June 26th, 2011 at 9:04 am
Nizan ka mumangah ka lo hmu lehnghal che a …
June 26th, 2011 at 10:16 am
26
zoho Says:
“OT zawlnei te zing ah dispensational prophecy tluantling tuma hnen a Pathian in a puang lo ang deuh kha ni ber in ka hria”
Hei hi kei pawh a dik ka ti. School of thought hrang hrang bihchian pawh hi thil tha tak a ni. Disadvantage pakhat erawh chu Bible study a ti thuanawp thei!
Dik takin mihring pangaiah chuan school of thought pakhat ringawt pawh han concentrate chuan Bible tih takzeta chhiar hi a harsa em em a ni. Break laka Bible study neih hi ka tih dan pawh a ni reng a ni. Balance thiam a ngai tak zet.
June 26th, 2011 at 2:09 pm
@zoho, Isua Krista hian he lei ah hian a Lalram chu ropui takin a ron din leh ngei ang tih chu ka ring,a din dan tur tak erawh ka ngaihtuah thiam mai lo.. mahse he lei ah hian kan om kumhlun don lo niin ka ring, taksa thohlehna a om anga, Krista silhfen belin kan om anga, Van ah Krista hnenah hruaiin kan om ve ang..Leithar leh van thar luah tu tur te kha kan ni ang….He lei chauh hi kan om na tur ni ta se khawnge Hremhmun/meidil (tah leh ha thialna) kha a om tak ang,kum sang lalram hi kum sangkhat tur a ni bok si.
Heng thil ka ngaihtuah avang ringot hian i thusoi hi a rintlak lohna ka hmu em2 chuang lo, mahse han soifiah zel phot ila…
June 26th, 2011 at 8:09 pm
comment #68 na ka zawhna chu tuman chhang lem lo ani maw?/min han solve sak thei in awm em aw??ka rilru abuai deuh riau ania..
June 26th, 2011 at 8:37 pm
@ zodaifim #73:
#68-a i zawhna khi Posttupa i zawhnaah ka lo ngai deuha, tupawn chhan i phal bawka, chhan che kan tum ang e.
“Pathian hian thu alo thlung thar leh reng2 em ni?” tia i zawhna chu AMAH Isua hi ka’n chhan tir ang e..
Tin, zanriah ei zawhin chutiang bawkin no chu a la a, “He no hi ka thisena THUTHLUNG THAR chu a ni, in aia chhuak tura chu — Luka 22:20
Thuthlung Hlui chu Sinai tlanga Israel-te hnena Mosia hmanga Pathianin thu a thlun kha a ni a, Thuthlung Thar chu Isua Krista hmanga Golgotha-a (calvary tlang?) Pathian thuthlun kha a ni e.
June 26th, 2011 at 9:02 pm
#73 : A fiah tha tammmmmmmmmm
@74 : 
June 26th, 2011 at 9:32 pm
A va tam ve rin ai in ……. a thu ka man lovang tih poh hlauhom mahse pre-destine i awn na lai a te chu point 3 atang khian classification9Rawngbawl tu) i ron siam chiah a, a hnulam khi chu chumi soifiahna a ni tawh zawk in ka chhiar, Pathian in puithiam te a ruat lawk thu leh dah hran an nih thu a kha ron thlur bing tumna lai chang a ni e, pre destine ring ho chang hman thenkhat i ron hmang nual bok…… i intention chu a dang daih maithei e……..
Kan chhiat tohna tamtak i sawi a khi chu a dikna chen tam tak a awm ka ti……(Y)
.
June 26th, 2011 at 9:39 pm
@zoho, helam ah i post i vil thra lo ania, soi tur a tam leh toh viau ang, han chhang zel la maw le..
June 26th, 2011 at 9:51 pm
Post a invuakthuah hnem tawh si a, in la rawn ti zel a, in tilawmawm khawp mai. Khawnge kan tileh dawn ang e.
@True M B – Bible i dah sang,judgement siamna atan Bible chauh hman i tum tih i sawi bawk a, i ti lawmawm, ka fak ang che.
Mahse, demna che erawh ka nei, dik taka thil i teh dawn chuan i tehna tur Bible chu bel hle phawt rawh, judgement i siam hma in, chutilochu i judgement a dik thei nang. Topic langsar kumsang rorel leh leithar ah pawh i awn lam a la chiri hrih tlat,comment 63 leh 72 atanga han en hian
June 26th, 2011 at 10:02 pm
Nia, malsta- predestination i rawn tih khan mi zawng zawng hi predestined kan ni tih Calvin-a te ho rindan kha i mean ah ka lo ngai deuh ngawt alawm mawle, ka ring lo nasa mai si a
Mi thenkhat, mi tlemte ruatbik chu ka pawm khawp mai, Bible in sawi chiang miau hek. Entirnan, Samsona, King Cyrus-a,Baptistu Johana, Mosia, Josefa, Isua, Paula leh adt. Mipui nawlpui erawh kanni lo. Hringnun erawh hi chu pre-programmed/formulated a nih ka ring.Computer game pre-programmed/formulated kan khel ang hian, kan decision,faith,deligent,skill, adt, adt inchenloh vanga danglam thei ang hian.
June 26th, 2011 at 10:18 pm
@zodaifim, i zawhna khi ka la ngaihtuah loh lam a va ni ve.Ka hriat loh te pawh i rawn sawilang nawlh nawlh mai a. Ka hlawkpui letling, i zawhna khi. Donalda chhanna che khi a dik reng tho alawm. Tlem erawh akn thailang ve. Old leh New Testament kan ti hi hnial duh tan chuan hnial theih deuh mai a ni reng asin. A bik in Juda ho tan chuan pawm chi rual a ni lo. Chuvang chuan mi thenkhat chuan Bible pawh hi Hebrew Bible,Christian Bible tiin an sawi ngam tawk reng asin.
Analytical level ah chuan Bible ah hian thuthlung (Covenant/Testament) a chhiar tur a awm nual ang.(Eden thuthlung,Nova thuthlung, Abrahama thuthlung,Mosia thuthlung,Davida thuthlung, Isua thuthlung ang zawng te pawh in).
Synthetical level ah erawh chuan Bible pumpui hi Covenant pakhat, dispensation hrang hrang a then ang pawh in a sawi theih tho bawk.Ka chik loh lam a ni a, ka chhang fiah zo che in ka ring lo mang e, sorry. Kan google a, a tam mai ah….i tui zawng a nih chuan….
https://www.preceptaustin.org/c....._bible.htm
June 27th, 2011 at 2:54 am
in chhang liam2 ka lom e..Mahse ka hmin zo lo in chhan ah khi chuan athiam deuh hlek leh ril zawk zawh angaiin ka hria misual.com mai lo deuh ah..zoho Abraham,Isua,Davida thuthlung a awm ngai lova Pathian in an hnenah thu athlung zawk mai ani lo maw?Abraham hnena athuthlunte,Isua hnena athuthlunte kha a tidanglam chuang hlei nem…Isua zirtirna kalpui dan poh kha thuthlung hlui dan ani tlangpuia mahse azirtirte zawk khan an lo siksawi deuh zeuh2 ani zawk mah in ka hria..Thuthlunghlui leh thuthlung thar inkar hi ka buai ta riau mai..Lal isua zirtirna leh asawi anga kal dawn phei kha chuan paulate,a zirtirte ang lo takin JUdate dan an thuthlung hlui ang zelin akal bawk si a..
June 27th, 2011 at 3:18 am
@zodaifim- I thusawi dan hi ka manthiam lo deuh tlat mai.Thuthlung hi ka la khel loh lam a ni pek a, ka weak ka tih lawk reng khi. Link ka dah khi i chhiar em aw?
Thuthlung chu Pathian leh mihring inkar a ni a, mihring in proposal kan neive phalo,Pathian in promise/offer a rawn siam a, chu chu mihring in amen a lo tih chuan thuthlung ang a sawi theih a ni ang chu. Equal term leh round table a mahni duhdan lam la lian ve rual kan ni si lo. Adama,Nova,Abrahama,Davida ten thu an thlung lova, an hnen ah Pathian in offer a rawn siam a, amen an lo tih chuan an mahni hming chawiin Abraham thuthlung, Nova thuthlung, Davida thuthlung tiin mihring in teminology an lo phuah ve mai a ni.
#68 a i rawn sawi Israel te hnen a thuthlung i rawn tarlan pawh a chung a ka sawite ai a a ropui leh a chungnun bikna a awm ka hre miahlo.
Hei bak chu thuthlung cc ah ka hriatna in a tlinlo, lo zir chiang la, rawn post ve ngei ang che.
Thil rinhlelh rilruk deuh ka nei a, i rinna chungchang ah, chu chu min zawt dawt law law la?